INFORMASJON til studentar som reiser ut

Transkript

1 INFORMASJON til studentar som reiser ut

2 Innhald Informasjon til studentar som reiser ut Naudsynte førebuingar før du reiser ut Tryggleik under utanlandsopphaldet Ved krisesituasjonar i utlandet Viktige adresser og telefonnummer Innhald Utdanningsavdelinga, UiB Grafisk design og utforming Formidlingsavdelinga, UiB 4542

3 Informasjon til studentar som reiser ut Denne brosjyren er for deg som er student ved Universitetet i Bergen og planlegg eit studierelatert utanlandsopphald. Her får du informasjon om kva du må gjere for di eiga helse og tryggleik før du reiser ut og medan du er i utlandet. Du får også vite kva du skal gjere dersom du treng hjelp, til dømes i ein krisesituasjon. Les nøye gjennom brosjyren, og fyll ut og lever opplysningsskjema/ eigenerklæring for studentar til UiB før du reiser. Ta med deg brosjyren til utlandet, og ha den lett tilgjengeleg. UiB ønskjer deg eit trygt og lærerikt opphald i utlandet! Både studentar og UiB har ansvar knytt til studierelaterte utanlandsopphald. Studenten sitt ansvar: lese brosjyren «Informasjon til studentar som reiser ut» og ta den med til utlandet levere opplysningsskjema/eigenerklæring for studentar til UiB i god tid før avreise vite kven ved UiB som kan kontaktast ved behov halde UiB oppdatert om adresse/telefonnummer i utlandet registrere seg ved næraste norske utanriksstasjon der dette vert tilrådd teikne forsikring for utanlandsopphald ta naudsynte vaksiner orientere seg om tilhøva i området ein oppheld seg i og følgje råd frå lokale styresmakter og vertsuniversitetet opptre ansvarleg for å redusere risikoen for å hamne i farlege situasjonar informere UiB og vertsuniversitet dersom du treng spesiell tilrettelegging/oppfølging under utanlandsopphaldet Informere UiB i fall utanlandsopphaldet vert avbrote eller forlenga UiB sitt ansvar: vurdere tryggleiken på stader der universitetet har utvekslingsavtalar gi UiB-studentar på studierelaterte utanlandsopphald generell rettleiing og råd om personlig tryggleik før avreise, først og fremst gjennom brosjyren «Informasjon til studentar som reiser ut» registrere utanlandsopphalda, arkivere opplysningsskjema/eigenerklæring for studentar og makulere desse etter at opphalda er avslutta kontakte studentar og grupper som oppheld seg i områder der det har oppstått farlege situasjonar yte bistand til UiB-studentar som er innblanda i krisesituasjonar og om naudsynt kalle saman ei beredskapsgruppe 4

4 Naudsynte førebuingar før du reiser ut Skal du opphalde deg i eit EU/EØS-land eller i Sveits bør du skaffe deg eit europeisk helsetrygdekort frå NAV. Norske statsborgarar som får stønad frå Lånekassen til studieopphald utanfor EU/EØS eller Sveits, får rett til stønad til helsetenester gjennom folketrygda. Du får då tilsendt trygdebevis til folkeregisteradressa di. Andre må søkje om å vere dekka av folketrygda i utlandet. Les meir på - internasjonal studentar i utlandet. Folketrygda gir deg ikkje ei fullgod forsikring. Den inkluderer ikkje reise- og ulykkesforsikring og dekkjer ikkje innbu, heimtransport ved sjukdom med meir. Vi råder deg difor på det sterkaste til å teikne ei forsikring for studium i utlandet. Slike forsikringar får du mellom anna gjennom og Nokre forsikringar inkluderer sjukeforsikring, medan du må betale ekstra for dette hjå andre. Treng du å vaksinere deg før utanlandsopphaldet? Undersøk på kva som blir tilrådd for det landet du skal til. Kontakt Smittevernkontoret i Bergen kommune (tlf ) eller eit anna vaksinasjonskontor. Der får du naudsynte vaksiner og rådgiving om reisemedisin. Det kan vere lurt å ringe rundt til fleire for å forhøyre seg om prisar først. Nokre vaksiner må du ta i god tid før du reiser. I enkelte land kan du risikere å bli nekta innreise eller å bli «tvangsvaksinert» på flyplassen dersom du ikkje kan dokumentere at du har tatt dei pålagde vaksinane. Dersom du har ein kronisk sjukdom bør du kontakte legen din før du reiser. Er du avhengig av reseptpålagde medisinar, må du syte for å få med deg nok av desse. Det kan også vere ein fordel å få med seg ei stadfesting på engelsk frå legen din om at dette er medisinar du er avhengig av, fordi dei vil kunne falle inn under narkotikalovgivinga i enkelte land. Ta omsyn til helsetilstanden din når du vel studieland. Ver klar over at du ikkje er garantert tilgang til helsetenester og medisinar på same måte som i Noreg. Ver orientert om tilhøva i landet du reiser til. 5

