SAL / UTVIKLING AV FYLKESKOMMUNALE EIGEDOMAR

Transkript

1 HORDALAND FYLKESKOMMUNE Økonomiavdelinga Eigedomsseksjonen Arkivsak Arkivnr. 171 Saksh. Molvik, Bjarte Saksgang Fylkesutvalet Fylkesting Møtedato SAL / UTVIKLING AV FYLKESKOMMUNALE EIGEDOMAR SAMANDRAG Fylkestinget har i budsjettvedtaket for 2010 bede om ei eiga sak om strategi for tomteutviking og eventuelt sal av fylkeskommunal eigedomar. I denne saka går fylkesrådmannen gjennom eigedomar der tomteutvikling og sal kan vere aktuelt. Det vert rådd til at ein vidarefører gjeldande praksis, dvs at ein vurderer sal av bygg / eigedomar som ikkje er i aktiv bruk av fylkeskommunen. Fylkesrådmannen går til av fleire av bygga vert lagt ut for sal framover. I nokre høve tilrår fylkesrådmannen at det vert starta reguleringsarbeid. I andre tilfelle er framhald med utleige ei god løysing. FORSLAG TIL INNSTILLING Fylkesrådmannen får fullmakt til å gå vidare med sal av tannklinikk og barnehage i Olav Bjordalsvei. Ved sal av barnehagen kan direkte sal til Bergen kommune vurderast. For begge sala gjeld at bod og bodgjevar skal godkjennast av fylkesutvalet før salet vert sluttført. Fylkesrådmannen får vidare fullmakt til løpande å vurdere sal/utvilkling av tomteområde eller deler av tomteområde. Eventuelle sal skal godkjennast av fylkesutvalet før det/dei vert fullført. Paul M. Nilsen Johnny Stiansen

2 FYLKESRÅDMANNEN, : Bakgrunn Fylkestinget har i budsjettet for 2010 lagt inn som føresetnad at det i løpet av første halvår skal fremjast sak knytt til forvaltning og eventuell sal av fylkeskommunal eigedom. Den siste større gjennomgangen av fylkeskommunen sin eigedomsportefølgje var i 2002 i samband med at staten frå tok over drifta av sjukehusa, og at det då vart endra behov for bustadar/eigedomar. Det vart då vedteke ein plan for sal av fylkeskommunal eigedom. Det meste av denne planen er gjennomført. I denne saka er det naturleg å ta utgangspunkt i det som då vart bestemt, samt å sjå på nye forhold. Status tidlegare salsvedtak I forhold til salsvedtaka i 2002 og seinare er det meste seld innan utgongen av Det er likevel to større område kor sal ikkje er gjennomført/ fullført. Dette gjeld bustadblokk ved Voss sjukehus og eigedomar / tomtar knytt til i Olav Bjordalsvei i Åsane/Breistein (tidlegare Vestlandsheimen). Desse eigedomane er kommentert først. Voss sjukehus Fylkeskommunen eig ei bustadblokk med fleire mindre leiligheiter i nærleiken av Voss sjukehus. Det har vore behov for einskilde avklaringar, primært knytt til påstått hefte, før eventuelt sal av eigedomen. I påvente av slik avklaring har eigedomen vore leigd ut til Helse Bergen. Forholdet knytt til hefte vurderer ein no som avklart, og at det ikkje føreligg hefte av betyding for vidare sal. Fylkesrådmannen legg difor til grunn at ein går vidare med sikte på sal av heile blokka samla, men at ein får høve til å vurdere seksjonering dersom prisen ikkje vert tilfredsstillande. Olav Bjordalsvei (tidlegare Vestlandsheimen) Største delen av fylkeskommunen si bygningsmasse i området er i dag leigd ut til Justisdepartementet / Statsbygg og vert nytta til Bjørgvin Fengsel. Då leigekontrakten vart inngått fekk leigetakar opsjon på kjøp til takst på 50 million kroner med tillegg av prisauke etter avtaletidspunktet. Opphavleg leigeavtale gjekk ut i 2009, men vart før det forlenga til 2011 med opsjon for leigetakar til ytterlegare to års leige. Leigekontrakten gjev ei god avkastning på bunden kapital, og leigetakar har og investert så mykje i lokala at ein framleis ser det som mest sannsynleg at leigetakar kjøper desse bygga. I forhold til kva som er vanleg i utleigeforhold har vidare leigetakar noko friare fullmakter enn kva som er vanleg. Vidare har fylkeskommunen ei heileigd tannklinikk samt eit bygg som vert nytta til barnehage og er utleigd til Bergen kommune. Tannklinikken blir snart samlokalisert til nye Hesthaugen tannklinikk. Etter at tannklinikken er flytta vil ein ikkje ha eigen aktivitet igjen i området. Fylkesrådmannen ser det difor som naturleg at ein vurderer sal av klinikkbygget. For barnehagen, som er utleigd, ser ein for seg at sal direkte til Bergen kommune kan være mogeleg. Når det gjelder det store tomteområdet som fylkeskommunen eig, er planstatus uavklart. Fylkesrådmannen ser det som naturleg at ein avventar å eventuelt leggje større deler av dette området ut for sal, men at ein jobbar vidare mot å få store deler av området regulert til bustadformål.

