ØRSTA KOMMUNE SAKSFRAMLEGG TILRÅDING TIL VEDTAK: Sakshandsamar: Matias Kårstad Arkivsak: 2014/366 Løpenr.: 10222/2014

Transkript

1 ØRSTA KOMMUNE SAKSFRAMLEGG Sakshandsamar: Matias Kårstad Arkivsak: 2014/366 Løpenr.: 10222/2014 Utvalsaksnr. Utval Møtedato Ørsta formannskap Saka gjeld: OFFENTLEG ETTERSYN: DETALJREGULERINGSPLAN FOR DELAR AV NÆRINGSOMRÅDE VED MELSVEGEN TILRÅDING TIL VEDTAK: Formannskapet, som planutval, syner til framlegg til detaljreguleringsplan for delar av næringsområde ved Melsvegen. Planutvalet gjer med dette vedtak om utlegging til offentleg ettersyn jf. pbl slik planframlegget ligg på plankart datert med tilhøyrande føresegn. Høyringsfristen vert sett til 6 veker frå kunngjeringsdato. Utskrift til: Plan- og miljøavdelinga for vidare ekspedering

2 Saksvedlegg: Plankart ( ) Føresegn Planomtale, Rev-A ( ) Vurdering av merknader Innkomne merknader ROS-vurderingar Sjekkliste naturmangfald Uprenta saksvedlegg: Dokument i samband med forvarsel Referat frå oppstartsmøte Saksopplysningar: Det ligg føre framlegg til endring av delar av detaljreguleringsplanen for Ose næringsområde ved Melsvegen. Forslagsstillar er Uno X Automat AS, og planfagleg konsulent er AG plan- og arkitektur AS. Føremålet med planendringa er å legge til rette for automatstasjon for sal av drivstoff ved den nyetablerte Rema 1000-butikken. Spørsmålet om etablering av automatstasjon er tidlegare forsøkt handsama som dispensasjon frå reguleringsplanen. Samfunnsutvalet (SFU) avslo i sak 78/13 den søknaden med visning til gjeldande reguleringsplan. Ved varsel om oppstart av reguleringsendring fatta SFU følgjande vedtak i sak 25/14 den : Samfunnsutvalet (SFU) syner til varsel om oppstart av privat reguleringsarbeid for delar av næringsområdet ved Melsvegen. SFU har ikkje merknadar til at det vert starta reguleringsarbeid med det siktemål å etablere automatstasjon (drivstoffpumper) innanfor dette området, men det er ein føresetnad at spørsmål om tryggleik og ev. negative konsekvensar for omgjevnadane vert utgreia og synleggjort i plandokumenta. Forslagsstillar har i tillegg motteke følgjande merknader/innspel: 1. Statens vegvesen, NVE, SFU, Fylkesmannen i Møre og Romsdal, Sverre Ose, Møre og Romsdal fylkeskommune, Rune Andre Øye m/fl., Coop Vest SA, Eit samandrag av merknadane, samt forslagsstillar sine vurderingar/kommentarar går fram av vedlegg A1 vurdering av merknader ved forvarsling. Alle innkomne merknader er også vedlagt plandokumenta i si heilheit. Ang. merknadane viser vi til rådmannen si vurdering under. Vurdering og konklusjon: Vurderingane under er ei kort samanfatning av det ein oppfattar å vere dei viktigaste momenta. Planomtalen gir ei fullstendig skilding av planframlegget og verknadane av planen.

