Reguleringsplan for Løebakken, Skånevik sentrum del av gnr. 136, bnr. 13 og 24

Transkript

1 Reguleringsplan for Løebakken, Skånevik sentrum del av gnr. 136, bnr. 13 og 24 Etne kommune 12. mai 2015

2 Innhald Innhald Samandrag Bakgrunn Føremålet med planen Forslagstillar, plankonsulent, eigarforhold Krav om konsekvensutgreiing? Planprosessen Medverkande prosessar, varsel om oppstart Planstatus og rammevilkår Overordna planar Gjeldande reguleringsplanar Skildring av planområdet, eksisterande tilhøve Plassering av område Arealbruk i dag og tilgrensande arealbruk Stadkarakter Landskap Kulturminner og kulturmiljø Naturverdiar Rekreasjonsverdi/ rekreasjonsbruk, uteområde Landbruk Born sine interesser Sosial infrastruktur Universell tilgjengelege og teknisk infrastruktur Grunntilhøve Trafikk- og støytilhøve Luftureining Skildring av planforslaget Planlagt arealbruk og reguleringsføremål Plassering av busetnad og utforming Trafikktilhøve Teknisk infrastruktur Uteopphaldsareal og leikeplass Landbruksfaglege vurderingar Konsekvensutgreiing Kvifor planen ikkje skal konsekvensutgreiast

3 8 ROS analyse Uønska hendingar med mogelege førebyggjande tiltak Verknadar/konsekvensar av planforslaget Innkomne merknader Hordaland fylkeskommune Etne Eldreråd Fiskeridirektoratet Kystverket Mattilsynet Noregs vassdrags- og energidirektorat, NVE Fylkesmannen i Hordaland Alf Warloe Christophersen Avsluttande kommentar Vedlegg Relevante faglege forkortingar PBL Plan- og BygnignsLova Lov om planlegging og byggesakshandsaming TEK10 SEFRAK byggteknisk forskrift med rettleiar (sett i kraft 2010) SEekretariatet For Registrering Av faste Kulturminne. Forskrift om tekniske krav til byggverk som trekker opp grensa for det minimum av eigenskaper eit byggverk må ha for å kunne førast opp lovleg i Noreg. Landsdekkjande register over eldre bygningar og andre kulturminne ÅDT ÅrsDøgnTrafikk Gjennomsnittleg for dagleg trafikkmengd som passerer eit punkt på ein vegstrekning. SOSI Samordna Opplegg for Stadfesta Informasjon Andre forkortingar Den største nasjonale standarden for geografisk informasjon, utvikla av Statens kartverk for utveksling av digitale kartdata. SFO SkuleFritidsOrdning Frivillig og kommunalt tilbod om barnepass for elevar på årstrinn. DSB Direktoratet for Samfunssikkerhet og Beredskap Vanlege omgrep Universell utforming Universell utforming betyr at produkter, byggverk og uteområder som er i alminnelig bruk skal utformes slik at alle mennesker skal kunne bruke dem på en likestilt måte så langt det er mulig, uten spesielle tilpasninger eller hjelpemidler. Prosjektering med utgangspunkt i universell utforming vil vera basert på tre høve: Mennesket som barn, ung, voksen, eldre. Mennesket med redusert funksjonevne med omnsyn til rørsle, orientering og overkjensle ovanfor luftureiningar og materiale. For rullestolbrukarar utan ledsager er krava til maksimal stigning 1:20. Mennesket som bruker tekniske hjelpemidlar som har konsekvensar for utforming. Universell tilgjenge Universell tilgjengeligheit kan i motsetning til universell utforming sikra deltaking for mennesker med nedsatt funksjonsevne også gjennom særløysingar. I tillegg til generelle krav til tilgjenge og tryggleik kan ein også få krav knytta til ulike delar av ein bygning

