Møteinnkalling. Sakliste

Transkript

1 Sogndal kommune Møteinnkalling Utval: KOMMUNESTYRET Møtestad: Kommunestyresalen Møtedato: Tid: 17:00 Eventuelt forfall skal meldast til telefon Varamedlemmar møter etter nærare avtale. Meldt forfall: Karen Marie Hjelmeseter (SP) Innkalla: Gunnstein Flugheim Synnøve Stalheim (SP) Sigfred Stenehjem Hallvard David F. Husum (SP) Ivar A. Slinde Kl. 17:00 18:00: TEMADEL: Folkehelse for alle. v/geir Kåre Resaland Sakliste Saksnr. Arkivsaksnr. Tittel 1/10 10/405-1 Kommunestyremøte Opning, konstituering, Tema, orienteringar, interpellasjonar m.v. 2/10 09/ Kommunalt driftstilskot til De Heibergske Samlinger - Sogn Folkemuseum 3/10 09/ Etablering av ny modell for forvaltning av verneområde - invitasjon til å delta i nasjonalpark-/verneområdestyre for Jostedalsbreen Nasjonalpark. 4/10 09/ Kommuneplanen sin samfunnsdel - Planprogram Sakene er offentleg utlagde i Tenestetorget, Sogndal bibliotek og busenteret i Fjærland. Informasjon på vår heimeside: Sogndal, Jarle Aarvoll -ordførar- Gerd Kleiven formannskapssekretær

2 Sogndal kommune Sak 1/10 Kommunestyret Saksh.: Gerd Kleiven Arkiv: 065 Arkivsak: 10/405 Saksnr.: Utval Møtedato 1/10 Kommunestyret Sak 1/10 Kommunestyremøte Opning, konstituering, Tema, orienteringar, interpellasjonar m.v. Kl. 17:00 18:00: TEMADEL: Folkehelse for alle. v/geir Kåre Resaland Pkt. 1 OPNING A. Konstituering av møtet * Møtet lovleg sett med 22 representantar og følgjande vararepresentantar tilstades: Gunnstein Flugheim (SP) møter for Karen Marie Hjelmeseter, Sigfred Stenehjem (SP) møter for Synnøve Stalheim, Ivar A. Slinde (SP) møter for Hallvard David F. Husum * Innkalling og sakliste godkjenning. * Møteleiar: Ordførar Jarle Aarvoll. * Ope møte. * Framlegg: Representantane Liv Marit Menes og Kjetil Ertesvåg vert valde til å underteikne møteprotokollen. B. Protokoll frå møte Godkjenning. Pkt. 2 Pkt. 3 Pkt. 4 Pkt. 5 OPEN SPØRJETIME SKRIV OG MELDINGAR INTERPELLASJON. Ingen meldt pr. dato. ORIENTERING FRÅ ORDFØRAR/RÅDMANN. Sogndal, Gerd Kleiven -F.sekr.- Side 2 av 10

