MØTEINNKALLING. Vi ber om at forfall vert meldt til servicekontoret/utvalssekretær på telefon

Transkript

1 VOLDA KOMMUNE Utvalg: Formannskapet Møtestad: Møterom A, Volda rådhus Dato: Tid: 14:00 MØTEINNKALLING Medlemar som er ugilde i ei sak vert bedne om å gje melding, slik at varamedlemar kan bli kalla inn. Jf. 8, 3. ledd i forvaltningslova. Vi ber om at forfall vert meldt til servicekontoret/utvalssekretær på telefon Varamedlemar får saksdokumenta førebels berre til orientering. Dei får særskilt melding når dei skal møte. B- saker er underlagt teieplikt og er unnatekne offentleg innsyn. Møtet er ope for publikum, med unnatak når b-saker vert handsama. Saksdokumenta er lagt ut til gjennomsyn på servicekontoret til møtet vert halde. Side 1

2 VOLDA KOMMUNE SAKLISTE Saksnr. PS 163/12 PS 164/12 PS 165/12 PS 166/12 PS 167/12 Sak Godkjenning av innkalling og sakliste Godkjenning av møteprotokoll frå forrige møte Framlegg til planstrategi - ut til høyring Samarbeid med Høgskulen i Volda Økonomisk støtte til Sunnmøre Kammermusikkfestival 2012 Side 2

3 PS 163/12 Godkjenning av innkalling og sakliste PS 164/12 Godkjenning av møteprotokoll frå forrige møte Side 3

4 VOLDA KOMMUNE SAKSDOKUMENT Sakshandsamar: Hanna Spilling Arkivsak nr.: 2012/364 Arkivkode: 141 Utvalsaksnr Utval Møtedato 165/12 Formannskapet FRAMLEGG TIL PLANSTRATEGI - TIL HØYRING Administrasjonen si tilråding: Framlegg til Kommunal planstrategi for Volda kommune , med vedlegg, vert lagt ut til høyring i ei periode på tre veker. Vedleggsliste: 1) Framlegg til Kommunal planstrategi for Volda kommune , datert , med vedlegg. Uprenta saksvedlegg: 1) Vedlegg til Utfordringsnotat datert Samandrag av saka: Saka gjeld arbeidet med Kommunal planstrategi for Volda kommune. Det faste planutvalet gjorde i sak 58/10 den vedtak om oppstart av Kommunal planstrategi Det er utarbeidd eit Utfordringsnotat som peikar på utviklingstrekk og utfordringar for Volda. I mai 2012 vart det halde ein arbeidsverkstad der Utfordringsnotatet fungerte som grunnlagsdokument for arbeidet i verkstaden. Deltakarane representerte eit bredt spekter av Volda sine innbyggarar. I verkstaden var det trekt fram hovudutfordringar kommunen bør gripe fatt i dei neste åra dersom Voldasamfunnet skal ha ei positiv utvikling. Hovudutfordringane frå verkstaden dannar grunnlaget for prioriteringa i planstrategien. Side 4

5 Prosess med formannskapet. August ( ) var det helde eit drøftingsmøte der strukturering av det kommunale plansystem og prioritering av dei kommunale planane vart drøfta. Det er ikkje krav om at kommunal planstrategi skal leggast ut til høyring, men for å sikre medverknad og forankring av arbeidet ynskjer rådmann ei slik høyring. Høyring blir gjennomført i ei periode på tre veker. Forslag til planstrategi og underliggande dokumenter vil samtidig vert sendt fylkesmannen, fylkeskommune, andre aktuelle høyringsinstansar nabokommunane Ørsta og Hornindal, til avdelingsleiarane og blir annonsert i Møre og på kommunen si heimeside. I tillegg vil dei ulike grupper, som var representert i arbeidsverkstaden, få informasjon, pr. e-post, om kor dei kan finne forslag til planstrategien. Etter høyringsperiode vil utkast bli fullført og lagt fram for formannskapet før det vert kunngjort i minst 30 dagar før kommunal planstrategi for Volda kommune skal til kommunestyret for eigengodkjenning. Vurdering og konklusjon: Det er ikkje krav om at kommunal planstrategi skal leggast ut til høyring, men for å sikre medverknad og forankring av arbeidet ynskjer rådmann å legge ut utkast på høyring ei tre vekers periode. Utkastet vert å sende til fylkesmannen, fylkeskommune, nabokommunane Ørsta og Hornindal, til avdelingsleiarane, samt annonsert i Møre og heimesida. Utkast vil også verte å finne på kommunen si side i høyringsperioden. Helse og miljøkonsekvensar: Økonomiske konsekvensar: Beredskapsmessige konsekvensar: Rune Sjurgard rådmann Utskrift av endeleg vedtak: Klageinstans: Side 5

6 KOMMUNAL PLANSTRATEGI FOR VOLDA KOMMUNE Forslag til planstrategi Kommunal planstrategi er ei prioritering av Volda kommune sitt planarbeid dei næraste åra. Side 6

7 Kommunal planstrategi for Volda kommune Kommunal planstrategi for Volda kommune STRATEGIDOKUMENT Innhold 1. BAKGRUNN Kommunal planstrategi pbl Fokus i planstrategien Prosess og medverknad Planhierarki Plansystemet i kommunen Plan- og bygningslova (pbl) Definisjonar NASJONALE REGIONALE FØRINGAR OG FORVENTNINGAR Nasjonale forventningar til regional og kommunal planlegging Regionale forventningar HOVUDUTFORDRINGAR OG UTVIKLINGSTREKK FOR VOLDA KOMMUNE Befolkningsutvikling Volda i regional samanheng Arbeid, utdanning og kompetanse Arealforvaltning Samfunnsikkerheit, miljø, klima og energi Folkehelse/Levekår Idrett, friluftsliv og kultur Barn og Unge Kommunen som organisasjon og tenesteutøvar Kommuneøkonomi PLANSTATUS OG PLANEVALUERING Dagens kommunale plansystem Eksisterande planar Nye planer under arbeid Behov for/forslag til nye planer, ikkje oppstarta Forslag til revidert plansystem Side 1 Side 7

