Sakliste til årsmøte 2016 i Kvinnherad idrettsråd

Transkript

1 Sakliste til årsmøte 2016 i Kvinnherad idrettsråd 1. Godkjenning av frammøtte representantar 2. Godkjenning av innkallinga, saklista og møtereglane 3. Val av dirigent, referent, og to representantar til å skrive under protokollen 4. Årsmelding for 2015 (side 2) 5. Rekneskap for 2015 (side 4 og separat vedlegg) 6. Arbeidsprogram for (side 5) 7. Forslag og saker: a. Lov for Kvinnherad idrettsråd (side 7 og separat vedlegg) b. Skala for årsmøterepresentasjon (side 7) c. Kontingentsats for 2017 (side 7) d. Idrettsstipend for Kvinnherad (side 8) e. Kriterium for fordeling av lokale aktivitetsmidlar (side 11) f. Fullmakter til styret (side 11) g. Ingen saker meldt inn frå medlemene 8. Budsjett 2016 (side 12) 9. Val: a. Leiar og nestleiar b. 5 styremedlemar og 2 varamedlemar c. To revisorar d. Representantar til idrettskrinstinget, eller gje styret fullmakt til å oppnemne representantane e. Valkomité med leiar, to medlemar og eitt varamedlem 1

2 Årsmelding 2015 styret sitt framlegg til årsmøtet Årsmøte vart halde 3. mars 2015 på rådhuset i Rosendal. Styret denne perioden har vore: Anbjørn Høivik (leiar), Uskedalen IL Steinar Bjørkelund (nestleiar), IL Strand-Ulv Gunnar Våge (kasserar), Rosendal TL Anna Prestnes, Kvinnherad Handballklubb Dagfinn Gjerde, Kvinnherad Handballklubb Bjarte Solheim, IL Trio Henriette Seim, Rosendal Turnlag Vararepresentantar har vore Ingvar Hølland, Halsnøy IL, og Anton Sjursen, Kvinnherad Handballklubb. Revisorar har vore Willy Kalsås og Anne Grete Sundal. Styret har hatt seks møte i perioden. Det har vore arbeidd med kontakt mellom idretten og kommunen, kompetanseutvikling i idrettslaga, idretten sitt samfunnsoppdrag samt vidareutvikling av idrettsrådet. Idrettsrådet har ein omsetnad på vel. kr ,- og utgiftene er i hovudsak knytt til heimeside, møteutgifter og reise til krinstreff. Drifta vert finansiert med ca. ein halvdel kontingent frå medlemslaga og ca. ein halvdel kommunalt tilskot. Kontingenten har i 2015 vore kr. 500,- per medlemslag. I løpet av 2015 har Kvinnherad Hesteskysslag og Folgefonna IL opphøyrt og idrettsrådet har no 24 medlemslag. Av desse har 18 betalt kontingenten. Samarbeid med idrettslaga Idrettsrådet har oppdatert kontaktinformasjonen til idrettslaga for å verte betre i stand til å halda kontakt med medlemene. Det er også etablert heimeside for idrettsrådet og eige Facebook-side som vert nytta til å formidla informasjon til medlemene. Medaljar til kvinnheradmeisterskap har lenge vore administrert av tidlegare Kvinnherad Sparebank. Lageret av medaljar er nærast tomt, og idrettsrådet har søkt, og fått, pengegåve frå Sparebank 1- stiftinga Kvinnherad til å finansiera eit nytt opplag. Nye medaljar er tinga og idrettsrådet vil administrere ordninga i framtida. 2

