Møteinnkalling. Nærøyfjorden verneområdestyre

Transkript

1 Møteinnkalling Nærøyfjorden verneområdestyre Utval: Møtestad: Kommunehuset, Aurland Dato: Tidspunkt: 11:00 Eventuelt forfall må meldast snarast på tlf eller e-post Vararepresentantar møter etter nærare beskjed. Desse har meldt forfall til møtet: Voss kommune - Hans Erik Ringkjøb og vararepresentant. Hordaland fylkeskommune - Aslaug Hellesøy og vararepresentant.

2

3 Saksliste Utvalssaksnr ST 23/15 ST 24/15 Innhald Lukka Arkivsaksnr Godkjenning av innkalling og dagsorden Underskrift av protokoll frå førre møte ST 25/15 Nærøyfjorden landskapsvernområde - klagebehandling av etablering av basestasjon for naudkommunikasjon på Skjerpi Nærøyfjorden ST 26/15 Nærøyfjorden landskapsvernområde - restaurering av eldhus/vedhus på Øvste Stigen ST 27/15 ST 28/15 ST 29/15 ST 30/15 ST 31/15 DS 4/15 RS 6/15 RS 7/15 Nærøyfjorden landskapsvernområde - sti og utsiktspunkt til Sivlesfossen Nærøyfjorden landskapsvernområde - oppsett av utedo ved Inste Holmaviki Nærøyfjorden verneområdestyre - uttale til interkommunale kommunedelplan for Fjellheimen villreinområde Nærøyfjorden verneområdestyre - Delegering av vedtaksmynde til forvaltar Tiltaksplan 2016 for verneområde i Nærøyfjordområdet. Nærøyfjorden landskapsvernområde - utvida løyve til helikopterlanding ved Grindaflethytta for transport av materiale Kjøring i verneområdet Bleia - Storebotnen uke 41 Etablering av basestasjonar for naudnett i verneområda Reinheimen, Mørkridsdalen, Dalsida og Nærøyfjorden RS 8/15 Bleia-Storebotnen landskapsvernområde - avgjerd i klagesak som gjeld søknad om motorferdsel 2014/ / / / / / / / / / /1325

4 NÆRØYFJORDEN VERNEOMRÅDESTYRE Saksframlegg Arkivsaksnr: 2014/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 25/ Nærøyfjorden landskapsvernområde - klagebehandling av etablering av basestasjon for naudkommunikasjon på Skjerpi i Nærøydalen Innstilling frå forvaltar Nærøyfjorden verneområdestyre godkjenner e-post av frå Technogarden AS som klage, sjølv om klagen kom inn etter klagefristen jf. forvaltningslova 31. Verneområdestyret tek klagen opp til behandling. Saksopplysningar Oversending av klage på vedtak om å fjerne ulovleg oppsett naudnettmast ved Skjerpi i Nærøydalen, Miljødirektoratet Pålegg om å fjerne naudnettmast ved Skjerpi i Nærøydalen, Fylkesmannen i Sogn og Fjordane Feilplassering av naudnettmast på Skjerpi i Nærøydalen oppfylging av saka, verneområdeforvaltar Nærøyfjorden Oppmoding frå Technogarden AS om å behandla saka på nytt, Notat frå synfaring av naudnettmast på Skjerpi Avslag på søknad - vedtak i Nærøyfjorden verneområdestyre Førespurnad frå Technogarden AS om å behalda ferdig bygd naudnettmast på Skjerpi, datert Vedtak frå Aurland kommune om løyve til oppføring av mast og hytte for naudkommunikasjon Skjerping (ref. 14/317-8) Søknaden vert vurdert etter: Forskrift om vern av Nærøyfjorden landskapsvernområde av Forvaltningsplan for Vestnorsk fjordlandskap Nærøyfjorden 2007 Naturmangfaldlova av Retningslinjer ved behandling av søknader om utbygging av nødnett i verneområdene, Miljøverndepartementet

5 Nærøyfjorden verneområdestyre behandla søknad frå Technogarden AS om å få ha ståande ei naudnettmast på Skjerpi i Nærøydalen Verneområdestyret avslo søknaden med fylgjande vedtak: «Nærøyfjorden verneområdestyre gjev ikkje Technogarden AS dispensasjon til å ha ei naudnettmast ståande på Skjerpi i Nærøyfjorden landskapsvernområde. Naudnettmasta skal plasserast utanfor landskapsvernområdet i tråd med byggeløyve frå Aurland kommune. Avslaget er heimla i verneforskrifta for Nærøyfjorden landskapsvernområde 3 pkt Nærøyfjorden verneområdestyre sender saka over til Fylkesmannen i Sogn og Fjordane for oppfylging med å retta opp tiltaket, jf. naturmangfaldlova 69.» Technogarden AS har teke kontakt med Miljødirektoratet og ber om klagebehandling av vedtaket i verneområdestyret av På bakgrunn av denne kontakten ber Miljødirektoratet Nærøyfjorden verneområdestyre vurdera om ein e-post av frå Tehcnogarden AS til verneområdestyre kan sjåast på som ein klage, og om det føreligg grunnlag for å gje oppfrisking for oversitjing av klagefrist jf. forvaltningslova 31. Oppsummering av saka Technogarden AS (heretter nemnt som tiltakshavar) har hatt oppdrag med bygging av naudnettmast i Nærøydalen. Tiltakshavar søkte Aurland kommune og fekk løyve til å setja opp naudnettmast på Skjerpi i Nærøydalen. Plasseringa låg utanfor Nærøyfjorden landskapsvernområde. Under arbeid med bygging av masta vart mastepunktet flytta frå punktet som det var gjeve løyve til i Aurland kommune, og inn i Nærøyfjorden landskapsvernområde. Bakgrunnen for flyttinga var at dei vurderte dette som ei betre terrengmessig plassering. Aurland kommune fekk ikkje søknad om flytting av masta, og har difor ikkje behandla ny plassering. Etter at tiltakshavar oppdaga at masta truleg var sett opp innafor Nærøyfjorden landskapsvernområde, vart verneområdeforvaltar kontakta av tiltakshavar, og det vart sendt søknad om å få ha naudnettmasta ståande i landskapsvernområdet. I saksutgreiinga frå forvaltar var det lagt stor vekt på retningslinjene frå Miljøverndepartementet av Retningslinjene frå departementet er tydlege på at naudkommunikasjonen ikkje skal føra til inngrep i verna område når det finst alternative plasseringar utafor verneområde. I denne saka er det gode alternative plasseringar utanfor verneområdet. Etter vedtaket var gjort, bad tiltakshavar om ei synfaring for å finna nøyaktig GPS-punkt for masta. Det er dårleg GPS-dekning i Nærøydalen, og det var difor vanskeleg å sei sikkert om masta var plassert innafor eller utafor verneområdet. På synfaringa var det heller ikkje mogleg med sikkerheit å sei kvar grensa for landskapsvernområdet går, og om masta med hytta var plassert heilt eller delvis i verneområdet. Tiltakshavar fekk difor bestilt nøyaktig oppmåling av eit oppmålingsfirma. På synfaringa var det einigheit om at dersom det viste seg at masta var innafor verneområdet, skulle den flyttast utafor området. Under synfaringa var det einigheit om kvar ein evt. ny plassering kunne vera. Det vart sendt ut notat frå møtet til deltakarane på synfaringa. Tiltakshavar sendte e-post med resultat frå oppmålinga Resultat frå oppmålinga viste at senter av masta var plassert ca. 9,5 meter inn i verneområdet. I same e-posten bad tiltakshavar om at saka vart tatt opp til ny behandling i verneområdestyret, og bad om at det vart gjeve dispensasjon til tiltaket. Tiltakshavar bad verneområdestyret og fylkesmannen sjå på dei totale samfunnsmessige belastningane ei flytting av masta

