Referat frå FAU møte ved Tjødnalio skule, tysdag kl.18.00

Transkript

1 Referat frå FAU møte ved Tjødnalio skule, tysdag kl Desse møtte: 1.tr: 2.tr. 3.tr: 4.tr: 5.tr: 6.tr: Kari Aasheim Ann kristin Heggøy for Kjersti Valvatne Terje valvatne Tormod Almås Ajnur Smakiqi Steinar Austefjord Solveig Nesse Jorunn B. Hope Lene Clausen Linda A. Rogne Sak 1: Tilbakemeldingar - nasjonale prøvar - elev u-s - medarbeidar u-s NB!! Resultat på desse undersøkingane ligg som vedlegg til innkallinga. Sjå også på slutten av dette referatet. ( Eit lite utdrag frå resultatet på Nasjonale prøvar står her: ) ( I rekning og engelsk har me betre resultat enn i fjor. I lesing er resultatet svakare. I fjor var det eit svært godt resultat i lesing. Tjødnalio låg over både kommune og landsnittet. Når det gjeld lesing i ligg me likevel på kommunenivå, men litt under landsnivået. Me har fleire på nivå 3 og færre på nivå 1 enn resultatet i Stord kommune. I engelsk ligg me litt over kommunenivået, men på landsnivået. I rekning ligg me og litt over kommunenivået, og litt under landsnivået. Me har fleire elevar på nivå 3 og på nivå 1 enn snittet i Stord. ) Kommunen har satsa på leseopplæring. Stord har i mange år lege under landsgjennomsnittet. Når skulen har fått resultatet på dei nasjonale prøvane, går Sigrid gjennom dette resultatet med teamet. Ein går nøye gjennom resultata, og kan læra mykje av det. Skulen sitt mål er å ikkje liggja under gjennomsnittet i kommunen, helst over. FAU ser at resultata varierer frå år til år, men meiner også at det er andre ting enn desse resultata som tel, og som er med på å gjera at Tjødnalio er ein god skule å gå på. Skulen har gode resultat både på elevundersøkinga og medarbeidarundersøkinga. ( Sjå vedlegg) Resultatet av elevundersøkinga blir gjennomgått i plenum, og ein finn felles område ein bør jobba med. Ein går også gjennom resultatet på trinna. Medarbeidarundersøkinga har også fått gode resultat. Over 5 på nesten alle punkt. ( 6 er høgaste resultatet )

2 Det at lærarane har det bra er med på å gjera at også elevane får det betre. Då kan dei vaksne konsentrera seg om arbeidet blant elevane, og treng ikkje bruka tid og krefter på eigne konfliktar og utfordringar. Sak 2: 25 års jubileum: Personalet, elevane og FAU har kome med forslag til aktivitetar i jubileumsåret. Kulturkvelden ( ) blir prega av jubileumet. Open dag ( til hausten). Kunstnarar viser fram kunsten sin. Jubileumsavis. Tidlegare elevar blir inviterte til å vera med i kor, korps og strykeorkester. Ein prøver å få tak i klassebilete av alle trinn som har gått på skulen. Dette er nokre av stikkorda som er nemnde, og som vil bli diskutert på møte i Skulemiljøutvalet seinare i kveld, der både elevar, foreldre, og personalet er representerte. Sigrid har fått melding om at ein skal prøva å få til litt opprusting og oppussing av skulen i jubileumsåret. Sak 3: Samarbeidsområde mellom FAU og skulen skuleåret : Linda Eide kunne ikkje koma. Sigrid har vore i kontakt med SLT koordinator Bjarte Epland. Han var interessert. Han og utekontakten samarbeider om slike foredrag. Ho jobbar vidare med saka, og eit foredrag kan vera aktuelt i tida rett før eller rett etter påske. YMSE : Leirskule Det er ikkje avgjort om leirskulen vert flytta frå 7. til 8. trinn. Kommunalsjefen har saka. Neste rektormøte er 6.mars. Sigrid håpar det blir ei sak på det møtet. Neste møte vert rett før påske! Jorunn B. Hope - ref -

