EIGARSKAPSMELDING FOR KVITESEID KOMMUNE.

Transkript

1 EIGARSKAPSMELDING FOR KVITESEID KOMMUNE. INNHALD: 1. Innleiing Kvifor kommunalt eigarskap? Kort om ulike eigar-/selskapsformer Aksjeselskap (AS, AL, LL, ASA) Interkommunalt selskap (IKS) Interkommunalt samarbeid etter kommunelova 27. (IS ) Kommunale føretak (KF) Stifting Samvirkeføretak Ansvarleg selskap (ANS) og delt ansvar (DA) Val av selskapsform Eigarskap i Kviteseid kommune Oversyn over eigarskap i Kviteseid Generelle prinsipp for eigarskap Om styrerepresentasjon Samhandling, kontroll og rapportering Gjennomgang av utvalde selskap med tilrådingar Vest-Telemark kraftlag (VTK) Kommunal Landspensjonskasse (KLP) Kviteseid vekst AS Kviteseid Arbeidssamvirke Til handsaming i kommunestyremøte

2 2 1. Innleiing I samband med ein forvaltningsrevisjon av Kviteseid Arbeidssamvirke gjorde kommunestyret slikt vedtak , i sak PS 48/10: Kviteseid kommune skal: framlegge ei sak i generalforsamlinga og vedtektsendring m/ utvida frist for innkalling til generalforsamlinga nedfelle gjeldande mål og strategiar for Kviteseid Arbeidssamvirke i ei eigarskapmelding få eit system for tilsyn og kontroll med forvaltninga av Kviteseid kommune sine selskap lage generelle rutinar/retningsliner for utøving av eigarinteressene ha ei sak i kommunestyret kvar valperiode for å delegere mynde til å representere kommunen i dei ulike eigarfora. Kommunestyret ber rådmannen fylgje opp desse tilrådingane innan Slike eigarskapsmeldingar er i tida. I kommune-noreg blir stadig fleir av oppgåvene, av ulike årsaker, lagt ut i eigne selskap. Dette har vi og sett i Vest-Telemark. Nokre kommunar, men ennå ikkje så svært mange, har utarbeidd eigarskapsmeldingar. Kommunenes Sentralforbund (KS) har i nokre år arbeidd med haldningar til eigarskap, m a gjennom eit eige eigarskapsforum. I nokon mon har vi kunna trekke på arbeid gjort av andre ved skrivinga av denne eigarskapsmeldinga. Denne eigarskapsmeldinga er delt i to delar: 1. For det fyrste ein generell og meir prinsipiell del i kapitla Kap 5 skal etter kvart innehalde ein gjennomgang av dei einskilde selskap kommunen er eigar i. Merknad: Det er gjort ei todeling av arbeidet, dels for å gje kommunestyret høve til å ta stilling til ein del prinsipp utan å ta stilling til ei rekke einskildpunkt, dels av arbeidsmessige årsaker:. Dei prinsipielle kapitla 1-4 er fullt utarbeidd I kap 5 er det laga ein gjennomgang av dei 4 største eigarselskapa. Tanken er at resten skal takast på eit seinare tidspunk, etter at kommunestyret sine vedtak på det prinsipielle ligg føre. 2. Kvifor kommunalt eigarskap? Det tradisjonelle har vore at private driv si næringsverksemd gjennom aksjeselskap eller personleg eige, og det offentlege løyser sine oppgåver gjennom eiga drift. Ulike former for eigarskap har utvikla seg over tid. I kor stor grad det offentlege bør ha eit eigarskap kan det i stor mon vere politisk usemje om. At kommunen ynskjer eigarskap kan ha fleire årsaker, så som:

3 3 a) Det kan vere lovpålagde tenester som kommunar løyser i fellesskap med andre kommunar. RENOVEST og PPT er døme på dette. b) Lovpålegg. T d er det lovpålagd at også offentleg eigde kraftselskap skal vere organisert som aksjeselskap. c) Ynskje om ei samfunnsbyggjande rolle. Eigarskap i Kviteseid Vekst er eit døme på dette. d) Ynskje om å bli informert gjennom høve til å delta på generalforsamling. Eigarskapet i Telemark bilruter kan vere eit døme på dette. e) Eigarskapet kan ha ei forretningsmessig grunngjeving, dvs eit ynskje om at verksemda skal gje overskot som blir pløgd tilbake til eigarane. Eigarskapet i VTK kan nå delvis ha ei slik grunngjeving. I stor mon er det eigarskapet Kviteseid kommune har politisk og samfunnsbyggjande motivert. 