5 Hugs dessutan på følgjande: Betal semesteravgift og registrer deg som student ved UiB for den perioden du er i utlandet Søk om visum dersom du treng det. Du må som regel ha eit pass som er gyldig i minst seks månadar etter at du skal vere tilbake i Noreg Syt for å få førehandsgodkjenning frå UiB dersom du skal på utveksling, og søk om endeleg godkjenning når du er heimkomen Søk om lån og stipend frå Lånekassen i god tid før utanlandsopphaldet Undersøk høvet for å ta språkkurs og få språkstipend Utvekslingsstudentar skal levere rapport frå opphaldet sitt På UiB sine nettsider finn du meir informasjon om kva du må gjere før du reiser og når du er ute.

6 Tryggleik under utanlandsopphaldet Registrering Hald familien heime og UiB oppdatert om kontaktinformasjonen din (adresse, e-postadresse, telefon) og om heimreisedato. Ettersend informasjon som eventuelt mangla på opplysningsskjemaet til utvekslingskoordinatoren din, eventuelt til e-postadressa Mange norske ambassadar og konsulat ønskjer at norske statsborgarar skal registrere seg hjå dei. Som hovudregel bør du registrere deg ved næraste norske utanriksstasjon ved lengre opphald i alle land utanfor Europa og Nord- Amerika. Oversikt over utanriksstasjonar finn du på Dersom du reiser vekk i helger eller på ferie ønskjer nokre vertsuniversitet å bli oppdatert om kvar du er og når du kjem tilbake. Dette gjeld også ferie etter avslutta studieopphald. Følg landet sine lover og reglar Sett deg inn i kva lover og reglar som gjeld i landet du skal bu i. Du er ikkje unnateken frå nokon av desse sjølv om du er utlending. Mange land har svært strenge reglar for narkotikasmugling. Pass på at du ikkje ber på eller transporterer «pakkar» for nokon. Ver klar over at straffa for å oppbevare sjølv små mengder narkotika kan vere strenge. Enkelte land har dødsstraff for smugling. Hugs at nokre land har ekstra strenge reglar for kjøp av alkohol, drikking på offentleg stad, promillekøyring og regelrett fyll. Ikkje ta arbeid viss visumet ditt ikkje tillet det, og hald deg til utløpsdatoen for visumet. Brot på visumreglane kan føre til bøter, fengselsstraff og deportering. Du vil også kunne bli nekta framtidig innreise og opphald i landet. I tillegg til dei formelle lovene, fins det alltid mange uskrivne lover, skikkar og normer. Ei god guidebok kan hjelpe deg til å finne ut meir om dei lokale «dos and don ts. Trafikktryggleik Ver klar over at trafikkulturen i mange land kan vere veldig forskjellig frå den du er vant med. Dette gjer at du bør vere omsynsfull og forsiktig, både som hard og mjuk trafikkant. Det er ikkje alle lokale vanar du bør tilpasse deg. Sjølv om det er vanleg å køyre bil utan tryggleiksbelte og med promille, eller å køyre moped utan hjelm, er ikkje dette noko du treng å gjere. Før du køyrer bil, må du undersøkje kva trafikkreglar som gjeld og om du treng eit lokalt eller internasjonalt førarkort og ekstra forsikring. 7

