RAUMA KOMMUNE SAKSPAPIR

Transkript

1 RAUMA KOMMUNE SAKSPAPIR Styre, utvalg, komite m.m. Møtedato Saknr Saksbehandler Fast planutvalg /11 BRG Saksansvarlig Brit Grønmyr Arkiv: K1- Objekt: Arkivsaknr 10/2805 SØKNAD OM BRUK AV HELIKOPTER I SAMBAND MED 71 GARDER NORD - PRODUKSJON I ROMSDALEN Vedlegg: Søknad frå Storm Adventures AS v/stian Aker med vedlegg Andre vedlegg: Verneforskrifta for Reinheimen nasjonalpark Forvaltningsplan for Reinheimen Saksopplysninger: Det blir søkt om to dagar med landingar for transport av film- og klatreutstyr for planlegging av sikring av produksjon i perioden april og to dagar for sjølve TV-innspelinga i tidsrommet mai. Flyginga skal foregå frå Trollstigen Camping til Bruraskardet med innflyging frå nord mot Nordre Trolltind med landing i Bruraskardet samt flyging av utstyr frå Trollstigen Camping til Romsdalseggen. Det blir i søknadsskjemaet vist til dette vedlegget frå Reiselivslaget for utfyllande opplysingar. Det blir ikkje opplyst spesifikt kva som skal skje på dei ulike stadane av omsyn til deltakarane og innspelinga, men det blir opplyst at eit løyve på begge stadane er viktige for det programmessige innhaldet, og ein ny lokasjon vil bli vurdert om det ikkje er mogleg å gjennomføre dette i Romsdalen. Søknadar om motorferdsel og andre tiltak i verneområde skal først behandlast etter verneforskrifta. Viss aktiviteten får løyve etter verneforskrifta, skal søknaden så behandlast etter lov om motorferdsel i utmark. Bruraskardet ligg i Reinheimen nasjonalpark og skal derfor behandlast etter verneforskrifta først. Romsdalseggen er ikkje i verneområde, og skal derfor behandlast berre etter lov om motorferdsel i utmark. Bruraskardet ligg i Reinheimen nasjonalpark. Her er det i utgangspunktet ikkje heimel verken for landing eller flyging under 300 meter for det formålet det er søkt om ( i Verneforskrifta for Reinheimen nasjonalpark.) Ein eventuell dispensasjon kan gjevast med heimel i Naturmangfoldloven 48, som etter at denne lova tredde i kraft i 2009 erstattar den generelle dispensasjonsparagrafen 4 i verneforskrifta. Dette medfører at prinsippa i 8-12 i Naturmangfoldloven skal nyttast i vurderinga av dispensasjonen. Formålet med opprettinga av Reinheimen Nasjonalpark er ( 2 i verneforskrifta):