8 Kommunal planstrategi for Volda kommune PRIORITERINGAR OG STRATEGI Planlegging i Volda kommune Plan og økonomi/ressursar Interkommunalt plansamarbeid Planstrategi - Handlingsprogram Vedlegg til planstrategi BAKGRUNN 1.1 Kommunal planstrategi pbl Kommunal planstrategi er eit nytt verkty i plan- og bygningslova (PBL) og skal utarbeidast og vedtas kvar valperiode, seinast eit år etter at kommunestyret er konstituert. Planstrategien skal vere eit hjelpemiddel for kommunestyret til å avklare dei planoppgåver Volda kommune skal prioritere i valperioden for å møte kommunen sine behov. Planstrategien er ikkje ein plan og er følgjeleg ikkje ein arena for å vedta mål og strategiar, men ein arena til å drøfte utviklingstrekk og utfordringar i Volda som samfunn og organisasjon. Planstrategien skal vurdere planbehovet i kommunestyreperioden og skal vere retningsgivande for Volda sine planoppgåver. Planstrategien er ikkje juridisk bindande og kan ved behov endrast innanfor kommunestyreperioden. (MD s veileder Kommunal planstrategi, s 6) Målsetningar for arbeidet med kommunal planstrategi: Prosessen med utarbeiding av planstrategien skal bidra til auka politisk innsikt, forankring og kontroll med dei planoppgåver som skal gjennomførast. Tydeleggjere politisk innsats og retning. Avklare kva planoppgåver kommunen bør starte opp eller vidareføre for å legge til rette for ei ønskt utvikling i kommunen. Egna verkty for å vurdere kommunen sitt plansystem, planressursar og samla planbehov i valperioden knytt til kommunedelplanar og tema- og sektor(fag) planar. Viktig arena for å drøfte og avklare behov for interkommunal planlegging, både innanfor arealplanlegging og tenesteyting. Grunnlag for oppgåveprioriteringar i det årlege budsjett- og økonomiplanarbeidet. 1.2 Fokus i planstrategien Kommunestyret i Volda, med bakgrunn i Utfordringsnotatet og arbeidsverkstad den. 24 mai 2012, vil i planstrategien fokusere på seks hovudtema som det kommunale planarbeidet bør prioriterast og organiserast etter. Økonomi økonomiske rammer, berekraftig utvikling Areal sentrumsutvikling, næringsareal (Furene og Rotset), variert busetnad og bustadtomter, klyngeutvikling på bygdene Side 2 Side 8

9 Kommunal planstrategi for Volda kommune Tenester kvalitet, leiing og struktur, kapasitet, samordning, rekruttering samt behalde arbeidskraft Volda i regionen regionalt funksjonsknutepunkt, samferdsel, komplementær arbeidsmarknad, vertskommune, kompetanse- og kultursenter, samarbeid og samhandling Helse Helse i alt vi gjer, førebyggjande arbeid Omdøme frampeike Volda, livskvalitet, trivsel, kultur, idrett, friluftsliv I tillegg vil samfunnsikkerheit og beredskap i kommunen vere eit viktig område som må prioriterast i denne perioden. 1.3 Prosess og medverknad Det er utarbeidd eit Utfordringsnotat som peikar på utviklingstrekk og utfordringar for Volda. Rådmann, avdelingsleiarane, Råd for funksjonshemma, Eldrerådet, Barnerepresentant, Ungdomsrådet, Folkehelsekoordinator, Kommuneoverlege og fleire i administrasjonen har hatt utfordringsnotatet til høyring og supplert med tekst og kvalitetssikra innhald. Avdelingsleiarane har i tillegg utarbeid kvart sitt innspel der dei har peika på, strategiar, nye utviklingstrekk, endra føresetnader og hovudutfordringar innanfor dei ulike avdelingane. Dette ligg ved som vedlegg til Utfordringsnotatet. I mai 2012 vart det halde ein arbeidsverkstad der Utfordringsnotatet fungerte som grunnlagsdokument for arbeidet i verkstaden. Kommunestyret, avdelingsleiarar, representantar frå ulike fagmiljø og grupper var invitert. Det møtte om lag 70 til verkstaden. Deltakarane representerte eit breidt spekter av Volda sine innbyggarar. I verkstaden var det trekt fram hovudutfordringar kommunen bør gripe fatt i dei neste åra dersom Voldasamfunnet skal ha ei positiv utvikling. Hovudutfordringane frå verkstaden dannar grunnlaget for prioriteringa i planstrategien. Prosess med formannskapet. August ( ) var det helde eit arbeidsmøte der strukturering av det kommunale plansystem og der prioritering av dei kommunale planane vart drøfta. Planstrategien er lagt ut på høyring i perioden xx-xx xx-xx på kommunen si heimeside. Dette vart annonsert i lokal avis, på heimesida og på facebook. Endeleg framlegg til planstrategi vart kunngjort xx.xx. (30 dagar før godkjent i Kommunestyret) Planstrategi til kommunestyret for eigengodkjenning den. Xx.xx.xx (sak xx/xx) (tek sikte på K-møte den ) Side 3 Side 9

10 Kommunal planstrategi for Volda kommune Planhierarki (illustrasjon henta frå MD si vegledar til kommunal planstrategi) 1.5 Plansystemet i kommunen Det er samordnings- og utviklingsstaben ved planseksjonen som har det overordna ansvaret for planlegginga i kommunen. Planseksjonen har ansvaret for kommuneplanen sin samfunnsdel og arealdel, områderetta kommunedelplanar og kommunedelplan for fysisk aktivitet og anlegg for idrett, friluftsliv og nærmiljø. Seksjonen har også ansvar for utarbeiding av kommunale reguleringsplanar og oppfølging og handsaming av private reguleringsplanar. Økonomiavdelinga har ansvaret for utarbeiding av økonomiplan, årsbudsjett og årsmelding. Dei andre avdelingane har ansvaret for planar innan eige fagområde. Planseksjonen bidreg med plan- og prosesskompetanse inn i avdelingane sine planprosjekt. Det har til no vore lite heilskapleg tenking bak prioritering av kva planar som vert prioritert oppstarta. Som regel er det dei ulike avdelingane sine behov med grunnlag i lover og statlege føresegner som styrer kva for planprosjekt som vert starta opp. Side 4 Side 10

11 Kommunal planstrategi for Volda kommune Plan- og bygningslova (pbl) Pbl. samverkar med ei rekkje sektorlover, der mynde er fordelt mellom kommunen, fylkeskommunen og ulike statsetatar. Når ikkje anna er bestemt, gjeld pbl. for heile kommunen, også for vassdrag. 1.7 Definisjonar For å klargjere ulike plantypar, som nødvendigvis ikkje er sjølvforklarande, blir desse kort omtala nedanfor Planstrategi Ser på planbehovet og planarbeidet i eit firårig perspektiv. Planar etter pbl., beredskapsplanen og tema/fagplanar, som er politisk handsama, er omfatta av planstrategien. I planstrategien tek ein stilling til om kommuneplanen med samfunnsdel og arealdel skal fullstendig eller delvis reviderast eller om den skal vidareførast som den er. Utviklingstrekk og utfordringar dannar grunnlag for vurderingane. (pbl. 10-1) Perspektiv fire år Kommuneplan Samleomgrep som omfattar samfunnsdel med handlingsdel og arealdel. Det er lovpålagd at kommunane har dette. Kommuneplan skal ivareta både kommunale, regionale og nasjonale mål, interesser og oppgaver, og bør omfatte alle viktige mål og oppgaver i kommunen (pbl. 11-1) Perspektiv 12 år Kommuneplan samfunnsdel Kommuneplanens samfunnsdel skal ta stilling til langsiktige utfordringar, mål og strategiar for kommunesamfunnet som heilskap og kommunen som organisasjon. Den bør innehalde ein omtale og vurdering av alternative strategiar for utvikling i kommunen (pbl. 11-2) Samfunnsdelen gir grunnlag for dei ulike seksjonar sine planar og verksemd i kommunen. Perspektiv 12 år Kommuneplanen sin handlingsdel/handlingsprogram Handlingsprogram for samfunnsdelen som skal vere den fireårige oppfølginga av kommuneplanen. Økonomiplanen kan inngå i handlingsdelen til kommuneplanen. Kommuneplanen sitt handlingsprogram skal reviderast kvart år og vere grunnlag for økonomi og årsbudsjett rulleringa (pbl. 11-3). Perspektiv fire år. Side 5 Side 11

