Fagleg nettverk innan kreftomsorg og lindrande behandling i Helse Fonna føretaksområde

Transkript

1 Fagleg nettverk innan kreftomsorg og lindrande behandling i Helse Fonna føretaksområde Fagleg nettverk innan kreftomsorg og lindrande behandling i Helse Fonna føretaksområde Årsrapport 2014 Målsetting med nettverk av ressurspersonar i kreftomsorg og lindrande behandling i Helse Fonna er kompetanseheving, samhandling og samarbeid slik at kreftpasientar og andre pasientar med behov for lindrande behandling, samt deira pårørande, opplever god kvalitet og tryggleik i alle nivå i helsetenesta. Nettverksarbeidet har vore forankra i ein felles avtale mellom Helse Fonna, kommunane i Helse Fonna-området, Kreftforeningen Distrikt Vestlandet og Kompetansesenter i lindrande behandling Helseregion Vest (KLB) sidan Etter ny samhandlingsstruktur mellom Helse Fonna og kommunane skal nettverket etablerast som eit fagnettverk under FoU-enhet for samhandling, med eit mandat frå Samhandlingsutvalget. Samhandlingsutvalget vedtok 12. desember 2014 eit mandat for nettverket som er i tråd med tidlegare avtale. Frå 2014 er Høgskolen Stord-Haugesund (HSH) og Kreftomsorg Rogaland (KOR) innlemma som partar i nettverket. Fysio- og ergoterapeutar er og inkluderte i arbeidet. Organiseringa av nettverket vert nå slik: Odda sjukehus Jondal Odda Ullensvang Nettverket vil framleis ha ei styringsgruppe med ein representant frå kvar av partane Helse Fonna, kommunane, Høgskolen, KLB og Kreftforeningen. Ei driftsgruppe har ansvar for den daglege drifta av nettverket, og leiaren er representert i styringsgruppa.

2 I Helse Fonna er det til saman 104 ressurssjukepleiarar fordelt på dei seks nettverksgruppene. 27 fysio- og ergoterapeutar er og ein del av nettverket, med ei eiga driftsgruppe. Sjukepleiarnettverket Alle ressurssjukepleiarar som har deltatt i nettverket i 2014, har fått oppdatert kompetanse i fleire tema innan palliasjon gjennom fagleg undervisning på nettverksmøte og årleg fellessamling. Ressurssjukepleiarane har blitt oppmoda til å vidareformidle stoffet i internundervisning på arbeidsplassen sin. Litt over 50% har hatt slik undervisning. Dette er likt med tidlegare. Ressurssjukepleiarane har fått kjennskap til Individuell plan innan palliasjon og bruken av denne, samt informasjon om hospiteringsordninga i Helse Fonna. Rapporteringa syner at 27% av ressurssjukepleiarane har deltatt i utarbeiding av Individuell plan i Svært få (<20%) har hospitert mens de har vore ressursperson. Ressurssjukepleiarane har blitt anbefalt å ha minst eitt årleg møte med leiaren sin og lage ein plan for arbeidet som ressursperson. Rapporteringa syner at berre 25% hadde hatt eit slikt møte. Tverrfagleg samhandling har vore i fokus, og andre faggrupper har vore invitert inn på nettverksmøta. Klinisk arbeid for ressurssjukepleiarane 67% av ressurssjukepleiarane og 54% av leiarane har deltatt i rapporteringa for Rapporteringa syner at over 90% bruker nasjonale retningslinjer for symptomlindring (Nasjonalt handlingsprogram for palliasjon eller handboka frå Lindring i Nord). ESAS /ESAS-r er innført i nesten alle verksemdene, men vert nytta i ulik grad avhengig av pasientgruppa. Ein god del både sjukepleiarar og leiarar skriv i rapporteringa at rolla som ressursperson har blitt meir tydeleg det siste året. Leiarane nyttar ressurssjukepleiar i pasientarbeidet i eigen sone/avdeling eller på tvers av sonar/avdelingar og som ressursperson, rollemodell og rettleiar for kollegaer. Ein mindre del nyttar ressurspersonen i systemarbeid. 27% av ressurssjukepleiarane har sett av øyremerka tid til funksjonen. 70% av leiarane meiner at funksjonen som ressurssjukepleiar bidrar i stor eller svært stor grad til betre kvalitet på kreftomsorg og lindrande behandling. 28% meiner at nettverket bidrar til ein viss grad. Arbeid i nettverksgruppene Det har vore arrangert i alt 12 nettverksmøte i Alle nettverksgruppene har hatt eit nettverksmøte om våren og eit om hausten. Nettverksmøta er på 6 timar. På kvart nettverksmøte har den lokale ressurspersonen hatt ansvar for å ynskja velkommen og å skriva referat. På førehand har dei tatt imot påmelding, skaffa lokale, sørgja for lunsj og forberedt presentasjon av eit case. Det går på omgang mellom kommunane å arrangera nettverksmøta. Tida fram til lunsj har vore satt av til refleksjon ressurspersonane imellom, der dei alle deler utfordringar og positive ting frå rolla som ressursperson i sin kommune eller avdeling. Etter lunsj har det vore satt av tid til fagleg undervisning. Her har det også vore mogeleg for andre enn ressurspersonar å delta. På slutten av dagen har ein fast på programmet presentasjon av eit case som utgangspunkt for felles refleksjon. 2