6 ville medføra. Verneområdeforvaltar såg ikkje på brevet som ein klage, og sendte svar på brevet I brevet står det at det ikkje var kome inn nye moment i saka utanom stadfesting på at naudnettmasta stod innafor verneområdet, og at det difor ikkje var grunnlag for å ta saka opp på nytt. Brevet vart lagt fram for Nærøyfjorden verneområdestyre til orientering. Fylkesmannen i Sogn og Fjordane sendte brev til tiltakshavar med pålegg om å fjerne naudnettmasta. Dette var eit vedtak om oppfylging av vedtaket av i Nærøyfjorden verneområdestyre. Tiltakshavar klaga på dette vedtaket. Fylkesmannen sendte klagen vidare til Miljødirektoratet for vidare behandling. Verneområdestyret må ta stilling til om e-posten av frå Technogarden AS kan takast under behandling som klage. I vurdering om klagen bør takast opp til behandling, skal det leggjast vekt på om endring av vedtaket kan medføra skade eller ulempe for andre. Dersom styret gjer vedtak om å ta klagen under behandling, må styret ta klagen opp til behandling. Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. verneforskrifta 2. Nærøyfjorden landskapsvernområde er «..verna mot alle inngrep eller tiltak som vesentleg kan endre eller verke inn på landskapets art eller karakter» jf. verneforskrifta 3, pkt.1.1. I dei spesifiserte reglane i verneforskrifta jf. 3, pkt. 1.3, er det ikkje opning for å gje løyve til tiltaket det vert søkt om. Forvaltningsstyresmakta, eller den forvaltningsstyresmakta gjev fullmakt, kan i fylgje verneforskrifta 4 gjera unntak i særskilte høve. Denne paragrafen er erstatta av naturmangfaldlova 48 fyrste ledd, som seier at forvaltningsmynde «kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig». Søknad om dispensasjon for bygging av basestasjon for naudnett skal vurderast etter ledd, andre alternativ, jf. Retningslinjer ved behandling av søknader om utbygging av nødnett i verneområdene ( Miljøverndepartementet). Vurdering Etter forvaltningslova er fristen for å klaga på vedtak 3 veker frå det tidspunktet underretning om vedtaket er kome fram til vedkomande part. Technogarden AS opplyser at dei mottok vedtaket E-posten av frå Technogarden AS kom etter klagefristen. E-posten vart ikkje oppfatta som nokon klage, men ynskje om at verneområdestyret behandla saka på nytt. Synfaringa på naudnettmasta vart gjennomført Dersom det vert lagt til grunn at ynskje om synfaring og vurderinga av nøyaktig plassering av naudnettmasta burde vore oppfatta som del av ein klage frå Technogarden, meiner forvaltar e-post av bør vurderast som ein

7 klage. Forvaltar kan ikkje sjå at eventuell omgjering av vedtaket fører til ulempe eller skade for andre. I vurdering om å ta klagen til behandling, bør det vektleggjast at klagar ber om at øvste klageorgan, som er Miljødirektoratet, får vurdere saka. På bakgrunn av desse vurderingane meiner forvaltar det føreligg grunnlag for å gje oppfrisking for oversitjing av klagefrist, og at klagen kan takast opp til behandling. Forvaltar kjem ikkje med framlegg til nytt vedtak i ei eventuell klagebehandling. Vurdering i saksframlegget av sak 10/15: Plasseringa av naudmasta der den er sett opp er ikkje behandla etter verneforskrifta, då planlagt plassering ligg utanfor landskapsvernområdet. Det er ei nasjonal målseting å unngå bygging av nye radiostasjonar i verna område, samtidig som det er av vesentleg samfunnsinteresse at det er god dekning i område der det er kvalifisert trong for det, jf. retningslinjer frå Miljøverndepartementet. Det er understreka at det er eit absolutt vilkår for dispensasjon at tiltaket er naudsynt. Dersom tiltaket kan leggjast utanfor verneområde skal det leggjast utanfor. Vidare står det at «Dersom det ikke er mulig å bygge mastene utenfor verneområdene, skal man søke å finne det alternativ som er minst skadelig for verneverdiene i verneområdene.» jf. Prop. 100 S ( ). I dette tilfellet var det funne ei god plassering av masta utanfor landskapsvernområdet. Etter naturmangfaldlova (nml) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Kunnskapen om området er kjent gjennom forvaltningsplan for Nærøyfjorden, og synfaringar i området. Søk i artskart ( ) viser ingen raudlisteartar i området. Det er heller ikkje raudliste naturtypar i dette området (Naturbase ). Kunnskapen om området jf. 8 i nml er vurdert som god i denne saka, og føre-var-prinsippet jf. 9 i nml er vektlagt i saka. Skjerpi er eit bustad- og landbruksområde med bustadfelt, kraftlinjer, vegar og E 16. Grensa for landskapsvernområdet går mellom 50 og 60 meter ovafor byggefeltet på Skjerpi. Sørvest for byggefeltet, ved Hallinguri, er det bygd ein skredvoll som går inn i landskapsvernområdet. Området er prega av mange inngrep, og ei naudnettmast vil gje eit nytt inngrep i verneområdet. I tillegg må det gravast ei grøft fram til naudnettmasta for tilføring av straum. Tiltaket vil vera med å auka den samla belastninga på området (nml 10), og vil skapa uheldig presedens for liknande saker både i dette og andre landskapsvernområde. Inngrepet som feilplasseringa av masta har medført, er reversibelt, og området kan rettast opp att. Det er gode vekstvilkår her, og med tilrettelegging vil området raskt kunne gro att med tre og undervegetasjon. Plasseringa utafor landskapsvernområdet er vurdert som god av utbyggjar og kommunen, og plasseringa er til liten skade for naturmiljøet jf. nml 12. Masta var planlagt på vestsida av ein skredvoll som vil skjerma for skred. Der masta er plassert i dag er den fortsatt på lesida av skredvollen, men den står høgare i terrenget. Retningslinjene frå departementet er tydlege på at naudkommunikasjonen ikkje skal føra til inngrep i verna område når det finst alternative plasseringar utafor verneområde. I denne saka er det gode alternative plasseringar, og det er ikkje naudsynt for etablering av naudkommunikasjonen å setja masta opp i verneområdet. På denne bakgrunn er det ikkje heimel for å gje dispensasjon etter naturmangfaldlova 48 fyrste ledd, andre alternativ. Forvaltar rår til at masta skal fjernast frå landskapsvernområdet og setjast opp på opphavleg planlagt plassering. Tiltakshavar kan påleggjast å dekka kostnadane med å retta skadane på naturmangfaldet jf. nml 11. Dette må vurderast i oppfylginga av saka. I fylgje naturmangfaldlova kapittel IX 69

