Heile 29 lag og organisasjonar var med på messa som kyrkja i Årdal har teke initiativ til.

Transkript

1 Fargerikt fellesskap ( ) Årdalstangen Musikklag var mellom dei nær 30 laga som stilte med eigen stand under mangfaldsmessa i Øvre. Det kan ha resultert i minst eitt nytt medlem. Heile 29 lag og organisasjonar var med på messa som kyrkja i Årdal har teke initiativ til. Nestleiar Hanne Stedje i aksjon. (Foto: Porten.no) Inne i vrimlehallen i samfunnshuset samla årdølene seg for å visa fram litt av det kulturelle tilbodet for innflyttarar, spesielt dei med utanlandsk bakgrunn. Nestleiar Stedje rigga seg til med bilete, ein gammal kornett og litt ymse rytmeinstrument frå slagverkseksjonen, noko som vekte ein heil del interesse og latter hjå dei som prøvde seg. Mykje skryt fekk me også for den flotte tuba-oppsatsen som for høvet var pynta med blått og kvitt. Både idrettslaga, Farnes skyttarlag, ÅFK, Svalheim rideklubb og ei rekkje andre lag som Røde Kors og Kvinne- og familielaget hadde eigen stand, i tillegg til Årdal Tenk Tryggleik. Årdalstangen Musikklag var likevel den einaste representanten for musikklivet i bygda, uansett sjanger, med unnatak av gospelkoret som underheldt på scena. Mellom dei som vitja standen vår, var 36 år gamle Monica frå Polen, som fortalde at ho hadde med seg fløyta si til Norge og gjerne ville prøva å spela saman med andre. Ho takka ja til å komma på neste moglege øving, og nestleiaren var naturleg nok særs nøgd med kvelden.

2 Vellukka årskonsert I går, laurdag 29.02, gjennomførte korpset konserten som var avsluttinga av 60-årsjubileumet og inngangen til minst nye 60 år. Omkring 150 tilhøyrarar hadde funne vegen til Samfunnshuset. Dei fekk truleg høyre korpset sin best gjennomførte konsert nokonsinne. Attendemeldingane frå publikum var overstrøymande. Vi trur at "Air" av Bach, "Gabriellas Sång" og "Pirates of the Carribean" var dei nummera som publikum hugsar best. Vi som aktørar treivst veldig godt på fellesnummeret til slutt der vi var omkring 70 korpsmusikantar som spelte "Colonel Bogey" frå filmen "Broen over Kwai". Nedanfor finn du nokre bildar frå kvelden. Du finn også nokre på galleriet til Porten.no. Glimt - nye fjes i korpset Monika - vår nye fløytist frå Polen. Harald - tilbake etter nokre års pause Merete - Veronika vår utsende frå Os til Gloppen Glimt frå konserten Hornsolistar på Air Fem fløytepuser Stuntsolist Blomster frå Farnes Skulemusikk Piratar på tokt Lakrisstenger i full konsentrasjon Nye "Bråkmakarane" Felleskorps uniformar?? - lys seksjon Felleskorpset - midtseksjon Fellekorpset Godkjende glimt frå festen

3 Korpset heilt på nett - no også på Facebook ( ) Årdalstangen Musikklag følgjer trenden i tida med eiga gruppe på Facebook. Til liks med over ein million andre nordmenn og 65 millionar på verdsbasis, har Årdalstangen Musikklag fått si eiga gruppe på Facebook. Det var trommis Katrine som starta gruppa, der alle våre medlemmer som har eigne profilar på Facebook er med, pluss eit par støttespelarar som berre rett og slett tykkjer Årdalstangen Musikklag er ein sabla tøff gjeng. Her har me lagt ut nokre bilder og ein liten videosnutt, i tillegg til at me kan skriva beskjedar til kvarandre. Kjekt er det å sjå at to av Facebook sine eldste medlemmer i Noreg også er med i gruppa vår, nemleg Atle og Egil Jørgen. Det er sjølvsagt slett ikkje meininga at Facebook-gruppa skal erstatta eller konkurrera med dei flotte nye offisielle heimesidene våre, Facebook er kun for moro - men det er også ein måte å vera synleg på i det som for tida er verdas største nettsamfunn. Du finn Årdalstangen Musikklag ved å skriva det inn i søkefeltet på Facebook. Du kan også søka opp medlemmer som Katrine, Hanne, Wenche, Tone, Jan Roar eller Merete og finna link til gruppa på deira profilar.

