Innkalling til Flora eldreråd

Transkript

1 FLORA KOMMUNE Innkalling til Flora eldreråd Møtedato: Møtestad: Alderssenteret Havglytt Møtetid: 11:00 Den som har lovleg forfall, eller er ugild i nokon av sakene, må melde frå så snart råd er, tlf , eller til organisasjonogpersonal@flora.kommune.no, slik at varamedlem kan bli innkalla. Varamedlemar møter etter nærare innkalling. Alternative framlegg til vedtak i nokon av sakene kan du sende på e-post til framlegg@flora.kommune.no. Flora kommune Jostein Midtbø leiar Arne Schei sekretær

2 Saknr. Tittel Sakliste 025/16 Godkjenning av møtebok 026/16 Evt. tilbakemeldingar frå møte i utval/arbeidsgrupper 027/16 Plan for institusjonsutbygging plangruppa sine konklusjonar. (Sak til levekårsutvalet vert sendt ut fredag 13.juni, og er også vedlagt her) 028/16 Kommuneplanen orientering og evt. fråsegn 029/16 Planlegging eldredag 1. oktober 030/16 Den kulturelle spaserstokken Fordeling av midlar 2016 Søknad om midlar 2017 Saker som kan kome i tillegg.

3 FLORA KOMMUNE Saksframlegg Saksnr Utvalg Type Dato 006/16 Flora eldreråd PS Sakshandsamar Arkiv ArkivsakID Arne Schei K /1203 Godkjenning av møtebok Framlegg til vedtak: Møteboka vert godkjent slik den ligg føre. Terje Heggheim Rådmann Dette dokumentet er elektronisk godkjent og har difor ingen signatur.

4 FLORA KOMMUNE Saksopplysingar: 32T Protokoll - Flora eldreråd

5 FLORA KOMMUNE Møteprotokoll for Flora eldreråd Møtedato: Møtestad: Alderssenteret Havglytt Møtetid: 11:00-13:18 Desse møtte Audbjørg Langøy Eldbjørg Rognsøy Jostein Midtbø Laila Nygård Lala Steindal Solbjørg Tonheim Arlene Oddbjørg Vågene (perm: 12.28) Parti AP H Møteleiar: Jostein Midtbø Merknad til innk.: Ingen merknader. Godkj. sakliste: Godkjent, med to saker i tillegg: Eldredagen 1. oktober og kommuneplanens samfunnsdel og arealplan. Det vert også rokering av sak 018 og 019, slik at Johnny Jacobsen si orientering kjem først. Frå adm. møtte: Adm.kons/møtesekretær Arne Schei. Utlevert i møtet: Prosjektplan og årsplan/årsrapport for Lev-Vel-prosjektet. Orientering: Johnny Jacobsen, dagleg leiar Florø kjøkkenservice KF. Jorunn Bakke Nydal og Stine Hovland om Lev-Vel-prosjektet. Spm./interpell.: Synfaring: Ymse: Til neste møte vert plansjefen invitert til å orientere om kommuneplanar som er ute til høyring. Neste møte er 23. mai

6 Sakliste Saknr. Tittel 017/16 Godkjenning av møtebok 018/16 Lev vel-prosjektet: Jorunn Bakke Nydal og Stine Hovland orienterer. 019/16 Flora kjøkkenservice KF: Johnny Jacobsen m.fl. orienterer 020/16 Ny eldrerådslovgjeving. Leiar legg fram notat for uttale i møtet 021/16 Den kulturelle spaserstokken: medverknad frå eldrerådet ved disponering av midlar for 2016 og søknad om midlar for /16 Møte/opplæring av eldrerådsmedlemer og medlemer i råd for menneske med nedsett funksjonsevne i Førde 3. juni /16 Tilbakemelding frå hovudutvalsmøte og kulturkonferanse i Førde 12. april 024/16 Eldredagen 1. oktober.

