Detaljregulering for Kjellesvik naustområde del av gnr. 314, bnr. 8 og 6 m.fl.

Transkript

1 Detaljregulering for Kjellesvik naustområde del av gnr. 314, bnr. 8 og 6 m.fl. Vindafjord kommune 26. januar 2016

2 Versjon Dato Skildring Utarbeidd av Kontrollert av Innsending av planforslag til Vindafjord kommune Revidert av Vindafjord kommune i samråd med Omega Areal EPS SAa ES - 2 -

3 Innhald Innhald Samandrag Bakgrunn Føremålet med planen Forslagstillar, plankonsulent, eigartilhøve Krav om konsekvensutgreiing? Andre vedtak i saka Planprosessen Medverkande prosessar, varsel om oppstart Planstatus og rammevilkår Statlege planretningsliner/ rammer/ føringar Gjeldande og tilgrensande reguleringsplanar Overordna planar Skildring av planområdet, eksisterande tilhøve Plassering av område Arealbruk i dag og tilgrensande arealbruk Stadkarakter og landskap Kulturminne og kulturmiljø Natur- og rekreasjonsverdiar Landbruk Trafikktilhøve, born sine interesser og sosial infrastruktur Universell tilgjenge og teknisk infrastruktur Grunn- og støytilhøve Ureining Næring Temakart Planlagt arealbruk Gjennomgang av aktuelle reguleringsføremål Plassering og utforming av bygg Parkering Trafikkløysing og tilknyting til infrastruktur Planlagde offentlege anlegg Miljøoppfølging Universell utforming Uteopphaldsareal

4 6.10 Landbruksfaglege vurderingar Kollektivtilbod Kulturminne Sosial infrastruktur Plan for vass- og avlaupsanlegg Plan for avfallshenting Konsekvensutgreiing Grunngjeving til kvifor planen ikkje skal konsekvensutgreiast Omdisponering av LNF-område til naustføremål Plassering av nye utbygging Utfylling i sjø Høve til vassressurslova Utbetring av veganlegg og opparbeiding av parkering mot naust Tilgjenge ROS-analyse Verknadar/ konsekvensar av planforslaget Innkomne merknadar Samandrag av innkomne merknader til oppstart av planarbeidet Offentlege instansar Kystverket Vest, Mattilsynet, HIM, NVE, Fiskeridirektoratet Region Sør, Statens Vegvesen, Rogaland fylkeskommune, og Stavanger Maritime Museum, Fylkesmannen i Rogaland, Naboar/ grunneigarar Solfrid Knutsen, Advokatene Vikse, Haugland, Berge og Bachmann, Avsluttande kommentar Vedlegg

5 1 Samandrag Det er planlagt utbygging av naust med tilhøyrande småbåtanlegg på 314/8, og utviding av eksisterande molo samt felles privat småbåtanlegg og naust på 314/6. Tilkomst til naust med småbåtanlegg på 314/8 vil skje frå eksisterande avkøyrsle. Vegen er planlagt justert og oppgradert. Småbåtanlegget på 314/6 vil ha tilkomst frå eksisterande avkøyrsle og veg vest for planområdet. Areala for utbygging ligg i gjeldande kommuneplan med føremål byggjeområde for naust og landbruks-, naturog friluftsområde (LNF-område). Oversiktskart. Kjelde:

6 2 Bakgrunn 2.1 Føremålet med planen Føremålet med planarbeidet er å leggje til rette for utbygging av naust med tilhøyrande småbåtanlegg på gnr. 314, bnr. 8, og ei utviding av eksisterande molo samt felles privat småbåthamn og naust på gnr. 314, bnr Forslagstillar, plankonsulent, eigartilhøve Omega Areal AS er engasjert av Mittdistrikt Invest AS v/ Sigmund Lunde til å utarbeide reguleringsplanen for naustområdet. Varsla planområde omfattar delar av følgjande eigedomar: Gnr./ bnr. Heimelshavar jf. motteke naboliste i samband med varslinga Kommentar 314/6 Anders Lunde Tiltakshavar. 314/8 MittDistrikt Invest AS Tiltakshavar. 314/18 Hege Sørhus Vegtilkomst og frisiktsone på del av eigedom. 314/23 Nils Waka Eigedom med hytte i strandsone ved naustutbygging. 314/24 Harald Olav Saltveit Frisiktsone på del av eigedom. 314/34 Solfrid Knutsen Eigedom i strandsone ved naustutbygging. 2.3 Krav om konsekvensutgreiing? Planen er av Vindafjord kommune vurdert til å ikkje utløysa krav om konsekvensutgreiing (KU), då planforslaget i hovudsak vil vere i tråd med gjeldande kommuneplan. Nærare vurdering av kvifor planen ikkje skal konsekvensutgreiast er omtalt i pkt Andre vedtak i saka Vindafjord kommune vedtok i sak 255/15, å gi løyve til opparbeiding av ny avkøyrsle/ kryss og oppgradering av delar av veg på 314/1, 8 og 18 på følgjande vilkår: - Før bruksløyve kan gis, må avkøyrsle, veg og hovudleidning for vatn- og avlaupsanlegg vere opparbeidd jf. PBL Eventuelle murar jf. Byggjesaksforskrifta SAK c. Statens vegvesen har i brev datert gitt førehandstilsegner for flytting av avkøyrsle med krav

7 3 Planprosessen 3.1 Medverkande prosessar, varsel om oppstart Planarbeidet er varsla i tråd med PBL Oppstartmøte med kommunen var og dette vart fylgt opp med brev til naboar, grunneigarar, offentlege organ, organisasjonar og andre interesserte Oppstart av planarbeidet vart også annonsert i avisa Grannar, samt lagt ut på kommunen og Omega Areal AS sine heimesider. Frist for tilbakemelding vart sett til Innspela er kommentert under punkt 10. Varslingskart annonsert i avisa Grannar. Etter varsling av planområde vart det gjort nærare vurdering av vegtraséen ned til naustområdet i aust. Varsla område har veg med kurvatur i eit brattare område, og vegen vart i løpet av planprosessen lagt lenger mot aust slik at ein får betre stigningstilhøve ned til nausta. Endeleg planforslag stemmer difor ikkje heilt overeins med varsla område, men vil ikkje ha innverknad på andre eigedomar eller allereie omsøkt flytting av kryss

