SAKSFRAMLEGG. Sakshandsamar: Arne Ingjald Lerum Arkivsaksnr.: 09/2498

Transkript

1 1 SAKSFRAMLEGG Sakshandsamar: Arne Ingjald Lerum Arkivsaksnr.: 09/2498 Arkiv: L12 Masterplan Heggmyrane. Rådmannen si tilråding: ::: Sett inn innstillingen under denne linja 1. Luster kommunestyre finn det svært positivt at grunneigarar og interessentar no har utarbeidd ein samordnande masterplan for utvikling av områda på og ved Heggmyrane. Kommunestyret finn at masterplanen legg eit godt grunnlag for vidare arealplanlegging og organisering av utbygginga i området. 2. Hovudtrekka i den føreslegne arealbruken vil bli lagt til grunn ved revidering av kommuneplanen sin arealdel i Luster kommune er innstilt på å yte eit visst tilskot til opparbeiding og ev. årleg drift/vedlikehald av Modvovegen. Dette føreset at alle aktuelle interesser i området får full tilgang til bruk av vegen og deltek i finansieringa. 4. Luster kommune tek ein sikte på å setja av midlar til utviding av hovudnettet for VA fram til hyttefelta. Kommunen vil i utgangspunktet tilpasse seg det omfang, det engasjement og den framdrift utbyggingsinteressene legg for dagen. 5. Luster kommune vil og kunne delta med noko midlar og kompetanse i marknadsføring av Heggmyrane som reisemål og utviklingsområde. ::: Sett inn innstillingen over denne linja... Sett inn saksutredningen under denne linja

2 2 Saksutgreiing: Prenta vedlegg: Masterplan for Heggmyrane m/kartvedlegg. Brev av frå Arbeidsgruppa for Masterplan Heggmyrane. Samandrag: Arbeidsgruppa for Masterplan Heggmyrane har utarbeidd ein masterplan for Heggmyrane. Masterplanen er ein uformell plan for utvikling av området. Planen er framstilt på plankart med teksthefte. I tekstheftet er det m.a. skissert kva oppgåver som bør tilliggje dei ulike partane ved utvikling av området. Arbeidsgruppa for Masterplan Heggmyrane, har sendt planen over til kommunen for å få avklart korleis kommunen ev vil følgje opp ved eiga planlegging mv. Rådmannen tilrår at kommune stiller seg positivt til å ta del i oppfølginga. Utval som har vedtaksmynde: Kommunestyret. Fakta: Ved brev av , frå Arbeidsgruppa for Masterplan Heggmyrane, har Luster kommune fått tilsendt Masterplan for Heggmyrane, dat Masterplanen er utarbeidt av Aaland Arkitektkontor AS, på vegne av arbeidsgruppa, som er samansett av interessentar og grunneigarar i området. Føremålet med planen er å samordne/prioritere kvalitetar som gjev vidare underlag for utvikling av Heggmyrane under ein samla plan. Planen skal vere underlag for vidare arealplanlegging i Luster kommune ved Heggmyrane. Aktuelle arealplanvedtak knytt til utvikling av Heggmyrane. Etter ein lang og omfattande planprosess, vedtok kommunestyret i 2004 flatereguleringsplanen for Heggmyrane. Planen omfattar eit område på om lag daa. Utanom områda knytt til vinteraktivitet ved Sogn skisenter, vart det lagt ut større areal til golfbane, jord- og skogbruk og byggjeområde for hytter. Ved vedtak av ny arealdel av kommuneplanen i desember 2008, vart det bandlagt eit areal på daa vest for (ovanfor) Heggmyrane. Arealet er bandlagt med tanke på regulering til område for skisport/turløyper. Saman med tidlegare regulert område utgjer dette arealet då om lag daa. Kommunestyret har godkjent 3 detaljreguleringsplanar i området: Reguleringsplan for Hamragåta hyttefelt, Reguleringsplan for Heggmyrane hytteområde, Reguleringsplan for Solsida hytteområde, Innafor desse hytteområda er det sett av om lag 100 hyttetomter. Tidlegare handsaming av søknad om kommunalt engasjement. Dei 2 største av dei regulerte hytteområda grenser ikkje mot offentleg veg, eller til anlegg for vatn og avløp. Tiltakshavarar i området stilte derfor i spørsmål om Luster kommune kunne medverke ved utbygging av veg, vatn og avløp for områda. Rådmannen fekk då skissert planar for tekniske anlegg m/kostnadsoverslag. Saka vart handsama av formannskapet/næringsutvalet som gjorde slikt vedtak, jf. Sak 112/08: 1. Saka vert sendt attende til administrasjonen. 2. Formannskapet ber utbyggingsinteressene og Sogn Skisenter klargjere sine overordna planar for Heggmyrane ( masterplan ) herunder klargjere kva forventningar ein har til kommunal medverknad før kommunen tek stilling til kva ein kan bidra med når det gjeld infrastruktur i området.

