Informasjon til foreldre/føresette for elevar ved Sygna vidaregåande skule

Transkript

1 Informasjon til foreldre/føresette for elevar ved Sygna vidaregåande skule 2014/2015

2 Kjære foreldre/føresette! Balestrand, våren 2014 Det nærmar seg eit nytt skuleår. Sjølv om inneverande år ikkje er heilt avslutta har vi kome langt i førebuinga av neste år. I dette brevet ønskjer vi å gje dykk som foreldre/føresette informasjon som vi trur kan vere til hjelp når de nå skal sende ein elev til oss. Alle elevane får i desse dagar også eit brev frå oss med stort sett den same informasjonen. I tillegg inneheld eleven sitt brev m.a. husleigekontrakt/kontrakt for heimebuarar og eit skjema som foreldre/føresette skal fylle ut og returnerer til skulen. Dersom eleven sine foreldre/føresette bur på ulik adresse sender vi dette brevet til begge, men vi ønskjer berre eitt svar pr. elev. Skulestart Første skuledag er laurdag 16. august. Programmet denne dagen vert slik: Kl (ca): Skjeldestad Libris frå Sogndal vert her og sel aktuelle bøker og skuleutstyr på klasserom 11. Dei tek kun kontant betaling eller kort. Kl 15.30: Samling klassevis med kontaktlærar. Foreldre/føresette til elevar i Vg1 og Vg2 er velkomne til å delta. Informasjonen vert likevel retta mest mot elevane. (rom: sjå oppslag) Kl 17.00: Opningssamling i Belehalli (idrettshallen like ved Sygna), med m.a. orientering, presentasjon av personalet, andakt og song Kl (ca): Servering i økobygget Kl (ca): Sosial samling med kaffi i økobygget På oppslagstavla ved inngangen på skulebygget vil ein finne klasselister, timeplanar og andre opplysningar. Når kan ein kome og kva bør eleven ha med seg? Elevar som skal bu i internata kan få tildelt rom frå og med fredag ettermiddag, 15. august. Dessverre kan ingen flytte inn før kl denne dagen. Elevar som har spesielle ønskje når det gjeld plassering på rom (enkeltrom/dobbeltrom/dele rom/bad med nokon spesielle), kan gje oss skriftleg melding om dette innan 18. juli, dersom han/ho ikkje har gjort det allereie. Vi vil prøve å innfri ønskja så langt det let seg gjere, men vi kan ikkje love at alle får førsteønskjet sitt. Dei som skal bu i internatet må ha med sengetøy, dvs dyne, pute og fleire sett sengeklede. Det er ein stor fordel at tøyet er merka. Vi tilrår også å ta med: skittentøykorg, bosskorg, vaskemiddel til tøyvask og ei bordlampe. På rommet står det seng, skrivebord, stol, klesskap og bokhylle. Store møblar utover dette er det dessverre ikkje plass til. Derimot kan ein gjerne ta med småting til pynt og hygge. Ein bør óg ta med sovepose og liggjeunderlag til ekskursjonar og turar, samt klede til kortare turar i naturen. Ta også med litt sjukeutstyr som plaster, termometer og tablettar, til dømes paracet. Det er strenge reglar og rutinar for kva medisin skulen har lov til å dele ut. Alle internata har eit minikjøken med kokeplater, vasskokar og kjøleskap/frys. Det kan difor vere lurt å ta med koppar, fat og bestikk for å kunne gjere seg nytte av dette. Kvitevarer som kjøleskap, mikrobølgjeomn og vasskokar skal elevane ikkje ta med. Elevane skal heller ikkje ha med eigne varmeomnar, då romtemperaturen vert styrt sentralt og kan justerast ved behov på det einskilde rommet. Sjå også leigekontrakten.

