Møteprotokoll Styremøte Lærdal Næringsutvikling AS

Transkript

1 Møteprotokoll Styremøte Lærdal Næringsutvikling AS Møte nr: Tid: Tysdag 16. juni 2015 kl Stad: Lærdal, møterom 2. etasje KIWI-bygget Til stades Rolf Jerving (Styreleiar) Jarle Molde Gro Starheimsæter Trond Øyen Einemo Helene Maristuen (vara for Hallvard Thomassen) Forfall: Hallvard Thomassen Sekretær: Arve Tokvam Sakliste Godkjenningssaker G Godkjenning av innkalling og sakliste Innkalling og sakliste vart godkjent. G Godkjenning og underskriving av protokoll frå styremøte Møteprotokollen frå møte 12. mai vart godkjent og signert. Orienteringssaker O Driftsorientering og saker under arbeid Styret fekk orientering om drifta og arbeidet med pågåande saker. O Økonomisk rapportering - driftsrekneskap LNU og næringsfondet 2015 Styret fekk orientering om driftsrekneskap LNU pr og status for bruk av næringsfondet so langt i Drøftingssaker Oppfølgingssak frå styremøte 12. mai D Rutinar for utsending av styredokument I styremøte 12. mai drøfta styret rutinar for utsending av dokument i samband med styremøte. Då fekk administrasjonen i oppdrag å vurdera alternative system for dokumenthandtering i samband med styremøte, og leggja fram sak om dette i neste styremøte. Dagleg leiar informerte om systemet Styreplan, som synest å vera eit tenleg alternativ. 1

2 Styret ber administrasjonen testa ut systemet Styreplan og ta det i bruk dersom det dekkar LNU sine behov. D Styrekurs I styremøte 12. mai drøfta styret kursopplegg for styrearbeid, retta inn mot lokalt næringsliv. Spørsmålet vart reist i samband med at styrearbeid og styret si rolle har vore drøfta i omstillingsprosjektet SMB utvikling. Styret bad administrasjonen undersøkja aktuelle kursopplegg og leggja fram skisse til opplegg og gjennomføring til neste styremøte. Administrasjonen har sett nærmare på eit styre- og leiarseminar som går over to samlingar á 2 dagar, og presenterte dette for styret. Styret meiner at eit opplegg over 4 dagar kan vera for omfattande og ber administrasjonen drøfta med dei ansvarlege for kursopplegget om det er mogleg å gjennomføra eit tilpassa redusert opplegg, der ein konsentrerer seg om dei mest sentrale emna i kurset. D Spørsmål og innspel frå Even Aarethun LNU har motteke ein e-post som Even Aarethun har sendt via Harald Mo i PWC i samband med SMBprosjektet. I e-posten kjem Even Aarethun med ytringar og spørsmål som han ber om tilbakemelding på. Administrasjonen ynskte at styret drøfta dei ytringane og spørsmåla i e-posten som var retta mot LNU. Styret ber administrasjonen invitera Even Aarethun til eit møte med styreleiar og dagleg leiar, der innhaldet i e-posten vert drøfta. Med bakgrunn i at e-posten også tek opp forhold som gjeld Lærdal kommune, meiner styret at også rådmannen bør delta i møtet. D MR i Lærdal Gjennom omstillingsprogrammet vert det jobba med eit prosjekt knytt til etablering av ein MR i Lærdal. Styreleiar ynskte at styret drøfta vidare prosess, særleg knytt til arbeidet med ein modell for finansiering og drift av ein MR i Lærdal. Styret ber administrasjonen undersøkja formalia og regelverk knytt til offentleg finansiering av ein eventuell MR i Lærdal. Administrasjonen får mandat til eventuelt å nytta juridisk bistand til naudsynte avklaringar. Handlingsrommet i vedtektene for næringsfondet må også avklarast. Styret ber administrasjonen førebu sak om finansiering og drift av MR til styremøtet den 18. august. 2