3 3 Av avsnitt 1.2 i masterplanen går det fram at ovannemnde vedtak har vore sterkt medverkande til at planarbeidet kom i gang. Innhaldet i planen. Masterplanen er delt opp i 5 ulike avsnitt. Desse tek for seg ulike forhold knytt til utvikling av Heggmyrane, som t.d. marknad og potensial for vidare utvikling, ulike interesser og planar knytt til området. Dei avsnitta som er av særleg interesse for kommunen er avsnitt 3, Arealoversikt, arealbruk og skildring av planområdet, og avsnitt 4, Forventningar til Luster kommune. I avsnitt 4 er det også framlegg knytt til korleis grunneigarar/interessentar bør organisere seg for å få til ei best mogleg utvikling av området. Avsnitt 3: Arealoversikt, arealbruk og skildring av planområdet. I masterplanen er planområdet utvida med daa i tillegg til dei daa som alt er regulert/bandlagt. Samla areal omfatta av masterplanen utgjer såleis daa. Av dette er om lag daa avsett til byggjeareal for fritidsbustader og daa avsett til skianlegg og skiløyper. Det ligg elles inne framlegg til vegtraséar m.m. Rådmannen viser her til vedlegg 1 og 2, masterplan med plankart. Jf. også arealoversikten i avsnitt 3.3. i framlegg til masterplan. Avsnitt 4: Forventningar til Luster kommune og andre aktørar. Arealplanlegging. Den arealbruken som er skissert i masterplanen må formaliserast gjennom at Luster kommune reviderer arealdelen for området slik at det blir lagt til rette for ei utvikling i samsvar med det som er vist i planframlegget. Dette vil også vere eit signal frå kommunen om at ein ønskjer vidare utvikling på Heggmyrane. Tiltak for å kome i gang med utbygging. Modvovegen kan løyse ut om lag 80 tomter i områda som er detaljregulerte. Det blir forventa at kommunen sørgjer for oppgradering av Modvovegen inkl. stamnett for vatn, avløp, straum og fiberkabel. Det hastar med å kome i gang med dette. Utbyggingstiltak på lengre sikt. Det er ønskjeleg at Luster kommune kan forskottere hovudinfrastrukturen, i første omgang Modvovegen fram til skitrekket, jf. ovanfor. Det vil då vere ein føresetnad at Luster kommune krev inn anleggsbidrag frå utbyggjar etter kvart som tomter blir selde. Drift av anlegg. Når hyttefelt er ferdig utbygde, tek Luster kommune over og driftar dei kommunaltekniske anlegga. Som motpost krev Luster kommune inn kommunale avgifter av brukarane. Marknadsføring av området. All utvikling rundt Heggmyrane er avhengig av fellesskap for å framstå som ein heilskap mot marknaden. Her har reiselivsorganisasjonar og Luster Kommune kompetanse og kontaktar som må delta. Innkomne merknader/innspel. I samband med utarbeiding av masterplanen kom det inn 2 innspel, frå Hafslo Idrettslag og frå Sogn og Fjordane skikrins. Innspela er vurderte av arbeidsgruppa ved utforming av planframlegget. Til orientering blir det nedanfor teke inn korte samandrag: 1. Brev frå Sogn og Fjordane skikrins. Dersom Sogn Skisenter skal utviklast til eit fullverdig langrennsanlegg, må det leggjast inn 2 separate løyper på 5 km, ei for klassisk og ei for friteknikk. Det må leggjast til rette for utbygging av eit komplett hoppanlegg med alle bakkestorleikar opp til K70.

