SAKSDOKUMENT. Utvalsaksnr Utval Møtedato Formannskapet

Transkript

1 VOLDA KOMMUNE SAKSDOKUMENT Sakshandsamar: Hanna Spilling Arkivsak nr.: 2012/1505 Arkivkode: 233 Utvalsaksnr Utval Møtedato Formannskapet LUK-PROSJEKTET: FURENE/HOVDEBYGDA- STRATEGIAR FOR REGIONALT KNUTEPUNKT. FERDIGSTILLING Administrasjonen si tilråding: 1. I regi av Ørsta og Volda kommunar og i samarbeid med Møre og Romsdal fylkeskommune er det i gjennomført eit LUK-prosjekt der målsettinga er å etablere felles forståing og aksept for ei heilskapleg utvikling av Furene/Hovdebygda i eit næringsperspektiv, parallelt med styrking av Ørsta og Volda sentrum. Konkret resultat i prosjektet er ein rapport som skal tene som kompetansegrunnlag og innspel til kommuneplanar og anna plan- og utviklingsarbeid i begge kommunar. Felles handelsanalyse for Ørsta/Volda er utarbeidd som del av prosjektet. 2. Formannskapet tek prosjektrapportane til vitande: Ørsta og Volda kommunar. Strategiar for regionalt knutepunkt i Furene/Hovdebygda (Asplan Viak ) og Handelsanalyse Ørsta-Volda (Asplan Viak ). 3. Prosjektet og prosessen vil bli lagt til grunn og er å sjå på som ein del av arbeidet med føreståande revisjon av samfunns- og arealdelen i kommuneplanen og reguleringsplanarbeid for utvikling av næringsareal i Furene. Sentrumsprosjekta vert å sjå på som ei forlenging av dette prosjektet. Rapportane vert vidare å legge til grunn for samarbeid med Ørsta kommune i plan- og utviklingsspørsmål. Vedleggsliste:

2 Ørsta og Volda kommunar. Strategiar for regionalt knutepunkt i Furene/Hovdebygda (Asplan Viak ) Handelsanalyse Ørsta-Volda (Asplan Viak ) Uprenta saksvedlegg: SAKSOPPLYSNINGAR: LUK står for Lokal samfunnsutvikling i kommunane og er Kommunal- og regionaldepartementet si satsing på lokalt utviklingsarbeid. I regi av Ørsta og Volda kommunar og i samarbeid med Møre og Romsdal fylkeskommune er det i gjennomført eit LUK-prosjekt der målsettinga er å etablere felles forståing og aksept for ei heilskapleg utvikling av Furene/Hovdebygda i eit næringsperspektiv, parallelt med styrking av Ørsta og Volda sentrum. Ein rapport med råd for utvikling er konkret resultat i prosjektet. Rapporten vert eit kompetansegrunnlag og innspel til kommuneplanar og anna plan- og utviklingsarbeid i begge kommunar. Prosjektet er no ferdigstilt og rapport ligg føre: Ørsta og Volda kommunar. Strategiar for regionalt knutepunkt i Furene/Hovdebygda (Asplan Viak ). Felles handelsanalyse for Ørsta/Volda er utarbeidd som del av prosjektet, Handelsanalyse Ørsta-Volda (Asplan Viak ). Prosjektet er politisk forankra gjennom vedtak i Ørsta formannskap (f-sak 147/12) og i Volda kommunestyre (k-sak 121/12). Råd for framtidig utvikling Felles handelsanalyse viser at det ikkje er full dekningsgrad for handel i Ørsta og Volda. 4 ANBEFALING Analysen viser at det er markedsgrunnlag for meir handel i både Ørsta og Volda kommuner, fortrinnsvis handel med utvalgsvarer. Dette er handelskonsepter som gjerne forbindes med sentrumshandel og kjøpesentre. For å bygge opp under bygdebyene Ørsta og Volda og gjøre disse til attraktive reisemål for handlende også bosatt utenfor Ørsta-Voldaregionen anbefales at denne type handel konsentreres til sentrumsområdene. I Ørsta-Voldaregionen som helhet er det tilnærmet 100% dekningsgrad for møbler, hvitevarer med meir, og for ikkje å trekke handel ut av sentrum anbefales at eventuelt nye utsalg i denne varegruppen lokaliseres til utkanten av sentrum, og da fortrinnsvis til Volda, som har underdekning for denne varegruppen. Det kan være rom for meir handel med byggevarer, hagesenter og andre plasskrevende varer. Dette er bilbasert handel med et regionalt markedsområde, og som anbefales lokalisert til Furene- Hovdebygda. Handelsanalysen LUK-rapporten anbefalar at næringsutviklinga endrar fokus frå handelsutvikling til samfunnsutvikling, der ein satsar på eksisterande senter. Ein bør vidare ha fokus på vekst og auka folketal, for deretter å «dimensjonere» handelsnæringa etter dette. Ein må då arbeide for fylgjande drivarar:

