FELLES REGLEMENT FOR FAGSKULANE I HORDALAND

Transkript

1 FELLES REGLEMENT FOR FAGSKULANE I HORDALAND A. Verdigrunnlag... 2 B. Innleiing... 2 Rettar... 2 Plikter... 2 C. Opptakskrav... 2 D. Spesielle forhold... 3 E. Vurdering... 4 F. Eksamensordning og eksamensreglement... 5 Teknisk fagskule... 5 Helsefagleg fagskule... 5 Maritim fagskule... 5 Grøn fagskule... 5 G. Klagehandsaming... 7 H. Bruk av Internett... 9 I. Andre føresegn

2 A. Verdigrunnlag Fagskulane i Hordaland byggjer sin aktivitet på følgjande verdiar: Ved fagskulane: - vert studentane handsama med respekt - har alle studentar ansvar for innverknad på læringsprosessen - har vi eit læringsmiljø som skaper samhald og best mogleg tryggleik for studentane gjennom eigen aktivisering i ein variert læringsprosess - vert studentar motivert til å ta ansvar for eiga læring - får studentar utvikla sine kunnskapar, ferdigheiter og generell kompetanse gjennom teoretisk og praktisk arbeid - arbeider studentar med oppgåver i eit miljø, kor lærarar legg til rette og rettleiar i prosessen B. Innleiing Personar som er teke opp som student ved Fagskulane i Hordaland pliktar seg til å følje skulens retningsliner som er nedfelt i dette dokumentet. Studenten har generelle rettar og pliktar, og dette kan samanfattast som føljer: Rettar Studenten har rett til opplæring, rettleiing og hjelp som samsvarar med dei reglar som til ein kvar tid gjeld for fagskulen. Studenten skal haldast orientert om meldingar og vedtekter etc. som blir gitt frå fagskulens leiing. Plikter Studenten må rette seg etter dei vedtekter, reglement og instruksar som er fastsett ved fagskulen. Studentar som er tatt opp ved utdanningstilbod som krev eigenbetaling må halde betalingsfristar. Studenten må skaffe seg det undervisningsmateriell og lærebøker som opplæringa krev, og som fagskulen ikkje held. Studenten må møte presis til opplæringa og delta aktivt i all opplæring i den form den blir gitt, i eller utanfor skulens lokale. C. Opptakskrav a) fullført og bestått vidaregåande opplæring med fagbrev/sveinebrev/vitnemål frå relevant yrkesutdanning frå vidaregåande skule, b) eller minst 5 års relevant praksis utan relevant yrkesutdanning frå vidaregåande skule, og med realkompetanse i fellesfag som tilsvarar Vg1 og Vg2 i yrkesfagleg utdanningsprogram c) søkjarar som kan dokumentere at dei skal gjennomføre fagprøve etter opptaksfristen, kan verte tildelt plass på vilkår om bestått prøve. det synast til den einskilde utdanningsplan for informasjon om kva som er relevant yrkesutdanning/praksis som gjer grunnlag for opptak. Søkjarar til maritim utdanning må i tillegg til krava over, dokumentera bestått grunnleggjande tryggleiksopplæring (IMO 60). Søkjarar til Petroleumsteknologi som fyller krava over, men som ikkje har fullført Vg2 Brønnteknikk, må ha avlagt tverrfagleg offentleg privatist eksamen i Vg2 Brønnteknikk (024 OLF/NR - Retningslinjer for opplæring av bore- og brønnpersonell). Realkompetansevurdering Vurdering av realkompetanse vert gjort ved eitt av Hordaland fylkeskommune sine realkompetanse sentra. Her vert søkjaren sin kompetanse vurdert opp mot læreplanmål i vidaregåande opplæring innan det relevante 2

3 programområde. Søkjaren vil få eit kompetansebevis med karakteren godkjent/ikkje godkjent i dei relevante faga. Opptak av studentar til Fagskulane i Hordaland skjer gjennom Nasjonalt opptakskontor for fagskolen. Dette gir felles kvalifikasjonskrav og reglar for poengberekning for søkjarar i heile landet. Opptak av studentar skjer berre på grunnlag av poengberekning og rangering (realkompetanse vert rekna om til poeng). Dette gir høve til å sjå både tal og poengnivå på søkjarar ved opptak til kvar fagskuleutdanning. Poengberegning og rangering Ved lik poengsum skal det kjønn som er underrepresentert i det yrket eller den