4 Sponsorskitur (!!!) søndag 20. april Snø og atter snø i fjellet, men kvitveisen blømer i Seimsdalen.','BildeStort','toolbar=yes,menubar=yes,scrollbars=yes,width=300,height=300')"> og atter snø i fjellet, men kvitveisen blømer i Seimsdalen."> Snø og atter snø i fjellet, men kvitveisen blømer i Seimsdalen. ( ) Det var i går, laurdag, at Oddgeir dirigent og korpssponsor Leif Stølen solveggen på hytta til Oddgeir og fekk ideen om en "sponsorskitur". Det var jo forsåv idé, men det kan neppe kallast langtidsplanlegging når idéen vert klekt ut ein laurdag et og turen skal gå dagen etter kl. 11. Turmålet var Berdalseken som har ei høgd på 1814 moh. Som nettredaktør var det eg som fekk utfordringa med å spreie det gode budskapet. Invitasjonen vart lagt ut på nettsida om distribuert både via epost, tekstmelding og Facebook. Så var det berre å vente og sjå om nokon beit på invitasjonen. Som ne eg til fjells søndagsmorgonen for å forevige dei som fann vegen. Skia hadde eg og tatt med - så dei skulle sleppe å gå aleine, ideopphavsmennene. Og jammen dukka det opp to personar til innan kl. 11. Det var Egil Jørgen og Jorunn Lund. Så nokre minuttar over kl. 11 sta ca. 900 moh i strålande sol og godt skiføre. Alt lå til rette for ein flott tur. Turen gjekk i rimeleg grei motbakke heile vegen til topps slik som føret var denne dagen. Løna for det strevet var jo at det b unnabakke heimatt. Det var sjølvsagt godt med stogg undervegs og etter ca. 2 timar tok vi matpause. Når vi så kom opp på bandet vart det slik store toppekspedisjonar, nokon som måtte vere att i "base camp" (definert som "an area used for staging an attempt at the positioned to be safe from the harsher conditions above."). To vart att der for å førebu nedstiginga med pass og stell av utsty meir (!). Tre personar gjorde eit utfall mot toppen, Leif som førar, Egil Jørgen og Jorunn, og dei lukkast. Dei kom velberga at camp etter halvannan time og turen heimatt kunne starte. Det var då vi skulle få løna for strevet med motbakkane opp. Det var vel ikkje fritt for at vi kunne klart oss med litt mindre l litt mindre unnabakke. Men ned kom vi og nye utforteknikkar vart testa ut i nedkjøyringa. Me seier ikkje meir... Vel tilbake på parkeringsplassen, var me godt slitne alle mann. Men alle var vi einige om at det hadde vore ein fin tur. Og de utenkjeleg at tiltaket vert gjenteke om eit års tid, men då med litt meir førebuing og tilbod om nokre alternative aktivitetar f

5 ikkje har lyst å legge ut på langtur på ski. Nokre bilete frå turen finn du nedanfor. Bilete frå turen Utsikt inn i Startklare turterrenget frå turgåarar. hytta til Oddgeir. "Og vi gikk og gikk"... oppover. Godt med pause... og godt med mat. Med utsikt mot Suletind. Hardt arbeid i Base Camp. Framleis hardt arbeid i Base Camp. Toppen er nådd. Utslitt etter ein lang, men fin dag. Jorunn kviler ut.

6 Den fyrste maidagen er unnagjort ( ) Då var den fyrste av dei to store maidagane over. Korpset har som vanleg vore i aktivitet frå tidleg morgon til langt utpå ettermiddagen. Vinden var til tider litt stri, men elles var det godt marsj-ver på 1. mai. Og tradisjonen tru stod korpset nokså fulltallig klar på YX-stasjonen kl for oppmarsj til sentrum og flaggheising. Medan dynamittsalutten drønna mellom fjella, gjekk flagga på Tangen til topps med tonefylgje av "Flaggheis" og "Ja, vi elsker". Etterpå stod frukosten klar i kjellaren på Samfunnshuset - deilige, påsmurde rundstykke og varm/kald drikke etter ynskje. Korpset fekk ein roleg føremiddag sidan demonstrasjonstoget på Tangen ikkje gjekk før kl i år. Den etterkvart så tradisjonsrike turen til sjukeheimen i Seimsdalen, tok vi difor før toget. Der hadde vi ein liten hagekonsert på ca. 20 min. for bebuarar og ansatte. Også aspirantane Håvard Vee Natvik og Andreas Sviggum på kornett var med og gjorde til beste noko av det dei har øvd på i vinter saman med instruktør Marit. Deretter gjekk turen rett inn til Tangen og demonstrasjonstoget. Nedanfor finn du nokre bildeglimt frå dagen. Oppmarsj og flaggheis Kl stod korpset klart på YX-stasjonen for oppmarsj til rådhuset og flaggheis. Klokka er halv åtte, men ingen sure miner av den grunn. Tydelegvis godt å være dansk i Noreg også. Faneberar Ulrik Ibsen klar for fyrste økt. Veret på 1. mai var ikkje så verst med unntak av vinden. Bilde og nøgde musikantar før salutt og flaggheis. Leiar og dirigent i samtale med Odd Arne Guttulsrød i 1. mai-komitéen. Flaggheisarane står klar. På kjøkenet i Samfunnshuset har Marta Heggestad og Og frukosten smakar godt, den. Dirigent Oddgeir fortel eventyr om store pengar... Profileringsgardina er avduka.

