ÅRSMØTEHEFTE 2016 GLOPPEN SENTERPARTI

Transkript

1 ÅRSMØTEHEFTE 2016 GLOPPEN SENTERPARTI Gloppen Senterparti på fylkesårsmøtet i Senterpartiet 2016 i Balestrand

2 Årsmøte i Gloppen Senterparti 2016 vert halde i Gimle onsdag 30. november kl Sakliste: 1. Godkjenning av innkalling og sakliste 2. Konstituering Val av møteleiar Val referent Val av to representantar til å skrive under møteboka 3. Årsmelding for Gloppen Senterparti Rekneskap for Gloppen Senterparti Medlemskontingent Val etter lova 7. Aktuelle politiske saker Innleiing ved: Gruppeleiar Per Rune Vereide Ordførar Leidulf Gloppestad «Sideblikk» Erling Sande 8. Arbeidsplan Innkomne saker 10. Eventuelt 2

3 Sak 1 Godkjenning av innkalling og sakliste Årsmøtet godkjenner innkalling og sakliste. Sak 2 Konstituering Møteleiar: Bjarne Bø. Referent: Ole Arild Aa. Val av to møtedeltakarar til å skrive under møteboka. Sak 3 Årsmelding 2016 Styrearbeid I arbeidsåret har det vore halde 5 styremøte. Som vanleg vert styret og innkalla til alle gruppemøte i kommunestyregruppa. I tillegg har laget halde 2 medlemsmøte samt eit ope møte der temaet var kommunereforma. Stortingsrepresentant Per Olav Lundteigen innleia til ordskifte. I meldingsåret har styret hatt fokus på å styrkje økonomien i laget. Av erfaring veit vi at det ikkje er i valår vi har høve til det. Styret meiner at laget har lukkast godt i dette arbeidet. Arbeidet i styret er godt og tillitsfullt. Eit stort engasjement er til stades både i styret og i kommunestyregruppa. Alle tillitsvalde bidreg til at Gloppen Sp står fram som eit veldrive og vitalt partilag. Lokallaget har stort sett vore representert på alle møter og konferansar som er avvikla i regi av Sogn og Fjordane Senterparti. Gloppen Senterparti har registrert 23 timar studiearbeid fram til no. Dette er gruppemøter for første halvår og styrearbeid i arbeidsåret. Lokallaget er aktive med utsending av informasjon til medlemmane både på sms og epost. Laget har nettside og facebookside som jamleg vert oppdatert. Medlemstalet pr er senterungdommar, til saman

4 Kvinne i ordførarstolen I meldingsåret fekk Gloppen sin fyrste kvinne i ordførar stolen. Varaordførar Magni Aa Berge var fungerande ordførar i tida Leidulf var i pappapermisjon. Magni handterte ordførarrolla flott. Uredd, engasjert og energisk! Den første kvinnelege ordføraren i Gloppen får blomster av lokallagsleiaren for god innsats i ordførarstolen medan den faste ordføraren var ute i foreldrepermisjon. Kommunereform Kommunereforma vart sjølvsagt den store saka i meldingsåret. Etter at intensjonsavtala vart lagt fram i eit felles kommunestyremøte for Gloppen og Eid, vart den politiske debatten for alvor sett i gang. Fram mot folkerøystinga 30. mai, vart der halde tre folkemøte. På Byrkjelo, Hyen og i Trivselshagen. Senterpartiet var representerte alle stadar. Engasjementet var stort på kvart av møta. Det kom tidleg til syne at både i kommunestyregruppa og i styret var det litt ulikt syn på om partiet skulle seie nei eller ja til intensjonsavtala. På gruppemøta vart avtala grundig diskutert i fleire gongar. Det kom tidleg fram at kommunestyre gruppa ikkje ville verte samstemte. Eit tydleg fleirtal ville stemme nei til intensjonsavtala. Sjølv om diskusjonane kunne gå friskt i gruppa, greidde alle skilje mellom sak og person. Dette bidrog alle til! Då saka vart handsama i kommunestyret, stemde ei samla Sp-gruppe i samsvar med fleirtalet i folkerøystinga 30.mai: Nei Referat frå medlemsmøte 21.april 2016: Medlemsmøte i Gloppen senterparti, i kommunestyresalen 21.april 2016 Det møtte 20 medlemar. Sak: Kommunereforma. Gloppen senterparti må til kjennegje si meining om kommunereforma og intensjonsavtala med Eid kommune. Det vart opna for debatt, og det kom fram at det er ulike syn i denne saka i partiet og i kommunestyregruppa. 4