4 4 Nedfartsløypene ser spennande ut. Traséane bør utviklast slik at dei tilfredsstiller FIS sine krav knytt til dei ulike greinene. Skikrinsen er skeptisk til at det blir opna for hyttebygging nær inntil nedfartane. 2. Brev av frå Hafslo Idrettslag. Hafslo Idrettslag er svært nøgde med at det blir utarbeidd ein overordna plan for utvikling av Heggmyrane. Idrettslaget sluttar seg til innspelet frå skikrinsen. I tillegg blir det presisert at alle hoppbakkane bør samlast og få tilkomst frå skitrekk. Vurderingar: Generelt Det er svært positivt at grunneigarar og andre aktørar no har gått saman om å utarbeide ein masterplan for utvikling av Heggmyrane. Ein masterplan, utarbeidd av private aktørar, har ingen formell status i lovverket. Det er likevel klart at den masterplanen som no ligg føre, byggjer på god fagleg innsikt når det gjeld utvikling av anlegg for skisport. Planframlegget synest også å leggje opp til eit utbyggingsmønster der ein unngår konflikt mellom privat hyttebygging og det som er grunnlaget for utvikling av området, skisenteret. Plassering av hoppanlegg på sørsida av fylkesvegg 55, ved Sterrishovden, var med i framlegg til arealdel i Ved handsaming av planframlegget vart hoppanlegget teke ut. Arealplanlegging Det er gjennom vedtak av arealdel av kommuneplanen ein legg den langsiktige strategien for utvikling og utbygging i kommunen. Luster kommune skal revidere kommuneplanen m/arealdel i løpet av Rådmannen har ikkje vurdert detaljane i masterplanen, men frå landbrukshald blir det gjort merksam på at det i dag er ein kombinasjon mellom bruk av areal til skisport om vinteren og jordbruk om sommaren. Dette bør kunne halde fram. Elles er det ikkje undersøkt nærare om det kan vere konfliktar når det gjeld arealbruk som ikkje er avdekka. Slike konfliktar vil ev. bli avdekka ved varsling av oppstart av arbeidet med å revidere kommuneplanen. Med dette atterhaldet vil rådmannen rå til at hovudtrekka i arealbruken som er vist i masterplanen, blir lagt til grunn ved utforming av framlegg til ny arealdel for dette området. Luster kommune vil såleis etterkome dei forventningane masterplanen har når det gjeld arealplanlegging i området. Økonomisk medverknad Planlegging. Det overordna arbeidet med arealdelen til kommuneplan for området vert ei kommunal oppgåve inkludert finansiering. Kommunen har og etablert ein praksis med tilskot til utarbeiding av reguleringsplanar, 50%- tilskot. Denne ordninga er det naturleg å vidareføra for nye felt i området. Veg Modvovegen. Modvovegen vert sentral som felles tilkomstveg. I utgangspunktet er rådmann reservert til å kommunalisere vegen. Det kommunale vegnettet i Luster kommune går i hovudsak fram til fast busetnad og/eller gir tenleg vegløysing for næringslivet. Vegar fram til reine hytteområde er ikkje kommunale i dag. Kommunen har og ei tilskotsordning for private vegar der det bur fåe oppsitjarar. Rådmann ser likevel Modvavegen som så sentral for vidare utbygging at kommunen bør medverke for å få til ei vegordning, yte eit opprustingstilskot og ev mindre årlege driftstilskot. Konkret opprusting, planløysing og økonomi er ikkje nærare vurdert. Utbygging VA.

