VARDEFESTEN: NO OG FOR 100 ÅR SIDAN

Transkript

1 VARDEFESTEN: Utgåve 3, 15.desember 2009 NO OG FOR 100 ÅR SIDAN Vardefesten har blitt arrangert i nærare 100 år. Vi gir deg historia bak skulen sitt tradisjonelle juleball og forskjellane på før og no. Pause har også intervjua årets Vardefestkomitè (eller Vardelaget om du vil) og har alle opplysningar om årets høgdepunkt. Side 8 og 9 Varm musikk i haustkulda Margrete: frå elev til lærar Pauses julegåvetips Musikklinja ved skulen hadde konsert i kyrkja i november, det neste store prosjektet er musikalen. Side 3 Margrete Trovåg hadde ikkje planar om å bli lærar. Side 4 og 5 Ikkje ferdig med juleshoppinga? Pause gir deg tips no rett før jul. Side 8 og 9

2 SIDE 2 Pause gir deg julestemning Du sit no midt i tentamen- og eksamenstida og held på å bli oversvømt av bøker, utskrifter og frustrasjon. I tillegg er du enda ikkje ferdig med juleshoppinga og har ikkje heilt bestemt deg for kva du sjølv skal ynskje deg, sidan du har alt frå før av. Men det er ein ting som driv deg; det er snart juleferie. Hadde det ikkje vore for kalendernedtellinga, julebrus, pepperkaker og julepynt hadde det vore uklart om du ville overlevd denne perioda. Ei anna trøyst er at desse lærarane som absolutt må bombadere deg med Ny nettside: arbeid for karaktergrunnlag, har mellom 20 til 30 gongar så mange oppgåver å rette. Når juleferien er der, er det likevel ein dag der du står opp tidleg, for din eigen del. Kanskje den einaste dagen i året ein vil stå opp tidleg, nemleg julafta. Ingenting er meir kosleg enn å vakne 24.desember, la juletredet lyse vegen til julekakene, slik at du kan setje deg ned foran Tven med dei tradisjonelle programma: Tre nøtter til askepott, Reisen til julestjernen... Har du fortsatt ikkje fått julestemning, skal Pause hjelpe deg med det. Vi har intervjua elevar på skulen om julestemning, skrive hovudsak om Vardefesten, vore med på kyrkjekonserten til musikklina, skal hjelpe deg med julegåvene og meir. God lesing, og god jul! Espen A. Breivik pauseavis@gmail.com Vi ynskjer deg ei god jul! Redaksjonen ansvarleg lærar: Dace D. Ose Linda Lien Nordstrand, Alise Rætta, Sandra Therese Haugen (designer), Sunniva Botn Heltne (webdesigner), Ingrid Telset Heltne, Maris Mänd, Espen Andrè Breivik, Hannah Miriam Kolås, Ingrid Beate Foldal, Ingvild Marie Velsvik.

3 SIDE 3 Frå alter til storscene I november varma musikklina med song i kyrkja, medan musikalen er neste store prosjekt. -Kyrkjemusikk er kunst Det var fullsett kyrkje torsdag 12.november då fyrste-, andre- og tredjeklassingane på musikklina framførte kyrkjesongar i varierte sjangrar, med og utan instrument. -Det er viktig at elevane får opptre på ein skikkeleg måte med godt utstyr, og då tykkjer vi dette er ein flott måte å presentere elevane på, for foreldre og nærmiljøet. Volda har ei fin kyrkje som er eit godt musikklokale, fortel musikklærar Hildur Sandstad Dalen og smilar. Elevane song og spelte kyrkjemusikk, ein sjanger dei meiner er spanande. -Kyrkjemusikk har vore sentral i alle tidsepokar og finst i ulike variantar. Anna kunst, som for eksempel måleri er jo også ein del av kyrkja, fortel Hildur. -Gøy å opptre Fyrsteklassingane Maria Aylin Barstad, Simon Eiksund og tredjeklassingen Mathias Skurtveit synest det var veldig gøy å opptre på kyrkjekonserten. Mathias har no vore med på dette prosjektet tre gonger, men tykkjer framleis det er like gøy kvart år, -det er alltid annleis frå år til år, med andre elevar og andre songar, men det er heilt klart at kvaliteten i år var «2009-kvalitet», fortel han. Musikalen står for dør Det neste store prosjektet musikklina har i fellesskap er musikalen. -Eit kostbart, profesjonelt og lærerikt prosjekt, fortel Hildur. Fyrsteklassingen Simon Eiksund har ikkje vore med på dette prosjektet før, men gleder seg veldig. -Det er musikalen som er årets høgdepunkt på musikklina, fortel han, og dei andre elevane seier seg einig. Temaet for komande musikal er Michael Jackson, og musikklina lovar ei framsyning med kvalitet. Tekst og foto: Espen André Breivik Kyrkja var pynta med levande lys under kyrkjekonserten. Musikkelevane fylde kyrkja med korsong. Kristiane Runde på fiolin. F.v Simon Eiksund, musikklærar Hildur Sandstad Dalen, Maria Aylin Barstad, og tredjeklassingen Mathias Skurtveit likte å opptre i kyrkja.