7 Dagny Arnesen gjort klar frukosten. Seimsdal sjukeheim Kl. 14 var vi klare til speling for bebuarar og ansatte på sjukeheimen i Seimsdalen. Håvard Vee Natvik og Andreas Sviggum er nøgde med innsatsen. På veg til hagekonsert. Harald i passiar med gjestemusikant Gunnar Romøren og bror Atle. Slutta uorden... Demonstrasjonstoget Toget gjekk som vanleg frå bautaen i Vassbugen og til sentrum. Arrangørar i arbeid. Avslappa stemning før avmarsj. Toget går... Justisminister Knut Storberget i midten. Fyrsterekka i djup konsentrasjon. Stogg framfor I marsjtakt mot sjukeheimen med sentrum. avspeling av "Seieren følger våre faner" og "Samholdsangen". Gjestemusikar Gunnar Romøren flankert av bror Atle, Asle og Oddgeir.

8 Gjestemusikant på 1. mai ( ) Invitasjonen på heimesida til tilreisande korpsmusikantar kan vel ikkje ta æra, men korpset hadde iallefall gleda av å ha med seg ein gjestemusikant på 1. mai i år. Det var Gunnar Romøren, bror til tubaist Atle hjå oss, som var så sporty og stilte med trompet og lånte notar både på sjukeheimen i Seimsdalen og i demonstrasjonstoget seinare på ettermiddagen. Gunnar Romøren flankert av bror Atle og medkornettist Asle. Dirigent Oddgeir bak. Gunnar er oppflaska på Tangen, men bur i dag i Vormsund som er i nærleiken av Eidsvoll. Han spelar til dagleg i Sagene Janitsjar som spelar i Elitedivisjonen - til samalikning vert det som om vi er Strendedn og dei er Brann. Tidlegare i år fekk dei 6. plass i NM. Mange av oss "gamlingadn" spela i lag med Gunnar medan han var her i bygda. Det var kjekt for oss å helse på han att, og heilt sikkert gledeleg for dei som ikkje kjenner han frå før å få spele i lag med han. Meir om Sagene Janitsjarkorps finn du på deira heimeside. Han og andre tidlegare medlemmer, er velkomne attende ved seinare høve. Oddgeir

9 Superlaurdag og jubileumsfeiring ( ) I dag hadde handelsstanden superlaurdag. Samstundes markerte Årdalstangen Kjemiske Arbeiderlag 60-årsjubileumet sitt med to gratis framsyningar med Lærdalskompaniet i Samfunnshuset. Handelsstanden hadde bedt korpset om å spele og vi har som kjent, knapt sagt nei til speleoppdrag nokon gang. Litt over kl. 11 i dag stod vi difor speleklare med omkring 20 musikarar og god balanse i besetninga. Korpset heldt ein konsert på ca. 45 min ved Samfunnshuset der ÅTIL sto for sal av grillmat. Det var sett ut bord og stolar i kroken framfor Samfunnshuset og mykje folk hadde funne vegen ut. Vi spelte eit variert program med både arbeidarsongar, marsjar og nokre nummer frå konsertstoffet vårt. I vårt spesiallaga arrangement av "Ompa til du dør" tok slagverkarane denne gongen i bruk eit nytt instrument. Jan Roar dro til med solo på lyktestolpe - litt upraktisk innandørs, men ute er det lett tilgang på sorten. For fyrste gong hadde også korpset med seg profileringsgardina som skal fylgje oss der vi speler så sant dei praktiske tilhøva tillet det. Denne gardina er ein av fleire element i profileringa av dei firma som har inngått sponsoravtale med korpset. Nokre biletglimt Vi riggar oss til. Profileringsgardina er på plass for fyrste gong. Fleire kjem til. Så var konserten over for denne gong. - og vi kan kose Humøret er oss med mat og upåklageleg. drikke.

10 Loddsal på Tangen pinseafta ( ) Også i år kan du ta lodd i vårt originale 17. mai-lotteri. Lotteriet har som kjend berre ein premie, men det er ikkje mindre enn ein morgonkonsert på den adressa som vert trekt ut. Og dermed er det ikkje sikkert at det er vinnaren som har kjøpt loddet eingong! Vi opplever at lotteriet no er godt kjend i bygda og også at det er mogleg å kjøpe lodd på ein annan enn seg sjølv. Hanne og Tone klar til innsats. Den nye profileringsgardina er strategisk plassert. Pinseafta hadde vi salsaksjon på Tangen og loddsalet gjekk styrkande. Hanne og Tone benka seg utanfor Prix medan Oddgeir og Wenche stod utanfor Årdal Rør & Sanitær. Begge bedriftene er mellom dei som har valt å støtte korpset sin aktivitet gjennom 3-årige sponsoravtalar. Som loddseljar får ein servert mange gode historiar om kvifor folk vel den adressa dei gjer. Og i einskilde høve er det nok greit at ein ikkje kjenner til kven som har kjøpt vinnarloddet. Oddgeir i aksjon. "Pyntetubaen" er eit godt blikkfang. Trekkinga vert gjort under 17. mai-frokosten etter salutt/flaggheising. Når klokka er omkring 9, snik vi oss avgarde til den heldige adressa og bles det beste vi kan. Og har du ikkje sett nokon loddseljar, skal du ikkje fortvile. Send ei melding til lotteriansvarleg Hanne, hanne@stedje.no, og bestill lodd. Prisen er berre kr. 5 pr. lodd. Her får du 10 gode grunnar for å kjøpe lodd: Støtte korpset økonomisk (litt kjedeleg, men naudsynt) Gjere stas på ein god nabo Heidre ein god ven Fri til den du elskar Glede deg sjølv med ein eigen korpskonsert Vekke ein du veit har feira 16. mai dugeleg Irritere nokon (som ikkje likar korpsmusikk, viss dei finst?) Få oss inn i hagen din - og le av oss Skape blest om nabolaget Sende oss lengst mogleg unna din eigen heim Eller - du kjem kanskje på noko anna?

