Utval Møtedato Utvalssak Formannskapet Kommunestyret

Transkript

1 VESTNES KOMMUNE Saksframlegg Arkiv: 231 Arkivsaksnr.: 2012/2472 Saksbehandlar: Arve Rekdal Dato: Renovasjonsgebyr 2013 Utval Møtedato Utvalssak Formannskapet Kommunestyret Administrasjonssjefen si innstilling Formannskapet rår kommunestyret å gjere følgjande vedtak: Kommunestyret vedtek at standard abonnement vert auka med knapt 2 % frå 2012 til For å harmonisere prisane på abonnementstypane frå ÅRIM og våre, vert abonnement for henting kvar 2. veke auka meir, og prisane vert som følgjer: Prisliste Storleik Eksl mva Inkl mva Restavfall, standard abonnement sekk ,00 Kompost/henting kvar 2. uke sekk ,00 Restavfall, standard abonnement 140L ,00 Kompost/henting kvar 2. uke 140L ,00 Restavfall 240L ,50 Restavfall 360L ,50 Restavfall 660L ,50 Henteavstand restavfall 10-25m ,00 Henteavstand restavfall 25-40m ,50 Henteavstand restavfall 40-60m ,50 Henteavstand restavfall m ,50 Ekstrasekk sekk ,00 SAKSUTGREIING:

2 Bakgrunn: ÅRIM har no snart hatt sitt første heile driftsår og byrjar å ta form. Vi enno i ein overgangsfase både med tanke på ÅRIM, overgangen til dunk og nytt fagsystem. Det ser no ut til at fordelinga mellom abonnementstypane har stabilisert seg. Vi har fortsett mykje dobbelarbeid administrativt som vi ønskjer å komme vekk ifrå. ÅRIM har teke dei politiske signala og justert ambisjonsnivået sitt. Dei har difor lagt opp til ein flat budsjettkurve fram til og med Dessutan tek ÅRIM over kostnadane våre med farleg avfall utan å legge på prisen til oss. Dette var ein utgiftspost som har auka mykje dei siste åra. Det skuldast mellom anna at innbyggarane er flinkare til å samle og levere inn farleg avfall. Vi har med danninga av ÅRIM fått betre fokus på avfallbehandlinga i Vestnes. Spørjeundersøkingar viser at befolkninga ønskjer meir kjeldesortering, og i ÅRIM har vi fått god kompetanse på avfallshandtering. Dette vil innbyggarane i Vestnes dra meir og meir nytte av. Innbyggarane har allereie fått skryt for at ein er flinke til å samle inn plastemballasje. For å gje eit lite innblikk i kva ÅRIM held på, med så følgjer sitat i kursiv frå ein del av budsjett og økonomiplana til ÅRIM: Etableringa og overtakinga av oppgåver frå dei tolv eigarkommunane er ein prosess med avklaringar undervegs. I 2011 og 2012 har ÅRIM tatt over mange av dei oppgåvene eigarkommunane tidlegare hadde når det gjeld av hushaldsavfall og slam, men ikkje alle. Perioden med overføring av ansvar og oppgåver bør vere kort for å unngå unødvendig ressursbruk i form av dobbeltarbeid samstundes som den er lang nok til å sikre at nødvendig kompetanse faktisk blir overført. ÅRIM legg difor opp til å få avklart overtakinga av resten av oppgåvene i løpet av Parallelt med denne overtakinga må vidareutviklinga av tenestetilbodet til innbyggjarane halde fram. Innbyggjarane i Ålesundregionen skal få betre informasjon om avfall, og dei skal få betre ordningar for levering av helse- og miljøfarleg avfall. Selskapet må også engasjere seg i arbeid som kan gi mindre avfall. Innsamling av hushaldsavfall og slam er sjølvkostområde. Det vil seie at abonnentane skal og må betale dei reelle kostnadene for dei tenestene ÅRIM yter. Det er difor viktig at ÅRIM har fokus på kostnader og miljø, slik at innbyggjarane er nøgde med tenestene dei får og ser kva dei får for gebyret. Selskapet styrer etter følgjande aktuelle område i økonomiplanperioden: 1. Selskapet har ansvaret for all innsamling og gjenvinning av hushaldsavfall og slam frå separate avløpsanlegg i regionen. 2. ÅRIM arbeider for eit likeverdig tilbod for alle abonnentane i regionen. 3. ÅRIM opptrer med samfunnsansvar og integritet med kostnadseffektivitet i alle innkjøp. 4. Økonomistyringa i selskapet er målorientert og bidreg til å nå mål og gi grunnlag for gode avgjerder. 5. Selskapet fungerer som eit kompetansesenter innan avfall og gjenvinning og synleggjer denne kompetansen på alle nivå. 6. Selskapet har eit godt samarbeid med eigarkommunane, andre interkommunale selskap og fagmiljø på feltet. 7. Selskapet gir dei eksisterande og eventuelle nye næringskundar eit tilbod. 8. Abonnentane får god kjennskap til kven ÅRIM er, kva oppgåver vi utfører, kva endringar vi innfører, korleis dei sjølve skal handtere avfallet sitt, og kva avfallet deira blir til. 9. ÅRIM arbeider for høgast mogleg materialgjenvinning av avfallet i tråd med nasjonale mål, samstundes som helse- og miljøfarlege stoff i minst mogleg grad blir ein del av ressursgjenvinninga. 10. ÅRIM arbeider i retning av fossilfri drift av eige selskap.