3 1. Arbeide for auka busetnad i Volda og Ørsta 2. Arbeide for auka næringsliv i Volda og Ørsta som kan tilrettelegge for punkt ein. 3. Satse på skule og utdanning. Det vidaregåande trinnet er kanskje det lettaste å påverke. For å få fleire tilsette og studentar må ein byggje gode bygdebyar. 4. Satse på helse og helsetenestar. Både som tiltak for eit betre og større fagmiljø, for utvikling av gode prosjekt innan bustadbygginga og som tiltak for å auke sysselsetjing fram peiker dette seg som ein god strategi. 5. Satse på kultur og auka attraktivitet i bygdebyane for å understreke punkt 1-4. Dette gjer ein best gjennom berekraftig planlegging: styrke eksisterande by- og tettstadssentre bidra til meir effektiv arealbruk bidra til miljøvenlege transportval unngå auke av tettstadsarealet unngå bilavhengighet Rapporten foreslår å etablere nye grenser for Volda og Ørsta sentrum, jf. kart under, og satse på fortetting. Funksjonar den tilrår å etablere i sentrum er offentlege funksjonar, helse og utdanning, bustadar, jobb nummer to og detaljhandel. Furene ligg utafor dette området og det gjer også Ekset - Mork. Vidare bør ein arbeide for å knyte områda saman med gode kollektivstopp som kan danne sekundære senterpunkt i dei større områda. På denne måten kan ein kople saman strategiske punkt i Volda, Furene, Hovdebygda og Ørsta. Vekst rundt desse punkta er fornuftig. Rapporten frarår å opne for meir detaljvarehandel i Furene - Hovdebygda. Det er derimot rom for etablering av meir handel i form av plasskrevjande handel, noko rapporten tilrår. Rapporten åtvarar mot å etablere større område for handel utanfor sentrumssonene då det vil trekkje krefter vekk frå eksisterande tettstadssentre. Storvarehandel som definert i plan og bygningslova kan ligge utafor sentrum, men konsept som er definert som detaljhandel bør ikkje ligge utafor sentrum. Ei oppsummerande anbefaling er å samle nye tiltak i så få landskapsrom som mogleg. Å drive utvikling i utvalde landskapsrom vil gje tettare strukturar og vil spare meir areal til dømes for rekreasjon og jordbruk.

4 Ny tettstadgrense Sykkelavstand Sonar for fotgjengere Prosess og gjennomføring Det er gjennomført open anbodskonkurranse. Åtte tilbod kom inn. Asplan Viak fekk tilbodet. Prosjektgruppa har hatt 7 møte. I tillegg har det vore fleire samarbeidsmøte mellom delar av prosjektgruppa og prosjektleiarane. Prosjektleiaren har under heile prosjektperioden hatt kontakt med tilbydar og andre samarbeidspartnarar. Formannskapa som er prosjekteigarar, er orientert om prosjektet i formannskapsmøte høvesvis (Volda) og (Ørsta), i tillegg til deltaking på verkstadar. Prosjektet har involvert mange aktørar; politikarar og administrativt tilsette i begge kommunar, næringsaktørar, interesseorganisasjonar og eldsjeler. Det er gjennomført to verkstadar/ope møte. Til saman har om lag 100 enkeltpersonar delteke på møta. Informasjon om prosjektet er tilgjengeleg på heimesidene til kommunane, og ein har nytta lokalvisene og lokal-tv aktivt for å orientere om prosjektet. Prosjektleiarane har presentert prosjektet på fylkeskommunale planfagsamlingar. Ein opplever at deltakinga har vore god og med høgt engasjement. Prosjektet er i all hovudsak gjennomført i tråd med prosjektplanen.