8 (retting og avbøtande tiltak), er det Fylkesmannen som kan påleggja den ansvarlege å rette opp tiltak som er i strid med verneforskrifta. Vedtak om avslag i saka må difor sendast over til Fylkesmannen for vidare oppfylging.

9 NÆRØYFJORDEN VERNEOMRÅDESTYRE Saksframlegg Arkivsaksnr: 2015/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 26/ Nærøyfjorden landskapsvernområde - restaurering av eldhus/vedhus på Øvste Stigen Innstilling frå forvaltar Nærøyfjorden verneområdestyre gjev løyve til å ta ned eldhus/vedhus på Øvste Stigen i samband med restaurering av bygningane. Restaureringsarbeidet skal gjerast etter antikvariske prinsipp og i samsvar med føringar frå Sogn og Fjordane fylkeskommune. Bygningane skal setjast opp att på grunnmurane etter murane er restaurert. Løyvet er gjeve med heimel i verneforskrifta for Nærøyfjorden landskapsvernområde 3 punkt 1.3 c). Det skal sendast rapport frå arbeidet når bygget er kome på plass att, og innan utgangen av Det skal sendast melding til sekretariatet dersom det vert endringar i planane for restaurering og gjennomføring. Det må sendast eigen søknad til Nærøyfjorden verneområdestyre dersom det er trong for motorisert transport i samband med restaureringsarbeidet. Dette løyvet gjeld berre tilhøve etter verneforskrifta. Søkjar må ta kontakt med Aurland kommune for vurdering etter anna lovverk. Saksopplysningar Dokument som bakgrunn for saka: Søknad frå Irene og Ottar Stegen om løyve til å ta ned eldhus/vedhus på Øvste stegen, datert Søknaden vert vurdert etter: Forskrift for Nærøyfjorden landskapsvernområde av

10 Forvaltningsplan for Vestnorsk fjordlandskap delområde Nærøyfjorden (godkjent 2007) Naturmangfaldlova av 19. juni 2009 Irene og Ottar Stegen planlegg å restaurera eldhus/vedhuset på Øvste Stegen. Bygningen er frå ca Dei søkjer Sogn og Fjordane fylkeskommune om tilskot frå kulturmidlar til verdsarvområdet i Nærøyfjordområdet til restaureringsarbeidet. Deler av grunnmuren under bygget har rasa ut. Grunnmuren må difor murast opp att før bygget kan restaurerast. Dei søkjer difor om å få ta ned bygget, lagra material og inventar medan muren vert restaurert, og setja opp att bygget på grunnmuren. Framdriftsplanen er å ta ned bygget og restaurera muren i Bygget er planlagt sett opp att i Stigen er eit av områda i landskapsvernområdet som vert trekt fram i forvaltningsplan som har særskild verdi som kulturmiljø og opplevingsverdi. I Restaureringsplan for Vestnorks fjordlandskap delområde Nærøyfjorden (Nærøyfjorden verdsarvpark 2014), er bygningane på Øvste Stigen høgt prioritert. Eldhus/vedhus. Foto frå søknad Lovgrunnlaget Nærøyfjorden landskapsvernområde er «verna mot alle inngrep eller tiltak som kan verke inn på landskapets art eller karakter» jf. verneforskrifta 3 punkt 1.1. Vanleg vedlikehald av bygningar kan gjennomførast utan særskilt løyve, men arbeidet skal gjennomførast etter tradisjonell byggeskikk på staden. Det er forbod mot riving av bygningar (jf. 3 punkt 1.1. a)). Når bygningen vert tatt ned for å restaurerast, må saka vurderast etter reglane i verneforskrifta som seier at forvaltningsstyresmakta kan gje løyve til «Påbygging, ombygging, flytting, eller riving av bygningar og anlegg. Påbygging og ombygging skal vere tilpassa landskap og tradisjonell byggeskikk» jf. verneforskrifta 3 punkt 1.3 c). Etter naturmangfaldlova (nml) 7 skal prinsippa i 8-12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Øvste Stigen ligg i Nærøyfjorden landskapsvernområde. Det er ikkje landbruksdrift på gardane lenger, men eigarane på Nedste Stigen har avtale om drift av landbruksarealet på garden. Det meste av arealet vert nytta til sauebeite. Det er av stor verdi at grunneigarane ynskjer å restaurera bygningar og landskap på Øvste Stigen. Tidlegare

11 har Sogn og Fjordane fylkeskommune løyvd tilskot frå kulturmidlar til verdsarvområdet til restaurering av bustadhuset på Øvste Stigen. Dette arbeidet er gjennomført. Med restaurering av eldhuset/vedhuset vil bygningsmassen på Øvste Stigen vera godt ivareteken. Forvaltar vurderer at det er heimel i verneforskrifta 3 punkt 1.3 c) for tiltaket med riving i samband med restaureringsarbeidet. Kunnskapen om området er kjent gjennom forvaltningsplan for Nærøyfjorden, skjøtselsplan for Stigen og restaureringsplan for Nærøyfjordområdet. Det er ikkje kjente førekomstar av sårbare artar eller naturtypar (Naturbase ) i området som vil verta påverka av restaureringsarbeidet. Kunnskapsgrunnlaget jf. nml 8 vert vurdert som godt for å vurdera denne saka. Føre-var-prinsippet jf. nml 9 er ikkje tillagt vekt i denne saka då kunnskapen om området er vurdert som god. Økosystemtilnærming og samla belastning på verneområdet skal vurderast jf. nml 10. Restaureringsarbeidet slik det er planlagt, vil føra til ivaretaking av kulturlandskapet og vil lite truleg gje noko auka belasting på naturverdiane i området. Tiltaket vil vera positivt for den totale opplevinga av landskapet på Stigen, og for ivaretaking av den tradisjonelle byggetradisjonen i området. Riving av bygningane er ein del av restaureringsarbeidet, og bygningane vert sett opp att på eksisterande grunnmurar. Rivinga vil difor berre føre til ei midlertidig endring av landskapet på Stigen. Bygget skal setjast opp att med same storleik og utsjånad som bygget har i dag. Søkjar har kontakt med fylkeskommunen om utføring av arbeidet. Ved eventuell løyving av tilskot til prosjektet vil det verta sett vilkår til utføring av restaureringsarbeidet. Forvaltar vurderer planlagt restaurering til å vera ein miljøforsvarleg metode jf. nml. 12. Nml 11 er vurdert som ikkje relevant i denne saka. På bakgrunn av vurderingar etter nml 8-12 og verneforskrifta, meiner forvaltar riving av bygningane som del av restaureringsarbeidet, ikkje er i strid med verneforskrifta og kan gjennomførast som planlagt.