3 Gjeldande plan for området er Ose næringsområde ved Melsvegen, eigengodkjent i kommunestyret Føremålet i denne planen er forretning/kontor/tenesteyting der detaljhandel er avgrensa av kjøpesenterforskrifta. I den eldre planen, som vart erstatta, var deler av området sett av til bensinstasjon. I samband med utarbeidinga av reguleringsplanen i 2011/2012 vart dåværande forslagsstillar (Rema 1000) spurt om bensinstasjonsføremålet skulle vidareførast. Dei opplyste då at det ikkje var planar om å etablere bensinstasjon på området, og at det difor ikkje var noko poeng i å vidareføre dette. På bakgrunn av dette har enkelte av naboane i sine merknader stilt spørsmål ved kor føreseieleg ein nyleg vedteken reguleringsplan er. Endring i høve gjeldande plan avgrensar seg til det nordlege hjørnet av planområdet (F/K/T-3 i gjeldande plan), der automatstasjonen er tenkt plassert (markert med A/P i plankartet), samt at tilkomstvegen (f_v9) også skal gjelde for A/P-området. Det er ikkje gjort andre endringar innan planområdet. Innan området A/P kan det førast opp bygning med tilhøyrande anlegg for automatstasjon, alternativt kan arealet nyttast som parkering for området F/K/T-3. Bygningar kan berre førast opp innanfor viste byggegrenser, medan anlegg under bakken kan plasserast utanom byggegrensa, men innanfor føremålsgrensa. Gesims-/mønehøgd kan ikkje vere over 6m, men det kan tillatast mindre installasjonar som master og lufterøyr opp til 9m. Stasjonen skal utformast utan tette veggar, og føresegna presiserer at stasjonen ikkje kan utvidast til bensinstasjon med butikkdel samt at stasjonen skal følgje gjeldande forskriftskrav.

4 Det har vore til dels stor lokal motstand mot etablering av bensinstasjon på Ose (sjå innkomne merknader). Naboane er mellom anne bekymra for støy- og luftforureining (bensingass), brann og eksplosjonsfare, fare for forureining til Ørstaelva, trafikkfare og estetikk. Naboane stiller også spørsmål om det er behov for fleire bensinstasjonar i Ørsta sentrum. Forslagsstillar opplyser at anlegget vil stette alle relevante forskriftskrav, og har i planomtalen gjort greie for tryggleiken ved etablering av automatstasjon og kva tekniske installasjonar som skal betre tryggleiken på anlegget: Nedgraven tank der alle rør opp til pumpene ligg i eit lukka kammer med avløp til oljeutskillar. Tanken har også doble stålveggar med trykkovervaking av mellomrommet. Endringar i trykket gjer at hol i den eine veggen vert oppdaga før det vert hol i begge veggane. Tanken har lufterøyr som vert ført 8-9m over terrenget. Pumpepistolane har automatisk stopp når tanken på bilen er full samt automatisk stopp etter at det er fylt 75l. Pumpene er utstyrte med naudstopp som stegjer straumen på anlegget. Slangane har breake-away -ventil som gjer at det ikkje skal leke drivstoff dersom ein kunde køyrer avgarde med pumpepistolen i påfyllinga til bilen. I køyrebana rundt pumpene skal det monterast betongplater for å samle opp ev. søl og forureina vatn frå stasjonen. Avløpet frå platene går via ein slamutskillar til det offentlege avløpsnettet. Platene skal plasserast slik at dei er trygge for flaum jf. gjeldande grenseverdiar (2,72 moh). Anlegget har gjenvinning av bensindamp for fylling både med tankbil og personbil. Dette systemet gjer at gassen vert fanga opp og lagra på tankane før den vert frakta vekk og gjenvinnast til bensin. Systemet skal redusere bensindamputsleppet med minst 85%. Ved fylling av tankar og bilar kan det forekome gass i området ved pumpetaket. Gassen kan potensielt utgjere eksplosjonsfare. Tryggleiken er ivareteken jf. gjeldande forskrift gjennom plassering og utforming av anlegget og informasjon/skilting til kundane. Forslagsstillar gjer vidare greie for at kundar ved stasjonen i hovudsak vil vere kundar i butikken til Rema 1000 og bilistar på E39 og meiner difor at støyauken i området ikkje vil verte vesentleg. Forslagsstillar meiner stasjonen vil vere lite støyande visuelt sett. Stasjonen består av eit tak plassert på søyler med kraftig gul farge på gesims, himling, master/skilt og på pumpestasjonar. Anlegget elles er i gråfargar. På nattestid belysninga bestå av ei smal lysstripe rundt taket, og spotlys som opplysing av tankeområdet. Spotlysa vil dimme seg ned når det ikkje er kundar på stasjonen, og automatisk auke lysstyrken når kundar kjem inn til pumpa. Ut ifrå dei opplysningane forslagsstillar har lagt fram meiner rådmannen at det er gjort godt greie for kva tiltak som skal gjerast for å betre tryggleiken. Likevel vil det alltid vere ein viss risiko knytt til farlege stoff, og ein kan ikkje sikre seg 100%. Myndigheitene har gjennom forskrifta sagt kva som må gjerast for å redusere risikoen til eit akseptabelt nivå.