3. Kort om ulike eigar-/selskapsformer Eit kommunalt eigarskap kan skje i mange ulike former. Aksjeselskapsforma kan nyttast av ein kommune som vil starte verksemd aleine, og saman med private eller andre offentlege organ. Eit interkommunalt selskap kan berre ha kommunale, eller fylkeskommunale eigarar, og har som føresetnad at fleire deltek saman om selskap. Kommunen kan ikkje etablere eller vere deltakar i ansvarlege selskap eller kommandittselskap. Skal det samarbeidast med private må derfor aksjeselskapsforma nyttast. Kommunen kan vere deltakar i samvirkeføretak eller vere stiftar ei stifting. Dersom kommunen ynskjer ein friare organisering av eigen verksemd enn i ordinære etatar, kan ein nytte kommunale føretak. Nedanfor gir vi eit kort oversyn over sider ved ulike selskapsformer. Oversikta er langt frå fullstendig, men gir ein peikepinn på når ein bør bruke ulike selskapsformene. 3.1 Aksjeselskap (AS, AL, LL, ASA) Eit aksjeselskap (AS) er regulert i aksjeloven 13. juni 1997 nr 44 (AS) og allmennaksjeloven av 13. juni 1997 nr 45 (ASA). Selskapet er kjenneteikna med: Eit AS blir gjerne etablert der det er tenester som skal ytast i eit konkurranseutsett marknad. Selskapsforma er lite eigna til å organisere lovpålagde tenester, eller tenester der det er stor trong for/ynske om politisk styring Eit AS er eit sjølvstendig rettssubjekt og er ikkje ein del av kommunen - korkje organisatorisk eller økonomisk. Aksjonærane sin økonomiske risiko er avgrensa til aksjekapitalen, med tillegg av evt eigarlån til selskapet. Eit AS kan m a o gå konkurs. Minimum aksjekapital skal vere kr. Det øvste organet i eit aksjeselskap er generalforsamlinga. Generalforsamlinga fastset normalt vedtektene for selskapet. Kommunestyret fastset eit selskap sine vedtekter i samband med nyetablering. Generalforsamlinga er ansvarleg for at selskapet har eit styre, ein revisor, ein at selskapet har tilstrekkeleg kapital og akseptable rammevilkår for drift. Kommunen kan som aksjeeigar i utgangspunktet ikkje gje direkte pålegg til selskapet sitt styre utan å gå via generalforsamlinga. Styremedlemene skal i fyrste rekkje ivareta selskapet sine - og ikkje kommunen sine - interesser. Dersom det skulle kome

4 4 til at det her blir interessekonflikt bør styret innkalla til ekstraordinær generalforsamling. Ein aksje gjev ei røyst på generalforsamlinga. Aksjeandel på 34% gjev høve til å hindre ei vedtektsendring, 51% gjev fleirtal i allminnelege saker som t.d godkjenning av budsjett, 67% gjev høve til å vedta ei vedtektsendring og 90% gjev rett til å løyse inn dei andre aksjane frå andre eigarar. Skilnaden på ASA og AS er at ASA-forma blir nytta der det er stor aksjespreiing, og der selskapet ynskjer å hente inn kapital gjennom emisjonar rette mot allmenta t.d frå børsen. 3.2 Interkommunalt selskap (IKS) Interkommunale selskap er regulert av lov om interkommunale selskap av 29. januar 1999 nr 6, men og kommunelova 27 har reglar om interkommunalt samarbeid som og kan omfatte interkommunale selskap. Selskapet er kjenneteikna med: Både kommunar, fylkeskommunar og andre interkommunale selskap kan vere deltakar i interkommunalt selskap. Deltakarane har uavgrensa ansvar for selskapet sine forpliktingar, men slik at den einskilde deltakar sitt ansvar er avgrensa til ein prosentdel av selskapet sine totale forpliktingar. Det øvste organet i selskapet er representantskapet. Kvar deltakar har rett til å vere representert, og medlemer blir peika ut av kommunestyret eller fylkestinget. Kvar deltakar har ei stemme med mindre anna er fastsett i selskapsavtala.. Dersom ikkje anna er nedfelt i selskapsavtala, blir vedtak fatta med alminneleg fleirtal Selskapet blir oppretta ved at det det blir inngått ei selskapsavtale mellom deltakarane, der deltakarar,. føremål, innskotsplikt, tal på styremedlemer og tal på medlemer i representantskapen skal vere avtalt. 