7 Hald deg oppdatert om situasjonen i landet Hald deg oppdatert om den politiske situasjonen i landet gjennom å følgje med på nyheitene. Ved ein eventuell unntakstilstand vil råd til befolkninga som regel bli gitt gjennom media. Ved naturkatastrofar eller alvorlige sjukdomsutbrot bør du følgje dei råda som blir gitt av landet sine styresmakter. I periodar kan norske styresmakter eller lokale styresmakter fråråde deg å reise til enkelte område, enten på grunn av naturmessige eller politiske forhold. Følg slike råd! Unngå store folkemengder, som politiske massemønstringar og demonstrasjonar, samt stader der det er varsla politiske demonstrasjonar. Dersom ein oppheta eller farleg situasjon utviklar seg, motstå freistinga til å tilfredsstille nysgjerrigheita og gå heller vekk frå staden. Sjå det på nyheitene når du kjem heim! Generelle råd om tryggleik Skaff deg informasjon om lokale forhold, til dømes om tilrådde førehandsreglar og områder som ein bør unngå. Vertsuniversitetet kan ofte gi deg gode råd. Det er viktig å bruke sunn fornuft, særleg når du oppheld deg på stader der du ikkje er kjent. Dersom du kjem inn i eit område der du føler deg ukomfortabel, bør du oppføre deg som om du veit kva du gjer og kvar du er på veg og kome deg til eit område der du føler deg tryggare. Viss du ønskjer å utforske nye nabolag, bør du gjere dette i dagslys. Finn på førehand ut kvar nærmaste undergrunns- eller busstopp er. Ikkje ver overstadig rusa! I tillegg til skadar du vil kunne påføre deg sjølv eller andre, vil du også vere meir utsett for ran og overfall. Gå aldri med meir pengar og verdisaker på deg enn naudsynt. Samstundes bør du alltid ha kontantar på deg. Viss du blir rana, bør du ikkje prøve å sette deg til motverje, men raskt gi frå deg kontantar og verdisaker. Dersom du blir fråstelt eit kredittkort, må du kontakte banken snøggast mogleg for å få kortet sperra. Sjekk kva forsikringa di seier om oppbevaring av pengar og verdisaker. Kvinnelege studentar Mange stader vil kvinnelege studentar møte ekstra utfordringar på grunn av eit anna kvinnesyn eller et ulikt forhold mellom kjønna enn det du er van med. Nokre ekstra forholdsreglar kan vere naudsynte: Ikkje gå åleine om kvelden/natta i områder der du ikkje veit at dette er trygt. Ver merksam på at ting du gjer for å vere venleg nokre stader kan oppfattast annleis og bli tatt som eit teikn på romantisk interesse. Enkelte stader kan det vere ein fordel å kle seg litt meir konservativt enn du elles ville gjort. Ver klar over at veldig mange stader er synleg rusa kvinner eit uvanleg syn. Dette kan sende ut andre signal enn du ønskjer. 8

8 Ved krisesituasjonar i utlandet Kontakt lokalt politi, brannvesen og/eller ambulanse/lege ved behov. Dersom du ikkje kan gjere deg forstått, må du få tak i nokon som kan fungere som tolk. Viss du vert råka av sjukdom, ulykker, vald, opptøyar, naturkatastrofar eller liknande, ta kontakt med næraste norske utanriksstasjon. Ved unntakstilhøve skal du følgje råd og pålegg frå lokale styresmakter. Dersom ein farleg situasjon skulle oppstå i landet, ta kontakt med familien din heime for å gi beskjed om at du er trygg. Dette gjeld også dersom du ikkje er i nærleik av hendinga. Familien din har ikkje alltid oversikt over dei geografiske tilhøva. Den norske kyrkja i utlandet har ein eigen beredskapstelefon: Viss du treng hjelp frå UiB, skal du først prøve å kontakte den administrative koordinatoren for utanlandsopphaldet ditt. Du kan også ta kontakt med koordinator på vertsuniversitetet. Viss du i ein krisesituasjon ikkje får kontakt med administrativ koordinator, skal du ringe UiB sitt naudnummer Dette nummeret er vidarekopla til vaktselskapet som er informert om kven som skal kontaktast vidare. Dersom du av ein eller annan grunn vantrivst og ønskjer å avbryte utanlandsopphaldet, snakk først med koordinator ved vertsuniversitetet og den administrative koordinatoren din ved UiB. Det er godt mogleg at noko kan gjerast for å løyse problema dine. 9

9 Viktige adresser og telefonnummer Namnet på din administrative koordinator ved UiB Telefonnummer E-postadresse Nærmaste norske utanriksstasjon Telefonnummer Naudnummer ved vertsuniversitetet Naudnummer til det lokale politiet Naudnummer til lokale ambulanse/legevakt Naudnummer ved UiB: Andre ressursar Oversikt over norske utanriksstasjonar: Land- og reiseinformasjon frå Utanriksdepartementet: odin.dep.no/ud Den norske kyrkja i utlandet: Beredskapstelefon: ANSA (Association of Norwegian Students Abroad): 10