Utval Møtedato Utvalssak Kommunestyret

Transkript

1 VESTNES KOMMUNE Saksframlegg Arkiv: 600 Arkivsaksnr.: 2012/1179 Saksbehandlar: Mona Janne Johansen Dato: Vurdere bruken av kommunal eigedom Utval Møtedato Utvalssak Kommunestyret Ad hoc utvalet si innstilling 1. Vestnes kommunestyre gjev administrasjonssjefen mynde til å a. avhende Trestun (gnr. 20, bnr. 52) b. fjerne Kirkebøen (del av gnr. 75, bnr. 3) 2. Brunt hybelhus og Raudt hybelhus blir tatt ut av bruk så snart dei er ledige. Vestnes kommunestyre ber om at det, i samband med budsjettbehandlinga, blir lagt fram eige sak om eventuell sanering av alle eller nokre følgjande bygg Brunt hybelhus, Raudt hybelhus og Strandbo/veven. 3. Vestnes kommunestyre ber om å få lagt fram eige sak om bruken av Myraområdet. 4. Vestnes kommunestyre gjev administrasjonssjefen mynde til å avgjere kva og kor mange husvære ein skal bruke for å prøve ut prosjektet i Bustadsosial handlingsplan. SAKSUTGREIING: Bakgrunn: Kommunestyret gjorde i møte , KST 35/2012, slikt vedtak: 1. Vestnes kommunestyre set ned eit ad-hoc utval etter kommunelova 10a som skal vurdere kommunen sin bygningsmasse og bruken av denne. Utvalet skal vurdere kor mange kommunale utleigebustader kommunen bør ha, og eventuelt kva eigedommar ein bør prioritere å selje. 2. I tillegg skal utvalet også komme med framlegg til framtidig bruk av Myra området. 3. Medlemmar i utvalet vert valt ein frå kvart parti 4. Utvalet veljer sjølv leiar blant èin av dei politisk valte medlemmane. Administrasjonen stiller med sekretær og sakkyndig kompetanse 5. Medlemmar i utvalet: Randi Bergundhaugen: (H)

2 Olav Inge eidhammer (AP) Olav Inge Lien (Sp) Anne Julie nakken (Krf) Steinar Aasgard (V) Jarle Lid (Frp) Utvalet hadde sitt første møte Då blei det gitt ein oversikt over kommunen sin bustadmasse, ei orientering om kommunale utleigebustader og spesielt om gruppa vanskelegstilte, samt ein økonomisk oversikt over eigedomsdrifta. Vidare framdrift i utvalet blei utsatt då ein venta på ei avklaring om overdraging av verksemd, og seinare omorganisering i administrasjonen. Då kommunestyret, i møte , godkjente Omsorgsplan , KST 46/2014, gjorde dei også slikt vedtak: 3. Ad hoc utvalet for eigedomsdrift, som vart oppnemnt tidlegare i KST sak 35/12, med oppdrag å vurdere framtidig bruk av kommunal bygningsmasse, skal også vurdere kva kommunale bustader som skal frigjerast for å kunne iverksette Bustadsosial handlingsplan. Utvalet har hatt tre møter i 2015 ( , og ). Mandatet er: Kven og kor mange kommunen har plikt til å skaffe butilbud til (etter lovkrav) Kor mange kommunale utleigebustader kommunen bør ha Kva husvære ein eventuelt bør prioritere å selje Om det er anna eigedom som kommunen bør selje Bruken av Myra området, - Kva skal udisponert område brukast til - Skal ein fortette området, - Infrastrukturen må tilpassast til framtidig bruk Utvalet har sett på økonomi, fått orientering frå fleire driftsleiarar, vurdert tilstanden til fleire bygningar og drøfta Myra-området. Utvalet har tolka mandatet slik at kommunen sine formålsbygg fell utanfor oppdraget. Vestnes kommune har utarbeidd ein bustadsosial handlingsplan for perioden (delplan). Målgruppa for planen er definert som Vanskelegstilte personar med utfordringar knytt til rus og/eller psykisk helse, som har behov for bustad og/eller bistand for å bu. Eitt av tiltaka i planen er eit prosjekt for å prøve ut ein tre-trinnsmodell. Vestnes kommune ved NAVkontoret har fått midlar frå Fylkesmannen for å prøve ut modellen for bustadsosialt arbeid og kartlegging/bistand i heimen slik dette er beskrive i bustadsosiale handlingsplan. Prosjektet har så vidt komme i gang. Rekruttering til målgruppa skjer hausten Utvalet har også sett på kva kommunale bustader som skal frigjerast for å kunne iversette Bustadsosial handlingsplan. Vurdering: Utvalet har som nemnt tolka mandatet slik at kommunen sine formålsbygg fell utanfor oppdraget. Ein del av oppdraget er av ein slik karakter at det må behandlast særskilt. Utvalet har gjort følgjande vurderingar til mandatet knytt til KST sak 35/2012: Kven og kor mange kommunen har plikt til å skaffe butilbud til (etter lovkrav) På det første møtet, , fekk utvalet ei generell orientering om kommunen sin bustadmasse og ein økonomisk oversikt over eigedomsdrifta. I møte blei dette repetert og det blei lagt fram oppdaterte opplysningar (sjå vedlegg 1 for oppdaterte

