6. Opptaksperioden Opptaksperioden går frå barnet får plass og fram til veke 28 det året barnet skal ta til på skulen.

Transkript

1 Vedtekter for kommunale barnehagar Gjeldande frå 1. oktober I. FORMÅL OG ORGANISASJON. 1. Formål a. Barnehagen skal gje barn under opplæringspliktig alder eit godt miljø med vekt på leik og samvær med andre barn og vaksne. Barnehagen skal utvikla personlegdomen til det einskilde barnet, hjelpa barna å utvikla evne til toleranse og til å ha omsorg for andre - og gje sjølvutfalding med allsidig høve til leik og aktivitet. Saman med heimen skal barnehagen hjelpa til med å gje barna eit miljø som sikrar dei individuell og gruppevis omsorg og støtte, stimulering, utfalding, læring, etisk rettleiing og estetisk utvikling jf. Rammeplan for barnehagen. b. Barnehagen skal byggja verksemda si på dei etiske grunnverdiane som er forankra i kristendomen. Den etiske rettleiinga barnehagen gjev, må ta omsyn til alderen, modning og heimemiljøet til barna. Barnehagen skal formidla sentrale kristne tradisjonar slik dei m.a. kjem til uttrykk ved dei store kristne høgtidene. Barnehagen skal ta omsyn til at barna kan høyra til familiar frå ulike trussamfunn og med ulike livssyn. Føresette må difor på foreldremøte eller ved direkte kontakt bli orienterte om opplegg rundt dei store kristne høgtidene. 2. NY TEKST: Barn sin rett til medverknad. Barn har rett til å uttala seg om det som vedkjem dei, og skal ha høve til å ta del i det som omfattar livet deira i barnehagen. Det skal leggjast vekt på barn sine synspunkt i samsvar med alder og modning. 3. Organisasjon Dei kommunale barnehagane blir drivne i samsvar med lov om barnehagar, gjeldande departementale forskrifter og retningsliner, kommunale vedtak og planar gjeldande den einskilde barnehagen. Kvam herad har ansvar for utbygging og drift av barnehagane i heradet jf. 7 i lov om barnehagar. Den daglege drifta er delegert til administrasjonssjefen. Barnehagane skal ha eit samarbeidsutval og eit foreldreråd, jf. 4 i lov om barnehagar og forskrifter Eigartilhøve Kvam herad driv kommunale barnehagar i eigne lokale eller i leigde lokale. NY TEKST: Heradstyret har det overordna ansvaret for å skapa gode rammevilkår for barnehagane. (Gamal tekst: Heradstyret har det overordna ansvaret for å skapa gode rammevilkår for barnehagane i samsvar med lokale tilhøve i dei ulike krinsane.) 5. Opptaksmynde Førerett til plass i barnehage er fastsett i vedtektene, pkt III. Administrasjonssjefen stadfester eventuell førerett etter retningsliner gjeve i vedtektene. NY TEKST: Det er kontinuerleg opptak etter fastsette retningsliner, jf. vedtektene pkt II. (Gamal tekst: Styrar føretek kontinuerleg opptak etter fastsette retningsliner, jf. vedtektene pkt II) Enkeltvedtak som gjeld førerett kan føresette klaga til Klagenemnda. Klagen skal sendast til Eining for barnehage innan 3 veker frå motteke brev, jf. 28 i forvaltningslova. 6. Opptaksperioden Opptaksperioden går frå barnet får plass og fram til veke 28 det året barnet skal ta til på skulen. 7. Opningstida Opningstida i barnehagane blir fastsett av administrasjonssjefen. 8. Leike- og opphaldsareal Leike- og opphaldsareal følgjer rettleiande normer i "Forskrifter for barnehagar." 9. Eining Frå den månaden barnet fyller 3 år er barnet å rekna som ei eining, barn under 3 år svarar til 2 einingar.