7 017/16: Godkjenning av møtebok Framlegg til vedtak: Møteboka vert godkjent slik den ligg føre. Handsaming: Framlegget til vedtak vart samrøystes vedteke. Møteboka vert godkjent slik den ligg føre /16 Lev vel-prosjektet: Jorunn Bakke Nydal og Stine Hovland orienterer Orienteringa vert teke til vitande /16 Flora kjøkkenservice KF: Johnny Jacobsen m.fl. orienterer Orienteringa vert teke til vitande /16 Ny eldrerådslovgjeving. Leiar legg fram notat for uttale i møtet Framlegg: NOTAT ON NY ELDRERÅDSLOVGJEVING Kommunaldep., arbeids-og sosialdep. og likestillings- oginkluderingsdep har sendt ut høyringsnotat råd for eldre, personar med nedsett funksjonsvne og ungdom i kommunar og fylkeskommunar. Særlova frå 1991 om eldreråd og lov om råd for personar med nedsett funksjonsevne frå 2007 vert føreslegne oppheva. I staden vert det føreslege generell forskrift i kommunelova om råd for eldre og personar med nedsett funsjonsevne. Regjeringa føreslær her at eldre og funksjonhemma skal ha lovbestemt rett til medverkning gjennom eigne råd i kommunar og fylkeskommunar. Når det gjeld råd for ungdom vert det føreslege at kommunane skal stå fritt til å opprette desse. Flora eldreråd ser det som positivt at regjeringa er oppteken av å halde fast på den lovfesta retten for eldre og funksjonshemma sine råd i kommunar og fylkeskommunar. Å gjere denne retten til ein del av kommunelova har Flora eldreråd ingen merknad til. Flora eldreråd vil peike på nokre punkt som må få klar forankring i det sentrale lovverket: - Det må vere klart pålegg om at komunane stiller sekretærhjelp og tilstrekkeleg økonomiske ressursar til rådvelde for dei lovpålagde råda.

8 - Det må slåast fast at råda skal komme tidleg inn i saksbehandlingsprosessen. Dette gjeld særleg økonomi/budsjettprosessar og plansaker. - Flora eldreråd ser det som positivt at det blir oppretta reine eldreråd. I ein del saker kan det vere naturleg å arbeide saman med råd for funksjonshemma. - Samansetjinga av eldreråda må vere slik at alderspensjonistar har fleirtal. Ulike pensjonistgrupper må ha rett til å føreslå medlemmer i eldreråd. - Talerett for eldreråd i kommunestyre og hovudutval bør vere ein del av lovverket ikkje opp til den enkelte kommune å avgjere. Det ligg i tida at brukargrupper skal ha høve til deltaking i avgjerdsprosessar. For mange eldre og sjuke vil eldreråda fungere som talspersonar i det kommunale systemet. Uttalen vert send til en sentrale administrasjonen i kommunen for vidare behandling. Framlegget til vedtak frå Jostein Midtbø vart samrøystes vedteke /16 Den kulturelle spaserstokken: medverknad frå eldrerådet ved disponering av midlar for 2016 og søknad om midlar for Leiar har kontakt med Edvin om Den kulturelle spaserstokken. Leiar vert kalla inn til møte i lag med leiarane for institusjonane. Samrøystes vedteke /16 Møte/opplæring av eldrerådsmedlemer og medlemer i råd for menneske med nedsett funksjonsevne i Førde 3. juni Også Solbjørg Tonheim og Laila Steindal vert påmeldt. Heile eldrerådet har fått tilbod om kurset. Samrøystes vedteke /16 Tilbakemelding frå hovudutvalsmøte og kulturkonferanse i Førde 12. april Tilbakemeldingane vert samrøystes teke til vitande /16 Eldredagen 1. oktober. Eldredag 1. oktober: Skal rådet halde fram med dette? JA! Kontakte samfunnshuset og bestille hus. Frå kl og fram til Samrøystes vedteke.