3 Vi har akkurat starta oppussing av bada på internata 1 til 6. Arbeidsfolka tek bad for bad og vi ser at det blir veldig bra. I tillegg skal etterkvart internatkjøkkena på desse internata pussast opp. Feriar/langhelger I feriane har vi ikkje tilsyn i internata, og i følgje branninstruksen kan ikkje elevar bu i internatet dei periodane. Alle elevane må difor reise frå skulen i haustferie, langhelga i oktober, juleferie, vinterferie, påskeferie og sommarferie. I andre langhelger har vi tilsyn og elevane kan bli buande i internatet. Skuleruta ligg på Sygna si nettside. Besøk Vi har dessverre ikkje gjesterom, så vi tilrår at gjester bestiller overnatting i bygda, til dømes Sjøtun Camping, tlf , Midtnes hotell, tlf eller Thuegården, tlf I opningshelga kan alle som fylgjer elevar ete all mat, også frukost, gratis på Sygna. Slekt og vener er sjølvsagt velkomne på besøk også elles i året. Føresette og søsken under 16 år bur og et gratis inntil 3 døgn om gongen. Andre betaler for måltida dei et. Når «din elev» har blitt kjent med andre på Sygna byr oftast heller ikkje overnatting på problem. Mange avtaler nemleg å flytte inn til medelev, slik at besøket kan nytte verten sitt rom. Dersom ein elev ønskjer å ha besøk i meir enn tre døgn, må han/ho søkje om dette til internatleiar i god tid før besøket har tenkt å kome. Då betaler alle ein fast døgnpris frå og med fjerde døgnet. Døgnprisen inkluderer då overnattinga og måltida. Lærebøker/læremiddel: Vi kjøper inn dei aller fleste bøkene, og elevane får låne dei frå skulen medan dei er elevar her. Dette gjeld ikkje skrivebøker, ordbøker, tabellar, arbeidsbøker med innfyllingsoppgåver og kalkulator. Vi legg ut boklistene i løpet av juni på Sygna si nettside, under skule og info elevar 14/15. Her finn ein informasjon om kva bøker som vert lånte ut frå skulen og kva bøker eleven sjølv må kjøpe. Bokhandlar Skjeldestad Libris frå Sogndal vil vere på skulen og selje det meste av bøkene og utstyret du treng på opningslaurdagen mellom kl (ca). Elevar som skal starte i Vg1 studiespesialisering med formgjevingsfag må i tillegg bestille materiellpakke (sjå vedlagd informasjon). Statens lånekasse for utdanning tildeler utstyrsstipend. Sjå meir informasjon under avsnittet «Stipend frå Lånekassen». Berbar datamaskin: Alle elevar skal ha berbar datamaskin. Dette skreiv vi også litt om i inntaksbrevet. Elevane har fått velje om dei ønskjer datamaskin gjennom skulen, eller om dei tek ansvar for å kjøpe maskin sjølv. Ordninga er slik: Dersom ein låner PC av skulen, vil dette koste ca 930,- pr år. Summen svarar til lågaste sats for utstyrstipend frå Lånekassen. Etter 3 år eig eleven PC-en. Skulen har nå kjøpt inn maskinar til alle som har kryssa av for at dei vil låne maskin. Elevane som skal låne datamaskin, vil få den utlevert første veka og samstundes underteikne ein lånekontrakt som set betingelsane for bruken av han. Vi kjem til å krevje at alle som brukar datamaskin på det trådlause nettverket vårt har eit kontinuerleg oppdatert antivirusprogram. Fastlegeordninga Vi tilrår at elevane skiftar til fastlege i Balestrand. Elevar som ikkje har fastlege her har berre rett på akutt hjelp hjå kommunelegen i Balestrand. Det betyr at det kan ta fleire dagar å få kome til lege dersom det ikkje hastar. Eleven kan enkelt skifte attende til heimelegen når han/ho er ferdig på Sygna.