3 Valen og Handeland Gard Fylkesrådmannen har sett i gong eit arbeid med taksering av garden for å kartleggje kva verdiar det er tale om. På bakgrunn av anbefalingar vart takseringa av skog m.m. skilt ut som ei eiga oppgåve, og Vestskog vart gjeve den oppgåva. Dei har brukt særdeles lang tid på oppgåva, langt over eit år. Takst er enda ikkje motteke, men skal være på veg. Når den er klar vil ein velje takstperson for bygningane m.m.. Til orientering kan nemnast at det i samsvar med vedtak, er gjort to sal av tomteområde dei siste åra, med samla brutto inntekt på om lag 2,75 million kroner. Vidare er det gjennomført einskilde mindre sal i samband med grensejusteringar osb på til saman nokre hundre tusen kr. Tomteområde Hagavik Dette gjeld tomtegrunn som tidlegare var ein del av Kysthospitalet på Hagavik, men som fylkeskommunen fekk behalde etter sjukehusreforma. Areal er i dag leigd ut til gardsdrift. I høve til arealdisponering er storparten av areal avsett til LNF området eller framtidig utbyggingsområde for bustadar. Det er ikkje gjort undersøkingar knytt til marknadsinteresse. Manglande utbygging av infrastruktur som vatn og avløp, øvrige prosjekt i området, gjer at ein meiner det vil være økonomisk gunstig å avvente eit eventuelt sal. Minimum ser ein for seg å avvente situasjonen til den nye vegen mellom Bergen og Os er på plass. Laksevåg vgs. Melkeplassen med tilhøyrande tomt I området rundt Willy Valentinsensvei 7 / Monrad Mjeldes vei, eig fylkeskommunen eit betydeleg tomteområde knytt til den tidligare avdelinga til Laksevåg vgs. på Melkeplassen. Aktiviteten i bygget er no avslutta, og bygget står tomt. Fylkeskommunen har imidlertid vore kontakta av einskilde interessentar som ynskte å leige bygg. Ingen leigekontrakt er signert pt. Dei siste åra har det vore fleire uformelle samtalar, på administrativt nivå, mellom Bergen kommune og fylkeskommunen knytt til denne eigedomen. Bergen kommune har mellom anna vurdert den i samband med barnehageutbygginga, men konkludert med at dette ikkje var aktuelt. To sentrale ankepunkt i forbindelse med alternativ bruk har vore omsynet til ein nærliggande kommunal institusjon-/behandlingsaktivitet og adkomsforhold, primært knytt til veg for eksisterande bygg. Bygget og arealet ligg imidlertid i nær tilknyting til eit eksisterande bustadområde, og det burde vore mogleg å få gjennom ei utvikling / utbygging på i alle høver deler av arealet. Arealet er i dag regulert til offentleg formål. Med bakgrunn i dei signala som er gitt frå Bergen kommune tidlegare trur ein ikkje det vil være gunstig å selje med den reguleringa som ligg på området i dag. Dette fordi einskilde kjøparar då enten vil halde seg borte eller knytte vilkår til eit eventuelt bod. Fylkesrådmannen rår til at det vert starta eit reguleringsarbeid før området eventuelt vert lagt ut for sal. Laksevåg vgs. - Valheim I forbindelse med ombygginga på Laksevåg vgs. og at deler av linjetilbodet vart flytta til Olsvikåsen vgs då den starta, ser ein for seg at Valheim ikkje vil bli nytta til ordinær undervisning frå hausten Bergen kommune vurderte også dette bygget i samband med pågåande barnehageutbygging, men dei siste signala tyder på at det i alle høve ikkje er aktuelt for kommunen å byggje noko i eigen regi. Ei endeleg avgjerd knytt til når og vilkår ved eit eventuelt sal, herunder gunstig regulering, bør vurderast nærmare. Fylkesrådmannen rår til at det vert starta eit reguleringsarbeid før området eventuelt vert lagt ut for sal.