profesjon opplæringen skal føre fram til, kvoteres. Det generelle grunnlag for opptak a, b eller c, 100 poeng Det gis gjennomsnittlig karakterpoeng i alle fag på VG2 og tverrfaglig eksamen Praksis utover det generelle grunnlag for opptak, 1 poeng pr måned Fartstid (tid ombord), 1 poeng pr måned Fagprøve med "bestått meget godt", 25 poeng Fagprøve i annet fag utover det generelle opptakskrav, inklusive praksistid, 50 poeng. D. Spesielle forhold 1. Frammøte Studenten er forventa å møte etter fastsett timeplan, og skal gi melding til den lærar som har ansvar for klassen, om ein ikkje kan stilla. 2. Verneregler Studenten må følgje dei vernereglar og nytta det verneutstyr som vert kravd i faget det gjeld, eller som fagskulen tilbyr. Studenten må og skaffe seg det verneutstyr som er nødvendig og som fagskulen ikkje held. Studenten skal bli gjort kjent med eventuelle ekstrautgiftar i skulens kontrakt med einskild student. 3. Rusmidlar Studenten skal ikkje vere påverka av alkohol eller andre rusmidlar på fagskulens område, eller ved arrangement utanfor fagskulen når desse er under fagskulens leiing eller ansvar. 4. Røyking Røyking er forbode i skulens bygg, og på skulens område som er merket med røyking forbode skilt. 5. Skade på bygningar og eigendelar Eventuelle skadar på bygningar, inventar og utstyr, eller på fagskulens eigedom, må meldast til fagskulens personale av den som er ansvarleg for skaden, eller dei som observerer den. Ein student som er har påført ein skade grunna uvørden opptreden eller uaktsam handsaming av inventar og utstyr m.m., kan verte erstatningsansvarleg etter takst. 6. Politisk- og organisasjonsmessig arbeid på fagskulen Studentane sitt øvste organ er studentrådet. Skulen legg til rette for eit studentråd valt av studentane sjølv, som skal bestå av leiar, nestleiar og sekretær. Leiinga i studentrådet har rett til å ha møte med leiinga ved skulen. Fagskulestudentane i Hordaland skal ha ein representant i Hordaland Fagskulestyre. 3

4 7. Slutte ved fagskulen Om ein student ynskjer å slutte ved fagskulen før heile utdanninga er fullført, må studenten sjølv melda dette skriftleg til fagskulen. 8. Bortvisning. Ein student som trass munnleg og deretter skriftleg varsel frå fagskulens leiing, opptrer i strid med reglane i dette dokumentet, kan etter vedtak av rektor bli bortvist frå institusjonen for ein periode på inntil eit år. Studenten skal ha høve til å forklare seg, og kan klage innan 3 veker frå vedtaket om bortvising vart fatta. Ein student som grovt klanderverdig har handla på ein slik måte at det er skapt fare for liv eller helse for medstudentar og tilsette, eller andre som studenten har å gjere med som del av opplæringa, eller som gjer seg skuldig i grove brot på teieplikta, eller i grovt usømmeleg opptreden, kan etter vedtak av skulens leiargruppe bortvisast frå studiet i inntil 2 år. Studenten skal ha høve til å forklara seg før eit kvart vedtakspunkt, og kan klage innan 3 veker frå vedtaket om bortvising vart fatta. E. Vurdering 9. Vurderingsformer Vurdering vert gjennomført på ein slik måte at skulene på eit mest mogleg sikkert grunnlag kan vurdera om studentane har tilegna seg kunnskapen og kompetansen som er skissert i målsettingane for utdanninga. Det skal gjerast ein heilskapleg vurdering av studentens kunnskapar, ferdigheiter og generell kompetanse. Bokstavkarakterskalaen A F, der A er beste karakter og F er ikkje bestått, vert nytta i vurderinga. Vurderingsformene skal ivareta samanhengen mellom mål for utdanninga og omtala om læringsutbytte, som det går fram i faglæreplanar. 