3 For å kunne dokumentere måloppnåing arbeider ÅRIM med å få på plass gode system for måling og oppfølging av; effektiv drift, gjenvinningsgrad og miljøbelastning. Dette er viktig for at ÅRIM kan gjere tiltak for å forbetre seg. Dei viktigaste oppgåvene til ÅRIM i 2013 Halde fram med å tilby gode renovasjonsløysingar til abonnentane. Effektivisere tenestetilbod og rutinar internt i ÅRIM Få på plass årleg innsamling av farleg avfall og EE-avfall i heile Ålesundregionen. Sikre ny avtale for behandling av farleg avfall frå innbyggjarane i Ålesundregionen. Avklare den framtidige organiseringa av dei bemanna miljøstasjonane i ÅRIM-området. Utarbeide eit informasjonsopplegg retta mot barn og unge i Ålesundregionen. Sikre god kundeoppfølging og kvalitetssikra abonnementsdata. Gjere selskapet meir tilgjengeleg for innbyggjarane. Greie ut overføring av faktureringa av hushaldsabonnentane til ÅRIM. Auke kvaliteten på det avfallet som blir sortert ut. Saman med AvfallNorge og Avfallsforum Møre og Romsdal arrangere den nasjonale Avfallskonferansen i Ålesund i Planlegge nye og miljømessig betre tilbod for innbyggjarane i Ålesundregionen. Samarbeide med fagmiljø om kompetanseutvikling og rekruttering til avfallsfeltet. Ein gjennomgang av gjennomførte aktivitetar i 2012 og planlagde aktivitetar i 2013 ligg under. Innsamling av EE-avfall og farleg avfall I 2012 har innsamling av EE-avfall og farleg avfall skjedd i regi av eigarkommunane. Innsamlinga har i hovudsak skjedd på dei bemanna miljøstasjonane, med noko innsamling på ubemanna miljøstasjonar og noko på førehandsvarsla innsamlingar i nærmiljøet. I budsjettet for 2012 blei ÅRIM pålagd å greie ut ei felles nærmiljøinnsamling for farlig avfall i heile ÅRIM. ÅRIM har som ein del av dette også gjennomført ei kartlegging av avtalar og mengder avfall, med sikte på å etablere ordningar som oppfyller nye og kommande krav til helse, miljø og tryggleik. Kommunane har samla årlege kostnader på om lag 2,5 mill. kr til behandling av farleg avfall. ÅRIM har i 2012 også administrert refusjonsavtalar for EE-avfall og for PCB-vindu, der det er etablert produsentansvarsordningar. Dette har generert samla inntekter for eigarkommunane på om lag kr. I 2013 legg ÅRIM opp til at nærmiljøinnsamling av farleg avfall blir utvikla frå å vere eit tilbod i utvalde kommunar til å gjelde heile Ålesundregionen, og at kostnadene til dette blir dekka over budsjettet til ÅRIM. I tillegg tek ÅRIM over eigarskapet og dermed det økonomiske ansvaret for alt farleg avfall hushaldskundane i Ålesundregionen leverer inn på dei bemanna miljøstasjonane. Det å gjennomføre nærmiljøinnsamlingar av farleg avfall har vist seg å vere ein god måte å få merksemd om farleg avfall for på den måten å hindre at dette kjem på avvege. Selskapet vil også få på plass felles retningslinjer for mottak, pakking og klassifisering av EEavfall og farleg avfall på dei bemanna miljøstasjonane og nye avtalar om transport og behandling av alt farleg avfall frå hushaldsabonnentane i regionen.

