SAKSFRAMLEGG. Sakshandsamar: Inger Moe Arkiv: K46 Arkivsaksnr.: 14/1297

Transkript

1 SAKSFRAMLEGG Sakshandsamar: Inger Moe Arkiv: K46 Arkivsaksnr.: 14/1297 Fellingskvotar for hjort i Luster kommune 2014 Rådmannen si tilråding: Talet på løyve fylgjer av minsteareal fastsett i lokal forskrift om jakt på elg, hjort og rådyr, med fylgjande justeringar: Vald i sonene Hafslo/Solvorn, Nes/Luster, Indre Hafslo og på Sørsida skal tildelast eitt løyve pr 375 daa. teljande areal. Vald i sona Skjolden/Fortun skal tildelast eitt løyve pr 550 daa. teljande areal. Forskriftsfesta minsteareal, 750 daa., skal ikkje fråvikast i sonene Jostedal, Gaupne og Veitastrond. I medhald av Forskrift om forvaltning av hjortevilt, 21, skal løyva tildelast etter prinsippet om målretta avskyting. For 2013 gjeld fylgjande fordeling: Kalv: 30 % Spissbukk: 12,5 % Vaksen 12,5 % bukk: Hodyr: 45 % Med heimel i Forskrift om forvaltning av hjortevilt, 25 om rapportplikt, vert valda pålagde å fylla ut skjemaet Sett hjort og senda til kommunen seinast 14 dagar etter jaktslutt.

2 Saksutgreiing: Prenta vedlegg: Uprenta vedlegg:forskrift om opning for jakt og minsteareal for elg, hjort og rådyr, Luster kommune, Sogn og Fjordane av nr. 426 Forskrift om forvaltning av hjortevilt av 10. februar 2012 nr. 134 Forskrift om jakt- og fangsttider, av 01. mars 2012 nr. 190 Lov om jakt og fangst av vilt (viltlova) av 29. mai 1981 nr. 38 Samandrag: Rådmannen ser det som positivt at hjortestamma ikkje lenger er i vekst, og legg opp til ei avskyting som minst skal tilsvara tilveksten i Forvaltningsstrategien frå dei siste åra vert i all hovudsak føreslegen vidareført. Vald i sonene Veitastrond, Jostedal og Gaupne får då eitt løyve pr 750 daa. teljande areal, som er minstearealet i Luster kommune. For vald i sona Skjolden/Fortun vert det føreslege eitt løyve pr. 550 daa., og for Nes/Luster, Hafslo/Solvorn og Indre Hafslo 375 daa pr. løyve. I 2014 vert det tilrådd at arealkravet på Sørsida vert justert frå 550 daa. til 375 daa., dette for å leggja til rette for auka uttak av dyr som gjer skade i frukthagar. Fordelinga med 30 % kalv, 45 % vaksne hodyr og 25 % hanndyr vil oppretthalda den gode kjønnsfordelinga, men fordelinga spissbukk/bukk bør justerast slik at det vert tildelt like mange av kvar. Utval som har vedtaksmynde: Plan- og forvaltningsstyret i Luster kommune Mynde til utvalet er gjeve i k-sak 26/12. Fakta: Lovgrunnlag og føringar Dei to nasjonale forskriftene som regulerer jakt på hjortevilt kom i revidert utgåve i Det gjeld Forskrift om jakt- og fangsttider, og Forskrift om forvaltning av hjortevilt, begge heimla i viltlova av Arealet som skal liggja til grunn for godkjenning av nye vald og for løyvetildelinga, er fastsett i Forskrift om opning for jakt og minsteareal for elg, hjort og rådyr, Luster kommune, Sogn og Fjordane av nr Minstearealet i heile Luster kommune er 750 daa. Med heimel i hjorteviltforskrifta 9 kan kommunen fråvika minstearealet med inntil 50 % i samband med løyvetildelingar. Minsteareal Store deler av Luster kommune er marginale som leveområde for hjorten, ettersom han ikkje er tilpassa vesentleg kulde og mykje snø. Når me samanliknar oss med andre kommunar bør me leggja til grunn at det naturleg skal vera noko mindre hjort hjå oss enn i meir kystnære strok. Også lokalt ser me at hjorten føretrekk fjordnære lier framfor bredalane, og dette bør takast omsyn til i forvaltninga. Dermed er det ikkje naturleg å tildela eitt løyve pr 750 daa jamt i alle dei 88 hjortevalda. Dei siste åra har arealkravet vore justert ned til 550 daa. pr. løyve for alle vald i sonene Fortun/Skjolden og på Sørsida av Lustrafjorden. Vidare har det vore tildelt eitt løyve pr. 375 daa. i Hafslo/Solvorn, Indre Hafslo og Nes/Luster. Hjortevald i Gaupne, Jostedal og på Veitastrond har ikkje hatt tilstrekkeleg hjortetettleik til at det har vore aktuelt å fråvika minstearealet.