3.3 Interkommunalt samarbeid etter kommunelova 27. (IS ) Interkommunalt samarbeid etter 27 kan etablerast av ulikt slag. Samarbeidet er lite regulert i lova, og det er i stor grad opp til kommunane korleis dei vil organisere det. Det er derfor eit atskillig lausare samarbeid enn eit IKS. Hovudkjenneteiknet er at det blir oppretta eit felles styre for å forvalte felles oppgåver Det skal opprettast vedtekter for styret som for eit minimum skal innehalde styret si samansetting og korleis det skal opprettast, styret sine oppgåver, om deltakarane skal gjere innskot, om styret har avgjerdsrett til å pådra deltakarane økonomiske forpliktingar. I utgangspunktet er ikkje eit slikt selskap eige rettssubjekt, men samarbeidet kan organiserast som eit eige rettssubjekt. 3.4 Kommunale føretak (KF) Det kommunale føretaket er regulert etter kommunelova sitt kapittel 11 utforma for eit tilbod for ei kommunal organisering av meir forretningsprega verksemd. Det kommunale føretaket er ein utskilt del av den kommunale forvaltninga. Men økonomisk og rettsleg er det ein del av kommunen.

5 5 Kommunen haldast ansvarleg for all verksemd i føretaket. Dersom verksemda er utsett for risiko bør denne modellen m a o ikkje nyttast. Føretaket skal ha ein dagleg leiar, som er ansvarleg for den daglege drifta og rette seg etter styret sine retningsliner og vedtak. Dagleg leiar er dermed ikkje underlagt kommunen sin øvrige administrasjon. Styret er underlagt kommunestyret, og ikkje den administrative leiinga i kommunen. Administrasjonssjefen har likevel møterett i alle styremøte, og han kan krevje at kommunestyret skal handsame bestemte saker. 3.5 Stifting Stiftingar er regulert i lov om stiftingar Ei stifting skil seg frå dei andre selskapsformene ved at den eig seg sjølv, dvs stiftinga har ikkje eigarar eller Mange har røynsler for at denne styringsmodellen har store utfordingar knytt til seg når det gjeld leiing, styring og ikkje minst oppløysing. 3.6 Samvirkeføretak Selskapsforma liknar på AS, men det er ikkje krav om eigenkapitalen sin storleik. Det er og eit krav om at eigarane sjølv deltek aktivt i verksemda. Reine investorar kan fylgjeleg ikkje vere med. Ved lov nr 81 er det vedteke ny lov om samvirkeføretak. Samvirkeforma er basert på brukardeltaking og ikkje på passiv kapitalforvaltning. 3.7 Ansvarleg selskap (ANS) og delt ansvar (DA) Ansvarlege selskap er regulera i selskapslova av , sist endra Sidan kommunar ikkje har høve til å vere deltakar i slike selskap blir forma ikkje nærare omtala her. 3.8 Val av selskapsform Det avgjerande for utskilling til eige selskap vil vere om kommunen ynskjer at verksemda skal stå friare enn kommunale etatar. Figuren under illustrerar graden av kommunestyret si moglegheit for styring og kontroll ved ulike organisasjonsformer. Etat KF Vertskommune 27-samarbeid IKS AS Stifting Sterk styring Liten styring. Utan å gå djupt i moment i val av selskapsform, vil i tillegg m a fylgjande problemstillingar måtte belysast: Kva for konsekvensar har utskillinga for dei tilsette? Kva for konsekvensar har val av modell for meirverdiavgift? Ynskjer kommunen å kjøpe tenester frå verksemda framover, og er det mogleg innan ramma av reglane for offentleg innkjøp? Skal eventuelt overskot og meirinntekter tilfalle verksemda eller eigarane? Bør risikoen avgrensast? Vil verksemda bli skattepliktig?