5 5 Rådmannen har tidlegare utarbeidd skisse for hovudnett VA datert , kartskisse og ein del overordna kostnadsvurderingar med omtale i tilknyting til tidlegare sak. Tidlegare vurderingar står ved lag. Når det gjeld vassforsyning så ligg det til rette for at områda kan forsynast via overføringsleidning til Indre Hafslo frå høgdebassenget på Stemningo. Kring 20 tomter i Solsida hyttefelt ligg slik at vassforsyningsnettet til desse må gå via ein trykkaukestasjon. Større utbyggingar, jf masterplan, vil nok påverke overføringsleidningen på ein slik måte at det må treffast utjamningstiltak (basseng). Når det gjeld avløpsanlegg så høyrer Heggmyrane til reinsedistrikt Hafslo, med overføring av kloakk til reinseanlegg i Solvorn. Kloakk for Heggmyrane vil tilknytast hovudnett for kloakk som går via Krekavegen, Hafslo sentrum, pumpestasjonar på begge sider av Hafslovatnet etc. og vil såleis påføre auka mengde avløpsvatn på dette nettet. Med utbetring i nettet i Solvorn, som no er på gang, vil nettet ha kapasitet. Det er naturleg at hovudnett avløp vert bygd i same grøft som nytt hovudnett for vassforsyning i Modvovegen. Heggmyrane hytteområde har behov for etablering av pumpestasjon for kloakk sidan dette området ligg nedstraums for Modvovegen. Korleis fordelingsnettet og stikkleidningsnettet elles vert løyst er mindre avgjerande, men auka mengde som vert tilført pumpestasjonen vil ha ein lineær påverknad av energiforbruket for denne stasjonen. Det nye hovudnettet for kloakk må tilknytast eksisterande hovudnett i Krekavegen med ny kum. Ved opprustinga av Krekavegen er denne tilknytinga førebudd ved at leidning er lagt gjennom vegen. Ei samla løysing for vassforsyning og avløp kan illustrerast med 3 nivå: A. Forlenging av eksisterande hovudnett fram til feltgrense/langs feltgrense. B. Hovudnett inn i feltet, trykkaukestasjonar /pumpestasjonar mv slik at feltet fungerar. C. Stikkleidningar til kvar hytte/grend. A-delen som går på å føra VA-leidning fram til feltgrense, har ein utbyggingskostnad på 2-2,5 mill. kroner. B- og C-delane er det ikkje gjort nærare kostnadsvurderingar på no. Desse vil kome i stegvise utbyggingar avhengig av oppdeling og utbyggingstakt. B-delen (hovudnett felt) må ha kommunal standard, innfri kommunal norm, for overtaking til kommunal drift og vedlikehald A- og B-delane vil på sikt kunne inngå i det samla kommunale VA-nettet. Lovverket er slik at det etter visse reglar kan krevjast anleggsbidrag som dekkar utbyggingskostnadane og kvar abonnent skal betale tilknytingsavgift som medlemsavgift i nettet. Rådmannen tilrår at kommunen finansierar utviding av hovudnettet fram til feltgrense (Adelen ovanfor) utan å krevje refusjon/anleggsbidrag frå utbyggarane. Ut frå at det på sikt kan ventast ei større utbygging med inntekter i VA-ordninga, vil investeringane/kapitalutgiftene kunne inngå i kostnadsgrunnlaget for VA-gebyr i kommunen. Vurderinga knyter seg slik sett til denne utbygginga på Heggmyrane spesielt. Utbygginga har eit stort potensiale og kommunal dekning av denne infrastrukturen, som skal nyttast av mange, vil stimulere og gjere det lettare å kome i gang med delutbygging av hytter i området. På sikt vil A- og B-nettet inngå i kommunalt drift og vedlikehald. Marknadsføring. Luster kommune yter årleg tilskot til Sogn Skisenter. Desse midlane blir m.a. nytta til marknadsføring. Kommunen bør framleis bidra med midlar og kompetanse i marknadsføring av Heggmyrane som reisemål og utviklingsområde.

6 6 Interne vegløysingar i hyttefelta og framføring av straumforsyning og fiber er ikkje nærare drøfta. Det er føresett at dette er ei sak for utbyggingsinteressene. Oppsummert meiner rådmannen det er viktig å støtta opp om arbeidet med å få til ei større hytteutbygging i området ved Heggmyrane og skisenteret. Rådmannen vil drøfta dette nærare i budsjettarbeidet til hausten,ev. i etterfølgjande prosessar. Dato: Tore Eriksen Arne Ingjald Lerum rådmann plansjef Særutskrift skal sendast: m/kopi til:... Sett inn saksutredningen over denne linja