11 Lavmælt jazz på Tangen ( ) I helga har det vore Balejazz i Balestrand. Unge musikantar med interesse for jazz har der høve til å vere med på "Unge talent", eit seminar der ein får instruksjon av kjende jazzmusikarar. 2. pinsedag fekk vi høyre tre av dei unge musikantane som deltok på "Unge talent", i sentrum på Tangen. Det er ein av våre eigne musikantar, Merete Kulset, som saman med eit par medmusikantar stansa i Årdal på veg attende til skulekvardagen på Sandane. I tillegg hadde dei fått med seg en lærdøl som hadde med seg eit mini-keyboard. F.v. Andreas H. Opsvik (Lærdal), Andreas Rotevatn (Eid), Camilla Hole (Byrkjelo) og Merete Kulset. Dei fekk lyst å spele litt utandørs når dei fyrst var her og satsa på at korpset si heimeside kunne lokke nokre tilhøyrarar ned i sentrum. Sjølv om det var pinse og stille dagar var det nokre publikummarar som fann vegen til plassen framfor Samfunnshuset. Dei fekk høyre jazzimprovisasjonar over både kjende og ukjende låtar. På oppmoding improviserte dei m.a. over "Oh, when the Saint" og "Det står ein friar uti garde". Ung speleglede utfaldar seg på Tangen.

12 Vellukka uteøving ( ) I det fantastiske veret tysdag var det ingen veg utanom uteøving. Det var eit nesten fullsett korps som samla seg på festplassen utanfor Samfunnshuset til ei siste gjennomkøyring før den store dagen. På repertoaret stod også ein gammal klassikar, nemleg "You'll never walk alone", noko som fekk ein og anna Liverpool-suppartar til å komma med oppmuntrande tilrop. Dirigenten var også nøgd med øvinga. I fylgje hans vurdering var det ei passeleg god øving/generalprøve før 17.mai. Noko som borgar for gode framføringar på den store dagen. Han gler seg stort til 17. mai. Mellom anna fordi det er mange år sidan musikken har stilt med så mange musikantar i gata - i tillegg får vi også med oss drillen frå Farnes skulemusikk. Han trur folk kjem til å "svima" av begeistring.