12 Kommunal planstrategi for Volda kommune Kommuneplan arealdel Kommunen skal ha arealplan for hele kommunen som viser samanheng mellom framtidig samfunnsutvikling og arealbruk. Det kan utarbeides arealplaner for deler av kommunens område. Kommuneplanens arealdel skal angi hovedtrekkene i arealdisponering og rammer og betingelser for hvilke nye tiltak og ny arealbruk som kan settes i verk, samt hvilke viktige hensyn som må ivaretas ved disponering av arealene (pbl 11 5) Perspektiv 12 år Kommunedelplan (kdp) Planer for bestemte tema, verksemdsområde eller arealområde. Til dømes Kommunedelplan for trafikktrygging i Volda kommune (tema), Omsorgsplan (verksemdsområde) og Kommunedelplan for Volda sentrum inkludert Mork/Furene og Vikebygda (arealområder). Perspektiv fire år. Kommunedelplanar for tema eller verksemdsområde skal ha ein handlingsdel som skal reviderast årleg. (pbl. 11-4). Perspektiv fire 12år Handlingsdel/Handlingsprogram Skal angi korleis ein kommunedelplan skal følgjast opp. Gir grunnlag for kommunen si prioritering av ressursar, planleggings- og samarbeidsoppgåver samt konkretiserer tiltaka innanfor kommunen sitt økonomiske handlingsrom. Reviderast kvart år og skal ha eit perspektiv på fire år eller meir. Handlingsplanar og økonomiplan/årsbudsjett må samordnast dersom handlingsplan skal ha ein verdi Sektor/tema/fag plan Planar for tema eller sektorar som ikkje er handsama etter pbl. er ikkje juridisk bindande, men politisk bindande.desse planane har ein enklare prosess enn kommunedelplanar og fyl ikkje krav i pbl. til prosess. Planane kan vere utarbeidd for å stette krav frå nye reformer eller for å implementere endringar i organisasjonen. Perspektiv ett år eller meir (ingen øvre grense) Områdereguleringsplan Områdeplan er ein arealplan og vert nytta for dei område i kommuneplanen si arealdel, der det er behov for meir detaljert avklaringar av arealbruken. Ein områdeplan skal fastleggje hovudlinjene for bruken innan eit avgrensa område, t.d. vegliner, næringsområde, bustadområde. Det kan i områdeplanen stillast krav om at det skal utarbeidast detaljplan for området eller den kan vere så detaljert at den kan brukast som direkte grunnlag for bygging. Side 6 Side 12

13 Kommunal planstrategi for Volda kommune Har eit langsiktig perspektiv og har ikkje krav til rullering. Endringar i slike planar vil vere behovsstyrt. Områdeplanen er gyldig inntil den vert oppheva ved vedtak eller erstatta av andre planar. (pbl. 12-2). Kommunen si moglegheit til å gjennomføre oreigning fell bort dersom kommunestyrevedtak om oreigning ikkje er gjort innan 10 år frå planen er godkjend og kunngjort Detaljreguleringsplan Detaljplan vert nytta for å følgje opp kommuneplanen si arealdel og ev. vedteken områderegulering. Detaljplan er ei utfylling eller kan også vere ei endring av vedteken plan. Detaljplan kan fremjast av einkvar som ynskjer å setje i gang eit byggetiltak og skal i utgangspunktet vere i samsvar med gjeldande arealdel til kommuneplanen eller områdeplan. De. (pbl. 12-3). Privat utarbeidd planar, som er vedteken, men ikkje har påbegynt bygging- og anleggstiltak etter fem år vert ugyldig. Det er mogleg å få planvedtaket forlenga to år om gangen gjennom politisk vedtak. 2. NASJONALE REGIONALE FØRINGAR OG FORVENTNINGAR 2.1 Nasjonale forventningar til regional og kommunal planlegging Med innføring av pbl. 08, kom også kravet om at regjeringa kvart fjerde år skal utarbeide eit dokument med nasjonale forventningar til den regionale og kommunale planlegginga. Forventningane er meir generelle enn statlege planretningslinjer og statlege planføresegner, som konkretiserer nasjonale omsyn på einskilde område. Forventningane omfattar utvalde tema og formidlar ikkje alle statlege interesser, oppgåver og omsyn som planlegginga skal ivareta. Med utgangspunkt i at dei nasjonale forventningane skal bidra til ein planlegging som fremmar berekraftig utvikling, fokuserar dei nasjonale forventningane på følgjande tema: Klima og energi By- og tettstadsutvikling Samferdsel og infrastruktur Verdiskapning og næringsutvikling Natur, kulturmiljø og landskap Helse, livskvalitet og oppvekstmiljø Side 7 Side 13

14 Kommunal planstrategi for Volda kommune Regionale forventningar Regional planstrategi Regionalplanstrategi for Møre og Romsdal fylke vart vedtatt i april Planstrategien har søkelys på attraktivitet og framtidig bu- og blilyst. Breidde og variasjon i arbeidsmarknaden, offentlege tenester av høg kvalitet, eit mangfaldig kultur- og fritidstilbod, gode handels- og sørvistilbod og effektive kommunikasjonar er difor sentrale satsingsområde i komande planperiode (forord regional planstrategi ) Den regionale planstrategien har gitt omgrepet attraktivitet ein sentral plass og sett søkjelys på tre område som fylkeskommunen trur vil vere med å styrkje fylket sine føresetnader for framtidig vekst og utvikling og som dei ynskjer å prioritere i perioden Folk Næring Trivsel Fylkeskommunen rår kommunane til å lyfte fram desse satsingsområda i sitt vidare planarbeid Fylkesplan /Regionalplan Regionale forventningar til Volda kommune er definert gjennom gjeldande Fylkesplan Fylkesplanen har til hensikt å gje eit prioriterings- og avgjerdsgrunnlag for mellom anna kommunane i fylket, i spørsmål knytt til samfunnsutvikling. Fylkeskommunen har starta arbeidet med regionalplan for perioden I Planprogram for regionalplan er det forslag om fire satsingsområde og seks gjennomgåande perspektiv: Dei fire satsingsområde: Kultur (vidareføring) Kompetanse (vidareføring) Verdiskaping (vidareføring) Samferdsel (ny. tidligare: gjennomgåande perspektiv) Dei seks gjennomgåande perspektiva: Folkehelse (vidareføring) Universell utforming (uu) (vidareføring) Likestilling (vidareføring) Miljø/Klima (tidligare: to av fem flaggsaker) Barn og unge (ny) Internasjonalisering (ny) Side 8 Side 14