10. Karakterskala symbol nemning generell, ikkje fagspesifikk omtale av vurderingskriterium A B C D E F framifrå mykjegod god nokså god tilstrekkeleg ikkje greidd Framifrå prestasjon som skil seg klart ut. Kandidaten syner særs god vurderingsevne og stor grad av sjølvstende. Mykjegod prestasjon. Kandidaten syner mykje god vurderingsevne og sjølvstende. Jamt god prestasjon som er tilfredsstillande på dei fleste områda. Kandidaten syner god vurderingsevne og sjølvstende på dei viktigaste områda. Akseptabel prestasjon med nokre vesentlege manglar. Kandidaten syner ein viss grad av vurderingsevne og sjølvstende. Prestasjonen tilfredsstiller minimumskrava, men heller ikkje meir. Kandidaten syner lita vurderingsevne og lite sjølvstende. Prestasjon som ikkje tilfredsstiller dei faglege minimumskrava. Kandidaten syner både manglande vurderingsevne og sjølvstende. 4

5 F. Eksamensordning og eksamensreglement 11. Eksamen Teknisk fagskule Eksamen vert gjennomført etter følgjande minimumsplan: Hovudprosjekt Hovudprosjektet avsluttast med ein tverrfagleg prosjekteksamen som består av eit individuelt oppsummeringsnotat og ein munnleg eksaminasjon. Det blir gjeve ein samla karakter. LØM-eksamen Modulen som omfattar dei tre LØM-emna (organisasjon og leiing, økonomistyring og marknadsføringsleiing) avsluttast med ein tverrfagleg eksamen. Andre modular Det skal haldast eksamen i minimum 2 av dei andre modulane. Helsefagleg fagskule Eksamen blir gjennomført etter følgjande plan: I dei teoretiske modulane blir modulkarakter gjeve på bakgrunn av innfridde arbeidskrav; skriftleg eksamen og anna aktivitet, med grunnlag i 9 om vurderingsformer. Avsluttande eksamen er ein individuell munnleg eksamen. For å kunne gå opp til avsluttande eksamen, må studentane ha utført obligatorisk arbeid, gjennomført praksisstudia med bestått resultat, samt bestått dei føregåande modulane. Maritim fagskule Moduleksamen Det blir haldt ein 5 timars skriftleg eksamen per modul (3 modular kvart år), i tillegg til skriftlege deleksamenar undervegs. Hovudprosjekt Hovudprosjektet avsluttast med ein tverrfagleg prosjekteksamen som består av eit individuelt oppsummeringsnotat og ein munnleg eksaminasjon. Det blir gjeve ein samla karakter. Grøn fagskule Det blir haldt to tverrfaglege eksamenar: - Ein tverrfagleg praktisk / munnleg eksamen, inntil 7 timar. Det vert varsla tema 48 timar før eksamensstart. Den praktiske delen kan vere gruppebasert. - Ein tverrfagleg skriftleg eksamen, inntil 4 timar På eksamensdagen for den praktisk/munnlege eksamen, skal studentane syna sine praktiske kunnskapar / evner i samsvar med den oppgåva dei har fått. Ved gruppebasert eksamen vert så kvar enkelt teken ut i ei munnleg eksaminasjon om den praktiske oppgåva dei har utført, samt nokre fleire emnar frå faga som inngår i den tverrfaglege eksamen. Personleg utstyr til den praktiske delen må studentane halde sjølv. Anna naudsynt utstyr skal skulen halda. 12. Dokumentasjon Studentar som fullfører og består ei utdanning skal få utstedt vitnemål. Om den samla utdanninga er gjennomført ved fleire fagskular/utdanningsinstitusjonar, blir det vurdert i kvart tilfelle kva for institusjon som skal utstede vitnemål. Vitnemålet skal omfatte dei modulane/faga som inngår i utdanninga. Modulanes omfang og oppnådd karakter skal førast på vitnemålet. 5

6 Modulane med tilhøyrande emne vert omtala på vitnemålet. På vitnemål for Teknisk fagskule skal fagretning, fordjuping og tittel på hovudprosjektet gå fram. For deltidsstudentar vert det utstedt kompetansebevis etter kvar fullført modul, der mål og innhald vert omtala i samsvar med fag- eller studieplan. Om ein student berre har fullført delar av ei utdanning, vert det utstedt eit kompetansebevis for dei modulane/faga studenten har fullført. 