13 Vi kan vel seie vel blåst... ( ) Den andre store festdagen i mai er historie. Vi kan sjå attende på ein like hektisk dag som tidlegare år. Sjølv om det såg utrygt ut klokka halv åtte på morgonen då vi starta dagen, var vêrgudane i vest i godlune. Det vart ein fin dag med passe temperatur og solskin. Ikkje alle stader var så heldige. Austafor var det visst kaldaste 17. mai på 50 år. Klokka har nett passert 0730 og dagen vår er i gang. Dooria-sjefen teken på senga Om salutten retteleg gjalla mellom fjella på Tangen denne 17. mai-morgonen, måtte det Årdalstangen Musikklag til for å få Dooria-sjef Harald Husabø ut av senga. Han var nemleg den heldige vinnaren av årets 17. mai-lotteri. Eller, det vil seia - vinnaren som fyrst vart trekt ut var Oddgeir Øren, men av openberre årsaker valde dirigenten i samråd med lotterisjefen å trekka om att. Dermed vart det Hæreidsvegen og den nye plattingen til Lotterivinnar Harald Husabø vert gratulert med vinsten. familien Husabø som vart det endelege målet. Vinnaren gav uttrykk for stor overrasking, men konkluderte raskt med at dette var ein flott måte å byrja dagen på. Fleire av naboane hans var samde. Her framførte korpset først flaggheis og Ja vi elsker, følgt av Happy Marching band, Anchors Away og Gammel Jegermarsj. Som ein ekstra vri på lotteriet i år, valde me å dela ut ein liten ekstrapremie til Lodve Berge på Sandgota, som runda 70 år denne flotte nasjonaldagen. Årsaka var at veldig mange hadde kjøpt lodd på jubilanten, og under frukosten samla korpset seg raskt om at ein ekstra liten støntkonsert var på sin plass. Det var dermed noko av eit syn som møtte jubilant Lodve Berge ved frukostbordet, då korpset kom marsjerande og stogga like utanfor. Lodve hadde for høvet besøk av born og borneborn austfrå og var svært rørt over gåva frå musikklaget. -Dette var verkeleg ei kjempestor overrasking, tusen hjarteleg takk. Ingen tvil om at dette sette ei ekstra spiss på ein elles fantastisk flott dag, sa han. Men før lotterivinsten vart delt ut, hadde korpset gått ein kort oppmarsj frå ambulansegarasjen i Hydrovegen, spelt ved flaggheisinga framfor rådhuset og inntatt ein god frokost på Klingenberg hotell. Og sidan gjekk det slag i slag Vi var ekstra mange i gata i år sidan vi hadde med oss Farnes skulemusikk - totalt 41 musikantar. Saman med musikantane kom også drillen til skulemusikken og det er mange år sidan det har vært drill i toget på Tangen. Toget starta som vanleg kl då hadde vi hatt ein trekvarters pause etter siste speling i morgonøkta. Deretter vart det speling i samband med festarrangementet framfor Samfunnshuset. Der fekk vi også høve til å overrekke lotterivinnar Harald Husabø vinnarbrev og ein blomsterbukett. Med seg fekk han også "Ompa til du DØR" framført av korpset i eit arrangement laga spesielt til korpset. Tittelen hadde minst dobbel botn denne dagen - som musikantar kjennast det nok ut som om vi speler ompa til vi dør på festdagane i mai. Dagen vart avslutta med ein kort oppmarsj frå Bringevegen til sjukeheimen i Seimsdalen. Der venta eit lydhøyrt publikum på oss. Det vart ein konsert på omkring 20 minuttar med lett blanda musikk. Skikkeleg stemning vart det då vi avslutta med den gamle slageren "Funicculi Funiccula" og dessutan "Gammel Jegermarsj". Då siste tonen var spelt, sto både kaffi, juice og is klart til tørre musikantstrupar. Og dermed var dagen over - klokka nærma seg fem på ettermiddagen. Slitne vert vi etter desse festdagane, men det høyrer med og vi har jo eit heilt år å hente oss inn att på. Meir om 17. mai på Tangen finn du også på Porten.no og ikkje minst på Tangen skule si heimeside der du finn ein fin bildemontasje frå heile feiringa.

14 Morgonøkta Oppmarsj, flaggheising, frukost og lotterikonsert. Klar til avmarsj kl Frukosten smakar. Vel forsynte. Vi lister oss så stilt på tå - inn i ein Tangenhage... Ein nyvakna lotterivinnar, Harald Husabø. Neste oppdrag - dugnad? Oddgeir gratulerar. Ekstravinst til 70-årsjubilanten Lodve Berge. Skuletog og festarrangement Har du bilete av korpset i toget? Vi sett pris på om du vil dele dei med oss. Send bilete til whkulset@online.no. Drillarar klare til innsats på nasjonaldagen. Farnes skulemusikk anno Tre korpsfanar i toget. Drillarar i aksjon. Konsentrerte saksofonistar. Dei som syter for at vi held takta. Blåjakkar og gråjakkar i skjøn harmoni. Sikkert lenge sidan denne fana har vore på Tangen. Oppstilling framfor sjukeheimen. Pustepause etter toget. Utan mat og drikke... Aspirant Rebekka med læremeistar Kristin. Det drøyde med russetalane... Aspirant Andreas med læremeistar Marit. Leiting i notearkivet. "Bråkmakarane" - kva skulle vi gjort utan dei? Vi ventar... Ein gjestemusikant - Jostein Fretland var innom som snarast. Jan Olav Fretland fekk tangingane til å humre. Nestleiar og æresruss Hanne. Den siste økta Oppmarsj frå Bringevegen til sjukeheimen i Seimsdalen. Slitne musikantar. Klar for siste økt. Vi samlar dei siste kreftene. No er det like før. Dirigenten med hugselappen klar. Ferdig! Kaffi og is står klar.

15 Ubetalelege glimt Smakar det lakris eller? Lang dags ferd mot natt... Kulturkrasj. Skoskifte på slitne korpsføter. Eit korpsfamiliebagasjerom. Ikkje sleten, nei!

