Skodje kommune Teknisk avdeling

Transkript

1 Skodje kommune Teknisk avdeling Sak 22/16 Arkivsak nr: 14/961 Arkiv: Sakshandsamar: Ingunn Stette Sak nr Utval Møtedato 17/16 Det faste planutvalet /16 Kommunestyret REGULERINGSPLAN FOR BRITPLASSEN - DEL AV GNR.17 BNR SKODJE INDRE - GODKJENNING Det faste planutvalet Handsaming: Samrøystes innstilling i samsvar med rådmannens framlegg. Innstilling/vedtak: Kommunestyret vedtek med heimel i plan-og bygningslova 12-12, reguleringsplan for Britplassen del av gnr.17 bnr.1, slik den ligg føre med plankart, reguleringsføresegner og planomtale, datert på følgjande vilkår: Regulert turveg skal ha status som gang og sykkelveg i plankart og føresegner, og skal planleggjast og byggjast ut slik at den kan nyttast til heilårs gang- og sykkelsamband i ein breidde på minimum 3 m. Gangvegen skal planleggjast og opparbeidast saman med øvrig teknisk infrastruktur i feltet. Dette vedtaket kan påklagast til fylkesmannen i Møre og Romsdal innan 3 veker frå melding om vedtak er motteke i samsvar med forvaltningslova 28. Eventuell klage bør grunngjevast og sendast Skodje kommune til førebuande sakshandsaming. Kommunestyret Handsaming: Teknisk sjef orienterte. Desse tok ordet: Karoline Stette. Samrøystes vedtak i samsvar med det faste planutvalet si innstilling.

2 Innstilling/vedtak: Kommunestyret vedtek med heimel i plan-og bygningslova 12-12, reguleringsplan for Britplassen del av gnr.17 bnr.1, slik den ligg føre med plankart, reguleringsføresegner og planomtale, datert på følgjande vilkår: Regulert turveg skal ha status som gang og sykkelveg i plankart og føresegner, og skal planleggjast og byggjast ut slik at den kan nyttast til heilårs gang- og sykkelsamband i ein breidde på minimum 3 m. Gangvegen skal planleggjast og opparbeidast saman med øvrig teknisk infrastruktur i feltet. Dette vedtaket kan påklagast til fylkesmannen i Møre og Romsdal innan 3 veker frå melding om vedtak er motteke i samsvar med forvaltningslova 28. Eventuell klage bør grunngjevast og sendast Skodje kommune til førebuande sakshandsaming. VEDLEGG: 1. Forslag til reguleringsplan for Britplassen, del av gnr.17 bnr.1 Skodje indre, datert Trafikkvurdering Britplassvegen X fv 104. Rapport frå Rambøll, datert Satksutgreiing og vedtak i FPU-sak 71/15, frå ,vedkommande offentleg høyring 4. Saksutgreiing og vedtak i FPU-sak 35/14, frå , med løyve til oppstart av reguleringsplanarbeid. 5. Tilleggsvurdering frå Statens vegvesen, datert Jan Helge Otterstad Strømmen, datert her Fellesuttale frå bebuarar i område, datert her Uttale frå Møre og Romsdal fylkeskommune, datert Uttale frå Statens vegvesen Region midt, datert Uttale frå Fylkesmannen i Møre og Romadal(vert lagt fram i FPU-møte ) KORT SAMANDRAG AV SAKSUTGREIINGA: Stavseth & Lervik arkitektar AS har på vegne av Vågshøgda AS og grunneigar, Åse Midtlid Vadset, utarbeidd reguleringsplan for del av gnr. 17 bnr. 1. Planområdet ligg på nordsida av fylkesveg 104 ved avkøyringa til Solnørdalen. Føremålet med planarbeidet er å legge til rette for utbygging av nytt bustadområde på Britplassen. Planforslaget er i stor grad i samsvar med planlagt utbygging, slik den var vist i reguleringsplan for Skodjevåg, godkjent Forslag til reguleringsplan legg til rette for oppføring av 15 nye bueiningar, derav 7 einebustader i BF1 og 4 tomannsbustader i BF2. Det er vidare planlagt m.a. tilkomst, leikeareal og friområde. Storleiken på det planlagde utbyggingsområdet er om lag 12 daa. Området ligg nord for fylkesveg 104, og i tilknyting til eksisterande bustadfelt i Skodjevågen. Innhaldet i planforslaget og planprosessen er gjort nærare greie for i vedlagde plandokument og i saksdokumenta frå kommunen si handsaming av oppstart og offentleg ettersyn. SAKSUTGREIING: Det er i samband med offentleg ettersyn kome inn merknader til saka frå berørte naboar i området. Innhaldet i merknadene er gjort nærare greie for her. For fullstendig oversikt over innhaldet i desse,