8 4 Planstatus og rammevilkår 4.1 Statlege planretningsliner/ rammer/ føringar Det er lagt til grunn at gjeldande kommuneplanen for Vindafjord er utarbeidd i samsvar med retningsliner og rammer frå statlege og fylkeskommunale styresmakter. 4.2 Gjeldande og tilgrensande reguleringsplanar Det er ingen gjeldande eller tilgrensande reguleringsplanar i området. Omtrent 200 m lenger vest ligg eit område som er omfatta av reguleringsplan for Mekrevik frå 1985, med byggje-/ spesial-/ landbruksområde for hytter, naust og jordbruk. 4.3 Overordna planar Område for utbygging av naust og delar av eksisterande småbåtanlegget er i kommuneplanen sett av til byggjeområde for naust, medan tilkomstveg og eksisterandemolo i vest er sett av til LNF- område. Det er omsynssoner for flaumfare (H320) og skredfare (H310) innafor planområdet. Føresegner i kommuneplanen som kan ha noko å seie for reguleringsplanarbeidet: 1. Byggjeområde generelt I byggjeområda kan det førast opp bygg i samsvar med dei føremål som er viste på plankartet. Før bygging kan skje i dei einskilde byggjeområda, må dei tekniske anlegga som t.d. elektrisitetsforsyning, kloakk, veg og vatn kunne godkjennast av kommunen, (jf pkt. 3 og 4 i PBL). Alle nye byggjeområde, inkludert nye område for fritidsbusetnad, må ha veg og tilkomst for brann- og redningstenester, samt opplegg for sløkkjevatn. Ved utbygging i område som ligg i sikrings-, støy- og faresonene som er markerte på plankartet, skal krav sett i føresegnene for den aktuelle sona vera oppfylte, før det vert gjeve dele- eller byggjeløyve. Bygg skal førast opp med lågaste golv på minimum kote 2,5 meter. Det kan dispenserast frå dette når det er forsvarleg ut frå type bygg, men elektriske koplingar og materiale som ikkje toler vassinntrenging, skal ikkje nyttast lågare enn kote 2,5 meter. Ved utbygging og tiltak som medfører at bekkar eller elvelaup blir lagde i røyr eller inn-snevra på annan måte, skal tiltakshavar leggja fram ei utgreiing som viser at avlaup er dimensjonert for å klara normal nedbør. Utgreiinga skal også visa reservevassvegen ved ekstremnedbør. I utgreiinga må ein ta omsyn til nedslagsfeltet som vil gje vatn til røyret eller innsnevringa. Alle avlaup skal enten vera knytt til kommunale avlaupsordningar, eller vera godkjende etter dei kommunalt vedtekne føresegnene for mindre avlaupsanlegg (vedtekne i kommunestyret )

9 1.8 Byggjeområde naust I tillegg til pkt. 1 gjeld Naust er uthus for oppbevaring av båt og utstyr Naust skal ha ein maksimal storleik på 40 m2 BYA. Naust skal byggjast i ein etasje med maksimal mønehøgde på 5,5 meter og maksimal gesimshøgde på 3,5 meter; begge høgder målt på frontveggen mot sjøen. I naustområde med plass til meir enn 3 nye naust i planperioden kan ikkje utbygging skje før det ligg føre godkjend reguleringsplan. I reguleringsplanen skal det sikrast areal for opne grøntområde. Naust skal ikkje byggjast slik at dei stenger for ålmenn ferdsel mellom naust og sjøen. Det skal leggjast til rette for ålmenn ferdsel i strandsona. Naust skal byggjast slik at det fell naturleg saman med tilliggjande naust i området. Stengsel som kan hindra persontilgang til naustområde og bryggjer er ikkje tillate. Dette gjeld gjerde, grinder, skilt, mm. Jordlova 12 skal framleis gjelda i desse område. 4. LNF- område generelt Ved tiltak som medfører nye avkøyringar eller utvida bruk av avkøyringar skal saka oversendast vegstyresmaktene til uttale før det vert gjeve løyve. Ved tiltak som er lokaliserte nærare kjende automatisk freda kulturminne enn 100 meter, skal saka oversendast kulturstyresmaktene for å klarleggja om det finst andre freda kulturminne i området. 5.1 Bryggjer Bryggjer skal ikkje byggjast slik at dei stenger for ålmenn ferdsel mellom naustet og sjøen. Det skal leggjast til rette for ålmenn ferdsel i strandsona. Bryggjer skal ha ein maksimal storleik på 6 x 2 meter. Flytebryggjer som kjem på utsida av dette skal ikkje vera lenger enn at dei totalt kjem maksimalt 10 meter ut frå strandlinja ved flo sjø. Bryggjer som blir lagt ut som fellesanlegg for fleire båteigarar kan gå lenger ut i sjøen. Nye bryggjer skal av landskapsomsyn ikkje plasserast der det er langgrunt. Stengsel som kan hindra persontilgang til naustområde og bryggjer er ikkje tillate. Dette gjeld gjerde, grinder, skilt, mm Føresegner for sikrings-, fare- og støysoner Ved bygging innafor desse sonene skal det visast særleg aktsemd for faremomenta som sonene indikerer. Ved regulering av område og ved søknadar om tiltak som ligg innafor områda med fare for skred eller kvikkleireskred, skal det gjerast eiga utgreiing av geolog som gir ei vurdering av risikoen. Om risikoen for skred eller kvikkleireskred blir vurdert å vera til stades, skal det gjerast ei eiga konsekvensutgreiing som og har med framlegg til tiltak

10 Utsnitt frå gjeldande kommuneplan for Vindafjord kommune, vedteken av kommunestyret

11 5 Skildring av planområdet, eksisterande tilhøve 5.1 Plassering av område Planområdet ligg omtrent 8 km nord for Ølensvåg, og tilkomst skjer frå fv. 543 på eksisterande avkøyrslar og veganlegg. Den austlege vegen og avkøyrsla som fører ned til planområdet er omsøkt og godkjent flytta lenger austover og oppgradert. Planområdet er omtrent 14.2 daa stort

