SvaMpeN. Internavis for Volda vidaregåande skule - Nr: 6. Juni Korleis kan ein takle eksamensangsten?

Transkript

1 SvaMpeN Internavis for Volda vidaregåande skule - Nr: 6. Juni 2007 Korleis kan ein takle eksamensangsten? Torsdag 24. mai, fekk elevane på Volda vgs vite kva dei kom opp i skriftleg eksamen og om dei kom opp i skriftleg eksamen i det heile. Frå 11. juni får elevane vite kva dei kjem opp i av munnleg eksamen. Blant mange elevar har vert eksamen eit heftig samtaleemne, og medan eksamensdagen nærmar seg, så kjem angsten. Les meir side 2 - Streiken har betra forholdet Elevrådsleiar Karoline Marøy føler at streiken som fant stad 2.Mai har ført til ei betring mellom elevane/elevrådet og leiinga. Leiinga er innstilt på å forbetre forholdet og arbeide med dei eventuelle kommunikasjonsproblema som dei har hatt tidlegare. Les meir side 5 * Illustrasjonsfoto. Foto: Henrik Faustino Vatnebakk SVAMPENredaksjonen: Ingeborg Leira, Tone Rekkedal, Mai-Elin Tran, Ingrid Brautaset, Henrik Faustino Vatnebakk, Pia Roald og Mariann Aurstad. Elevredaktør: Ida-Mari Mork Ansvarleg redaktør: Synnøve Moltudal Kjekt å vinne russebil-kåringa Jentene på russebilen «Glamouruss» var overraska over at dei vann kåringa av årets russebil. Dei meiner at dei ikkje la så veldig mykje arbeid i bilen. Dei begynte ikkje å gjere så mykje på bilen før dei to vekene før russetida. Les meir side 4 Rektor gjer opp status I denne utgåva av Svampen fortel Margaret Alme korleis ho har opplevd sitt første år som rektor ved Voldavidaregåande skule. Les meir side 3 Svampen-redaksjonen ønsker elevar og tilsette ein strålande sommar og ein velfortjent ferie!

2 Redsla for eksamen Eksamensangst er eit stadig aukande problem, som stadig fleire slit med på landsbasis. Det kan vere i forskjellege former, frå beskjeden nervøsitet til oppkast. Det finst mange ekspertar på dette området, og i dette høvet har Svampen kontakta psykolog Ronald Grini, som er ein av Noregs fremste ekspertar på eksamensangst. rådgjevarane ved skulen, og prate ut litt om det. - Grunnen til at mange opplevar eksamen som skremmande, kan vere det at den dagen betyr så mykje for resten av livet, kommenterer Vibeke Conradsen, vikar for rådgjevar Frøydis Løset. Skulle angsten for eksamen vere veldig sterk, så viser vi dei til PPT (Pedagogisk Psykologisk Teneste ). PPT er kommunens rådgivande og sakkyndige instans i forhold til spørsmål som omhandlar barn, ungdom og vaksne som opplever å ha ein vanskelig opplærings- eller oppvekstsituasjon. Ein får då ein samtale med personalet der, der ein prøvar å kartlegge situasjonen og snakke om kva eleven slit med. Vi skriv då ein uttale til administrasjonen ved skulen, med rettleiing og særskilde løysingar, kommenterer Eldar Krøvel, kontorleiar ved PPT. Eleven kan mellom anna få spesielle opningar, tileggstid, og opplesing av oppgåver, eller dei kan få vere på einerom, alt etter behov. - Viss ein elev kan dokumentere vanskar, så er der altså høve til tilretteleiing, kommenterer Ingeborg Øye Dahl, som er ansvarleg for eksamensavviklinga ved skulen. Kva trur du er grunnen til at så mange elevar slit med eksamensangst? - Viss vi tenkjer oss at karakterar og eksamenar er portopnarar til høgare utdanning, stipend og karriere, så kan det bety mykje for framtida viss ein gjer det dårleg på eksamen. Ronald Grini anslår ovanfor Svampen at ca. 25% av elevane slit såpass med angst at det kan få negative konsekvensar på sjølve eksamensdagen. I ein artikkel om eksamensangst i Dagbladet ( ), så gjekk han ut i frå at berre ein av ti elevar er heilt fri for eksamensangst. - Nervar høyrer med i moderate mengder, men nervar i store mengder kan slå negativt ut, avsluttar han. Hjelp å få Med eksamen som nærmar seg, så kan angsten kome, men viss ein kjem i denne situasjonen, så er der hjelp å få. Ein kan oppsøke Av: Henrik Faustino Vatnebakk Tips til førebygging av eksamensangst: 1. Planlegg eksamensdagen. Det førebyggjer jarnteppe. 2. Møt opp til eksamen i god tid, sitt rolig og slapp av. 3. Unngå å sjå kva dei andre studentane gjer under eksamen. Då blir du berre distrahert. 4. Ta pausar, og husk mat og drikke under eksamen. 5. Forbered deg godt, og få oversikt over pensum tidleg i semesteret. Det førebyggjer eksamensangst. 6. Unngå å tenkje for mykje på eksamen. 7. Besøk eksamenslokalet nokre dagar før eksamen. Det skapar ro og tryggleik. 8. Ta pausar i eksamenslesinga. Gå tur og tenk på noko heilt anna. 9. Ikkje les kvelden og morgonen før eksamen. Slapp av og vær gjerne sosial. 10. Finn ut korleis du lærer best. Nokon byrjar førebuingane to dagar før eksamen, andre to månadar før. Desse tipsa har vorte henta i frå VG Nett ( ). Tipsa blei utarbeid som følgje av eit samarbeid mellom psykolog Ronald Grini og VG Nett. *Oversatt til nynorsk.