6 6 4. Eigarskap i Kviteseid kommune 4.1. Oversyn over eigarskap i Kviteseid I kommunen sin rekneskap blir det kvart år gjeve eit oversyn over kva kommunen eig. Rekneskapen for 2010 syner fylgjande aksjeselskap som kommunen er deleigar i: Namn på selskap Tal på aksjar Kr-verdi i balansen Aksjeselskap: Vest Telemark Kraftlag Kviteseid Vekst A/S Kviteseid Arbeidssamvirke Vest Telemark Næringsbygg Skien Dalen Skipsselskap A/S Telemark bilruter Vest Telemark næringsutvikling A/S Telemark interkommunale næringsfond Vest Telemark Blad Haukelivegen A/S Norsk Bane A/S Telemarkreiser A/L Odda vegfinans Hjalarhornet Attføringssenteret i Rauland Kommunekraft A/S Biblioteksentralen A/L Oversynet over eigarskap i andre eigarformer er slik: Namn på selskap Kr-verdi i balanse Interkommunale selskap IKS: Telemark kommunerevisjon Telemark Kontrollutvalssekretariat RENOVEST Brannvernsamarbeidet i Vest-Telemark Vest-Telemark PPT Andre selskap/eigarskap AT Skog andelslag Eigenkapital KLP Barnevernssamarbeidet i Vest-Telemark Vrådal grendehus Morgedal samfunnshus Norsk folkehjelps beredskapshytte Generelle prinsipp for eigarskap. Kviteseid kommune (KK) sine overordna prinsipp for godt eigarskap kan fellast ned i

7 7 fylgjande prinsipp/punkt: 1. KK forventar at selskap vi har eigarinteresse i har haldningar og rutinar som underbyggjer samfunnsansvar og god forretningsskikk. 2. KK skal opptre som langsiktige eigar. 3. Selskapa skal ha tydelege mål og oppgåver i vedtektene. 4. Selskapet skal ha etiske retningsliner. 5. Kommunelova sin 4 (om informasjon og offentleg innsyn) skal gjelde fullt ut for alle selskap. Meiroffentlegheit skal gjelde så langt det er mogleg. 6. KK fremjar sine interesser ovafor selskapa gjennom generalforsamling og representantskap. 7. Løn og godtgjering i selskap skal forhalde seg til samanliknbare stillingar i kommunen eller samanliknbare stillingar i det offentlege og private i regionen. 8. For kommunalt tilsette, som sit i styre i kommunalt eigde selskap i kraft av si stilling, vil rådmannen praktisere, som hovudregel, at eventuell styregodtgjerdsle skal tilfalle kommunen. 9. Det bør bli utarbeidd ein utbyttepolitikk i selskap der verksemda har karakter av næringsdrift. 10. Som ein del av folkevaldopplæringa skal nytt kommunestyre ha undervisning/informasjon om kommunen sitt eigarskap og eigarskapspolitikk. 4.3 Om styrerepresentasjon Kviteseid kommune legg fylgjande til grunn for styrerepresentasjon: 1. Styrerepresentantane har ansvar for at pkt 1-8 i dei generelle prisnippa over blir gjort gjeldande i dei einskilde selskapa. 2. Det skal vere ein open prosess rundt val av styremedlemer og eventuell godtgjering til styremedlemer. 3. Alle deltakarar frå Kviteseid skal registrere styreverva sine i 4. Framlegg om oppnemning av kommunen sine representantar i styret bør skje frå ei valnemnd. 5. Ved val til styret bør det leggjast vekt på vedkomande sin kompetanse, og styret sin totale samansetnad. Styret skal veljast med tanke på selskapa sine behov. Kommunestyret bør vurdere om ein i større grad skal bruke tilsette i styre for selskap som i stor grad erstattar ordinær kommunal drift. 6. Så vel lov om aksjeselskap som lov om IKS krev at kvart kjønn skal vere representert med minst 40% i styret. Ein metode for å sikre dette, og likevel halde andre prinsipp i hevd, kan vere at KK nominerer eit medlem av kvart kjønn. Deretter er ordførarane ei regional valnemnd som foreslår styre for generalforsamling/representantskap. Den medlemen som ikkje blir fast vald blir varamedlem. 