4 1 Samandrag Det er detaljregulert eit bustadområde med tilhøyrande areal for veg og parkering. Det er lagt til rette for fire bustader og felles leikeplass. Eksisterande avkøyrsle frå fv. 34 mot gnr. 136, gnr. 13 vil verte nytta. Det er i reguleringsplanen lagt vekt på at bygningane skal utformast slik at dei passar inn i det kringliggjande bygningsmiljøet, der samanhengen med det tradisjonelle trehusmiljøet i Skånevik skal ivaretakast. 2 Bakgrunn 2.1 Føremålet med planen Føremålet med arbeidet er å etablere eit godt og sentrumsnært bustadområde med livslaupstandard i samsvar med gjeldande overordna planar. 2.2 Forslagstillar, plankonsulent, eigarforhold Omega Areal AS er engasjert av grunneigar Mari Espeland m.fl. til å utarbeide framlegg til reguleringsplan for delar av gnr. 136, bnr. 13 og 24, Løebakken, Skånevik sentrum i Etne kommune. Planområdet består av delar av eigedomane gnr. 136 bnr. 13 og 24. Det er nytta ei vidareføring av eksisterande avkøyrsle inn til planområdet. Denne vert i dag nytta av eksisterande bustadeigedom på gnr. 136, bnr. 13. Avkøyrsla er bygd for få år sidan i samband med bygging av nytt fortau

5 2.3 Krav om konsekvensutgreiing? Etne kommune har vurdert det slik at planen ikkje utløyser krav om konsekvensutgreiing (KU), då området allereie inngår i reguleringsplan. Nærare vurdering av dette er gitt i pkt Planprosessen 3.1 Medverkande prosessar, varsel om oppstart Planarbeidet er varsla i tråd med PBL 12.8 Planprosessen er sett i gong med oppstartmøte med kommunen Dette vart fylgt opp med brev til naboar, grunneigarar, offentlege organ, organisasjonar og andre interesserte Oppstart av planarbeidet vart og annonsert i Grannar , samt lagt ut på kommunen og Omega areal AS sine heimesider. Frist for tilbakemelding vart sett til Innspel er kommentert under punkt 10 og ligg som vedlegg. Utsnitt frå kunngjeringsannonsa i Grannar, I varslingsbrevet vart det i tillegg til bustadområdet varsla oppstart av reguleringsarbeid på nordsida av fylkesvegen med naust mot sjø. Denne delen av planen vart i løpet av planprosessen teken ut

6 4 Planstatus og rammevilkår 4.1 Overordna planar Planområdet er i gjeldande kommuneplan for Etne kommune ( ) avsett til område for bustader. Det er lagt opp til ei utnytting på 2,0 bustader pr. daa i byggjeområda rundt Etne og Skånevik. Ein bør ha størst mogleg tal på einingar med livsløpstandard. Utsnitt frå kommuneplanens arealdel med teiknforklaring. Kjelde:

7 4.2 Gjeldande reguleringsplanar Det er to reguleringsplanar som går inn over plangrensa. Den eine er reguleringsplan for Skånevik Del 1 Sentrum frå 1989, medan fv. 34 og avkøyrsle ligg i reguleringsplan for Skålnesstranda frå I reguleringsplan for Skånevik Del 1 Sentrum frå 1989 er området avsett til byggjeområde B - aldersbustad e.l. med tilhøyrande føresegner om at området skal nyttast til aldersbustader eller trygdebustader med livsløpsstandard. Grunna dagens krav til universell utforming, der viktige funksjonar skal vera på eitt plan, vart det i oppstartmøtet med kommunen gitt signaler for å leggje til rette for bustader innafor området, ikkje nødvendigvis berre aldersbustader og trygdebustader. Utsnitt frå gjeldande reguleringsplanar i området. Kjelde:

8 Reguleringsplan for Skålnesstranda, vedteken Planen overlapper plangrensene i nord der fylkesvegen og avkøyrsle er regulert. Gjeldande reguleringsplan for Skålnesstranda, Kjelde:

9 5 Skildring av planområdet, eksisterande tilhøve 5.1 Plassering av område Skråfoto av Skånevik sentrum med planområdet avmerkt med raudt. Kjelde: Skånevik sentrum ligg rundt ein halvtime frå Etne sentrum, anten via fv. 34 langs Nordstranda, eller via fv. 48 over Håland. Tilkomst til planområdet skjer via fv. 34, som også har einsidig fortau. Fortauet fører fram til kollektivtransport, skule og idrettsanlegg. Planområdet ligg like sør for fv. 34, ca. 200 meter vest for kaiområdet i Skånevik med kollektivtransport og ferjesamband. Planområdet er i alt ca. 4.5 daa stort. Plassering av områda på eit ortofoto. Kjelde kart:

10 5.2 Arealbruk i dag og tilgrensande arealbruk Planområde er ikkje bygd på per i dag. Området består av eit noko flatare område nærast vegen som er nytta til beite, og blandingsskog i sør som går opp til kote 23. Planområdet grensar til eit bustadområde i aust, verna bustadområde i vest og barnehage og ballplass i sør. 5.3 Stadkarakter Skånevik er ein av tettstadane i Etne kommune og har omkring 600 busette (SSB, 2014). Det står spesifisert i kommuneneplanen til Etne, og i reguleringsplanen til Skånevik, at utviklinga bør skje på dei premissane som bygningsmiljøet og Skånevik sitt omdøme som reiselivsmål set. Dette gjer at det i sjølve sentrumsområdet må setjast strenge krav til byggeskikk. I randområda er det like viktig å opne for ny utbygging i moderne standard for å gje Skånevik eit utviklings- og eksistensgrunnlag for framtida. Bilete frå Skånevik sentrum som syner byggjeskikken til sentrumsområdet. Kjelde: Landskap Landskapet til Skånevik er typisk vestlandsk, lokalisert inst i ein fjord ved innlaupet til Åkrafjorden. Strukturen i bybiletet til Skånevik er oppstått etter busetting langs strandkanten. Deretter vaks busetnaden og spreidde seg i landskapet. Skånevik er vendt mot nord og har preg av ettermiddagssol. Området nærast strand kanten har gode soltilhøve grunna slakare topografi. Topografien gjer elles at kastevindane med kaldluft frå fjell i aust kan bli sterke og gjere skade på skog. Skånevik er difor generelt utsett for steinsprang og snøskred. Dette gir likevel ikkje utslag innafor planområdet. 5.5 Kulturminner og kulturmiljø I planomtalen til Etne kommune finn ein at det ikkje er føremålstenleg å lage føresegner til planar som generelt hindrar inngrep 100 meter frå automatisk freda kulturminne, då kommunen har så mange kulturminne i tettbygd områden. Rette mynde må likevel varslast og få høve til å uttale seg i høyringar

11 Planområdet er i nærleik av, og grensar til verneverdige bygningar som det må takast omsyn til i utforming av bustader ved prosjektering. Det er ikkje registrert automatisk freda kulturminne eller SEFRAK-bygg innafor planområdet. Verneverdige bygg som grensar vest for planområdet. Verneverdige bygg som ligg lenger aust for planområdet. Oversiktskart over SEFRAK- registrerte bygningar i området. Planområdet er ringa inn. Kjelde: Naturverdiar Naturmangfaldet er sjekka ut etter naturmangfaldlova, og det er ikkje kome fram observasjonar frå området som må sjekkast nærare ut. 5.7 Rekreasjonsverdi/ rekreasjonsbruk, uteområde Planområdet er godt eigna til bustadområde då det ligg i umiddelbar nærleik til rekreasjonområde og barnehage, skule, idrettshall og stadion. Skånevik vert av mange kalla Sunnhordlands Perle, og ligg omkransa av fjord og høge fjell. Rekreasjon ved skog, fjell og sjø høyrer difor med. Peparen friområde og badeplass ligg like nordaust over fylkesvegen, og er mykje nytta av ålmenta