3 viser eg til vedlagde brev frå partane. Tiltakshavar har i eige brev, datert , kommentert dei innkomne merknadene. I samband med at planforslaget vart utlagt til offentleg ettersyn i oktober 2015, vart det feil ved den elektroniske utsendinga, slik at nokre av høringspartane ikkje fekk dokumenta tilsendt. Dette er naturlegvis beklageleg, men det har lukkast kommunen å nå dei ulike partane og få tilbakemeldingar på planforslaget i samsvar med kravet i plan- og bygningslova. Uttale frå Fylkesmannen i Møre og Romsdal vil ligge føre, når kommunen skal handsama saka. Jan Helge Otterstad Strømmen, har i sin uttale, datert her , vist til at Britplassvegen, frå kryss Høgevegen til ende mot Jensplassen, ikkje er bygd i samsvar med gjeldande reguleringsplan. Britplassvegen smalnar inn frå kryss mot Høgevegen, og er ved passering av Strømmen sin eigedom(gnr.17 bnr.123) om lag 4 m asfaltert breidde, og ved passering av Britplassvegen 17 om lag 3.4 m. I tillegg er det ikkje møteplassar langs denne vegen. Strømmen viser til at mangel på møteplassar medfører at private innkjørsler vert nytta til dette føremålet. Nytt bustadfelt vil innebere 15 nye bueiningar, og vil medføre ei trafikkauke som i følgje Strømmen ikkje er forsvarleg her og vil kunne medføre farlege situasjonar. Strømmen peikar vidare på dagens trafikkmengde frå Skodjevåg mot Solnørdal, og peikar særskilt på at Plassebakken barnehage genererer ein del trafikk i området. Det vert vidare vist til at det er ein stor andel trafikk til utfartsområda, m.a. av brukarar av Apalvikstølen samt stølar og skiløyper i Ørskog kommune. Strømmen nemner også industri og tungtransport, som opplevast som ei utfordring på strekninga særskilt på vinterstid. Ein rår elles til at det vert gjennomført ei trafikkteljing, og at det utførast sikringstiltak i kryss mot Plassebakken barnehage. Strømmen peikar på at fylkesvegen mot Solnørdalen ikkje er forkjørsveg, og at det er lite respekt for gjeldande vikepliktsreglar, noko som medfører situasjonar i fleire av avkjørslene i området. Fartshumpar i området er i følgje Strømmen ikkje bygd i samsvar med vegvesenet si handbok, noko som medfører slitasje på både bilar og vegar. Strømmen viser til at vegane i bustadområdet er i dårleg stand, og meiner at dei ikkje vil tole auka trafikkmengd og ein anleggsperiode. Merknaden til Strømmen knyter seg elles til kravet om arkeologisk undersøking og plassering av transformatorstasjon. Avsett område for transformatorstasjon er i følgje Strømmen m.a. bratt, har mykje snø og det kan vere fare for at bilar treff denne. Han rår tiltakshavar til å vurdere ei alternativ plassering. I eit fellesinnspel frå bebuarar i Britplassvegen, datert her , inneheld kommentarar til det framlagde reguleringsforslaget. Tilkomst med bil via Plassebakken: Bebuarar i området peikar på at det skjer hyppige bilulykker og utforkøyringar ved avkjøringa frå fv 104 til bustadfeltet. Ein meiner difor at Plassebakken og kryss med Britplassen, må utbetrast før ein aukar trafikkmengda i området. Det går også tungtransport på strekninga, til industriområdet i Furlia. Risiko for ei alvorleg ulykke aukar når trafikkmengda aukar, og grunneigarane i området peikar på at