SAKSFRAMLEGG. Saksbehandler: Jorunn Nyttingnes Arkiv: B20 &40 Arkivsaksnr.: 14/248-18

Transkript

1 SAKSFRAMLEGG Saksbehandler: Jorunn Nyttingnes Arkiv: B20 &40 Arkivsaksnr.: 14/ Felles pedagogisk psykologisk teneste i Sogn samarbeidsavtale. TILRÅDING: Leikanger kommune godkjenner samarbeidsavtalen om pedagogisk-psykologisk teneste for kommunane Aurland, Leikanger, Luster, Lærdal, Sogndal og Vik og Sogn og Fjordane fylkeskommune i samsvar med vedlagde utkast med det atterhald at dersom meir enn ein av dei andre kommunane trekkjer seg, vil ein ha saka tilbake til ny handsaming. DOKUMENT: PPT i Sogn Underlag til organisasjonsvurdering, rapport frå Deloitte, (vedlagt elektronisk) Tilråding frå prosjektleiar (vedlagt) Intensjonsavtale mellom Høgskulen i Sogn og Fjordane og Sogn regionråd (vedlagt) Samarbeidsavtale (vedlagt) Stillingar, budsjett og fordelingsmodell (vedlagt) FELLES SAKSUTGREIING: Bakgrunn Sogn regionråd har gjennomført eit prosjekt for ei felles pedagogisk-psykologisk teneste i Sogn. Bakgrunnen for prosjektet er at rådmannsgruppa i Sogn regionråd i 2011 ba administrasjonen om å utarbeide skisse til prosjekt som kunne hjelpe kommunane med å redusere omfanget i bruk av spesialundervisning. Dette har det vore arbeidd med i to prosjekt: 1. System for styrka læring , som er det regionale barnehage- og skuleutviklingsprogrammet 2. Organisering av felles PPT i Sogn, forprosjektet starta våren 2013

2 Kommunane i Sogn bruker meir ressursar på spesialundervisning enn fylket og snittet for landet elles. Dei ni kommunane i Sogn regionråd har fem ulike organisasjonsløysingar. Målet med prosjektet for felles PP-teneste er å utvikla ei felles pedagogisk-psykologisk teneste med mindre sårbare fagmiljø som sikrar god utnytting av fagkompetansen i regionen og rekrutterer godt kvalifiserte medarbeidarar innan breidda av kompetanseområda. Tenesta må arbeida systemisk, systemretta og koordinert også i høve vidaregåande opplæring slik at vi kan styrka tilpassa opplæring, auke læringsutbytte og redusera bruken av spesialundervisning i regionen. Forprosjektrapporten av viste at ny organisering av PPT vil vera eit viktig, men ikkje tilstrekkeleg grep for å løysa utfordringa med aukande bruk av spesialundervisning. I tillegg må det rettast fokus mot eigarane av PPT, altså skule- og barnehageeigar sitt eige arbeid, eigarrolla og styringsstrategiane som må endrast og utviklast. Seks av kommunane - Aurland, Leikanger, Luster, Lærdal, Sogndal og Vik - vart våren 2014 med vidare i hovudprosjektet. Kommunane Balestrand, Høyanger og Årdal vart ikkje med. Prosjektet har fått kr i skjønsmidlar frå Fylkesmannen i Sogn og Fjordane og vert elles finansiert av eigne midlar. Sogn og Fjordane fylkeskommune vart med frå september I hovudprosjektet har det vore arbeidd med underlag for organisasjonsvurdering, førebuing og planlegging som grunnlag for etablering av ny pp-teneste. Styringsgruppa er rådmennene frå dei seks deltakarkommunane og fylkesdirektør for opplæring. Arbeidsgruppa har vore samansett av skulefagleg ansvarlege, rektor, styrar, PPteneste, programleiar System for styrka læring, rådgjevar frå opplæringsavdelinga i fylkeskommunen, tillitsvalde og tilsetterepresentant frå fylkeskommunen. Det har vore 6 møte i styringsgruppa og 4 møte i arbeidsgruppa. Prosjektleiar har vore Gunnar Stundal. I prosjektet er det lagt til rette for kunnskapsutvikling og involvering. Dei regionale møtearenaene er nytta for informasjon og diskusjon mellom anna rektor- og styrarnettverket og nettverket for barnehage- og skulefaglege ansvarlege, i tillegg til eigne møte undervegs i prosjektet. Wiggo Hustad frå Deloitte har vore prosessrettleiar. Det er gjennomført questbackundersøking, intervju og innhenta relevante fakta/data frå kommunane. I fleire kommunar har det vore noko utfordrande å få tak i data, og/eller å få ulike leiarar til å svara. Deloitte utarbeidde ein fagleg rapport som underlag for organisasjonsvurdering og for kommunane sitt utviklings- og endringsarbeid (vedlegg 1). Sogn regionråd vedtok i møtet 26. februar 2015 følgjande: 1. Rapporten «PPT i Sogn Underlag til organisasjonsvurdering» av vert teken til vitande 2. Rapporten er eit tilstrekkeleg grunnlag for å vurdera organisering av PP-tenesta i regionen 3. Styringsgruppa utarbeidar framlegg til samarbeidsavtale for handsaming i kommunane. Rapporten peikar på at det er mykje utviklings- og endringsarbeid som må gjerast uavhengig av struktur, samstundes som kommunane har ei stor utfordring i rolla som barnehage- og skuleeigar. Tilrådinga frå prosjektleiar inneheld hovudpunkt og sentrale moment frå