9 FLORA KOMMUNE KVALITET OG UTVIKLING Saksframlegg Sakshandsamar Arkiv ArkivsakID Trude Gulbranson K1-614, K2 - H31 13/ Organisering av Framtidas Omsorgstenester Framlegg til vedtak: Flora kommune sin omsorgsprofil og driftsmodell på nivå 6 og 7 i omsorgstrappa vert følgande: 1. Flora kommune skal ha ein heimebasert omsorgsprofil,med styrking av heimetenester. 2. Flora kommune skal planlegge fleire døgnplassar som Omsorg Pluss konsept. Planlegginga skal inkludere innfasingsplan for bruk 3. Utbygging av heildøgnsbemanna omsorgsbustader i sentrum skal lokaliserast til "Docen" området. Kapasiteten skal nyttast før ein nyttar sjukehusbygget/tomta til omsorgsføremål med bemanning. 4. Fleire brukargrupper skal bu i same området. Det skal leggast til rette for fleksibel bruk for alle grupper i alle aldrar 5. Behov for å utvide omfanget av omsorgsbustader i Eikefjord etter Omsorg Pluss modell vert omsyntatt i planlegginga av ytterlegare behov for omsorgsbustader etter at Docen 2 er realisert. 6. Oppstart planlegging av auka institusjonskapasitet vert januar Planlegginga skal ta utgangspunkt i oppdaterte framskrivingar og dekningsgrader etter vridning til heimetenestemodell. Terje Heggheim rådmann Norunn Stavø kommunalsjef Dokumentet er elektronisk godkjent og treng ikkje signatur

10 Saksopplysningar: Kva saka gjeld: Plangruppa for "Framtidas Omsorgsteneste" er ferdige med å svare på mandatet sitt, og rådmannen legg med bakgrunn i arbeidet til plangruppa fram sak til Levekårsutvalet. Innleiing: I sak 003/16 vart det fatta følgande LKUV-vedtak: 1. Levekårsutvalet set ned følgande plangruppe for å finne driftsøkonomisk og berekraftig organisering av eldreomsorga, med ein god kvalitet som ivaretek dei med omsorgsbehov: - Karianne Torvanger, leiar og Arlene Vågene, nestleiar. - 1 representant frå rådmannen - 1 representant frå Omsorgstenesta - 1 representant frå Teneste Helse - Kommuneoverlege - 1 representant frå Eldrerådet - 1 representant frå rådet for funksjonshemma - Omsorgsfagleg rådgjevar frå Kvalitet og utviklingsavdelinga, som og er sekretær for plangruppa. 2. Plangruppa sitt mandat: - Kome med framlegg om driftsøkonomisk og berekraftig organisering/tenestemodell for eldreomsorga i lys av ressursbruk og kvalitet. - Dimensjonering av døgnplassar, og vurdere korleis ein best mogleg kan nytte dei samla ressursane i dei øverste trinna i omsorgstrappa. Organiseringa skal vere driftsøkonomisk og berekraftig med god kvalitet. 3. Plangruppa sitt arbeid vert og ein del av arbeidet med rulleringa av Helse,-sosial og omsorgsplan , og vert ein del av Struktur 2020 i smsvar med bystyresak 111/15 4. Levekårsutvalet skal vere referansegruppe. Plangruppa har hatt 4 planmøte våren 2016, og hatt framlegg for innspill i Levekårsutvalet 2 gongar. Plangruppa har bestått av Karianne Torvanger, leiar og Arlene Vågene, nestleiar. Norunn Stavø, kommunalsjef. Ragnhild Holm, pleie og omsorgssjef. Anita Norstrand, tenesteleiar Helse. Jan Helge Dale, kommuneoverlege. Laila Nygård, Eldrerådet. Magne Sandvik, rådet for mennesker med funksjonsnedsetting og Trude Gulbranson frå kvalitet og utvikling. Plangruppa har lagt eit samla utfordringsbilde i omsorgstenestene til grunn for sitt arbeid. Det samla utfordringsbildet er gitt med bakgrunn av faktaopplysningar frå tenestene, frå nasjonale føringar, frå Flora kommune sitt arbeid med kommuneplanen sin samfunnsdel og frå oppdatert forsking på ressursbruk og organisering av eldreomsorg. Under vert faktagrunnlaget lista opp. Dei 5 første punkta nedanfor var og tema/orientering for eit samla Flora bystyre på fagdag helse og omsorgs 2. januar 2016: - Meld.St. 26 ( ) Fremtidens primærhelsetjeneste nærhet og helhet - Omsorg Regjeringens plan for omsorgsfeltet Demensplan Et mer demensvennlig samfunn - Pwc, juni 2015: Ressursbruk i pleie og omsorgssektoren. Betydningen av organisering, ledelse og kultur. - Flora kommune demografi og ressursbruk/behov i tenestene. - Nova, november 2014: Planer for et aldrende samfunn. Bolig og tjenester for eldre i kommunene.