16 Gløym matteformlar, glosar og blokkfløyte i ein dag! ( ) Kommande fredag vert det korpsdag på barnesteget på Tangen skule. Årdalstangen Musikklag har leigd inn eksperthjelp og Tangen skule stiller timar og lokale til disposisjon. Vi skal nytte konseptet Korps er gøy som er eit rekrutteringsopplegg for skulekorps, men denne gongen vert det altså nytta i ein skuleklasse. Som namnet tilseier er målet å vise born at det er moro å spele i korps. Dette opplegget som er myke nytta i andre deler av landet, har ikkje vore nytta særleg i vårt fylke. To kjende korpsinstruktørar, Elisabeth Vannebo og Einar Gjelsvik (som har utvikla Korps er gøy ), skal sørge for at alle 3. klassingane på Tangen skule får prøve seg som korpsmusikantar. Alle får utdelt eit instrument og får instruksjon av dei to instruktørane. Dagen vert avslutta med ein konsert for dei andre elevane i barnesteget. Då skal 3. klassingane faktisk framføre et par melodiar! Samstundes som nybyrjarane får sin instruksjon, får også skulemusikantane i Årdalstangen Musikklag og Farnes Skulemusikk ein inspirerande stund med Elisabeth og Einar. Dei skal også øve inn nokre nye melodiar som skal framførast på konserten. Elisabeth Vannebo speler tuba og bor i Bergen. Fleire tangingar som har vore på sommarmusikkleirane til Norges Musikkorps Forbund på Eid, vil kjenne att Elisabeth derifrå. Som musiker har ho reist for Rikskonsertane, vore teatermusikar ved ulike teatre og arbeidd som studiomusiker blant annet i NRK for Kvinner på randen". I tillegg har ho årelang korpsbakgrunn frå fleire korps både som musikant og ettertrakta instruktør. Einar Gjelsvik vaks opp i korpsmiljøet i Lindås kommune. Han har spelt kornett i fleire av dei mest kjende korpsa på Vestlandet. Han har også vore visedirigent for Gardemusikken. I dei seinare åra har han arbeidd lærer/dirigent ved Askøy Kulturskole og ved Kleppestø ungdomsskole. I løpet av dei siste 6 åra har han hatt over 100 rekruteringskonsertar for NMF Hordaland og NMF Sør (Telemark/Agder). Begge to har i tillegg brei musikkfagleg utdanning. Som korps gler vi oss verkeleg til denne dagen. Intensjonen vår er å nytte Korps er gøy -opplegget i framtidig rekruttering og oppbygging av skulemusikken. Kontaktperson for meir informasjon: Oddgeir Øren, tlf eller epost oddgeir.oren@mail.ardalsnett.no

17 Den fyrste song dei spela fekk... ( ) Elisabeth og Einar imponerte ein heil skule og fleire med. Korpsleiinga er trygg på at dette er ein svært god måte å nytte sponsormidlane på. Samarbeidet med lokale bedrifter gjennom "Symfoni" gir oss høve til å nytte profesjonell hjelp i rekrutteringsarbeidet til skulemusikken. Elisabeth Vannebo og Einar Gjelsvik. Og reaksjonen frå ungane var unison: "Vi vil ha meir!" Mange bilete frå korpsdagen finn du her. Du kan dessutan lese om kva skulen tykte om korpsdagen på Skulenett. Fredag var det korpsdag på barnesteget på Tangen skule. Under kyndig leiing av Elisabeth Vannebo og Einar Gjelsvik, vart elevane i 3. klasse på Tangen skule kjende med messinginstrumenta i eit korps. Kvar elev fekk velje seg eit instrument og i løpet av to timar med instruksjon lærte dei seg 3 melodiar. Desse vart framført på konsert for resten av barnesteget. Den eine melodien var spesialkomponert for høvet og heitte "Heia Årdal, vi er bra". Denne og dei to andre melodiane vart framført i lag med ei gruppe av skulemusikantar. Dei hjelpte Einar med å presentere rekrutteringsopplegget "Korps er gøy". Skulemusikantane møtte eit kvarter før konserten, fekk utlevert notar og ei kort øving før dei måtte elden. Dordi, Anette, Sondre, Susanne, Kristin, Katrine og Oddgeir måtte spele nokre taktar åleine for å vise instrumenta sine.

18 Utespeling på torget i Øvre ( ) Det er nytt av året at vi flyttar oss rundt og speler uhøgtidlege utekonsertar før sommarferien tek til. I staden for å øve inne i Samfunnshuset, flyttar vi øvinga ut og tek sjansen på at vi ikkje speler så ille at folk rømer. Vi har spelt ute på Tangen, i Seimsdalen og i går var det Øvre sin tur. Vi starta med 17 musikantar. Truleg spelte vi så sterkt at 2 til vakna,- eller kanskje dei berre ikkje hadde fått det med seg? Kom gjorde dei allfall, og det var veldig kjekt. Elleve forskjellige musikkstykkjer vart framført. Eit måtte avbrytast, men vi toler det også. Det samla seg etterkvart ein tilhøyrar i tillegg til alle som sneik seg forbi annten på handel eller trimtur. I det heile ei fin kveldstund i fint vær framfor nedlagde "Stova" og eit Samfunnshus i startfasen på renoveringa. Du finn bilete frå utespelinga i biletgalleriet.