3 Sak 1. ULIKE UNDERSØKELSAR OG KARTLEGGINGAR. Me har motteke resultata på nasjonale prøvar, 5. trinnet, elevundersøkinga 5-7 trinna og medarbeider u.s. I desse dagar held me på med analysar og drøftingar både saman med elevane og i kollegiet. NASJONALE PRØVAR: Det vert gjennomført nasjonale prøvar i rekning, engelsk og norsk for 5. trinna kvart år. Resultata kan varier noko frå år til år. Elevane kan ha ulike føresetnadar. Det er ulike lærarar på trinna, oppfølginga heime kan spela inn m.m. Det er likevel viktig at ein held læringstrykket oppe, stiller krav til elevane og ikkje minst, får til god tilpassa opplæring. Dei siste åra har kommunen satsa på å heva lærarane sin kompetanse i lesing. Alle lærarar er leselærarar, rekne og skrivelærarar. Dei nasjonale prøvane måler elevane sine grunnleggjande ferdigheiter i desse 3 faga. Frå hausten 2015 satsar kommunen å auka lærarane sin kompetanse i rekning som grunnleggjande ferdigheit. Når me har fått resultata har me alltid ein samtale med lærarane på trinna. Me drøftar elevane sine prestasjonar, analyserer prøvane for å finna ut om de er område ein må arbeida meir og betre med, vurderer organisering og ressursbruk på trinnet og justerer gjennomfører eventuelle justeringar. Målet er å løfta alle elevane og læra av dei nasjonale prøvane. Kor er styrkane våre? Kor er svakheitane? Samanlikna med førre skuleår, kommunen og landet: I rekning og engelsk har me betre resultat enn i fjor. I lesing er resultatet svakare. I fjor var det eit svært godt resultat i lesing. Tjødnalio låg over både kommune og landsnittet. Når det gjeld lesing i ligg me likevel på kommunenivå, men litt under landsnivået. Me har fleire på nivå 3 og færre på nivå 1 enn resultatet i Stord kommune. I engelsk ligg me litt over kommunenivået, men på landsnivået. I rekning ligg me og litt over kommunenivået, og litt under landsnivået. Me har fleire elevar på nivå 3 og på nivå 1 enn snittet i Stord. Resultata er delte inn i 3 nivå: Nivå 1 er dårlegast resultat Nivå 2 er midtgruppa Nivå 3 er best resultat ELEVUNDERSØKINGA: Denne undersøkinga vert gjennomført på 5, 6. og 7. trinna. Det er ei årleg nasjonal undersøking. Resultata er offentlege og kan lesast i «Skoleporten» spørsmåla er delte inn i kategoriar: -Trivsel -Motivasjon -Heim-skule -Arbeidsforhold og læring -Vurdering og læring -Medverknad -Reglar på skulen -Trygt miljø(inkludert mobbing) -Dei grunnleggjande ferdigheitane: rekning, lesing og skriving. Når det gjeld etterarbeid drøftar lærarane resultata i plenum og i teama. Elevane vert presenterte for resultata og ein drøftar kva som må betrast..

4 Ein tek ut resultata for kvart trinn og resultat frå 5-7 trinna samla. Det er heller lite avvik mellom trinna. Her kommenterer eg «samlesvaret» frå 5-7 trinna av di trendane m.o.t. resultat er svært like. Vedlagt finn de sluttresultata innanfor kvart område frå Tjødnalio skule, Stord kommune og landet. Til møta har me kopiert opp sjølve undersøkinga slik at de får eit innblikk i spørsmålsstillingane. Trivsel: Høg score. Svara ligg mellom 4,1 og 4,7 Motivasjon: Her ligg svara mellom 4,1 og 4,6 Heim skule: Score mellom4,5 og 4,9 Arbeidsforhold og læring: Her er mange undersgrupper med spørsmål. Gruppe T 1: Her ligg snittet mellom 4 og 4,6 Det er eit svar som undrar oss. Scoren for arbeidsro er 3,7 Ingen av lærarane skjønar dette svaret. Alle er svært nøgde med arbeidsroa. Dette spørsmålet vert grundig drøfta med elevane. Kva meiner dei med arbeidsro? Er det par-arbeid og munnleg arbeid dei meiner? T 2: Her kjem mange spørsmål om arbeidsmåtar. Her scorer me relativt lågt. Svara tyder på at lærarane underviser mykje og at det er lite lite par og gruppearbeid, mest individuelt arbeid. Lite bruk av PC. Dette går me nærare innpå saman med elevane og med oss sjølve. Har me for lite variert u-v? T 3: Her kjem det spørsmål om» Vurdering for læring». Dette har vore satsingsområde i fleire år og scoren er høg-frå 4,3 til 4,5 Når det gjeld medverknad m.o.t. kriterium, val av arbeidsmåte m.m. er scoren lågare. Dette tek me opp til drøfting og forbetring. Reglane: elevane er stort sett nøgde med dei og praktiseringa av dei. Score 4-4,6 Trygt miljø: Det er tydeleg at dei aller, aller fleste oppfattar at me har eit trygt miljø. Her er mange undergrupper med spørsmål. Det er eit svar på 4,4 elles ligg svara frå 4,5-4,9. På det direkte spørsmålet om mobbing svarar alle at dei ikkje har vorte mobba. Sjå vedlegg. Grunnleggjande ferdigheiter i lesing, rekning og skriving. Her merkjer rekning seg mest negativt ut. Elevane opplever ikkje, i stor grad, at dei nyttar rekning i fleire fag 3,6). Det gjer dei derimot i lesing og skriving frå 4,4-4,5. Prioritering m.o.t etterarbeid: Arbeidsro: Dette punktet må me «gå djupare» inn i. Til vanleg er det oftast lærarar som er misnøgde med elevane si manglande arbeidsro. Her er det motsett. Er det læresamtalar, par-arbeid, gruppearbeid, lærarstyrt elevaktivitet som gjer at elevane synest det er dårleg arbeidsro?