12 5.8 Landbruk Delar av planområdet er godt eigna til landbruk sjølv om det er eit svært avgrensa areal mellom utbygde område. Planområdet vert i dag delvis nytta som beite. Skånevik er ein landbruksstad der Etne kommune har sett det som naudsynt å ta av landbruksarealer for å fremja sentrumsutviklinga på staden. 5.9 Born sine interesser Planområdet ligg nært opp til friluftsområde, leikeområde og sosial infrastruktur. Det er fortau langs fylkesvegen som sikrar trafikktryggleiken til mjuke trafikantar. I nærområdet er det fleire aktivitetar for innbyggjarane i Skånevik, slik som idrett, musikk, kristenliv, ungdomsarbeid og speidaren. Området grensar mot barnehage i sør og ligg berre nokre hundre meter frå skule Sosial infrastruktur Skånevik har mange veldrivne verksemder med gode arbeidsplassar, service- og handelsbedrifter, hotell, og eit aktivt kultur- og kristenliv. Skånevik har eit offentleg tilbod med omsorgssenter, helsestasjon, kyrkje, delvis ny skule, idrettshall med miniatyrskytebane, stadium og eit godt barnehagetilbod. Som det kjem fram av illustrasjonen under ligg panområdet i kort avstand til desse lokalitetane på vegar med einsidig fortau. Illustrasjon over tenester og tilbod i nærområdet med avstandar i meter innteikna med bruk av buffer. Skånevik barnehage har kapasitet på inntil 66 heildasgsplassar med tre aldersinndelte grupper. I år har kommunen vedteke å auke kapasiteten i barnehagen med ei midlertidig utviding og etablering av ein naturavdeling. Skånevik skule er ein kombinert borne- og ungdomsskule med omkring 100 elevar, og med eige SFO- tilbod. Skånevik idrettshall vert brukt som kroppsøvingslokaler for klasse

13 5.11 Universell tilgjengelege og teknisk infrastruktur Det må leggjast til rette for universell tilkomst mellom parkering og bustadane. Røyr for vatn ligg like nord for fylkesvegen, medan røyr for kloakk ligg i grøfta sør for fylkesvegen, inn på planområdet. Det er privat felles drikkevatn i området, og kloakkanlegget er kommunalt Grunntilhøve Lausmassane på planområdet er tynn morene med ei tjukkleik på inntil 0.5 meter. Fundamentering vert difor ikkje sett på som eit problem. Område for utbygging må tilretteleggjast slik at det vert utført minst mogeleg terrenginngrep. Skredatlas er gjennomgått og det er ikkje gjort treff i planområdet Trafikk- og støytilhøve Fv. 34 går langs planområdet og har ÅDT på 1100, med 5% tunge køyretøy og skilta fartsgrense på 50 km/t. Fylkesvegen har einsidig fortau, og det vil verte nytta eksisterande avkøyrsle inn til bustadområdet. Denne avkøyrsla vert i dag nytta av bustadeigedomen på gnr. 136, bnr. 13. Eksisterande avkøyrsle frå fv. 34. Fortauet var ikkje opparbeidd då dette fotoet vart teke. Kjelde: Støytilhøva på fylkesvegen er relativt låge i høve til resten av Skånevik sentrum, jf. Statens vegvesen sine støykart. Dei fleste nyttar fv. 48 over Håland, då denne vegen er meir oversiktleg enn fv. 34. Det må ved byggjesøknad dokumenterast tilfredsstillande støytilhøve på uteområde. Kollektivtilbodet i Skånevik er godt, med bussar som går mellom Etne og Skånevik, både over Håland og langs Nordstranda fleire gonger til dagen. 200 meter frå planområdet ligg Skånevik ferjekai med ferjer som går til Utåker og Matre. Det går også snøggbåt frå Skånevik til Ølen, Leirvik og Bergen. Støykart. Kjelde:

14 5.14 Luftureining Det er lite luftureining i området sett bort ifrå normal ureining av eksos frå motortrafikk. 6 Skildring av planforslaget 6.1 Planlagt arealbruk og reguleringsføremål Det er i planforslaget lagt opp til bustadområde med tilhøyrande anlegg for veg, parkering og leik. Bygningar og anlegg (Pbl 12-5 nr. 1) Sum m 2 Bustader frittliggjande småhus Område for frittliggjande bustader med krav i føresegner om utforming. Bustadane er plassert i terrenget slik at høgdedraget ligg igjen urørt. Leikeplass Område for leik. 100 Øvrige kommunaltekniske anlegg, BKT Område for plassering av søppeldunkar for henting på tømmedag. Samferdsle og teknisk infrastruktur (Pbl 12-5 nr. 2) Sum m 2 Veg Tilkomstvegar mot eksisterande bustadeigedom 450 på gnr. 136, bnr. 13, og mot bustadområda i planen. Vegane er nærare skildra under pkt Annan veggrunn teknisk anlegg Areal for grøft. 80 Annan veggrunn grøntareal Areal for skjering- og fyllingsutslag i samband 90 med bygging av veg. Parkeringsplass Parkeringsplassane er nærare skildra under pkt Grøntstruktur (Pbl 12-5 nr. 3) Sum m 2 Grøntstruktur Område for oppføring av mur og anna vegetasjon. 100 Landbruks-, natur- og friluftsføremål (Pbl 12-5 nr. 4) Sum m 2 Friluftsføremål Område der inngrep i form av skjering og fylling ikkje er tillate. Høgdedraget syner ein stadtypisk landskapsform på eigedomen som det er ynskjeleg å ta vare på. Totalsum Omsynssoner (PBL 12-6) Sum m 2 Frisikt Område for frisikt

15 6.2 Plassering av busetnad og utforming Det er i plankartet sett av fire avgrensa område med føremål for frittliggjande bustader, der det er plass til ein bustad i kvart område, samt ev. garasje på inntil 50 m2. I felles føresegner for planen står det følgjande: «Bygningane i planen skal ha utforming som passar inn i det kringliggjande bygningsmiljøet, der samanhengen med det tradisjonelle trehusmiljøet i Skånevik vert ivaretatt i utforminga av nye bygningar.» Det har vore viktig i planen å leggja vekt på at bygningsmiljøet i Skånevik sentrum vert vidareført til planområdet. Bygningane kan byggjast med nye byggkonstruksjonar, men utforminga skal vere lik kringliggjande bygningar. Med maksimal byggjehøgd på 7.0 meter over gjennomsnittleg terreng, samt krav om saltak, takvinkel, takdekke og fargar, vil bygningane kunne tilpassast det eksisterande bygningsmiljøet. Bustadane vil liggje godt til i høve til nabobygningane, og vil ikkje skygge for sol eller utsikt i høve til desse. Det er nytta ei byggjegrense på 12.5 meter frå senterline regulert veg for bustadområda, jf. gjeldande reguleringsplan for Skånevik sentrum Del 1. Byggjegrensene internt på tomta er bestemt ut i frå ei avstand på 3.0 meter frå vegkant, SV. Illustrasjon over planområdet (stipla kvit line) med plassering av nye bygningar i oransje

16 6.3 Trafikktilhøve Det er i planforslaget nytta ei vidareføring av eksisterande avkøyrsle. Denne er relativt ny, og er noko forskjøven mot nord i høve til eksisterande plan for Skålnesstranda. Det er nytta dei same frisiktsonene som i gjeldande plan, 4 x 60 meter, og avkøyrsla avsluttar mot gjeldande plan. Vegføremål Skildring av vegen f_sv1 Tilkomstveg frå fylkesvegen og mot felles parkering, f_spa. Vegen har delvis universell stigning, og har breidd 5.0 m inkl. skulder på 0.5 m. Vegen har avkøyrsle mot fylkesvegen jf. eksisterande situasjon, med indre radiusar på 5 m som er i samsvar med gjeldande plan. Vegen er felles for heile planområdet, og for gnr. 36 bnr. 13. Vegen kan nyttast som snuplass for f_spa, BFS1 og BFS2. f_sv2 Tilkomstveg for BFS3 og BFS4. Vegen har maksimal stigning 1:8 og er regulert 3.0 meter brei med einsidig grøft på 0.5 meter. Vegen kan nyttast som snuplass. SV3 Veg for eksisterande bustadeigedom på gnr. 136, bnr. 13. f_spa Felles parkeringsplass for bustadområda BFS1 BFS2. Det er lagt opp til 4 parkeringsplassar på området med størrelse 2.5 x 5.0 meter. Det er mogeleg å leggje til rette for parkering på eiga grunn innafor områda BFS1 BFS4, og det er lagt til grunn ei parkeringsdekning på 2 plassar pr. bustad, der BFS1 og BFS2 kan parkere innafor f_spa. Ein kan føre opp frittståande garasje på inntil 50 m 2 i grunnflate i ei avstand på inntil 1.0 meter frå naboeigedom. Det er ikkje planalgt eigne løysingar i høve til kollektivtrafikk. Det er eige fortau langs fylkesvegen som fører fram til kollektivtilboda i Skånevik. Planforslaget gir ingen konsekvensar i høve til kollektivtrafikken. 6.4 Teknisk infrastruktur Vass- og avløpsanlegg Bustadane vil bli tilknytt privat felles drikkevatn i Skånevik vassverk. Avlaup vert tilkopla kommunalt anlegg. Vidare detaljering samt håndtering av overvatn vil bli gjort ved utarbeiding av teknisk plan. Renovasjon Kvar bustad vil ha renovasjonsdunkar på si tomt. Det er sett av areal for oppstilling av renovasjonsdunkar på tømmedag innafor føremål, f_bkt. Strømforsyning Bustadområdet vil bli tilkopla eksisterande strømnett i området. Detaljert løysing vil bli avklart som del av teknisk plan. Det er ikkje framført alternativ energi i form av gass eller vassboren varme i skånevik, noko som gjer at bustadane vil basere seg på straum som energikjelde,eventuelt supplert med fyring av ved

