Møteinnkalling for Utval for næring og teknikk

Transkript

1 Hjartdal kommune 3692 Sauland Møteinnkalling for Utval for næring og teknikk Møtedato: Møtestad: kommunehuset,formannskapssalen Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf , slik at varamedlem kan bli kalla inn. Stad Sauland, Thomas H. Timland utvalsleiar Sakliste Sak nr. Saktittel 020/10 GODKJENNING AV MØTEBOK 021/10 REFERATSAKER 022/10 DELEGASJONSSAK 023/10 SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE 024/10 HELGE HOVDEJORD - SØKNAD OM DELING AV GRUNNEIGEDOM 025/10 JOAR LOFTHUS - SØKNAD OM DELING AV GRUNNEIGEDOM, GNR. 21/4 - HYTTETOMT FOR ANLAUG LOFTHUS 026/10 STRATEGISK NÆRINGSPLAN FOR HJARTDAL KOMMUNE

2 Hjartdal kommune Styre, råd, utval Møtedato Saknummer Sakshandsamar Utval for næring og teknikk /10 IL Saksansvarleg: Ingebjørg Landsverk Arkiv: K1-033 Arkivnr.: 10/522 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

3 Hjartdal kommune Styre, råd, utval Møtedato Saknummer Sakshandsamar Utval for næring og teknikk /10 IL Saksansvarleg: Ingebjørg Landsverk Arkiv: K1-033 Arkivnr.: 10/521 REFERATSAKER Nr Dok.ID T Dok.dato Avs./Mott. Tittel 1 10/2131 I Statens Landbruksforvaltnin g VEDK. SØKNAD OM ENDRING AV FORSKRIFT OM NEDSETT KONSESJONSGRENSE ETTER 7 I KONSESJONSLOVA TILRÅDING Referatsakene blir teke til etterretning slik dei ligg føre.

4 Hjartdal kommune Styre, råd, utval Møtedato Saknummer Sakshandsamar Utval for næring og teknikk /10 IL Saksansvarleg: Ingebjørg Landsverk Arkiv: K1-033 Arkivnr.: 10/523 DELEGASJONSSAK FNOT-003/ : VEGLAGET HJARTDAL FJELLSTOVE - BREIDVATN - SØKNAD OM TILLATELSE TIL ØKNING AV AVGIFT FOR BRUK AV VEGEN VEDTAK Hjartdal kommune v/rådmannen godkjenner med heimel i 56 i veglova at turavgifta for vegen Hjartdal fjellstove Breidvatn setjast til kr. 50. Det må gjevast melding/søkjast kommunen ved endring av vegavgiftene. TILRÅDING Delegasjonssakene blir teke til etterretning slik dei ligg føre.

5 Hjartdal kommune Styre, råd, utval Møtedato Saknummer Sakshandsamar Utval for næring og teknikk /10 HH Saksansvarleg: Harald Helliksen Arkiv: K2-K01 Arkivnr.: 09/1050 SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE Dokument i saka: Nr T Dok.dato Avsendar/Mottakar Tittel 1 I Svein Arvid Tørre SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE 3 I Toralf Hjartsjø KLAGE PÅ SAK NR. 017/10 4 U Toralf Hjartsjø KLAGE PÅ VEDTAK I SAK NR. 017/10 I UTVAL FOR NÆRING OG TEKNIKK 5 I Synnøve Lonar MERKNADER TIL SAK 017/10 I UTVAL FOR NÆRING OG TEKNIKK DAT I Svein A. Tørre og Synnøve Lonar AVTALE