19 Kongeleg speleoppdrag ( ) Onsdag 11/6 vart Norsun-fabrikken opna av kronprinsparet. Gjestane vart fyrst underhelde på torget og deretter spaserte dei opp til Norsun. Korpset hadde fått det ærefulle oppdraget å spele ved inngangspartiet då kronprinsparet med fylgje kom gåande. Dei vart møtt av "Ein solskinnsdag" då dei kom opp mot inngangen. Ein liten stogg kosta dei på seg også og både kronprins og kronprinsesse handtakka dirigenten for spelinga. Det spørs om han vaskar handa med det fyrste?! Deretter spelte vi kronprinspar og gjestar inn i den nye fabrikken med "Anchors aweigh". Vi har både dirigenten og tilhøyrarar sine ord på at vi gjorde ein god jobb. Vi kunne godt tenkt oss opphaldsvêr både for oss sjølve og gjestane, men det er tilhøve vi ikkje rår over. Med høgt spenningsnivå, mange forventningar, masse folk og framande miljø i tillegg, ligg det godt til rette for at noko går skeis. Det gjorde so absolutt ikkje. Vi gjer oss klare. Kronprinsparet med fylgje kjem gåande. Det er faktisk ikkje så lenge sidan sist vi spelte for kongelege. Det var i 2002 då kongeparet vitja Årdal i samband med opning av tusenårsstaden. No gjenstår det eitt speleoppdrag før vi tek sommarferie. Det er utekonserten laurdag under Fjord til Fjell. Då spelar vi ved "Sogelagsbrakka" bak Årdal Byggservice. Vi kryssar fingrane og voner på godvêr den dagen. Om ikkje i stram giv akt, så iallefall rake i ryggen.

20 Vel blåst, folkens! ( ) Då er "Fjord til fjell"-dagane over for i år. Forutan å avslutte sesongen med utekonsert ved Sogelagsbrakka i Saltviki, hadde vi ei stri tørn med å halde svoltne marknadsgjester med vaflar og kaffi frå fredag til sundag. Samarbeidet med ÅTIL der vi står under same tak og sel høvesvis vaflar/kaffi og grillmat, fungerte fint i år også. Hanne og Svein Petter ser lyst på jobben. Vi hadde studert vêrprognosar som tilsa at vêret ikkje ville bli like flott som førre år. Ville det føre til mindre omsetnad, tru? Vêret vart som prognosane - vått og kaldt fredag ettermiddag, delvis skya med solgløtt laurdag og supert på søndag. Sjølvsagt gjekk salet trått på fredag - det var altfor surt til at folk orka sette seg ned med kaffi og vaflar. Då vart det heilt motsett på laurdag og søndag. Då gjekk 3 doble vaffeljern og kaffetraktarane på full guffe heile dagen. Det var vel fyrst dei siste par timane på søndag vi klarte å halde eit lager av vaflar. Det var ikkje fritt for at galgenhumoren gjorde seg gjeldande innimellom når køen framfor disken hopa seg opp. Litt straumproblem gjorde det ikkje betre. Jan Roar hadde full kontroll på vaffelsteikinga heile helga. Då vi avslutta salet litt før klokka seks søndag, var det heilt tomt for røre og berre to vaffelplatar att. Og du lurer sikkert på korleis resultatet vart? Det vi har oversikt over så langt, er at vi laga vaflar av ca. 70 liter røre! Og førebels ser overskotet ut til å bli i overkant av kr Mona og Wenche nyttar høvet til å takka medlemmar for sporty innsats. Ein spesiell takk går til Jan Roar som sto pal bak vaffeljernet frå start til slutt kvar dag. Vaffelsalet går strykande.

21 Det vil etterkvart bli lagt ut fleire bilete frå "Fjord til fjell" på biletgalleriet.

22 Korps på Fillipinene ( ) Vi strevar jamnt og trutt med å skaffe pengar til instrumentfornying. Også i andre land strevar dei med det samme og har enda større problem med å finansiere dyre instrument enn det vi har. Då er det kjekt med kreative ressursar. Sjå denne videoen av korpset Musikong Bumbong og korleis dei løyser utfordringa med dyre instrument.