2 ta vare på eit stort, samanhengande og villmarksprega fjellområde ta vare på eit høgfjellsøkosystem med eit eigenarta og variert biologisk mangfald ta vare på sentrale leveområde til villreinstammen i Ottadalen nord ta vare på eit viktig referanseområde for forsking med ein aust-vest gradient med stor variasjonsbreidde i høve til geologi, klima, vegetasjon og topografi ta vare på landskapsformer og særprega geologiske førekomstar ta vare på vassdragsnaturen i området verne om kulturminne. Ålmenta skal ha tilgang til naturoppleving gjennom utøving av tradisjonelt og enkelt friluftsliv med liten grad av teknisk tilrettelegging. I Forvaltningsplana for Reinheimen er forholdet til å gi dispensasjon ikkje diskutert spesielt, men det blir understreka at motorferdsel kan vera særleg konfliktfylt fordi nasjonalparken skal vera skjerma for unødig støy og uro og at motorferdselen skal ha eit klart nytteformål. Målet er å halde motorferdselen på eit minimum. Motorferdsel i utmark er i utgangspunktet forbode, men regelverket opnar for dispensasjon for ulike formål, og eit landingsløyve kan gjevast med heimel i 6 i Lov om motorferdsel i utmark og vassdrag, om særlege grunnar ligg føre. I kommunen sitt eige regelverk for motorferdsel i utmark 3 første avsnitt er film- og fotooppdrag nemnde som særlege grunnar til unntak etter 6 i Lov om motorferdsel i utmark og vassdrag. Rauma kommune har dessutan hatt ein praksis med å innvilge landingsløyver i samband med filming som blir antatt å gi ein viss reklameeffekt for kommunen. Vurdering: På grunn av nasjonalparkstatusen i Bruraskardet blir Romsdalseggen og Bruraskardet vurdert som to separate saker, til trass for at søkjar oppgir at delvis avslag på søknaden kan føre til ei revurdering av opptak i området. Landing i Bruraskardet og flyging under 300 m i Reinheimen nasjonalpark Naturmangfoldloven 48 opnar for at det kan gjevast dispensasjon visst det ikkje er i strid med verneformåla og ikkje kan påverke verneverdiane nemneverdig, eller om sikkerhetsomsyn eller omsynet til vesentlege samfunnsinteresser gjer det nødvendig. I rundskriv fra Direktoratet for naturforvaltning (DN) om forvaltning av verneforskrifter går det fram at bestemmelsen er ein sikkerheitsventil som skal fange opp uforutsette tilfelle eller spesielle/særlege tilfelle som ikkje vart vurdert på vernetidspunktet. Forvaltningsmyndigheita bør særleg vurdere konsekvensane av ein dispensasjon, f.eks. om andre kan tenkast å søkje dispensasjon på same grunnlag. Det første vilkåret etter NML 48 om at tiltaket ikke skal påvirke verneverdiene nevneverdig betyr i følge DNs rundskriv at dispensasjonsadgangen er snever. Det kan bare dispenseres i de tilfeller tiltaket vil ha begrenset virkning for verneverdiene. Det er m.a.o. i første rekke bagatellmessige inngrep eller forbigående forstyrrelser som er av stor betydning for søker sammenholdt med verneinteressene, som omfattes av bestemmelsen. Siktemålet er at verneforskriften ikke uthules gjennom omfattende dispensasjonspraksis. Bestemmelsen gir også klar anvisning på at hensynet til verneverdiene skal være overordnet f.eks. næringsinteresser. Dersom det er usikkerhet knyttet til virkningene et tiltak kan ha for naturmiljøet, bør blant annet føre-var-prinsippet tillegges stor vekt. Det vises til 7 i naturmangfoldloven som går ut på at prinsippene i 8-12 skal legges til grunn som retningslinjer ved utøving av offentlig myndighet herunder når forvaltningsmyndigheten fatter vedtak om dispensasjon etter naturmangfoldloven 48.

3 Et vilkår for å bruke bestemmelsen er videre at tiltaket ikke strider mot formålet med vernet ev. legger grunnlaget for en utvikling som på sikt kan skade verneinteressene. Det må derfor vurderes om tiltaket strider mot de overordnende målsettinger for verneområdet eller mot verneformålet samlet sett. Verneformåla for Reinheimen ser ein lista opp over. Landskapsvern og vern av geologiske forekomster, landskapsformer og kulturminner vil ikkje bli påverka av eit slikt tiltak. Det vil heller ikkje vera fare for konflikt med villrein, og friluftslivet i området før Trollstigen opnar vil vera avgrensa. Omsynet til biomangfaldet blir behandla av Naturmangfoldloven 9 i neste avsnitt. Vurdering etter naturmangfoldloven 8-12: Kunnskapsgrunnlaget ( 8) når det gjelder arealbruken til villreinen blir vurdert som tilstrekkelig. For anna vilt, som f.eks. rovfugl, er det ikkje registringar i området. Vi kan ikkje utelukke at det kan vera hekkeplassar i området, men ut fra omfanget og karakteren på tiltaket vurderer vi at behovet for å ta i bruk føre-var-prinsippet ( 9) er lite. Etter 10 Økosystemtilnærming og samlet belastning skal ei beslutning vurderast i lys av fleire påverknadar seinare, og om eit løyve kan skape presedens, og på denne måten bidra til ei gradvis forringing av området. Det har vore ei jamn auke i motorferdselsøknadar til prosjekt der formålet er spektakulære foto- eller filmopptak der hovudargumentet har vore markedsføringsverdi for regionen. Denne søknaden blir derfor ikkje vurdert til å vera eit eingongstilfelle innanfor verneområda, og ein dispensasjon vil kunne skape presedens både for dette og andre verneområde. I 12 i NML står dette om miljøforsvarlege teknikkar og driftsmetoder: For å unngå eller begrense skader på naturmangfoldet skal det tas utgangspunkt i slike driftsmetoder og slik teknikk og lokalisering som gir de beste samfunnsmessige resultater. Alternativet til bruk av helikopter er bæring av utstyr til fots. Bruk av helikopter er ifølge brev frå Reiselivslaget nødvendig for at prosjektet skal bli gjennomført. Det skal ikkje nektast for at bruk av helikopter vil gi den beste filmproduksjonen i denne typen konsept. Om bruk av helikopter i eit verneområde er ein miljøforsvarleg teknikk er diskuterbart. Praksisen for bruk av helikopter i verneområder er svært restriktiv, jfr verneforskrifta og forvaltningsplanen. I forhold til lokalisering ville det vore vetre å vurdere om det finst områder utanfor verneområda som er eigna til dette formålet. Det blir da også i denne søknaden søkt om landingsløve på Romsdalseggen, men da i tillegg til og ikkje som eit alternativ til Bruraskardet. Trollveggen og omegn er flotte kulissar for ekstreme filmopptak, og vi ser det som påregneleg at det vil kome fleire søknadar om tilsvarende dispensasjonar i åra som kjem. Vi finn derfor ikkje å kunne tilrå at søknaden om flyging under 300 meter og for landing i Bruraskardet blir innvilga. Landing på Romsdalseggen Romsdalseggen er utanfor verneområda og skal derfor berre behandlast etter lov om motorferdsel i utmark. I kommunalt regelverk for motorferdsel i utmark 3 er film- og fotooppdrag nemnde som særlege grunnar for å gi løyve etter 6 i lov om motorferdsel i utmark, og kommunen har tradisjonelt vore positiv til dette. Som diskutert i tidlegare saker føyer denne søknaden seg inn i rekkja som den tredje motorferdselssøknaden med bruk av helikopter denne vinteren/våren der formålet er filming i utilgjengelege område og hovudargumentasjonen frå søkjar marknadsverdiar og reklameeffekt for kommunen. Det er her søkt om få turar i eit avgrensa tidsrom til eit avgrensa område, og med innstilling på avslag for flyging og landing i nasjonalparken kan ein gå ut ifrå at omfanget av flyginga blir mindre enn omsøkt.