4 SIDE 4 «Eg skal i allefal Margrete Trovåg har sjølv vore elev ved Volda vidaregåande skule, og gjekk ut som russ i Ho har studert engelsk i Kristiansand, men har tatt norsk, historie og pedagogikk ved Høgskulen her i Volda. Ho byrja som lærar på skulen hausten i 2002 og har vore her sidan. Margrete som student Når eg spør Margrete kva type student ho var er ho rask å svare: -Eg var veldig flittig, faktisk! Eg var ikkje så ivrig som elev akkurat her på skulen, for då var eg meir sånn som las leksa på gangen i friminutta. Men då eg byrja å studere fekk eg litt panikk, så eg las veldig mykje og tok tida. Det er noko eg er veldig glad i, å ta tida på kor lang tid eg brukar på ting. Så eg bestemte meg for at eg skulle ha så og så mange timar i veka med lesing, og det heldt eg meg til. - Eg var voldsom å studere, las mykje og noterte i timane for å så reinskrive det når eg kom heim att. Eg sat og skreiv av notatane mine med sånn sirlig skrift. Veldig aktiv, fortel Margrete og ler. Sjølv med mykje rettearbeid i helgene er Margrete alltid blid. Det å vere lærar Noko som «går igjen» med mange lærarar, er at dei ikkje hadde tenkt seg det yrket i utgangspunktet. Margrete er ikkje eit unntak. - Eg vaks opp med ei mor som var lærar, og eg såg at ho sat å arbeidde alle kveldar og alle helgar. Det synest eg såg heilt forferdeleg ut. Når eg gjekk ut herifrå så var det ein av lærarane som spurte meg kva eg skulle bli, og då sa eg: «Det veit ikkje eg, men eg skal i allefall ikkje bli lærar!», seier Margrete med eit smil. - Men så blei det berre sånn medan eg studerte, og det trur eg gjeld for ganske mange lærarar, faktisk. Ein byrjar å studere fag som ein likar, så lurer ein på kva ein skal bruke det til. Og så endar ein opp som lærar. Margrete ler igjen, før ho fortsett: - Det er veldig mykje som er bra med jobben min, og eg får styre mykje med hobbyane mine på jobb. Eg likar godt å sjå film og lese bøker, noko eg gjer mykje her også. Og når eg førebur timar vel eg ut tema eg synest er interessant sjølv også, så det er kanskje det beste fagleg sånn sett, seier Margrete. - Når ein har kjekke elevar så har ein mange gode opplevingar i løpet av ein dag. Det er kjekt å vere saman med ungdomar... Stort sett, sei Margrete og latteren kjem fram igjen. Rettebunkane Kva kan det verste med å vere ein lærar vere, skal tru? - Det verste er jo dette her med at ein har ein masse fridom, sånn i forhold til at ein har lange feriar og korte dagar. Så er det jo desse rettebunkane då, eg trur ikkje elevar heilt skjønar kor mykje tid vi brukar utanom den tida vi er her. Som norsklærar vertfall, då ein har mykje «den slags type» arbeid. Fritida hennar Ho drøyar svaret litt, før ho smiler igjen. - Nei, eg har jo mange av dei hobbyane som allereie har blitt sagt som har med jobben å gjer. Eg ser ein heil del film, og sånt. Så har eg jo ein familie, eg har fire barn og to hundar som eg går mykje tur med. Eg likar godt å gå tur. Elles så går eg på kafé og shoppar som vanlege folk. Heilt allminneleg. Eg har reist mykje rundt med hundane mine, på utstillingar og sånn. Det er jo