6 Vedlagde dokument: Ingen. Aktuelle lover, forskrifter, avtaler m.m.: Lov om motorferdsel i utmark og vassdrag. Saksgang: Utval for næring og teknikk avgjer saka. Bakgrunn for saka: Svein Arvid Tørre søkjer om løyve til å bruke ein ATV i samband med tilsyn og sanking av sau på utmarksbeite. Tørre leiger hytte og utmarksbeite av Synnøve Lonar, eigar av gnr. 58, bnr. 6 og 7. Eigedomen omfattar Hågåvasstulen med utmark, eit areal på ca dekar. Søknaden gjeld køyring på traktorvegen frå Tippen v/mydalen kraftstasjon og inn til Hågåvasstulen. Det er snakk om køyring i samband med vedlikehald av hytta, oppsetting/vedlikehald av sankekve, utsetting av saltsteinar, tilsyn og sanking av sau. Tørre reknar med å ha om lag 100 sauar i området i år. Søkjaren bur i Bø, og han ser det då som ein fordel å kunne disponere ei hytte på staden i samband med saudrifta. Vurdering: I følgje 3 i lova om motorferdsle i utmark, er motorferdsle ikkje lovleg med mindre anna følgjer av denne lova eller vedtak med heimel i lova. Veg i utmark som ikkje er laga for køyring med bil, er i lova å rekne som utmark. Motorferdsle i samband med nødvendig person- og godstransport i jordbruks- og skogbruksnæring kan skje utan hinder av 3. Spørsmålet i denne saka er om køyringa det er søkt om, kan reknast som nødvendig. Me forstår det slik at søkjaren ikkje har høve til å setje opp sankekve ved Tippen, men at dette må plasserast på gnr. 58, bnr. 6 og 7. Ein må over annan eigedom for å koma dit. I denne saka meiner me at det bør kunne gjevast løyve til køyring slik det er søkt om. Det vil gjera det lettare å drive med sau i området. Det er snakk om reell næringsverksemd av eit visst omfang og med inntektsmessig betyding. Løyve må berre gjelde i samband med saudrifta. Det er ikkje lov å nytte ATV utanom traktorvegen. Det er ikkje grunnlag for å gje løyve til rein fritidsskøyring i samband med bruk av hytta. Ein gjer elles merksam på at lova om motorferdsle ( 10) ikkje innskrenkar den retten grunneigar og brukar har etter gjeldande reglar til å forby eller avgrense motorferdsle på eigedomen sin. RÅDMANNEN TILRÅR: Hjartdal kommune gjev Svein Arvid Tørre løyve til køyring med ATV på traktorvegen frå Tippen i Mydalen og til Hågåvasstulen. Løyvet gjeld berre køyring i samband med saudrift i området. Køyring i samband med bruk av hytte ved Hågåvasstulen til fritidsføremål tillatast ikkje. Søkjaren må leggje fram for kommunen leigekontrakt med eigar av gnr. 58, bnr. 6 og 7. Løyvet gjeld så lenge søkjaren har avtale med Synnøve Lonar om leige av gnr. 58 bnr. 6 og 7 til saudrift/saubeite.