4 Lova 8 i Lov om motorferdsel i utmark og vassdrag seier at Motorferdsel i utmark og vassdrag skal foregå aktsomt og hensynsfullt for å unngå skade og ulempe for naturmiljø og mennesker. Det går fram av søknaden at søkjar er innstilt på å ta omsyn av denne typen. Lova og forskriftene opnar ikkje for persontransport, så eit eventuelt løyve blir gjeve for transport av utstyr. Dette er ikkje til hinder for at personar kan vera med på transporten om det er rom for dette ved sidan av utstyret. RÅDMANNENS INNSTILLING: 1. Med heimel i Lov om motorferdsel i utmark og vassdrag 6 og 8 og kommunalt regelverk for motorferdsel i utmark 3 får Storm Adventures v/stian Aker løyve til landing på Romsdalseggen i inntil 2 dagar i perioden april og inntil 2 dagar i perioden mai. Vilkår: Landingane skal om mogleg skje på vekedagar. Motorferdselen skal avgrensast til det som er strengt nødvendig Søkjaren skal på førehand varsle kommunen om dato for landingane. Dette løyvet avgrensar ikkje grunneigar sin rett til å nekte landing på eigen grunn. Det er ansvaret til søkjaren å innhente dette. 2. Søknaden om flyging under 300 m, og landing på Bruraskaret avslås. Det vises til saksframstillinga for begrunnelse. PLAN-027/11 VEDTAK: Fremsatt nytt forslag til punkt to i innstilling: Planutvalget innvilger også landing i Bruraskaret med innflyging frå Romsdalen, dette med bakgrunn i at Naturmangfaldloven 48 åpner for at det kan gis dispensasjon viss det ikke er i strid med verneformålet. Det viktigste formålet med vernet var villreinen i området. Reinen er ikke i dette området vinterstid, og tar derfor ikkje skade av dette opplegget til 71 Nord. Avstemming: Pkt 1 enstemmig som innstilling, pkt 2 som fremsatt forslag mot ei stemme. Vedtak: 1. Med heimel i Lov om motorferdsel i utmark og vassdrag 6 og 8 og kommunalt regelverk for motorferdsel i utmark 3 får Storm Adventures v/stian Aker løyve til landing på Romsdalseggen i inntil 2 dagar i perioden april og inntil 2 dagar i perioden mai. Vilkår: Landingane skal om mogleg skje på vekedagar. Motorferdselen skal avgrensast til det som er strengt nødvendig Søkjaren skal på førehand varsle kommunen om dato for landingane. Dette løyvet avgrensar ikkje grunneigar sin rett til å nekte landing på eigen grunn. Det er ansvaret til søkjaren å innhente dette. 2. Planutvalget innvilger også landing i Bruraskaret med innflyging frå Romsdalen, dette med bakgrunn i at Naturmangfaldloven 48 åpner for at det kan gis dispensasjon

5 viss det ikke er i strid med verneformålet. Det viktigste formålet med vernet var villreinen i området. Reinen er ikke i dette området vinterstid, og tar derfor ikkje skade av dette opplegget til 71 Nord.