7. Ordføraren er kommunen sin deltakar i generalforsamling/representantskap med mindre andre skulle vere uttrykkeleg vald. Av formelle årsaker bør dette skje gjennom eit delegasjonsvedtak for kvar ny kommunestyreperiode. Ordføraren har ansvar for å gje fullmakt til ein annan person, dersom han sjølv ikkje kan møte. 8. Er det særs viktige saker skal styret innkalle til eigarmøte 9. Frå 1. november 2011 fastslår Forvaltningslova 6 at ingen kommunalt tilsette eller folkevalde skal handtere saker i kommunen som gjeld eit selskap der dei sjølv er styremedlem, også om selskapa er fullt ut offentleg eigde. Dette utelukkar sjølvsagt

8 8 ikkje at tilsette eller kommunestyremedlemer kan vere med i styre, men dei er i så fall ugilde ved seinare handsaming. 10. Vest-Telemarkrådet blir oppmoda om å arrangere kurs i styrearbeid. 4.4 Samhandling, kontroll og rapportering Kontrollutvalet har ansvar for selskapskontroll i interkommunale selskap og kommunalt eigde aksjeselskap. Dette inneber m a at kontrollutvalet/revisor har rett til å innhente opplysningar frå selskapet sine organ og vere til stades på representantskapsmøte/generalforsamling. For interkommunale selskap skal Kviteseid kommune sine representantar arbeide for at innkalling og saksdokument til representantskapsmøte skal sendast minst 4 veker før møtet skal haldast. I saker av prinsipiell, eller i saker som har særs mykje å seie, kan kommunestyret og eller/formannskapet instruere kommunen sin representant på generalforsamlinga/representantskapen. Kommunen sitt medlem i generalforsamling/representantskap skal så langt praktisk råd er syte for at formannskapet får høve til å drøfte kontroversielle spørsmål før generalforsamling/representantskapsmøte. Ved usemje i styret si innstilling til generalforsamling/representantskapen skal kommunen sin styrerepresentant syte for at representantskapsmedlemen på førehand er kjent med argumenta i saka. Årsmeldingar frå dei viktige selskapa som kommunen er deleigar skal leggjast fram som referatsak i formannskap og kommunestyre. Webredaktøren syter for at kommunen si heimeside får ei eiga side om eigarskap. Den som deltek i generalforsamling/representantskap syter for at innkalling, årsmelding mv blir registrert i kommunen sitt elektroniske arkiv Ephorte. 5. Gjennomgang av utvalde selskap med tilrådingar Merknad: Vi har i denne meldinga teke for oss KLP og dei tre største aksjeselskapa som vi er eigar i. Tanken er at Kommunestyret primært skal ta stilling til eigarskapsmeldinga som eit samledokument og metodikken i selskapsgjennomgangen, slik at vi kan nytte den for andre selskap og. 5.1 Vest-Telemark kraftlag (VTK) VTK hadde i 2010 ein omsetnad på ca 235 mill kr. Eigarar og eigarandeler: VTK er eit aksjeselskap som er eigd av kommunane Fyresdal, Kviteseid, Seljord, Tokke og Vinje med kvar 19%. Nissedal, som kom med seinare, har 5%. Kort om verksemda: VTK er eit moderne kraftselskap som dels er eit nettselskap, leverar breiband, driv noko kraftproduksjon og leverar kraft til kundane. Nettverksemda er eit monopol i det geografiske området Vest-Telemark. Denne delen er underlagt statleg regulering, medan levering av straum skjer i ein konkurransemarknad. VTK er og leverandør av straum til Kviteseid kommune.