12 5.2 Arealbruk i dag og tilgrensande arealbruk Innafor planområdet er det i dag bygd tre naust felles under eitt tak, ei hytte med tilhøyrande kaianlegg og bryggje, samt ein molo lengst vest. Inst i vika i aust er det langgrunt, og her er det ei sandstrand som er lett tilgjengeleg. I aust er det bygd fleire hytter og eitt naust. I bakkant og opp mot fylkesvegen er det fleire bustader og gardsbruk. Ortofoto med varsla plangrenser innteikna. Kjelde foto: Stadkarakter og landskap Kjellesvik er pr. dags dato utbygd med fleire bustader og gardsbruk, naust og hytter. I dag er det fleire naust og to hytter i vika. Kjellesvik er ei naturleg vik vendt mot nordvest, og eignar seg godt til utbygging ned mot sjø, og ein vil ha god utsyn mot Romsa, Borgundøy og Stord. Då planområdet heller mot nord, vil naust liggje i denne retninga. Nausta og småbåtanlegg vil dermed få best soltilhøve på kvelden. På sommartid vil området få meir sol, då terrenget flatar ut mot sjø og sola står høgare på himmelen. På kvelden vil framtidige naust kaste skugge mot (sør)aust

13 Arealet ligg i eit terreng som heller delvis mot nordvest og ned til sjø, med nye utbyggingsområde for naust fom. kote +3 og ned til sjønivå. Det er delvis opparbeidde tilkomstvegar ned til naustområdet, og på kvar si side av utbyggingsområdet går det to vassdrag. Foto teke frå eksisterande veg, forbi planområdet og mot Romsa og Borgundøy. Bakanfor tåka ligg Stord. I området er det i dag fleire bustadar, gardsbruk, hytter og naust, jf. oversiktskartet under. Kart med eksisterande busetnad i området. Kjelde kartgrunnlag:

14 Foto teke frå vest i planområdet mot aust. Kjelde: Omega Areal as Foto teke frå aust på planområdet og mot neset i nordaust. Foto teke frå midt på planområdet mot vest (over), og frå molo mot aust (under). Kjelde: Omega Areal as

15 5.4 Kulturminne og kulturmiljø Det er ikkje gjort nye funn av kulturminne eller -miljø innafor planområdet. Nærare vurdering av dette er gjort i ROS- analysen til planen. 5.5 Natur- og rekreasjonsverdiar Området har svært god utsikt, og med slik topografi at ei framtidig utbygging ikkje vil vere til hinder for bakanforliggjande busetnad. Den gode tilgjenga til strandsona vert sikra av fleire tilkomstvegar, og av at terrenget flatar ut mot sjøen. 5.6 Landbruk Det er i hovudsak landbruksdrift på tilgrensande eigedomar. Arealet på eigedomen i aust er fulldyrka mark nytta til grasproduksjon, medan eigedomen i vest nyttar areala sine til beite. Innafor planområdet er det mindre samanhengande jordbruksareal. Landområdet grensar til sjø, og det er innslag av berg i lausmassane som gjer det mindre eigna til landbruksdrift. 5.7 Trafikktilhøve, born sine interesser og sosial infrastruktur Fylkesvegen har ikkje eige felt for mjuke trafikantar, men det er fleire busstopp i området. Fartsgrensa er 80 km/t, og vegen har ein ÅDT på 950. Born og unge må ta buss til skulane, der den næraste, Lundeneset VGS ligg 6 km sør for planområdet. Det er elles både skular og barnehagar i Ølensvåg og i Ølen. Foto teke frå eksisterande veg som er planlagt og godkjent flytta lenger austover og oppgradert. Utbygginga vil redusera arealet med urørt landbruksareal langs stranda. Ei rekkje med naust vil vera mindre eigna som leikeområde for barn utan tilsyn. Det vil likevel liggje igjen tilgjengelege strandområde i vika. Det vil ikkje vere naudsynt å kartleggje den sosiale infrastrukturen nærare for utbygginga av naust og småbåthamn

16 5.8 Universell tilgjenge og teknisk infrastruktur Eksisterande utbygging i områda har tilkopling til privat vatn- og avlaupsanlegg, samt det er tilgjengeleg energiforsyning i området. 5.9 Grunn- og støytilhøve Området ligg under marin grense, og det er lausmassar av tynn morene som går over til bart fjell i sør. Slike lausmassar er vanlegvis under 0.5 m tjukke, og det trengs normalt ingen sikring. Nærare vurdering av stabilitetstilhøva og rasfare er skildra i ROS- analysen til planen. Nærast fylkesvegen er det i kommuneplanen til Vindafjord sett av omsynssone støy gul sone. Utbyggingsområde for naust og småbåtanlegg ligg utanfor denne støysona. Det er ikkje andre støykjelder i området forutan støy frå vanleg gards- og landbruksdrift Ureining Det er ikkje kjend ureining til luft eller grunn innafor planområdet eller i nærområdet. Aktiviteten i naustområdet vil heller ikkje ha slike følgjer. Det er heller ingen grunn til å tru at utfyllingsarbeidet vil frigjera botnmateriale som kan frigi dårleg lukt Næring Det vert i størst grad drive næring i form av jordbruk på tilgrensande eigedomar Temakart Kommuneplanen for Vindafjord syner kjerneområde landbruk. Planområdet ligg ikkje innafor ei slik omsynssone. På planområdet syner arealet med arealressursane skog og innmarksbeite