11 Tabellen over vart presentert 2. januar i år til Florø Bystyre på fagdag Helse og Omsorg. Biletet syner kostnadane på dagens organisering av helse og omsorgstenestene. Dette er ikkje berekraftig utvikling. Dei store kostnadsdrivarane er bu og miljø, og i særstilling tiltaka som er organisert som BPA. Dette er tiltak rundt einskildbrukarar. Tiltaka er ikkje samlokaliserte, og har eige personell knytt til seg. Når det gjeld eldreomsorga framhever Innovasjon i Omsorg (NOU 2011:11) at tenester i heimen er meir kostnadseffektive enn institusjonsdrift i eit aldrande samfunn. Kostnadsbildet for Flora kommune ovanfor syner at driftskostnadane er vesentleg lågare ved å yte hjelp i heimen enn på institusjon. Plangruppa har diskutert det store utfordringsbildet i tenestene, og er samstemte i at dei store utfordringane i Flora kommune ikkje er knytt til eldreomsorga. Dei store utfordringane er knytt til ungdom/unge vaksne som treng meir eller mindre hjelp, og utfordringane er ikkje minst knytt til mange barn og unge i risiko. Det er i denne gruppa kommunen må prioritere ressursar for å førebygge og hindre negativ utvikling på mange nivå. Plangruppa tar ikkje stilling til tiltak då dette ikkje er del av mandatet, men er viktig for det totaliteten på korleis Flora kommune skal utforme "Framtidas Omsorgsteneste". Vurdering: Under følgjer plangruppa sine vedtak etter mandatet, med utdjupande vurdering. Organisering/tenestemodell. Plangruppa har etter mandat, kome med framlegg om driftsøkonomisk, berekraftig tenestemodell for eldreomsorga: 1. "Flora kommune skal ha ein heimebasert omsorgsprofil. Styrking av heimetenestene inkludert dagtilbod, rehabiliteringstilbod og lærings-og meistringstilbod. Fokus på meistring, førebygging av einsemd og velferdsteknologi skal ha mål om at brukarane skal klare seg best mogleg og lengst mogleg i eigen bustad." Det er store utfordringar når det gjeld bærekraft, og dagens teneste er i liten grad utforma til å møte morgondagens behov med omsyn til demografi, tilgangen på arbeidskraft i sektoren, og økonomiske ressursar. Det er trong for nye arbeidsmetodar og nye faglege tilnærmingar. Fagleg omstilling i tenestene er mellom anna knytt til ei sterkare vektlegging av meistring, rehabilitering, førebygging,