9 9 Kviteseid kommune sitt mål med eigarskapet: 1. Selskapet skal syte for stabil forsyning av straum i kommunen. 2. Selskapet skal levere straum til konkurransedyktige prisar. 3. Selskapet skal levere utbytte til eigarane 4. Selskapet skal vere ein kompetansebase for energispørsmål i Vest-Telemark. Vurderingar: VTK er eit veldrive selskap som på ein god måte fylgjer opp KK sine mål som eigarar. Grunngjevinga for eigarskap var opphavleg at kraftforsyning blei sett på som ein bygging av infrastruktur på line med t d vegar. Over tid har rammevilkåra endra seg. mykje, ikkje minst gjennom Energilova frå Det har medført at kraftselskap representerar store verdiar i ein marknad. Derfor har fleire kommunar realisert verdiane dei sat med, gjennom sal av aksjar. KK har vore ein pådrivar i Vest-Telemark for at eigarskapet og skal utøvast som eit finansielt eigarskap gjennom t d ansvarleg lån og utbytte. Tilrådingar: 1. Arbeidet med ein klar utbyttepolitikk held fram 5.2 Kommunal Landspensjonskasse (KLP). Eigarar og eigarandelar: KLP er eit gjensidig selskap med selskapsmedlemer, og har ikkje eigarar i tradisjonell forstand. Selskapsmedlemer er alle kundar som har offentleg tenestepensjonsordning i selskapet. Det gjeld 3 av 4 kommunar i landet. Kort om verksemda: KLP har utvikla seg til å vere eit stort finanskonsern som i tillegg til pensjonsordningar tilbyr m a skadeforsikring og banktenester. KK hadde ein periode KLP som leverandør av skadeforsikring. Kviteseid kommune sitt mål med medlemskap: 1. Fyrst og fremst skal KLP vere ein god pensjonsleverandør i tråd med krav i lovverk og tariffavtaler. Tenestene må kunne leverast til ein konkurransedyktig pris, noko som m a krev god forvaltning av selskapet sin formue 1. Når det gjeld skadeforsikring skal selskapet inviterast til å delta ved anbodskonkurranse. Vurderingar: Kommunane i Vest-Telemark hadde for få år sidan ei samla vurdering om ein skulle leggje pensjonsordninga ut på anbod. Kommunestyret vedtok at ein ville halde fast på KLP. Tilrådingar: Vurdering av medlemsskapet skjer ikkje fyrst og fremst på basis av eigarskapspolitikk, men om KLP sitt tilbod er godt og konkurransedyktig. Det er ikkje aktuelt med endringar nå.

