MEDLEMSBLAD FOR NORDHORDLAND HUSFLIDSLAG

Transkript

1 MEDLEMSBLAD FOR NORDHORDLAND HUSFLIDSLAG Nr 3 / juni 2011 Eit nytt hoppetau vert laga på torgdagen i Hillesvågen. Brita Hekland, nestleiar i Hordaland Husflidslag var instruktør under reipslaginga.

2 TORGDAGEN I HILLESVÅGEN Veret hadde vore ustabilt dei siste dagane, kaldt og surt, og dei nye telta me hadde sett opp kvelden før låg midt på plassen då me kom om morgonen. Men telta kom på plass att og sola kom fram. Veret vart så fint som me hadde håpa på. Eit jamnt sig med folk kom det heile dagen. Dagen vart slik som ein torgdag skal vera. Mange utstillarar var det også i år, nokre gamle og nokre nye. Me fekk demonstrasjon av mange ulike teknikkar, og folk fekk prøve seg på veving med brikker, bandveving på grind, veving på bordvev, spinning og sying av skinnfell. Bunadsnemnda og broderinemnda viste fram arbeid og orienterte om aktiviteten sin. Elles var det sal av mange ulike produkt. For borna var det fleire aktivitetar i år. Noko heilt nytt var det å laga reip av opprevne gamle dynetrekk. Brita Hekland frå Hordaland Fylkeshusflidslag tok seg tid til å vere med og laga hoppetau med minireiparbane. Det vart laga om lag 55 hoppetau denne dagen. Birger og Finn, og Leiknes Blåseorkester skapte i år som i fjor den rette stemninga med musikken sin. Stompekakene gjekk ned fortare enn gjengen på kjøkkenet kunne steika og betasuppa metta så folk kunne sleppa og laga middagen den dagen. Nok ein vellukka torgdag. Vigdis Olsen og Rita Amundsen frå broderinemnda ventar på sola. Kald start på dagen for Ingunn Haug, Brita Rydland og Rannveig Reigstad frå bunadsnemnda. 2 Ingebjørg Tolleshaug t.h og Linda Rognhaugen med eit stort utval i fine strikka og sydde produkt. To gjesteutstillarar, som og har vore med oss tidlegare, hadde med flotte strikka og tova produkt.

3 Sandra Herøy frå Fedje spann nydeleg kvalitetsgarn av ull frå eigne sauer Grete Vetås instruerer ivrig elev i brikkevev og bandvev To ivrige sjarmerande småjenter vil gjerne lære vevkunsten Erfaren brikkevevjente frå Ågotnes, som alt beherskar teknikken godt EI STOR TAKK OG HELSING Anna Østerbø, mangeårig aktiv medlem i Nordhordland Husflidslag, har feira 90 årsdagen sin. Laget sender varme helsingar. Nordhordland Husflidslag har vore så heldige og overtatt vevstolen hennar. Den vert sett opp i vevstova på Dale og skal nyttast i kurssamanheng. Tusen takk for ein god vev. Ei stor gåve for laget. Helsing 3 Aud Marit Halland, leiar

4 Vårmøtet hjå Keipane Kystlag Om lag 20 personar hadde funne vegen til Sæbøvågen den 2. mai til medlemsmøte i husflidslaget. Eigar av den gamle slippen og verkstaden, Evy B. Dame, som og er leiar for Keipane Kystlag, fortalde ivrig og engasjert om historia til Slippen. Ho viste fram gamle reiskapar som er tatt vare på, båtar dei har fått og restaurert og den gamle slippen som bestefaren hennar kjøpte under krigen. Me fekk og høyre historia om skitbåten Oskar. Båten var brukt til å frakta byskit frå kaggedoa i by`n til kompostering i haugar rundt om i Nordhordland, for så å hamne som gjødning på gardane rundt om, visstnok ei ettertrakta vare. Evy og medhjelparane hennar serverte oss ei varmande og god fiskesuppe i verkstaden, noko som gjorde godt i den kalde nordavindstrekken. Ei interessant og hyggjeleg kveldsstund i Sæbøvågen. NB. Veit du om at nokon av medlemmane ikkje har fått Primstaven, ver bra og meld frå til Anne Grete Breisnes eller Aud Marit Halland. Elles minner me om at medlemmane sjølv kan gå inn på www. husflid.no og rette opp evt. feil i medlemsregisteret 4

5 TORGDAG I BERGEN I år fekk Nordhordland Husflidslag invitasjon til å vere med på Torgdagen i Bergen. 5 medlemmer deltok med sal av eigne produkt og marknadsføring av laget. Me delte ut brysjyrer og kursoversikt for hausten og interessa var stor. Det var mykje folk i byen og mange ville sjå og snakke om det me hadde med, både turistar og byfolk. Og sjølv om dagen starta med regn og låg temperatur, gjekk salet bra. Etter kvart kom sola fram, temperaturen steig og stemninga var som ho skal vere på ein skikkeleg torgdag med lått og løye, sang og toradarspel og fjordabåtar som kom og gjekk. Ein kjekk dag i by`n der Nordhordland Husflidslag fekk synt fram litt av mangfaldet i laget. I tillegg til utstillarane me ser bilde av, deltok Beate Kolstad med glassmykke og Anne Grete Breisnes med vevde tekstilar. Kjersti Børilden med vakre produkt i skinn og vev Jarl Hansen med stort mangfald i maritime husflidsprodukt av tre og tau Karin Larson Eide med stort utval av fargerike rosemåla produkt 5