5 Dei fleste som hadde innlegg, var imot reforma og samanslåing med Eid. Mesteparten av innlegga var likevel sånn at det bør stemmast med fleirtalet i folkerøystinga, når saka kjem til kommunestyret. Det vart gjort nokre endringar frå den fyrste teksten som var laga av kommunereform utvalet, då den kunne mistydast med korleis kommunestyrerepresentantane skulle stemme. Det endelege forslaget vart lagt fram til avstemming. Vedtak: Følgjande tekst vart tatt opp til avstemming, og vart vedteken med 17 stemmer mot 3 stemmer. «Medlemsmøtet i Gloppen Sp rår til å stemme nei til samanslåing med Eid kommune på noverande tidspunkt. Sp meiner at arbeidet som er gjort gjennom intensjonsavtala legg eit godt grunnlag for vidare samarbeid med Eid kommune som to sjølvstendige kommunar med ein del felles mål. Avtala er også eit godt utgangspunkt for ei eventuell samanslåing dersom det vert realisert ei bru mellom Anda- Lote. Medlemsmøtet meiner det må vere gjort forpliktande vedtak i Stortinget om oppstart av bygging av bru mellom Anda-Lote før ein går vidare med samanslåingsprosessen mellom dei to kommunane. Medlemsmøtet i Gloppen Sp uttrykker stor skepsis til prosessen rundt den pågåande kommune- og regionreforma. Korte tidsfristar og bruk av økonomiske pressmiddel vik sterkt frå frivilliglinja som er avgjerande viktig for Senterpartiet.» Økonomi Økonomien i laget har hatt fokus i siste arbeidsår. Resultatet i år er etter styret si meining tilfredsstillande. Viser elles til rekneskap. Gloppen Senterungdom 2016 har vore eit godt år for Gloppen Senterungdom med aktivitet på alle nivå i organisasjonen. På lokalt nivå har vi stått på stand på Firda VGS, og fått verva nokre medlemmer. Vi har arrangerte informasjonsmøte for potensielle- og allereie-medlemmar med pizza og innleiing frå fylkesstyret. Godt oppmøte! Leiaren, Signe Bjotveit, har delteke på møter i partiet sitt lokallag. Årsmøte til Gloppen SUL var 23.september,og Håkon Fjellstad blei vald som ny leiar. Resten av styret er nestleiar Signe Bjotveit, kasserar Kent Øystein Hjelle og styremedlem Emma Berge Ness. På fylkesårsmøte til ungdommen hadde Gloppen fleire deltakarar, og dåverande leiar Signe deltok også på partiet sitt fylkesårsmøte. Vi har i tillegg hatt deltakarar på både Vårslepp og landsmøte i Senterungdommen. Gloppen senterungdom har eigen økonomi og konto. Det har ikkje vore inntekter i 2015 og utgifter har 400 kr i eigenandel for landsmøteutsending. Ved utgongen av året er vi totalt 15 medlemmar. Vi håpar på fleire medlemmar og meir aktivitet i året som kjem! 5

6 Medlemmar av Gloppen Sp som har tillitsverv/stillingar Anders Ryssdal er medlem av fylkestinget og medlem i hovudutval for opplæring Karoline Bjerkeset er nestleiar i fylkesstyret i Sogn og Fjordane Senterparti Ho er også 2. vara til Sp sitt sentralstyre. Per Rune Vereide er fylkessekretær for Senterpartiet i Sogn og Fjordane. Han har delteke på ei rekke arrangement i Senterpartiet (sentralt/fylket) i kraft av si stilling. Elise Eide Dvergsdal er organisasjonssekretær for Senterpartiet i Sogn og Fjordane. Ho deltek på ei rekke arrangement i Senterpartiet (fylket) i kraft av si stilling. Ordførar Leidulf Gloppestad er valt til leiar i Nordfjordrådet Kommunestyregruppa Leidulf Gloppestad ordførar / formannskapet Magni Aa Berge varaordførar/formannskapet Bernt Reed leiar i oppvekst / formannskapet Jeffery Thomas Kent Øystein Hjelle Olav Sigurd Gundersen Marit Straume Solveig Lien Gusdal Jostein Arne Rørvik Per Rune Vereide - gruppeleiar Vidar Sandal Styret i 2016 har vore: Neste valår Leiar: Bjarne Bø, 6827 Breim 2017 Nestleiar: Olin Astrid Austrheim, 6823 Sandane 2016 Studieleiar: Karoline Bjerkeset, 6823 Sandane 2017 Kasserar: Arvid Gimmestad, 6823 Sandane 2016 Styremedl.: Jeffrey Thomas, 6823 Sandane 2017 Styremedl.: Marit Straume, 6829 Hyen 2016 Styremedl.: Ole Arild Aa, 6829 Hyen 2016 Styremedl.: Kent Øystein Hjelle, 6826 Byrkjelo 2016 Varamedlemmer: 1. varamedlem Oddvar Bjørlo, 6823 Sandane varamedlem Bernt Reed, 6827 Breim varamedlem Arne Jostein Gimmestad, 6823 Sandane 2016 Senterkvinnekontakt: Olin Astrid Austerheim 2016 Senterungdomen: Signe Bjotveit, 6823 Sandane I tillegg er gruppeleiar medlem i styret. Ordførar møter i styret som observatør. 6