3 Lokalidretten og kommunen Idrettsrådet har gjennomført det årlege samarbeidsmøtet med kommunen og behandla der framlegg til plan for tildeling av spelemidlar og kommunale investeringsmidlar til prosjekt i Kvinnherad. Idrettsrådet tok initiativ til eit søkekurs for idrettslag som vil søke spelemidlar og dette vart gjennomført hausten 2015 i samarbeid med kommunen. Frå kommunen har det kome initiativ til eit idrettsstipend for Kvinnherad, og idrettsrådet har arbeidd med statuttar og finansiering av dette gjennom året. Det står att noko arbeid med dette. Styret har per e-post informert alle medlemene i det nye kommunestyret om rådet sine oppgåver og rolle i lokalidretten. Styret i idrettsrådet har ein representant i prosjektgruppa for ny fleirbrukshall på Husnes. Forprosjekt er venta ferdig i mai Organisasjonsledd i NIF Idrettsrådet har i 2015 fordelt kr av lokale aktivitetsmidlar til medlemene. Dette er spelemidlar øyremerkt aktivitetar for barn og ungdom i alderen 6 19 år. Midlane vart fordelt etter aktivitetstal frå idrettsregistreringa. Alle idrettslag med barne- og/eller ungdomsaktivitetar fekk eit grunnbeløp på kr ,- og dei resterande midlane vert fordelt med vekttal 2 for ungdom (13-19 år) og vekttal 1 for barn (6-12 år). Representantar for idrettsrådet har delteke på idrettsrådskonferansen hausten 2015 og anleggskonferansen våren 2016; begge delar arrangert av Hordaland idrettskrins. Styret har røkt etter stiftingsdokument og lover for idrettsrådet utan hell. NIF sine normalvedtekter for idrettsråd har difor vorte lagt til grunn, og styret legg dei fram til vedtak på årsmøtet. Vedtektene har vore på høyring hjå medlemene utan at det kom merknadar til framlegget. Kvinnherad idrettsråd vart registrert som foreining/lag/innretning i einingsregisteret i Brønnøysund. Idrettsrådet vart samstundes registrert i frivilligheitsregisteret. Samfunnsoppdrag Idrettsrådet har gjennom 2015 hatt mykje kontakt med kommunen om korleis barn og ungdom frå låginntektsfamiliar kan ta del i idretten sine aktivitetar. Dette ser ut til å resultera i eit samarbeidsprosjekt, og fleire av idrettslaga har sagt seg interesserte i å delta. Styret i Kvinnherad idrettsråd Anbjørn Høivik styreleiar Steinar Bjørkelund nestleiar Gunnar Våge Anna Prestnes Dagfinn Gjerde Bjarte Solheim Henriette Seim 3

4 Rekneskap 2015 Sjå separat vedlegg. Revisorgodkjenning vert lagt fram på årsmøtet. 4

5 Arbeidsprogram Styret sitt framlegg til årsmøtet Årsmøtet vedtek arbeidsprogram i tråd med vedtektene. Programmet skal ha to års horisont og vert rullert årleg. Arbeidsprogrammet er saman med rådet sin lovar og budsjett styrande for idrettsrådet sin aktivitet. Idrettsrådet er eit felles organ for all idrett i Kvinnherad som er organisert i Norges idrettsforbund gjennom Hordaland idrettskrets. Idrettsrådet skal vere ein arena for samarbeid mellom laga, mellom laga og kommunale styresmakter og mellom laga og idrettskretsen. Idrettsrådet har samarbeidsavtale med Kvinnherad kommune og er rådgjevande organ i saker som vedkjem idretten i kommunen. Idrettsrådet skal: a) styrke idretten si rolle og rammevilkår i lokalsamfunnet, b) foreta prioriteringar på vegne av idrettslaga, c) dokumentere og synleggjere idretten sitt lokale omfang og utvikle lokale idrettspolitiske handlingsprogram, og d) vere ein møteplass og utviklingsarena i skjeringspunktet mellom offentleg og idrettspolitiske handlingsprogram, og frivillig virke. Samarbeid med idrettslaga Heimeside og facebookside som viktig kontaktflate mot medlemene E-post og meldingar via SportsAdmin for direktesendingar til medlemene Lokalidretten og kommunen Oppretthalda samarbeidsavtale med Kvinnherad kommune Årleg samarbeidsmøte med kommunen Arbeide for ein kommunal idrettskonsulent Samarbeide med kommunen om idrettsstipend for Kvinnherad Gi råd om prioritering av spelemidlar og kommunale investeringsmidlar til idrettsanlegg På eige initiativ ta opp saker med kommunen som er av felles interesse for idrettslaga i Kvinnherad Koordinere og fremje saker på vegner av medlemslaga for kommunen 5