5 Økonomi Prosjektet fekk kr i stønad frå fylkeskommunen. Kommunane løyvde kr kvar til prosjektet, i tillegg til eigeninnsats. Økonomisk ramme er kr , eigeninnsats i tillegg. Handelsanalysen var i utgangspunktet ikkje inkludert i budsjettet då den var føresett finansiert via tettstadsmidlar. Ein såg at budsjettet tillet å inkludere kostnadane ved handelsanalysen, og etter avklaring med fylkeskommunen er handelsanalysen no tatt med i rekneskapen for LUK-prosjektet. Rekneskapen er ikkje avslutta. Tala syner at prosjektet held seg innanfor økonomisk ramme, men at eigeninnsatsen har vore større enn føresett. VURDERING OG KONKLUSJON: LUK-prosjektet Furene/Hovdebygda. Strategiar for regionalt knutepunkt er gjennomført i tråd med tidlegare politisk vedtak (Ørsta f-sak 147/12 og Volda k-sak 121/12). Føremål med prosjektet er å etablere felles forståing og aksept for ei heilskapleg utvikling av Furene/Hovdebygda i eit næringsperspektiv, parallelt med styrking av Ørsta og Volda sentrum. Resultat i prosjektet vert eit kompetansegrunnlag og innspel til kommuneplanar og anna plan og utviklingsarbeid i begge kommunar. Felles handelsanalyse for Ørsta/Volda er utarbeidd som del av prosjektet. Prosjektet og prosessen vil bli lagt til grunn og er å sjå på som ein del av arbeidet med føreståande revisjon av kommuneplanen si samfunns- og arealdel og reguleringsplanarbeid for utvikling av næringsareal i Furene. Vidare i føreståande sentrumsprosjekt i høvesvis Volda og Ørsta. Sentrumsprosjekta vert å sjå på som ei forlenging av dette prosjektet. Prosjektet er no ferdigstilt og rapport ligg føre: Ørsta og Volda kommunar. Strategiar for regionalt knutepunkt i Furene/Hovdebygda (Asplan Viak ) og Handelsanalyse Ørsta-Volda (Asplan Viak ). Rådmannen rår til at formannskapet tek rapportane til vitande og at dei vert lagt til grunn for val og prioriteringar i planar og utviklingsspørsmål i begge kommunane og for samarbeid på tvers av kommunane. Dei nye sambanda gjer at Volda og Ørsta får ei sentral plassering i ein utvida region med innbyggjarar. Regionen er sjølvstendig med private og offentlege servicetilbod og infrastruktur. I tillegg er regionen robust med sikte på breidda og berekrafta i det totale næringslivet. Det bør vere eit potensial for utvikling i kommunane Volda og Ørsta. Når det gjeld Volda sentrum og Furene meiner rådmannen det er ein logikk i den fordelinga som rapporten konkluderer med. Utviklinga i Volda sentrum er avhengig av at det naturlegvis er kapital som er villig til å investere, men også at det er tilgang på tomter og utbyggingsareal. Dersom dette vert knappheit, kan det utløyse press på utbygging av detaljhandel i Furene/Hovdebygda området. Rådmannen meiner at konsentrert utvikling av sentrumsfunksjonar i Volda er svært viktig for nærmiljøet, trivselen og den totale utviklinga i Volda. I motsetning til ein del andre bygdesentrum og bygdebyar, så er så og si alt utbyggingsareal privat eigedom. Så lenge vi har denne situasjonen er Volda sentrum si utvikling avhengig av at dei som sit på privat utbyggingsgrunn, enten sjølve driv fram prosjekt, eller stiller grunn til disposisjon for andre utbyggjarar innanfor vilkår som er forretningsmessig berekraftige.

6 Rune Sjurgard rådmann Utskrift av endeleg vedtak: Møre og Romsdal fylkeskommune Ørsta kommune Planleggjar/sakshandsamar Utviklingssektoren Kommunalteknisk Volda næringsforum Sunnmøre Kulturnæringshage Høgskulen i Volda