3 Eit fint førsteår på Volda vgs Første skuledag fekk elevane sitt første møte med rektor Margaret Alme. Fleire av elevane synest møtet med den nye rektoren var skremmande, men elevane har fått ein direkte og bestemt rektor å forholde seg til. Rektor Margaret Alme er no ferdig med sitt første år på Volda Vgs. Ho ser tilbake på skuleåret som svært utfordrande, men kjekt. Tidlegare har Margaret arbeidd både på Fagerlia vidaregåande skule og i Ulstein. -Volda vgs er ein heilt annleis skule enn dei eg har arbeidd på før. Volda er for det første ein mykje mindre skule, og med andre studieretningar enn dei eg har arbeidd med før, fortel ho. I Volda heng det att mange gamle tradisjonar i veggane, som har vist seg å vere utfordrande å forandre på. Her var likevel ingen store overraskingar for Margaret. Sjølv om ho ikkje er frå Volda var her likevel mykje kjende fjes. Blant anna har ho hatt Morten Vinjevoll som lærar i Ulstein. Djupe røter Margaret føler ho har eit godt forhold til elevane. Men her kjem vi ikkje vekk frå saka med Vardefesten. - Mange følte seg nok overkjørt, men der hadde vi ikkje anna alternativ enn å ta styringa på eiga hand. Om vi ikkje hadde gjort dette, ville det ganske sikkert blitt ein gjentaking av den tidlegare utgåva av Vardefesten, seier ho bestemt. Ho legg også til at ho hadde ikkje aning om kor djupe røter denne festen eigentleg hadde. Det har gått i bølgjedal med kor «gale» det har vore. Betre kommunikasjon Ho fortel vidare at ho angrar ikkje på noko ho har gjort, men heller på det ho ikkje har gjort. Noko vi absolutt må fokusere på å betre til neste år er kommunikasjon mellom leiinga og elevane. Vi skal ordne fleire fellesmøter mellom elevrådet og leiinga. Dette er noko som har vore for dårleg dette året. Mykje fråvær Skulen slit litt med søknadane til neste år, særleg på studieretningane Service og Samferdsel, og Allmennfag. Dette meiner Margaret at det må arbeidast med. Det er ikkje berre dette som må forbetrast. Det gjeld også det faktum at fråvær har blitt eit stort problem. Ho fortel at elevane har manglande forståing for kor alvorleg det er å vere mykje vekke frå skulen. - Eg trivst godt her på skulen, men om ikkje klasseromsfløya er planlagd innan 5 år, har eg kanskje ikkje noko meir her å gjere, avsluttar ho. Av: Ingrid Brautaset og Tone Rekkedal