6 Organisasjonsledd i NIF Delta på desse arrangementa i regi av Hordaland idrettskrets: o Idrettsrådskonferansen i Hordaland o Anleggskonferansen i Hordaland o Kretstinget i Hordaland Anleggsutbygging Arrangera søkekurs for medlemene til spelemiddelordninga Etablera ein årleg anleggskonferanse for Kvinnherad Delta i prosjektarbeidet for ny idrettshall på Husnes Aktivitetsutvikling Fordele lokale aktivitetsmidlar (LAM) til medlemslaga Utvikle kriterium for tildeling av LAM som stimulerer til samarbeid mellom medlemslaga om arrangement, treningstilbod og andre aktivitetar Etablere idrettsstipend for Kvinnherad Administrere ordninga med medaljar til Kvinnheradsmeisterskap Samfunnsoppdrag Synleggjere verdiar frå lokalidretten for innbyggjarar, næringsliv og politisk leiing i kommunen Delta i prosjektet som skal motverka barnefattigdom i Kvinnherad 6

7 Sak 7 a): Framlegg til lov for Kvinnherad idrettsråd Styret har freista finna gjeldande lovar for Kvinnherad idrettsråd utan hell. NIF si generelle lovnorm for idrettsråd har difor vore lagt til grunn for verksemda i idrettsrådet. Styret sendte gjeldanda lovnorm på høyring til medlemene i perioden Det kom ikkje merknader frå andre enn Hordaland idrettskrins som på si side godkjende framlegget. I ettertid har Idrettsstyret gjort mindre endringar i den generelle lovnorma og styret i idrettsrådet har fått den tilsendt frå Hordaland idrettskrins. Styret legg såleis fram siste utgåve av lovnorma som framlegg til lovar for Kvinnherad idrettsråd (separat vedlegg). Framlegg til vedtak: Lovnorm for idrettsråd vedteken av Idrettsstyret 22. oktober 2015 vert gjort gjeldande for Kvinnherad idrettsråd. Styret skal i tillegg til leiar og nestleiar ha 5 styremedlemar og 2 varamedlemar. Sak 7 b): Framlegg til skala for årsmøterepresentasjon Framlegg til vedtak: Kvart medlemslag kan stille med inntil fem representantar på årsmøtet til Kvinnherad idrettsråd etter denne skalaen: medl. : 2 repr medl. : 3 repr medl. : 4 repr medl.: 5 repr. Bedriftsidrettslaga: 4 repr. til saman Medlemstal frå sist tilgjengelege idrettsregistrering vert lagt til grunn. Sak 7 c): Framlegg til medlemskontingent for 2017 No er kontingenten kr. 500,- per medlemslag og det har den vore ei stund. Aktiviteten i KIR er aukande og styret gjer framlegg om ein mindre auke i dei samla kontingentinntektene etter ein skala. Framlegg til vedtak: Medlemskontingent for 2017 skal følgje denne skalaen: medl. : 500, medl. : 750, medl. : 1000, medl.: 1250,- 7