15 Kommunal planstrategi for Volda kommune Andre regionale føringar av relevans for Volda kommune Regional energi- og klimaplan. Vedteken 2009, ikkje avgrensa gyldigheit. Skal reviderast kvart andre år. Regional plan forvaltningsplan for vassregionen Møre og Romsdal Fylkesdelplan for sentrumsstruktur og Rikspolitiske bestemmelser om kjøpesenter Ikkje vedteken avslutta eller erstatta. (Skal reviderast) Fylkesdelplan for strand- og kystsona Ikkje vedteken avslutta eller erstatta. Fylkesdelplan for inngrepsfrie naturområde. Vedteken Ikkje avgrensa gyldigheit. Regional delplan forvaltningsplan for vassregion Møre og Romsdal Under arbeid. Regional delplan for kulturminne av nasjonal og regional verdi. Ny plan. Oppstart Regional delplan for samfunnstryggleik og beredskap i Møre og Romsdal. Ny plan. Mål om vedtak april Regional delplan for tannhelse. Ny plan. Mål om vedtak juni Regional delplan for folkehelse. Ny plan. Mål om vedtak desember Regional delplan for bibliotek. Ny plan. Arbeid med planprogram startar andre halvår Fylkesros-sjø 2007 og risiko- og sårbarheitsanalyse for fjellskred i Møre og Romsdal vil vere sentral i arbeidet med regional delplan for samfunnstryggleik og beredskap. Ny plan. Mål om vedtak april HOVUDUTFORDRINGAR OG UTVIKLINGSTREKK FOR VOLDA KOMMUNE Nedanfor følgjer sentrale utfordringar og planbehov knytt til tema omtale og trekt fram under arbeidsverkstaden og i Utfordringsnotatet. For informasjon kring ulike utviklingstrekk og utfordringar i Volda kommune viser ein til Utfordringsnotat og oppsummering frå verkstaden. (sjå vedlegg ein og to.) 3.1 Befolkningsutvikling Sentrale utfordringar Grunna sentralisering og tilflytting primært til Volda tettstad har og kan ein forvente ytterlegare press på areal i Volda tettstad. (Bustad, offentleg føremål, sentrum, grøntstruktur, m.m.) Sannsynleg auka press på fleire av kommunen sine tilbod, tenester og økonomi, særleg relatert til forventa auke i tal eldre i kommunen. Sikre berekraftige bygder til trass for at folketalet går jamt nedover. Integrering av innvandrarar slik at alle innvandrarar vert ein ressurs for Volda samfunn. Side 9 Side 15

16 Kommunal planstrategi for Volda kommune Låge fødselstalkonsekvens for mellom anna barnehage- og skulestruktur. Fråflytting og tilbakeflytting samt at det er ei utfordring å få tilflyttarar til å velje å busette seg permanent. Planbehov Strategiske føringar for sentrums- og bygdeutvikling/politikk. Overordna rekrutterings- og kompetansestrategi i kommunen. Heilskapeleg og velfungerande plansystem som er samordna på tvers av fag og vert nytta som styringsreiskap i kvardagen. Vil bidra til forbetring av ressursbruk, kvalitet og tenestetilbodet til innbyggarar i kommunen. Folkehelse og førebyggjande tenking i alt planarbeid. Planar og handlingsprogram vert godt samordna og kopla opp mot Økonomiplan og Årsbudsjett. Vere offensiv på arealplanlegging for å sikre nok og variert tomte- og bustadtilbod, særleg i Volda tettstad. Strategi for barnehage- og skulestruktur, næringsutvikling, fritidstilbod og liknande som bidreg til å gjere Volda ein attraktiv stad å vekse opp, studere og bu. Arealplanlegging som sikrar nok og riktig areal til offentleg føremål og næringsutvikling (omsorgsbustader, eldreheim, skule, studie, arbeidsplassar m.m.) 3.2 Volda i regional samanheng Sentrale utfordringar Felles aksept og forståing for heilskapleg utvikling av Volda/Ørsta som regionalt knutepunkt. Tenkje Volda som del av ein storregion. Volda som vertskommune, eit kompetanse og kultursenter og infrastrukturelt knutepunkt, ei heilskapeleg utvikling som skapar synergiar for heile regionen. Legge til rette for at bedrifter og næringsliv finn det attraktivt å etablere og utvikle seg i regionen. Stikkord: areal, gode kommunikasjonslinjer og infrastruktur Oppretthalde og skape bu- og blilyst i regionen. Styrke og vidareutvikle det komplementært arbeids- og utdanningstilbod. Bygge opp partnarskap til planlegging og realisering av prosjekter i sentrum og Furene/Hovdebygda. Til dømes må dei ulike planprosessane i sterkare grad inkludere dei private/næringsliv slik at ein skaper eigarkjensle og engasjement etter sluttført planprosess. Allianseknyting. Side 10 Side 16

17 Kommunal planstrategi for Volda kommune Planbehov Strategi for vidare utvikling av det regionale knutepunktet Furene/Hovdebygda, parallelt med styrking av Ørsta og Volda sentrum. (felles, overordna styringsverkty til bruk i planprosessar, byggesaker og som grunnlag for politiske val og prioriteringar.) Langsiktig arealplanlegging med nok og rett areal til bustad og næring. Utvikle sentrumsområde med forankring i lokal identitet og tilhøyring. Involvere private, næringslivet og andre aktørar i planprosessar knytt til sentrumsutvikling. Fullføre kommunedelplan for E39. (E39 Kriseplan strakstiltak i påvente av Volda tunnel) Integrer arbeidet med Bypakke og strategiar for å styrke Volda i regional samanheng, med kommunen sine planar. 3.3 Arbeid, utdanning og kompetanse Sentrale utfordringar Voldasamfunnet Styrke og vidareutvikle det komplementært arbeids- forskings- og utdanningstilbod. Rekruttere og behalde kompetent arbeidskraft i kommunen. Fange opp arbeidskraft reserve Vere attraktiv stad å studere, bu, arbeide og leve. Betre til å frampeike Volda. Behalde viktige/sentrale offentlege tenesta og institusjonar (t.d. sjukehus, Høgskule, tingretten m.m.) Volda kommune som organisasjon Rekruttere og behalde kompetent arbeidskraft. Oppretthalde tenestetilbodet i ein effektiv organisasjon. Styrke fagmiljø gjennom interkommunalt samarbeid. Sikre samsvar mellom oppgåver og tilgjengelege ressursar. Planbehov Overordna rekrutterings- og kompetansestrategi for Voldasamfunnet og kommunen som organisasjon. Arealplanlegging som sikrar nok og riktig areal til offentleg føremål og næringsutvikling (næring, skule, studie, arbeidsplassar m.m.) Strategi for sentrumsutvikling med urbane kvalitetar og gå avstand til det meste Effektivisering av plansystemet og betre kopling/samordning mellom dei ulike planane. Strategi for effektivisering og samsvar mellom ressursar og oppgåver samt strategi for interkommunalt samarbeid. Side 11 Side 17