3 rekneskapstal). Utvalet har invitert driftsleiarane i heimetenestene, bu- og habilitering, barneog ungdomstenestene og NAV om å fortelje om behov for bustad/butilbod. Ut i frå dei opplysningane utvalet fekk i møte , er det ikkje mogleg å sette eit konkret tal for kor mange kommunen har plikt til å skaffe butilbod til. Det kan være store variasjonar frå år til år - avhengig av andre tenestetilbod, helsetilhøve, familieforhold, tilflytting m.m. Kor mange kommunale utleigebustader kommunen bør ha Kommunen leiger ut husvære til dei som har større vanskar med å få leigd seg husvære på den private marknaden (gruppa vanskelegstilt ). Tildeling av slik bustad skjer etter søknad og behovsprøving. Kommunen har eige reglement/retningsliner for tildeling av slik bustad. I dag er det i alt 39 slike bueiningar. Administrasjonssjefen har lagt fram forenkla tilstandsrapportar for Trestun, Brunt og Raudt hybelhus (vedlegga 3 og 4). Hybelhusa har ein slik standard i dag at konklusjonen er at dette er bygg som ikkje er egna til vidare utleige. Utvalet rår til at hybelhusa ikkje blir nytta til utleige vidare og at det blir tatt ut av bruk når dei er ledige. Dersom ein skal nytte Trestun vidare til utleige, står kommunen overfor store investeringar i bygget på vedlikehaldssida og ikkje minst når det gjeld branntryggleik. Utvalet rår difor til at bygget blir avhenda, fortrinnsvis utan leigetakarar. Brunt hybelhus står tomt i dag. I Raudt hybelhus og Trestun er det i alt 6 bueiningar der som er bebudd per i dag. Når desse bygga er tømt står vi att med 33 bueiningar. Om dette er eit riktig tal, avheng av m.a. leigemarknaden elles i kommunen. Utifrå talet på søknadar og kjennskap til gruppa elles rår utvalet til at ein ikkje bør avhende fleire av desse bustadane. Kommunen har 67 kommunale omsorgsbustader (innan bu/hab). Dette er husvære som kommunen bygde, og bygde om, i samband med ansvarsreforma. Dei fleste pårørande vil at deira familiemedlem skal ha husvære i sentrum. På sikt kan det være ønskjeleg å fase ut Liaråket (7 bueiningar). Fleire av bebuarane i omsorgsbustadane er godt opp i åra, og det kjem til fleire unge. Det er vanskeleg å sette eksakt tal på kva behovet er. Akkurat no er det ikkje ledige husvære i sentrum, og det er mellom på venteliste. Kommunen leiger også ut andre omsorgsbustader. Dette gjeld husvære på Senior Plaza og Aktivitetssenteret. Til saman er det 38 husvære. Også her skjer tildeling av bustad etter søknad og etter eige reglement. Det er i all hovudsak eldre som leiger her. Behovet etter slike bustader er større ein tilbodet. Det er nok ikkje aktuelt med noko sal av desse leiligheitene. Konklusjonen er at det ikkje er råd å komme med noko konkret tal på kor mange utleigebustader kommunen bør ha innanfor dei ulike utleigesegmenta. Kva husvære ein eventuelt bør prioritere å selje I tillegg til hybelhusa og Trestun er det også utarbeidd forenkla tilstandsvurdering for Kirkebøen (vedlegg 2). Når det gjeld Kirkebøen er forslaget at dette blir fjerna. I dag blir ikkje bygget leigd ut til bustadformål. Eit sal av bygget der det står vil gå utover barnehagen sitt utområde. Administrasjonssjefen kan undersøke om det er mogleg å selje bygget, men at det då blir flytta ( sal på rot ). Om det ikkje er mogleg bør bygget fjernast på anna vis (brannøving eller riving). For å få ein oversikt over eventuelle miljøgifter, skal administrasjonen få arbeidd ei miljøkartlegging før bygget blir fjerna. Trestun er foreslått avhenda. Bygget inneheld for tida 2 bebudde husvære, vevstue, brannstasjon og ungdomsklubb. Bygget er innmeldt som særskilt brannobjekt. Det vil være svært kostnadskrevjande for kommunen å følgje opp dei pålegg som vi kan vente oss. Om eigedommen blir avhenda, må kommunen leige areal til brannstasjon i Tresfjord.