5 Arbeidsmåtar: Samstundes viser resultata at elevane gjev dårleg score m.o.t. variasjon i arbeidsmåtar. Ut frå svara les ein at undervisninga er mest lærarstyrt og at det er lite variasjon i arbeidsmåtane. Medverknad: Svara indikerer at elevane meiner dei har for liten innverknad når det gjeld val av arbeidsmåtar og for liten medverknad i val av vurderingskriterium når arbeida deira skal vurderast. Trygt miljø og mobbing: Sjølv om det er gode resultat innan dette området er målsetjinga klår. Det må arbeidast kontinuerlig på det førebyggjande planet m.o.t. å sikra elevane eit trygt læringsmiljø. Indikasjonar på mobbing må handsamast straks. MEDARBEIDERUNDERSØKINGA. Annakvart år vert det gjennomført ei anonym medarbeidar u-s i Stord kommune. Resultata er ikkje offentlege, men skal nyttast til «innvortes bruk». Tjørnalio skule har gode resultat, noko ein er nøgd med. Nøgde medarbeidarar har mykje å sei for elevane si læring. SAK 2: 25 ÅRSJUBILEUM I 2016 Før jul drøfta ein korleis jubileet kan feirast i personalet, elevrådet og i FAU. Ein må halda fram med drøftingane og ta ei avgjerd seinast etter vinterferien i veke 7. Dette er ei viktig sak for Skulemiljøutvalet. Her er representantar frå alle gruppene. Oppsummering til no: FAU: -få fram historikk -måltid saman i blanda klassar -bilete som kan surra og gå-frå tidlegare år -foredraget ein skal samarbeida om kan gå inn i jubileet -historiekveld -open dag -invitera lokale kunstnarar til å stilla ut bilete -samla tidlegare elevar i koret og eventuelt orkesteret -jubileumsavis ELEVRÅDET: -aktivitetar i blanda klassar -alle trinna syng i gymsalen -laga noko til skulen -kulturkvelden markerer jubileet -open dag kor ein går rundt saman med foreldra og ser på bilete. PERSONALET: -foredrag saman med FAU -open dag -invitera tidlegar elevar til å vera med i storkoret og strykeorkesteret -kulturkveld som får fram historikken. -invitera kunstnarar frå bygda til medverknad. Jubileet vert markert med ulike arrangement i Hovudvekt på kulturkveld og open dag.

6 VEDLIKEHALD AV BYGGET-UTVENDIG OG LEIKEOMRÅDET: Gjennom desse 25 åra har rektor teke ansvar for det innvendige vedlikehaldet. Det er gjort på den måten at rektor har sett av pengar til å leiga malehjelp kvar sommar. Kommunen har betalt malinga. Dermed er det innvendige vedlikehaldet teke hand om. Leikeområdet treng sårt ei oppgradering. Det same gjeld maling av bygget. Bygget er malt ein gong i løpet av desse 25 åra. Det er om lag år sidan. Det er teke kontakt med Føretaket om saka -med vekt på jubileet. Ein har no fått svar som tilseier at Foretaket kjem til å gjera ein innsats i løpet av våren og hausten SAK 3: FOREDRAGSHALDAR: VAKSNE FOR BORN Linda Eide hadde diverre ikkje tid. Organisasjonen «Vaksne for born» har ikkje foredragshaldarar som bur på Vestlandet. Det er ingen kjende namn der. Eg har kontakta utekontakten og spurt om dei tek slike oppdrag. Det gjer dei. Eg har ikkje gjort nokon forpliktande avtale, men sagt at me skal drøfta saka i FAU og i skulemiljøutvalet.