12 NÆRØYFJORDEN VERNEOMRÅDESTYRE Saksframlegg Arkivsaksnr: 2015/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 27/ Nærøyfjorden landskapsvernområde - sti og utsiktspunkt til Sivlesfossen Innstilling frå forvaltar Nærøyfjorden verneområdestyre gjev Voss kommune løyve til å tilretteleggja ny sti til Sivlesfossen og utsiktspunkt ved Sivlesfossen. Startpunkt for stien er ved parkeringsplassen nedst i Stalheimskleiva. Løyvet omfattar: Rydding av tre og kratt i stitrasè Flytting av stein og steinlegging eller gruslegging der det er naudsynt for å ta seg fram på stien Boring av boltar for festing av wire, gjerde og trinn der det er naudsynt for å ta seg fram på stien, og av omsyn til tryggleiken for gåande Oppsetting av gjerde ved to utsiktspunkt. Oppsett av enkle kvilebenkar Løyvet er gjeve med heimel i naturmangfaldlova 48 fyrste ledd og fyrste alternativ, og gjeld med fylgjande vilkår: Tilrettelegginga skal avgrensast til det som er naudsynt for gangsti, og av omsyn til tryggleiken for gåande på stien Tiltakshavar er ansvarleg for tilsyn og vedlikehald av stien Stien skal vera open for almen bruk Dette løyvet gjeld berre tilhøva etter verneforskrifta for Nærøyfjorden landskapsvernområde. Eventuell dispensasjon frå lov om kulturminne i samband med vern av Stalheimskleiva må avklarast med Riksantikvaren. I tillegg må det føreliggja avtale med grunneigar før arbeidet med stien kan starta. Saksopplysningar Dokument som bakgrunn for saka:

13 Søknad frå Voss kommune om tilrettelegging av sti og utsiktspunkt til Sivlesfossen, datert Søknaden vert vurdert etter: Forskrift for Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Voss kommune søkjer om å få leggja til rette ny sti frå parkeringsplassen nedst i Stalheimskleiva til utsiktspunkt ved Sivlesfossen. Sjå kart under med innteikna sti. Utsiktspunkt øvste punkt. Foto frå søknad Utsiktspunkt nedste punkt. Foto frå søknad Området med Stalheimskleiva, Stalheimsfossen og Sivlesfossen ligg i Nærøyfjorden landskapsvernområde. Stalheimskleiva vart verna som kulturminne i Voss kommune har tidlegare opparbeidd gangsti med universell utforming inn til Stalheimsfossen. Stien som er planlagt til Sivlesfossen skal vera ein enkel gangsti med tilrettelegging. Stien er på omlag 600 meter. Fyrste 50 meter går på bilvegen over brua. Ved Sivlesfossen er det planlagt eit spektakulært utsiktspunkt som heng ut over kanten og inn i fosserommet. Dette er planlagt som andre byggetrinn. I denne søknaden er det planlagt å laga ein endestopp med sikringsgjerde. Nedste utsiktspunktet vil også få sikringsgjerde. Voss kommune har tiltaket med som prioritert tiltak i kommunedelplan for idrett og friluftsliv Tiltaket er også med i kommunedelplan for reiseliv i Voss kommune. I søknaden vert det opplyst at det årleg er fleire tusen turistar som besøkjer Stalheimskleiva. Turstien skal vera eit tilbod for dei som besøkjer området. Stien skal opparbeidast med ei breidde på 0,5 1 meter. Deler av stien vil få topplag av fin grus med god bindeevne. Om lag 250 meter av stien går i relativt krevjande terreng. På desse partia er det planlagt muring/steinsetting og sikring av stien. På nokon punkt må det fjernast nokre grantre. Kostnadsoverslaget for stiprosjektet er på kr

14 Voss kommune er i dialog med grunneigar for å skriva ein langsiktig leigeavtale om opparbeiding og bruk av område. Voss kommune opplyser at stien kan opparbeidast utan dispensasjon frå plan- og bygningslova. Det er ikkje kjente registreringar av kulturminne langs stien utanom kulturminnet Stalheimskleiva med bilveg og murar. Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. verneforskrifta for Nærøyfjorden landskapsvernområde 2. «Nærøyfjorden landskapsvernområde er verna mot alle inngrep eller tiltak som vesentleg kan endra eller verke inn på landskapets art eller karakter» jf. verneforskrifta 3 punkt 1.1. Forvaltningsstyresmakta kan gje løyve til «oppmerking og varding av nye fottruter, oppføring av nye bruer og klopper» jf. 3 punkt 1.3 f). Tilrettelegging av ny sti med sikring av stien, gruslegging og laga trapp på vanskeleg parti, vil medføra større naturinngrep enn det 3 punkt 1.3 f) var tenkt for. Denne saka må difor vurderast etter naturmangfaldlova 48 som seier at «Forvaltningsmyndigheten kan gjøre unntak frå et vernevedtak dersom det ikkje strider mot vernevedtakets formål og ikkje kan påvirke verneverdiene nevneverdig». Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Ny tursti til Sivlesfossen vil gje besøkjande til området fleire lett tilgjengelege turmoglegheiter. Det er mange som går på bilvegen i Stalheimskleiva for å ta bilde av fossane og det storslåtte natur- og kulturlandskapet. I tillegg er det trakka stiar inn mot Sivlesfossen frå fleire av svingane i Stalheimskleiva. Desse stiane er mest truleg trakk etter turistar som vil koma nær fossen for å ta bilde. Med den nye stien kan ein betre styra ferdsla i området, og det vert mindre risiko for ulukker når ferdsla er på ein tilrettelagt sti med sikring. Voss kommune opplyser at det ikkje er andre kjente kulturminne i området utanom Stalheimskleiva. Stien vil ikkje koma i direkte kontakt med Stalheimskleiva, med unntak der stien går ut frå bilvegen etter brua. Eventuell dispensasjon frå kulturminnelova til tiltaket må avklarast med Riksantikvaren. Det er ikkje registret sårbare naturtypar eller artar i området der stien går (Naturbase ). Kunnskapsgrunnlaget jf. nml. 8 er vurdert som god for å vurdera saka, og føre-var-prinsippet jf. nml. 9 er difor ikkje vektlagt i denne saka. Stalheimskleiva og området rundt har stor kulturpåverknad med både beite- og slåttemark, granfelt og huvudvegen E 16 i botn av dalen. Fossane Sivlesfossen og Stalheimsfossen er naturområde utan direkte inngrep. Tilrettelegging av den nye stien vil ikkje gje store naturinngrep. Stien kan vera med å styra ferdsel inn på ein sti i staden for at det vert trakka opp mange små stiar slik som i dag. Dei planlagde utsiktspunkta med sikringsgjerde vil vera synleg, men ikkje dominerande i landskapet. Forvaltar vurderer den samla belastninga tiltaket vil få på naturmiljøet jf. nml. 10, som akseptabel. Presedensverknaden av tiltaket andre stader i dette verneområde er