8 Sak 7 d): Framlegg til idrettstipend for Kvinnherad Framlegg til vedtak: Styret får fullmakt til etablere idrettsstipend for Kvinnherad i tråd med forslaget til statuttar slik dei ligg føre. Stipenda skal administrerast i samarbeid med andre aktørar, og styret får fullmakt til å gjere mindre endringar i statuttane om det er naudsynt med tilpassingar. Forslag til Statuttar for Kvinnherad Idrettsstipend Versjon Føremål Det vert årleg delt ut to idrettsstipend for å premiera oppnådde resultat eller stimulera til satsing for unge idrettsutøvarar, dommarar, idrettsleiarar og idrettslag. Det eine er eit elitestipend for utøvarar som allereie har, eller har potensiale til å få, gode resultat på nasjonalt eller internasjonalt nivå. Det andre er eit breiddestipend for idrettslag som vil gjennomføra arrangement eller andre tiltak for å auke deltaking og idrettsleg trivnad hjå barn og ungdom. Felles for begge stipenda Alle søknader må ha med ein plan for bruk av stipendet og juryen kan i ettertid krevja dokumentasjon på bruken av stipendmidlane. Mottakar av stipend må signera avtale med vilkår for bruk av midlane. Kvinnherad er ein MOT-kommune og søkjaren må stille seg bak MOT sine grunnverdiar. Søknadsfrist og tildeling Søknad om stipend skal rettast til Kvinnherad kommune innan 1. oktober i den form kommunen krev. Styret i Kvinnherad idrettsråd er jury for stipenda og gjer offentleg stipendvinnarane innan 1. desember. Berre stipendvinnarane får grunngjeving for vedtaket. Stipendbeløpa vil normalt verte overført til vinnarane i løpet av desember. Alle søkjarar skal verte skriftleg orientert om vedtaket. Vinnarane skal gje skriftleg tilbakemelding på bruken av stipenda innan 1. oktober året etter. 8

9 Elitestipend Stipendet skal premiera oppnådde resultat og stimulera til vidare satsing. Elitestipendet er bygd opp av økonomiske bidrag frå innskytarar. Kriterium for tildeling Stipendmottakaren må vere folkeregistrert i Kvinnherad kommune. Utøvarar frå individuelle idrettar, heile lag og einskildutøvarar på lag kan søke. Dommarar, trenarar og idrettsleiarar kan også søka. Søkjar bør vere medlem av eit lag som er medlem i Kvinnherad idrettsråd, berre utøvarar som ikkje kan utøve sin idrett på sitt nivå i Kvinnherad kan representere andre klubbar. Søkjaren må vere mellom 15 og 25 år gamal i søknadsåret. Søkjaren må kunne vise til særs gode sportslege prestasjonar eller resultat. Det må også kunne visast til gode haldningar og moglegheiter for vidareutvikling. Ein som tidlegare er tildelt elitestipendet kan ikkje få det på ny. Kandidatar Utøvarar kan søke sjølv, gjerne med vedlegg frå trenar/leiar. Søknaden skal vere skriftleg og innehalda namn, postadresse, telefonnummer, e-postadresse, alder og kontonummer. Søknaden skal gi eit oversyn over oppnådde resultat. Trenarar, leiarar eller idrettslag kan fremja kandidatar. Juryen kan sjølv fremje kandidatar innafor tildelingskriteria. Stipendsum Storleiken på stipendet vert avgjort av tal på innskytarar. Stipendet kan verte gitt til ein søkjar eller delast på fleire søkjarar etter konkret vurdering. Stipendet er på inntil kr ,-. 9