17 6.5 Uteopphaldsareal og leikeplass Det er lagt opp til felles leikeplass for bustadområda, BFS1 BFS4. Det er ikkje laga til ein stor leikeplass grunna nærleiken til skuleområdet med ballspel og stort utval av leikeapparat for born i alle aldre. Leikeplassen ligg mellom SV1 og SV2, og bustadane BFS1 BFS3 vil ha universell tilkomst til denne. Det vil ikkje vere slik trafikk eller fart på vegane at leikeplassen vil liggje utsett til i høve til trafikktryggleik. Leikeplassen ligg elles godt til rette med god utsyn mot sjø og på den flatare delen av planområdet slik at soltilhøva vert gode. 6.6 Landbruksfaglege vurderingar Omtrent 1.5 daa av planområdet er i markslagskart registrert som fulldyrka jord, men jorda er berre nytta til beiteområde. Området er allereie frigitt gjennom plan, då det er regulert til bustadføremål. Me kan vidare ikkje sjå at bustadane på planområdet vil koma i konflikt med landbruksinteressene ettersom dette området ligg inneklemt mellom fv. 34 i nord, barnehage i sør, og utbygde eigedomar i vest og aust, og at kommunen har sett det naudsynt å ta av landbruksareal for å fremje sentrumsutviklinga på staden. 7 Konsekvensutgreiing 7.1 Kvifor planen ikkje skal konsekvensutgreiast Etne kommune har vurdert og konkludert med at planen ikkje utløyser krav om konsekvensutgreiing, då planarbeidet er i hovudsak i samsvar med gjeldande plan, og ikkje i konflikt med naturmangfaldet i nærområdet. Gjeldande plan fir ikkje føringar for grad av utnytting i dette området, men det skal planleggjast aldersbustader eller trygdebustader med livslaupsstandard. Grunna dagens krav til universell utforming, der viktige funksjonar skal vera på eitt plan, vart det i oppstartmøtet med kommunen gitt signaler for å leggje til rette for bustader innafor området, ikkje nødvendigvis berre aldersbustader og trygdebustader. Kommuneplanen legg opp til ei utnytting på 2 bustader pr. daa, noko som i dette tilfellet gir 9 bustader. Det er i planforslaget lagt større vekt på tilpassing til eksisterande bygningsmiljø og ivaretaking av høgdedraget innafor planområdet, slik at utnyttinga i området er omtrent 0.9 bustader pr. daa. 8 ROS analyse 8.1 Uønska hendingar med mogelege førebyggjande tiltak I plankartet vil område med potensiale for risiko synast med omsynssone. ROS-analysen er utført i samsvar med «Veileder for kommunal risiko- og sårbarhetsanalyser» utgitt av Direktoratet for sivilt beredskap (2010), Norsk Standard 5814:2008, «Veiledning om tekniske krav til byggverk» utgitt av Direktoratet for byggkvalitet (2010), og vedtekne akseptkriterium for Etne kommune

