REGULERINGSPLAN (DETALJPLAN) FOR E-134 FØRRESTJØRNA

Transkript

1 TYSVÆR KOMMUNE Saksframlegg Dato: Saksnr.: 2009/687 Løpenr.: 24398/2011 Arkiv: L12 Sakshandsamar: Linda Dehlin Fluvåg/Marlin Øvregård Løvås REGULERINGSPLAN (DETALJPLAN) FOR E-134 FØRRESTJØRNA Saksnr Utval Møtedato 189/11 Teknisk utval /12 Formannskapet /12 Kommunestyret SAKSUTGREIING: Kommuneutviklingsutvalet vedtok i sak 128/10, den , reguleringsplan for E-134 Førrestjørna med konsekvensutredning lagt ut til offentleg ettersyn i 45 dagar, i samsvar med plan- og bygningsloven Reguleringsplanen blei lagt ut til offentleg ettersyn i perioden Saksframstilling og vedtak ifrå sak 128/10 ligg som vedlegg til saka. Offentleg ettersyn: Ved kunngjering om offentleg ettersyn kom det inn følgjande merknadar til planen: 1. Fylkesmannen i Rogaland skriv datert Norges vassdrags- og energidirektorat skriv datert Statens vegvesen, region vest skriv datert Førretjørn Vel skriv datert Førre Skole FAU skriv datert Egil Notland skriv datert Inger Lie skriv datert Tysvær Eldreråd skriv datert Kultursjef Ingvar Frøyland skriv datert Fylkesmannen i Rogaland Kommunen valte i samråd med Fylkesmannen alternativ 1, sjå saksframstilling frå 1. gongsbehandling. Ifølgje Fylkesmannen er støyproblematikken svært aktuell, men dei har ikkje vesentlege innvendingar til måten det er løyst på. Fylkesmannen skriv vidare at det var sentralt i planprosessen at natur- og friluftsliv kom til å bli skadelidande. Etter Fylkesmannen si vurdering var det òg semje om at Førrestjørna som nærfriluftsområde kunne få kompenserande tiltak. Aktuelt her var å etablere gangveg rundt tjørna, som omtalt av kommunen. Fylkesmannen meiner at etablering av nytt opphaldsareal ved tjørna til erstatning for det som blir tapt er aktuelt og vil vere i samsvar med Rikspolitiske retningslinjer for barn og planlegging som seier at dersom areal for barn og unge blir omdisponert, skal det erstattast av anna areal av same kvalitet. Planområdet er redusert i høve til det som var varsla og viser etter Fylkesmannen si vurdering korkje gangveg rundt tjørna eller nytt opphaldsareal ved tjørna. Fylkesmannen har derfor motsegn til planen. Det kan finnast ei betre løysing for nærfriluftslivet ved at det blir laga eit teneleg

2 opphaldsområde nær vasspegelen og ein form for gangveg rundt heile tjørna. Slike tiltak vil vere i samsvar med føresetnadane for alternativ 1. Kommunen har vurdert Fylkesmannen si motsegn vedrørande eventuelle kompenserande tiltak for nærfriluftslivet rundt Førrestjørna, og Fylkesmannen og kommunen har i samråd kome til ei tilfredsstillande løysing for planen. Som følgje av motsegna har kommunen endra reguleringsplanen ved å lage ein gangveg rundt heile tjørna. Miljøvernavdelinga hjå Fylkesmannen har som følgje av dette ikkje lenger motsegn til reguleringsplanen, då Fylkesmannen meiner at det er framlagt ei tilfredsstillande løysing for nærfriluftslivet. Fylkesmannen har då trekt si motsegn, og Rådmannen ser difor ikkje grunn til å kommentera den opphavlege merknaden. Norges vassdrags- og energidirektorat Planlagd arealbruk medførar betydeleg inngrep direkte i vassdraget og landskapsbiletet rundt Førrestjørna. Dette har fått omfattande merksemd i konsekvensutgreiinga. Det er føreslått fleire avbøtande tiltak for å dempe den