12 tidleg innsats, aktivisering, nettverksarbeid, miljøarbeid, rettleiing av pårørande og frivillege og til innføring av velferdsteknologi. Kvaliteten er og tett knytt til den medisinskfaglege oppfølginga. En sterk omsorgsteneste krev og fagleg og strategisk god leiing. Plangruppa har i valget på ein heimetenestebasert omsorgsprofil støtta seg på offentlege utredningar og rapportar om bærekraft og organisering av framtidas omsorgstenester. Omsorg 2020 regjeringas plan for omsorgsfeltet seier dette om den nye heimetenesta: "Både kvalitets-og ressursmessig ligg det eit stort potensiale i ei enda sterkare utbygging av heimetenestene. Dei heimebaserte tenestene møter ofte brukarane og pårørande i ei tidleg fase av sjukdomsutvikling, og kan bidra til at dei kan leve og bu sjølvstendig og ha ein aktiv og meiningsfull kvardag i fellesskap med andre. Ei sterkare heimeteneste kan og førebygge ytterlegare funksjonssvikt og sjukdomsutvikling og bidra til å utsetje institusjonsinnlegging eller gjere institusjonsopphald unødig. Det er difor behov for å auke satsing på heimetenester og tidleg innsats. Dette vil og gje grunnlag for å vidareutvikle samarbeidet mellom den offentlege omsorgstenesta, den frivillege og familiebaserte omsorga og spesialisthelsetenesta" Heimetenestemodellen skal inneholde: - Heimesjukepleie med heimesjukepleie ( helsehjelp) og praktisk bistand ( heimehjelp) - Trygghetspakke med alarm og velferdsteknologi/varslingar - Kvardagsrehabilitering - Hjelp til sjølvhjelp - Lærings og meistringstilbod - Dag- og aktivitetstilbod - Mattilbod. - Heilskaplege og koordinerte tenestetibod I den heimebaserte tenestemodellen ligg det ei klar oppmoding om hjelp til sjølvhjelp, og aktiv deltaking i si eiga omsorg, men med tryggleik i botn om å få den hjelpa brukarane treng når dei treng det. 2. "Flora kommune skal planlegge fleire døgnplassar som Omsorg Pluss konsept. Planlegginga skal inkludere innfasingsplan for bruk" Med bakgrunn i ei framskrevet auke i tal eldre, og ei forventa auke i tal eldre med demens veit vi at vi vil trenge fleire tilrettelagte døgnplassar for eldre i kommunen i framtida.plangruppa stilte seg då spørsmålet : Korleis auke tal institusjonsplassar? I prinsippet er det 2 måtar å gjere dette på; Alternativ 1: Bygge fleire institusjonsplassar, og Alternativ 2: redusere liggetida/behovet for institusjon ved å gjere det mogleg å bu heime lengre. Plangruppa vurderte at alternativ 1 er kostnadskrevjande og gir ingen automatisk kvalitetsgaranti. Driftskostnadane er vesentleg høgare ved å yte hjelp på institusjon, enn å yte hjelp som heimeteneste. Utan betydelege rammeauker kan alternativ 1 krevje nedprioriteringar av tenester i heimen. Konsekvensen vert at etterspørselen av plass på institusjon aukar. Alternativ 2 fordrar at kvaliteten/mengda og fleksibiliteten i heimetenesta må auke så fleire eldre kan bu heime lengre. Det vil krevje styrking av tverrfagleg teamarbeid, førebyggande tiltak, rehabilitering og medisinsk oppfølging. Omsorg 2020 regjeringas plan for omsorgsfeltet seier dette om moderne lokaler og buformer: "Framtidas sjukeheimar/institusjonar og omsorgsbustader må tilpassast og utformast ut i frå det behov som morgondagens brukarar har. Dette vil krevje eit mangfold av buformer. Moderne og godt utstyrte lokale er og avgjerande for effektiv drift og eit godt arbeidsmiljø for dei som vil arbeide i denne sektoren" Omsorg Pluss er et nytt konsept i eldreomsorga der det vert vektlagt at eldre skal bu i eigen/leigd bustad lengst mogleg. Det er døgnbemanna omsorgsbustader med tilbod om felles måltider, og

