MØTEINNKALLING. Vi ber om at forfall vert meldt til servicekontoret/utvalssekretær på telefon

Transkript

1 VOLDA KOMMUNE Utvalg: Formannskapet Møtestad: møterom A, Volda rådhus Dato: Tid: 14:00 MØTEINNKALLING Medlemar som er ugilde i ei sak vert bedne om å gje melding, slik at varamedlemar kan bli kalla inn. Jf. 8, 3. ledd i forvaltningslova. Vi ber om at forfall vert meldt til servicekontoret/utvalssekretær på telefon Varamedlemar får saksdokumenta førebels berre til orientering. Dei får særskilt melding når dei skal møte. B- saker er underlagt teieplikt og er unnatekne offentleg innsyn. Møtet er ope for publikum, med unnatak når b-saker vert handsama. Saksdokumenta er lagt ut til gjennomsyn på servicekontoret og på folkebiblioteket til møtet vert halde.

2 Saksnr PS 152/09 PS 153/09 PS 154/09 PS 155/09 PS 156/09 Sak Godkjenning av innkalling og sakliste Godkjenning av møteprotokoll frå forrige møte Stiftelsen Hjellbakkane barnehage - Søknad om overtaking av kommunal grunn - gnr. 20 bnr. 326 Samlokalisering Lid og Mork skular Interkommunalt overgrepsmottak PS 157/09 Yrkes og karrieredagane 2009 PS 158/09 Ruteendringsprosessen 2010 PS 159/09 PS 160/09 Omgjering av lån Volda sjukehus si rolle - uttale til Helse Sunnmøre og Helse Midt-Norge vedk. spørsmål om funksjonsfordeling for sjukehusa

3 PS 152/09 Godkjenning av innkalling og sakliste PS 153/09 Godkjenning av møteprotokoll frå forrige møte

4 VOLDA KOMMUNE SAKSDOKUMENT Sakshandsamar: Arne Eliassen Arkivsak nr.: 2009/1661 Arkivkode: 611 Utvalsaksnr Utval Møtedato 154/09 Formannskapet /09 Kommunestyret STIFTINGA HJELLBAKKANE BARNEHAGE - SØKNAD OM OVERTAKING AV KOMMUNAL GRUNN - GNR. 20 BNR. 326 Administrasjonen si tilråding: 1. Stiftinga Hjellbakkane barnehage får vederlagfritt disponere eit areal av gnr. 20 bnr. 326 på om lag 1 da vest for barnehagen for ei periode på 20 år.. 2. Avtalen mellom Hjellbakkane barnehage og Volda kommune vert godkjend slik den går fram av vedlegg 6 til denne saka. Vedleggsliste: 1. Kart i to alternativ 2. Søknad av frå Stiftinga Hjellbakkane barnehage 3. Avtale datert Kopi av reguleringsplanen for området 5. Ortofoto over området 6. Avtaleframlegg m/kart Uprenta saksvedlegg: Ingen Samandrag av saka: Stiftinga Hjellbakkane barnehage søkjer om å få overta/disponere eit areal på kommunen sin eigedom gnr. 20 bnr. 326 vest for barnehagen. Eg rår til at barnehagen får disponere arealet for ei periode av 20 år med rett til forlenging dersom partane vert samde om vilkåra.

5 Saksopplysningar: I brev av søkjer Hjellbakkane barnehage om overtaking av deler av gnr. 20 bnr. 326 til barnehageføremål. I søknaden er det skissert to alternativ: Primært å overta om lag eitt da., alternativt om lag 0,6 da. Sjå dei to karta i vedlegg 1. Søknaden vert grunngjeven med at dei vil etablere ein friluftsliv-base tilrettelagt for småborn. Det ligg føre planar om å lage til eit nokolunde flatt areal for dei minste borna med lavvo, naturleikeplass, bålplass, sove/kvileplass og liknande. Barnehagen søkjer primært om å få overta delar av gnr. 20 bnr. 326 med same vilkår og hefte som på gnr. 20 bnr. 420 (sjølve barnehagen). Dersom det ikkje er mogleg å overta delar av gnr. 20 bnr. 326, ønskjer barnehagen sekundært å etablere ei langtidskontrakt med løyve til å etablere friluftsbase med inngjerding mot barnehagen. Avslutningsvis opplyser barnehagen at dersom dei skal investere tid og pengar på ei slik etablering, treng dei eit langsiktig perspektiv på disposisjonsretten. For nærare detaljar om søknaden viser eg til brevet frå Hjellbakkane barnehage datert i vedlegg 2. Den handsama kommunestyret ei sak der Hjellbakkane barnehage søkte om å få disponere del av gnr. 20 bnr. 326 til naturleikeplass. Søknaden vart imøtekomen og Hjellbakkane barnehage gjorde avtale med kommunen om bruken av arealet, sjå vedlegg 3. Det er ein del av dette arealet som barnehagen no søkjer om å få overta/disponere Av avtalen frå 2005 går det fram at det ikkje skal betalast leige for grunnen, det skal ikkje setjast opp gjerde eller anna som hindrar ålmenn bruk av området. Tiltak på eigedomen skal godkjennast av kommunen og løyvet skal kunne seiast opp av kommunen med 6 månaders varsel. Til orientering minner eg og om at kommunestyret den vedtok at Hjellbakkane barnehage vederlagsfritt får høve til å nytte del av gnr. 20 bnr. 326 til oppføring av garasje med leike- og opphaldsareal på loftet i samsvar med søknad. Løyvet vart gjeve under føresetnad av at tiltaket ikkje ville kome i konflikt med tilkomsten til Volda Frikyrkje og at inn- og utkøyringa frå garasjen skulle vere frå eksisterande tilkomst til barnehagen. Til skilnad frå den gongen søkjer no Hjellbakkane barnehage primært om å få overta arealet. Dette betyr at arealet må frådelast og overskøytast til Stiftinga Hjellbakkane barnehage på same vilkår som for barnehagen sitt hovudareal gnr. 20 bnr Ved etableringa av barnehagen vart denne tomta stilt gratis til disposisjon for barnehagen. På eigedomen er det tinglyst eit hefte om at alle bygningar og alt inventar vederlagsfritt skal overførast til Volda kommune dersom barnehagen vert lagt ned. Søknaden frå Hjellbakkane barnehage har vore sendt planseksjonen og barnehageavdelinga til uttale. Barnehagesjefen har slik fråsegn: Det er positivt at Hjellbakkane barnehage har utvida barnegruppa. Med bakgrunn i det har dei fått eit auka behov for uteareal, spesielt for dei minste barna. Barnehagen ynskjer difor eit areal som lettare kan tilpassast dei minste barna. Dei bør ha eit areal som er noko flatare