gangfelt ikkje er utbygd i samsvar med reguleringsplan frå Vegbreidder og siktsoner er ikkje tilfredsstillande, og det må gjerast tiltak dersom trafikkmengda vert auka. Tilkomst til kollektivtransport: Bebuarane viser til at utviklinga dei sist åra har gått mot at kollektivtransporten ikkje går inn i bustadområde, slik det var i Ein peikar på at den nye reguleringa langt på veg er eit steg i rett retning, men at det kan bli betre. Gangsti mellom Britplassvegen og Jensplassen er regulert, men framleis ikkje utbygd. Ein meiner vidare at Veg 1 bør

4 omregulerast til gangsti frå Britplassvegen, og at det børe etablerast gangsti langs friområdet/bekkefaret som tilkomst til busshaldeplass ved fylkesveg 661. Grøntareal og leikeareal: Det er planlagt nytt leikearel i planområdet, og ein viser til at det allereie er to leikeareal som ikkje er heldt i hevd i bustadområdet. Bebuarane ønskjer at det vert etablert gangsti/turveg i området, og at ressursane vert prioritert til dette føremålet. Byggeline langs Britplassvegen: Bebuarane i området peikar på at det i forslag til reguleringsplan kan synest som om det er planlagt 3 etasjar bygningar med pult-tak mot nord. Ein meiner at det bør etablerast felles tilkomst for tomt 1 og 2, samt for 3 og 17/129. Då kan bebyggelsen langs Britplassvegen trekkast lenger sør, slik at det vert lettare å brøyte og at ein får færre avkjørslar. Ein peikar vidare på at det er vesentleg brattare i området sør for Britplassvege, enn det illustrasjonen frå konsulenten viser. Kryss til Britplassvegen: Det er planlagt tilkomst til det nye området via ei bratt stigning opp mot Britplassvegen der det også er tilkomst for to eksisterande bustader i same kryss. Det vert peika på at løysinga ikkje er god, særleg om vinteren når vegen er glatt. Bebuarane i området meiner at det med litt velvilje kunne etablerast innkøyring til feltet direkte frå fv 104, og i staden etablerast gangveg opp mot Britplassvegen. Området Britplassen og området i botnen av Plassebakken burde takast med når fylkesvegen skal omregulerast, og eit godt samarbeid her kan gi betre resultat enn det som ligg i løysinga frå Gitte dispensasjonar langs Britplassvegen: Det er i følgje bebuarane i område gitt ei rekke dispensasjonar for bygging langs Britplassvegen, og det kan synest lite sannsynleg at regulerte vegbreidder og gangstiar i reguleringsplan frå 1978 kan realiserast utan store private inngrep. Kryss mellom Britplassvegen og Høgevegen er ikkje bygd i samsvar med reguleringsplan. Bebuarane i området har oppsummert sin merknad, og meiner at forslag til reguleringsplan er lite gjennomtenkt slik det ligg føre. Det nye forslaget er i hovudtrekk som den gamle planen. Det vert her referert til handbok N100, der det står at «ved planlegging og utbygging av vegnettet skal arealbruk og vegfunksjonar vurderast i eit 20 års perspektiv. Forventa trafikkutvikling skal kartleggjast for alle trafikantgrupper». Tiltakshavar ønskjer her å bygge ut området, før fylkesvegen er utbetra. Statens vegvesen viser i sin uttale til forhold på fv 104, og peikar på behovet for utbetring til to-feltsveg med gang- og sykkelveg. Det vert vidare vist til at Statens vegvesen, ut frå trafikktryggleiken og trafikkavviklinga i området, ikkje tilrår at det vert etablert fleire bustader i planområdet før vegstrekninga vert utbetra. Bebuarar i området ønskjer ny busetnad i området velkomen, men etterspør heilskapen i høve til eksisterande busetnad og trafikksituasjon. Ein meiner at dette med enkle grep kan forbetrast, og at det kanskje er høve til å få eit meir attraktivt