15 vurdert som liten, då tiltaket er spesielt med tanke på kva tilrettelegging som alt er i Stalheimsområdet, og talet turistar som besøkjer dette området. Stien er planlagt tilpassa terrenget og med minst mogleg inngrep i naturen. Tilrettelegginga bør ikkje vera større enn det som er naudsynt for enkel gangsti. Planlagt arbeid på stien og plasseringa av stien i terrenget, er vurdert som ein god miljømessig arbeidsmetode jf. nml. 12. Utsiktspunktet slik det er planlagt i dag gjev god tilpassing til landskapet og vil ikkje føra til store endringar av landskapet. 11 i nml. er vurdert som ikkje relevant i denne saka. Føremålet med vern av Nærøyfjorden landskapsvernområde er å ta vare på eit vakkert og eigenarta natur- og kulturlandskap. Verneområde skal kunne nyttast til friluftsliv så lenge det ikkje går ut over verneverdiane. I forvaltningsplan for Nærøyfjorden er tilrettelegging for enkelt friluftsliv vektlagt, og kopling mellom friluftsliv og turisme er trekt fram som positivt, men tilrettelegging bør ikkje føra til store naturinngrep. Med den nasjonale satsinga om at fleire skal få oppleva naturperlene som verneområda er, vil det vera auka press med tilrettelegging for ferdsel i verneområde. Det meste at tilrettelegginga bør likevel leggjast på utsida av verneområdet. I denne saka er tiltaket innafor verneområdet, og det må vurderast om ein dispensasjon er i strid med verneformålet og påverkar verneverdiane vesentleg. Med bakgrunn i vurderingar etter verneforskrifta og nml. 8-12, meiner forvaltar tiltaket ikkje er i strid med verneføremålet og vil i liten grad påverka verneverdiane då tiltaket ikkje fører til store endringar av landskapet. På denne bakgrunn rår forvaltar til at det kan gjevast løyve til tiltaket.

16 NÆRØYFJORDEN VERNEOMRÅDESTYRE Saksframlegg Arkivsaksnr: 2015/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 28/ Nærøyfjorden landskapsvernområde - oppsett av utedo ved Inste Holmaviki Innstilling frå forvaltar Nærøyfjorden verneområdestyre gjev løyve til at det vert sett opp ein utedo ved Inste Holmaviki i Nærøyfjorden Løyvet er gjeve med heimel i verneforskrifta for Nærøyfjorden landskapsvernområde 3 punkt 1.3 b) og gjeld med fylgjande vilkår: Grunneigarane på gnr. 58 bnr. 1 på Holmo må gje samtykke til oppføring av utedoen Utedoen skal plasserast ovanfor stranda bak nokre store steinar, og vera tilpassa landskapet Utedoane skal byggjast i trematerial, og vil få ei grunnflate på inntil 1,2 m x 1,2 m, og høgd på inntil 2,2 m. SNO skal halda tilsyn med utedoane slik at dei fungerer som dei skal, og vil rapportera med omsyn til ureining til Aurland kommune som er renovasjonsmyndigheit etter ureiningslova. Dersom utedoane fører til problem av noko slag, skal verneområdestyret få dei fjerna, og området rydda. Saksopplysningar I Nærøyfjorden landskapsvernområde er det sett opp utedoar på leirplassar på Fronnes, Stokko, Salthella, Skalmenes, Odnes, og på nordsida av Holmo. Utedoane er sett opp for å minske ureining i samband med telting og leirplass. Det er forvaltningsstyresmakta i samarbeid med SNO som har sett opp og har ansvar for utedoane. Under synfaring av skjøtsel av området Styvi til Bleiklindi hausten 2015, kom det fram at det er eit aukande problem med ureining i nærleiken av stranda i Inste Holmeviki, på sørsida av Holmo. Denne plassen vert mykje nytta av folk som er på eindagars padletur frå Gudvangen. Forvaltar og grunneigar på Styvi meinte det burde vurderast å setja opp ein utedo i dette området for å avgrensa ureining av området.

17 Saka vert vurdert etter: Forskrift om vern av Nærøyfjorden landskapsvernområde av Forvaltningsplan for Vestnorsk fjordlandskap Nærøyfjorden, rapport nr Enkel skjøtselsplan for Styvi-Holmo landskapsvernområde, rapport nr Naturmangfaldlova av Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. verneforskrifta 2. Området er verna mot alle inngrep eller tiltak som kan endre eller verke inn på landskapets art eller karakter. Forvaltningsstyresmakta kan gje løyve til «Oppføring av nybygg i samband med landbruk, turlagsverksemd og oppsyn» jf. verneforskrifta 3 punkt 1.3 b). Etter naturmangfaldlova (nml) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurderte og vektlagt i saka. Vurdering Tilgang til allsidige naturopplevingar gjennom enkelt friluftsliv er eit av delmotiva ved oppretting av verneområde, og særleg i landskapsvernområde. Ferdsel og tilrettelegging av ferdsel skal ikkje føra til skade på verneverdiane eller vera i strid med verneføremålet. I Nærøyfjordområdet er det utarbeidd turkart for turar i fjellet og på fjorden. Postvegen frå Bleiklindi til Styvi er teikna inn som turforslag på begge karta. På turkartet for fjorden er leirplassar langs fjorden avmerkt. Marknadsføring av området og status som verdsarvområde har ført til ein auka bruk av desse områda, og med det spørsmål om meir tilrettelegging. Verneforskrifta regulerer kva inngrep som kan tillatast i verneområde. Forvaltninga må vurdera om dei spesifiserte reglane i verneforskrifta som omhandlar løyve til nybygg i samband med turlagsverksemd omfattar oppsett av utedo. I forvaltningsplanen for Nærøyfjorden er tema utedo omtalt under fleire tema. I kapittel om friluftsliv og bruk av fjorden er det tilrådd å kanalisera ferdsel til område som vert lagt til rette for ilandstigning, og tilrettelegging med toalett for å unngå ureining. Under kapittel om forsøpling og ureining står det at det «bør finnast toalett i strandområde der mykje padlarar og annan båttrafikk går i land». På bakgrunn av vurderingar i forvaltningsplan meiner forvaltar det er heimel i verneforskrifta for å vurdera utedo som tiltak for friluftsliv, og at tiltaket kan vurderast på lik linje med «turlagsverksemd» i 3 punkt 1.3 b). I skjøtselsplan for Styvi-Holmo er tilrettelegging for ferdsel på postvegen frå Styvi og Bleiklindi eit av tema. I planen er det vurdert trong for oppsett av utedo på Holmo ved auka ferdsel på vegen. Ein utedo er sett opp på nordsida av Holmo. Erfaringar så langt med utedoen på Holmo tilseier at den fungerer bra, og har nok kapasitet. På den sørlege delen av Holmo er det auka aktivitet både frå padlarar og folk som går tur på postvegen. Kunnskapen om området er henta frå forvaltningsplan, skjøtselsplan og erfaring med skjøtsel og bruk av området. Så langt me kjenner til er det ingen trua artar