4 Drift av bemanna miljøstasjonar Dei bemanna miljøstasjonane blir ein stadig viktigare del av renovasjonstilbodet til hushaldsabonnentane, i takt med at mengdene grovavfall aukar og fleire typar avfall blir definerte som farlege. Representantskapet i ÅRIM bad i februar 2011 styret om å utforme ein strategi for overtaking av dei bemanna miljøstasjonane med sikte på å sikre eit heilskapleg og effektivt tilbod til alle abonnentane i regionen. I budsjettet for ÅRIM for 2012 blei arbeidet med denne strategien prioritert ned. I juni 2012 vedtok Ålesund kommune eit ønskje om å leige ut gjenvinningsstasjonen på Bingsa til ÅRIM mot at ÅRIM tok over drifta etter reglane i arbeidsmiljøloven om overdraging av verksemd. For å oppnå samordningsvinstane ved etablering av ÅRIM, er det nødvendig å gå gjennom drifta av og ansvaret for tilbodet på dei bemanna miljøstasjonane. Det er nødvendig å vurdere heile tenestetilbodet i regionen under eitt. I dag er det kommunane som har ansvaret, og tilbodet abonnentane har er ulikt. Det er viktig både for kundane, eigarkommunane, ÅRIM og dei tilsette på miljøstasjonane å få definert kva rolle og ansvar ÅRIM skal ha i forhold til miljøstasjonane i tida framover. ÅRIM har hausten 2012 starta arbeidet med ein felles strategi for dei bemanna miljøstasjonane i Ålesundregionen. Styret legg i 2013 opp til å leggje fram for representantskapet eit forslag til ein slik strategi. Gjenvinning av innsamla avfall ÅRIM har avtalar med Norsk Gjenvinning AS, Rekom AS og Grønt Punkt Norge AS om gjenvinning av papir og papp og plastemballasje. Fem av eigarkommunane har overlatt oppfølging av avtalane om energigjenvinning av restavfallet til ÅRIM, som har inngått ein avtale med Tafjord Kraftvarme AS om dette. Frå slutten av 2013 aukar dette til seks av kommunane. Dei øvrige kommunane har førebels ikkje ønskja å overføre dette ansvaret til ÅRIM. Dei to største avtalane ÅRIM har inngått om gjenvinning av avfall går ut i andre halvår 2013, men det er høve til å forlengje dei. ÅRIM vil vurdere spørsmålet om å forlenge avtalane seint i 2012 eller tidleg i ÅRIM vil som nemnd tidlegare til å ta over ansvaret for sluttdisponeringa av alt farleg avfall frå hushald i Ålesundregionen frå 1. januar Tilrettelegging for meir effektive avfallsløysingar I tillegg til meir akutte driftsmeldingar, som meldingar om t.d. brøyting, strøing, skoging, har ÅRIM eit ønskje om å kunne gje aktive og konstruktive råd i dei sakene som blir fremja etter plan- og bygningsloven i kommunane. Døme på saker der vi kan ha interesse er i samband med regulering av hyttefelt, bustadområde, større bygg osb. Av aktuelle omsyn kan vi nemne tilgang til tømeordningar for avløpsslam, snuplass for renovasjonsbilar, fellesanlegg for renovasjon og plass til returpunkt og gjenvinningsstasjonar. Renovasjonsbilar er store og tunge kjøretøy, ÅRIM er opptatt av å førebyggje ulukker med skader på personar eller bygg og andre farlege situasjonar, både av omsyn til dei som bur i området og renovatørane. Det er også ei utfordring i fleire område i regionen at det er