6 og er lettare å ta seg fram på; ikkje minst med tanke på at nokre av dei er så små at dei treng å sitte i vogn av og til. Det er også meir praktisk å ha uteområdet nær inneområdet, slik at til dømes stellerom vert lettare tilgjengeleg. Eg rår til at barnehagen får anten overta med hefte eller får løyve til langtidsbruk av omsøkt område på ca. 1 mål. Dersom det vert gitt løyve til langtidsbruk, må dei få sette opp gjerde for å sikre barna sin tryggleik. Planseksjonen har slik fråsegn: Deling kan gjerast utan planmessig handsaming, jfr. kopi av reguleringsplanen; reguleringsplan Heltne/Bratteberg Området er regulert til offentleg føremål med undertittel m.a. Barnehage Kopi av reguleringsplanen følgjer saka som vedlegg 4 Sjå elles ortofoto over området i vedlegg 5. Vurdering og konklusjon: Som det går fram av søknaden, vert det søkt i to alternativ; vederlagsfri overskøyting av arealet eller ein vederlagsfri, langsiktig disposisjonsrett. Vidare vert det søkt om ca m² alternativt ca. 600 m² areal. Som det går fram av kommentaren frå planseksjonen, er arealet regulert til offentleg føremål, m.a. barnehage. Reguleringsføremålet skulle såleis vere i orden. Eg rår til at Hjellbakkane barnehage vederlagsfritt får disponere om lag 1 da areal vest for barnehagen for ei periode på 20 år framfor å frådele det med eige bruksnummer og overskøyte det til barnehagen. Då slepp ein og kostnadane med frådeling, målebrev og overskøyting. Barnehagen kan då gjerde arealet inne på same måte som hovudarealet og med ein tidshorisont på 20 år vil Hjellbakkane barnehage få eit langsiktig perspektiv på disposisjonsretten. I og med at søkjar gjennom avtalen av alt disponerer heile området vest for barnehagen mot Bergsvegen, må dei om lag 1000 m² som omfattar denne saka bli unntatt frå restriksjonane i avtalen av Eg har laga slikt framlegg til avtale som går fram av vedlegg 6 og rår til at avtalen vert godkjend. Helse- og miljøkonsekvensar: Friluftsbarnehagar verkar positivt på borna si helse. Økonomiske konsekvensar: Ingen økonomiske konsekvensar så lenge dette er tiltak det ikkje skal betalast for.

7 Beredskapsmessige konsekvensar: Ingen. Jarle B Krumsvik adm. sjef Utskrift av endeleg vedtak: Hjellbakkane barnehage, Gamletufa 3, 6100 Volda Barnehageavdelinga, her Kommunalteknisk avdeling, her Planseksjonen, her Saksmappe til AE for vidare arbeid

8 VOLDA KOMMUNE SAKSDOKUMENT Sakshandsamar: Karin Heggen Arkivsak nr.: 2009/1778 Arkivkode: A20 Utvalsaksnr Utval Møtedato 155/09 Formannskapet /09 Kommunestyret SAMLOKALISERING LID OG MORK SKULAR Administrasjonen si tilråding: Lid skule vert samlokalisert med Mork skule frå Vedleggsliste: 1. Vedtak frå Kommunestyret Referat frå folkemøte på Lid, dagsett Invitasjon til høyring i saka, dagsett Uttale frå SU ved Lid skule, dagsett Uttale frå FAU ved Lid skule, dagsett Uttale frå folket på Lid, dagsett Uttale frå lærarane ved Lid skule, dagsett Felles uttale frå SU, FAU og Utdanningsforbundet ved Mork skule, dagsett Samandrag av saka: I 1999 ba Kommunestyret administrasjonen gjennomføre ei høyring om skulestrukturen i heile Volda kommune, der foreldre, grendalag, lærarar, skuleadministrasjon og politikarar skulle ta del. Etter ei omfattande utgreiing, gjorde Volda kommunestyre vedtak om endringar i skulestrukturen i kommunen. Mork og Lid krinsar vart i vedtaket gjort til ein samla skulekrins.

9 I saksutgreiinga frå administrasjonen vart Lid skule tilrådd lagt ned frå , og elevane overførde til Mork skule. I 2000 var Lid skule ein tredelt skule med 39 elevar, medan Mork skule den gong var firedelt med 48 elevar. Ei samlokalisering ville gjort Mork skule femdelt, og i saksutgreiinga frå 2000 kjem det fram at ei slik deling ville gjort det trangt på Mork skule. I møteboka frå møte i samarbeidsutvalet ved Lid skule , heiter det mellom anna: Når det gjeld evt. overflytting av elevar frå Lid skule til Mork skule er SU sterkt i mot dette. I tillegg til dei argument skulekontoret held fram i si utgreiing om manglande plass på mottakarskulen vil vi nemne fylgjande argument mot denne sentraliseringa: 1. Fram til Eiksundsambandet kjem må elevane fraktast gjennom Alida, eit rasfarleg område som Statens Vegvesen ikkje kunne tilrå bygging av ny veg gjennom. 2. Kapitalkostnadane med skulebygget vil kommunen måtte betale sjølv om skulen står tom. 3. Transportkostnadane blir høge i og med to returbussar. (Kor vidt kostnadane med transport tilsvarar sparte utgifter til straum er vel tvilsamt?) 4. Utvikling i framtida. Sjølv om elevtalet etter statistikken går ned, trur vi at etableringa av Eiksundsambandet vil gjere at området Lid/Berknes vil bli attraktivt å busetje seg i. Elevtalet vil dermed endre seg. 5. Eiksundsambandet vil også gjere at Steinnes i Ørsta kommune vil bli tilflyttingsområde. Elevar frå Steinnes går i dag på Hovden skule. Lid skule ligg monaleg nærare Steinnes enn Hovden skule. Volda kommune burde derfor arbeide for at elevane frå Steinnes kan gå på Lid skule. (jamfør Bjørke/Austefjord) 6. Ut frå 8-1 i Grunnskulelova er det høve for foreldra å søkje borna sine over til andre skular enn dei naturleg soknar til. Volda kommune bør gjere foreldra merksame på dette, og oppmode foreldre om å fylgje opp) Kommunestyret såg vekk frå tilrådinga frå administrasjonen om å legge ned Lid skule, og vedtok at skulen tidlegast skulle verte vurdert lagt til Mork skule frå Saksopplysningar: Det er ein målsetnad at alle elevane i Volda kommune skal ha eit likeverdig tilbod, både fagleg og sosialt. I vurderinga av ei samlokalisering av Lid og Mork skular er det hovudsakleg dei faglege og sosiale faktorane for elevane som ligg til grunn. Ei samlokalisering vil også få konsekvensar med omsyn til økonomi og skyss. Statistikk Etablering av Eiksundsambandet har ikkje fått den effekten på elevtalet ein kunne ha von om. Rektor kan også stadfeste at Hovden skule i dag ikkje har elevar frå Steinnes. Med dei tala ein har i dag, vil Lid skule vere udelt skuleåret 2011/2012, og tala for dei påfølgjande åra viser at skulen vil grense mot å verte udelt. Opplæringslova 8-3, som vart oppheva , gav reglar om tal for gruppedeling. Talet for todeling gjekk ved 12 elevar. Trass i at paragrafen er oppheva, vert desse gruppedelingstala nytta retningsgivane, men ikkje styrande. Den vart det gjort endringar i Opplæringslova 8-2, og i endringa som vart gjort gjeldande frå heiter det:

10 Elevane kan delast i grupper etter behov. Gruppene må ikkje vere større enn det som er pedagogisk og tryggleiksmessig forsvarleg. Organiseringa skal ivareta elevane sitt behov for sosialt tilhør. Til vanleg skal organiseringa ikkje skje etter fagleg nivå, kjønn eller etnisk tilhør. Kvar elev skal vere knytt til ein lærar (kontaktlærar) som har særleg ansvar for dei praktiske, administrative og sosialpedagogiske gjeremåla som gjeld eleven, mellom anna kontakten med heimen. Denne endringa i Opplæringslova opna for ei friare organisering av elevane, utan å ta omsyn til dei tidlegare reglane for klassedeling. Utviklinga av elevtalet ved Lid skule frå : Skuleår 00/01 01/02 02/03 03/04 04/05 05/06 06/07 07/08 08/09 09/10 10/11 11/12 12/13 13/14 14/15 Elevtal Grupper Ved ei samlokalisering av Lid og Mork skular vil elev- og gruppetala sjå slik ut dei komande skuleåra: Skuleår 10/11 11/12 12/13 13/14 14/15 Elevtal Grupper Statistikken syner at ei samlokalisering vil trygge ei firedeling ved Mork skule, noko som vil kome den samla elevflokken frå Lid og Mork til gode. Pedagogiske vurderingar Læringsmiljøet ved dei mindre skulane i kommunen har vore godt. Å få gå på skule i nærmiljøet har ein verdi i seg sjølv. Dei pedagogiske utfordringane ved å ha mange årskull i lag har vorte kompensert ved lite elevtal og den personlege kontakten dette fører til mellom elev og lærar. Samstundes er det ein grensegang nedover der elevtalet vert så lite og aldersskilnaden på elevane så stor at det pedagogiske og sosiale miljøet ikkje lenger stettar krava til gjeldande læreplan. Allereie med læreplanen frå 1997 vart det vanskelegare å drive udelt skule. Det vart den gong større skilnad på pedagogikken og metodikken i klasse og klasse. På dei lågare årsstega skulle ein drive meir leikprega aktivitetar som skulle avta utetter i barneskulen. Gjeldande læreplan, Kunnskapsløftet, har mellom anna flytta merksemda mot fagleg måloppnåing heilt frå første klasse, auka krav til dokumentasjon til individuell elevvurdering og lokalt utarbeidde læreplanar i alle fag på alle årssteg. Med ei todeling som ein har ved Lid skule i dag, er dette ei stor utfordring for det pedagogiske personalet. I små elevgrupper får elevane få andre elevar å spele på som kan inspirere og utvikle læringsmiljøet, og elevane møter få utfordringar i det å orientere seg i eit større miljø. Små elevgrupper kan også gje færre sosiale utfordringar i samarbeid for elevane, og grunnlaget for elevdemokrati kan verte snevert. Elevtalsutviklinga syner at Lid skule vil vere udelt skuleåret 2011/2012, og ein ser ikkje at drift av ein udelt skule som forsvarleg med omsyn til det pedagogiske og sosiale tilbodet til elevane.

11 Samansetjing av det pedagogiske personalet I tillegg til 40% administrasjonsressurs er det pr. i dag 296% lærarårsverk knytt til Lid skule. Ved ei samlokalisering av Lid og Mork skular vil det pedagogiske personalet få tilbod om ny tenestestad, og ein vil så langt som råd etterkome dei tilsette sine ynskje. Skuleavdelinga vil vere i dialog med Utdanningsforbundet i vurderingane av ny tenestestad for det pedagogiske personalet. Ved Mork skule vil elevane frå Lid møte eit større pedagogisk miljø, som vil gje større breidde i kompetansen til å møte behova til den einskilde eleven. Samansetjing av elevflokken, elevtal i klassene, klassedeling, SFO, inne- og utemiljø Mork skule vil skuleåret 2010/2011 vere firedelt. Det vil seie at elevane frå Lid vil kunne gå inn i eksisterande grupper. Etter måten gir det ein stor økonomisk innsparing. Ved ei samlokalisering av Lid og Mork skular vil ein få fire grupper med ein storleik på elevar. Ein vurderer at slik gruppestorleik gir grunnlag for eit godt sosialt læringsmiljø. Mange av elevane ved Lid skule har gått i barnehage på Mork, og for desse vil det verte ein naturleg overgang frå ein barnehage til ein skule som ligg nær kvarandre. Lid skule har i dag ikkje tilbod om SFO. Ved Mork skule har ein kommunalt drive SFOordning, og ein har nyleg også starta opp tilbod om morgon-sfo. Mork skule har tenlege lokale og kapasitet til å ta i mot elevane frå Lid. Mork skule har også eit godt utemiljø med mellom anna ballbinge. Skyss Møre og Romsdal fylke er ansvarleg for skuleskyssen, og eit eige skyssreglement fastset rettar, rutinar og praksis for skuleskyssen i fylket. Fjord1 har avtale om å drive skyssen i mellom anna Volda kommune, og kommunen betalar persontakst for elevane som har rett til slik skyss. Volda kommune er med andre ord ikkje ansvarleg for organiseringa av skyssen, men er likevel opptatt av at skyssen skal vere forsvarleg og formålstenleg for elevane, og har ein god dialog med Fjord1 i skyssaker. Ei samlokalisering av skulane vil utløyse trong for skyss av elevar frå Lid til Mork. Dei føresette på Lid er opptekne av kva konsekvensar denne skyssen får for deira born. Det har mellom anna vorte uttrykt uro for om skyssen vil gå om Alida (gamlevegen). På spørsmål om vegval, har Fjord1 stadfesta at skuleskyssen vil gå nyevegen om Sørestranda til Mork, og at dette er eit vegval dei kan garantere ut 2012 (så lenge Fjord1 har avtale med fylket). Økonomiske vurderingar Ved ei samlokalisering av skulane vil elevane ved dei to eksisterande gruppene ved Lid skule kunne gå inn i eksisterande grupper ved Mork skule. Hovudinnsparinga vil knyte seg til reduserte personalkostnader til m.a administrasjon, undervisning og reinhald. I tillegg vil ein frigjere noko tid knytt til vaktmeisterteneste og oppfølgjinga av IKT. Personalkostnader til pedagogisk- og reinhaldspersonale ved å drive Lid skule i 2010, er berekna til kr ,-. I personalkostnadene er det medrekna løn, arbeidsgjevaravgift og utgifter til pensjonsordning. Andre driftsutgifter er ikkje teke med i denne utgreiinga. Ved ei samlokalisering, må ein rekne med noko auka administrasjonsressurs ved Mork skule, og denne auken er berekna til om lag 10%. Det utgjer ein kostnad på kr ,-.