18 eller naturtypar (Naturbase ) på Holmo. Kunnskapsgrunnlaget jf. nml. 8 er vurdert som godt for å vurdera denne saka, og føre-var-prinsippet jf. nml. 9 er difor ikkje tillagt vekt. Auka bruk av området medfører større trong for tilrettelegging for å unngå ureining av området. Dette gjeld både naturområde og kulturlandskapet med slåttemark og beite. Det må vurderast kva verknad tiltaket vil få på den samla belastninga på økosystemet jf. nml. 10. Erfaringane med utedoane som er sett opp er positive for dei fleste område. Folk nyttar i stor grad doane, og det vert mindre tilgrising av områda rundt. Utedoane vil kunne vera med å redusera den samla belastning på område. På Salthella og Skalmenes er det større aktivitet av verksemder med guida kajakkturar. På desse områda bør det vurderast andre løysingar. Inste Holmaviki vert mest nytta til dagsbesøk, og her vil ein enkel utedo vera eit bra tiltak. Utedoen som skal settast opp er i tre, og med ein storleik på 1,2 m x 1,2 m, og høgd på inntil 2,2 m. Den skal tilpassast landskapet og vert plassert i god avstand til stranda. Materiale og plassering er vurdert til å vera godt tilpassa miljøet jf. nml 12. Forvaltninga har ansvar for tiltaket, og tek kostnadane med fjerning av utedoane dersom dei fører til skade på verneverdiane jf. nml. 11. SNO skal ha tilsyn med utedoane slik at dei fungerer slik dei skal, og vil halda Aurland kommune oppdatert om situasjonen med omsyn til ureining. Generell renovasjon er etter ureiningslova eit kommunalt ansvar og skal fylgjast opp av Aurland kommune ved behov. På bakgrunn av vurderingane etter verneforskrifta og naturmangfaldlova 8 12, meiner forvaltar det kan gjevast løyve til oppføring av utedoane med heimel i verneforskrifta 3 punkt 1.3 b).

19 NÆRØYFJORDEN VERNEOMRÅDESTYRE Saksframlegg Arkivsaksnr: 2015/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 29/ Nærøyfjorden verneområdestyre - uttale til interkommunale kommunedelplan for Fjellheimen villreinområde Innstilling frå forvaltar Nærøyfjorden verneområdestyre støttar framlegg til Interkommunal kommunedelplan for Fjellheimen. Planen er eit godt planverktøy for å ta vare på leveområda for villreinen i Fjellheimen villreinområde. I planen er det retningslinjer for ferdsel og utbygging i planområdet. Desse retningslinjene er i tråd med verneforskrifta for Nærøyfjorden landskapsvernområde og forvaltningsplan for området. I forvaltningsplan for Nærøyfjorden står det mellom anna at «omsynet til villrein skal alltid tilleggjast vekt i avgjerder om tiltak innanfor deira leveområde. Det skal vere nært samarbeid med villreinutval og villreinnemnder. Ein skal legge opp til å unngå ferdsle gjennom kalvingsområde i april/mai». I handlingsprogrammet er det sett opp tiltak for å styra ferdsel, blant anna sti- og løypeplan i området. Dette er tiltak som vil vera viktig å få gjennomført, både av omsyn til villreinen, og for at tilrettelegging for ferdsel i området kan verta betre. Saksopplysningar Dokument som bakgrunn for saka: Framlegg til interkommunal kommunedelplan for Fjellheimen villreinområde, Interkommunal kommunedelplan for Fjellheimen villreinområde utlegging til offentleg ettersyn, Aurland kommune Kommunane Voss, Vaksdal og Modalen i Hordaland fylke, og Aurland, Vik og Høyanger i Sogn og Fjordane fylke har i fellesskap utarbeida framlegg til Interkommunal kommunedelplan for Fjellheimen villreinområde. Planområdet omfattar i tillegg areal i Masfjorden kommune, men dette arealet er ikkje med som del av Fjellheimen villreinområde.