område både for nye og gamle bebuarar. Ei samankopling mot Jensplassen er også viktig med tanke på tilkomst til busshaldeplass og kollektivtransport. Skodjevågen er eit attraktivt turområde, m.a. med tilknyting til Dragsundet og Ivar Åsen råsa i sør og friområda i aust mot Solnørdalen. Bebuarane i området meiner at det bør leggast til rette for alle trafikantar og bebuarar, og viser til at dagens løysing ikkje er optimal. Ein opplever at naboar må gå fleire hundre meter for å besøke kvarandre, og at vegane i bustadfeltet ikkje er tiltenkt gåande. Stavset & Lervik arkitektar AS har kommentert merknader frå berørte partar i området i eige brev, datert Ein viser her til at planen er utarbeidd i samsvar med vedteken arealbruk, og peikar på at Statens vegvesen legg til grunn den vegløysinga som er presentert i gjeldande reguleringsplan. Tiltakshavar konkluderer med at plan frå 1978 har lagt til rette for eit trafikksikkert og funksjonelt vegnett for heile planområdet, og at Statens vegvesen har rådd til at reguleringa baserer seg på denne løysinga. Tiltakshavar viser elles til at det er gjennomført arkeologisk registrering, og at område for

5 transformatorstasjon er hensiktsmessig plassert i området og sikra med sikringssone. Møre og Romsdal fylkeskommune har i sin uttale, datert , merknader til planomtalen. Planomtalen skal i størst mogeleg grad vere ei nøktern og objektiv skildring av planen sitt føremål, løysingar og verknad. Fylkeskommunen saknar eit eige avsnitt om planen sine verknader, noko som er eit av hovudpoenga med planomtalen jf. PBL 4-2. Planen er avgrensa og lite komplisert, og fylkeskommunen vel difor å ikkje reise motsegn, men rår til at planomtalen vert noko omarbeidd før vedtaket vert fatta. Fylkeskommunen har elles ikkje vesentlege merknader til at planforslaget vert eigengodkjend. Statens vegvesen Region midt har uttala seg til saka i brev, datert I høve til behovet for areal til utbetring av fylkesvegen, med tilhøyrande gang- og sykkelveg, peikar Statens vegvesen på at det er positivt at byggegrensa langs vegen vert endra frå 12.5 m til 15 m. Det er vidare positivt at det vert regulert inn ein gangforbindelse gjennom området. Rådmannen si vurdering: Forslag til reguleringsplan legg til rette for oppføring av 15 nye bueiningar, derav 7 einebustader i BF1 og 4 tomannsbustader i BF2. Det er vidare planlagt m.a. tilkomst, leikeareal og friområde. Revidert utkast ligg føre her, datert Rådmannen har i den vidare saksutgreiinga konsentrert sine vurderingar av dei forhold som gjeld planlagt tilkomst via fylkesveg 104 og Britplassvegen. Innspela til planforslaget er gjort nærare greie for innleiingsvis i denne saksutgreiinga, og fullstendige merknader ligg ved saka som eigne vedlegg. Det er gjennom perioden med offentleg høyring reist ein del spørsmål til vegnett, og særskilt tilkomstløysinga som er valt for det planlagde bustadområdet. Spørsmåla som er reist, går i si heilheit fram av vedlagde brev m.a. frå berørte partar i området. Når ein her har planlagt tilkomst til feltet, bygg tiltakshavar sitt forslaget utelukkande på planforslaget frå Det har vore viktig for kommunen å klargjere problemstillingane omkring eksisterande tilkomst via fylkesveg 104 og kommunevegen(britplassvegen). Rambøll har difor, på vegne av kommunen, utarbeidd ein rapport(trafikkvurdering) som belyser utfordringane på strekninga og kjem med konkrete forslag til utbetring på kort og lang sikt. Rapporten som ligg ved saka, datert , vurderer eksisterande kryss mellom fv 104 og Britplassvegen. Som ein del av dette vert det gjort