7 Utval for næring og teknikk NOT-017/10 VEDTAK: Hjartdal kommune gjev Svein Arvid Tørre løyve til køyring med ATV på traktorvegen frå Tippen i Mydalen og til Hågåvasstulen. Løyvet gjeld berre køyring i samband med saudrift i området. Køyring i samband med bruk av hytte ved Hågåvasstulen til fritidsføremål tillatast ikkje. Søkjaren må leggje fram for kommunen leigekontrakt med eigar av gnr. 58, bnr. 6 og 7. Løyvet gjeld så lenge søkjaren har avtale med Synnøve Lonar om leige av gnr. 58 bnr. 6 og 7 til saudrift/saubeite. Vedtaket var samrøystes. Vedtaket kan påklagast. Klagefristen er 3 veker frå søkjar er gjort kjend med vedtaket. Ei eventuell klage stilast Fylkesmannen i Telemark, men sendast om Hjartdal kommune. NYE OPPLYSNINGAR I SAKA Saksutgreiing: I brev dagsett klagar Toralf Hjartsjø på vedtaket i sak NOT-017/10. Hjartsjø er eigar av Hogstul, gnr. 87, bnr. 1. Han skriv at fyrste delen av den aktuelle vegen, ca m, går over eigedomen hans. Han spør om kva for heimel Hjartdal kommune nyttar for å utstede løyve til Svein Arvid Tørre. Han visar og til 10 i lova om motorferdsle i utmark, samt til Hjartdal kommune sitt regelverk vedkomande køyring med snøskuter. Det visast elles til klaga som er lagt ved saka. Synnøve Lonar har i brev av kome med kommentarar til NOT-sak 017/10. Ho skriv at vegen frå Tippen til Huk ikkje er ein traktorveg, men ein bilveg som har vore nytta av gbnr. 87/1, Skagerak Energi og eigedomen hennar. Ho skriv at inngått avtale med Toralf Hjartsjå gjeld ei forlenging på ca. 150 meter av vegen frå Huk og til hennar eigedomsgrense. Brevet frå Synnøve Lonar er lagt ved saka. Vurdering: I følgje skogsvegarkivet i kommunen er vegen Mydalen-Huk bygd som skogsbilveg med lengde meter. Vegen var ferdig i Interessentar var Lars Lonar, Olav Tork. Lonar, Jon Lonar og Gregar Hogstul. Skogsbilveg reknast ikkje som utmark. Eventuell usemje om status eller andre forhold som gjeld denne vegen, er private forhold som grunneigarane i området må avklare seg imellom. Hjartdal kommune handsamar saka etter lov og forskrift om motorferdsle i utmark. Som nemnt ovanfor, er motorferdsle i utmark ikkje tillete med mindre anna følgjer av lova eller vedtak med heimel i lova. I følgje 4 c) i lova kan nødvendig person- og godstransport i jordbruks- og skogbruksnæring skje utan løyve. Det må dreie seg om reell næringsmessig verksemd. Verksemda må ha eit visst omfang og ha noko å seie inntektsmessig. Dette er tilfelle her. Løyve har dermed direkte heimel i lova.

8 I forhold til regelverket om motorferdsle i utmark er det i denne saka ikkje sett som vilkår for å gje løyve, at det ligg føre samtykke frå grunneigar for kryssing av eigedom. Me gjer igjen merksam på 10 i lova om motorferdsle som seier at lova ikkje innskrenkar den retten grunneigar og brukar har etter gjeldande rettsreglar til å forby og avgrense motorferdsle i utmark på eigedomen sin. Grunneigar kan med andre ord nekte ferdsle i utmark over eigedomen sin sjølv om det er gjeve løyve etter regelverket om motorferdsle. RÅDMANNEN TILRÅR: Hjartdal kommune visar til vurderingane ovanfor og tek ikkje til følgje klage frå Toralf Hjartsjø på vedtak i sak NOT-017/10. Saka sendast Fylkesmannen i Telemark for endeleg avgjerd.

9 Hjartdal kommune Styre, råd, utval Møtedato Saknummer Sakshandsamar Utval for næring og teknikk /10 HH Saksansvarleg: Harald Helliksen Arkiv: GBNR- 4/2 Arkivnr.: 10/484 HELGE HOVDEJORD - SØKNAD OM DELING AV GRUNNEIGEDOM Dokument i saka: Nr T Dok.dato Avsendar/Mottakar Tittel 1 I Helge Hovdejord SØKNAD OM DELING AV GRUNNEIGEDOM, KART OG KVITTERING FOR NABOVARSEL Vedlagde dokument: Kart i målestokk 1:5000. Aktuelle lover, forskrifter, avtaler m.m.: Jordlova 12, deling av landbrukseigedom. Saksgang: Utval for næring og teknikk avgjer saka. Bakgrunn for saka: Helge Hovdejord søkjer om deling av eigedomen Guthus, gnr. 4, bnr. 2. I følgje søknaden er det snakk om ei tomt som skal brukast til samdriftsfjos med mjølkekyr som hovuddrift. Arealet på tomta er oppgjeve til 4-5 dekar. På økonomisk kartverk er arealet vist som skog med middels bonitet. Kart i målestokk 1:1000 vedlagd søknaden visar kvar tomta skal liggje. Gnr. 4 bnr. 2 har etter jordregisteret eit totalareal på ca dekar, fordelt på 28 dekar jordbruksareal, 259 dekar produktiv skog og dekar uproduktivt areal. Tomta, og området rundt, ligg i følgje arealdelen til gjeldande kommuneplan i landbruks-, naturog friluftsområde. Vurdering: Ved etablering av samdriftsfjos er det naturleg å opprette eiga tomt for fjoset. Det er då viktig at denne tomta plasserast slik at ho ikkje medfører drifts- eller miljømessige ulemper for landbrukseigedomen gnr. 4, bnr. 2 eller for landbruket elles i området. Ein skal og taka omsyn til kulturlandskapet.