17 6 Skildring av planforslaget 6.1 Planlagt arealbruk Det er planlagt ei utbygging med 4 nye naust på 314/8 (N1), to nye naust på 314/6 (N5) og eitt nytt naust på 314/34 (N3). I tillegg er det planlagt utviding av kaiareal, mogelegheit for å leggje ut flytebryggje, samt bølgjebrytar i forlenginga av eksisterande molo. Det er lagt vekt på ålmenta si tilgjenge, og det er regulert friluftsområde på land og badeområde i sjø for å styrke denne tilgjenga. Friluftsområde LF2 er planlagt slik at tilgang også på framsida av naust N1 kan oppnåast. Dette er også tilfelle på andre sida av nausta, i forlenginga av SM6 mot N2. Elles er areala regulert til friluftsareal med mogelegheit for beite på fleire av areala, samt båtopptrekk inn til naust. Tilkomst til 314/6 vil skje frå eksisterande veg og er ikkje regulert inn, med unntak av heilt nedre del med parkeringsplass.. I samsvar med føringar lagt hjå kommunen, er eksisterande hytte og eigedom 314/23 regulert til naustføremål. Eigedomen er også regulert heilt ned til sjø, som er i samsvar med gamle papir for eigedomen. Det er etter korrespondanse med kommunen lagt inn i føresegnene at det ikkje skal sperrast for fri ferdsle langs stranda. 6.2 Gjennomgang av aktuelle reguleringsføremål Følgjande reguleringsføremål er nytta i plankartet: Bygningar og anlegg (Pbl 12-5 nr. 1) Naust, N 1-5 Småbåtanlegg i sjø og vassdrag, SM 3-6 Småbåtanlegg i sjø og vassdrag med tilh. strandsone, SM 3-6 Område for eksisterande og nye naust. Område for utlegging av flytebryggje og bølgjebrytar. SM1 felles for brukarane av småbåtanlegga. SM2 felles for naust i N1. Område for småbåttrafikk og for oppføring av kai/molo. SM3 og SM5 felles for brukarane av småbåtanlegga. SM4 privat for N2. SM6 felles for naust i N1. Samferdsle og teknisk infrastruktur (Pbl 12-5 nr. 2) Veg, V 1-2 Tilkomstvegar som fører fram til parkeringsplass P1 og P2. Veg 1 er felles for N1-N4 og andre med rettar i vegen. Veg 2 er felles for N5 og andre med rettar i vegen. Avkøyrsle, KV 1-3 Avkøyrslar inn til eigedom 314/18 og 314/16. Parkering, P 1-2 Felles privat parkering. P1 felles for N1-N4. P2 felles for N

18 Landbruks,- natur- og friluftsformål (PBL 12-5 nr. 4) Friluftsføremål, LF Innafor LF1 og LF3 skal ein kunne leggje til rette for beite og båtopptrekk, og innafor LF2 kan det leggjast til rette for aktivitetar knytt til badeområde, VB, samt tilføre sandmassar. Innafor LF6 kan det tillatast terrengtilpassing for å tilpasse veg, parkering og naust best mogeleg. Bruk og vern av sjø og vassdrag, med tilhøyrande strandsone (PBL 12-5 nr. 5) Friluftsområde i sjø og vassdrag med tilh. strandsone, VFS Område med fri ferdsle på sjøen. Badeområde, VB Badeområde i sjø. Området skal merkast med bøyer i sesongen. Omsynssoner (PBL 12-6) Frisikt, H140 Flaumfare, H320 Område for fri sikt. Område der det kan tillatast terrenghandsaming som fremjar vassføringa i vassdraget. 6.3 Plassering og utforming av bygg Det er i reguleringsplanen opna for bygging av naust med føresegner om storleiker i samsvar med kommuneplanen: Naust Naust skal ha ein maksimal storleik på 40 m2 BYA. Naust skal byggjast i ein etasje med maksimal mønehøgde på 5,5 meter og maksimal gesimshøgde på 3,5 meter; begge høgder målt på frontveggen mot sjøen I tillegg er det lagt til ei generell føresegn under 3 Bygningar og anlegg, som sikrar at eventuelle elektriske koplingar og materiale som ikkje toler vassinntrenging ikkje vert lagt lågare enn kote Sjå nærare vurdering av naustutbygginga i pkt Parkering Det er sett av areal for parkering samt snuareal i enden av veg V1 og V

19 6.5 Trafikkløysing og tilknyting til infrastruktur Ved planlegging av tilkomstvegen til 314/8 er det lagt vekt på minst mogeleg terrenginngrep. Vegen tilpassar seg terrenget godt, men dei første meterane fram til første sving, er det større fyllingsareal som har vore naudsynt for å få til god nok avkøyrsle frå fylkesvegen. Deretter er det lagt mur i den første svingen då denne vender inn mot vassdraget i vest. Dette vil hindre ev. erosjon av fyllingsmassane. Veg V1 V2 Utforming Vegen er regulert 3.5 meter brei, og med breiddeutvidingar i kurver. Etter ei overgangskurve frå fylkesvegen på 8 %, har vegen ei maksimal stigning å 12.5 % dei neste 30 meterane. Deretter har vegen ei maksimal stigning på 14 % før den flatar ut til rundt 10 % etter 45 meter., og vekslar mellom 10 og 5 % i stigning før den flatar heilt ut ved N1. Eksisterande avkøyrsle og veg ned til naustområdet er ikkje regulert inn i planen då denne skal liggje i eksisterande trasé. I enden av vegen går denne inn på planområdet med ein snuhammar, og med tilkomst til felles parkeringsplass for N5. Vegen har i dag ei maksimal stigning på omtrent 1:8, og er meter brei. KV1 og KV2 Avkøyrsle mot eksisterande tilkomstveg mot 314/18, samt mot eksisterande oppstillingsplass for bil. Då vegen er relativt bratt er det tatt omsyn til begge desse avkøyrslane, då det vil vere vanskeleg å få til intern veg til begge områda på eigedomen. Vegen saman med avkøyrslane er begge godkjent av vegvesenet. KV3 Avkøyrsle mot eksisterande tilkomstveg mot 314/ Planlagde offentlege anlegg Det er ikkje planlagt offentlege anlegg innafor området. 6.7 Miljøoppfølging Det er ikkje noko som tilseier ureining av noko slag, eller noko som krev miljøoppfølging. 6.8 Universell utforming Grunna større terrengskilnader frå fylkesvegen og ned til naustområdet, har det ikkje vore mogeleg å leggje opp til universell tilkomst. Dette kan oppnåast frå parkeringsplassen og inn til nausta innafor N1 samt tilhøyrande felles kaianlegg. Det same gjeld frå P2 til N