3 rapporten (vedlegg 2). Utviklingsarbeidet for å få betre tenester bør gå parallelt med arbeidet med å endra organisering av PPT. Det er inngått intensjonsavtalen om eit pedagogisk-psykologisk kompetansemiljø mellom Høgskulen i Sogn og Fjordane (HISF) og Sogn regionråd (vedlegg 3). Intensjonsavtalen dannar grunnlaget for vidare samarbeid mellom kommunane og HISF for å styrkje og byggje kompetanse i barnehagane, skulane og PPT. Eit samarbeid vil kunne styrka regionen sitt konkurransefortrinn i høve rekruttering av fagkompetanse og utvikling av fagmiljøet. Det vil vera vertskommunen som inngår samarbeidsavtale med Høgskulen. Styringsgruppa for felles PPT har vurdert aktuelle organisasjonsformer for PP-tenesta, og tilrår eit vertskommunesamarbeid i vedlagde samarbeidsavtale (vedlegg 4). Sogndal er valt som vertskommune. Det er lagt vekt på at dette er det geografiske tyngdepunktet og med fylkeskommunen som deltakar i tenesta er det også klart flest elevar her. Samarbeid med Høgskulen, jf ovanfor, peikar også mot lokalisering i Fosshauganeområdet. For å sikra eit godt samarbeid mellom deltakarane i tenesta samt sikra påverknad frå samarbeidskommunane er det framlegg om å etablere eit samarbeidsråd med 2 medlemmar, rådmann og skulefagleg kompetanse, frå kvar kommune. Via årshjulsplanlegging skal det også sikrast at tenesta er tilstades ute i kommunane med arbeidsdagar i skular og barnehagar. Styringsgruppa tilrår oversikt over stillingar, budsjett og kostnadsfordeling av tenesta slik den ligg føre (vedlegg 5). Tal stillingar er fastsett etter gjengs norm som ein finn andre stadar i landet/ i samanliknbare samarbeid. Det er semje om at 25 % av kostnadane fordelt likt og 75% etter elevtal er ei rimeleg og rettferdig ordning. I møte i styringsgruppa har fylkeskommunen formidla at det knyter seg usikkerheit til om dei vil gå inn i eit samarbeid og korleis dei vil løysa oppgåvene. Fylkeskommunen grunngjev dette med at dei har avtalar om anten kjøp av teneste frå vertskommune eller dei eig og sel tenesta. Vurdering av interne strukturar og prosessar vil bli arbeidd med i tida framover: Å samkøyre prosedyrar, rolleavklaring, arbeida ut eit årshjul og ein plan for samhandling samt å avklara samarbeid mellom PPT og barnehage, skulen og barnevernet vert viktige oppgåver. Ein måte å gjera dette på er at samarbeidsorganet, med rådmann og skulefagleg kompetanse i deltakarkommunane, vert etablert alt frå hausten for å kunne medverka i dette arbeidet. Felles PP-teneste vil kunne etablerast frå Vurdering frå rådmannen : Det er viktig for Leikanger kommune å ha ei god pedagogisk psykologisk teneste som kan hjelpe og støtte skulane og barnehagane i arbeidet med kompetanseutvikling og organisasjonsutvikling for å legge opplæringa betre til rette for barn og unge med særlege behov.