10 Etter vår meining er den aktuelle tomta lagt slik at omsyna over blir tekne vare på. Me finn det difor forsvarleg å godkjenne delinga etter jordlova. Ein gjer merksam på at delinga og krev godkjenning etter plan- og bygningslova. RÅDMANNEN TILRÅR: Hjartdal kommune visar til vurderingane over og gjev med heimel i 12 i jordlova løyve til å dele ei tomt med areal inntil 5 dekar frå eigedomen Guthus, gnr. 4, bnr. 2. Tomta skal nyttast til samdriftsfjos og liggje som vist på kart i målestokk 1:1000 vedlagd søknaden.

11 Hjartdal kommune Styre, råd, utval Møtedato Saknummer Sakshandsamar Utval for næring og teknikk /10 HH Saksansvarleg: Harald Helliksen Arkiv: GBNR- 21/4 Arkivnr.: 10/352 JOAR LOFTHUS - SØKNAD OM DELING AV GRUNNEIGEDOM, GNR. 21/4 - HYTTETOMT FOR ANLAUG LOFTHUS Dokument i saka: Nr T Dok.dato Avsendar/Mottakar Tittel 1 I Joar Lofthus JOAR LOFTHUS - SØKNAD OM DELING AV GRUNNEIGEDOM, GNR. 21/4 - HYTTETOMT FOR ANLAUG LOFTHUS 2 I Joar Lofthus OPPLYSNING OM VEGRETT 3 I Joar Lofthus KARTOVERSIKT 4 I Joar Lofthus UTSKRIFT FRÅ GRUNNBOKEN Vedlagde dokument: Dokument nr. 3. Aktuelle lover, forskrifter, avtaler m.m.: Jordlova 12, deling av landbrukseigedom. Saksgang: Utval for næring og teknikk avgjer saka. Bakgrunn for saka: Joar Lofthus søkjer ved brev av om løyve til deling av eigedomen Su-Lofthus, gnr. 21, bnr. 4. Søknaden gjeld ei hyttetomt med areal inntil 1 dekar. Tomta ligg ved Lyngåsen og er vist på kart vedlagd søknaden. Det er syster av far til søkjaren som skal ha tomta. Dette er del av eit arveoppgjer. Tomta ligg i område for planlagde fritidsbustader i gjeldande kommuneplan. I følgje søknaden er det i området 2 hyttetomter og eiga hytte frå før. Den aktuelle tomta og området ikring er lågog uproduktiv skogsmark. Vurdering:

12 Landbrukseigedom kan ikkje delast utan samtykke frå kommunen. Løyve til deling kan gjevast dersom samfunnsinteresser av stor vekt talar for det, eller deling er forsvarleg ut frå omsynet til avkastninga eigedomen kan gje. Det skal og takast omsyn til om deling kan føre til drifts- eller miljømessige ulemper for landbruket i området. Ein finn den omsøkte delinga forsvarleg ut frå omsynet til avkastninga eigedomen kan gje. Det er og lite truleg at drifts- eller miljømessige ulemper for landbruket vil oppstå. Ein gjer merksam på at søknaden og krev godkjenning etter plan- og bygningslova. RÅDMANNEN TILRÅR: Hjartdal kommune visar til vurderingane over og gjev med heimel i jordlova løyve til deling av eigedomen Su-Lofthus, gnr. 21, bnr. 4, slik det er søkt om.