visuelle verknaden av vegfyllinga i tjørna, blant anna form på vegskråning og etablering av ny strandlinje som gir gode overgangar og planting av naturlike artar med variasjon i høgd. Einskilde artar er omtala som særs sårbare, og ål er nemnd som ein raudlista art i området. Det er etter vår vurdering ikkje tilstrekkeleg dokumentert kva tiltaket vil ha å seie for denne arten. Sett i høve til vassressurslova vil tiltak som påverkar levekåra til ein raudlistart i nemneverdig grad kunne føra til konsesjonsplikt for gjennomføring av tiltaket. Ei konsesjonshandsaming er ei tikrevjande og omfattande prosess. Norges vassdrags- og energidirektorat vil derfor oppmoda til at tilhøvet til allmenne interesser, knytt spesielt til ål og tysbast blir enda betre dokumentert før neste handsaming av planen. Dersom plangrunnlaget i tilstrekkelig grad dokumenterar dei tilhøva som vassressurslova skal handtera, vil vi i det vidare arbeidet legga til grunn bruk av samordningsregelen i vassressurslova 20, for å unngå særskilt handsaming etter vassressurslova. Minner òg om avklaring etter naturmangfaldlova. Førrestjørna si rolle i flaum, flaumdempande effekt er omtala, og konkludert med at den ikkje vil bli endra. Utfyllinga representerar ein mindre del av det totale arealet/volumet i tjørna, mens vi vil rå til at det blir vurdert nærmare kva det har å seie for tilhøva i flaum, både rundt vatnet og nedstraums. Når det gjeld utføring av anleggsarbeidet, fylling i vatnet, er det viktig å velje anleggsløysingar som ikkje førar til meir påkjenning på vatnet enn absolutt naudsynt. Til dømes må dei massane som er i tjørna og som ikkje kan inngå i vegfyllinga, fjernast og ikkje fortrengast. Eigne føresegner om dette bør innarbeidast. Tiltak som kan være til nevneverdig skade eller ulempe for noen allmenne interesser i vassdraget, jf 8 i vassressurslova, er i utgangspunktet konsesjonspliktig. Vassdragsmyndigheita kan bestemme at det i enkelte tilfeller ikkje er naudsynt med konsesjon etter lova for tiltak som er løyvd i reguleringsplan etter plan- og bygningslova, jf 20 samordning av tillatelser. Kravet for at 20 kan nyttast er at ein må ivareta dei omsyna som elles hadde vore fylgt av behandling av konsesjonssøknad i samsvar med vassressurslova. NVE som ansvarleg mynde etter vassressurslova meinar at tilhøvet til spesielt ål og tysbast bør bli enda betre dokumentert. Konsekvensutgreiinga for tema naturmiljø baserar seg i hovudsak på ein rapport som vart utarbeida i forbindelse med prosjektet. I rapporten er det vist til tilgjengeleg kunnskap og det er gjort feltundersøkingar. Som NVE påpeikar blei det registrert ål i utløpsbekken. Det blei fanga 1 ål mellom utløp og vandringshinder og 4 ål i utløpsbekken nedstrøms vandringshinder. Ingen blei fanga i tjernet. Ål er raudelista og definert som kritisk trua, men då ål fortsett er vanleg i vassdrag i Rogaland og på grunn av det faktum at Førrestjørna representerer eit lite vassdragssystem, blei verdi for ål satt til middels stor. Under Konsekvensvurderinger i KU står det blant anna følgjande om fisk og ferskvassorganismar: Dumping av steinmasser i Førrestjørna kan føre til negative effekter for ferskvannsorganismer. Disse er framfor alt knyttet til økt turbiditet som følge av oppvirvling av sedimenter og tilførsel av partikler.