12 Viss ein organiserer undervisningstida for dei yngste elevane på ein slik måte at ein unngår midtskyss, er skysskostnaden berekna til å verte om lag kr ,- pr. skuleår. Med midtskyss aukar denne kostnaden til totalt kr ,-. Då er det rekna midtskyss kvar skuledag, noko det truleg ikkje vert trong for. I heilsårseffekt vert innsparingane ved samlokalisering av Lid og Mork skular berekna til å verte kr ,-. Då er midtskyss kvar skuledag teke med i utrekninga. Vurdering og konklusjon: Tilrådinga bør følgjast. Helse og miljøkonsekvensar: Skyssen vert vurdert som akseptabel med omsyn til reisetid og tryggleik. Ved samlokalisering vil ein oppnå stabile elevgrupper som gir grunnlag for eit godt læringsmiljø. Økonomiske konsekvensar: Budsjettframlegget for 2010 føreset samlokalisering av Lid og Mork skular frå Jarle B Krumsvik adm. sjef Utskrift av endeleg vedtak: - Skuleavdelinga - Lid skule - Mork skule Klageinstans:

13 VOLDA KOMMUNE SAKSDOKUMENT Sakshandsamar: Runa Bakke Arkivsak nr.: 2008/1307 Arkivkode: G00 Utvalsaksnr Utval Møtedato 156/09 Formannskapet /09 Kommunestyret INTERKOMMUNALT OVERGREPSMOTTAK Administrasjonen si tilråding: Volda kommune ser, ut i frå faglege vurderingar, på det interkommunale overgrepsmottaket i Ålesund for personar som har vore utsette for seksuelle overgrep eller vald i nære relasjonar som eit godt tilbod. Av økonomiske omsyn har Volda kommune likevel ikkje høve til å slutte seg til dette mottaket på noverande tidspunkt. Vedleggsliste: Brev frå Ålesund kommune vedr. interkommunalt overgrepsmottak Uprenta saksvedlegg: Samandrag av saka: Volda kommune har fått førespurnad frå Ålesund kommune om å slutte seg til interkommunalt overgrepsmottak som er etablert i Ålesund. Overgrepsmottaket er eit akuttmottak for personar som har vore utsette for seksuelle overgrep eller vald i nære relasjonar. Kommunen bør innan utgangen av 2009 avgjere om ein skal slutte seg til dette interkommunale overgrepsmottaket. Sosial- og helsedirektoratet rår til å styrke helsetenestetilbodet til personar som har vore utsette for vald eller seksuelle overgrep. Direktoratet rår også til å forankre overgrepsmottak i interkommunale/kommunale legevakter og at det skal vere minst eit overgrepsmottak i kvart fylke.

14 Faglege vurderingar tilseier at ein bør slutte seg til mottaket då det er naudsynt med særleg kompetanse for å ivareta personar som har vore utsette for seksuelle overgrep og vald i nære relasjonar på ein fagleg forsvarleg måte. For kommunen vil det ha ein årleg kostnad på minimum kr ,-. Dette er ikkje innarbeidd i budsjett og økonomiplan, og av økonomiske omsyn kan ein likevel ikkje rå til at Volda kommune sluttar seg til det interkommunale overgrepsmottaket i Ålesund. Saksopplysningar: Volda Kommune fekk i juni 2008 tilbod om å slutte seg til interkommunalt overgrepssmottak som er etablert i Ålesund. Hausten 2009 fekk kommunen eit nytt brev der svar vart etterlyst. Kommunen bør gi eit svar i løpet av desember 2009 på om ein vil slutte seg til mottaket eller ikkje. Det er semje i fagmiljøa om at mørketala er store når det gjeld seksuelle overgrep og vald i nære relasjonar. Statens helsetilsyn fekk i 2000 i oppdrag av Sosial- og helsedirektoratet å utgreie naudsynte helsetenester til psykisk traumatiserte grupper. Seinare har Sosial- og helsedirektoratet fått i oppdrag frå Helse- og omsorgsdepartementet å gjennomføre tiltak omtalt i St.prp.nr. 1 ( ) som kan bidra til å styrke helsetenestetilbodet for valds- og valdtektsutsette, mellom anna å utarbeide ein vegleiar for helsetenester til personar som har vore utsette for vald og seksuelle overgrep. Helse- og omsorgsdepartementet har utgangspunkt i at overgrepsmottaka skal vere forankra i interkommunale/kommunale legevakter og det skal vere minst eit overgrepsmottak i kvart fylke. Målgruppe for overgrepsmottak er personar som har vore utsette for seksuelle overgrep eller vald i nære relasjonar. Mottaket skal gi naudsynt psykisk og fysisk helsehjelp og sikre kvalitet på sporsikring og skadedokumentasjon som er god nok som grunnlag for politietterforsking, rettssak og vurdering av voldsoffererstatning. Det er eit krav at overgrepsmottaket skal være døgnope. Nokre tenester må vere tilgjengelege på 24-timars basis, medan andre kan ein gjere avtale om å utføre innanfor vanleg dagarbeidstid. Overgrepsmottaka må ivareta heilskapsperspektivet og utføre medisinske undersøkingar og behandling, samt rettsmedisinsk undersøking, starte arbeidet med psykososial oppfølging og legge til rette for oppfølging hos advokat, politi og andre. Mottaket skal vere inngangsport for å søke hjelp og samarbeider med andre delar av helsetenesta. Personalet i overgrepsmottak vil ha behov for tilleggskompetanse. Overgrepsmottak. Veileder for helsetjenesten (Sosial- og helsedirektoratet) seier dette om kommunen sitt ansvar og kompetansebehov: Landets kommuner skal sørge for nødvendig helsetjeneste for alle som bor eller midlertidig oppholder seg i kommunen (27 1-1). Kommunehelsetjenesten må drives forsvarlig ( siste ledd). Kommunen skal planlegge, organisere og legge til rette for at kommunen, helsetjenesten og helsepersonell kan oppfylle rettslig bindende krav (27 1-3a). Det følger av dette at kommunen må ha et faglig forsvarlig tilbud til de som har vært utsatt for seksuelle overgrep eller vold i nære relasjoner eller trusler om dette. Kommunen kan organisere sin helsetjeneste slik den finner det hensiktsmessig innenfor lovgivningens rammer. Personellet må ha kompetanse på:

15 myter og fakta om seksuelle overgrep og vold i nære relasjoner relasjonsbygging og emosjonell førstehjelp traumereaksjoner psykososial oppfølging medisinsk undersøkelse og sporsikring rettslige forhold og dokumentasjonskrav De må også ha kjennskap til: rettslige prosesser knyttet til eventuell anmeldelse bistandsadvokatordningen lokale forhold, herunder aktuelle samarbeidspartnere og deres oppgave- og ansvarsområder forskrift om individuell plan, jf. kap. 9.1 «Individuell plan» Korleis handterer ein slike situasjonar i Volda kommune i dag: Dersom ein person har vore utsett for seksuelle overgrep eller vald i nære relasjonar er det varierande kven personen først fortrur seg til. I hjelpeapparatet kan det vere helsesøster, lege, lærar eller andre. Dersom situasjonen er akutt og skadane er omfattande, blir det oftast tatt kontakt med legevakt eller politi. Sakene har høg grad av kompleksitet både når det gjeld helsefagleg og juridisk kompetanse og kompetanse i høve kva det krev av tverrfagleg samarbeid for å gjere ein fagleg forsvarleg jobb. Denne kompetansen er svært varierande i det kommunale hjelpeapparatet og i mange tilfelle ikkje tilstrekkeleg. Det er svært manglande kompetanse når det gjeld skadedokumentasjon, rettsmedisinsk undersøking og sporsikring. Ein har helle ikkje godkjent oppbevaring av spor/bevismateriell. I tillegg må personen som har vore utsett for vald eller overgrep oppsøke fleire instansar/kontor og forklare kva som har skjedd fleire gongar, noko som er svært belastande. Dei fleste slike saker skjer om kvelden eller i helga,- altså utanom ordinær arbeidstid. Det er kun politi og lege som har døgnvakt. Dei har verken kompetanse nok eller lovheimlar som kan ivareta denne gruppa på ein fagleg forsvarleg måte. Ofte må barnevernet kontaktast for å ta vare på eventuelle barn som er involverte og gjere naudsynte vedtak og tiltak. Barnevernet i Volda har ikkje vaktordning. Valdskoordinator i Volda kommune opplyser at det til no i 2009 har vore handsama 11 saker med seksuelle overgrep og vald i nære relasjonar. I omlag 5 av desse sakene hadde det vore aktuelt å nytte det interkommunale overgrepsmottaket i Ålesund. Med bakgrunn i off.lova gir overgrepsmottaket ikkje ut opplysningar om saker pr. kommune. Alternative løysingar: - Slutte seg til overgrepsmottaket i Ålesund. Ut i frå ei fagleg vurdering er dette det beste alternativet. Mottaket er døgnbemanna, ein har innarbeidde rutinar for tverrfagleg samarbeid og det er bygd opp god kompetanse og egna lokale med mellom anna statlege tilskot (kr. 1,5 mill.). Skal ein bygge opp tilsvarande kompetanse og beredskap i kommunen, vil det truleg bli ein større kostnad enn å slutte seg til overgrepsmottaket i Ålesund. - Handtere sakene på kommunalt nivå. Kompetansen i kommunen er dårlegare enn ved eit overgrepsmottak. Det er også svært varierande kompetanse hjå den enkelte tenesteytar og den overgrepsutsette må i mykje større grad gå får kontor til kontor. Kvar kommune har få valds-/overgrepssaker og det vil difor vere vanskeleg å skaffe seg erfaring med slike saker. Økonomisk vil dette truleg vere rimelegaste løysinga dersom ein vel å handtere dette som før, med avgrensa kompetanseheving og utan beredskapsmessige tiltak utover det ein har i dag (lege- og politivakt). Men ein ser ikkje på dette som eit fagleg godt nok tilbod til denne gruppa.