6 SOMMARHELSING FRÅ STYRET Me kan sjå attende på ein svært aktiv vår med handarbeidstreff, besøk hjå Keipane Kystlag og torgdag i Hillesvågen. Laurdagsope med kafe og sal av medlemane sine produkt i Hillesvågen har me hatt heile tida. Nokre laurdagar har me fått besøk av lag og grupper som melder frå at dei kjem. Då vil dei ha varm mat også. Bunadsnemnda har stilt opp og tatt ansvaret for å laga betasuppe. Den har falle særdeles godt i smak. Noko me stadig får tilbakemeldingar om. Dersom me skal ha ope kvar laurdag i heile sommar, må me ha folk som kan setja av ein laurdag til dugnad. Ta kontakt med leiar på tlf dersom du kan hjelpa til. Me har ny opningstid frå kl til Til hausten startar me opp att med medlemsmøte 29.aug. Me må få ferdig nye vedtekter som samsvarer med lov om samvirkeføretak for P/L Husflidstova. Ver gild og delta med det. Hugs at P/L Husflidstova er laget sin butikk. 5. september vert det handarbeidstreff der brikkevev er tema. 10. september markerer me Husflidsdagen 11. september er Kulturminnedagen september vil me laga opplegg retta mot den kulturelle skulesekken. Tema er spor i naturen. Me fargar med planter, brukar ull, nyttar det til strikk og vev. 3.oktober vitjar Torild F. Velure oss, og syner fram sjølvkomponerte hattar og fortel frå husflidsorganisasjonen. 7. november vert det nytt handarbeidstreff der me lærer å laga julehjarte. 19. november skipar me til husflidsmesse i Knarvik. Dei som vil vera med som utstillarar, kan allereie melda frå til Aud Marit Halland, e-post: am-ah@online.no eller Kjersti Børilden, e-post: k-boeri@online.no. Medlemmer som kan jobba dugnad må setja av denne dagen. Det kjem påmeldingsskjema i neste nummer av Primstaven. Det er førstemann til mølla prinsippet som gjeld. Ver raskt ute. Julemøtet 5. desember vert avslutninga på dette husflidsåret. Så ynskjer me alle medlemmane våre ein riktig god sommar! 6

7 KURS HAUSTEN 2011 Kurs Kursleiar Timar Start Stad Pris Lefse/flatbrød Arild Hagenes og 25 Knarvik vg Helg sept skule kr 740 Grønlandsperle Dagmar Lygre 8 jul november Hillesvåg kr 920 Veving/flatvev Aud Marit Halland 25 Dale aug Grendahus kr Pilfletting Lise Dyrhovden og Helg sept Hillesvåg kr 830 Skinnfell Kjersti Børilden merknad nedst på arket 34 feb Hillesvåg kr Veving av band til Kjersti Børilden og 30 nordhordlandsbunad Grete Vetås jan Hillesvåg kr 740 Tauverk Svein Harald Bjørke 5 Austrheim okt vg skule kr 920 Broderi kurs Annlaug Helland 12 Austrheim plattsaum sept vg skule kr 875 Plantefarging Magnhild Rønhovd mai 3 t / Helg 2 til 4 Sept 18 t Hillesvåg kr Kvinnebunad Mona Stordal 5 nordhordlandsbunad sept Hillesvåg kr Herrebunad Airin Espelid 6 nordhordlandsbunad sept Hillesvåg kr Strikkekurs Ingrid Hopland 7 Heklekurs sept Hillesvåg kr 920 Qvilte kurs, veske Anne Kristin Øvretveit 15 Knarvik Stoff og Vidaregåande kurs aug Søm kr 740 Dreiekurs Mathias Sætre 12 8 og Helg sept Austrheim kr 740 Brigding av Aud Marit Halland 01.jan Dale sokkeband okt Grendahus kr 650 Spinning med rokk Vigdis Valde og Helg okt Hillesvåg kr 695 Spinning med Vigdis Valde og 23 handtein Helg okt Hillesvåg kr 695 Merknader: Påmelding til skinnfellkurset må vi ha 7 så tidlig som muleg p.g.a. lang leveringstid på skinna vi skal bruke. Materialutgifter kjem i tillegg til kursavgifta. Medlemmer i Nordhordland Husflidslag får 10% rabatt på kursavgifta. Påmelding til kursleiar. Bindande påmelding.

8 UNDER GAUKETRE Du glade gauk oppi lerkeskogen skal tru du veit kva eg har i hugenskal tru du veit at eg ynskjer meg det ikkje nokon skal ynskja seg. For alt eg spring over veg og vangar og stilt meg listar på mosegangar, du smett så var ifrå grein til grein, og eg vert støtt lite grann for sein. Og sår i hugen, så må eg venda, og aldri heller, så vil det henda, for- nei, eg vil ikkje seia det førenn eg sit under gauketre. Aslaug Låstad Lygre POST TIL PRIMSTAVEN Har de stoff til redaksjonen, som de trur kan vera av interesse for andre, ver gild å ta kontakt med oss: Øyvor H. Larsen, Bruvegen 44, 5914 Isdalstø Tlf / ; e-post: oyvorhl@c2i.net Anne Grete Breisnes, Kvalvågen, 5943 Austrheim Tlf / , e-post: agbrei@online.no Utgjevar: Nordhordland Husflidslag, Returadr.: Anne Grete Breisnes, 5943 Austrheim 8