20 6.9 Uteopphaldsareal Uteopphald i området vil skje ved nausta, småbåtanlegga, og ved badeområdet. Det er friluftsinteressene knytt til sjøen som i hovudsak vil dominere i naustområdet. Det er i planframlegget opna for fylling i sjø ved N1 for å oppnå nok djupne for småbåtar som kan leggje til, noko som har resultert i eit planlagt kaiareal på nordsida av nausta som kan nyttast til opphald Landbruksfaglege vurderingar Det er lite landbruksareal innafor området som er sett av til naustutbygging. Området ligg i ei skråning ned frå eit høgdedrag på baksida av nausta, men flatar ut i området for oppføring av naust. Som tidlegare skildra er det lite brukbart areal for jordbruksdrift innafor planområdet, samtidig som ein stor del av arealet er sett av til naustføremål i kommuneplanen. Nærare vurdering av denne omdisponeringa til naustføremål er skildra i pkt Kollektivtilbod Det er ikkje lagt opp til eigne løysingar for kollektivtransport. Eksisterande høve vert lagt til grunn Kulturminne Rogaland fylkeskommune har vore på synfaring i området. Det vart vurdert at tilkomstvegen som er planlagt meter frå kjende kulturminne er tilstrekkeleg avstand i høve til desse. Plangrensene er justert noko i høve til varsla grense grunna justeringar av vegtilkomsten, men dette har ikkje innverknad på avstanden til dei påviste kulturminna Sosial infrastruktur Den sosiale infrastrukturen er ikkje vurdert for den planlagde utbygginga med naust. Sjå elles pkt Plan for vass- og avlaupsanlegg Alle bygningar for varig opphald skal knytast til godkjend anlegg for vatn og avlaup, og må i samband med godkjenning av byggjesøknad kunne dokumentera hygienisk trygt og nok drikkevatn. Naust skal ikkje nyttast til varig opphald. Krav i høve til godkjend anlegg for vatn og avlaup gjeld difor ikkje her. Likevel er det i føresegnene opna for at vatn og avlaup kan leggjast inn i nausta, då ein ofte ser behov for slike fasilitetar ved uteområde der ein kan opphalde seg over lengre tid. Vass- og avlaupsanlegget i området er privat Plan for avfallshenting Det er ikkje lagt opp til eigne løysingar for avfallshenting for naustområdet. Eigarar av naust vil måtte ta med seg avfallet til ordinær renovasjonsløysing ved bopel eller anna godkjend mottak

21 7 Konsekvensutgreiing 7.1 Grunngjeving til kvifor planen ikkje skal konsekvensutgreiast Området er av Vindafjord kommune vurdert til å ikkje utløysa krav om konsekvensutgreiing (KU), då planforslaget i hovudsak vil vere i tråd med gjeldande kommuneplan. 7.2 Omdisponering av LNF-område til naustføremål Som det går fram av illustrasjonen under, er område for utbygging av naust omtrent i samsvar som gjeldande kommuneplan. Området for oppføring av dei 4 nye nausta på 314/8 ligg omtrent i same utstrekning som det framtidige naustområdet i kommuneplanen. På 314/6 ligg dei to nye nausta (N5) delvis i område med føremål for eksisterande naust, og delvis i LNF-område i kommuneplanen. Utover dette er det regulert eksisterande og nytt småbåtanlegg i sjø, samt tilkomst og parkering. Eksisterande badeområde i sjø og stranddel på land er definert og regulert inn. Illustrasjon over planforslaget saman med føremålsgrenser i kommuneplanen (mørk raud tjukk linje). Plassering av naust er gjort etter ei vurdering av terrengtilhøva i området. Særskilt inst i vika går marbakken langt ut, noko som gjer at dei fire nye nausta innafor N1 er planlagt på fylling i sjø. Behovet for parkering i området, samt terrengtilhøva i bakkant har også vore med på å leggje føringar for kor langt ut i sjø nausta er planlagt plassert. Samtidig har det vore eit poeng at frontfasaden langs strandsona i hovudsak vert bevart. Dersom nausta skulle plasserast lenger bak, vil dette føre til større terrenginngrep og høgare murar i bakkant ved parkeringsplassen

22 Ved planlagt utfylling kaiarealet i framkant av nausta kunne liggje i sjø, også ved fjære. Dette er med på å tilføre ein estetisk verdi til området. Ved å leggje til rette for flytebryggje på framsida av kaien, vil også større småbåtar kunne leggjast til. Bruk av nærområda til naust gir verdiskapingar til området, der opparbeiding i tråd med planlagde tiltak vil auke bruken til og gleda av dette sjønære området. Det er i kommuneplanen sett av totalt m2 til eksisterande naust og 450 m2 til framtidige naust. I reguleringsplankartet er det sett av (avrunda) 300 m2 ( m2) til eksisterande naust, totalt ca. 450 m2 ( m2) til planlagde nye naust, samt ca. 670 m2 til småbåtanlegg i sjø (560 m2 kaianlegg og 110 m2 flytebryggjer). I tillegg kjem område for småbåttrafikk (VFS).. Areal i reguleringsplankartet. Arealet som vert omdisponert til naust er i så stor grad i samsvar med kommuneplanen at det ikkje er vurdert til at dette vil føre til krav om vidare konsekvensutgreiing. Som følgje av naustutbygginga vert det sett av areal til småbåtanlegg. I kommuneplanen er det ikkje teke stilling til anlegg i sjø, og naustføremålet i kommuneplanen er avgrensa av eigedomsgrensene mot sjø. Dette

23 ser vi er praksis fleire stader i kommuneplankartet. Vi vurderer det difor slik at småbåt- og kaianlegg i sjø er i samsvar med intensjonane i kommuneplanen. 7.3 Plassering av nye utbygging Det er planlagt 7 nye naust der fleire av desse kan byggjast saman. Innafor N4 ligg det i dag eit større bygg som er delt i tre innvendig. Plassering av dette er vidareført til planforslaget, men med høve til å byggje tre nye naust med storleika i tråd med gjeldande kommuneplan. Eigedom 314/34 vart tidlegare skilt ut for å føre opp eit naust. Denne eigedomen ligg tett opp til 314/23 der det i dag står ei hytte, som også er regulert naust etter føringar frå kommunen. Desse bygningane vil bli liggande nært kvarandre, men vil samstundes vere ein del av eit større naustområdet ved oppføring av fleire naust også på austsida. Alle nye naust vil bli bygde med same krav, og framstå som tradisjonelle naust. Alle nausta vil liggje omtrent på linje, slik at desse vil få same utsikt i retning Romsaøyane. Då vika ligg vendt mot nord/ nordvest, vil dei mest solrike områda vere på baksida av nausta om morgonen, og på framsida av nausta mot kvelden. Illustrasjon med nye naust