5 SIDE 5 l ikkje bli lærar.» litt sært, kanskje den særaste hobbyen eg har, seier ein lattermild Margrete. Blogging Eg er på jakt etter ein meir spesiell hobby som skil Margrete litt meir frå dei fleste andre lærarar, så eg lurer på om ho ikkje har ein blogg? - Jau, byrjar ho og ler. - Folk seier dei ikkje har tid til å blogge, men eg synest at den ikkje tek så mykje tid eg! Eg brukar kanskje tjue minutt eller noko sånn per dag på den. Eg likar å ta bilete, kanskje det er ein hobby? Eg er ikkje så flink då, men eg tek bilete og så redigerar eg dei litt og legg dei ut på bloggen like kjapt. Så eg skriv blogg, ein meir sånn «kvardagsliv» blogg, eigentleg. Viss eg skal fortelje om det så var det syskenbarnet mitt som byrja med ein hobbyblogg. Er det noko eg hatar så er det interiør- og strikkebloggar, folk som laga bloggar om alt dei lagar og alt dei ryddar, vaskar og målar. Det er ikkje eg så flink til sjølv, så eg skriv meir om kva eg styrer med; turar eg går og bøker eg les og så vidare. Eg fekk faktisk eit tips om at eg kunne melde meg på å bli bloggar for Aschehoug, der ein får tilsendt gratis bøker mot å blogge om dei. For dei som likar bøker er jo dette kjekt. Favorittar Som sagt likar Margrete veldig godt film. Men kva film er favoritten hennar? - Eg har veldig mange filmar som eg likar kjempegodt, men den filmen som eg trur kanskje har gjort størst inntrykk på meg er ein litt gammal film som heiter «Stekte grønne tomater». Den likar eg veldig godt, og trur eg har sett den sju gongar eller noko sånn. Elles er eg veldig glad i skrekkfilmar, av alle ting! Og eg ser også mange dramafilmar, kan Margrete fortelje. Rock På musikkfronten slår Margrete til med god gammal-dags rock. - Eg høyrer på veldig mykje... rart, fortel Margrete med eit flir. - Eg er veldig glad i Aerosmith, men no er det ei stund sida eg har høyrt på dei. Eg likar også Ozzy Osbourne veldig godt, og den type musikk. Det er litt meir sånn gamlare hardrock. I min ungdom så var no det å høyre på Bon Jovi litt for «mainstream» som det heitte, så det var ikkje kult nok. Det måtte vere hardare og tøffare. No driv eg å leitar fram, så eg sit mykje på YouTube og eg fann ut at dei var ganske stygge på 80-talet, fortel Margrete med endå meir fliring. - Eg likar veldig mykje forskjellig, kanskje ikkje så mykje ny musikk. Ikkje sånn rap og jazz. Eg likar best rock, og pop-rock! avsluttar ho. Tekst: Alise Stokseth Rætta Foto: Linda Lien Nordstrand Margrete synest det er veldig mykje som er bra med jobben hennar, sidan ho får halde på med hobbyane sine på jobb.