ei heilskapsvurdering av trafikksystemet i området. I vegkryss er det aukande konfliktnivå(ulykker) når sidevegen har stor trafikk i høve til hovudvegen, slik det er tilfelle her. I korte trekk handlar konfliktsituasjonane i krysset om at høgreregelen ikkje vert etterlevd. I nasjonal vegdatabank er det ikkje registrert trafikkulukker med personskade i krysset, men det er truleg ein del materielle skadar. Den einaste politirapporterte ulukka som er registrert i kryssområdet er ei utforkøyring på venstre side av rett vegstrekning. Rambøll viser til rapport «Tydleggjøring av vikepliktsforhold i kryss og vurdering av forkjørsregulering av veger»(2012). Eit hovudpoeng i denne rapporten er at ein burde, i større grad enn i dag, synleggjere skilnaden mellom vegar ved å forkjørsregulere dei viktigaste vegane. Rambøll viser til at fylkesvegenettet er kartlagt i Møre og Romsdal med tanke på kostnader for gjennomføring, men det er pr. i dag ikkje løyvd midlar til gjennomføringa(skilting). Når det gjeld kryssutforminga, bør ikkje stigning/fall til ein sideveg inn mot eit kryss ikkje vere over 3% i ein avstand lik lengda på dimensjonerande kjøretøy. Britplassvegen bør dimensjonerast for lastebil, dvs. 12 m. Britplassvegen har i dag noko større fall enn dette inn mot fv 104. I tillegg bør ikkje fylkesvegen ha større fall/stigning enn 5 % i kryssområdet. Rambøll viser til at begge vegane her har litt for mykje stigning i kryssområdet i høve til kva normalkrava tilseier, og konkluderer med at fylkesvegen bør hevast over ei lengde på om lag 50 meter noko som i følgje eit grovt overslag har ein

6 kostnad på kr Rambøll viser elles til at dei negative merknadene til reguleringsforslaget ser ut til å ha ein viss samanheng med dei dårleg gang- og sykkelvegtilbod i området. Korkje fylkesveg 104 eller Britplassvegen er bygd slik reguleringsplan frå 1978 viser. Fylkesvegen 104 har ei dekkebreidde på 4-5 meter framover Solnørdalen, og er å rekne som ein einfeltsveg. Britplassvegen har ei breidde på 3-4 meter, og det er ikkje unaturleg at avkjørsler vert nytta som møteplass i adkomstvegar. Rådmannen har, med bakgrunn i dei innkomne merknadene frå berørte naboar i området, forespurd Statens vegvesen om det kunne vere mogeleg å planleggje det nye bustadfeltet med ei direkteavkjørsle frå fylkesveg 104. Statens vegvesen rår i brev, datert , i frå ei slik løysing og meiner at realiseringa av arealbruken på del av gnr.17 bnr.1 må basere seg på gjeldande plan. I rapport frå Rambøll, datert , er det regelverket og omsynet til avkjørsler belyst nærare. Det vert her vist til at all erfaring tilseier at talet på ulykker aukar dersom ein aukar talet på avkjørsler. Statens vegvesen har også gitt eit hint om rekkefølgjekrav, der fleire bustader i området, vert knytt til krav om utbetring av gangvegtilbodet langs fylkesveg 104. Frå fylkesveg 661 til Britplassvegen er det i dag 4 avkjørsler på 450 meter, og Statens vegvesen vil alltid forsøke å samle avkjørsler/kryss framfor å etablere nye. Rambøll viser elles til at tilhøve for gåande og syklande vert problematisert og at det er mangel på gode alternative vegar for den som skal gå eller sykle til/frå Skodje sentrum, eller for den som skal til busslomma ved kysset mellom fylkesveg 104 og fylkesveg 661. Rapporten viser til nokre mogeleg gangruter t.d. via Lars Petterplassen, via Jensplassen og via nytt bustadfelt på Britplassen(grøn strek). Det som denne plansaka kan løyse, er ein gang og sykkelveg med heilårsstandard frå Britplassen til fv 104/fv 661. Rambøll har i sin rapport, datert , avslutnings