24 2D-illustrasjon av naustområdet med småbåtanlegg

25 7.4 Utfylling i sjø Det er planlagt ei utfylling til kote +1.5 for oppføring av 4 nye naust innafor N1. Utfyllinga er med på å leggje fundamentet for nausta, samtidig som den er ein del av kaiareal på framsida av nausta. Dette fører til ei total massetilflytting på ca m3 reine massar. Marbakken går delvis langt ut, særskilt inst i vika. Sedimenta på botn består av delvis grove og finkorna massar. Sjølv om grunna går frå grove massar i strandkanten til sandbotn lenger ut i sjøen, kan det liggje leire under dei øvste massane, noko som kan medføre behov for mudring av sjøbotn ved utfylling. Foto av strandlina frå molo og til den austlege bekken i plangrensa. Kjelde: Omega Areal as Fjorden mellom Romsa og Bjoa er kalla Bjoafjorden, og har god vasskvalitet, i motsetning frå Ølsfjorden (dårlig) og Etnefjorden (moderat). Det er ikkje registrert ureina grunn, eller avlaupsanlegg i området som kan føre til ureining av sjø eller grunn. I følgje vann-nett.no er Bjoafjorden ein moderat eksponert kyst, med antatt god økologisk tilstand. Opphaldstida for botnvatnet i fjorden er moderat og straumhastigheit er svak (<1 knop). Basen syner ingen utførte registreringar av prioriterte miljøgifter i fjorden eller anna informasjon om tilstand eller påverknadar.. Det er vurdert at det i liten grad er avrenning frå diffuse kjelder (fiskeoppdrett). Trafikktettleiken i området er moderat. Vika i planområdet er vendt bort frå Øls- og Etnesfjorden, og det er ikkje noko i nærområdet som kan tilseie ureining av sedimenta i området. Før mudring/ fylling i sjø skal det hentast løyve frå Fylkesmannen som vurderer om tiltaket vil medføre nemneverdig skade eller ulempe i høve til ureiningslova. 7.5 Høve til vassressurslova 11 «11. (kantvegetasjon) Langs bredden av vassdrag med årssikker vannføring skal det opprettholdes et begrenset naturlig vegetasjonsbelte som motvirker avrenning og gir levested for planter og dyr. Denne regelen gjelder likevel ikke for byggverk som står i nødvendig sammenheng med vassdraget, eller hvor det trengs åpning for å sikre tilgang til vassdraget

26 Grunneieren, tiltakshavere og berørte fagmyndigheter, kan kreve at kommunen fastsetter bredden på beltet. Bredden kan også fastsettes i rettslig bindende planer etter plan- og bygningsloven. Vassdragsmyndigheten kan i særlige tilfelle frita for kravet i første ledd.» Det er i planforslaget lagt til grunn ein avstand på 3.0 meter mot vassdraget i vest med føresegner som tillet tiltak for å fremje vassføringa til dette, og er i vurderinga i ROS- analysen vurdert til å vere tilstrekkeleg. Vassdraget går i fjell/ berg langs med planområdet, noko som gjer at behovet for kantvegetasjon som motverker avrenning og som gir levestad for planter og dyr ikkje er til stades i dette området. 3.0 meter vil også sikre at nye bygningar ikkje vil liggje for nært vassdraget slik at ålmenta si tilgjenge langs med dette vert ivareteken. Sona er lagt med fareområde flaum. Vassdraget i aust renn langs med kotene mellom jordbruksarealet i aust og høgdedraget i vest. Det er mykje vegetasjon langs med vassdraget. Å oppretthalde eit kantvegetasjonsbelte er aktuelt for å tilfredsstille 11 i vassressurslov. Vassdraget ligg i hovudsak utanfor planområdet. Planforslaget legg opp til landbruksføremål i samsvar med dagens bruk. Kantvegetasjon er difor ikkje lagt inn då det i hovudsak ikkje skal gjerast inngrep i områda langs vassdraget. Planen opnar likevel for tiltak knytt til aktivitetar for badande ved VB, og med mogelegheit for å tilføre sandmassar i område LF2. Dette gjeld ved utlaupet til vassdraget, og ei slik opparbeiding av arealet i strandsona er vurdert til å ikkje å ha særskilt verknad på kantvegetasjonen sin funksjon forøvrig. Lenger sør er vegtilkomsten til nausta innafor N1 lagt nært vassdraget. Vegen er prosjektert slik at denne går jamført eksisterande terreng for å skape god tilpassing. Dette skjer berre i eit avgrensa område, då tilkomstvegen ligg i ein kurvatur inn mot vassdraget i dette området. 7.6 Utbetring av veganlegg og opparbeiding av parkering mot naust Veg V1 Flytting av avkøyrsle og oppgradering av delar av vegen på 314/8 vart godkjend av Vindafjord kommune , og det er gitt førehandstilsagt til flytting av avkøyrsla frå vegvesenet Naboane vart varsla , og det kom ingen merknader. Denne flyttinga av avkøyrsla vil føre til ei betre kryssløysing med fylkesvegen. Vidare vegutforming er prosjektert med breiddeutviding i kurvaturane for å betre køyretilhøva på vegen. Planforslaget vil gi auka trafikk, då denne fører ned til 9 parkeringsplassar for naust innafor N1 N4. Det er ikkje mogelegheit for sjøsetting frå land i dette området. Auken i talet bilturar ned til området vil difor vere avgrensa. Det same vil gjelde for trafikkgenerert støy. Veg V2 Delar av eksisterande veg V2 er regulert inn i planen med snuhammar, og med parkering for N5. Vegen vil fungere som tilkomst til den vestlege delen av planområdet. Det er ikkje vurdert naudsynt med utviding eller oppgradering av vegen. Vegen har i dag avkøyrsle frå fylkesvegen

27 Planforslaget vil gi auka trafikk, då vegen fører ned til ein parkeringsplass for 2 naust, samt område med høve til båtopptrekk. Teoretisk sett kan difor vegen verta nytta til opptrekk og sjøsetting. Likevel er dette avgrensa, då området er naturleg grunt, og det er ikkje opparbeidd båtopptrekk. Auken i trafikkgenerert støy vil difor også vere avgrensa. Foto over område med regulert snuareal ved N4 (eksisterande bygg til venstre i bildet) og N5 (planlagt ny utbygging). Kjelde: Omega Areal as 7.7 Tilgjenge Terrenget ned mot sjøen heller mot nord og nordaust der det slaknar ut. Det går ein veg som skil det kuperte terrenget i/ ved 314/8 frå fulldyrka jord i aust. Denne vegen sikrar tilgjenge til sjø på austsida av bekken langs med vegen, medan regulert vegtilkomst vil sikre tilgjenge også på vestleg side. Planane om å byggje fleire naust og utvide molo og småbåthamna inst i Kjellesvik gjer at tilgjenga til sjø vert betra i området, samtidig som at strandsona vert delvis bygd ned. Friluftsområde LF2 samt SM6 er planlagt slik at tilgang også kan oppnåast på framsida av naust N1 og vidare mot N2. Den auka bruken i området med utviding av naust og kaiareal er noko som Kjellesvik kan tole sett i samanheng med dagens tiltak og bruk. I aust fortset vika til eit grunnare parti der det ikkje er planlagt utbygging. Her er det ei større langgrunne som fortset austover mot neset, der det ligg fleire fritidsbustader i dag