13. Fritak og rett til å gå opp til eksamen Studentar som er tatt opp til eit fag, ein modul eller eit studium ved fagskulen, har rett til å gå opp til dei eksamenar og prøver som høyrer til studiet, modulen eller faget. Andre som oppfyller dei generelle og eventuelt spesielle opptakskrava og andre krav for å gå opp til eksamen, kan melde seg opp til eksamen. I tvilstilfelle avgjer ei fagnemnd om vilkår for å avlegge eksamen er innfridd. I kvart fag/modul er det fastsett særskilte arbeidskrav, som prøvar, innleveringar, eller krav om obligatorisk frammøte og/eller praksis som må vere fullført før eksamen kan avleggjast. Opplysningar om dette vert gitt i fageller studieplanen. Studentar som ikkje oppfyller dei arbeidskrava som er fastsett, har ikkje rett til å gå opp til eksamen. Ein student har rett til å ta eksamen ved fagskulen i same fag/modul tre gonger. Ein student vert å oppfatta som å ha stilt til ein eksamen om han/ho trekkjer seg etter avmeldingsfristen er gått ut, ikkje møtar på eksamen, ikkje leverer svara, eller møter på eksamen og trekkjer seg under eksamen. Fagskulen kan gi dispensasjon for eit fjerde forsøk i spesielle tilfeller etter søknad frå studenten og uttale frå fagmiljøet. Når ein student har avlagt eksamen på nytt, gjeld den beste karakteren. Studentar som trekkjer seg etter angitt frist og som ikkje har gyldig grunn, vert rekna for å ha framstilt seg til eksamen. Gyldig grunn er sjukdom eller sterke velferdsgrunner og skal dokumenterast. Dokumentasjonen skal leverast/vere poststempla så raskt som mogleg og seinast innan tre virkedagar etter eksamen. Det er mogleg å ta praksisperioden ein gong til om ein ikkje har bestått, med mindre anna er bestemt i fag- eller studieplanen. Ein student kan behalde studieplassen i 50% tid utover normert studietid, eller det som er avtalt gjennom eigne utdanningsplanar, minst eit år. Fagskulens styre kan etter søknad frå studenten gjere unntak frå denne regelen. Når ein student ikkje fullførar studiet/kurset/modulen innan normert studietid, og det i mellomtida er gjort vesentlege endringar i fag- eller studieplan, gjeld retten til å fullføre etter den opphavlege fag- eller studieplan i eitt år etter at endringa vart gjort gjeldande. Ein student skal få fritak frå modul og eksamen når det kan dokumenterast at tilsvarande eksamen er avlagt ved same eller ein anna institusjon. Søknad om fritak frå eksamen må leverast skriftleg innan ein månad etter oppstart av faget/modulen, og må innehalde nødvendig dokumentasjon av omfang og innhald i eksamen som ein ynskjer godskriving for. Det blir ikkje gitt fritak for deleksamenar når det er ein avsluttande samansatt vurdering. Fagskulen avgjer fritak for eksamen etter innstilling frå fagmiljøet. Fritak for eksamen i fag/moduler skal synast igjen på vitnemål og karakterutskrift med merknad om grunnlaget for fritaket. Utdanning frå vidaregåande skulenivå gir ikkje grunnlag for fritak i fagskulen. 14. Eksamen under særskilte vilkår Studentar som av medisinske eller andre grunner har trong for spesiell tilrettelegging ved den praktiske gjennomføringa av eksamen, må framsette søknad om dette innan oppmeldingsfristen for eksamen. Om det oppstår akutte behov for tilrettelegging, kan det gjerast unntak frå søknadsfrist. Søknaden må innehalde dokumentasjon frå sakkyndig instans (til dømes lækjar, logoped, psykolog) og beskriving av trongen for særordning i eksamenssituasjonen. Det skal normalt søkes for kvar eksamensperiode, men om grunnlaget for særordningar er av permanent karakter, kan det gjerast unntak for dette. 6