18 Det er laga ei sjekkliste ut i frå liste med farekategoriar i «ROS- analysemal for arealplansamanheng i Etne kommune», ut i frå om dei er aktuelle å kartleggja eller ikkje. ROS- analysen konkluderer med ulike tiltak/ kommentarar som det må takast omsyn til og som bør innarbeidast i reguleringsplanen, eventuelt med tilhøyrande føresegner. Det er ikkje avdekka uønska hendingar med uakseptabel risiko som må undersøkast gjennom meir detaljerte analyser. 9 Verknader/ konsekvensar av planforslaget Utbygginga med bustader er i samsvar med arealdelen til kommuneplanen for Etne. Det er nytta eksisterande planar for Skånevik sentrum og for Skålnesvegen i utarbeidinga av føresegnene og avgrensinga til planen, slik at desse harmonerar. Planforslaget opnar opp for fleire bustadar i Skånevik sentrum med krav til utforming av bygningane i føresegnene. Eksisterande avkøyrsle inn til gnr. 136, bnr. 13 er nytta. Bustadområdet i planen ligg mellom to utbygde tomter. Det er gjort vurderingar i høve til plassering og utforming, og vi kan ikkje sjå at planframlegget har negative konsekvensar. Det er positivt med fleire bustader i sentrum av Skånevik. Fleire bustader nær sentrum skaper meir liv i sentrumsområder. Desse bustadane ligg i kort avstand til både arbeidsplassar, butikkar, skule og barnehage. Med bustader så nær desse funksjonane går også transportbehovet ned. Eventuelle konsekvensar av utbygginga er vurdert i planomtalen, og det er innført tiltak i plan og føresegner som skal hindre/ minske dei mogelege verknadene. Planforslaget kan gjennomførast som føreslått utan unødig ulempe for bustadane i nærområdet, natur- og kulturlandskapet eller nærmiljøet elles. 10 Innkomne merknader Hordaland fylkeskommune Hordaland fylkeskommune skriv, i brev motteken etter at fristen er gått ut, at planen sin verknad på kulturminne og kulturmiljø skal dokumenterast og vurderast i planutgreiinga ved offentleg ettersyn. Hordaland fylkeskommune vil då vurdere motsegn dersom planen er i konflikt med automatisk freda kulturminne, eller andre nasjonalt og regionalt viktige kulturminne. Dei skriv at det i følgje Hordaland fylkeskommune sine arkiv ikkje er kjent automatisk freda kulturminne eller andre verneverdige kulturminne, men at dei ut frå potensiale for funn finn det naudsynt med arkeologisk registrering. Desse kostnadene skal i medhald av kulturminnelova 9 og 10 betalast av tiltakshavar, men Hordaland fylkeskommune har ikkje heimel til å krevje denne registreringa før planen vert lagt ut på offentleg ettersyn