28 8 ROS-analyse I plankartet vil område med potensiale for risiko synast med omsynssone. ROS-analysen er utført i samsvar med «Veileder for kommunal risiko- og sårbarhetsanalyser» utgitt av Direktoratet for sivilt beredskap (2010), Norsk Standard 5814:2008, «Veiledning om tekniske krav til byggverk» utgitt av Direktoratet for byggkvalitet (2010), «Mal for ROS- analyse i reguleringsplanar», Fylkesmannen i Rogaland, «Mal for ROS- analyser i arealplansammenheng», Fylkesmannen i Hordaland, og vedtekne akseptkriterium og metode for ROS analysar vedteke av Vindafjord kommunestyre , sak 008/13. Det er laga ei sjekkliste ut i frå hendingar som kan vere aktuelle å kartleggje risiko for, jf. «Akseptkriterium og metode for ROS- analysar» vedteken av kommunen. Vi har vurdert om hendingane er aktuelle å kartleggja eller ikkje. Lista skal i følgje dokumentet til kommunen ikkje sjåast på som fullstendig, og det vil verte lagt til punkt i lista om desse er aktuelle for det aktuelle planområde. ROS-analysen konkluderer med ulike tiltak/ kommentarar som det må takast omsyn til og som bør innarbeidast i reguleringsplanen, eventuelt med tilhøyrande føresegner. 9 Verknadar/ konsekvensar av planforslaget I kommuneplanen ligg planområdet med føremål for naustutbygging og LNF- område. Det er i hovudsak utviding av naustføremålet som skil planforslaget frå gjeldande kommuneplan. Kort fortalt om hovudverknadene av planforslaget: Omdisponering av LNF- område til naustutbygging Fleire bygg og auka bruk Fylling i sjø Meir støy Meir biltrafikk (større ÅDT) Flytting av dagens avkøyrsle Punkta over er alle vurdert i planomtalen, og det er fastsett tiltak i plan og føresegner som skal hindre/ minske dei mogelege negative verknadene. Det vert konkludert med at plassering og nærare vurdering av dei ulike delområda kan gjennomførast som føreslått utan unødig ulempe for omkringliggjande bustadar, natur- og kulturlandskapet og nærmiljøet elles

29 10 Innkomne merknadar 10.1 Samandrag av innkomne merknader til oppstart av planarbeidet Planarbeidet vart varsla med brev til naboar, grunneigarar og offentlege instansar , med frist for innspel Det er i samband med dette kome inn totalt 12 merknader, 10 frå offentlege instansar og 2 frå naboar/ grunneigarar. Dei innkomne merknadane er kommentert under. Offentlege instansar Kystverket Vest, Kystverket Vest opplyser at det ved planlegging i sjø må tas omsyn til sjøvertsferdsle, og at det er viktig at det ikkje vert planlagt tiltak/ aktivitetar som kjem i konflikt med framkommelegheita i farvatnet. Tiltak som vert planlagt må dimensjonerast slik at dei kan motstå bl.a. drag og bølgjeslag frå pårekneleg båttrafikk m.m. i området. Det må tas med i føresegnene at tiltak som fell inn under hamne- og farvasslova skal godkjennast av hamnemynde. Vår kommentar Dei nemnde omsyna er tekne med i betraktning i utarbeiding av plankartet, og den etterspurte setninga er teken med i føresegnene til planen. Mattilsynet, Mattilsynet ber tiltakshavar ta omsyn til krav til tilfredsstillande drikkevatn for bygningar til opphald for menneske, og at desse krava vert ført inn i reguleringsplanen. Vår kommentar Slikt krav er ikkje teke med, då det ikkje er planlagt bygg til varig opphald for menneske. HIM, HIM anbefaler erfaringsmessig at det vert sett av areal til samleplass for avfall frå naust, sjølv om desse ikkje pliktar å knytte seg til renovasjonsordninga. Vidare har HIM i dag utfordringar med å plassere behalderar til 5 eksisterande hytter og 1 fastbuande i området, og det bør difor etablerast felles samleplass ved vegen, jf. deira norm. Vår kommentar Det er eit avgrensa tal naust som er planlagt ført opp, og det er vurdert som tilstrekkeleg at desse fjernar sitt eige avfall for tømming på eigna stad. Nausta skal ikkje nyttast til varig opphald eller overnatting, og det er avgrensa kor mykje avfall som slike naust vil føre med seg. Etablering av ny samleplass/ ev. utviding av omtalt samleplass for eksisterande busetnad er ikkje vurdert i planforslag for naustområdet

