Sluttrapport Sherpasti MALMANGERNUTEN

Transkript

1 Sluttrapport Sherpasti MALMANGERNUTEN Fakta: Start måndag slutt onsdag høgdemeter - frå 521 moh til 642 moh. 237 lengdemeter sikra stitrasé. 591 trappetrinn. Berre stein frå staden. Eitt trinn skal på plass - i eit imponerande samarbeid. Det er utruleg kva sherpaene maktar med dei store spetta, Jumbal på sherpaspråk. Populærnamnet Nepali-gold seier litt om kor viktig spettet er som arbeidsreidskap. Takk! Side 1

2 Saka gjeld, litt frå søknaden vår om økonomisk støtte: MALMANGERNUTEN - eit fjell midt i bygda - Malmangernuten er eit populært turmål Mellom Hjort og Høyklepp er det diverre blitt stor slitasje, sleipt og vanskeleg å føta seg. Vi har fått melding om stygge fall og skader. Rosendal Turnlag - turgruppa RT-turgruppa arbeider for trygg ferdsel i dei T-merkte rutene kring Rosendal. Sherpaer frå Nepal Sherpaer har sumaren 2015 lagt om stien ved rasutsette Skarsklyp i Melderskinruta. Tilbakemeldingane frå fjellvandrarar har vore overveldande positive og takksame. No ynskjer vi å vidareføra samarbeidet med desse fagfolka. Sonam Sherpa er leiar for sherpaene i Noreg. Han har vore på befaring, og seier at dei vil prioritera dette sikringsarbeidet i Side 2

3 Desse fire sherpaene kom direkte frå Everest-regionen til Rosendal og Malmangernuten. Dei sette stor pris på å få bu i ei av Folgefonn Feriegard sine moderne fjordhytter, med alle nødvendige hjelpemidlar som oppvask- og vaskemaskin, TV og internett. Det er langt til sjøen frå heimbygda Khunde i Nepal, moh, så nærleik til fjorden er ei stor oppleving for dei. Kami og Dorje fekk sin fyrste båttur. Side 3

4 Arbeidskarane vart køyrde til Skeie kvar morgon kl 07:00 og henta ned att 18:30. Gangtid til arbeidsplassen var 0:45 time kvar veg. Dei hadde ein halv time pause to gonger dagleg. For å kvila ut etter tungt arbeid, gjekk dei til ro kl. 21:00 kvar kveld. Sundag var fridag. Side 4

5 Ved befaring saman med Sonam , vart det bestemt at eksisterande trasé var best eigna for sikring. Fyrste arbeidsdag studerte sherpaene både trasé og steindeponi på ny. Sonam bekrefta det han hadde sagt i fjor: " Four Sherpas, four weeks; no problem" Sherpaene starta arbeidet med å samla stein. Laurdag flytta Fonnafly 53 BigBag og 36 enkeltsteinar fram til arbeidsområdet langs stien. Sherpaene hadde på førehand planlagt kor kvart einaste av dei 89 hiva skulle plasserast langs stien. Dei som hekta på visste i kva rekkefylgje helikopteret skulle få hiva. I det bratte lendet med mykje tre måtte helikopteret bruka spesielt lang line. Ei utfordring for stibyggjarane var dei kraftige røtene som måtte fjernast. Ved røtene var det òg mykje mold som måtte vekk, slik at trappetrinna kunne forankrast i fjell. Slik gjekk det med meir stein enn berekna. Laurdag flytta Fonnfly ekstra 31 BigBag og 10 enkeltsteinar. Det internasjonale samarbeidet mellom pilot og bakkemannskap var imponerande. Nokre karar gjorde ein solid jobb med å rydda skog slik at helikopterpilot og sherpaer fekk arbeidsrom. Side 5

6 Eit nøye planlagt steinkaos vart forandra til ein behageleg gangveg, i eit hengjande bratt terreng. Helikopterpiloten vog den største steinen til kilo. Side 6

7 Før og etter på same staden. Som vi ser har sherpaene gjort ein formidabel gartnarjobb. Dei har ikkje berre planta til sitt eige anleggsområde, men også reparert skadane frå tidlegare. Side 7

8 Tysdag klokka 18:00 var det høgtideleg opning. Klatretauet som var brukt for å sikra steinar i krevande arbeidssituasjonar vart då skore over av arbeidsleiar Sonam, med jentene i turgruppa og tre sherpaer som "tauvitne". Meir enn 100 personar prøvegjekk den restaurerte stien denne kvelden. Nedanfor ser vi opningsstaden tre veker før, i ufyseleg ver. Geirr Vetti seier at steinarbeid i bratt lende går % seinare i regn, men heldigvis fekk vi mest berre opphald. Ein regnmorgon venta sherpaene litt med å gå opp, men så tok dei ut likevel: "We will try, we need training", sa dei. Ja, dei hadde nok bruk for trening...! Tilsaman gjekk dei opp 25 gonger og ned 25 gonger. Ofte med tunge bører. Side 8

