Kommentar til forskrift - Tilskot til reiser ved veterinærane sine sjuke- og inseminasjonsbesøk

Transkript

1 Rundskriv 10/2013 Fylkesmennene Kontaktperson: Hilde Haug Simonhjell Vår dato: Vår referanse: Rundskrivet erstatter: 18/2012 Vedlegg: Kopi til: LMD, DNV Postadresse: Postboks 8140 Dep. NO-0033 Oslo, Norway Besøksadresse: Stortingsgt. 28 Telefon: Telefaks: E-post: Internett: Org.nr.: NO MVA Bankkonto: Kommentar til forskrift - Tilskot til reiser ved veterinærane sine sjuke- og inseminasjonsbesøk Kommentar til 1 Formål: Formålet er å jamne ut kostnadene mellom føretaka som rekvirerer veterinær. Nedskriving av veterinærutgiftene for husdyrbrukarane er direkte proporsjonal med avstand til næraste veterinær, og skal derfor bidra til å styrke økonomien for brukarane i utkantområda. Tilskotet blir gjeve ved veterinærbesøk på husdyr som disponerast av føretak som driv husdyrproduksjon. Ein rekvirent er eit føretak som driv med husdyrproduksjon som næring. Kommentar til 2 Verkeområde: Det er veterinærføretak som kan søkje og eventuelt motta tilskot, slik at rekningane som sendast jordbruksføretaka kan bli lågare enn dei elles ville ha vorte. Tilskot som blir omfatta av ordninga er skyssgodtgjersle og reisetillegg. Kommentar til 3 Administrasjon: Det er Statens landbruksforvaltning som administrerer ordninga. Statens landbruksforvaltning kan også gi utfyllande bestemmelsar til forskrifta. Dette vil i første rekkje gjerast gjennom rundskriv. Fylkesmannen tek imot søknadsskjema frå veterinærføretaka, fører kontroll med opplysningane oppgjeve på søknaden og registrerer dei godkjente sakene inn i fagsystemet. Godkjente og anviste saker blir utbetalt frå Statens landbruksforvaltning. Kommentar til 4 Grunnvilkår: Det er veterinærføretak som er registrert i Brønnøysundregistra med føretak som driv veterinærtenester som er mottakar av tilskotet. Tilskotet blir gjeve ved reiser i samband inseminasjon og i sjukdomstilfelle på husdyr som blir disponert av føretak som driv husdyrproduksjon. Det forutsettast at dei husdyr som skal gje grunnlag for tilskot etter forskrifta inngår i føretaket si næringsdrift. Det kan ikkje gjevast tilskot ved reiser i samband med besøk til selskapsdyr/hobbydyr.

2 Statens landbruksforvaltning Side: 2 av 5 Det er ikkje krav til at rekvirenten mottek produksjonstilskot for dyret, men det må vere sannsynleg at dyret inngår i drifta. Det skal ikkje gjevast tilskot der dei totale reiseutgifter står i eit urimeleg forhold til dyret/dyras verdi. Kommentar til 5 Skyssgodtgjersle: Denne delen av tilskotet går til dekking av reiseutgifter, og tilsvarar det til einkvar tid gjeldande regulativ for reiser innanlands for statens rekning. Når ein brukar eigen bil skal sats for km nyttast, uavhengig av utkøyrt distanse. Dette vil seie at ein skal bruke satsen for km også når totalt køyrelengde i budsjetterminen overstig 9000 km. Satsen er 4,05 kr pr kilometer frå 1. januar Den tilskotsfrie delen av reisa er omtala i 8. Ved bruk av eigen båt nyttast satsane i særavtalen for reiser innanlands for statens rekning. Ved unntaksvis bruk av taxibåt må dette dokumenterast med kvittering. Båtskysselskap kan ikkje søkje om tilskot. Ved hyppig bruk av båtskyss skal dette i forkant leggast ut på anbod. Det skal ut i frå anbodsrunden skrivast avtale mellom veterinærføretaket og båtskyssføretaket. Fylkesmannen skal godkjenne avtalen. Kommentar til 6 Reisetillegg: Tilskotet er det beløp pr km som er fastsett i jordsbruksoppgjeret for reisande med motorvogn, motorsykkel og tog. For ferje og båtreiser kan det bereknast inntil 10 minutt til billettkjøp og ombord-/avkøyring i tillegg til overfartstida. Det vil seie at ein i tillegg til tida som ein brukar til overfart også kan berekne inntil 10 minutt til billettkjøp og køyring ombord og av. På dei fleste ferjer blir det løyst billett om bord og ein skal da ikkje berekne 10 minutt. Dersom ein uforskyldt må vente på ferje eller båttransport, kan det bereknast tilskot etter første halvtimen av ventetida. Satsane er: - Reisetillegg, bil/motorsykkel/tog: 4 kroner pr kilometer - Reise-/ventetillegg, båt/ferje: 270 kroner pr time - Ombordstigingstillegg: 75 kroner. Det kan gjevast berre eitt ombordstigingstillegg for leige av skyssbåt sjølv om båten har fleire opphald for praksisbesøk undervegs. Utlegg skal dokumenterast dersom kvittering føreligg. Dette er for eksempel utgifter til taxi eller unntaksvis bruk av ferje, tunnel- eller bompasseringar. Ved hyppige utgifter til bom-, tunnelpasseringar, ferje o.l. trengst det ikkje leggast ved kvitteringar, men utgiftene må spesifiserast på søknaden. Det er til einkvar tid billegaste reisemåte som kan dekkjast over ordninga.