13 Hjartdal kommune Styre, råd, utval Møtedato Saknummer Sakshandsamar Utval for næring og teknikk /10 BR Formannskapet /10 BR Saksansvarleg: Bjørn Rugaas Arkiv: K2-U00 Arkivnr.: 10/224 STRATEGISK NÆRINGSPLAN FOR HJARTDAL KOMMUNE Dokument i saka: Nr T Dok.dato Avsendar/Mottakar Tittel 1 I Næringsteamet v/bjørn Rugaas STRATEGISK NÆRINGSPLAN FOR HJARTDAL KOMMUNE I Styret i Sauland Bygdekraft SA STRATEGISK NÆRINGSPLAN - NÆRINGSUTVIKLING I HJARTDAL KOMMUNE 3 I Kulturlandskapsgrup UTTALE I HØVE TIL NÆRINGSPLAN pa v/olav S. Nordbø 4 I Sauland Bygdelag v/jan Erik Innvær HØRINGSUTTALE - STRATGISK NÆRINGSPLAN 5 I Næringslaget Tuddal Utvikling HØRINGSUTTALE STRATEGISK NÆRINGSPLAN 6 U Mottakere jfr. liste LISTE OVER MOTTAKERE AV NÆRINGSPLAN I TUDDAL,SAULAND OG HJARTDAL 7 I Hjartdal Produsentlag UTTALE TIL NY STRATEGISK NÆRINGSPLAN FOR HJARTDAL 9 I xxx GÅR UT Vedlagde dokument: Dokument nr. 1 Aktuelle lover, forskrifter, avtaler m.m.: Kommunelova

14 Saksgang: Formannskapet tilrår i møte Utval for Næring og teknikk tilrår i møte Kommunestyret vedtek i møte Bakgrunn for saka: Kommunen har utarbeidd Strategisk Næringsplan SNP og Handlingsplan Denne leggjast no fram til politisk handsaming. Plandokumentet er utarbeidd av ei administrativt samansett arbeidsgruppe. Del 1, den langsiktige, generelle delen, har vore drøfta i opne møter i alle tre bygdene vinteren Del 2, Handlingsplandelen for er utarbeidd på grunnlag av innspel frå desse møta, og etter innspel i høyringsrunden. Vurdering: SNP-Prosessen Næringsteamet hadde møte , der vi gjekk gjennom innspel til framlegg til SNP. Det var sett frist for høyringsrunden til Innkomne kommentarar og innspel: - Hanfoss Kraftverk BA v. Olav T. Mosebø - Sauland Bygdekraft SA v. Olav T. Mosebø (leiar) - Næringslaget Tuddal Utvikling v.torunn Hovde Kaasa - Sauland Bygdelag v. Jan Erik Innvær - Hjartdal Produsentlag v. Per Bjerke - Kulturlandskapsgruppa v. Olav S. Nordbø I tillegg har det vore arrangert opne bygdemøter i Tuddal, Sauland og Hjartdal i januar/februar 2010, der den generelle delen av SNP har vore formidla, samt at det vart invitert til innspel til handlingsplandelen i desse møta. Bygdemøta hadde i alle tre bygdene mellom tjue og tretti oppmøtte. Det er også gjennomført eige møte med Hjartdal Bonde- og Småbrukarlag. Næringsteamet vil på grunnlag av dette oppfatte prosessen rundt arbeidet med SNP som open og demokratisk. I vårt framlegg legg vi i tillegg opp til at handlingsplanen skal ha ein årleg rullering. På denne måten meiner vi plandokumentet skal kunne vere eit fleksibelt og oppdatert verktøy som hjelper oss å styre kommunen sitt arbeid på dette viktige området. Innspela til SNP, vidare handsaming: Nokre av innspela er lagt inn i plandokumentet etter høyringsrunden,og står fram til vedtaksdato i kursiv i planen. Generelt har næringsteamet gjennom høyringsrunden inntrykk av at plandokumentet har fått ein form og eit innhald som fell i smak hos dei som har meldt attende. Samstundes peikar dei fleste på at SNP-framlegget ikkje nemner kraftproduksjon og eventuell utbygging. Fordi ein er inne i ein forhandlingsprosess i samband med kraftutbygging, vil vi gjere framlegg om eit nytt avsnitt i den generelle delen med følgjande tekst: Vasskraft er ein viktig lokal ressurs; mellom anna er det vasskrafta som er grunnlaget for at kommunen har eit næringsfond. Det er viktig at ein i kraftproduksjonen syter for at verdiskapinga i størst mogeleg grad skjer lokalt. Kommunen vil stille seg positiv til etablering av mikro- og småkraftverk. Når det gjeld synspunkt frå Sauland Bygdekraft, Hanfos Kraftverk og andre om val av utbyggingsprofil og andre spørsmål som gjeld m.a. handsaming av konsesjonssøknader ønskjer