kome med nokre tilrådingar. Tilrådingane er inndelt i kortsiktige og langsiktige tiltak. Det vert som eit tiltak på kort sikt, rådd til at detaljplan no bør sikre «snarveg» mellom krysset i Skodjevågen og Britplassvegen. Denne må gjerast så brei og få ei slik lineføring at den kan nyttast som heilårs gang- og sykkelsamband. Det er naturleg at denne gangvegen vert opparbeidd saman med øvrig teknisk infrastruktur i feltet, og at kommunen tek over denne saman med det øvrige veganlegget. Rambøll rår vidare til at det vert teke eit initiativ til at fylkesveg 104 vert forkjørsregulert, frå kryss ved fv 661 og forbi næringsarealet i Furlia. Statens vegvesen er skiltmyndigheit her. Ei slik forskjørsregulering vil avklare ein del av dei farlege situasjonane i området til ein kostnad på om lag kr Av langsiktige tiltak viser Rambøll til at planlagt gangsamband vert fullført mellom Britplassen og Jensplassen, at krysset mellom fylkesveg 104 og Britplassvegen vert utbetra og flata ut, eit tiltak som er grovt kostnadsrekna til kr Ei viser også til at ein revisjon av reguleringsplan for fylkesveg 104, bør innehalde m.a. gang og sykkelveg på strekninga frå fv 661 til barnehagen, og at det i samband med kryssutbetringa som er nemnd ovanfor vert laga ein samla plan for heile vegstrekket(grovt rekna kan dette prosjektet som omfattar utbetring av 450 m veg, ha ein stipulert kostnad på 5.1 mill.) Konklusjon. Stavseth & Lervik arkitektar AS har på vegne av Vågshøgda AS og grunneigar, Åse Midtlid Vadset, utarbeidd reguleringsplan for del av gnr. 17 bnr. 1. Føremålet med planarbeidet er å legge til rette for

7 utbygging av nytt bustadområde på Britplassen. For utfyllande informasjon om innhaldet i reguleringsplan, og kommunen sine vurderingar av forslaget viser eg til vedlagde saksdokument frå kommunen si tidlegare handsaming. Kommune har i samband med vedtak om offentleg høyring sett krav til at overvassnorm for Skodje kommune skal innarbeidast i plandokumenta og leggast til grunn for utbygginga i området. Tiltakshavar må sikre seg tinglyste rettar til å føre overvatn over privat eigedom (og gjennom private overvassleidningar) til sjøen. Kommunen legg til grunn at tiltakshavar har dei privatrettslege forholda i orden, når det skal søkast om utbygging av teknisk infrastruktur i samsvar med vedteken plan. Rådmannen viser elles til trafikkvurderinga som er utarbeidd av Rambøll, datert , og rår til at den planlagde råsa vert oppgradert, og planlagt så brei og med ei slik lineføring, at den kan nyttast som heilårs gang- og sykkelsamband i ein breidde på 3 m. Det er naturleg at denne gangvegen får status som gang og sykkelveg i plan, vert opparbeidd saman med øvrig teknisk infrastruktur i feltet slik at kommunen kan ta over å drifte denne saman med det øvrige veganlegget. INNSTILLING: RÅDMANNEN SI INNSTILLING Kommunestyret vedtek med heimel i plan-og bygningslova 12-12, reguleringsplan for Britplassen del av gnr.17 bnr.1, slik den ligg føre med plankart, reguleringsføresegner og planomtale, datert på følgjande vilkår: Regulert turveg skal ha status som gang og sykkelveg i plankart og føresegner, og skal planleggjast og byggjast ut slik at den kan nyttast til heilårs gang- og sykkelsamband i ein breidde på minimum 3 m. Gangvegen skal planleggjast og opparbeidast saman med øvrig teknisk infrastruktur i feltet. Dette vedtaket kan påklagast til fylkesmannen i Møre og Romsdal innan 3 veker frå melding om vedtak er motteke i samsvar med forvaltningslova 28. Eventuell klage bør grunngjevast og sendast Skodje kommune til førebuande sakshandsaming.