3 Statens landbruksforvaltning Side: 3 av 5 Kommentar til 7 Berekning av reiste kilometer: Det er veterinærføretaket sin faste kontorstad, kontordagstad, som skal nyttast ved berekning av tilskotsberettiga kilometer, både i og utanom kontortid. Dersom veterinæren har både kontorstad og heimekontor er det kontoradressa som skal brukast som utgangspunkt. Dersom heimekontoret er einaste lokalitet for kontor, så skal heimeadressa brukast. Reisa skal vere føreteke av nærastbuande veterinær. Dette gjeld ikkje når reisa er føreteke i vakteneste. Dersom annan veterinær blir tilkalla skal avstanden frå nærastbuande veterinær som kunne ha foreteke reisa leggast til grunn ved berekning av reiseutgiftene. Det skal bereknast tilskot etter kortaste veg til rekvirent. Rekvirentbesøk i samband med hovudreise som krev val av ei anna reiserute enn kortaste veg mellom reisa sitt utgangspunkt og fjernastbuande rekvirent skal betraktast som eiga reise (avstikkar). Alle rekvirentbesøk i samband med ei hovudreise (avstikkarar) som berettigar tilskot skal førast på hovudskjemaet under same nummer som hovudreisa. Kommentar til 8 Tilskotsfri del av reisa: Det blir ikkje gjeve tilskot til reiser med eigen bil som ikkje overstig 2 x 20 km, eller der dei samla reiseutgiftene ikkje overstig tilskot tilsvarande 40 km reise med eigen bil. Alle rekvirentar på og innafor denne avstandsgrensa, uansett køyrerute som blir nytta, betalar sin eigendel utan belastning for ordninga. Prinsippet er at alle rekvirentbesøk skal belastast ein eigendel tilsvarande reiseutgifter med eigen bil for opptil 40 løpande kilometer, med unntak av koordinerte besøk langs same vegstrekning der eigendelen fordelast på dei besøkte rekvirentar. Kommentar til 9 Søknad og utbetaling: Søknad skal fremjast på skjema fastsett av Statens landbruksforvaltning. Skjema SLF 110, 111 og 112 ligg på SLF sine heimesider under Skjema. Dersom rekvirenten eller han/ho som representerer rekvirenten ikkje er til stades så skal skjema SLF-112 leggast att for underskrift. Den som representerer rekvirenten vil vere t.d. familie på føretaket eller avløysar. Skjema skal sendast veterinæren. Veterinæren skriv inn tidspunktet for besøket og rekvirenten eller han/ho som representerer rekvirenten kvitterer med underskrift at dei opplysningar som veterinæren har ført på skjema er korrekte Det skal også kryssast av dersom besøket er utført i vaktteneste. Det skal nyttast organisasjonsnummer på søknad om tilskot og ved registrering av utbetaling i fagsystemet. Søknad sendast fylkesmannen der føretaket er registrert. Søknadsfristen er 15 dagar etter utløpet av kvart kvartal. Dersom veterinæren ikkje sender søknad innan fristen og ikkje har søkt om dispensasjon, kan fylkesmannen avslå søknaden, sjå også under 10 og12.