4 Russebilkåringa: - Kjempekjekt å vinne Årets russebilkåring førte til sjalusi og usemje, men vinnarane frå bilen «Glamouruss» gjekk i frå det heile med eit smil. - Det var kjempekjekt å vinne, seier Martine Berg Rusten. Jentene på russebilen «Glamouruss» var overraska over at dei vann kåringa av årets russebil. Dei meiner at dei ikkje la så veldig mykje arbeid i bilen. Dei begynte ikkje å gjere så mykje før dei siste to vekene før russetida. Tida gjekk mest med til pyntinga. Silje Krumsvik og mora hennar stod for sying av puter og gardiner. Jentene trekte og opp dørene og seta med nytt stoff. Seinare pynta dei bilen med stjerner i taket og gullspray. Pyntinga kosta ikkje mykje. - Det som kosta mest var alt som måtte reparerast av tekniske ting, seier Silje. Elles kosta dei på bilen nytt batteri og eit anlegg. Overraskande å vinne - Eg trur vi vann fordi vi hadde så bra sikkerheit. Vi hadde ikkje snudd seta, og dermed hadde alle sikkerheitsbelte, fortel Martine. Bilen var også godkjent. - Vi hadde også gjennomført bilen med fargar som matcha, legg Mai Linn Wetterhus til. Dei fortel at stilen var enkel og at dei satsa pa temaet «glam». Dei var også nøgde med at dei hadde ein song som matcha namnet på bilen. Malene Vågen Dimmen fortel at ho var skikkeleg overraska over at dei vann. Dei hadde berre brukt 4500 kroner kvar på bilen, men no veit dei at det var absolutt verdt både pengane og arbeidet.

5 Malene seier og at dei hadde ein god del sponsorar. - Det var nokre av sponsorane som gav oss veldig mykje, seier Mai Linn. - Vi jobba ikkje for å vinne, det var mest for å ha ein fin bil, men vi er glade for at vi vann, seier Martine. Før kåringa vaska dei klart bilen og tok til og med av seg skorne for å halde den rein. - Den såg skikkeleg fin ut altså, seier jentene. Nokre bilar blei diskvalifiserte under kåringa, noko som starta usemje. Ikkje alle var einige om kven som fortjente å vinne. Nøgde til tross for dårleg vær Jentene seier at russetida var kjekk, men det var ting dei sakna. - Det kunne vore meir fellesarrangement, seier Ingrid Kongsvoll. Det kunne også vore finare vær, fortel dei. - Det var ikkje så kjekt når det var så surt og kaldt ute, kommenterer Martine. Dei trur kanskje at været er ein av grunnane til at russane i år var litt meir spreidde rundt, i staden for å gjere fleire ting i fellesskap. Alle jentene er likevel samde om at dei hadde ei uforgløymeleg russetid.. Av: Mai-Elin Tran og Ingeborg Leira -Streiken har ført til betre kommunikasjon Elevrådsleiar Karoline Marøy føler at streiken som fant stad 2.Mai har ført til ei betring mellom elevane/ elevrådet og leiinga. Leiinga er innstilt på å forbetre forholdet og arbeide med dei eventuelle kommunikasjonsproblema som dei har hatt tidlegare. Dette heile starta i haust då elevrådet tok opp med rektor Margaret Alme at elevane ville ha tilbake ringjarklokka. Då var grunnen at det var vanskeleg for elevane å følgje med tida og kome presist til timane. Dette vedtaket blei ikkje høyrt og vi i elevrådet prøvde på ny, denne gongen ved å skrive eit saksframlegg til leiinga. Brevet blei ikkje besvart og vi måtte faktisk be om svar, seier elevrådsleiaren. Det er på grunn av denne oppførselen til leiinga at alt dette oppstyret rundt ringjarklokka, media og streiken har skjedd. Korleis synest du denne aksjonen utarta seg? - Eg synest det gjekk over all forventning. Det var fleire enn eg hadde rekna med som streika, ca elevar var samla ute på skuleplassen. Det som kunne ha vore noko betre var at elevane ikkje gjekk heim så tidleg, meiner Marøy. Dei fleste for heim etter tredje time fordi dei fekk fråvær uansett, kun dei hardaste var der til klokka runda tre. - Streiken handla ikkje først og fremst om ringjeklokka, det var meir som ei prinsippsak, seier elevrådsleiaren. Ho legg til at grunnen til denne streiken var fordi elevane ikkje vart høyrt av leiinga. - Det handlar om prinsipielle saker som det at elevrådet skal ha noko å seie for skulen. Elevrådet er viktig for sjølve skulen og elevane, vi forventar då at vi blir bli høyrde slik at vi kan ilag, elevrådet og leiinga, samarbeide og kome fram til ei semje om dei eventuelle sakene vi legg fram. Vart streiken slik som planlagt? - Ja, både og. Det var mange som streika. Det blei litt annleis med alt mediaoppstyret. Eg blei intervjua av nokre journalistar frå Sunnmørsposten, dette førte då til at det vart eit førstesides oppslag, og da var det gjort. Det som var så kult var at det var Sunnmørsposten og NRK som tok kontakt med oss og ikkje omvendt. Det at dei syntes dette var ei såpass viktig sak som fortjente litt merksemd var kult, avsluttar Marøy. Av: Ida Mari Mork