2 10. Fleire barn enn norma tilseier Styrar, i samråd med barnehagesjefen, avgjer om det skal vera fleire barn i barnehagen enn norma tilseier. NY TEKST: Det må her takast omsyn til alderen på barna, fysiske rammer og eventuelt andre forhold. (Gamal tekst: Det må her takast omsyn til alderen på barna og evt. ekstra bemanning for funksjonshemma barn.) Dersom det er ei eining ledig, må barnehagen ta opp eit barn under 3 år dersom det ikkje er søkjarar over 3 år. 11. Planleggings- og kursdagar. Barnehagane blir stengde 7 dagar i løpet av barnehageåret. 5 av desse dagane går til planlegging og samarbeid for personalet, jf. arbeidsavtale for personalet. (SFS nr. 2201, 3.2.) 2 av dagane går til kompetanseutvikling for personalet. 12. Serviceerklæring. Driftseining barnehage har eiga serviceerklæring. II. OPPTAK. Føresette med barnehageplass har rett på å få tilbod om å auka plassen før barnehagen tek opp nye barn på ledige plassar. Barnehagane skal til ein kvar tid ha oversikt over ledige plassar den enkelte dag. Opptak skjer etter søknadsansiennitet og ønskje om dagar.. 1. Søknad NY TEKST: Søknad skal skrivast via Internett, og berre søknader over nettet blir akseptert. Føresette kan søkja om plass i 3 barnehagar, der ein prioriterer etter ønskje. Når søkjar får tilbod om plass må vedkommande skriftleg takka ja innan 2 veker frå utsendingsdato. Dersom ein ikkje har fått 1. ønskje oppfylt må ein sjølv gje melding på svarslippen om at ein ønskjer å stå på venteliste der. Søkjarar som ikkje får 1. og 2. ønskje oppfylt, kan krevja at avslaget blir grunngjeve skriftleg. Søknader som ikkje inneheld informasjon om oppstartsdato blir ikkje handsama. Søknadsskjemaet finn ein på Eining for barnehage si heimside Ledige plassar blir sendt som tilbod til dei som står på ventelista. Tvillingar skal til vanleg vurderast saman ved opptak. NY TEKST: Takkar føresette nei til plass på 1. ønskje, blir søknaden sletta frå ventelista og ny søknad må eventuelt sendast. Takkar ein nei til ein av dei andre ønskjene, blir søknaden ståande på ventelista til 1. ønskje. (Gamal tekst: Søknad skal skrivast på eige skjema og skal sendast til Kvam herad. Søknadsskjema får ein ved å venda seg til Kvam herad, Rådhuset Kvam herad si heimside - Den einskilde barnehage Helsestasjonane Foreldra kan søkja i god før dei ønskjer plass for barnet. Desse får søknadsansiennitet frå den dag heradet har motteken søknaden. Gamal tekst: Dei med lengst ansiennitet får fyrst tilbod. Takkar dei nei til den ledige plassen vil barn med kortare ansiennitet bli tatt opp.)

3 2. Søknadsansiennitet NY TEKST: Føresette kan søkja i god tid før dei ønskjer plass for barnet. Søkjar får søknadsansiennitet og såleis prioritet på ventelista etter den dato søknaden er motteken. Ansiennitetsprinsippet kan berre fråvikast for barn med førerett, jf. pkt. III. 3. Ønskje om dagar Ved opptak vil søknad om 5-dagars plass gå føre søknad om færre dagar ved elles lik søknadsansiennitet. (Gamal tekst som fell vekk: Viss foreldra ikkje tek i mot tilbod om plass i samsvar med søknaden, misser dei føreretten ut frå fastsett ansiennitetsdato. Der søkjaren ikkje har oppgitt dato for oppstart, vil heradet tildele plass når det er plass ledig. Tek søkjaren ikkje mot plassen då, vil søkjaren missa ansienniteten.) 4. Opplysningar til søkjar Søkjar har rett på opplysningar om talet på søkjarar til barnehagen, aldersfordeling og korleis grupperinga er i høve til opptakskriteria. 5. Oppdatering av søkjarlister I april blir det sendt ut førespurnad frå Kvam herad om søknaden på barnehageplass står ved lag. Søkjar må skriftleg stadfesta at søknaden står ved lag. Dersom stadfesting, eventuelt endring av søknad ikkje er motteken innan 3 veker, blir søkjar stroken frå søkjarlista. III KRITERIUM DER SØKNADSANSIENNITETEN KAN FRÅVIKAST: 1. Førerett ved opptak i barnehage i prioritert rekkefølgje: a. Funksjonshemma barn som er tilrådd utviklings-/opplæringstilbod i barnehage av sakkunnige. (Jf. 13 i lov om barnehagar). b. Barn det er fatta vedtak etter lov om barneverntenester 4-12 og 44 andre og fjerde ledd. c. Barn som etter sakkunnig vurdering av ulike årsaker har spesielt behov for barnehagetilbod: - som førebyggjande tiltak i samband med sjukdom eller andre tilhøve hjå barnet eller i heimen. - barn med anna nasjonal bakgrunn og som vil ha stor nytte av barnehageplass for å bli integrert i barnefellesskapet og i norsk kultur. Sakkunnig er PPT, lege, helsesyster, fysioterapeut, barnevern eller flyktningkontor. Attest frå sakkunnige må leggjast ved søknaden. d. Året før barn tek til på skulen. e. Barn av einsleg forsytar under utdanning eller i arbeid. Dokumentasjon på studieplass, skoleplass eller frå arbeidsgivar og dokumentasjon som stadfester status som einsleg forsytar må leggast ved søknaden. f. Barn som har søsken i barnehagen har førerett til plass i den barnehagen søsken går i. 2. Overgangsordningar Administrasjonssjefen avgjer om heradet kan gje førerett til plass i barnehage i samband med rekruttering til stillingar der heradet har vanskar med å skaffa kvalifisert personale. IV. FORELDREBETALING Barnehagane nyttar dei betalingssatsane som blir fastsette av heradsstyret. NY TEKST: Betalinga gjeld frå den dato barnet begynnar ( inkludert tilvenjing) og fram til oppseiingsdato. Før skulestart er siste betalingsdag i veke 27. (Gamal tekst: Avtaleperioden gjeld til vanleg fram til veke 28, med unntak av dei barnehagane som følgjer skuleåret)