4 Tidlegare Leirvik Gard Bygga og eigedomen knytt til tidlegare Leirvik Gard er i dag i all hovudsak leigd ut til Meland Golfklubb på langsiktig avtale. Einskilde av husa er imidlertid framleis i bruk av fylkeskommunen eller leigd ut til privatpersonar. Ein ser det ikkje som realistisk, og heller ikkje ynskjeleg, at Meland Golfklubb kjøper området. Generelt gjeld vidare at areal regulert / avsett til landbruk har forholdsvis liten salsverdi. Ein rår difor til at ein ikkje vurderer sal i denne omgang. Voss - skulestruktur Skulestrukturen på Voss er vedtatt endra. I samband med desse vedtaka er det vidare lagt til grunn at bygningsmasse som ikkje lenger skal nyttast av fylkeskommunen vert lagt ut for sal. Det vil imidlertid ta nokre år før den nye skulestrukturen er klar. Fylkesrådmannen vurderer det difor som for tidleg å leggje eigedomane ut for sal, og ser det som naturleg at ein kjem tilbake til tidspunkt for sal av bygg / anlegg. Lønborg vgs. Skulen er vedtatt nedlagt når den nye skulen Amalie Skram, på Nygårdstangen, er etablert. Ein kjenner ikkje til andre fylkeskommunale behov som passar inn i den aktuelle bygningsmassen. Fylkesrådmannen rår difor til at eigedomen vert lagt ut for sal. Tidspunktet for salet, og om ein skal prøve å få omregulert eigedomen i forkant av eit sal, bør likevel vurderast nærmare. Tanks vgs. Skulen er vedtatt nedlagt når den nye skulen Amalie Skram, på Nygårdstangen, er etablert. Ein kjenner ikkje til andre fylkeskommunale behov som passar inn i den aktuelle bygningsmassen. Det er difor naturleg å vurdere sal. Arbeid med eventuell omregulering er ikkje starta opp, og det kan være naturleg å starte opp ein prosess i løpet av Andre forhold / sal Stend vgs. Deler av areala til Stend vgs. er heilt klart være av stor interesse for andre. Dei siste åra har det likevel berre vore gjennomført eit mindre sal (grensejustering) i området. I samband med grensejusteringa ser ein at også Bergen kommune har ei restriktiv haldning til nedbygging av jordbruksareal i dette området. For tida har fylkeskommunen vidare til behandling ein søknad frå Hordamuseet knytt til utviding av museet med ein ny båthall. Fylkesadministrasjonen har så langt i behandlinga stilt seg positiv til denne søknaden. Ein rår til at det ikkje vert gjennomført noko aktiv prosess knytt til sal av ytterlegare areal ved Stend vgs.

5 Tomter knytt til kollektivsatsinga Fylkeskommunen gjennomfører for tida utbygging / opprusting av fleire anlegg knytt til kollektivtrafikken. Det største etableringa / tomten for kollektivanlegg ligg på Haukås i Åsane, kor ein etablerar bussoppstillingsplass. Samla tomteareal knytt til denne etableringa er på 75 daa. I denne omgang er det ca. 28 daa av dette arealet som ikkje vert opparbeidd. I eiga politisk sak om godkjenning av forprosjekt vert det rådd til at desse areala vert halde i reserve for framtidig utviding av anlegget. Det same rådet vert gjeve i denne saka. Ein ser at tomten på Haukås har større areal enn det som en no ser behov for til kollektivanlegg. Ein rår likevel til at dette p.t. blir halde tilbake som framtidig tomtereserve.