5 Det er ikkje laga ei eiga forskrift for etablering av bensinstasjon, men forskrift om håndtering av farlig stoff, forureiningsforskrifta og forskrift om reduksjon av bensindamputslipp deifnerer ein del krav rundt oppbevaring og distribusjon av farlege stoff. Temarettleiar for omtapping av farleg stoff utdjupar m.a. krava knytt til bensinstasjonar. Regelverket definerer tryggingssoner rundt dei forskjellige installasjonane på anlegget (sjå figurar under). Maks tryggingavstand til nabogrense, bygning, osb. for dette anlegget er 3m. Innan desse sonene kan det forekome eksplosiv atmosfære. Temarettleiaren seier ikkje noko om minsteavstand frå bustadbygg eller liknande, men seier at dette skal vurderast spesielt gjennom ROS-analyse. Det skal då vurderast korleis uønska hendingar (eksplosjon, gasslekkasje o.l.) kan påverke omgjevnadane, og ein skal gjennom bestemmingane i plan- og bygningslova fastsetje tryggingsavstand og ev. arealmessige begrensingar i tråd med denne vurderinga. Forslagsstillar har lagt fram ei risikovurdering og riskikoanalyse for m.a. å belyse konsekvensane for den omkringliggande bebyggelsen. Ut ifrå dette ser risikoen ut til å vere låg, og i hovudsak vere knytt til dei tryggleikssonene som er synte i figurane over. Om det er behov for fleire bensinstasjonar i Ørsta sentrum vil alltid vere ei skjønnsak, og rådmannen har lite grunnlag for å vurdere marknadssituasjonen. Med det at Uno-X ønskjer å etablere seg i Ørsta tyder på at dei vurderer marknadssituasjonen slik at det er lønt for dei. Kommunen bør normalt ikkje nytte reguleringsplan til å regulere konkurransesituasjonen. Lokaliseringa i tilknyting til eit næringsområde/forretningsområde og i direkte tilknyting til E39 med gode avkøyrsleforhold synest fornuftig, men stasjonen vil også vere eit blikkfang langs innfartsvegen som nokon kan oppfatte som uheldig. Dersom bensinstasjonen vert oppfatta som skjemmande, kan det vurderast å stille strengare krav til estetisk utforming. Ut ifrå ei samla fagleg vurdering ser ikkje rådmannen grunnlag til å gå imot etablering av Uno-X på Ose. Forslagsstillar har gjort greie for risikofaktorar og tiltak for å redusere faren for uønska hendingar mest mogleg. Likevel vil det vere ei politisk vurdering om ein ønskjer etablering av fleire bensinstasjonar lang hovudvegen gjennom Ørsta sentrum. På bakgrunn av vurderingane over rår rådmannen til å legge planframlegget ut til offentleg ettersyn slik det ligg føre på plankart datert med tilhøyrande føresegn. Wenche Solheim rådmann Arnstein Nupen konst. leiar plan- og utviklingsstaben