3 Sogndal kommune Sak 2/10 Kommunestyret Saksh.: Inger Pedersen Arkiv: C60 Arkivsak: 09/3378 Saksnr.: Utval Møtedato 3/10 Formannskapet /10 Kommunestyret Sak 2/10 Kommunalt driftstilskot til De Heibergske Samlinger - Sogn Folkemuseum Tilråding: Sogndal kommune godkjenner føreliggjande framlegg til avtale med musea i Sogn og Fjordane om drift av De Heibergske Samlingar Sogn Folkemuseum gjeldande frå Vedlegg 1. Sak til Sogn regionråd sitt møte Framlegg til avtale mellom kommunar i Sogn og musea i Sogn og Fjordane om drift av De Heibergske Samlingar Sogn Folkemuseum 3. Notat frå avdelingsdirektør Aage Engesæter dagsett Notat frå avdelingsdirektør Aage Engesæter dagsett Saksutgreiing Bakgrunn Framlegg til avtale bygger på opphavleg avtale av og fornying av avtalen i Frå 2004 har det vore føresetnaden at avtalen er permanent med justeringar årleg etter kommunal deflator. Driftsnivået kan vurderast kvart 4. år. Kommunen godkjende den første avtalen i 2000, jf K.sak 42/00. Avtalen vart fornya gjennom vedtak i økonomiplanen for Føremål og bakgrunn for avtalen går fram av museumsdirektøren sitt notat av Nytt avtaleframlegg er samordna gjennom Sogn regionråd, men kvar kommune har sjølv ansvaret for den årlege løyvinga. Kommunane har såleis ikkje eit solidarisk ansvar for totalsummen som kjem fram i avtalen. Regionrådet handsama saka i møte den og rår til at kommunane godkjenner driftsavtalen. Framlegg til avtale har ein årleg økonomisk konsekvens for kommunen på kr i tal. Vidare føreset avtalen at partane er innforstått med at den etablerar ei varig ordning, jf pkt. 5, men dersom nokon av partane ønskjer det kan nivået på driftsløyvingane likevel vurderast kvart 4. år, første gong i Det er inga endring i fordelingsnøkkelen mellom kommunane. Løyvinga frå Sogndal kommune er innarbeidd i økonomiplanen for Vurdering Rådmannen vurderer det samla museumstilbodet ved De Heibergske Samlingar Sogn Folkemuseum som viktig for Sogndal kommune og vil særleg peike på dei føremoner Side 3 av 10

4 Sak 2/10 kommunen har med eit aktivt museum i Sogn. Museet er mykje nytta av skular og barnehagar i kommunen. Sogndal, Jostein Aanestad rådmann Side 4 av 10

5 Sogndal kommune Sak 3/10 Kommunestyret Saksh.: Jens Øyrehagen Arkiv: C58 Arkivsak: 09/3450 Saksnr.: Utval Møtedato 4/10 Formannskapet /10 Kommunestyret Sak 3/10 Etablering av ny modell for forvaltning av verneområde - invitasjon til å delta i nasjonalpark-/verneområdestyre for Jostedalsbreen Nasjonalpark. Tilråding: 1. Sogndal kommune ynskjer å delta i forvaltning av verneområda for Jostedalsbreen Nasjonalpark på dei vilkår som går fram av brev dagsett frå Miljøverndepartementet. 2. Ordføraren vert vald til å representera kommunen i dette nasjonalparkstyret. Vedlegg: 1. Brev frå Statsråden i Miljøverndepartementet til Ordføraren i Sogndal, dagsett 14. desember Saksutgreiing: Bakgrunn: Miljøverndepartementet har invitert Sogndal kommune til å delta i forvaltning av verneområda knytt til verneplan for Jostedalsbreen, jf. vedlagt brev. Regjeringa har vedteke at nasjonalparkar og store verneområde skal forvaltast lokalt. Det inneber at kommunane der verneområda ligg, vil få forvaltningsmynde ved deltaking i politisk samansette nasjonalpark- eller verneområdestyre. Målet er å stanse tapet av naturmangfoldet, og lokal forvaltning er ein lekk i å oppnå dette målet. Den nye forvaltningsmodellen inneber at nasjonalparkar og store verneområde skal forvaltast av eit interkommunalt politisk samansett styre med ein representant frå kvar av kommunane og ein representant frå kvar av fylkeskommunane. Det skal opprettast eit breitt samansett fagleg rådgjevande utval som styret skal samarbeide med. Dette fagutvalet skal setjast saman av m.a. grunneigarar, andre offentlege organ som villreinnemnd, fjellstyre, næringsliv og frivillige organisasjonar som t.d. natur- og miljøvernorganisasjonar. Sekreteriat for styret er nasjonalparkforvaltar tilsett av Fylkesmannen. Departementet inviterar alle kommunar der verneområdet ligg til å delta i den nye forvaltningsmodellen. Kommunestyra skal velgja sin representant, og primært bør ordførar eller andre folkevalde/kommunestyrerepresentantar velgjast. Dersom eit fleirtal av kommunane ikkje ynskjer å delta vil Fylkesmannen halda fram med forvaltningsansvaret for verneområdet. Departementet ynskjer å etablera den nye forvaltningsmodellen i løpet av 2010 og då er første steget oppretting av styra. Styret sine oppgåver vil vera å ta avgjed knytt til vernereglane, gjennomføre tiltak som tilrettelegging for bruk, informasjons- og skjøtseltiltak og i samarbeid med SNO medverke til lokal forankring i gjennomføring av tiltaka. Finasiering av ordninga vil skje gjennom løyvingar over statsbudsjettet. Ein føreset ikkje kommunal finansiering av forvaltningsordninga. Side 5 av 10