16 - Interkommunalt overgrepsmottak for Søre Sunnmøre. Eit slikt mottak er ikkje etablert pr. i dag, men ein kunne tenke seg at det kunne vere aktuelt. Eit overgrepsmottak på Søre Sunnmøre må i tilfelle etablerast både med lokale, personell og kompetanse. Dette vil ha ein nokså stor kostnad, og dersom ein ikkje vinn noko på dette kvalitetsmessig eller kostnadsmessig, ser vi ikkje at dette er formålsteneleg. Ein kan ikkje forvente statlege tilskot for å bygge opp endå eit interkommunalt overgrepsmottak på Sunnmøre og det er lite truleg at det vil bety noko for brukarane om mottaket ligg på Søre Sunnmøre eller i Ålesund. Vurdering og konklusjon: Det interkommunale overgrepsmottaket i Ålesund blei etablert i 2008 og har gjennom m.a. statlege tilskot bygd opp kompetanse og rutinar. Frå ei helsefagleg vurdering, vil det vere ein klar styrke å gjere seg nytte av den kompetansen som er på dette mottaket. Ein er sikra at pasientane blir ivaretatt på ein god måte i akuttfasen og at dei får møte alle frå hjelpeapparatet på ein stad (helsepersonell, politi og bistandsadvokat). Det er dokumentert at seksuelle overgrep er det største psykiske traumet ein person kan verte utsett for. Når hjelpa og handteringa i akuttfasen er god, er det lettare å unngå store seinskadar. Måten ein handterer desse sakene på i dag i det kommunale hjelpeapparatet, har for dårleg kvalitet, og kunnskapen og organiseringa er generelt for dårleg. Det vil vere vanskeleg å gjere dette arbeidet betre lokalt utan tilføring av midlar til beredskap og omfattande kompetanseheving. Kommunane som er med i det interkommunale overgrepsmottaket må bidra økonomisk etter ein fordelingsnøkkel som pr. i dag er kr.14,- pr. innbyggjar pr. år. For Volda kommune vil dette utgjere om lag kr ,- pr. år. Dette er ikkje innarbeid verken i budsjettet for 2010 eller økonomiplan. Ut i frå ei fagleg vurdering vil ein rå til å slutte seg til det interkommunale overgrepsmottaket i Ålesund, men sidan dette ikkje er innarbeidd i budsjett og økonomiplanar, finn ein likevel ikkje å kunne rå til tilslutting til overgrepsmottaket på noverande tidspunkt. Helse og miljøkonsekvensar: Det er svært viktig at personar som blir utsette for seksuelle overgrep eller vald i nære relasjonar, blir tatt i vare på ein slik måte at ein sikrar fysisk og psykisk helse på best mogleg måte og at sporsikring blir gjort slik at det kan brukast som bevis i ei eventuell rettssak eller voldsoffererstatningssak. Med eit godt akuttilbod, vil behovet for hjelp seinare erfaringsmessig bli mindre. Økonomiske konsekvensar: Dersom Volda kommune sluttar seg til Interkommunalt voldsmottak i Ålesund, vil dette pr. i dag ha ein kostnad på kr ,- pr. år ( kr.14,- pr. innbyggjar pr. år). Beløpet kan bli noko høgre frå 2010, men det er usikkert kor mykje. Beredskapsmessige konsekvensar: Dersom Volda kommune vel å ikkje slutte seg til det interkommunale voldsmottaket i Ålesund, må ein sikre ein døgnberedskap som ivaretek denne gruppa. Pr. i dag er det berre legevakt og politi som har døgnvakt. Dette er ikkje tilstrekkeleg for å gi eit fagleg forsvarleg tilbod. I samband med at Handlingsplan mot vald i nære relasjonar i Volda kommune blei vedtatt i 2007, blei det oppretta 20% stilling for valdskoordinator som har ansvar for å samordne arbeidet om vald i nære relasjonar. Valdskoordinator er tilgjengeleg berre på dagtid.

17 Handligsplanen seier vidare at ein ser det som eit godt tiltak for valdsutsette i nære relasjonar at Volda kommune har eit tilbod om barnevernvakt. Det bør difor arbeidast for at dette tilbodet blir etablert på nytt. Barnevernvakt kan etablerast som ei interkommunale ordning for kommunane på Søre Sunnmøre. Jarle B Krumsvik adm. sjef Utskrift av endeleg vedtak: Klageinstans:

18 VOLDA KOMMUNE SAKSDOKUMENT Sakshandsamar: Per Ernst Lundberg Arkivsak nr.: 2009/1777 Arkivkode: 223 Utvalsaksnr Utval Møtedato 157/09 Formannskapet YRKES OG KARRIEREDAGANE 2009 Administrasjonen si tilråding: Volda kommune sin del av finansiering av Yrkes- og karrieredagane 2009, kr ,-, vert å dekke frå kraftfondet slik: Utgiftsføring: teneste 3250, hovudpost overføring til andre Finansiering: teneste 3250, hovudpost finansieringsinntekter Begge på aktuelt ansvar og prosjekt ( ) Vedleggsliste: 1. Søknad motteke Evalueringsrapport regional Yrkesmesse Rapport felles profilering av yrke i kommunale sektor Yrkesmesse Uprenta saksvedlegg: Samandrag av saka: Prosjektgruppa for dei felles Yrkes- og karrieredagane 2009 (Yrkesmessa) søkjer om midlar frå kommunane til arrangementet. Eg rår til løyving frå kraftfondet som før. Saksopplysningar:

19 I november 2008 vart den første felles Yrkesmessa for Søre Sunnmøre arrangert i Herøyhallen. Formannskapet gjorde i sak 104/08 slikt vedtak i høve løyving til det tiltaket: 1. Volda kommune sluttar seg til regionrådet sitt vedtak i sak 29/09 om felles Yrkesmesse for Søre Sunnmøre. Volda kommune har ingen merknader til at felles messe vert arrangert hausten Kommunen sin kostnader i samsvar med budsjett, kr ,-, vert dekka ved bruk av kraftfond/næringsfond. 3. Volda kommune ber om å få framlagt evalueringsrapport etter 1. felles messe for å vurdere vidare framhald av felles messe Vedlagt følgjer evalueringsrapport frå messa (vedlegg 2). Vedlagt følgjer også rapport om arbeidet med felles kommunal profilering av på messa (vedlegg 3). Det ligg no føre søknad frå arbeidsgruppa om midlar til å arrangere det som no vert kalla Yrkes- og karrieredagane 2009, jfr. vedlegg 1. Nytt i år er altså at den tradisjonelle Yrkesmessa vil bli slått saman med Karrieredagane, som er eit satsingsprosjekt i regi av Møre og Romsdal Fylke, utdanningsavdelinga. Samanslåinga vert derfor sett på som eit pilotprosjekt for bruk i resten av fylket frå neste år dersom avviklinga vert vellykka. Eit sentralt krav frå fylket er at det skal lagast ulike aktivitetar spesielt retta mot 10. klasser i dei sju kommunane på Søre. Nytt er også at elevane på 10. trinn skal delast mellom messa i Herøyhallen og Høgskulen i Volda. Dette gir sjølvsagt nye logistiske utfordringar i forhold til tidlegare år. Vidare er styringsgruppa heilt klare på at presentasjonen av regionen og karrieremuligheitene også skal omfatte alle trinna på vidaregåande skule Arrangementet er altså eit samarbeid mellom offentlege institusjonar (kommunar, vg.skular, høgskular m.fl.) og næringslivet i regionen, der elevane skal få kunnskap om utdanningsløp og karrierevegar. For kommunesektoren har regionrådet finansiert eit profileringsprosjekt kalla einavdei, om kvardagsheltane i kommunesektoren. Målsettinga er å orientere om og gjere det attraktivt å søkje seg jobb i kommunane. Det er laga ei eiga heimeside, der det er omtale om det å jobbe i kommunane, samt linkar til ledige stillingar. Kommunesektoren gjorde seg såleis godt gjeldande på årets messe. Vurdering og konklusjon: Det er viktig å ha fokus på rekruttering til næringsliv og offentlege forvaltning, sameleis som det er viktig at elevane i målgruppa så langt mogleg gjer rette utdanningsval. Yrkes- og karrieredagane 2009 eit av virkemidla i så måte. Eg rår til at Volda kommune sin del av finansieringa, kr ,- vert dekka frå kraftfondet. Helse og miljøkonsekvensar: Eit slikt felles tiltak for søre vil vere med på å forsterke bu- og arbeidsmarknadsregionen, slik at ungdomen kan få hjelp til gjere rett val slik at dei på sikt kan trivast og takle kvardagen på beste måte. Dette er ikkje minst viktig i eit folkehelseperspektiv. Økonomiske konsekvensar: På kraftfondet er det no disponibelt kr ,-. Pr vert fondet tilført om lag kr ,-. Etter vedtak i kommunestyret om midlar til kulturnæringshagen vil det