18 Kommunal planstrategi for Volda kommune Arealforvaltning Sentrale utfordringar Sentraliseringstrenden aukar press på areala i Volda tettstad. Dette medførar utfordringar knytt til bustadutvikling og fortetting, der ein mellom anna må ta omsyn til skular, kulturhus og næring samt behov knytt til landbruk, kulturlandskap, kystsona/strandlinja, grøntstruktur og gode trafikale løysingar. Ei utvikling der folketalet går ned på bygdene får konsekvensar for ulike tenestetilbod på bygdene, landbruk og kulturlandskapet. Planbehov Strategi og politikk på korleis Volda vil og kan utvikle bygdene. Betre samordning av arealplanar, tekniske planar, ROS og temaplanar. Oppdaterte tekniske planar (veg, avlaup, vatn og liknande) Heilskapeleg ROS analyse som grunnlag for arealplanlegging. Utvikle, i samarbeid med private, næringsliv og andre aktørar, sentrumsområde med forankring i lokal identitet og tilhøyring. Vere offensiv på arealplanlegging for å sikre nok og variert tomte- og bustadtilbod, særleg i Volda tettstad. Reguleringsplanar for bustadformål (t.d. område i Bratteberg, Håmyra og Urbakkefoten) Revisjon av kommuneplanen si samfunnsdel der det ligg strategiske føringar for sentrums- og bygdeutvikling/politikk. Strategi for forvaltning og utvikling av landbruk, kystsona, vassdrag, friluftsområde, grøntstruktur og kulturlandskap. (Tema i kommuneplanen si samfunnsdel og ev. nokre temakart i kommuneplanen si arealdel) Reguleringsplanar for næringsformål (Scana, Rotset, Furene) 3.5 Samfunnsikkerheit, miljø, klima og energi Sentrale utfordringar Estimata om endra klima vil krevje arealplanlegging som tek høgde for å takle situasjonar oppstått som følgje av endra klima og ekstremvær. Måla og handlingsprogram til kommunens klimaplan er for ambisiøs og ikkje tilpassa kapasiteten for realisering. Kommunen har særlege utfordringar med energiøkonomisering av eksisterande bygningsmasse. Det vert viktig at gjennomføring av tiltak omtale i klimaplan og handlingsprogramvert teke med i den daglege verksemda til kommunen og i planlegging av nye tiltak i kommunen. Må settast av midlar til dette i budsjett. Bevaring av natur- og kulturmiljø vil vere ein viktig faktor i arealplanlegginga. Side 12 Side 18

19 Kommunal planstrategi for Volda kommune Planbehov Realistisk handlingsprogram som er kopla godt opp til Økonomiplan og Årsbudsjett. Heilskapeleg ROS-analyse. Overordna beredskapsplan. Oppdaterte tekniske planar. Ajourførte beredskapsplanar og betre samordning av desse. Oppdatert kommuneplan areal- og samfunnsdel i høve ROS, beredskapsplanar, tekniske planar og forventa endra klima. 3.6 Folkehelse/Levekår Sentrale utfordringar Omstille frå behandling til førebygging. Fange opp problemsignala tidleg og sette i gang tiltak. Betre tverrfagleg samarbeid på dette område. Fange opp dei som fell utafor, utjamne sosial ulikskap. Oversikt over helsetilstanden og faktorar som påverkar helsa til innbyggarane. Rett og godt nok tenestetilbod til alle som har behov. Bustad til alle. UU tilrettelagt samfunn. Syte for at bygningsmasse vert tilpassa slik at kommunale tenester kan brukast av alle. Sørgje for at uu retningslinjer følgjast opp frå overordna nivå og ned til minste detalj i gjennomføring av tiltak. Planbehov Oversikt over helsetilstanden og faktorar som påverkar helsa til innbyggarane som kan ligge til grunn for planstrategi, kommuneplanar og anna folkehelsearbeid. Fortsette og vidareutvikle God helse, Helse i plan og anna førebyggande folkehelsearbeid i kommunane. Integrerer dette i alle planar. Samordna planar innanfor helse og omsorgssektorane. Planar og handlingsprogram som fokuserar på førebyggjande strategiar, tidleg innsats og lågterskeltilbod. UU retningslinjer bør inkluderast i revidering av kommuneplanen sin samfunnsdel, kommuneplanen sin arealdel for Volda kommune og vere premissgivande for alle planar i kommunen. Tilrettelegging og stimulans til fysisk aktivitet i kvardagen- Side 13 Side 19

20 Kommunal planstrategi for Volda kommune Idrett, friluftsliv og kultur Sentrale utfordringar God kvalitet på idrett, friluftsliv og kulturtilbod, til alle (t.d. lågterskeltilbod som når frem til aktuelle brukargrupper, uu tilrettelagde tilbod, ikkje prestasjonsretta idrettstilbod til dei litt eldre, tilbod i nærområdet osv.) Leggje til rette for gode fysiske rammer for kultur, idrett og friluftsliv (t.d. kulturhus, bibliotek, grøntstruktur, nærleikeplassar idrettsanlegg osv.) Opprettehalde og støtte opp om det frivillige lag og organisasjonsarbeid og ulike kulturarrangement i kommunen. Planbehov Fokus på målretta og godt planlagt satsing på kulturnæringa i overordna planer. (t.d. kommuneplanen sin samfunnsdel og arealdel) Integrere arbeidet med handlingsplan for friluftslivområde i planarbeid i kommunen. Tenkje lågterskeltilbod og uu tilrettelagde tilbod i planlegginga. 3.8 Barn og Unge Sentrale utfordringar Å klare å inkludere barn og unge i all planlegging er ei utfordring kommunen tek på alvor. Ein bør lage gode retningslinjer for korleis ein på best mogleg måte kan involvere barn og barnerepresentanten i alle saker som angår barn og unge sine behov og rettar. Gode fysiske rammar for barn og unge i skule og på fritid. Planbehov: Kommunen må utarbeide gode rutinar og retningslinjer for å sikre barn og unge sin reell medverknad i plansaker saman med barnerepresentanten. Sikre at areal avsett til leikeplassar og liknande i arealplanar vert tilrettelagt for bruk, vedlikehalde og ikkje neglisjert i høve andre interesser. 3.9 Kommunen som organisasjon og tenesteutøvar Sentrale utfordringar Innfri innbyggarane sine forventningar til tenestene innafor kommunen sitt handlingsrom. Stadige nye retningslinjer, forskrifter og meldingar frå regionalt og nasjonalt. Innfri minstekrava til desse. Utvikle eit godt tverrfagleg samarbeid i ein travel kvardag der ein i utgangspunktet har nok med sitt ansvarsområde. Klar ansvarsfordeling mellom sektorane. Side 14 Side 20