5 abonnentar som bur langs vegar som har for dårleg standard til at avfallsinnsamlinga kan gjennomførast med god regularitet, særleg om vinteren. ÅRIM vil også i 2013 vere ein pådrivar for å få omsynet til renovasjon og slam inn i relevante plan- og byggjesaker i Ålesundregionen. Ny forskrift om hushaldsavfall og slam i Ålesundregionen Dei tolv eigarkommunane til Ålesundregionen Interkommunale Miljøselskap IKS ÅRIM har gjennom representantskapet bede selskapet om å utforme eit forslag til renovasjonsforskrift for regionen. ÅRIM har i samarbeid med eigarkommunane utforma eit forslag. Forskrifta er tenkt å erstatte ei rekke eksisterande kommunale renovasjonsforskrifter. Forslaget låg ute til offentleg ettersyn med frist for kommentarar 1. juli For å få inn kommentarar frå fleire av eigarkommunane blei høyringsfristen utsett til september Forslaget til forskrift skal fremjast for representantskapet, som så tilrår dei tolv kommunane å vedta ny forskrift. Selskapet legg opp til å få plass ny forskrift i løpet av Renovasjonsteknisk plan I ny renovasjonsforskrift blir det lagt opp til eit krav om utarbeiding av renovasjonsteknisk plan i større plan- og byggjesaker. Ein renovasjonsteknisk plan er eit dokument som viser korleis oppsamling og henting av avfall og tømming av slam er planlagd utført i eit reguleringsområde eller for ein eigedom. ÅRIM vil i 2013 utforme ei rettleiing som synleggjer korleis ein renovasjonsteknisk plan bør utformast. Nedgravne avfallsløysingar På årsmøtet i ÅRIM i april 2012 fekk representantskapet ein presentasjon av nedgravne avfallsløysingar. Avfallet blir samla opp i einingar som er plasserte heilt eller delvis under bakkenivå. Dette har fleire fordelar: - Redusert brannfare. - Universell utforming. - Avfallet blir lagra ved stabil lav temperatur heile året, noko som gir reduserte luktproblem. - Muligheit for sjeldnare henting av avfall. - Krev langt mindre areal. - Stabil og estetisk utrustning. - Mindre støy i samband med innsamling. Så langt er det etablert om lag 20 nedgravne einingar i Ålesundregionen. Hovuddelen av desse er utplasserte av Statens vegvesen på rasteplassar. I samband med etableringa av nye studentbustader på Fogdegården i Ålesund blei det etablert nedgravne oppsamlingseiningar for 78 bueiningar. ÅRIM har i 2012 arbeidd med å førebu ei satsing for å få etablert fleire nedgravne oppsamlingseiningar for hushaldsavfall. Det har vore kontakt med fleire burettslag, sameige og utbyggarar som har fått informasjon om nedgravne oppsamlingseiningar som aktuell renovasjonsløysing. Røynslene frå andre område i Noreg, der dette er satsingsområde, er at

6 det bør etablerast i overkant av 200 einingar for at eit renovasjonsselskap skal få monaleg effektiviseringsvinst ved denne innsamlingsløysinga. ÅRIM legg opp til å etablere eit toårig prosjekt for å auke talet på nedgravne oppsamlingseiningar for hushaldsavfall i Ålesundregionen. Viktige element i satsinga vil vere: Utarbeiding av retningslinjer for etablering av nedgravne løysingar. Samarbeid med og informasjon til utbyggjarar, graveentreprenørar og plan- og byggjesaksbehandlarar. Inngåing og oppfølging av avtalar for drift og vedlikehald. Utarbeiding av rutinar for service, drift og vedlikehald av dei nedgravne løysingane. Bestillerfunksjon for nedgravne løysingar i høve til kontrakt med leverandørar for sameiger, burettslag og velforeiningar. Utbetaling av tilskot ved etablering av nye nedgravne løysingar, i samsvar med innspart utsetting av oppsamlingsutstyr. Tilbod om oppsamlingseining for glas- og metallemballasje i samband med etableringa av nye nedgravne punkt. Eit eige budsjett med oversikt over satsinga ligg ved. Kommunikasjon med abonnentane Arbeidet med kommunikasjon har i samsvar med budsjettet og ein eigen kommunikasjonsplan vedteke i styret i ÅRIM vore prioritert i Viktige oppgåver har vore: - Utvikling av heimesida ÅRIM på Facebook og marknadsføring av tilbodet om SMS-varsling før henting av papir og plastemballasje. - Oppfølging av informasjon om sortering av plastemballasje og utsending av to nummer av kundebladet Hauste. - Annonsering i samband med heilagdagar og andre avvik frå «normale» hentedagar for avfall - Målgrupperetta informasjon mot m.a. næringskundar, hytteabonnentar og barn og unge. - Oppstart på arbeidet med profilering av ubemanna miljøstasjonar og samlepunkt for hytter, med sikte på å nytte desse til å informere om rett kjeldesortering. - Utsending av renovasjonskalender vil skje seinhausten Kommunedelplan for avfall Selskapsavtalen har krav om at representantskapet skal behandle strategi for selskapet og eventuell felles avfallsplan for kommunane. ÅRIM legg opp til å starte opp arbeidet med ein felles kommunedelplan for avfall, i tråd med reglane i plan- og bygningsloven. Avfallsplanen skal peike ut satsingsområde for avfallsfeltet i regionen i åra framover. Beredskap og krisehandtering Ei dødsulukke i renovasjonsbransjen i Møre og Romsdal i november 2011 fekk ei samla bransje til å sette fokus på beredskap og krisehandtering. Dette er tema som også har fått auka