3 Dette kan gi nedslamming av gyteområder i utløpsbekken. For fisk i tjernet kan nedsatt sikt og økte partikkelkonsentrasjoner føre til vanskeligere forhold for fødesøk. Uten avbøtende tiltak vurderes anleggsfasen å resultere i en midlertidig forringelse av vekst og levevilkår for fisk og andre ferskvannsorganismer, dvs. middels negativt omfang og middels negativ konsekvens. På sikt vurderes imidlertid konsekvensene av inngrepet å ha små negative virkninger for fisk og ferskvannsorganismer. Nedslamming av gyteområder og moglege vanskar med fødesøk vil ikkje direkte påverke ål, då ål ikkje gyt i ferskvatn/elver og det ikkje blei registrert ål i sjølve tjernet. Dette vil også kun vere i ein midlertidig fase og ein reknar ikkje at sedimenteringa og oppvirvling av partiklar vil påverke ferskvassorganismar på lengre sikt. Tiltaket vil ikkje føra til at det blir danna fleire vandringshindre, og vil derfor ikkje medføre hindringar for at verken ål eller aure kan vandre opp bekken. Vatnet vil bli litt mindre i volum og areal, men det er antatt å ikkje ha verknad for ferskvassorganismane. Fisken vil også kunne vandre gjennom rør og kulverter i fyllinga. På sikt er det vurdert at tiltaket vil ha liten negativ konsekvens for fisk og ferskvassorganismar, herunder då ål. Avbøtande tiltak, som etablering av siltskjørt og bruk av sprengstein som er sprengt ut med sprengstoff med lågare nitrogeninnhald enn tradisjonelt sprengstoff, vil kunne redusere konsekvensnivået ytterligare. Rådmannen meinar at dette er ivaretatt i føresegnene ( 6.1). Under synfaring blei det registrert eit eksemplar av planten tysbast. Planta er definert som Livskraftig og faller i så måte ikkje inn under nokon av raudelistekategoriane. Planta er derimot svært sjeldan i Rogaland. Tysbasten blei registrert omtrent der kor fyllinga skal etablerast på nordaust sida. Forslag til avbøtande tiltak er å flytte planta. Rådmannen meinar at dette er ivaretatt i føresegnene ( 6.1). På bakgrunn av rapport og vurdering ovanfor meinar Rådmannen at tiltakets effekt på levekåra til ål og tysbast er tilstrekkeleg dokumentert. NVE minnar og om avklaring etter naturmangfaldlova. Kommunen må vurdera tiltaket etter prinsippa i naturmangfaldlova 8-12, jf 7 i same lov. 8 (kunnskapsgrunnlaget): Slik Rådmannen ser det er kunnskapen om naturmangfaldet i det aktuelle området god nok og effektane av planen godt dokumentert. 9 (føre-var-prinsippet) Då kunnskapsgrunnlaget er vurdert godt nok kjem ikkje føre-var-prinsippet til nytte. 10 (økosystemtilnærming og samla belastning) Det er godt dokumentert korleis tiltaket/planen vil påverke heile økosystemet (vassdraget). 11 (kostnadene ved å øydelegge miljøet skal bæres av tiltakshavar) Dersom tiltaket vart gjennomført slik det går fram av plan og føresegna ( 6.1) er det ikkje venta noko varig øydelegging av miljøet. 12 (miljøforsvarlege driftsmetodar og teknikkar) Det er satt krav i føresegnene for å unngå/begrensa skade på naturmangfaldet. Når det gjeld fare for flaum er dette noko som ein må gå nærmare inn på under prosjektering. Statens vegvesen, region vest Planforslaget er utarbeida av Statens vegvesen i samråd med Tysvær kommune, og planen er vedtatt lagt ut til offentleg ettersyn i tråd med innsendt forslag. Statens vegvesen har ingen merknadar til planen.