21 Kommunal planstrategi for Volda kommune Klar ansvarsfordelinga av planane i kommunen, samt sikre politisk og administrativ forankring av planar. Samhandlingsreformen. Rekruttere og behalde kompetanse særleg innafor konkurranseutsette faggrupper (t.d. ingeniørar) Eit oversiktleg og heilskapeleg plansystem innehaldande berre dei planar kommunen har behov for og at planane fungerar som overordna styringsverkty. Etablere gode digitale tenester og vere ei organisasjon som er oppdatert i høve digital utvikling og kommunikasjon. Planbehov Planstrategi. Betre samankopling mellom dei ulike planane og då særleg Økonomiplan og Årsbudsjett opp mot dei ulike handlingsprogram. Kompetanse og rekrutteringsstrategi. Oppdaterte strategiar og planar innanfor sektorar som vert påverka av Samhandlingslova og ny folkehelselov. Eit godt kommunalt plansystem der ansvar er klart definert og planane inngår i ei syklus der dei vert jamleg revidert/rullert og vurdert. Strategi og samordning av IKT, plan, servicekontoret og utvikling av dagens og framtidige digitaletenester Kommuneøkonomi Sentrale utfordringar Økonomisk balanse. Høg lånegjeld (estimert lånegjeld for Volda kommune pr nesten 703 millionar), auke i pensjonsutgifter, meirforbruk i fleire avdelingar samt stort behov for større investeringar, drift og vedlikehald av bygningsmasse, er faktorar som gjer det utfordrande å sikre ein sunn økonomi. Med overføring av fleire oppgåver frå stat til kommunane, fleire eldre, auka krav og forventningar frå innbyggarane m.m. forventar ein at behovet for tenester aukar i åra framover. Ein forventar ikkje at dei økonomiske rammene vert auka tilsvarande. Spørsmålet vert da kva tenestestruktur som best møter utfordringane knytt til dette og korleis Volda skal oppretthalde dagens tenesteproduksjon og samstundes ha ein sunn økonomi. Planbehov Oversikteleg og heilskapeleg plansystem som sikrar at kommunen berre har dei planar det er behov for. Politikk, økonomiplan og kommunale planar er samordna og tett kopla saman. Side 15 Side 21

22 Kommunal planstrategi for Volda kommune PLANSTATUS OG PLANEVALUERING I dette kapitel følgjer ein gjennomgang av omtale, status og evaluering av kommunen sine eksisterande planar og nye planar under arbeid. 4.1 Dagens kommunale plansystem Det har til no vore lite heilskapleg tenking bak prioritering av kva planar som vert prioritert oppstarta. Som regel er det dei ulike avdelingane sine behov med grunnlag i lover og statlege føresegner som styrer kva for planprosjekt som vert starta opp. Ansvar for rullering/revidering av mange planar, då særleg tverrfaglege planar, er i mange tilfelle i ikkje klart plassert. Dette medførar ein del skuffeplanar og revisjon/rullering av planane vert i større grad avhengig av initiativ frå enkeltpersonar. Dette har mellom anna medført utdaterte planar som ved å verte forelda har mista sin verdi som styringsverkty. Ein har ikkje eit klart og tydeleg definert plansystem i Volda kommune. Konsekvens av dette er at mange planar ikkje vert sett i samanheng, eller satt inn i ei plansyklus der dei jamleg vert rullert/revidert/vurdert. Det at det ikkje er eit oversiktleg plansystem der planar er sett i samanheng medførar at ein del planar er overlappande og det vert nytta ressursar på ein del dobbelarbeid som kunne vore unngått. I fleire tilfelle har ein i planprosessar ikkje nytta planfagleg bistand, sjølv om det ville ha bidratt positivt i prosessen. Ein styrka planseksjon vil kunne ha kapasitet til å bistå i fleire planprosessar og sjå plan i samanheng med andre planar og plansystemet. Generelt er det behov for ei betre kopling mellom Økonomiplan og Årsbudsjett med dei ulike overordnaplanar og deira handlingsprogram. Behov for klarare kopling og ansvarleggjøring mot plansystemet i kommunen og i organisasjonsoppbygginga i kommunen. Side 16 Side 22

23 Kommunal planstrategi for Volda kommune Oversiktskart over det kommunale plansystem pr. august 2012 Side 17 Side 23

24 Kommunal planstrategi for Volda kommune Eksisterande planar Årsbudsjett 2012 og Økonomiplan Vedteken av kommunestyret den (130/11) Omtale: Økonomiplanen er kommunen sitt handlingsprogram tek for seg dei økonomiske prioriteringane i næraste fireårsperiode. Økonomiplanen skildrar framskriving av kommunen sine forventa inntekter og utgifter knytt til drift. Årsbudsjettet viser planlagde investeringar og korleis dei er tenkt finansiert. Økonomiplanen vert rullert kvart år i samband med budsjetthandsaming. Ansvar for rullering og revisjon ligg til økonomiavdelinga. Evaluering: Vidareførast. Økonomiplan og Årsbudsjett er viktig styringsdokument for kommunen som organisasjon. Ein bør ha ein meir synleg samanheng mellom Økonomiplanen og kommuneplanen sin samfunnsdel og andre kommunale planar. Til dømes må handlingsprogram til dei ulike kommuneplanar, kommunedelplanar og fag/temaplanar betre integrerast i økonomiplanarbeidet. Det vil vere naturleg å gjennomføre ein revidering i samband med revidering av samfunnsdelen og føreståande omorganisering av organisasjonen. KOMMUNEPLANAR Kommuneplan Samfunnsdel Vedteken av kommunestyret den Omtale: Langsiktig del av kommuneplanen, som vi no kallar samfunnsdelen, vart godkjent i Samfunnsdelen inneheld omtale av status, utviklingstrekk og utfordringar innanfor: Volda som helse- og miljøkommune Naturgrunnlaget Folketalsutvikling Busetjingsmønster/Offentleg service Sosiale og kulturelle tilhøve Næringslivet og sysselsetjing Kommunikasjonar og samferdsel Organisasjon og administrasjon Kommunal økonomi For kvart av dei ni tema er det definert hovudmål og retningslinjer kommunen skal arbeide mot og etter. Side 18 Side 24