7 Revisor: Jon Gimmestad, 6823 Sandane 2016 Ingebrikt Øvreseth, 6823 Sandane 2016 Valnemnd 2016: 1. Anders Gloppestad Liss Bergum Ola Henning Ommedal 2018 Årsmøtet godkjenner årsmeldinga for Sak 4 Rekneskap 2016 Sjå eige dokument. Den framlagde rekneskapen for 2016 vert vedteken. Sak 5 Medlemskontingent for 2017 Det er no bestemt ei ny ordning for fastsetting av medlemskontingent og lokallagsårsmøtet skal ikkje lenger vedta kontingent. Landstyret vedtek denne for kvart år, slik at den skal være lik for alle lokallaga. For 2017 er kontingenten kr 500,-. Denne fordelar seg slik: Hovudorganisasjonen kr 325,- Fylkeslaget kr 125,- Lokallaget kr 50,- Årsmøtet tek kontingentsatsen til vitande. Sak 6 Val for 2017 Vert sett inn når nemnda kjem med sitt framlegg. Valnemda sitt framlegg er: Leiar: Nestleiar: Studieleiar: 7

8 Kasserar: Styremedl.: Styremedl.: Styremedl.: Styremedl.: Varamedlemmer: 1. varamedlem 2. varamedlem 3. varamedlem Revisor: Valnemnd 2017: Liss Bergum, leiar Ola Henning Ommedal? Utsendingar til fylkesårsmøte: Årsmøtet gjev styret fullmakt til å velje utsendingar og vara til fylkesårsmøtet. Sak 7 Aktuelle politiske saker Innleiingar ved: Gruppeleiar Per Rune Vereide Ordførar Leidulf Gloppestad Erling Sande «Sideblikk» 8

9 Sak 8 Arbeidsplan 2017 Viktige saker som Gloppen Senterparti skal arbeide vidare med i komande år: Stortingsval 2017 Næringspolitikk i Gloppen Gloppen som tilflyttingskommune nr. 1 Medlemsverving Vidare arbeid med region- og kommunereform Medlemsaktivitet Gloppen Senterparti skal ha medlemsmøter i komande år om aktuelle saker. Informasjonsarbeid Gloppen Senterparti skal kommunisere med medlemmane ved å: Nytte aktivt sms og e-post til utsending av informasjon til medlemmane. Medlemsregisteret skal vere oppdatert med telefon og e-post for dei som har dette. Styret og kommunestyregruppa får eit felles ansvar for å kome med innhald og oppdateringar på laget si heimeside. Bruke facebooksida til publisering av laget sin aktivitet. Styremøte i Gloppen Senterparti hausten 2016 Årsmøtet vedtek arbeidsplanen for

10 Sak 9. Innkomne saker Brev frå Gloppen Bygdekvinnelag Til ordføraren og dei politiske partia i Gloppen Om gravplassane våre Som de sikkert veit, engasjerer Gloppen bygdekvinnelag seg i mange saker. No er det gravplassane i bygda vår vi i laget har snakka om. Når vi av og til er på gravplassar i andre bygder, ser vi som regel at dei er fint stelte og godt slegne. Hos oss er gravplassane ikkje slik dei burde vere. Først og fremst er dei ujamne og graset blir av den grunn dårleg slege. Karmane der ugras og anna skal kastast er som regel overfylte, og det ser lite fint ut. Vi snakka om det på eit medlemsmøte, og der var det einighet om at slik burde det ikkje vere i vår kommune. Vi kritiserer ikkje dei som har sitt arbeid på gravplassane, men trur det er økonomien som gjer at arbeidet ikkje kan gjerast betre. Dugnadsånda lever framleis, men vi veit at ikkje alt kan gjerast på dugnad. Vi vil difor oppmode kommunestyret om å skaffe nok midlar så gravplassane i kommunen vår kan bli så respektable som dei bør vere. Det er med respekt for både dei døde, dei som kjem for å minnast dei døde og dei som har arbeidet med å halde gravplassane i orden vi engasjerer oss i dette. Vi ber difor om at de ser på denne saka med godvilje og løyver nok midlar i tillegg til det som elles er tiltenkt Fellesrådet. Når vi veit kor knapt med midlar denne sektoren ofte får, er vi ikkje nøgde med at de berre seier at dei får omprioritere. Midlane må komme i tillegg, gjerne øyremerkte til føremålet. Det trengst både ein eingongssum til grunnleggjande opprusting, og årlege midlar slik at dei som har ansvar for å halde gravplassane i orden, kan få gjort arbeidet. Vi håpar at de vil prioritere denne saka! Sandane, Med helsing Gloppen Bygdekvinnelag Else Tystad, leiar Sak 10. Eventuelt 10