4 Begge hybelhusa ligg i randsona på Myra. Forslaget er at begge bygga blir sannert slik at kommunen har herredømme over området til det er bestemt kva som skal skje med det, sjå seinare i saka. Om det er anna eigedom som kommunen bør selje Utvalet kan ikkje sjå at det er anna eigedom som kommunen bør selje. Bruken av Myraområdet o Kva skal udisponert område brukast til o Skal ein fortette området o Infrastrukturen må tilpassast til framtidig bruk Utvalet har vurdert enkelte av dei bygga på Myra som ligg i randsona begge hybelhusa og Strandbo/veven. Tilstanden på desse er slik at dei ikkje kan nyttast til buformål eller andre formål. Etter den ein kjenner til inneheld bygga også asbest, og truleg også PCB. Det er ikkje økonomisk forsvarleg å koste på bygga for å sette dei i stand. Om bygga står slik dei er i dag, står dei til nedfalls. For å unngå at nokon kan skade seg, eller at uvedkommande kan komme inn, må kommunen likevel koste på dei eit visst minimum. Ved ei eventuell sannering av bygga, kan kommunen anten koste dette sjølv, eller selje arealet og la andre stå for sannering og eventuell utvikling av arealet. Ein oversikt over kva det kan koste å rive, er lagt ved i saka sjå vedlegg 7. Administrasjonen skal få utarbeidd ei miljøkartlegging av desse tre bygga. Ei slik kartlegging må vere gjort før ei eventuell riving skjer, uavhengig av kven som står for rivinga. For å få ein betre oversikt over andre bygningar i randsona på Myra, er det utarbeidd forenkla tilstandsvurdering også av gartneriet og gult administrasjonsbygg. Utvalet vil også nemne at plasseringa til Vestnes Biobrensel AS sitt anlegg kan ha noko å seie for ønska utnytting av området på Myra. Det aktuelle området på Myra er eit pre eller eit gode som Vestnes kommune eig. Kommunen eig elles ikkje så mykje areal så sentralt i sentrum. Området kan ha eit stort potensiale, og utvalet meiner en må sjå på fleire alternativ. Skal det være ein arkitektkonkurranse om utnytting av området, nytt bustadområde, tilrettelagte bustader for spesielle grupper eller anna. Det er mange moglegheiter. Utvalet vil peike på at det er fleire forhold som bør avklarast før kommunestyret tek stilling til korleis bruken av Myraområdet bør være. Ein rår til at denne delen av saka blir behandla i ei eiga sak seinare. Utvalet har følgjade vurdering til vedtak i KST sak 46/2014: Om kva kommunale bustader som skal frigjerast for å kunne iverksette bustadsosial handlingsplan. Kommunen ved NAV-kontoret skal prøve ut eit skisseprosjekt for vanskelegstilte personar i Vestnes kommune. Prosjektet, som er heilt i startfasen, vil gjere erfaringar med differensitert kontaktetablering, kartlegging og bistandsyting. Som nemnt over vil rekruttering av deltakarar starte til hausten. Administrasjonssjefen har ikkje fått noko signal frå prosjektet om bustader dei ser føre seg bør frigjerast til dette føremålet. Modellen må prøvast ut, og evaluerast. Etter utvalet si vurdering er det viktig at kommunen kan stille med riktig/teneleg bustad til dei som er deltakarar i prosjektet. For å få til gode løysningar, meiner utvalet det er mest praktisk at administrasjonssjefen får mynde til å avgjerde dette.

5 Særutskrift til: Vedlegg: 1 Oppdaterte rekneskapstal 2 Tilstandsrapport Kirkebøen 3 Tilstandsrapport Trestun 4 Tilstandsrapport raudt og brunt hybelhus 5 Tilstandsrapport gartneriet 6 Tilstandsrapport gult adm.bygg 7 Oversikt over rivekostnader