6 SIDE 6 Pauseprat med Jan Terje Eidset Kva to songar tykkjer du passar bra i eit bryllaup? Vanskeleg å svare på. Dei songane som skal passe i eit bryllaup, må passe til dei som faktisk skal gifte seg. Difor kan ikkje eg svare på det eg synest passar generelt i bryllaup. Kva bok likar du best og kvifor: «Alltid fleire dagar» av Ragnar Hovland. Det er ikkje det beste litterere verket som finst, men den boka eg synest er best og som har gjort mest for meg. Det er ei bok som tek bygdemiljø på alvor, og særegenheita med personar og ikkje minst ungdom på alvor. Difor likar eg den boka veldig godt, og anbefalar alle å lese den. Kva er din yndlingsfilm og kvifor? Vanskeleg spørsmål.. Eg har vedig mange yndligsfilmar, men den filmen eg har ledd mest av er «Life of Brian» av Monty Python. Det er ein kjempemorsom film som eg synest er veldig god. Kva tre ting ville du hatt med deg til ei aude stillehavsøy? Eg ville tatt med meg familien min, og ein badeshorts. Korleis ser den perfekte fredagskvelden ut for deg? Ein perfekt fredagskveld er ein stille og rolig kveld med eit glass vin og noko godt å ete. Kva har du alltid i ryggsekken? I ryggsekken har eg alltid med meg datamaskin og førti forskjellige ledningar. Kva ser du helst på TV? Ja, kva ser eg på TV..? Som regel ser eg film eller krim. Kva drøymde du om å bli då du var liten? Eg drøymde om å bli rockestjerne, og skodespelar. Kva skal til for at du har det bra? For at eg skal ha det bra, må dei rundt meg ha det bra. Ros ein person på skulen som fortener det, og fortel kvifor du vil rose den personen Eg vil ikkje berre rose ein enkeltperson, men eg vil rose alle reinhaldarane på nedre bygget. Fordi dei er alltid smilande og blide, og eg har alltid ein god prat med dei. Eg synest det er veldig kjekt å møte dei om morgonen og slå av ein prat. Dei er liksom blide uansett, og det er kjekt. Tekst: Ingrid Beate Foldal Foto: Ingrid Telset Heltne Saker elevrådet arbeida med førre månad: Vardefesten: ein komité er oppretta, eit mindre samstemt elevråd gjekk inn for å arrangere det i Voldahallen. (Blei seinare flytta til Rokken.) EO-seminar: skulen sender ein delegat og ein/fleire observatørar. Hybelbebuarkveldar: det er synd at få nyttar dette tilbodet, og det er i fare for å forsvinne. Temperatur på klasseromma: fleire har klaga på at det er kaldt på skulen, rektor skal ta denne saka vidare. Fråvær: Elevrådet synest det er uheldig at fråværet i høve svineinfluensatilfeller blir ført som ugyldig fråvær på SkoleArena. Ørsta Ungdomsråd: Guro stiller til val frå Volda vidaregåande, i tillegg til dei to som allerede sit der (Hanne Stokke og Martin Luan Håndlykken). Dårleg parkeringsplass: sidan det er kommunen som eig Steinrøts-området, har skulens representant i Ungdomsrådet, Gaute M. Kornberg vorte bedd om å ta opp saka. Miljøfyrtårn: vi ynskjer å arbeide for søppelsortering og andre miljøtiltak, slik at skulen får eit miljøfyrtårn.

7 SIDE 7 MÅNADENS FOTO Aksjon på skulen: Frå veke 49 til 50 var aksjonen «Avbestill trafikkulykken» på Volda Vidaregåande. Prosjektet er eit samarbeid mellom Statens Vegvesen, politiet, Trygg Trafikk og fylka, og skal få ungdom til å ferdast trygt i trafikken. Fotograf: Steven Midtgård, 2MK Send inn ditt månadens foto til pauseavis@gmail.com Avbestill trafikkulykken konkurranser og sendte gratis brev. -Mange fleire sendte brev her på Volda vidaregåande enn i Ørsta, men eg trur vi har vore flinke å markedsføre oss, som på Facebook, fortel dei og er nøgde med resultatet. Aksjonen fekk god respons på skulen, der mange deltok i Tekst: Espen Andre Breivik Foto: Ingrid Telset Heltne Maria Vatne, Vilde F. Engetrøen, Håvard Osborg og Birte Berg- Rusten Haddal frå 3.klasse var frivillig med på arrangementet. -Vi ynskte å vere med fordi vi sjølv køyrer bil og er oppteken av sikkerheit. Vi har opplevd mange bilulukker her i området den siste tida, og trur at dette kjem til å få folk til å tenkje seg ein ekstra gong om før ein set seg bak rattet, fortel Maria Vatne. Utanfor skulen var det plassert eit bilvrak med blomar og lys foran, noko som fleire synest var drygt, men Trygg Trafikk meiner det må vere slik for å gjere inntrykk.