4 Førretjørn Vel Forslaget som er lagt fram synes å betre trafikkforholda for bilistar, men vi saknar tiltak for dei mjuke trafikkantane langs Førrestjørna. Det er ynskjeleg at det lages gang- og sykkelveg langs Førrestjørna (Førresbrekka) og opp mot Gamlevegen, at det foretas utbetring av lysforholda og fjerning av trær på vestsida av Førrestjørna. Vegstrekninga nyttast av skuleborn både til Førre barneskule og Frakkagjerd ungdomsskule. I tillegg nyttast vegen til turbruk for store delar av Førres befolkning og ferdsel til fritidsaktivitetar på Tysvær Arena og Stegaberg Idrettslag sine område. Sånn som vegen framstår i dag er det farleg for mjuke trafikkantar å ferdes her. Unger syklar og går på feil side av vegen og ofte utan refleks. Det hadde vore ynskjeleg å få kommunen på synfaring, og vist korleis det er ein mørk haust/vinterdag når born er på veg til skule/fritidsaktivitetar. Planen tar generelt sikte på å utbetre trafikktryggleiken i området ved Førrestjørna, og det gjeld både for bilistar og mjuke trafikkantar. Forholda for gåande betrast noko ved at eksisterande fortau utvidast, samtidig som det byggast nokon nye fortausløysingar i tilknyting til friområdet i nordre enden av Førrestjørna. Dette vil betre tilkomsten til friområdet ved tjernet, samt avgrense friområdet frå vegane. Gjennomgåande sykkeltrafikk nyttar sykkelvegar som grenser inntil og som vert delvis påverka av tiltaket, utan at dette medførar monalege konsekvensar for denne gruppa. Konsekvensane for gang- og sykkeltrafikk er vurdert til positiv. Meir konkret ifølgje planomtala til Statens vegvesen er eksisterande fortau/gangvegar føreslått oppretthaldt og utbetra, med unntak av gangvegen frå Høievegen til dagens busshaldeplass. Denne vil ikkje ha tilsvarande funksjon i framtida som i dag, men vil vere intakt for ferdsel til friområdet. Frå avkøyrselen mot Rindane og sørover er fortauet forlenga fram til busshaldeplassen. På vestsida av vegen er det planlagt nytt fortau langs rampen fram til busshaldeplassen. Tiltaket får ikkje vesentlege følgjer for sykkelvegen som går i nedre del av planområdet. Sykkelvegen koplast til Førresbrekka via ein overgong i krysset mellom Høievegen og Førresbrekka. Slik Statens vegvesen beskriv planane blir det ikkje noko forverring av situasjonen for mjuke trafikkantar, men tiltaket må reknast som ei forbetring av forholda slik dei er per dags dato. At born og unge syklar og går utan refleks, og i tillegg gjerne på feil side av vegen, er diverre ikkje noko Statens vegvesen kan ta høgde for i utarbeiding av planen, då det er noko som berre den enkelte kan styra sjølve. Utbetring av lysforholda langs dei ulike strekningane og fjerning av trær på vestsida av Førrestjørna er noko som ikkje er omhandla i reguleringsprosessen, då det er detaljar som eventuelt må bli ein del av planen når den skal realiserast. Rådmannen kan såleis ikkje sjå at omsynet til dei mjuke trafikkantane ikkje er ivaretatt slik som Statens vegvesen har utarbeida planen. Førre Skole FAU Førre FAU ynskjer at overgangsfelt blir opphøgd på lik linje med det eksisterande gangfelt i vest i anleggsområde, god belysning for alle overgangar, og belysning på gangveg langs vestsida av Førrestjørna. Reguleringsplanprosessen omhandlar berre hovudtrekka i detaljplana for E-134 Førrestjørna. Tiltak som opphøgd overgangsfelt er noko som Statens vegvesen må foreta seg ved den fysiske gjennomføringa av planen, og det er ikkje noko som Tysvær kommune kan legga føringar på i det noverande stadiet av planprosessen. Som tidlegare nemnt blir belysning for dei ulike gangområda òg ein del av detaljane ved den endelige realiseringa av planen. Egil Notland på vegne av gbnr. 71/198 og gbnr. 71/25 Egil Notland vil anmode om at det blir vurdert støyskjerming for deira eigedomar som grensar til vegen der midtdelar skal plasserast. Dersom vegbredda utvidas i høve til eksisterande føreset bebuarane at dei blir kontakta og at det gis informasjon til aktuelle partar på førehand. Dette slik at forhold vedrørande privat eigedom blir tatt hand om.