20 Føremålet med kommunedelplanen er å sikra leveområdet og levevilkåra for villreinen i området på kort og lang sikt. Kommunedelplanen skal vera det overordna planverktøyet for kommunane i forvaltninga av villreinstamma, og skal vera styrande for den framtidige arealbruken i området. Fjellheimen villreinområde har eit teljande areal på 1536 km 2. Teljande areal er areal over 700 moh. med avvik frå 700 m-koten ved alpinområda i Voss Fjellandsby og Hanguren-Bavallen i Voss kommune, og på strekninga Bøeggi til Storehaug i Vik kommune. Vesentlege deler av villreinområde er verna etter naturvernlova som landskapsvernområde. (Stølsheimen landskapsvernområde vart oppretta i 1990 og Nærøyfjorden landskapsvernområde vart oppretta i 2002). Resterande område er i hovudsak avsett som landbruks-, natur- og friområde i dei ulike kommuneplanane. Unntak er reguleringsplan for Voss Fjellandsby i Myrkdalen og nokre område for hyttebygging i Vik kommune. Det var politisk vedtak i alle dei 6 aktuelle kommunane om oppstart av planarbeidet i Kommunane oppretta ei styringsgruppe med politiske representantar frå alle 6 kommunane. Voss kommune har hatt sekretærfunksjonen for planarbeidet. Dei respektive fylkesmennene, Nordfjella og Fjellheimen villreinnemnd og Fjellheimen villreinutval har hatt møte- og talerett i styringsgruppa. Siste året har verneområdeforvaltar for Stølsheimen og Nærøyfjorden delteke på møta. I samband med planarbeidet er det utarbeid to rapportar som ligg som fagleg grunnlag for planen ( NINA Rapport og NINA Rapport ) I rapportane er det med vurderingar av konsekvensane av ulike utbyggingstiltak på Vikafjellet. På bakgrunn av kunnskapen om området er det utarbeidd føresegner og retningslinjer for arealbruk. Planen inneheld i tillegg handlingsprogram og temakart. Alle kommunane med areal i Fjellheimen villreinområde har gjort vedtak om å leggja planframlegget ut til offentleg ettersyn. Frist for å koma med innspel til planframlegget er Vurdering Villrein i Norge er ein del av den europeiske villreinbestanden, og villreinen er rekna som norsk ansvarsart. Ulike arealinngrep som vegar og vassdragsreguleringar har ført til oppsplitting av villreinen sine leveområde. Dei største utfordringane for å sikra leveområde for villreinen er knytt til utbygging og aktivitet i randsonene og hovudtrafikkårene gjennom villreinområda. I Fjellheimen villreinområde er trafikk på Vikafjellsvegen, hyttebygging i området og utbygging i randsonene den aktiviteten som har størt påverknad på leveområde til villreinen. Den interkommunale kommunedelplanen vil vera eit viktig verktøy for kommunane i arbeidet med å ta vare på leveområda for villreinen i Fjellheimen. I planen er det retningslinjer for ferdsel og utbygging i planområdet. Desse retningslinjene er i tråd med verneforskrifta for Nærøyfjorden landskapsvernområde og forvaltningsplan for området. I forvaltningsplan for Nærøyfjorden står det mellom anna at «omsynet til villrein skal alltid tilleggjast vekt i avgjerder om tiltak innanfor deira leveområde. Det skal vere nært samarbeid med villreinutval og villreinnemnder. Ein skal legge opp til å unngå ferdsle gjennom kalvingsområde i april/mai».

21 I handlingsprogrammet er det sett opp tiltak for å styra ferdsel, blant anna sti- og løypeplan i området. Dette er tiltak som vil vera viktig å få gjennomført, både av omsyn til villreinen, og for at tilrettelegging for ferdsel i området kan verta betre.

22 NÆRØYFJORDEN VERNEOMRÅDESTYRE Saksframlegg Arkivsaksnr: 2014/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 30/ Nærøyfjorden verneområdestyre - Delegering av vedtaksmynde til forvaltar Innstilling frå forvaltar Nærøyfjorden verneområdestyre delegerer vedtaksmynde til forvaltar i dispensasjonssaker etter verneforskriftene for Nærøyfjorden landskapsvernområde, Bleia-Storebotnen landskapsvernområde, Nordheimsdalen naturreservat, Bleia naturreservat og Grånosmyrane naturreservat. Delegasjonen gjeld fylgjande saker: Saker etter dei spesifiserte dispensasjonsreglane i verneforskriftene om ferdsle og motorferdsle i fylgjande verneforskrifter: Verneforskrift for Nærøyfjorden landskapsvernområde 3 punkt 2.3 Verneforskrift for Bleia-Storebotnen landskapsvernområde 3 punkt 5.3 Verneforskrift for Bleia naturreservat 5 punkt 4 Verneforskrift for Nordheimsdalen naturreservat punkt VI nr. 1 og 4 Verneforskrift for Grånosmyrane naturreservat punkt VI nr. 2 Saker etter dei andre spesifiserte dispensasjonsreglane i verneforskriftene og etter naturmangfaldlova 48 der : Det dreier seg om fornying av dispensasjon gjeve av styret eller arbeidsutvalet, og føresetnadane er tilnærma uendra Det føreligg etablert forvaltningspraksis frå saker handsama av styret/arbeidsutvalet i tilsvarande saker Forvaltningsplanen gjev eintydige føringar for utfallet Delegasjonsvedtaket er gjort med heimel i vedtektene for Nærøyfjorden verneområdestyre av punkt 6.2. Klage på delegerte vedtak skal sendast til ny behandling i styret/arbeidsutvalet. Saksopplysningar Vedtekter for Nærøyfjorden landskapsvernområde,

23 Forvaltningsplan for Vestnorsk fjordlandskap delområde Nærøyfjorden rapport nr Miljødirektoratet har med heimel i naturmangfaldlova 62 andre ledd og tredje punktum, jf. Klima- og miljødepartementets delegering av mynde til Miljødirektoratet i brev av 14. oktober 2014, fastsett nye vedtekter for Nærøyfjorden verneområdestyre som gjeld frå 10. september Det er i tillegg utarbeida ny stillingsomtale for forvaltar i tråd med reviderte vedtekter. I dei nye vedtektene er det utvida moglegheit for delegering av mynde til forvaltar. Styret kan gje forvaltar mynde til å gjera vedtak i saker som er av kurant karakter. I førre vedtekter var det gjeve opning for å delegera saker som gjaldt ferdsel og motorferdsle, men ikkje saker med heimel i naturmangfaldlova 48. No er delegeringa utvida til å omfatta «saker etter andre spesifiserte dispensasjonsføresegner i verneforskrifta og etter naturmangfaldlova 48 der: a) Det dreier som om fornying av dispensasjon gjeve av styret eller arbeidsutvalet, og føresetnadene er tilnærma uendra b) Det føreligg etablert forvaltningspraksis frå saker handsama av styret/au i tilsvarande sak c) Forvaltningsplanen gjev eintydige føringar for utfallet Ved tvil skal forvaltar drøfte saka med styreleiar. Det skal kome fram av saksutgreiinga dersom forvaltaren treffer delegerte vedtak i saka. Alle delegerte vedtak skal refererast for styret» (utdrag frå vedtektene pkt. 6.2). Alle vedtak fatta av forvaltar skal gjerast i tråd med naturmangfaldlova, verneforskriftene og forvaltningsplan. Vurdering Under arbeidet med revidering av vedtekter for nasjonalpark- og verneområdestyre gav Nærøyfjorden verneområdestyre tilbakemelding på at dei ynskte å kunne delegera meir mynde til forvaltar i kurante saker. Bakgrunnen for ynskje om meir delegering er at forvaltninga skal vera meir rasjonell og effektiv. I dei nye vedtektene for Nærøyfjorden verneområdestyre har styret fått moglegheit til å delegere meir mynde til forvaltar, men sakene skal vera forankra i forvaltningsplanen eller det skal vera etablert ein forvaltningspraksis for tilsvarande saker i området. 11. mars 2013, sak 10/13 delegerte verneområdestyret vedtaksmynde til forvaltar i saker som gjeld motorferdsel i verneområde i Nærøyfjordområdet. Dette har vore søknader om blant anna motorisert transport av materiale til vedlikehald av stølshus, ved og utstyr til hytter og tilsyn med kraftlinjer. Slike saker har klare retningslinjer i forvaltningsplanen for Nærøyfjorden. Etter delegasjonsvedtaket i styret 11. mars 2013, har forvaltar behandla 13 delegerte saker. Forvaltningsplanen for Nærøyfjorden har mange føringar for forvaltingspraksis i verneområdet. Verneområdestyret har sidan opprettinga av styret i 2012, behandla mange saker som har gjeve forvaltningspraksis i området. Fornying av dispensasjonar som styret har gjeve med heimel i naturmangfaldlova 48, er døme på kurante saker som kan delegerast til forvaltar. Andre døme på kurante saker er søknad om motorferdsel i samband med bygg og installasjonar som styret har gjeve dispensasjon til.