9 Organisasjon og økonomi Prosjekt "Sherpasti Malmangernuten" vart gjennomført i eit samarbeid med Kvinnherad kommune, med utlysing gjennom DOFFIN, anbudsfrist Geirr Vetti sitt firma Stibyggjaren As var einaste tilbydar, og då som totalentreprenør. Stibyggjaren As inngjekk avtale med Kvinnherad kommune, samla pris kr ,- eks. mva. Utbyggjar: Rosendal Turnlag-turgruppa. Kåre Eik, dagleg oppfølging. Byggherre: Kvinnherad kommune. Per Inge Naterstad, byggherrens representant. Totalentreprenør: Stibyggjaren As. Geirr Vetti, totalentreprenørens representant. Rosendal Turnlag-turgruppa og Kvinnherad kommune inngjekk "Avtale om anleggsbidrag". Det går ut på at utbyggjar skal yta eit anleggsbidrag tilsvarande byggherren sine kostnader. Oppsummering for fire veker arbeid, sherpaer arbeidde 10 timar kvar dag 6 dagar i veka, timepris kr 450 eks. mva. Alle postar nedanfor er eks. mva. Grunna nokre uventa gåver i sluttfasen, er Turgruppa sin kontante eigenandel mindre enn budsjettert. Nøkternt rekna er det brukt 340 dugnadstimar til prosjektet. Stibyggjaren As: ,00 Steinarbeid, kost, losji, køyring, administrasjon, rigg og drift ,00 Fonnafly As ,00 Fakturert til Kommunen med refusjon frå Turgruppa ,00 Turgruppa, divers utgifter ,00 UT ,00 Gåver 4.394,00 Turgruppa sin kontante eigenandel ,00 INN Takk for økonomisk støtte frå: Skeishagen velforening Skeishagen burettslag Seimsfoss helselag Rosendal helselag Rosendal Turnlag hovudlag Rosendal Fjellstreif Kvinnherad Turlag Bergen og Hordaland Turlag Kvinnherad kommune BIL Berler ll Yngve Bryn Folgefonn Feriegard Fredheim Blomster Fredheim Gartneri Galleri G Guddal Harding Safety Hydro Husnes Byggfirma Kjell Høyland Kvinnherad Energi Knut Mehl Rosendal Bygg & Varme Rosendal Fjordhotel SpareBank 1-stiftinga Kvinnherad Statkraft Sunnhordland Kraftlag Andre gode vener av Turgruppa Takk også for velvilje frå Hatteberg- og Guddalsdalen grunneigarlag, grunneigarane på Skeie, Kvinnherad kommune. Side 9

10 Klokka 18:00 tysdag 21. juni 2016 var engasjementet vårt med sherpaene slutt på Malmangernuten. Eit solid arbeid som skal sikra fjellvandraren i hundrevis av år var fullført. Tillegg: Sherpaene har etter kvart fått internasjonalt ry på seg for å vera verdas beste stibyggjarar i bratt lende. Også denne gongen har det vore ei stor glede og ære å bli kjent med desse heidersfolka frå ein framand kultur. Ikkje berre er dei handverkarar av ypperste klasse, men samarbeid om planleggjing og organisering har vore gjort på ein praktisk og ærleg måte, i stor tillit til kvarandre. Det er kjent at sherpaene er oss overlegne genetisk med omsyn til lunge-, hjarte- og muskelkapasitet, men vi må heller ikkje gløyma dei store resursane dei synest å ha inne i hovudet. Alle utfordringar og vanskar som har oppstått undervegs er blitt løyst på forbiledleg vis. Dei viser stor omsorg, både seg imellom og overfor andre. Som buddhistar ber dei mykje, og har stor respekt for alt i naturen. Ansvarlege frå Turgruppa har vitja dei på arbeidsplassen minst annankvar dag, og elles hatt dagleg kontakt. Jamnleg har dei også hatt besøk av andre turgåarar, medbringande litt godsaker, ros og oppmuntring. Under helikopterflygingane hadde vi vakter både i Svartedalen og på Hjort. Også ved anna spesielt farleg arbeid har vi delvis hatt vakt i Svartedalen. Det har vore oppsett plakatar om fare på strategiske stader, og om at fjellet var stengt i ein periode. Turistkontor og resielivsbedrifter har fått jamnleg informasjon. Helikoptersekker og slingsar har vi henta på Nå i to omgangar. Samarbeidet med Buførevegens vener har vore trygt og godt, som det også var på Melderskin. Tysdag 14. juni vitja Sonam og Morten Mauranger skule si Nepal-framsyning, med innsamling til fattige born i Nepal. Sherpaene har fått servert åtte middagar privat. Sundagane har dei for det meste nytta til kvile, men dei har også fått oppleva gartneri, steinpark, baroni, galleri, båttur, bilturar, m.m. At dei sjølve fekk vera med og handla på Eurospar var også ei oppleving for dei. Dei fekk med seg ein minnepenn med 160 bilete frå arbeid og opphald her. Takk! ROSENDAL TURNLAG - TURGRUPPA Morten Nygård, leiar Kåre Eik, prosjekt Malmangernuten Side 10