20 såleis vere kr ,- til disposisjon på fondet til andre tiltak for 2010 om formannskapet løyver midlar til Yrkes- og karrieredagane som omtalt. Beredskapsmessige konsekvensar: Ingen Jarle B Krumsvik adm. sjef Utskrift av endeleg vedtak: Yrkes- og karrieredagane 2009 v/øystein Selvåg Mjølstadneset, 6092 Eggesbønes Økomomiavdelinga-rekneskapsseksjonen, v/gll Samordning- og utviklingsstaben v/ae Klageinstans: Kommunestyret

21 VOLDA KOMMUNE SAKSDOKUMENT Sakshandsamar: Per Ernst Lundberg Arkivsak nr.: 2009/1883 Arkivkode: N02 Utvalsaksnr Utval Møtedato 158/09 Formannskapet RUTEENDRINGSPROSESSEN 2010 Administrasjonen si tilråding: 1. Volda formannskap krev at dagen kollektivtilbod vert oppretthalde, og vonleg styrka. 2. Formannskapet ber samferdselsavdelinga syte for at transportørane på land og sjø samordnar rutene sine slik at dei kan kome krava frå Grendalaga i møte så langt råd er, jfr. vedlegg 2 og 3. Vedleggsliste: 1. Brev av frå Møre og Romsdal fylke, samferdselsavdelinga 2. Brev av frå Lauvstad og Velsvik Grendautvalg 3. Brev av frå Folkestad Grendautval 4. F-sak 156/08: Ruteendringsprosessen Grunngjeve spørsmål av m/vedlegg frå SV v/ingrid Opedal til ordføraren til kst. møte Ordføraren sitt svar av Om ordninga Kollektivtransport i distrikta Uprenta saksvedlegg: Samandrag av saka: Nok ein gong får kommunen melding frå fylket om at prosessen omkring kollektivrutene er sett i gang. I den grad kommunane ynskjer ruteendringar må desse finansierast innafor eksisterande økonomiske rammer. Saksopplysningar:

22 Som vanleg er dei siste åra får kommunane om hausten melding frå fylket om at prosessen omkring kollektivrutene er sett i gang. I den grad kommunane ynskjer ruteendringar må desse finansierast innafor eksisterande økonomiske rammer, og det blir såleis bede om at kommunane har ein prioritet i sine innspel (kva er viktigast), jfr. vedlagde brev frå fylket av (vedlegg 1). Eg har bede aktuelle grendelag/-utval om fråsegn i høve saka, og vi har motteke svar frå to av dei: Lauvstad og Velsvik Grendautvalg (vedlegg 2) Folkestad Grendautval (vedlegg 3) Begge desse fråsegnene tek opp problem med korrsepondansar mellom buss og ferje, og eg ser klart trongen for dei forslag til endringar som her vert teke opp. Dette kommenterte eg også i sak 156/08, slik: Før i tida vart det halde rutekonferansar, der samordning av ferje- og bussruter vart drøfta regionalt. Det var i den tida at fylket hadde monopol på ferje- og bussdrifta. Det gode med dette var at ein i desse konferansane langt på veg fekk til omforeinte vedtak om ruter, ikkje minst korrespondansar. Eg kunne tenkje meg at samferdselsavdelinga/-utvalet tek opp att dette med regionale rutekonferansar i staden for berre å sende eit brev om innspel, som i denne saka. Kommunikasjonar er så viktig for lokalsamfunna at dette bør einingsfylket som lokal utviklingsaktør ta skikkeleg tak i m.a. gjennom kommunikative prosessar med kommunar og lokalsamfunn som omtalt. Slike konferansar er altså ikkje halde i løpet av dette året heller. Etter krav frå kommunen (og andre) kom rute 392 Åmelfot -Dalbygd-Folkestad inn att på rutenettet i 2009, med ei rute kvar fredag (utført med maxitaxi). Eg reknar med at denne ruta held fram. Eg reknar elles med at kravet frå tidlegare om at ingen bussruter vert endra til ugunst for lokalsamfunna i høve dagens situasjon, vert oppretthalde. I desse tider med utfordring i høve klimakutt, må det satsast på kollektivtransporten, jfr. tidlegare krav om betra kollektivsamband gjennom Eiksundtunnelen. Eg viser i denne samanheng til det grunngjeve spørsmålet frå SV i siste kommunestyremøte om dette, og til ordføraren sitt svar. Ho seier i svaret at ho vil be om at saka vert sett på dagsorden i regionrådet sitt møte Saka er sett på saklista til regionrådet, og rådet si handsaming vil verte referert i formannskapet sitt møte 14.12, slik at formannskapet i sitt vedtak kan ta omsyn til det regionrådet kjem fram til Vurdering og konklusjon: Ut frå innspela vi har motteke frå grendalaga, er det trong om ei betre samordning av kollektivtransporten, jfr. vedlegg 2 og 3. Eg støttar opp om dei synspunkt som her kjem fram. Vidare er det trong om vesentleg betre kollektivtilbod gjennom Eiksundtunnelen, jfr. spørsmålet frå SV og ordføraren sitt svar. Eg reknar med at Regionrådet følgjer opp denne saka. Resultatet herfrå vil formannskapet få lagt fram i møtet Helse og miljøkonsekvensar: Det er eit overordna mål å få fleire til å nytte offentleg kommunikasjon, ikkje minst av omsyn til miljøet. Såleis må det offentlege legge til rett for betra tilbod, som også må ta omsyn til universell utforming.