10 Kviteseid vekst AS. Kviteseid vekst hadde i 2010 ein omsetnad på ca 0,4 mill kr. Eigarar og eigarandelar: Kviteseid vekst AS er eit aksjeselskap med ein aksjekapital på 1,2 mill kr. Vest-Telemark Næringsutvikling har 52% av aksjane og Kviteseid kommune har dei resterande 48% Kort om verksemda: Føremålet er i vedtektene formulert som å fremje etablering, styrkje og vidareutvikle eksisterande næringsliv i Kviteseid kommune. Kviteseid Vekst har i praksis vore eit selskap som driv utleige av Veksthuset, dvs den tidlegare trygdeheimen. Det er tilsett dagleg leiar på timebasis. Vurderingar: Kviteseid Vekst står ovafor ei rad utfordringar: 1. Det er til dels uklart skilje mellom Kviteseid kommune og Kviteseid Vekst gjennom manglande seksjonering av bygget. 2. Arbeidet med SIVA næringshage(ar) i Vest-Telemark og omforming av samarbeidet i regionen som fylgje av at Fellesfondet er opphøyrt. 3. Samhandlingsreforma kan sete nye krav til areal for den kommunale helsetenesta. 4. Bygget har betydelege tekniske manglar t d i tak og manglande heis. Ein må rekne med at i løpet av t d eit års tid er skjedd betydelege avklaringar av grunnlaget for aktivitet på Veksthuset og næringsarbeid elles. Det er derfor lite teneleg å drøfte såpass omfattande spørsmål i samband med ei eigarskapsmelding. Tilråding: Når premissane for Kviteseid vekst er meir avklart fremjar rådmannen ei eiga sak om Kviteseid vekst Kviteseid Arbeidssamvirke. Arbeidsamvirke hadde i 2010 ein omsetnad på 5,1 mill kr. Talet på plassar er 21, der staten medfinansierar 16. Eigarar og eigarandelar: Kviteseid arbeidssamvirke er eit aksjeselskap med ein aksjekapital på kr Kviteseid kommune har 96% av aksjane, Nissedal kommune har 2% og private bedrifter har 2% av aksjane Kort om verksemda: Føremålet er å vere tiltaksarrangør for tiltak retta mot arbeidstakar og arbeidssøkjar der NAV eller andre interessepartar er oppdragsgjevar. Selskapet skal drive etter dei retningsliner og kravspesifikasjonar som gjeld for slike tiltak. Selskapet har ikkje som føremål å gje utbytte på aksjekapitalen, overskot skal koma verksemda og arbeidssøkjarane og arbeidstakarane til gode. Selskapet kan samarbeide med andre liknande selskap, både iform av produksjonssamarbeid, fagleg samarbeid og samarbeid på eigarsida.

11 11 Kviteseid kommune sitt mål med eigarskapet: 1. Verksemda skal tilby NAV og andre eit breitt spekter attføringstenester av høg kvalitet. 2. Verksemda skal utvikle tenestetilbodet gjennom samarbeid med andre attføringsaktørar i Telemark, og på den måten vere mest mogleg framtidsretta 3. Verksemda skal ha fokus på fagleg kvalitet, kvalitetsutvikling, kompetanse og kompetanseutvikling. 4. Kommunen skal i tillegg til dei reint faglege punkta, og kommune sitt eige faglege behov, og leggje vekt på at verksemda representerar viktige arbeidsplassar i kommunen, som i betydeleg grad er betalt av andre. Vurderingar: Attføringsbedrifter av ulik slag er viktige pilarar i regjeringa sin politikk for arbeid for alle. Kviteseid var tidleg ute med å etablere ein slik bedrift i Telemark. Men grunnlaget og rammevilkåra for attføringsbedrifter er i stadig utvikling. Det som var gode løysingar for 10 og 20 år tilbake treng ikkje vere dei beste løysingane nå. Tilråding: 1. KK har, som hovudeigar, eit særleg ansvar for til ei kvar tid å vurdere om Kviteseid Arbeidssamvirke er tent med å stå på eigne bein, samarbeide med andre eller evt fusjonere med andre liknande verksemder. 2. Kjøp av plassar blir avklara i budsjettsamanheng.