4 Statens landbruksforvaltning Side: 4 av 5 Søknaden skal ankomstregistrerast hos fylkesmannen og arkiverast etter gjeldande regelverk innan arkivering. I tilfeller der ein veterinær ønskjer utbetaling kvar månad må han/ho søkje om dispensasjon frå denne regelen. Det må da føreligge ein skriftleg avtale mellom fylkesmannen og veterinæren på at vedkomande har dispensasjon frå søknadsfristen, sjå også under 10. Utbetaling skjer kvart kvartal frå fylkesmannen dersom ikkje anna er avtala med vedkomande veterinærføretak. Det blir ikkje utbetalt mindre enn 500 kroner pr kvartal. Det vil ikkje vere høve til å spare opp beløp over fleire kvartal for å kome over minstebeløpet. Kommentar til 10 Vedtak, dispensasjon og klage: Det er fylkesmannen som fattar vedtak etter denne forskrifta. Fylkesmannen kan i særlege tilfelle dispensere frå forskrifta. Dispensasjon kan gjevast etter søknad frå veterinærføretaket. Fylkesmannen må da gjere ei konkret og skjønsmessig vurdering av heilskapen om det føreligg tilstrekkelege omstende for dispensasjon. Det vil ikkje vere aktuelt å gje dispensasjon frå forskriftas 1-3. Normalt skal det heller ikkje dispenserast frå 4 (grunnvilkår). Derimot kan det vere praktisk i visse tilfelle å gje dispensasjon frå t.d. søknadsfristen i 9, sjå ovafor. Det har vist seg at det i einskilde fylke har vorte problematisk å gjennomføre kvartalsvise utbetalingar, av di utbetalingane då blir store. SLF har i desse tilfella godteke at fylkesmannen nyttar heimelen til dispensasjon til å gjere vedtak om månadslege utbetalingar for alle veterinærføretaka i fylket. Vi understreker at dette ikkje er den normale framgangsmåten for dispensasjon. Statens landbruksforvaltning er klageinstans for vedtak fatta av fylkesmannen. Kommentar til 11 Opplysningsplikt og kontroll: Denne bestemmelsen gjev tilskotsforvaltninga heimel til å krevje dei opplysningane som er naudsynte for å handsame og avgjere den enkelte søknad. Føretak som søkjer pliktar å gje dei opplysningane som fylkesmannen eller Statens landbruksforvaltning krev. Det kan også bli føreteke stadleg kontroll hos føretak som mottek tilskot. Kommentar til 12 Adminstrative sanksjonar: Fylkesmannen kan rette feil i utbetalt tilskot, anten ved etterbetaling av for lite utbetalt tilskot, eller ved krav om attendebetaling av for mykje utbetalt tilskot. Når forskrifta seier at feil kan rettast osb, betyr dette at fylkesmannen må føreta ei vurdering av om det er rimeleg å krevje pengane tilbake, eventuelt å etterkome eit krav frå søkjaren om utbetaling av meir tilskot. Fylkesmannen må då sjå på kva slags feil som er gjort, og kven som kan lastast for feila. Feil utbetalt tilskot kan også motreknast i seinare tilskotsutbetalingar. Også her må det gjerast slike vurderingar av kva som er rimeleg.

5 Statens landbruksforvaltning Side: 5 av 5 Der søknaden er sendt for seint, eller der det er gjeve uriktige opplysningar i søknaden, kan det føretakast ei skjønsmessig avkorting av tilskotet. I eit tilfelle der søknaden kjem mykje for seint, eller der søkjaren er sterkt å laste for at det er gjeve feil opplysningar, vil utbetaling av tilskot kunne avslåast i sin heilskap. Med helsing for Statens landbruksforvaltning Hilde Haug Simonhjell seksjonssjef Ann-Kathrin Billing seniorrådgjevar