7 merksemd i samfunnet elles det siste året. ÅRIM har følgd opp dette med å starte arbeidet med å utforme varslingsrutinar og andre rutinar for krisehandtering for aktuelle situasjonar. ÅRIM vil ha fokus på å trygge kvardagen for kundar og renovatørar. I samarbeid med nokre av leverandørane legg ÅRIM opp til å gjennomføre ei øving for å få identifisert aktuelle forbetringar i systema selskapet har utvikla for slike hendingar. Miljø ÅRIM arbeider for å identifisere dei viktigaste miljøverknadene av drifta til selskapet og redusere desse. Vidare er det viktig for selskapet å vidareutvikle tilbodet til abonnentane. Dei viktigaste satsingane i 2012 har vore: Auka gjenvinning av plastemballasje gjennom oppslutning om det nye tilbodet Betre sortering av papir og papp gjennom større oppsamlingseiningar I tillegg til å vidareføre dei aktivitetane som er sett i gang, vil ÅRIM i 2013 ta tak i arbeidet med å auke mengdene farleg avfall og EE-avfall som i dag ikkje blir samla inn og sluttbehandla på ein trygg måte. Auka innsamling og gjenvinning av glas- og metallemballasje er også prioritert Som ein ser er det mange gjeremål i denne bransjen, og det er tydeleg at kommunen har fått auka kompetanse med tanke på avfall og avfallhandtering gjennom ÅRIM. Vi oppfordrar alle til å nytte heimesida til ÅRIM. Vestnes kommune vil forsett ha avtale med Vestnes Renovasjon AS om drifting miljøstasjonen fram til at ÅRIM får ny avtale på plass. Det vil mest sannsynleg skje i løpet av Vurdering: ÅRIM held same prisane i 2013 som i 2012 sjølv om dei tek kostnadane våre med farleg avfall. Men sidan vi slit med eit underskot frå 2011 og i 2012, må vi auke gebyret noko for å dekke inn dette. Dessutan er prisreduksjonen for redusert abonnement for stor i vår prisliste i høve til prisane frå ÅRIM. Difor må vi justere opp redusert abonnement meir enn standard abonnement slik at inntekta harmonerer meir med prislista til ÅRIM. Ein tenke å korrigere den forskjellen over to år, slik at i 2014 er vi på same prosentvise reduksjon som ÅRIM. Vestnes kommune sine administrative kostnadar og kostnadane med farleg avfall har auka i Det gjer resultatet for 2012 dårlegare enn budsjettert. Det at ÅRIM tek kostnaden med farleg avfall for 2013 verkar positivt for åra frametter. I sjølvkostmodellen ligg det no dobbel administrasjon i åra frametter, men med noko reduksjon i 2014 og vidare. Vi har kostnader internt på om lag som ÅRIM i økonomiplana si har skrive at dei kan ta for om lag ,- Det tilseier ein kostnadsreduksjon på om lag ,- Dette vil i så fall føre til avlasting på ein pressa administrasjon/servisekontor. Samtidig flyttar ein arbeidsoppgåver ut av Vestnes. Dette er ein naturleg følgje av interkommunale selskap og rasjonalisering. Om dette skal gjerast må ein ta stilling til etter at ÅRIM har utgreidd alternativet skikkeleg og gjev oss ein fast pris. Abonnentane vil i så fall få rekning direkte frå ÅRIM og alle hendvendingar frå abonnentane vedkomande renovasjon vil då gå til ÅRIM.

8 Det er ei føresetnad at renovasjonskapittelet er basert på sjølvkostprinsippet. Forureinar skal betale, og kommunen har ikkje lov å subsidiere. Særutskrift til: Vedlegg: 1 Oppsett frå Momentum selvkost