8 SIDE 8 Vardefesten historia bak Matservering på Vardefesten Eigar av biletet: Gunvor Halse Myklebust Vardefesten som går av stabelen den 21. desember er eit tradisjonsrikt arrangement som har blitt haldt årleg på Volda vidaregåande skule i nesten 100 år. I løpet av desse åra har den gått gjennom ein del endringar, men Vardefesten si historie er prega av sterk tradisjon. Vi kan byrje med å oppklare mysteriet bak namnet Vardefesten. For å gjere det må vi skru tilbake tida til hausten i 1910, då gymnasiastlaget Varde vart skipa. Vardelaget besto berre av elevar ved skulen og sto for alt som skulle gjerast, som Vardefesten og noko som blei kalla for Vardemøter. Det blei halde på skulen éin til to gonger i månaden, der det var forskjellege quizar og politiske diskusjonar. Ei av dei viktigaste kjeldene vi har for historia til Vardelaget er Upprittboka, ein samling av referata frå møta og Per, lagsbladet. I innleiinga i Upprittboka står det skrevet følgjande: Laget Varde har til fyremål å samla elevane ved Volda Gymnas til ålvor og gaman og å fremja eit vidare og friare syn hjå dei ved foredrag, ordskifte og anna godt tidtrøyte. Laget har ikkje avgrensa program. Alle meiningar skal ha lik rett, so alle kan kjenna seg heime i laget og ha hugnad av lagarbeidet. Vardelaget var altså velferdslaget for elevane på skulen. Suksess for «Vardeteateret» Underhaldninga var noko meir verbal og høgtideleg samanlikna med den underhaldninga som er på Vardefestane no. Medan programmet pågjekk sat tilskodarane stille på stolane sine og følgde med. Kor var vanleg, det var også opplesing av dikt, sketsjar og skodespel. Vardeteateret var kanalen elevane brukte til å setje saman rollespel og framføre til underhaldning for elevane. Stykke som Jeppe på Bjerget, Peer Gynt, Ervingen, Geografi og Kjærlighed og De Nygifte har blitt framført med slik suksess at elevane har vorte oppmoda til å vise stykka utanfor skulen, med stor suksess der òg. Vardeteateret vart stifta i 1936 og frå og med det året til verdskrigen hadde Vardelaget si storheitstid. Både elevar og lærarar var såpass engasjerte i Vardelaget, orkesteret og teateret at det vart til somme tider prioritert over skulearbeidet. Flytta til Rokken etter 7 år i Voldahallen Før var Vardefestane 100% dugnad-arbeid. Elevane var att etter skuletid og rigga og var så hjelpsame som dei kunne. Også dagen etter var elevane på plass og hjalp til å rydde opp og rigge ned att. Sidan vi ikkje har ein parallell til Vardelaget no

9 SIDE 9 lengre er det vanskelegare å arrangere det, då det eigentleg er basert på frivillig arbeidskraft frå elevane på skulen. Frå 2000 til 2007 vart den halden i Voldahallen, men dei siste åra har det blitt så vanskeleg å engasjere elevane til å hjelpe til at den har blitt flytta til Rokken. Der er det lite som skal forberedast, i forhold til Voldahallen, der scena måtte bli laga, golvet måtte det bli lagt plater på for å forhindre at det blir øydelagd av høg-hela sko o.l., bord og stolar måtte hentast og plasserast osb. Då Vardefesten vart halden for fyrste gong var det på hausthalvåret. Det er først no i seinare tid at den har blitt utsett til desember månad og tilsvara skulens juleball. Tekst: Maris Mänd Kjelde: «Volda gymnas » Tidenes Vardefest Bilete frå Vardefesten 2008 Måndag 21.desember er det tid for hæla i taket og tenna i tapetet: Vardefesten står på plakaten. Årets Vardefest skal bli av dei betre, lovar PR-ansvarleg Vegard Flo. - I år er alt meir organisert og meir profesjonelt enn tidlegare år. Vi har delt opp i fleire komitear; pynte-komite, PR-komite, programkomite og mat-komite. Alle har kvar si oppgåve å fokusere på, som gjer at det blir betre gjennomført. I fjor var det berre to personar som hadde ansvaret, og Vardefesten blei ikkje så prioritert som den kunne blitt. Men vi trur det kjem til å bli veldig bra i år! meldingar om at Vardefesten blei halden på Rokken i fjor, går komiteen i same fotspor i år. - Folk må berre sjå positivt på det, og prøve å gjere det beste ut av situasjonen. I staden for å tenke at det er trongt, kan ein tenkje at det er koseleg og intimt, seier Vegard Flo, og legg til at grunnen til at Vardefesten ikkje blir halden i Voldahallen slik som andre år, er at det er veldig mykje arbeid når det gjeld lys, scener, mat og så vidare. Eigen DJ, men ingen alkohol Elles lovar komiteen program med mykje bra innslag frå musikklinja, og dei prøvar seg i tillegg på å ha ein DJ. Alt i alt bra musikk og bra program, seier Vegard. I Koseleg og intimt Trass i nokre dårlege tilbaketillegg skal russestyret ta seg av kåringa av årets russepresident. Ein ting som ikkje er lov innanfor Rokkens fire veggar er alkohol. Det er strengt forbode etter skulereglamentet. Blir det oppdaga at du har ein aldri så liten dråpe alkohol innabords, er det strake vegen rett ut. Men Vegard Flo og resten av komiteen er sikker på at dette ikkje skal sette ein stoppar for Vardefesten: Årets Vardefest skal overgå dei andre åra. Dette skal bli tidenes Vardefest! Komitèen kjem til å sitje i kantina å selje billettar til Vardefesten komande fredag og måndag. Tekst: Hannah Miriam Kolås