6 Sak 3/10 Vurdering: Jostedalsbreen Nasjonalpark ligg i dei 7 kommunane Balestrand, Førde, Gloppen Jølster, Luster, Sogndal og Stryn i Sogn og Fjordane. Det er den største isbreen på fastlandet i Europa og har eit særprega landskap og stor variasjon i naturtypar og planteliv. Det er eit mål å ta vare på dette sårbare og særprega mangfoldet og som ein lekk i det, er lokal forvaltning eit viktig verkemiddel. Rådmannen tilrår at Sogndal kommune deltek i forvaltninga av Jostedalsbreen Nasjonalpark på dei premissane som Stasråden skisserar. Jostein Aanestad Rådmann Sogndal Side 6 av 10

7 Sogndal kommune Sak 4/10 Kommunestyret Saksh.: Marie Pettersson Arkiv: 140 Arkivsak: 09/2462 Saksnr.: Utval Møtedato 62/09 Formannskapet /10 Formannskapet /10 Kommunestyret Sak 4/10 Kommuneplanen sin samfunnsdel - Planprogram Tilråding: Kommunestyret vedtek planprogram for revisjon av kommuneplanen sin samfunnsdel dagsett den Vedlegg: Kommuneplanen sin samfunnsdel planprogram dagsett (eige hefte) Innspel Bakgrunn: Formannskapet la i møte sak 62/09 ut planprogram for revisjon av kommuneplanen ut på høyring. Samtidig som planprogrammet vart lagt ut på høyring vart det meldt varsel om oppstart av planarbeidet. Frist for merknader var sett til 25. januar Sogn og Fjordane fylkeskommune avd. plan og samfunn har bedd om utsett frist, og deira innspel vil bli ettersendt. Vurdering av innkomne merknader: Det er kome inn ni merknader til planprogrammet. Rådmannen har følgjande vurderingar og tilrådingar til innspela: Bergvesenet Bergvesenet viser til at dei har gått igjennom oversendt materiale og har ikkje nokre merknader tilsaka. Tilråding: innspelet vert teke til vitande. Luster kommune Formannskapet i Luster kommune handsama meldinga i møte , sak 4/10 og har følgjande merknader: framtidig interkommunalt samarbeid bør inngår som eit tema ved utarbeiding av revidert samfunnsdel av kommuneplanen. Kommentar: Interkommunalt samarbeid er alt innarbeidd i kapitel i planprogrammet Luster kommune påpeiker at Sogn regionråd bør vere høyringsinstans i planarbeidet. Kommentar: Framlegg til planprogram omtalar ein regionsenterkonferanse i regi av Sogn regionråd. Dette var tenkt som eit utvida møte i regionsrådet. I etterkant har det vist seg at denne regionsenterkonferansen først vert arrangert i haust. Uavhengig av dette kan Sogn regionråd setjast opp på høyringslista. Tilråding: interkommunalt samarbeid vert teke med vidare i planarbeidet og Sogn regionråd vert orientert om planprogram og vert sett opp som høyringsinstans. Side 7 av 10