4 Tilpassa opplæring er eit grunnleggande prinsipp i all opplæring.det er viktig at alle barn og unge skal få utvikle sine evner, møte utfordringar dei kan strekkje seg etter og oppleve meistring. PP-tenesta vil vere ein naturleg del av kommunen si samla tenesteyting og ein viktig del av det tverrfagle samarbeidet i oppvekstsektoren. Leikanger har over lengre tid hatt eit høgt tal elevar med enkeltvedtak om spesialundervisning. Dersom kommunen skal klare å nå politiske mål om reduksjon av spesialundervisning og betre tilpassa opplæring for alle vil dette krevje eit tett samarbeid mellom kommunen og PPT der systemarbeid og direkte rettleiing inn mot skular og barnehagar må styrkjast. Ut frå samanheng i det 13-årig løpet og mål om høg gjennomføringsgrad i vidaregåande opplæring er det ønskjeleg for Leikanger kommune å ha ei gjennomgåande teneste der alle frå barnehage til vidaregåande skule er med. Kommunen har fram til no kjøpt tenester hjå Sogn og Fjordane fylkeskommune med ein stillingsressurs på 0,75 % stilling. For 2015 er dette budsjettert med kroner. Ut frå elevtal i skule,barnehage og delvis vaksenopplæring har ein sett at dette kanskje har vore ein knapp ressurs, og vi har nok i periodar brukt meir enn vi har betalt for. Når ein no etablerer eit kontor med større kompetansemiljø og auka bemanning vil Leikanger sin del ut frå barneog elevtal i kommunen tilsvare 0,93 % stilling som er kostnadsrekna til kroner, ein auke på om lag kroner i høve til i dag. Omfanget på den stillingsplanen som er lagt fram synest etter rådmannen si vurdering realistisk, men fordeling av fagstillingane må ein kunne sjå nærare på ut frå kommunane sine ulike behov. Frå Leikanger sitt synspunkt er det viktig å peike på behovet for logopedressursar. Fleire av kommunane og PP-kontora har/har hatt eigne logopedar som har slutta eller som vil slutte innan få år på grunn av alder. Dette er ei gruppe fagfolk som det etter kvart er svært vanskeleg å rekruttere, og det er lite utdanningskapasitet på feltet. Rådmannen finn det naturleg at Sogndal er valt som vertskommune både ut frå geografi og ut frå nærleiken til høgskule og vidaregåande skule. Ein føreset vidare at samarbeidsorganet med rådmenn og skulefagleg kompetanse frå kvar av deltakarkommunane vert etablert allereie frå hausten av. Samarbeidsavtalen skal no til politisk handsaming i dei kommunane som har delteke i forprosjektet. Dersom nokon av kommunane vel å ikkje tilslutte seg Sogn PPT vil dette påverke kostnadane for dei andre kommunane dersom tal stillingar ikkje vert endra. Rådmannen rår til at kommunen godkjenner samarbeidsavtalen om pedagogisk psykologisk teneste for Sogn (Sogn PPT) i samsvar med vedlagde utkast med atterhald om at ein ønskjer saka tilbake til ny vurdering dersom meir enn ein av dei andre kommunane trekkjer seg.

5