19 Vår kommentar Planen sin verknad på kulturminne og kulturmiljø er dokumentert og vurdert i planomtalen. Hordaland fylkeskommune vil ha høve ved offentleg ettersyn til å vurdere motsegn dersom planen er i konflikt med kulturminne. Det er i dette høve snakk om ein detaljreguleringsplan innafor eit allereie regulert område til utbygging. Omega Areal AS har bedt om heimel til å krevje slik undersøking, men har ikkje fått dette då det allereie fins ein godkjend plan i området. Om det vert gjort funn av automatisk freda gjenstandar eller konstruksjonar under arbeid med tiltak i planområdet, vil arbeidet straks stoggast og kulturminnestyresmakt varslast for nærare gransking, jf. Kulturminnelova 8, 2. ledd. Etne Eldreråd Etne Eldreråd vil be om at kommunen sikrar seg dette området til omsorgsbustader, då det tidlegare var tenkt til eldre-/ omsorgsbustader. Skriv vidare at området langs sjø må sikrast som friområde. Vår kommentar På oppstartmøte med kommunen, , kom det fram at planområdet vil få ei betre utnytting ved bygging i fleire etasjar grunna topografien på området, og at bygging av fleire omsorgsbustader på eit plan vil vere vanskelegare å få til på denne tomta. Det vil likevel innafor planen vere mogeleg å byggje universelt utforma bustader, og uteområda er planlagt universelt utforma. Område for naust er teken ut av planforslaget. Fiskeridirektoratet Fiskeridirektoratet kan ikkje sjå at det knyt seg særskilde fiskeri- eller akvakulturinteresser til sjøarealet som inngår i planområdet, og har difor ingen vidare merknader til oppstartmeldinga. Framlegg til reguleringsplan vert å sende på høyring til Fiskeridirektoratet region vest. Vår kommentar Framlegg til reguleringsplan vil verta sendt på høyring til Fiskeridirektoratet region vest. Kystverket Kystverket tek oppstartvarselet til etterretning og avventar planen når den føreligg. Nemner at tilknyting til sjøområdet og eventuelle tiltak i sjø krev løyve etter hamne- og farvassloven med Etne kommune som hamnemynde. Desse opplysningane kan innarbeidast i planføresegnene. Vår kommentar Framlegg til reguleringsplan vil verta sendt på høyring til Kystverket. Mattilsynet Mattilsynet gjer utbyggjar merksam på kravet om tilfredsstillande tilgang på hygienisk trygt og tilstrekkeleg drikkevatn for bygningar til opphald for menneske, og at krava vert ført inn i reguleringsplanen

20 Vår kommentar Kravet om tilfredsstillande tilgang på hygienisk trygt og tilstrekkeleg drikkevatn for bygningar til opphald for menneske er ført inn i reguleringsplanen. Noregs vassdrags- og energidirektorat, NVE NVE har ingen innspel til planarbeidet. Fylkesmannen i Hordaland Fylkesmannen legg til grunn at planarbeidet er i samsvar med overordna plan, at den ikkje er i strid med nasjonale føringar, og vil gjere merksam på at ROS- analysen må nytte akseptkriteria i tråd med TEK10. Vår kommentar ROS- analysen har nytta kommunen sine vedtatte akseptkriterium i tråd med TEK10. Alf Warloe Christophersen Skriv i sitt brev at utvikling med bustader i området er positivt for Skånevik, og føreslår at den naturleg skråna tomta bør kunne utnyttast til flest mogeleg bustader/ terrasseleiligheiter med garasje i kjellaren og med ev. heis. Nemner vidare at forslag om at naust i eit slikt sentrumsnært område må frarådast på det sterkaste, at det allereie er for mange naust i sentrum, og at dette vil øydelegge friområdet på eigedomen som er heilt naturleg og viktig i lag med Peparen. Vår kommentar: Ved å opne for så høg utnytting som føreslått i uttalen, vert ikkje samanhengen med det tradisjonelle trehusmiljøet ivaretatt på same måte. Gjennom planprosessen har det vore viktig å få til ei bustadutbygging som står i stil med bygningsmiljøet i Skånevik sentrum, noko som vi meiner vert ivaretatt i dette planforslaget. Elles er område for naust teken ut av planforslaget. 11 Avsluttande kommentar Planforslaget tar høgde for utbygging av bustader med tilhøyrande anlegg for parkering og leik, der føremålet er i samsvar med overordna planar. Det er i føresegnene til planen lagt begrensingar i høve til utforming av nye bygningar slik at desse vert utforma i samsvar med den lokale byggjeskikken i Skånevik sentrum. Viktige landskapstrekk er ivaretatt, og det er gjort vurderingar i høve til plassering av bygningar og veganlegg i terrenget

21 Det er lagt til grunn at planområdet og verknadane av forslaget er tilstrekkeleg vurdert, og på ein slik måte at tiltaka planen omfattar ikkje vil vere til umiskjennelig bry eller fare for nærliggjande busetnad, landbruks- og friluftsinteresser eller naturmangfald

22 12 Vedlegg Vedlagte dokument følgjer planskildringa. Dokument Dato Revisjonsdato Plankart Føresegner ROS- analyse Utsjekk av naturmangfaldet Andre vedlegg Innkomne merknader SOSI- eksport og loggfil Sjekkliste for reguleringsplanar