3 Lokal fastlege eller tilsynslege har blitt invitert til å fortelja frå sitt arbeid og dela erfaringar innan kreftbehandling og palliasjon. Dette har vore ein positiv erfaring i fleire kommunar. Til nettverksmøta med tema åndelig omsorg har lokale prestar blitt invitert til å delta. Det har vore bra oppmøte på desse undervisningane. Tema for nettverksmøta i 2014 Alle nettverka har fått same undervisning, fordelt på vår og haust. Undervisninga har vore gjennomført på denne måten: 1. Tema: Åndelig og eksistensiell omsorg hjå den palliative pasienten. Undervisning i «åndelig omsorg og nærværskompetanse» ved Lars Helge Myrset, institusjonsprest i Stavanger og medarbeidar KLB 2. Tema: Kvalme hjå den palliative pasienten Undervisning ved ein kreftsjukepleiar i kvart nettverk: Åse Olsson, kreftsjukepleiar på Odda sjukehus Mette Stadheim, kreftkoordinator i Odda kommune Eirunn Steine, kreftsjukepleiar Bømlo kommune Mona Didriksen, kreftsjukepleiar ved Kirurgisk klinikk, Haugesund sjukehus Unni N. Jamne, kreftsjukepleiar i Vindafjord kommune Hilde Håland, kreftkoordinator i Karmøy kommune Eva Johansen, kreftkoordinator i Haugesund kommune Oppmøte 2014 Nettverk Indre Haugalandet: Nettverk Hardanger: Nettverk Sunnhordland: vår: 13 av 17 ressurssjukepleiarar og 1 ergo-/fysioterapeut haust: 16 av 17 ressurssjukepleiarar og 2 ergo-/fysioterapeutar vår: 11 av 12 ressurssjukepleiarar og 2 ergo-/fysioterapeutar haust: 10 av 12 ressurssjukepleiarar og 1 ergo-/fysioterapeut vår: 19 av 26 ressurssjukepleiarar og 2 ergo-/fysioterapeutar haust: 22 av 26 ressurssjukepleiarar og 2 ergo-/fysioterapeutar Nettverk Ytre Haugaland Nord: vår: 15 av 15 ressurssjukepleiarar haust: 12 av 15 ressurssjukepleiarar Nettverk Ytre Haugaland Midt: vår: 11 av 12 ressurssjukepleiarar haust: 8 av 12 ressurssjukepleiarar Nettverk Ytre Haugaland Sør: vår: 13 av 19 ressurssjukepleiarar haust: 13 av 19 ressurssjukepleiarar Det er viktig å oppretthalda kontinuitet i nettverket, og difor har ein starta opp med å registrera også dei ressurspersonane som ikkje kjem på nettverksmøta. Dersom ein ressursperson gjentatte gonger ikkje møter på nettverksmøta, vil medlemmer i driftsgruppa ta dette opp med den det gjeld, og finna årsaka til fråværet. Dersom grunnen er liten interesse eller at personen av andre grunnar ikkje ynskjer å delta, kan leiar bli spurt om å finne ein ny ressursperson. 60% av ressurssjukepleiarane som har rapportert, har vore i funksjonen 3 år eller meir. 16% er nye i funksjonen siste året. 3