8 Sak 4/10 Sogn og Fjordane fylkeskommune kulturavdelinga er positiv til at planprogrammet konkretisert eit opplegg for medverknad og informasjon, m.a. innbyggjarundersøking tekstboks bør inkludere konkrete spørsmål knytt til kulturminne og kulturminneverdiar viser til st.meld. nr. 16 ( ) Leve med kulturminner og kommunen sitt ansvar for å følgje opp nasjonal politikk og kommunen sitt ansvar som forvaltar. Føreslår at det vert utarbeid ein kulturminneplan eller ein temaplan på kulturminnefeltet for å ha eit godt verktøy til å kunne fastsetje mål og strategiar. Kommentar: Vi bør ta med oss kulturavdelinga si etterlysing om større vekt på kulturminne og kulturverdiar in i planen. I tekstboks kan første spørsmål vera: Tek vi godt nok vare på natur- og kulturminneverdiane våre? Rådmannen er samd i at ein kulturminneplan eller liknande vil vere til hjelp for kommunen sitt vidare arbeid for å ta vare på kulturminna i kommunen. I forhold til tidsplan og arbeidskapasitet vil det ikkje vere mogeleg å få den utarbeidd i forkant av handsaming av revidert samfunnsdel. Derimot bør samfunnsdelen vurdere ei slik plan i forkant av neste revisjon av arealdelen. Tilråding: St.meld.nr 16 ( ) Leve med kulturminner, vert teke med i kapitel 3 Spørsmål 1 i tekstboks vert endra til tek vi godt nok vare på natur- og kulturminneverdiane våre? Samfunnsdelen skal vurdere utarbeiding av kulturminneplan eller liknande i forkant av neste revisjon av arealdelen. NVE NVE meiner at samfunnsdelen bør ha eit tema om korleis skred- og flaumfare kan vere viktig premiss for utviklinga av arealbruken i kommunen, slik at temaet vert forankra i samfunnsdelen som premiss for arealplanarbeidet. Kommentar: Dette kan bli teke inni tekstboks kapitel 5 i planprogrammet. I forhold til mindre endring av arealdelen viser NVE til overgang til ny byggesaksdel. I denne kan kommunen vedta tilknytingsplikt for området som del av reguleringsplan/ kommune(del)plan. Kommentar: I Sogndal sentrum er det mange små reguleringsplanar, og rådmannen har vurdert at det vil vere enklare og tydlegare å ta krav om tilknytingsplikt inn i arealplanen. Tilråding: Følgjande spørsmål vert teke inni tekstboks i kapitel 5: Korleis kan skred-, flaumfare og anna naturrisiko vere viktig premiss for utviklinga av arealbruken i kommunen? Det vert ikkje gjort endringar i planprogrammet når det gjeld mindre endring av arealdelen knytt til tilknytingsplikt. Sogndal folkehøgskule Verdiar og visjonar som ligg til grunn for planarbeidet er i tråd med mykje av det som Sogndal folkehøgskule står for som ein verdibasert skule. Sogndal kommune som eit inkluderande Side 8 av 10