10 Breiddestipend Stipendet skal støtte opp om tiltak som gir barn og ungdom idrettsglede og trivsel og som gjer det attraktivt å delta i idrett. Stipendet skal også bidra til samarbeid mellom idrettslag om arrangement, treningstilbod og liknande for barn og ungdom. Breiddestipendet er bygd opp av lokale aktivitetsmidlar gjennom spelemiddelordninga. Kriterium for tildeling Stipendmottakaren må vere idrettslag registrert i Kvinnherad og medlem i Norges idrettsforbund og olympiske og paralympiske komité (NIF). Fleire idrettslag kan gå saman om søknad. Stipendet skal nyttast til aktivitetar for barn og ungdom i alderen 6 til 19 år. Om eit idrettslag søkjer aleine må tiltaket det vert søkt om vere ei ekstra satsing, eit prosjekt eller eit arrangement som kjem i tillegg til idrettslaget sine ordinære aktivitetar. Aktivitetstilbod som inneberer samarbeid mellom to eller fleire idrettslag kan tildelast stipendmidlar. Dei til ei kvar tid gjeldande retningsliner frå Kulturdepartementet og tilrådingar frå NIF om lokale aktivitetsmidlar vert lagt til grunn ved vurdering av søknad om stipend. Tildeling av stipend skal godkjennast av Hordaland idrettskrets. Kandidatar Idrettslaget/idrettslaga søker sjølv om stipendet. Søknaden skal vere skriftleg og innehalda lagsnamn, postadresse, kontonummer og namn på kontaktperson med telefonnummer og e- postadresse. Juryen kan sjølv fremje kandidatar innafor tildelingskriteria. Stipendsum Stipendet kan verte gitt til ein søkjar eller delast på fleire søkjarar etter konkret vurdering. Stipendet er på inntil kr ,-. 10

11 Sak 7 e): Kriterium for fordeling av lokale aktivitetsmidlar Framlegg til vedtak: Alle idrettslag med barne- og/eller ungdomsaktivitetar får eit grunnbeløp på kr ,-. Alle idrettslag med ein namngitt ressurskontakt m/vara får eit grunnbeløp etter følgjande skala: medl. : 2.500, medl. : 5.000, medl. : , medl.: ,- Kr ,- skal delast ut til barne- og ungdomstiltak gjennom breiddestipendet. Dei resterande midlane vert fordelt med vekttal 2 for ungdom (13-19 år) og vekttal 1 for barn (6-12 år). Grunnlag for utrekninga er aktivitetstal frå idrettsregistreringa slik dei ligg føre i SportsAdmin. Retningslinene frå KUD og NIF vert lagt til grunn. Ressurskontakt: Dette er ein person som skal vere idrettslaget sin kontaktperson og koordinator for barn og ungdom med lita betalingsevne, med flyktningebakgrunn, minoritetsbakgrunn eller andre særskilde utfordringar. Ressurskontakten vil vere kontaktledd mellom idrettslaget og andre aktørar som arbeider med integrering og barnefattigdom. Kommunen opprettar eit felles forum for alle ressurskontaktane der dei pliktar å delta. Melding med kontaktinformasjon til ressurskontakt og vara skal sendast idrettsrådet innan 1. september for å telje med ved fordeling av LAM det aktuelle året. Sak 7 f): Fullmakter til styret Framlegg til vedtak: o o Styret får fullmakt til å oppdatera idrettsrådet sine lovar i samsvar med framtidige endringar i lovnorma til NIF. Styret får fullmakt til å oppnemna representantar til idrettskrinstinget. 11

12 Budsjett framlegg til årsmøtet Kvinnherad Idrettsråd Konto Budsjett 2016 Budsjett 2015 Rekneskap 2015 Medlemskontigent , , ,00 Off. tilskot , , ,00 Gåver ,00 0,00 0,00 Sum inntekter , , ,00 Heimeside 6 000, , ,50 Leige lokale 0, ,00 0,00 IT-kostnadar 2 000, ,00 0,00 Kontorrekvisita 0,00 0,00 0,00 Møte, kurs og konferanse , , ,20 Porto 400,00 200,00 394,70 Reisekostnadar 3 000, ,00 0,00 Reklame, annonser 2 000, ,00 0,00 Andre kostnadar ,00 0,00 0,00 Sum driftskostnadar , , ,40 Driftsresultat 3 350, , ,60 Renteinntekter 30,00 50,00 33,00 Resultat 3 380, , ,60 Postane "Gåver" og "Andre kostnadar" gjeld i 2016 inntekter og utgifter til KM-medaljar. 12