15 ikkje planen å ta stilling til dette. Spørsmål vedrørande reguleringsplanar ved mikro- og småkraftverk må avklarast i avdeling for Næring og Utvikling. Kulturlandskapsgruppa i Hjartdal ønskjer meir markert fokus på landbruk generelt og kulturlandskapet særskild, og nemner to konkrete punkt; kulturlandskap som eige punkt under delmål 4 og Kulturlandskapssenteret som ressursinstans. Dei to siste punkta er teke til følgje, og er lagt inn i planen. Sauland Bygdelag trekkjer fram utvikling av Sauland som bustad og som kommunesenter, og ønskjer i tillegg at vassdraget i Sauland gjerast meir synleg. Bygdelaget nemner også kraftutbygging som vekstfaktor. Handlingsplanen s. 3 (delmål 2) punkt 2.5. dekkjer etter vår oppfatning dei fyrste punkta på ein tilfredsstillande måte. Når det gjeld kraftutbygging syner vi til tidlegare nemnde kommentar. Hjartdal Produsentlag etterlyser større vekt på situasjonsbeskrivelse/analyse. Vi nemner i plandokumentet at det skal utarbeidast statistikk og faktainformasjon som leggjast ut på kommunen sine heimesider og oppdaterast fortløpande, og syner difor til dette når det gjeld statusbeskrivande informasjon. Produsentlaget gjev uttrykk for at landbruket har fått for liten plass i planen. Næringsteamet meiner vi har handsama landbruket rettvist i høve til andre næringar, men vil alltid vere lydhøre ovanfor innspel. Vi vil difor gjerne spele på lag også med landbruket ved årleg rullering av handlingsplandelen. Næringslaget Tuddal Utvikling har ei rekkje gode og svært konkrete innspel. Ein del av punkta høyrer meir heime i kommuneplanarbeidet, og vil bli kanalisert dit. Andre punkt meiner vi dekkjast gjennom dei formuleringane som allereie ligg i både generell del og i handlingsplanen. Atter andre punkt vil måtte bli ivareteke gjennom Tuddalsprosjektet frå Bygd til Landsby, der kommunen er medspelar. Innleiingsvis peikar Tuddal Utvikling på at det er sentralt at kommunen utviklar ein modell for kommunens næringsarbeid, som gjer at kommunen kan ta det overordna leiarskapet i den strategiske næringsutviklingen i kommunen. Vi er samde i dette, og meiner at dette er eit tema som først bør utgreiast og konkluderast administrativt. Næringsteamet takkar for nyttige og reflekterte innspel, og håper vi gjennom arbeidet med Strategisk Næringsplan kan lukkast med å lage arenaer for skapande samarbeid mellom næringsdrivande, det private næringslivet sine organisasjonar og kommunen. RÅDMANNEN TILRÅR: Planen vert vedteken slik den ligg føre.

16