4 Ein kan skifte fastlege ved å gå inn på denne adressa: Skulehelsetenesta ved helsesøster er tilgjengeleg på skulen ein gong i veka. Røyk- og snusfri skule På Sygna har vi røykfri skuledag, og frå hausten 2014 også snusfri skuledag. Det betyr at det er forbode å røyke/snuse i skuletida. Utanom skuletida har vi tre røykeplassar. Økonomi 2014/15: Skulepengar og kost/losji: sjå nettsida til Sygna: Elevar som ikkje bur i internatet kan ta med mat/drikke sjølv eller inngå avtale om lunsj, evt. berre drikke i lunsjen, alle skuledagar. Sjå prisar på kontrakten for heimebuarar. Skuleåret er på 10 månader og innbetalingane skjer i månadane f.o.m. august t.o.m. mai. Innmeldingspengane på kr 1.000,- bli trekte frå med kr 100,- pr månad. Sygna tilbyr betaling med avtalegiro, og ser helst at alle bruker dette. Vedlagde avtale må returnerast til Sygna. Det er viktig at den som signerer avtalen disponerer kontoen det skal betalast frå. Dersom du har avtale med Sygna frå før så er det viktig å merke seg at ein ny avtale må fyllast ut dersom det er endringar på td. namn eller kontonummer. Det kan også vere lurt å sjekke beløpsgrensa ved overgang til nytt skuleår med nye prisar. Dersom avtalen er i orden til skulestart vil også augustfaktura kunne trekkast på avtalegiro. Av erfaring veit vi likevel at det kan ta tid får alt er på plass så vi oppmodar alle om å sjekke at august faktisk vert trekt frå konto. Det vert sendt ut mail med vedlagt faktura også ved avtalegiro. I dei tilfella er faktura merka med avtalegiro. Ved mottak av romnøkkel må eleven betale kr i depositum. Ved eventuelt tap av nøkkel, skadeverk på rom og møblar/utstyr, mangelfull nedvask eller unnlating av å utføre fellesoppgåver, kan heile eller delar av depositumet bli halde attende når eleven forlet skulen ved skuleslutt. (Dette er altså ikkje den same 1000-lappen du betalte som innmeldingspengar då du tok i mot skulepassen.) For å halde nede kostpengane har vi ei ordning der internatelevane etter tur tek del i oppvasken etter måltida og fellesvask av internat. Om nokon melder seg ut av fellesskapen ved å ikkje gjere pliktene sine, blir dette handsama som disiplinærsak. Stipend frå Lånekassen Elevar får utstyrsstipend frå Lånekassen. Dette stipendet får ein uavhengig av foreldreinntekt. Når ein elev søkjer stipend sjekkar Lånekassen automatisk om eleven også har rett til andre stipend, som for eksempel grunnstipend eller bustipend. Eleven søkjer stipend på lanekassen.no. Bruk søknaden for vidaregåande opplæring. Statens lånekasse for utdanning opnar sidene sine for søking ein gong kring juni/juli. Når eleven har søkt digitalt på deira sider får Sygna melding om dette. Vi går då inn og stadfestar at han/ho har takka ja til skuleplass på Sygna. Deretter vil eleven motta eit tildelingsbrev som vert sendt til heimeadressa. Dette skal underteiknast av både elev og føresette for alle under 18 år. Les meir om stipend og lån på lanekassen.no. Kontakt til foreldre/føresette gjennom skuleåret: Då eleven sende inn svararket for skuleplass skulle han/ho oppgje namn, adresse, mobilnummer og mailadresse til begge foreldra/føresette. Opplysningane på svararket er utgangspunkt for Sygna sin

5 kontakt med føresette/foreldre. Dersom det er endringar etter at dette vart fylt ut kan de skrive nye opplysningar på skjemaet de som foreldre skal fylle ut (vert sendt saman med eleven sitt sommarbrev). Når skulen skal ut med informasjon som må sendast med vanleg postgang nyttar vi følgjande prosedyre: Når eleven har oppgitt at foreldre/føresette bur på same adresse sender vi eitt brev. Dersom foreldre/føresette står oppgitt med ulik adresse sender vi til begge. Det meste av informasjon frå skule vert berre sendt på mail. Då vert det sendt til begge si mailadresse. Den som signerer husleigekontrakten eller kontrakt for heimebuarar er økonomisk ansvarleg. På kontrakten skal det også skrivast inn kva mailadresse ein skal nytte for faktura. Det betyr at faktura berre blir sendt til èin av foreldra/føresette. Vi ønskjer alltid god kontakt til føresette/foreldre. Som eit ledd i å opprette god dialog skal alle kontaktlærarar til umyndige elevar ringe føresette seinast til haustferien. Vi håper at dette kan bidra til ein samtale kring eleven sin trivsel og utvikling. I tillegg vert alle inviterte til foreldremøte og samtale med kontaktlærar og eventuelt faglærarar. Dette foreldremøtet vert lagt til same dag som vi har haustfest på Sygna, laurdag 18. oktober. Sygna har også valt å opprette eit foreldreutval. Frå hausten har utvalet berre èin forelder. Det er Gudrun Kjartansdottir som er mor til ein elev som startar på Vg3 til hausten. Vi håper å få valt to nye representantar tidleg i haust. Gjennom dette informasjonsheftet håper vi du har fått svar på ein del spørsmål. Lurer du på andre ting, er det berre å ta kontakt. I juli månad har vi ferieavvikling, men vi kan alltid nåast på mail. Dette sommarbrevet og alle vedlegga som er sende saman med eleven sitt sommarbrev blir også lagde ut på Sygna si nettside Oppsummert minner vi om at de innan 18. juli skal sende følgjande til skulen: - Svarskjema for foreldre/føresette (umyndige elevar) - Kontrakt (enten leigekontrakt eller kontrakt for heimebuarar) - Ynskje om rom (viss eleven ikkje har sendt det inn før, evt skrive alternativ på søknadsskjemaet) - Eventuelt avtalen om avtalegiro - Eventuelt bestilling av forgjevingsutstyr (gjeld elevar på Studiespesialisering med formgjevingsfag) God ferie! Beste helsing Joakim Hector - Rektor -