25 Kommunal planstrategi for Volda kommune Det er i pbl.08 eit krav om at kommunen skal ha ein samla kommuneplan som omfatt samfunnsdel med handlingsprogram og arealdel. Ansvaret for kommuneplan ligg til planseksjonen, men ein er avhengig av bred medverknad og forankring i dei ulike fagetatar i kommunen samt politisk vilje og forankring. Evaluering: Må vidareførast og reviderast. Mykje av dei føresetnadene som gjeldande plan baserer seg på er i dag utdatert og det er heilt klart behov for revisjon. Mange av dagens tema/sektor- og kommunedelplanar kan med fordel inngå i samfunnsdelen. På den måten vil ein få meir heilskapelege oversikt/retningslinjer for kommunen sitt arbeid. Dette vil synleggjere ulike tema og problemstillingar på tvers av sektorar og kunne medverke til betre samarbeid/organisering og løysingar på utfordringar og arbeidsoppgåver. Samfunnsdelen bør også innehalde retningsliner og mål for dei ulike planane kommunen skal ha og kor ansvar for den einskilde plan skal plasserast. Eit sentralt spørsmål i samband med revisjon vil vere korleis planen skal byggjast opp for å gi dei rette signal til dei ulike etatane om ansvar og eigarkjensle til planen. Ein god samfunnsplan som dei ulike sektorar og politikar har eigarskap og kjennskap til vil vere eit viktig overordna styringsverkty for kommunen. Arbeid med samfunnsdelen krev deltaking frå mange aktørar og utgreiingar av ulike tema noko som kan vere tidkrevjande. Slike planprosessar tek tid og det bør setjast av 1-2 år til eit slikt planarbeid. Det bør settas av midlar til prosessleiar for å sikre kontinuitet og framdrift. Perspektiv for planen er 12 år, men den skal rullerast kvart fjerde år, og då gjerne i samband med kommuneval. Planen skal også innehelde handlingsprogram. Aktuelle tema som bør inngå i samfunnsplan: bustad og busetnad, næring (næringsplanforslag, sjå avsnitt 4.3.4), kultur, skule, folkehelse, barnehage (Barnehageplan Volda kommune , sjå avsnitt ), rekruttering og kompetanse, strategi for det kommunale plansystem, ungdom, uu, m.m Kommuneplanen sin samla arealdel Vedteken av kommunestyret den (sak 76/90) Omtale Kommunen sin samla arealdel er frå 1990 og er den siste arealdelen som tek stilling til den samla arealbruken i heile kommunen. Det er seinare godkjent fleire delplanar og det er stort sett berre ubebygde område, fjell og setreområda som ikkje er med i nyare delplanar. Side 19 Side 25

26 Kommunal planstrategi for Volda kommune Godkjende delplanar: KDP for Volda sentrum inkludert Mork/Furene og Vikebygda. Vedteken i kommunestyret den (sak 53/09) og revidert plan den (sak 15/10). Inneheld plankart, føresegner, KU og tekstdel. KDP for Folkestad og Folkestaldalen Vedteken i kommunestyret den (sak 85/08) Inneheld arealplan og tekstdel. KDP for Kystsona Vedteken i kommunestyret den (sak 001/03) Inneheld plankart, tekstdel og føresegner. Omfatta sjøområda for heile kommunen samt dei sjønære landareala. Målsetting for planen er å hindre bit for bit forvaltning av kystsona, samstundes som den skal stette arealbehovet for næringslivet på ein slik måte at allmenta sin tilgang på rekreasjon i kystsona vert sikra. KDP for Bjørkedalen Vedteken i kommunestyret den (sak 40/03) Inneheld plankart og tekstdel. KDP for Velsvik (sak 2/99) KDP for Hjartåbygda/Aldalen. Vedteken i kommunestyret den (sak 215/96) Inneheld plankart. KDP for Ulvestadbygda. Vedteken i kommunestyret den Inneheld plankart. KDP for Dravlaus. Vedteken i kommunestyret den Inneheld plankart. KDP for Dalsbygda. Vedteken i kommunestyret den Inneheld plankart. KDP for Straumshamn/Fyksvik. Vedteken i kommunestyret den Inneheld plankart. KDP for Steinsvik og Åmelfot. Vedteken i kommunestyret den Inneheld plankart. KDP for Høydal. Vedteken i kommunestyret den Inneheld plankart. KDP Fyrde/Aurstad. Vedteken i kommunestyret den Inneheld plankart KDP for Berknes/Lid. Vedteken i kommunestyret den Inneheld plankart. Det er i pbl.08 eit krav om at kommunen skal ha ein samla kommuneplan som omfatt arealdel. Ansvaret ligg til planseksjonen. Perspektiv 12 år. Evaluering Alle KDP arealplanar integrerast i ei samla arealplan for kommunen, som også vil inkludere sjøareal (dagens Kystsoneplan). Dette vil medføre revisjon/rullering av alle kommunen sine KDP arealplanar. Den samla arealdel frå 1990 er liks dei fleste av delplanane av eldre karakter. Mange av føresegnene og retningslinja er ikkje eit godt nok styringsverkty for arealforvaltning etter dagens Side 20 Side 26

27 Kommunal planstrategi for Volda kommune situasjon. Med bakgrunn i pbl.08 er det behov for å revidere planane slik at planane stettar dagens krav og standardar for arealplanar med tilhøyrande plandokument. Nye GIS-system gjer det uproblematisk å utarbeide ein samla arealplan for heile kommunen og ein bør derfor satse på å samle alle delplanane i ein samla arealdel med eit felles sett føresegner og retningslinjer. Tidsmessig bør samfunnsdelen, som skal definere ramma for den langsiktige arealforvaltninga godkjennast før ny samla arealdel. Det vil vere naturleg at prosessleiar for samfunnsdelen også er prosessleiar for arbeidet med samfunnsdel. Ein må også forvente at det vil verte behov for ekstern konsulent bistand til dømes med KU, ROS og liknande. Ein føresetnad for å få ei god kommuneplan arealdel er at oppdaterte tekniske planar (hovudplan veg, avlaup, vassverk og liknande),og at heilskapeleg ROS-analyse vert lagt til grunn. Ei god kommuneplan arealdel vil kunne redusere behov for områdereguleringar og gjere det enklare å gå direkte til detaljregulering av mindre områder. Ved revisjon må ein vurdere behovet for særskilte temakart eller retningslinjer, til dømes, temakart for arealforvaltning av landbruk, retningslinjer for bygging i støls- og setreområda., friluftsområde, m.m. Arealdelen må sjølvsagt sjåast i samanheng med ein rekke andre planar. T.d. KDP for Bustad og busetnad (sjå avsnitt 4.4.4) og KDP for sikkerheit og beredskap (sjå avsnitt 4.4.1) TEMATISKE KOMMUNEDELPLANAR Hovudplan avlaup Volda kommune Vedteken i kommunestyret 1996 Omtale: Planen er ein kommunedelplan. Planen er utdatert. Planen tek for seg situasjonen på nittitalet og inneheld ein tiltaksplan for perioden Tiltaksplanen rullerast årleg i samband med Økonomiplan og ååsbudsjett. Ansvaret for planen og årleg rullering av tiltaksplan ligg til kommunalteknisk avdeling. Evaluering: Planen vert oppheva som eigen KDP. Planen vert i stadet utarbeidd som ei teknisk fagplan. Det er ikkje eit lovpålagt krav om avlaupsplan, men ein fagplan for avlaup er hensiktsmessig for å få oversikt, sjå ting i samanheng og for å følgje opp lovverket. Kommunen har oversikt over eksisterande anlegg, men har behov for ei statusgjennomgang. Ein bør sjå plan for avlaup i samanheng med anna tekniske anlegg, behov, infrastruktur m.m. Revisjon/ Ny Hovudplan for avlaup bør prioriterast då dette vil verte ei viktig grunnlagsdokument for revidering av kommuneplanen si arealdel. Side 21 Side 27