7 Særordningar kan vere spesiell fysisk tilrettelegging, bruk av særskilte hjelpemiddel og/eller utvida tid til eksamen, eller i spesielle tilfeller alternativ eksamensform. Døme på særordningar: eiget eksamenslokale, bruk av PC, skrivehjelp, munnleg eksamen i staden for skriftleg, høgtlesing av oppgåva, høgtlesing av svara for korrektur, avlesing av svara på kassett, spesialstol, spesialbord, ekstra pausar med høve til å kvile, ammepausar. Ved skriftleg eksamen med tilsyn kan det gis utvida tid med inntil 25% av normal eksamenstid, maksimalt 1 time. Eksamen utan tilsyn vurderast særskilt, men maksimalt 48 timer tillegg i tid. Særordningar skal vere slik at eksamenspresentasjonen vurderast etter vanlege faglige kriterium. 15. Fusk og forsøk på fusk Det vert betrakta som fusk om ein student nyttar ulovlege hjelpemiddel under eksamen, eller på andre måtar handlar i strid med eksamensreglementet eller regler om kjeldebruk bestemt av skulen. Om det under eksamenar med tilsyn oppstår situasjonar som gjer at ein student kan mistenkast for fusk, skal studenten straks gjerast merksam på at forholda vil bli rapportert til administrasjonen for vidare behandling. Studenten skal då ha høve til å velje om han/ho ynskjer å avbryte eller fortsette eksamen. Det same gjeld for studentar som har hjelpt andre til fusk. Studentar som har fusket eller forsøkt å fuske, vil få eksamen annullert. Annullering av eksamen er eit enkeltvedtak og studenten har rett til å klage etter forvaltningslovens føresegn. Klage må settes frem innan 3 veker at studenten er gjort kjent med vedtaket. 16. Annullering av eksamen, eller modul Skulens leiargruppe kan annullere eksamen eller modul, eller godkjenning av modul, om studenten: a) ved hjelp av falskt vitnemål elle anna form for utilbørleg opptreden har skaffa seg tilgang til å gå opp til eksamen eller prøve, eller til å delta i gjeldande modul b) forsettlig eller grovt aktlaust har fuska eller forsøkt å fuske ved eksamen, prøve, eller under gjennomføringa av ein modul. Styret eller klagenemnda kan annullere godskriving eller godkjenning av utdanning, eller fritak for eksamen eller prøve, om studenten har oppnådd dette ved hjelp av falskt vitnemål eller anna form for utilbørleg opptreden. Høve til annullering vert ikkje forelda. Etter avgjersle om annullering skal eventuelt vitnemål eller karakterutskrift leverast tilbake til institusjonen. Om vitnemålet kan danne grunnlag for autorisasjon for yrkesutøving, skal institusjonen gje melding om annulleringa til vedkommande avgjerdsmynde. Studenten har rett til å klage. Klagen må vere levert skulen innan 3 veker etter at studenten er blitt gjort kjent med annulleringa. G. Klagehandsaming 17. Klage på inntaket Inntak til fagskulen er enkeltvedtak etter Forvaltningslovens 2b og kan påklagast etter denne lovens føresegn i 28 og 29. Det er fagskulens klagenemnd som handsamar klager på inntak til fagskulen. 18. Grunngjeving for, og klage over karakterfastsetting Ein student har rett til å få ein grunngjeving for karakterfastsetting av sin prestasjon. Ved munnleg eksamen eller vurdering av praktiske ferdigheiter må krav om grunngjeving framsettes umiddelbart etter at karakteren er meddelt. Ved anna vurdering må krav om grunngjeving framsettast innan ei veke frå kandidaten fikk kjennskap til karakteren, men aldri meir enn tre veker frå karakteren blei kunngjort. Grunngjeving skal normalt vere gitt innan to veker etter at studenten har framsett krav om det. I grunngjevinga skal det gjerast greie for dei generelle prinsipp som ligg til grunn for vurderinga og for vurderinga av studentens prestasjon. Grunngjeving blir gitt munnleg eller skriftleg etter sensors val. 7

8 Klage over karakterfastsetting må settes fram skriftleg innan tre veker etter at grunngjevinga er blitt gjort kjent eller studenten burde ha gjort seg kjent med dette. Den skriftlege klagen skal innehalde: - kven som klager (namn, adresse og studentnummer) - vedtaket det blir klaga over (modul, eksamensdato, karakter) - kva klagen gjeld - dato og underskrift Ved klage over karakterfastsettingen på gruppeeksamen, må alle gruppemedlemmene samla samtykke i og skrive under på klagen. Vurdering av munnleg prestasjon og praksisopplæring eller anna vurdering som på grunn av prøvens art ikkje lar seg etterprøve, kan ikkje påklagast. Ved ny sensurering grunna klage over karakterfastsetting, skal nye sensorar nyttast. Ny sensur skal ligge føre innan same fristar som gjeld for ordinær eksamen. Endring kan gjerast både til gunst og ugunst for klager. Karakterfastsetting ved ny sensurering etter denne paragraf kan ikkje påklagast. Om den endelige karakter blir fastsett på grunnlag av ein munnleg prøve/justering i samanheng med ein skriftleg deleksamen, og klager får medhald i klage på sensuren av den skriftlege delen av eksamen, skal det haldast ny munnleg eksamen før ny endelig karakter blir fastsett. 