6 Sommarunderhaldning Ein samtale på toalettet Per skulle ut ein dag på flyreise. Da han kom fram til lufthamna, måtte han tre av på naturens vegne og gjekk på toalettet. Han kom inn og gjekk mot ein av de mange båsane som var der. Han la merke til at det sat nokon i nabobåsen - utan at han tenkte noko særleg over det- Han hadde knapt fått dragd ned buksene og sat seg ned på toalettet, då han fekk høre mannstemme frå nabobåsen: - God dag..har du det bra? Per blei overraska over dette og var ikkje karen til å starte samtaler på eit offentleg toalett, men svarte høfleg: - God dag! Jo, takk berre bra. På ny kom det: - Kva gjer du? - Eeehh, det du gjer. Eg er ute og reiser, svarte Per forundra. Han stussa over dette, men kom på at det var travelt no, flyet skulle gå snart. På tide å gjere seg ferdig. Då får han igjen høre frå båsen ved sidan av: - Passar det at eg kjem over til deg? No følte Per at dette blei veldig ubehageleg, og tenkte både på det eine og det andre. Han begynte å bli sint, men i et offentleg toalett hadde han ikkje noko sans for å bli uhøfleg. Så det kom frå ham: - Neeeei. Det passar dårleg no... Per likte seg ikkje, så høyrer han stemma igjen frå nabobåsen: - Du, vent til eg kjem ut, så skal eg ringe deg opp igjen. Det sit ein tulling på nabotoalettet og svarar på alle spørsmåla eg still. Sugen på en røyk Det var ein gong ein nudist som var på stranda. Plutseleg blei han så sugen på ein røyk, så han bestemde seg for å kjøpe fyrstikker og ein pakke sigarettar i ein kiosk 200 meter fra stranda. Han byrja å gå og traff ein politimann. Politimannen sa at han ikkje kunne gå rundt å sprade på gata splitters naken! Men nudisten svarte at dersom han møtte nokon ville han stoppe og stå stille som ei statue. Nudisten kjøpte det han skulle ha og på tilbakevegen møtte han tre damer, så han stoppa opp og stod stille som en statue, og gøymde varene sine under pungen. Nei, så rar denne automaten var, sa den eine dama og stappa ein tiar i munnen og drog i spaken. Ut kom pakken med fyrstikker. Den andre dama gjorde det same og ut kom pakken med sigarettar. Den tredje putta på pengar og etter ein del banking og skruing på spaken ropte ho : Nei jenter, sjå her da. Eg fekk handkrem!!!!!!!!!!!!!!!!!!!!!!!!!!!!!!