4 Leiarane skriv i rapporteringa at nettverksmøta er særs viktige for ressurspersonane: dei får auka kompetansen og blir trygge i faget, dei får utveksla erfaringar, drøfta etiske dilemma og knytt kontaktar som er nyttige i samhandlinga. Ein del leiarar skriv at dei ynskjer meir informasjon om aktivitetane i nettverket. Driftsgruppa Driftsgruppa har hatt 4 møte i 2014: 4. februar på Karmøy 20. mai i Kvinnherad 23. september i Vindafjord 25. november i Odda Det har vore engasjerte medlemmer i driftsgruppa og mange saker har vore diskutert. Representantar i driftsgruppa Det har vore nokre endringar i medlemmer i driftsgruppa i Driftsgruppa hausten 2014 er: Grete Skeie Sørhus, Vindafjord kommune og KLB, leiar Synnøve Gårder, Haugesund sjukehus Laila Johannesen, Palliativt team, Helse Fonna og KLB Åse Olsson, Odda sjukehus Tone Sellevold, Kreftforeningen Distrikt Vestlandet Cathrine Aasheim, Fitjar kommune (kommen inn i staden for Kvinnherad) Berit Røksund, Stord sjukehus Mette Stadheim, Odda kommune (kommen inn i staden for Eidfjord) Annbjørg V. Tjøsvoll, Karmøy kommune May Kristin Valen, HSH Målfrid Eide, KOR (ny part i nettverket) Styringsgruppa Styringsgruppa for nettverket har bestått av Dagny Faksvåg Haugen, KLB (leiar), Berit Haaland, Helse Fonna, Bjarne Braatveit, kommunerepresentant, Sølvi Eide Lunde, HSH, Geir Vangsnes, Kreftforeningen Distrikt Vestlandet og Grete Skeie Sørhus, leiar av driftsgruppa. Styringsgruppa har hatt to møte i 2014, samt eit dialogmøte med representantar frå Samhandlingsutvalget. Den viktigaste oppgåva har vore å få vidareført nettverksavtalen i eit nytt mandat. Introduksjonskurs Det vart arrangert introduksjonskurs for nye ressurspersonar 27. november 2014, med 28 deltakarar. Representantar frå driftsgruppa hadde ansvar for planlegging av kurset. Synnøve Gårder, Medisinsk klinikk og Astrid Eritsland, fysioterapeut, begge Haugesund sjukehus, samt Grete Skeie Sørhus gjennomførte kurset på HSH. Målsetting for kurset var å gi kunnskap om organisering av nettverket og palliativ verksemd i regionen, samt å drøfta forventningar til og bevissthet om rolla som ressursperson. Kreftstatus nasjonalt og i vår region vart presentert av overlege Gunnar Sjøen frå Anestesiavdelinga, Haugesund sjukehus. Det vart gitt innføring i relevante verktøy og 4