19. Klage over formelle feil ved eksamen Klage over formelle feil skal handsamast av klagenemnda etter vedtektene i forvaltningsloven. Døme på formelle feil kan vere feil ved oppgåveteksten, eksamensavvikling eller ved gjennomføring av sensuren. Klage over formelle feil ved eksamen må framsettes innan tre veker etter at studenten er eller burde vært kjent med det forhold som grunngjev klagen. Er krav om grunngjeving for karakterfastsetting framsett, går klagefristen frå det tidspunkt studenten har fått grunngjeving. Finner klagenemnda at det er gjort formelle feil, og det er rimeleg å anta at dette kan ha vært viktig for ein eller fleire studentars prestasjon eller vurdering av denne, skal det gjennomførast ny sensurering, eller haldast ny eksamen så snart som mogleg. 20. Klage over bortvisning Studentar som blir bortvist etter vedtak fatta av skulens leiargruppe, kan påklage vedtaket til klagenemnda. Klagen skal vere skriftleg. Den skriftlege klagen skal innehalde: - kven som klager (namn, adresse og studentnummer) - vedtaket det blir klaga over - kva klagen gjeld og grunngjeving for klagen - dato og underskrift Klagen skal settes fram seinast 3 veker etter at vedtaket er gjort kjent for studenten, eller denne har hatt rimeleg moglegheit til å gjere seg kjent med vedtaket. Studenten skal ha høve til å forklare seg, og kan møte for nemnda og leggje fram si sak. Klagenemnda kan oppheve/endre vedtaket, fatta av skulens leiargruppe. 21. Klage på utvisning Studentar som ynskjer å klage på eit vedtak frå skulen om utvisning, kan gjere dette til klagenemnda. Klagen skal vere skriftleg. Den skriftlege klagen skal innehalde: - kven som klager (namn, adresse og studentnummer) 8

9 - det vedtak det klages over - kva klagen gjeld, grunngjeving for at det klages - dato og underskrift Klagen skal framsettast seinast 3 veker etter at vedtaket er gjort kjent for studenten, eller denne har hatt rimeleg høve til å gjere seg kjent med vedtaket. Studenten skal ha høve til å møte for nemnda, og legge fram si sak. H. Bruk av Internett Det er ikkje tillete å hente ned informasjon frå Internett som strir mot norsk lov, eller som kan virke støytande eller ukvæmt på andre. Dette gjeld blant anna pornografisk, rasistisk eller satanistisk propaganda, diskriminering av kjønn/religion, bilete som innehald vold osv. Om det blir nytta informasjon frå Internett i skulearbeid som skal gje grunnlag for vurdering, skal alltid nettadresse verte oppgjeven som kjelde. Forsøk på å gje ut slikt materiale som eigenprodusert blir betrakta som fusk, og kan få konsekvensar for vurderingsgrunnlaget (sjå 15). Det er ikkje lov å sende, eller leggje ut stoff på Internett som kan oppfattast som fornærmande, injurierande eller truande av andre. Ved sending av elektronisk post skal ein alltid gje fullt namn. Brot på dette reglementet kan medføre utestenging frå skulens dataanlegg eller andre refsingstiltak heimla i skulens reglement, eventuelt krav om økonomisk erstatning og/eller melding til politiet. I. Andre føresegn 22. Kjennskap til reglementet Fagskulens studentar skal gjerast kjent med dette reglementet. Studenten kvitterer for at skulereglementet er gjennomlest. 23. Ikraftsetjing Dette reglementet setjast i kraft frå dato 9