5 Slik gbnr. 79/198 ligg, kjem bustaden akkurat i grensa for vegtrafikkstøy på 55 db og 60 db, sjå utarbeida støysonekart i planomtala. Gbnr. 79/25 ligg i området som får støy på 60 db. I tillegg til støyskjermar langs vegen, er det lagt opp til ein moglegheit for gjennomføring av lokale støyskjermingstiltak. Reguleringsføresegna 2.2 omhandlar støy og seier at for bustadar som får støynivå over Lden = 60 db utandørs skal lokal skjerming og/ eller fasadetiltak avklarast i samband med gjennomføringa av tiltaket. Gbnr. 79/198 og 79/25 ligg som nemnt i området som får støy på 55/60 og 60 db. Fylkesmannen har òg tidlegare kommentert at det ikkje er vesentlege innvendingar til korleis støyskjermingstiltaka er løyst. For Rådmannen inneber dette at støyskjermingstiltak skal foretas for dei eigedomane kor det er vurdert som naudsynt. Når det gjeld utviding av vegen, er det kommentert av Statens vegvesen i saka at endelig utforming og eventuelt trong for ei mindre utviding av vegen er noko som vil bli avklart i byggeplanen. Naboar vil då bli kontakta før anlegget vert igongsatt. Inger Lie Bebuarane i området ser det som ei dårleg løysing at det skal gå veg over Førrestjørna. Om vegvesenet sitt forslag blir godkjent vil konsekvensen bli at Førrestjørna blir øydelagt. Det vil då bli kjørt stein/masse ut i tjørna, men ein må fylle langt ned i og med at det er myrbotn. Myrmold vil då komme opp og øydelegge tjørna heilt, noko som vil øydelegge fuglelivet. Tjørna er ei naturperle i Førre området og blir nytta av eldre, barnehagar og andre folk i Førre. Det er så få slike område i distriktet at det burde vernas. Inger Lie ber om at det vurderast andre alternativ. Formålet med tiltaket er å betre trafikktryggleika i området, blant anna ved etablering av planskilt kryss. Slik Statens vegvesen og kommunen ser saka, må vegen leggast over Førrestjørna. I planprosessen blei det vurdert ulike alternativ, og gjeldande alternativ blei valt grunna omsynet til trafikktryggleik. Fyllingsmassen i Førrestjørna vil medføra om lag 10 % reduksjon av tjernet sitt areal, i tillegg til at tjernet delast i to. Rådmannen ser det såleis som uriktig at Førrestjørna blir heilt øydelagd av tiltaket. Statens vegvesen skriv i planomtala at for å minimera tiltakets verknadar på andefuglar anbefalast det at vegen blir konstruert slik at mest mogleg av nåverande vasspegel blir bevart. Rådmannen meinar at det då tas omsyn til fuglelivet ved Førrestjørna, og kan ikkje sjå anna enn at fuglelivet i Førrestjørna vil kunne vedvara slik løysinga blir no. Etter Fylkesmannen sin merknad til planen er det òg lagt inn ein gangveg rundt heile tjørna, for å ivareta moglegheita til bruk av tjørna som eit friareal. Tjørna vil difor framleis vere eit område som kan nyttast av eldre, barnehagar og andre folk i Førre, og kor fuglane kan matast. Rådmannen meiner difor at Førrestjørna som naturperle er tatt hand om på best mogleg måte i reguleringsplanen. Tysvær eldreråd Eldrerådet uttalar at reguleringsføresegna 2.3 seier at prinsippa ved universell utforming skal leggjast til grunn ved vidare detaljering av gang- og sykkelvegar og busshaldeplassar innanfor planområdet. Utover dette har Eldrerådet ingen merknadar. Det er korrekt at reguleringsføresegna i punkt 2.3. slår fast at prinsippa om universell utforming skal leggjast til grunn ved vidare detaljering av gang- og sykkelvegar og busshaldeplassar innanfor planområdet. Rådmannen understrekar at dette er arbeid knytt til realiseringa av reguleringsplanen. Kultursjef Ingvar Frøyland Det går fram av konsekvensutgreiinga, pkt. 6.3: Nærmiljø og friluftsliv, at det nye vegsystemet vil ta bort noko av området som i dag blir brukt som nærmiljøområde for born og andre samtidig vil den mye brukte samlingsplassen langs Førrestjørna forsvinne som følge av ny veg. Vidare skriv ein i pkt.