28 Kommunal planstrategi for Volda kommune Klimaplan for Volda kommune Vedteken i kommunestyret den (sak 29/10) Omtale: Klimaplanen med tilhøyrande Handlingsprogram har hovudfokus på status, utfordringar og tiltak retta mot utslepp av klimagassar innan kommunen. Måla i planen er knytt til energi, forbruk, avfall, transport, landbruk og dialog med næringslivet. Handlingsprogram inneheld strategiar for å nå måla. Det er lagt opp til at klimaplanen og handlingsprogram skal rullerast kvart fjerde år, første gang i Ansvaret for planen ligg for tida til Landbruk, og stillinga skog- og utmarkskonsulent som pr. august 2012 står vakant. Evaluering: Vidareførast. På lengre sikt bør ein vurdere om ein skal ha ei felles interkommunal klimaplan med einskilde handlingsprogram til kvar enkelt kommune. Planen er ein tverrfagleg temakdp. Landbruks avdelinga har pr. i dag ansvar for planen. Vert Landbruk Volda og Ørsta slått saman må ansvar for plan plasserast anna sted i organisasjonen dersom ein skal få rullert plan iht. pbl. Dersom planseksjonen skal følgje opp slikt arbeid, vil det verte behov for styrking av seksjonen. Ved rullering bør ein vurdere nærare om ambisjonane og strategiane i handlingsprogrammet er for ambisiøse. Ein ser i dag at mange av sektorane har utfordringar med å følgje opp handlingsplanen. Det gjeld særleg for tiltak retta mot eksisterande kommunal bygningsmasse og strømsparande tiltak. For å følgje opp handlingsprogram er det behov for betre kopling opp mot Økonomiplan og Årsbudsjett Kommunedelplan for idrett, fysisk aktivitet og friluftsliv Planprogram vedteken i kommunestyret den (sak 83/12) Mål er å vedta revidert plan innan utgangen av (KDP for fysisk aktivitet og anlegg for idrett, friluftsliv og nærmiljø, Vedteken i kommunestyret den (sak 8/08)) Omtale: Planen er ein kommunedelplan som er under revidering. Planen skal gjere greie for mål og verkemidlar for idrett, fysisk aktivitet og friluftsliv samt forvaltning, drift og vedlikehald av anlegg. I revideringa vert det sett større fokus på folkehelseperspektiv og tiltak for auka aktivitet mellom innbyggarane i kommunen, med særleg vekt på tiltak for born og unge. Ein vil også auke fokus på tilrettelegging av friluftstiltak. Planen skal fungere som vegleiar for idrettsrådet, frivillige lag og organisasjonar og skal danne grunnlag for kommunen sine prioriteringar av spelemiddelsøknader. Det er difor viktig at Side 22 Side 28

29 Kommunal planstrategi for Volda kommune kommunen får eit oppdatert planverkty som speglar dagens situasjon og ønskje for framtida, i høve føringane frå statlege, regionale og kommunale mynde. Planen skal innehelde handlingsprogram over prioritert tiltak og anlegg. Denne skal rullerast årleg. Evaluering: Vidareførast. Planen må ha høg prioritert og bør ha framdrift slik fastsett i planprogrammet. Leggast ut til offentleg ettersyn med siktemål om å få plan vedteken innan utgang av Gjeldande plan har fungert godt og etter intensjonane. Ein oppdatert KDP er viktig for at søknader skal kvalifisere til å løyse ut spelemidlar og tilskot. Oppdatert plan vil også vere eit viktig verkty for arbeidet med folkehelse og med tanke på ev. sikring av friluftsområde. Ansvaret ligg i dag til planseksjonen. Ein bør vurdere om dette skal leggast til kultur. Dette bør vurderast i samband med føreståande omorganisering av organisasjonen Kommunedelplan for trafikktrygging i Volda kommune Planprogram vedteken i kommunestyret den (sak 82/12) Mål er å vedta revidert plan innan utgangen av (Kommunedelplan for trafikktrygging i Volda kommune Vedteken i kommunestyret den (sak 110/07)) Omtale: Planen er ein KDP som er under revidering. Planen skal skildre mål og visjon, strategi og prioriteringar, og inneheld handlingsprogram med prioritering av tiltak. Hovudmål frå gjeldande plan vidareførast og trygge skulevegar og gang/sykkelsamband til fritidsaktivitetar for barn og unge vil framleis ha prioritet. Ny plan vil ha auka fokus på tryggleik, folkehelseperspektiv og universell utforming. Kommunen sin 0-visjon med omsyn til trafikkskadde vert halde fast på. Handlingsprogram skal årleg rullerast. Ansvaret for plan ligg til kommunalteknisk. Evaluering: Leggast ut til offentleg ettersyn med siktemål om å få plan vedteken innan utgang av Vidareførast. Det er viktig å hå ein oppdatert plan med handlingsprogram for å sikre at nye behov og grupper vert registrert og kjem med som grunnlag for tiltak og prioriteringar. Ein oppdatert plan og handlingsprogram kvalifisere til tilskot, og bidreg til å følgje opp nasjonale og lokale målsettingar. Side 23 Side 29

30 Kommunal planstrategi for Volda kommune Bustadsosial handlingsplan Vedteken av kommunestyret (sak 80/10) Omtale: Planen er ein sektorovergripande temakdp. Planen omtaler bustadtilbodet i kommunen, inneheld ein kartlegging av vanskelegstilte på bustadmarknaden, vurderar og kjem med framlegg til kommunen si organisering av det bustadsosiale arbeidet samt framlegg til handlingsplan for sosial bustadbygging, bustadforvaltning og tenesteyting i bustadene. Det er ikkje eit lovpålagt krav om ei slik plan, men stortingsmelding oppmodar kommunar til å lage ei sektorovergripande bustadsosial handlingsplan. Ansvar for planen er i dag ikkje klart plassert. Evaluering: Planen vidareførast som del av KDP for Bustad og Busetnad.(sjå avsnitt 4.4.4) Planen er eit viktig styringsverkt som grip inn i fleire sektorar og gjer det lettare å samarbeide og koordinere det bustadsosiale arbeidet. Det er viktig at planen vert knytt tett opp til kommuneplanen si samfunns- og arealdel samt budsjett- og økonomiplan. Skal planen fungere som styringsverkty må ein sikre at planen vert forankra i alle sektorane som arbeid med bustadsosialt arbeid, ansvar for rullering og revidering er plassert i organisasjonen og at det bustadsosialarbeidet sjåast i samanheng med bustad og busetnad generelt i Volda Rehabiliteringsplan Vedteken i kommunestyret den (sak 66/05) Omtale: Mål og hensikt med planen er at brukarar med rehabiliteringsbehov og ønske om individuell plan har ei adresse å vende seg til og at rehabiliteringstilbodet vert opplevd som eit samordna, koordinert og individuelt tilpassa tilbod. Planen legg vekt på brukarmedverknad og prinsippet for universell utforming skal vere ein viktig premiss i rehabiliteringsarbeidet. Planen omtalar det eksisterande tilbod, målgrupper for rehabilitering og korleis framtidig organisering bør vere. Ikkje lovpålagt krav om ein eigen KDP for rehabilitering, men krav om at kommunen planlegg rehabiliteringsarbeidet. Ansvaret ligg i dag til helse. Side 24 Side 30