30 NVE, NVE peikar særskilt på at planområdet ligg innafor aktsemdkart for skred i bratt terreng og tidvis nær ein bekk. Området er også avmerka som omsynssone skred i gjeldande kommuneplan for Vindafjord. Ny utbygging skal plasserast slik at sikerheitsnivået for flaum, skred og stormflo er i samsvar med TEK10. For nye byggeområdet må det vurderast om grunn- og terrengtilhøva er slik at det kan utløysast skred i planområdet, eller om planområdet kan bli utsett for skred som losnar utanfor området. NVE opplyser at området ligg under marin grense, men har ikkje kjennskap til grunntilhøva i området, eller om det er gjort undersøkingar for å kartleggje ev. kvikkleire. Dette må kommenterast i planarbeidet. Plandokumenta må tydeleg vise korleis skred er vurdert, og dei meiner at det på reguleringsplannivå bør utgreiast om det er ein reell fare for skred. Dersom dette er tilfelle, må faresona avmerkast på kartet, og tilknyttast føresegner som sikrar tryggleiken ved utbygging. Vår kommentar Det er i ROS-analysen vurdert grunntilhøva og faren for dei ulike skredtypane i området. Aktsemdsone for snø- og steinskred i flg. NGI sitt kart gjeld eit areal øvst mot vegen, og vil ikkje omfatte naustutbygginga. Fareområdet vil difor ikkje ha innverknad på utbygginga av naust og kaianlegg, og er heller ikkje teke med i plankartet. Kommuneplanen i Vindafjord vart vedteken , medan NGI sitt jord- og flaumskredkart vart publisert i mai 2014 og er basert på studie av terreng, ortofoto og enkel synfaring. Det vert difor lagt til grunn at NGI sine kart er av større detaljgrad enn det som er lagt til grunn i kommuneplanen, og desse vert lagt til grunn for plankartet. Den reelle skredfaren er vurdert nærare i ROS-analysen til planen. Fiskeridirektoratet Region Sør, Fiskeridirektoratet viser til at det er gyteområde for torsk og hyse i Haugssundet/ Bjoafjorden, og at desse gyt i tidsrommet februar til juni. Direktoratet ber difor om at ein viser aktsemd i dette tidsrommet ved ev. større fyllingar i sjø. Fiskeridirektoratet ber om å få planen på høyring. Vår kommentar Det er tilført ei setning i føresegnene som skal sikre at det vert vist aktsemd ved større fyllingar i sjø i tidsrommet februar til juni. Fiskeridirektoratet vil få planen på høyring. Statens Vegvesen, Statens vegvesen skriv at eksisterande avkøyrsle ikkje er utforma i samsvar med vegnormalen, og at det må regulerast nytt kryss i samsvar med N100 med rekkjefølgjekrav til opparbeiding av krysset i føresegnene. Det må vidare stillast krav til teknisk plan for utforming av nytt kryss i samsvar med R700 med bl.a. C-teikning, plan for handtering av overvatn og L-teikning som skal godkjennast av Statens vegvesen før byggjestart. Vår kommentar Det er i plankartet regulert nytt kryss, og krava som Statens vegvesen har stilt er tekne med i føresegnene til planen. Statens vegvesen kan kome med eventuelle vidare merknader til planen i høyringsperioden

31 Rogaland fylkeskommune, og I første brev varsla Rogaland fylkeskommune behov for synfaring i området, då det er registrert fleire automatisk freda kulturminne/ -felt i nærområdet. Synfaring vart utført , og ut ifrå deira arkiver og med bakgrunn i resultatet frå synfaringa, kan fylkeskommunen ikkje sjå at tiltaket vil kome i konflikt med automatisk freda kulturminne. Potensiale for funn vert sett på som lite, men dei gjer merksemd på at planlagde tiltak ikkje må kome i konflikt med registrert gravhaug på 314/8. Planlagt veg vil liggje m nord for sikringssona, og fylkeskommunen vurderer dette som tilstrekkeleg avstand frå haugen. På dette grunnlag har fylkeskommunen ingen merknader til at tiltaket vert gjennomført. Eventuelle funn av freda kulturminne i området ved gjennomføring av planen må straks varslast, og alt arbeid stoggast inntil vedkomande kulturmyndigheit har vurdert funnet. Vår kommentar Det går fram av føresegnene at arbeidet vil straks stoggast dersom det vert gjort funn automatisk freda kulturminne ved gjennomføring av planen. Stavanger Maritime Museum, Stavanger Maritime Museum opplyser at tiltaket berører eit område som med stort sannsyn var ei hamn i forhistorisk tid, og at det er potensial for at tiltaket kan berøre automatisk freda kulturminne under vatn. Det er mogeleg at området må marinarkeologisk registrerast før museet kan avgi endeleg uttale til planen. Då det er tidleg i planarbeidet, ynskjer museet å gi uttale til bruken av sjøområda når dette er nærare avklart. Vår kommentar Stavanger Maritime Museum har høve til å kome med sin uttale ved høyringa av planen. Fylkesmannen i Rogaland, Fylkesmannen gjer merksam på at omdisponering av LNF-område er i konflikt med kommuneplanen og nasjonale og viktige regionale føringar, og at konsekvensar av dette må handsamast i planarbeidet. Fylkesmannen legg til grunn at inngrep i sjø og på land vert dimensjonert etter behov og underordnar seg landskapet. Det er viktig at planarbeidet sikrar tilgjenge og friluftsmogelegheiter. Vår kommentar Konsekvensane kring omdispondering av LNF-område til naustføremål er skildra og vurdert i planomtalen. Det same er terrenghandsaminga og tilgjenga i området

32 Naboar/ grunneigarar Solfrid Knutsen, Solfrid Knutsen er positiv til at området vert teken i bruk til naustføremål, og avventar kva planforslaget vil ha å seie for hennar eigedom. Vår kommentar Knutsen sin eigedom er teken med i planforslaget med føremål for naustutbygging, og ho har høve til å kome med vidare merknader ved offentleg ettersyn. Advokatene Vikse, Haugland, Berge og Bachmann, Representant for eigar av 314/16 og 23, der 314/23 som ligg innafor varsla område. Her står det ei hytte, og advokat Ole Johan Berge vil på vegne av grunneigar påpeike at ein i planarbeidet må ta naudsynt omsyn til eksisterande bygg og bruk av denne eigedomen. Peiker også på at del av planområdet ligg innafor LNFområdet, og reiser spørsmål til om det er sendt inn forslag til endring i noverande kommuneplan. Vår kommentar Det er i planomtalen gjort vurderingar knytt til eksisterande bygningar og planlagt utbygging, med føremål å bevare verdiane knytt til kvar einskild bustad, hytte og naust så langt som råd er, samtidig som føremålet med planarbeidet vert ivareteke. Større delar av området ligg i dag med føremål for naustutbygging i kommuneplanen, og det er ikkje sendt inn nytt innspel til kommuneplanrulleringa angåande dette. Nabo har høve til å kome med merknader til planforslaget ved offentleg ettersyn

33 11 Avsluttande kommentar Det er lagt til grunn at planområdet og verknadane av forslaget er tilstrekkeleg vurdert, og på ein slik måte at tiltaka planen omfattar ikkje vil vere til umiskjennelig bry eller fare for nærliggjande busetnad, landbruks- og friluftsinteresser eller naturmangfald. 12 Vedlegg Vedlagte dokument følgjer planskildringa. Dokument Dato Revisjonsdato Plankart Føresegner ROS- analyse Utsjekk av naturmangfaldet Andre vedlegg Illustrasjonsplan