24 Forvaltar rår til at det kan delegerast vedtaksmynde til forvaltar i tråd med delegeringsmynde i vedtektene til styret for saker der forvaltningsplanen gjev klare retningslinjer eller styret har behandla tilnærma like saker. Forvaltar skal diskutera saker med styreleiar dersom forvaltar er i tvil om det er ei kurrant sak. Alle saker av prinsipiell karakter, skal leggjast fram for verneområdestyret til avgjerd.

25 NÆRØYFJORDEN VERNEOMRÅDESTYRE Saksframlegg Arkivsaksnr: 2014/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 31/ Tiltaksplan 2016 for verneområde i Nærøyfjordområdet. Innstilling frå forvaltar Saka vert lagt fram til drøfting i møte. Saksopplysningar Dokument som bakgrunn for saka: Strategi for bruk av midlar til tiltak i verneområder Innmelding av behov for tiltaksmidlar, og bestillingsmøter mellom nasjonalpark- /verneområdestyrer og Statens naturoppsyn lokalt, Miljødirektoratet Strategi for bruk av midlar til tiltak i verneområde legg føringar for bruk av tiltaksmidlar; «Gjennomføring av konkrete, praktiske tiltak i verneområdene er en del av forvaltningen av verneområdene og skal samen med praktisering av verneforskriften og annet arbeid bidra til å oppnå disse målsettingene». Verneområda skal forvaltast på ein måte som byggjer opp under verneformåla slik at verneverdiane ikkje vert reduserte eller vert øydelagde. Økosystema skal takast vare på for framtidige opplevingar og for verdiskaping i utmarkskommunane. Verneområdestyre skal utarbeida tiltaksplan for 4-års perioden styret er valt for. Det skal vera årleg evaluering av tiltaksplan. Tiltaka skal vera forankra i forvaltningsplanen for Nærøyfjorden og tilhøyrande skjøtselsplanar. Fagleg rådgjevande utval (FRU) for Nærøyfjorden, administrativt kontaktutval og SNO skal vera med i utarbeidinga av tiltaksplanen. I sak 35/14 vedtok verneområdestyret ein tiltaksplan for 2015 og 2016 med bakgrunn i evaluering av gjennomførte tiltak i 2013 og 2014, og framlegg til tiltak i bestillingsdialogen for Tiltaksplanen er grunnlaget for bestillingsdialogen med SNO, og innmelding av behov for tiltaksmidlar for 2016 til Miljødirektoratet. Tiltaksmidlane er statlege investeringsmidlar, jf. budsjettpost , og kan gå til tiltak som er naudsynte for å

26 ivareta verneføremålet. Tiltaka kan vera informasjon, skjøtsel, tilrettelegging og kjøp av naudsynt utstyr for å gjennomføra tiltaka. Forvaltningsstyresmakta skal sjølv disponera og prioritera kven som sal gjennomføra tiltaka. SNO sine oppgåver og aktivitetar i verneområda skal samordnast med tildelinga av midlar til tiltak i verneområda for å få ein effektiv bruk av dei samla ressursane til tiltak i verneområda. I bestillingsdialogen med SNO skal styret drøfta ynskje om bistand/ressursbruk frå SNO til eventuelle prosjekt, kartlegging og tiltak, i tillegg til kjerneoppgåvene som mellom anna er oppsyn og overvaking av naturtilstand. Frist for innmelding til bestillingsdialogen til Miljødirektoratet er 8. januar Vurdering Forvaltar legg fram forslag til tiltak i 2016 på bakgrunn av tiltaksplan for 2015 til 2016, evalueringsmøte med SNO av gjennomførte tiltak i 2015, og framlegg til nye tiltak frå grunneigarar og andre. Styret må gå gjennom innspela og prioriterer tiltaka. Strategi for bruk av tiltaksmidlar gjev føringar for prioritering av bruk av tiltaksmidlar i verneområda. For Nærøyfjorden er det særleg skjøtselstiltak og tilretteleggingstiltak som er aktuelle. Pågåande skjøtselsprosjekt har prioritet 1, og tiltak i område som er akutt trua og med behov for skjøtsel har prioritet 2. For besøksforvaltningstiltak har ferdigstilling av prosjekt som er starta opp og som er naudsynte for å ivareta verneføremålet prioritet 1. Tiltak som er lagt inn i besøksstrategien i forvaltningsplanar har prioritet 2. Trong for midlar til vedlikehald av informasjonsmateriell, skilting m.m. kan meldast inn i tillegg. All informasjon om verneområda som vert finansiert med tiltaksmidlar skal vera i tråd med ny merkevare for verneområde. For alle tiltaka skal det leggjast vekt på; kostnadseffektivitet, samfinansiering med andre aktørar, prosjekt som involvera/drivast med dugnadsinnsats av grunneigarar, frivillige lag og foreiningar. Ut frå erfaringar med tiltak i verneområda er det gjeve føringar på at større tiltak skal ha planavklaringar før tiltaka vert meldt inn. Det kan tildelast tiltaksmidlar til forprosjektering. Det kan brukast tiltaksmidlar på tiltak utanfor verneområde der tiltak både innafor og utafor verneområde er viktig for å ta vare på verneverdiane. Dyrdal i Nærøyfjorden er eit område der tiltak utafor verneområde har stor verdi for heile verneområdet. Aktuelle tiltak er infrastruktur som veg og toalett. På bakgrunn av tiltaksplan som er utarbeidd for Nærøyfjorden, innspel til tiltak og føringar i strategi for bruk av tiltaksmidlar, legg forvaltar fram fylgjande innspel til tiltak i 2016 (kostnadane er ekskl. mva): Tiltak basert på tildelte tiltaksmidlar Samarbeidsaktørar Kostnad 2016 Periode Styvi - Holmo. Skjøtsel av Grunneigar kulturlandskap i samsvar med 2016 skjøtselsplan Stigen. Skjøtsel av kulturlandskap i Grunneigar samsvar med skjøtselsplan 2016 Skjøtsel og vedlikehald av stiar og kulturlandskap i samsvar med Grunneigarar, SNO Prioritet