13 heimetenester etter individuell behovsvurdering. Konseptet brer seg no i dei større byane, mellom anna Bergen. Flora kommune ventar på "Docen 2", heildøgnsbemanna omsorgsbustader. Det er klare juridiske skilnader mellom institusjon og omsorgsbustad med bemanning. Formelt og juridisk har bebuaren mynde i bustaden, personalet i institusjonen. Institusjonskarakteren kan og ligge i haldningar og i driftsmåte. Det er små praktiske forskjellar (særskilt mellom omsorgsbustader med bemanning og institusjon) i realiteten er det organiseringa og finansieringa som er ulik. Institusjon er omfatta av "sjukeheimsforskrifta". Omsorgsbustader er regulert av husleigelova, eigarseksjonslova eller burettslagslova, og tenestene som vert ytt er heimetenester som fell under helse og omsorgstenestelova. Det er ingen statleg fastsett bemanningsnorm verken på institusjon eller i omsorgsbustad. I følgje lovverket skal den einskilde pasient/brukar kunne motta naudsynte pleie og omsorgstenester uavhengig av kor vedkomande bur. Tryggleik er ofte ein faktor som vert tema når det er snakk om flytting til omsorgsbustad eller institusjon - at nokon er tilstades. Denne tryggleiken må vi klare å lage utanfor institusjon. Institusjonstilbodet skal være for dei som treng det mest. Funksjonsnivået er avgjerande, og det skal være ei trygging for institusjonsplass når det er naudsynt.. 3. Utbygging av heildøgnsbemanna omsorgsbustader i sentrum skal lokaliserast til "Docen" området. Kapasiteten i området skal nyttast før ein nyttar sjukehusbygget/tomta til omsorgsføremål med bemanning. 4. Fleire brukargrupper skal bui same området. Det skal leggast til rette for fleksibel bruk for alle grupper i alle aldrar. 5. Behov for å utvide omfanget av omsorgsbustader i Eikefjord etter Omsorg Pluss modell vert omsyntatt i planlegginga av ytterlegare behov for omsorgsbustader etter at Docen 2 er realisert. Samlokalisering av Omsorgsbustader er viktig med omsyn til bærekraft. Dette gjeld både kvalitet, kompetanse, tryggleik for bebuarar, attraktivitet som arbeidsplass, og økonomisk bærekraft. Docen burettslag består av 21 bueiningar der det bur hovudsakleg eldre bebuarar, men og yngre brukarar med ulike hjelpebehov. Det er og snarleg oppstart av bygging av 32 bueiningar på tomta, "Docen 2". Docen området er altså eit område med bemanning per i dag, og plangruppa ønskjer å nytte dette området og kapasiteten her før ein planlegg ytterlegare områder for omsorgsdrift. Unnatak kan vere om ein skal tenke noko auke i kapasiteten på omsorgsbustader rundt Alhuset i Eikefjord. Samlokalisering og attraktive miljø for fleire brukargrupper vil vere avgjerande for ein driftsøkonomisk og berekraftig tenestemodell. Samlokalisering og rett organisering vil kunne gje handlingsrom for å nytte personell og kompetanse på ein ny og fleksibel måte. 6. Oppstart planlegging av auka institusjonskapasitet vert i januar Planlegginga skal da ta utgangspunkt i oppdaterte framskrivingar og dekningsgrader etter vridning av tenestemodell til heimetenestemodell. Plangruppa har vurdert at planlegging av auka institusjonskapasitet ikkje skal planleggast i denne bystyreperioden. Dette for å ha fokus på vridning av tenestemodell i denne perioden, men og fordi plangruppa vurderer ein planoppstart for auka institusjonskapasitet i 2020 som tilstrekkeleg. Plangruppa vurderer at kommunen har tilstrekkeleg med institusjonsplassar til Med realiseringa av Docen 2 vurderer plangruppa at kommunen har nok samla døgnplassar til Denne framskrivinga er basert på ei dekningsgrad som faktisk nivå landet. Når Docen 2 står ferdig får Flora kommune ei vesentleg auke i mogelege døgnplassar, enn kva vi samla sett har i dag. Rådmannen vurderer organisasjons og tenestemodellen som plangruppa har komt fram til som riktig utvikling av eldreomsorga. Heimetenestebasert omsorgsmodell og styrking av heimeteneste og nye former for organisering av eldreomsorga er naudsynt for å få til ei berekraftig utvikling. Plangruppa sitt arbeid er og heilt i tråd med nasjonale anbefalingar for korleis framtidas primærhelseteneste bør organiserast.

14 Økonomiske konsekvensar: Auke i heimetenestene vert årleg budsjettsak. Miljømessige konsekvensar: Aktuelle lover, forskrifter, avtalar mm: Meld.St. 26 ( ) Fremtidens primærhelsetjeneste nærhet og helhet Omsorg Regjeringens plan for omsorgsfeltet Innovasjon i omsorg (NOU 2011:11)