6 6.3.5: Avbøtande tiltak, følgjande: I tillegg vil etablering av ein gangveg rundt vannet kunne øke bruksmulighetene av friområdet. Kultursjefen kan ikkje sjå at det i plankartet er vist tilstrekkelig areal avsett til erstatning for minska areal for samlingsplass og heller ikkje gangveg rundt Førrestjørna som det i teksten er teke til orde for. Friområde som er vist ved avsondra del av Førrestjørna i nord vil verta ramma inn av biltrafikk og gi dårleg kvalitet som samlingsplass for born og andre. Eigentleg burde reguleringsplanen omfatta heile Førrestjørna og dermed kunne vist både gangveg rundt vatnet og areal for å koma i nærkontakt med vatnet. Eit minimum bør vera at ein iallfall viser gangveg langs vatnet for dei areala som reguleringsplanen omfattar og at både gangveg og andre avbøtande tiltak i friområdet som benker og liknande vert gjennomførte ved utbygginga. Etablering av ein gangveg rundt Førrestjørna er nemnt som eit avbøtande tiltak i planomtala, men i den opphavlege planen var det ikkje vist til noko gangveg rundt vatnet. Dette blei kommentert av Fylkesmannen i Rogaland ved ein merknad til 1. gongsbehandlinga av planen. Fylkesmannen ynskja at Førrestjørna som nærfriluftsområde fekk kompenserande tiltak ved etablering av ein gangveg rundt tjørna. Merknaden førte såleis til etablering av ein gangveg rundt vatnet. Slik reguleringsplanen ser ut no omfattar den hele Førrestjørna, og planen visar altså den påkravde gangvegen. Rådmannen meiner no at det føreligg tilfredsstillande løysingar for nærfriluftslivet; det er etablert gangveg rundt Førrestjørna og det er etablert friområde langs delar av vatnet i tillegg. Dette vil kunne fungera som samlingsplass for born og andre. Rådmannen understrekar også her at korleis området skal utformast med benker og liknande er ikkje ein del av reguleringsplanprosessen, men noko som blir vurdert når planen er godkjent og skal realiserast. Rådmannen si sluttvurdering i saka: Ved oppstart av reguleringsplanarbeidet for E-134 Førrestjørna kom det inn merknadar ifrå Haugaland Kraft AS, Berge Sag AS og Fylkesmannen i Rogaland. Merknadane blei kommentert og innarbeidd i planen så langt det var mogleg. Når reguleringsplanen blei vedtatt lagt ut på høyring i 45 dagar i oktober 2010, kom det inn merknadar ifrå Fylkesmannen i Rogaland, Norges vassdrags- og energidirektorat, Statens vegvesen - region vest, Førretjørn Vel, Førre Skole FAU, Egil Notland, Inger Lie, Tysvær Eldreråd samt Kultursjef Ingvar Frøyland. Merknaden ifrå Fylkesmannen i Rogaland er innarbeidd i planen ved etablering av ein ny gangveg langs Førrestjørna som eit kompenserande tiltak for nærfriluftsområdet, sjå tidlegare kommentarar. Dei resterande merknadene har blitt kommentert i saka så langt det var mogleg. RÅDMANNEN SITT FRAMLEGG TIL VEDTAK: Tysvær Kommunestyre finn å kunne godkjenne reguleringsplan for E-134 Førrestjørna (detaljplan) med tilhøyrande reguleringsføresegner. Arvid S. Vallestad Rådmann Nils Kåre Rovik Teknisk sjef BEHANDLING I TEKNISK UTVAL Rådmannen sitt framlegg til vedtak vart samrøystes vedtatt.

7 BEHANDLING I FORMANNSKAPET Formannskapet tilrår samr. at kommunestyret vedtar rådmannen sitt framlegg. BEHANDLING I KOMMUNESTYRET Vedtak samr.: Rådmannen sitt framlegg blir vedtatt. VEDTAK I KOMMUNESTYRET Tysvær Kommunestyre finn å kunne godkjenne reguleringsplan for E-134 Førrestjørna (detaljplan) med tilhøyrande reguleringsføresegner. Vedlegg: - Plankart - Reguleringsføresegner - Saksframstilling og vedtak fra 1. gongsbehandling