3 Utviklingstrekk Figur 1. Utviklinga i jaktuttaket i Luster (tal felte dyr). I 2013 vart det felt 477 dyr, mot toppåret 2010 med 514. Figur 1 framstiller utviklinga i talet på felte dyr sidan 1986 (SSB). I dei seinare åra har ein freista å stimulera til auka uttak for å stagga veksten i stammen, kvotene har difor vore så romslege at dei ikkje har vore nokon vesentleg avgrensande faktor. Berre 11 vald brukte alle sine løyve i Alle jegrane har nytta sett-hjort-skjema til å rapportera om dyr dei har observert under jakta. Med 2013-sesongen har ein sett-hjort-data frå eit heilt tiår, som gjev ein god peikepinn på korleis den levande stamma har utvikla seg både i storleik og kjønns- og alderssamansetjing. Når det gjeld storleiken på stamma er biletet frå sett-hjort-statistikken svært likt fellingsresultata (fig 1). Ein ser ein tydeleg vekst i hjortestamma fram til 2008, men dei siste åra er vanskelegare å tolka. Enkelte vil hevda at stamma nådde ein topp i 2010 og no er på tilbaketur, andre vil meina at me har ei hjortestamme som er i ferd med å stabilisera seg. Trenden er den same på heile Vestlandet. Kjønns- og alderssamansetjinga: I 2013 vart det observert 1,41 koller per bukk i Luster. Dette er noko under fylkessnittet (1,66). Låg kolle/bukk-rate gjev ein låg årleg tilvekst. Ekstra uttak av produksjonsdyr, slik det har vore gjort i Luster, er fyrst og fremst aktuelt når ein ser at det ikkje er potensiale for å auka jakttrykket tilstrekkeleg til å balansera kalveproduksjonen, og ein ynskjer å redusera stammen. Kalveproduksjonen i Luster er på 0,66 kalvar pr. kolle, om lag som i resten av fylket. Jakttrykket på vaksen bukk er aukande, samstundes som sett-hjort-registreringane (spissbukk/bukk-rate) tyder på at det er mykje spissbukk tilgjengeleg. Avskytinga i hanndyrsegmentet kan difor dreiast over mot meir spissbukk og mindre vaksen bukk. Omstrukturering av forvaltninga Prosjektet «Forvaltning av hjortebestand » er i gang, og Luster kommune deltek med forventning om at etableringa av bestandsplanområde med grunneigarstyre vert

4 gjennomført i prosjektet. Forvaltningsmodellen kom med den nye hjorteviltforskrifta, og har to føremål: Meir grunneigarstyre, og meir bestandsretta forvaltning. Beiteskade Kommunen har fått tilbakemelding frå to fruktdyrkarar på Ornes som er plaga med beiteskader. Vurdering: Fellingskvotar, minsteareal og kjønns- og aldersfordeling Rådmannen ser positivt på at veksten i stamma no ser ut til å ha flata ut, og meiner det er gode faglege argument for å leggja opp til eit jaktuttak som minst tilsvarer tilveksten i Ein moderat nedgang i hjortetettleiken ville vera gunstig både for kondisjonen til dyra og i høve beiteskader på eng, skog og særleg frukthagar. Den uvanleg gunstige vinteren med milde temperaturar og lite snø i låglandet, saman med ein svært tidleg vår, gjev grunnlag for å venta seg at mange, også av dei yngste kollene, vil bera fram sterke kalvar i år. Kvotene dei siste fem åra har vore fordelte mellom 45 % koller, 30 % kalvar og 25 % bukk. Fordelinga har gjeve oss ei gunstig kjønnssamansetjing i den levande stammen, med 1,4 koller per bukk. Dersom jaktuttaket hadde fordelt seg slik som kvotene ville kjønnsfordelinga i stammen gradvis vorte meir utjamna, men fordi jakttrykket er relativt hardare på bukk, skjer det motsette. Ved å dreia uttaket litt over frå vaksen bukk til spissbukk, vil ein betre bevara den gode kjønnsbalansen, og samstundes ta vare på fleire av dei viktige avlsbukkane. Rådmannen tilrår difor at bukkeløyva for 2014 vert likt fordelt mellom spissbukk og vaksen bukk, 12,5% på kvar. Det er snakk om ei nokså beskjeden justering. Justeringa av minstearealet i dei delene av kommunen som har høgst dyretettleik er ei tilpassing som fungerer godt. På grunnlag av klage frå fruktdyrkarar, vert det føreslege å justera ned minstearealet på Sørsida. Med dette legg kommunen til rette for auka uttak i jakta, slik at ein unngår å måtta fella skadedyr i den tida hjorten er freda. Tiltaket vert understøtta av at Sørsida er den sona i kommunen med høgst fellingsprosent. Vurdering etter naturmangfaldlova Miljørettsprinsippa i naturmangfaldlova 8-12 skal leggjast til grunn ved all utøving av offentleg mynde, jf. 7. Miljørettsprinsippa er vurderte slik i denne saka: 8 om kunnskapsgrunnlaget: Den viktigaste reiskapen for å skaffa kunnskap om vår eigen hjortestamme er sett-hjort-registreringane. Talmaterialet frå desse er langt større, meir dekkande og meir robust enn nokon annan teljemetode. Fagleg oppdatering får administrasjonen frå mellom anna det årlege nasjonale hjorteseminaret, fylkesvise samlingar, hjortesenteret på Svanøy, nettsider slik som hjortevilt.no, samt deltaking i prosjekt. 9 om føre-var-prinsippet: Risikoen for uventa negative konsekvensar for hjorten eller for artar som hjorten påverkar, vert vurdert å vera liten. 10 om økosystemtilnærming og samla belastning. Når ein legg til grunn ei forventning om at stamma ikkje skal veksa, vil venteleg den samla belastninga på økosystemet verta uendra eller redusert. Jakta er den viktigaste regulerande mekanismen for hjort. 11 om kostnader ved at miljøet taper seg skal berast av tiltakshavar. Punktet vert vurdert å ikkje vera relevant i denne saka. 12 om miljøforsvarlege teknikkar og driftsmetodar: Den praktiske gjennomføringa av jakta er ikkje tema i denne saka. Dato: Jarle Skartun Steinulf Skjerdal rådmann landbrukssjef Særutskrift skal sendast: m/kopi til: Valdleiarane

5