4 Føresette får tilsendt utfylt innbetalingskort med forfall den 20. i månaden. Etter 2 to veker blir første purrebrev sendt. For skriftleg purring vil det bli lagt til kr. 50 i purregebyr. Rente ved seinka innbetaling er 12% p.a. jf. Lov om renter ved forseinka betaling av og Lov om inkasso av nr. 26 med forskrift fastsett av kgl. res. av Etter 1 ein månad seier Kvam herad opp plassen gjeldande frå 1. i månaden etter, jf. Tvangsfullbyrdelseslova 4-18 og 13-2a. Varsel om inkasso vil bli sendt før manglande betaling blir kravd innfordra ved tvang. Ny barnehageplass eller plass i SFO blir ikkje tildelt før barnehageavgifta er betalt, eller det føreligg ei betalingsordning økonomisjefen kan godkjenne. Ved ekstraordinær stenging i heile dagar blir det gjeve prisavslag tilsvarande 100% reduksjon av dagbetalinga. V. SØSKENMODERASJON Det blir gjeve søskenmoderasjon etter reglar gjevne av heradstyret. Frå barnehageåret 2006 er det 30% søskenmoderasjon for 2. barn og 50% frå og med 3. barn. Moderasjonen blir gjeven for det barnet som har lågast månadssats. Søskenmoderasjon for barn som ikkje er søsken, men bur i same hushald, kan bli gjeven etter særskild søknad. VI. FORELDREBETALING VED SJUKEFRÅVÆRE Foreldrebetalinga kan bli redusert til 50% dersom barnet samanhengande er borte frå barnehagen meir enn ein månad på grunn av alvorleg sjukdom. Dette må dokumenterast med legeattest. Den første fråversmånaden, rekna frå den dagen søknaden er motteken, blir likevel betalt etter vanlege satsar. VII. PERMISJON FRÅ BARNEHAGEPLASS Administrasjonssjefen kan gje permisjon frå barnehageplass ved brå endring i barnet sin livssituasjon. Permisjon etter desse vilkåra blir gjeve etter skriftleg søknad frå føresette og med dokumentasjon. Den første fråversmånaden, rekna frå den dagen søknaden blir motteken, blir likevel betalt etter vanlege satsar. VIII. DAGOPPHALD Til vanleg blir det ikkje gjeve høve til dagopphald ved dei kommunale barnehagane. I særskilde høve kan styrar i barnehagen gjera unntak frå denne regelen. NY TEKST: Kostnad for dagopphald blir fastsett av administrasjonen. (Gamal tekst: Kostnad for dagopphald blir fastsett av heradsstyret) IX. FERIE Barnet skal ha minst 4 veker ferie i løpet av sommaren. Barnehagane er stengde 3 veker frå veke 28. t.o.m. veke 30. Den fjerde ferieveka må barnet ta i veke 27 eller veke 31. X. OPPSEIING OG ENDRING AV BARNEHAGEPLASS 1. Oppseiing. Ved oppseiing av barnehageplass må det betalast frå den dagen styrar har motteke skriftleg oppseiing og den neste heile månaden. Kvam herad kan seia opp barnehageplassen ved manglande foreldrebetaling jf. pkt. IV.

5 2. Endring. Ved reduksjon eller auke av barnehageplass, vil avtalen mellom søkjar og Kvam herad automatisk endrast til ny avtale. Unntak frå regelen, sjå pkt. VII. 2.1.Reduksjon. Reduksjon av barnehageplass kan ein få innvilga etter den dagen styrar har motteke skriftleg melding og den neste heile månaden. Dersom barnehagen kan ta inn nytt barn før perioden har gått, kan reduksjon bli innvilga tidlegare, men ikkje før den datoen det blir betalt for nytt barn. 2.2.Auke. Auke av barnehageplass kan ein få innvilga dersom det er ledig kapasitet i barnehagen. 3. Redusering og oppseiing året før skulestart. Ved redusering eller oppseiing av barnehageplass i tidsrommet 1. april 30. juni skal det betalast ut juni månad. For oppseiing av barnehageplass for dagane frå 1. juli og fram mot veke 28 gjeld punkt 1. Oppseiing. XI. MELDING OM HELSA TIL BARNET Føresette pliktar å gje barnehagen naudsynt informasjon om tilhøve ved barnet si helse som tilsette må ta særskilt omsyn til. Informasjonen blir arkivert i barnet si mappe i barnehagen. Informasjon må bli levert seinast ei veke før oppstart. XII. INTERNKONTROLLSYSTEMET I BARNEHAGEN Barnehagane følgjer systemet for internkontroll i Kvam herad tilpassa den enkelte barnehage. IKhandboka, handbok for miljøretta helsevern og handbok for Rutinemessig, visuelt ettersyn av leikeplassutstyr for Kvam herad skal finnast i alle barnehagane.