3 Vedtakssaker Utsett sak frå møte 24. mars V Søknad frå Håbakken Eigedom AS om tilskot til investering og etablering Styret fekk orientering om administrasjonen si innstilling i saka knytt til søknad frå Håbakken Eigedom AS om tilskot til investering og etablering. Jarle Molde gjekk frå under handsaming av saka. 1. Styret i Lærdal Næringsutvikling AS rår til at Håbakken Eigedom AS får avslag på sin søknad om tilskot til investering og etablering, då prosjektet ikkje oppfyller krava i vedtektene til fondet, samt retningslinene for tilskot til bygginvesteringar. 2. I tilrådinga ligg eit atterhald om at kommunestyret vedtek dei nye retningslinene for tilskot til bygg. V Søknad frå Meto Pro AS om alternativt arbeidsopplegg i SMB Styret fekk orientering om administrasjonen si innstilling i saka knytt til søknad frå Meto Pro AS om alternativt arbeidsopplegg i SMB. Trond Øyen Einemo gjekk frå under handsaming av saka. 1. Styret i Lærdal Næringsutvikling AS rår til at søknaden frå Meto Pro AS om endringar i prosjektinnhald for SMB utvikling vert avslegen. Med bakgrunn i dette vert tilskotet redusert til kr , avgrensa til maksimalt 17.5% av kostnadane. 2. Vilkåra for tilskotet skal vera i samsvar med opphavleg innvilga tilskot. 3. Tilsegnet fell vekk dersom det ikkje er søkt utbetalt innan Fristen kan forlengast etter søknad. Tillegg til vedtaket: 1. Styret i Lærdal Næringsutvikling AS rår til at Meto Pro AS får eit tilskot på inntil kroner til kompetanseutviklingstiltak. 2. Tilskotet skal dekkast av midlar i post «P7 Kompetanseutviklingstiltak» i rammeplan for fondet. 3. Administrasjonen får fullmakt til å setja nærare vilkår for tilskotet. V Søknad om tilskot frå Smak av Sogn Styret fekk orientering om administrasjonen si innstilling i saka knytt til søknad frå Smak av Sogn til utvikling av Smak av Sogn. 3

4 Helene Maristuen gjekk frå under handsaming av saka. Styret i Lærdal Næringsutvikling AS ser at Smak av Sogn er eit konsept som kan ha eit større potensiale, men at ideen treng meir modning. Styret meiner at det prosjektinnhaldet som ligg til grunn for søknaden er for omfattande for ein forstudiefase, og at søkjar i denne delen av prosjektet må fokusera på å få fram kva som skal vera det forretningsmessige grunnlaget for utvida drift av Smak av Sogn. I forstudien må det også gjerast vurderingar av organisering og drift av konseptet. Styret rår til at omfanget og budsjettet for forstudien vert redusert og gjev administrasjonen fullmakt til å avklara det endelege prosjektinnhaldet med søkjar. På bakgrunn av dette rår styret i Lærdal Næringsutvikling AS til at Smak av Sogn får eit tilskot på inntil kr til gjennomføring av forstudien. V Søknad om tilskot frå Kongevegprosjektet Styret fekk orientering om administrasjonen si innstilling i saka knytt til søknad frå Kongevegprosjektet om tilskot til skiltprosjekt. 1. Styret i Lærdal Næringsutvikling AS meiner at skiltprosjektet vil bidra til å auka attraktiviteten og marknadsverdien av denne delen av Kongevegen, og gjennom det ha positive ringverknader for næringsdrivande i Lærdal. Styret rår difor til at Turistvegprosjektet Kongevegen over Filefjell får eit tilskot på inntil kr frå nærings- og konsesjonsavgiftsfondet til prosjektet «Skilt og info på strekninga Honingane Seltun.» Det ligg som føresetnad for tilskotet, at tiltaket vert gjennomført som skissert. 2. Vilkåra for tilskotet elles skal vera i samsvar med saksinnstillinga frå administrasjonen. V Søknad om tilskot frå Visit Sognefjord Styret fekk orientering om administrasjonen si innstilling i saka knytt til søknad frå Visit Sognefjord om etablering av Wifi i Lærdal. 1. Styret i Lærdal Næringsutvikling AS rår til at Visit Sognefjord får eit tilskot på inntil kr frå nærings- og konsesjonsavgiftsfondet til Wifi soner i Lærdal Sentrum. Det ligg som føresetnad for tilskotet at tiltaket vert gjennomført som skissert, og at det vert utarbeida og lagt fram eit opplegg for drift og vedlikehald av systemet. 2. Vilkåra for tilskotet elles skal vera i samsvar med saksinnstillinga frå administrasjonen. Oppfølgingssaker Eige vedlegg 4

5 Eventuelt E Eventuelt Ingen saker Neste styremøte: Tysdag 18. august. Rolf Jerving Jarle Molde Gro Starheimsæter (Styreleiar) Hallvard Thomassen Trond Øyen Einemo Helene Maristuen sett 5