9 Sak 4/10 samfunn og med sterk vekt på miljø og trivsel er verdiar som dei ønskjer å samarbeide om. Folkehøgskulen ser positivt på det samarbeidet som er oppretta i høve til å utvikle Sogndal som skulestad og vil understreke viktigheita av at det held fram. Tilråding: Innspelet vert teke til vitande Fylkesmannen i Sogn og Fjordane Fylkesmannen rår til at følgjande stortingsmeldingar vert teke med i planprogrammet: St.meld.nr. 16 ( ) Resept for sunnere Noreg i forhold til folkehelse St.meld.nr. 20 ( ): Nasjonal strategi for å utjevne sosiale helseforskjeller St.meld.nr. 26 ( ): Regjeringens miljøvernpolitikk og rikets miljøtilstand St.meld.nr. 23 ( ): Betre miljlø i byer og tettsteder St.meld.nr. 39 ( ): Friluftsliv St.meld.nr. 42 ( ): Biologisk mangfold. Sektoransvar og samordning Rundskriv T-2/98B: Nasjonale mål og interesser i fylkes- og kommunalplanlegging St.meld.nr. 29 ( ): Regional planlegging og arealpolitikk St.meld.nr. 58 ( ): Miljøvernpolitikk for ein berekraftig utviklilng (jf. særleg avsnitt om miljøvern i kommunane itl lokal agenda 21 avsnitt m.m.) Retningsliner for støy i arealplanlegginga Folkehelse: fylkeskommunen saknar nærare omtale eller problematisering omkring utfordringar i samanheng mellom sosiale skilnader både i helse og levekår, t.d. strategi for sosiale utjamningstiltak i høve til både innvandrargrupper og andre med spesielle behov. Kommentar: Det bør inn i kapitel saknar omtale på tiltak som kommunen alt har, t.d. frisklivssentral og frivillegsentralen. Kommentar: Desse er omtala på i kapitel (s. 14) i høyringsutkast til planprogram. planen bør forplikte at sosial utjamning vert lagt til grunn og ein viktig premiss for utforminga av arealdelen. Kommentar: I tekstboks kapitel 5 stiller vi spørsmålet korleis Sogndal vert eit universelt utforma samfunn, og tek der med ein del av det fylkesmannen etterspør. Friområde og grøntareal kjem til viss grad inn under barn og unge sine behov. viktig at svake grupper vert involvert i prosessen. Kommentar: Det er ønskeleg med ei brei involvering i planprosessen. Så langt har Ungdomsrådet arbeidd mykje med planprogrammet. Kommuneplanleggjar og ordførar deltok på første arbeidsmøtet. Eldrerådet har hatt planprogrammet til orientering og ønskjer å delta i prosessen vidare. Vi håper på eit godt samarbeid med både ungdomsråd, eldreråd og rådet for funksjonshemma. Samfunnstryggleik og beredskap: Samfunnstryggleik må vere eit naturleg tema i planprosessen, særleg som bakgrunn til arealplanen. Døme er havnivåauke, flaum- og skredproblematikk. Kommentar: Dette vert teke til vitande, jf tilråding knytt til innspel frå NVE. Landbruk: Fylkesmannen meiner det er positivt at landbruket er eit tema i planlarbeidet og oppmodar kommunen å nytte jordvernstrategien for Fylkesmannen og Fylkeslandbruksstyret i planen. Kommentar: Rådmannen tilrår at planen vert teke inn i kapitel 3 under regionale retningslinjer. Tilråding: Side 9 av 10

10 Sak 4/10 Stortingsmeldingar og retningslinjer som fylkesmannen tilrår vert teke med i planprogrammet kapitel 3. I kapitel s. 12 vert følgjande setning teke inn: Vi skal ta tak i utfordringar kring sosiale skilnader i både helse og levevilkår og ha ein medviten strategi for sosiale utjamningstiltak. Ungdomsrådet Ungdomsrådet har handsama planprogrammet i to møte, og har valt å konsentrere seg om to hovudtema; Sogndal som skulestad og Gode bu- og oppvekstvilkår. Kommentar: Ungdomsrådet har kome med mange bra merknader som vi bør ta med oss i det vidare planarbeidet. Tilråding: innspelet vert teke med i planarbeide.t Eldrerådet Eldrerådet hadde på møte 28. januar orientering om planprogrammet. Det er ikkje kome noko innspel, men Sogndal eldreråd ved Arne Bjelde har i e-post datert uttrykt interesse for planarbeidet og reknar med å få vere med i arbeidet i tida som kjem. Tilråding: merknaden vart teke til vitande Anna: I kapitel 8 og 10 har vi omtala ein regionsenterkonferanse. Denne vil bli arrangert i haust, og vil såleis ikkje vere ein del av kommuneplanarbeidet. Konferansen bør difor fjernast frå planprogrammet. I perioden då høyringsprogrammet låg ute til offentleg ettersyn har kommunestyret vedteke møteplan for Dato som skil seg frå denne møteplan må endrast. Det gjeld arbeidsmøte i mars, riktig dato er 18. mars, og formannskapet har møte 6. mai i I tillegg skal andre setning i tekst fjernast. I utkast til planprogram datert er endringane etter høyringa vist med gul utheving. Sogndal Jostein Aanestad rådmann Side 10 av 10