5 presentert erfaringar frå ressurspersonar frå kommune og sjukehus. Gruppearbeid hadde fokus på å utarbeida plan for å komma i gang som ressursperson og å presentera funksjonen og rolla i kommunen. Fellessamling Fellessamlinga vart arrangert 11. mars i Tabernaklet med tema Til pasientens beste. Målet var å få oppdatert kunnskap og gode verktøy for samhandling, kjennskap til aktuelle prosjekter for palliasjon i Helse Fonna-området, kunne bruke Individuell plan og bli inspirerte til tverrfagleg samarbeid og vidare arbeid i nettverket. Dagen vart innleia med foredrag over tema «Samhandling høgt og lågt til pasientens beste» av leiar i KLB, Dagny Faksvåg Haugen. Sølvi Eide Lunde, HSH, presenterte si masteroppgåve om Individuell plan, «Ein plan for eit verdig liv». Grete Skeie Sørhus synte praktisk utfylling av IP. Astrid Eritsland og Hildegunn Håland hadde innlegg om samhandling sett frå fysioterapeuten sin ståstad, og Elisabeth Andersland fortalte om erfaringar frå samhandling rundt ALSpasient. Alle deltakarane vart delt inn i refleksjonsgrupper, med eiga gruppe for leiarane. Deretter vart det presentert aktuelle prosjekt frå Helse Fonna-regionen: Prosjekt om åndeleg og eksistensiell omsorg, ved Mette H. Austrheim, Tysvær kommune LCP-prosjekt på Haugesund sjukehus, ved Laila Johannesen og Synnøve Gårder Erfaringar med samhandling i palliativ fase, sett frå fysioterapeuten sin ståstad, ved Eldbjørg Mathea Nesse, Bømlo. Til slutt vart resultat frå årleg rapportering presentert ved Dagny F. Haugen. Evalueringsskjema ga veldig gode og konstruktive tilbakemeldingar på dagen. Det er ei utfordring er at det er mange nye ressurspersonar og samtidig mange som har lang erfaring som ressursperson over mange år. Fleire gode forslag til neste års fellessamling vart gitt. Velkomstbrev og nyheitsbrev Alle nye ressurspersonar har fått tilsendt velkomstbrev med nyttig informasjon. Nyheitsbrev frå nettverket vert sendt ut til alle ressurspersonar og leiarar vår og haust. Nettsider Nettsida er i løpet av 2014 blitt fornya og er framleis under revidering. Sida blir meir brukarvennleg. På nettsida ligg oppdatert informasjon om dato for alle nettverksmøte og andre arrangement i nettverket i tillegg til nyheitsbreva. Nettsida har namneliste med oversikt over alle ressurspersonar. Utviklingsarbeid Det vert fortsatt arbeidd med å oppretta og drifta nettverk av fysioterapeutar og ergoterapeutar i Helse Fonna. Fysioterapeut Astrid Eritsland ved Palliativt team, Haugesund Sjukehus har leia dette arbeidet. Fysioterapeutar som jobbar med palliasjon i kommunane og på sjukehus, har vore invitert til nettverksmøta i løpet av Fysioterapeutane i nettverket vart inviterte til introduksjonskurset, og det var mange som deltok. 5

6 Fysio- og ergoterapinettverket I perioden frå oktober til desember blei fysioterapeuten i Palliativt team, Helse Fonna kjøpt fri av KLB til å arbeide med nettverk i 20% stilling. Det vart utarbeidd eit skriv om ressurspersonen si rolle, kompetanse og funksjon, samt arbeidsplan for ressursperson. Dette er nyttige dokument for rolleavklaring, i samarbeidet mellom leiar og ressursperson og for å syne at partane er forplikta på mandatet for nettverket. Mange fysio- og ergoterapeutar frå kommunane deltok på introduksjonskurset. Frå denne gruppa og frå Stord sjukehus vart det rekruttert representantar til driftsgruppa. Driftsgruppa består nå av: Marianne H. Espeland, fysioterapeut, Stord sjukehus Eldbjørg Nesse, fysioterapeut, Bømlo kommune Gunnhild Nereng, fysioterapeut, Haugesund kommune Agneta Gaard, ergoterapeut, Haugesund sjukehus Sigrid Bakkevold, fysioterapeut Haugesund sjukehus Astrid Eritsland, fysioterapeut, Palliativt team, leiar av gruppa Leiaren i driftsgruppa har hospitert ved Sunniva senter for lindrende behandling ved Haraldsplass Diakonale Sjukehus i Bergen og hos Palliativt team, Haukeland universitetssjukehus, Bergen. Konklusjon Nettverket har hatt eit aktivt år med gode samlingar og gjennomgåande godt oppmøte. Mange av ressurspersonane har vore lenge i nettverket og har mykje kompetanse. Samtidig er det nyttig at nye kjem til og sikrar rekruttering. Leiarane gir ei god vurdering av arbeidet. I 2014 er det vedtatt eit nytt mandat (ny avtale) for nettverket og det er blitt eit fagleg nettverk under FOU-eining for samhandling i Helse Fonna. Delinga av det ytre nettverket har fungert positivt. Høgskolen Stord-Haugesund og Kreftomsorg Rogaland er tatt inn som partar i nettverket, og det er utvida til å omfatte fysioterapeutar og ergoterapeutar. Rapporteringa syner at det er forbetringspotensial i bruken av Individuell plan og at mange ressurssjukepleiarar framleis ikkje har eit årleg planleggingsmøte med leiaren sin. Hospitering burde vore nytta meir. Desse punkta vert satsingsområde i Januar 2015 Grete Skeie Sørhus, leiar for driftsgruppa, sjukepleienettverket Astrid Eritsland, leiar for driftsgruppa, fysio- og ergoterapinettverket 6