10 SIDE 10 Forløparen til nissen skal ha vore ein biskop i Tyrkia, som allereie på 300-talet delte ut gåver og hjelp til born og vaksne i naud. Han var ofte utkledd og gjekk under namnet Nikolas. -wikipedia Jakta på julestemninga! Eit nytt år nærmar seg. Pause har spurt nokre ansatte ved skulen korleis året 2009 har vore, og kva dei ynskjer for skulen året Margareth Alme, rektor Året 2009 har vore veldig hektisk. Mykje av dette er på grunn av bygginga, men også fordi vi har nye ting i forhold til vurdering vi har vore nødt til å jobbe med. I 2010 ynskjer eg først og fremst eit mindre hektisk år. Eg ynskjer å få gjort det eg no har dårleg samvit for at eg ikkje har fått gjort. Neste år ynskjer eg å vere meir tilstades blant dei tilsette og elevane. Ronny Aam, vaktmeister Året 2009 har vore eit bra år. Når det gjeld byggjesaka har det vore ekstra arbeid for oss, men slik vil det fortsette neste år og. Eg har ikkje noko spesielt ynskje for neste år. Ein kan ikkje ha så store forhåpningar, for dei blir som regel ikkje oppfylte uansett. Så ein får ta ein dag i gongen. Eit mål er at vi skal ha eit like bra år som dette, eller enda betre! Eli Hellebust, kontordame 2009 har vore eit veldig spesielt år. Året har vore prega av byggjeaktiviteten. Vi har hatt det veldig hektisk og vi har flytta to gongar, først til personalromet, for deretter å kome tilbake til nyoppussa, fine kontor, som vi er svært glade for. I 2010 ynskjer eg at vi skal fortsette slik året 2009 slutta. Eg håpar at vi no er lett tilgjengeleg for elevane og at elevane får hjelp med det dei måtte lure på. Tekst og foto: Ingvild Marie Velsvik

11 SIDE 11 Julegåvetips! bilete: cdon.com, eurofoto.no, minmode.wordpress.com, fanpop.com, apple.com/ iphone, lacoste.com, billigbeauty.com, adressa.vmspillet.no Til den som har alt Til den moderne Til den romantiske Til datanerden Til den barnslege Til den sporty Kva skal til for at du får julestemning? Torfinn Madssen, 1ST3 Eg får julestemning av snø, julepynt, julekalender og ikkje minst graut! Marie Humberset, 3ST4 Eg får julestemning av snø og julemelk! Sander Myhre, 2ST1 Når eg sender julebrev i posten og når eg er ute i snøen og byggjer snøborg får eg julestemning. Tale Øyehaug, 1ST1 Eg får julestemning med alt som har med jul å gjere. Blant anna snø og pepperkaker. Jonas Krøvel, 1MU1 Dei siste åra har eg slite med å få julestemning, men på julaftan brukar eg å få julestemning. Lisa Søvik, 2ST3 Eg får julestemning når det snør, når eg bakar julekaker og høyrer på julemusikk.

12 Gåte -noko å tenkje på! Kva står (windows) VISTA for? Svar på førre utgåves gåte: Vindauget Visste du at..? - Kva er nyttårsforsettet ditt? Julijana Batarilo, 3MK Trene og gjere lekse kvar einaste dag. Skal ha ei awesome russetid med awesome russ! gange med er Samane hadde med reinsdyr til Amerika frå nord, derfor sa amerikanerane at nissen frå nord-polen (eigentleg Finnmark) hadde reinsdyr. Simen Rotevatn, 1MU Eg skal begynde å lærekøyre, for då er eg gammal nok. Julie Kongsvoll, 3ST3 Eg skal slutte å drite meg ut, og gjer flaue ting med vilje istaden. TIPS OSS! Pauseavis@gmail.com helsingar lesarinnlegg bilete idèar til saker Katrine Myklatun Reite, 1ST1 Skal gjere det betre på skulen. Godtestreik i vekene, spare meir pengar og trene meir. Ellers skal eg holde meir kontakt med søstra mi sidan ho er på folkehøgskule. Sander Myhre, 2ST1 Å fange alle pokèmons. Gonna catch `em all!! Skal også downe (drepe) Lich King på 25 man heroic mode.