23 Sommarhelsing frå leiaren Takk for eit flott korpsår, alle saman! Sist haust hadde ikkje Farnes Skulemusikk dirigent og vi gav dei tilbod om å øve med oss. Vi rekna med at det kunne gje oss store utfordringar sidan det vart så stor aldersskilnad, men alle har takla det på ein framifrå måte. Og medlemmane i FSM har hatt eit fantastisk frammøte på øvingane ca. 75 %. Eg trur at både FSM og vi har vakse på dette samarbeidet. Dersom dei ikkje får dirigent frå hausten, er dei hjarteleg velkomne attende til oss. Vi har sett stor pris på dette samarbeidet. Sponsorprogrammet Symfoni vart ein suksess og vi nådde nesten måla vi hadde sett for sal av sponsoravtalar. Idéopphavsmann for dette programmet er Oddgeir det er kjekt med personar som ser moglegheiter og ikkje avgrensingar som dei fleste av oss gjer. Realiseringa av sponsorprogrammet har gitt oss ein forutsigbar økonomi og vi har større høve til t.d. å skifta ut instrumentparken eller gjennomføre særskilde prosjekt. Hittil i år har vi m.a. kjøpt instrument for ca. kr og prosjekt som Korps er gøy -dagen på Tangen skule (sjå nedanfor) vert også lettare å gjennomføre med ein trygg økonomi. I samarbeid med Elisabet Vannebo og Einar Gjesvik gjennomførde korpset ein rekruteringskonsert i 3. klasse på Tangen Skule i slutten av mai Korps er gøy. Dette var eit velluka opplegg som ga meirsmak. Elevane i 3. klasse ville gjerne hatt dei ein gong til. Dette er ein lekk i korpset sitt arbeid for å gje ungar ein fin hobby som kan vare livet ut og som bidreg til at bygda i framtida kan få høyre korpsmusikk på festdagar og ved andre høve. Éin 17. mai utan korpsmusikk er vel i grunnen nok... Vi har hatt mange speleoppdrag dette året. Prestisjemessig var toppen kanskje å få spela på opninga av Norsun i juni, der Kronprinsparet foretok den offisielle opninga. Alle dei andre speleoppdraga er likevel minst like viktige både for oss og bygda vår. Etter 17. mai har vi lagt øvingane både til Seimsdalen og Øvre. Det var også meininga å legga turen til Vikadalen, men det sette vêret ein stoppar for. Slike uteøvingar gjev ei fin avrunding av vårsesongen. Det siste speleoppdraget i år var ved brakka til Sogelaget i Saltviki i samband med Fjord til fjelldagane. Dette var ein takk for lånet av møterommet som vi har nytta til styremøter. Kanskje dette kan bli ein fast avslutting på sesongen? Korpset har også fått ei fantastisk fin heimesida som er flittig brukt. Det er omkring 60 som er innom denne sida daglig. Eg må få takka redaktør Wenche for det arbeidet ho legg ned her. Sjølv om det har vore mest å gleda seg over denne sesongen, fekk korpset fleire triste budskap omkring årskiftet om både ein aktiv medlem og tidlegare medlemmar som gjekk bort. Dette har prega korpset spesielt når etter måten unge menneske brått vert revne bort. Det er sjølvsagt eit stort tap for korpset; hjå oss er alle er like uunnværlege. Størst er tapet likevel for den næraste familen og vi sender vår varmaste medkjensle til dei. Korpset deltok også i år på Fjord til Fjell med sal av vaflar og kaffi. I fjor starta samarbeidet med ÅTIL, der vi står under same tak og sel høvesvis vaflar/kaffi og grillmat. Dette fungerar framifrå sett frå vår ståstad og i år vart det ny rekord i omsetnaden for salet av vaflar og kaffi. I skrivande stund er ikkje resultatet heilt klart. Som leiar vil eg fyrst takka skulemusikantar og styret i FSM for ein fin sesong. Ein spesiell takk går óg til dirigent Oddgeir som taklar alle utfordringar på tilsynelatande strak arm vi veit han legg ned eit utruleg arbeid for korpset. Eg vil også takke alle medlemar for at dei heile tida stiller opp anten det er dugnad eller speleoppdrag. Det er moro å vera leiar i eit slikt korps.

24 Eg ynskjer alle ein riktig god sommarferie og velkomne att til hausten. Helsing Arne Harry

25 Suksess for heimesida! ( ) I dag er det 5 månadar sidan korpset si heimeside vart publisert. Hovudmålet med heimasida var å gjere informasjonsformidlinga til musikantar enklare. Den målsettinga er vi sikre på er nådd. Samstundes har det komme mange positive tilbakemeldingar på heimesida frå folk utanfor korpset. Det er jo ein veldig kjekk bieffekt. Kurva syner korleis besøkstalet for heimesida har utvikla seg sidan lanseringa for 5 månader sidan. Besøkstalet er ein god peikepinn på kor vellukka heimesidene er. Medlemstalet i korpset er ein god indikasjon på kva nivå ein kan forvente på besøkstalet. Er 75% av medlemmane inne ein gong pr. dag, skulle vi ha eit besøk på ca. 30 dagleg. Dei fyrste par månadene låg det daglege besøkstalet på tett oppunder 50 - og både redaktør og styre var kjempenøgde. No har det som sagt gått enda nokre månader og det er eit passande tidspunkt å publisere status no som vårsesongen er avslutta og alle er i feriemodus. Som nettredaktør er det berre å seie at resultatet langt overgår forventinga: I snitt har det vore over 90 besøkande innom sidene våre kvar dag! Besøkstalet kjem sjølvsagt ikkje av seg sjølv. Vi ville ikkje hatt meir en besøk pr. dag om det berre var turr informasjon til medlemmar som vart publisert. Det er viktig at korpset er aktivt slik at vi kan publisere store og små nyhende både frå eigen aktivitet og frå korpsverda elles - og då helst med fylgje av bilete.