23 Økonomiske konsekvensar: I fall det vert semje om å søkje om KID-midlar, kan kommunen sine utgifter bli om lag kr ,- slik det er skissert i SV sitt forslag til søknad om KID-prosjekt. Dette er ikkje med i budsjettforslaget for Eg er framleis av den meining at det er fylket som bør dekke lokal eigenandel til KIDprosjekt, då det er fylkeskommunen som er ansvarleg for kollektivtransporten i distrikta. Beredskapsmessige konsekvensar: Betra offentlege kommunikasjonar vil gjere beredskapen sikrare. Jarle B Krumsvik adm. sjef Utskrift av endeleg vedtak: Møre og Romsdal fylke Samferdselsavdelinga 6404 Molde Fjord1 Buss Møre AS Furene, 6100 Volda. Fjord1 MRF 6405 Molde Tide ASA postboks 6300, 5893 Bergen

24 VOLDA KOMMUNE SAKSDOKUMENT Sakshandsamar: Arne Gotteberg Arkivsak nr.: 2009/2113 Arkivkode: G00 Utvalsaksnr Utval Møtedato 160/09 Formannskapet VOLDA SJUKEHUS SI ROLLE - UTTALE TIL HELSE SUNNMØRE OG HELSE MIDT-NORGE VEDK. FUNKSJONSFORDELING FOR SJUKEHUSA Administrasjonen si tilråding: 1. Volda kommune er urolege for akuttfunksjonane ved Volda Sjukehus. Volda kommune sluttar seg til dei synspunkt som går fram av framlegget til uttale og ber om at Styret for Helse Sunnmøre og Helse Midt-Norge tek omsyn til dette i det vidare arbeidet 2. I lys av samhandlingsreforma, må focus for utgreiingsarbeidet justerast frå eit sentraliseringsperspektiv til å focusere på mulegheitene og framtidig utviklingspotensiale for Volda Sjukehus sine akuttfunksjonar, tryggleiksbase og ytarar av effektive, rimelege og fagleg gode tenester for dei vanlege sjukdomstiltandane. Dette må vere ein viktig del av Startegiarbeidet vidare 3. Volda kommune ber om at Styret for Helse Sunnmøre og Helse Midt-Norge verken no eller seinare gjer vedtak som sår tvil om eller undergrev Volda Sjukehus sin rolle som akuttsjukehus Vedleggsliste: Innspel frå Volda kommune i høyringsrunde til Arbeidsgruppe om lokalsjukehusenes akuttfunksjoner i en samlet behandlingskjede Framlegg til uttale: Volda kommune har med stor uro følgd debatten og prosessane rundt ressurstildeling til, og organisering av, sjukehuset i Volda. Nedskjæringar og underbemanning i høve faktisk arbeidsmengde og oppgåver har alt no skapt vanskelege arbeidstilhøve og usikkerheit blant tilsette. Dette kan synes å ha aksentuert seg i forbindelse med rapportar frå og avisomtale om planarbeide Strategi Helse Sunnmøre Det blir hevda med tyngde at krefter no ønskjer å endre arbeidsfordelinga mellom sjukehusa på Sunnmøre innan kirurgi/ortopedi og fødselshjelp, og at Volda sjukehus i så fall vil kunne miste store delar av akuttilbodet.

25 Det kan visast til avisartiklar med t.d. følgjande innhald - Akuttkirurgien ved Volda Sjukehus er no truga - Fødeavdelinga ved Volda Sjukehus vil kunne bli omgjort til jordmordreven fødestove Dette skapar igjen usikkerheit for befolkninga i den regionen som soknar til sjukehuset No må det seiast at dette er fagleg/administrative rapportar som først i dag er lagt ut offentleg framføre behandling i Styret for Helse Sunnmøre Utfallet av behandlinga der er uviss då det ikkje ligg føre noko framlegg til vedtak Kommunen finn det rett å kome med følgjande synspunkt til Styret for Helse Sunnmøre og Helse Midt-Norge: Volda kommune har ved mange høve gitt innspel og høyringsuttaler om kor viktig det er å bevare og vidareutvikle eit velfungerande lokalsjukehus med akuttfunksjonar for Søre Sunnmøre. Seinast kom Volda kommune med innspel i høyringsrunde Om lokalsykehusens akuttfunksjoner i en samlet behandlingskjede (Vedlagt) Kommunen understreka sterkt kva Minimumsstandard for lokalsjukehusa sin akuttfunksjon det må stillast krav om. Det blei også sagt at det avgjerande punkt for å sikre at lokalsjukehusa skal vere reelle sjukehus er at dei er i stand til å gi reelle akuttmedisinske tenester. Dette tilbodet må gjelde heile døgnet og heile året. Intakte akuttfunksjonar er den viktigaste og heilt avgjerande faktor for å sikre at Volda Sjukehus i framtida skal vere eit reelt og velfungerande sjukehus slik vi kjenner det no og slik befolkninga trenger det. All erfaring frå andre sjukehus både i innland og utland viser at når disse funksjonane blir fjerna sluttar sjukehusa å fungere som reelle sjukehus. Med dei metrologiske og geografiske tilhøve vi har her, er det heilt naudsynt å oppretthalde Volda Sjukehus som eit reelt akuttmedisinsk tilbod mellom Førde og Ålesund Vi oppmodar Styret for Helse Sunnmøre og Helse Midt Noreg verken no eller seinare å gjere noko vedtak som kan reise tvil om dette Med nye kommunikasjonar har regionen vår styrka seg. Vi ser den betydninga Eiksundsambandet har hatt for regionen m.a med betydeleg auke både i bil og flytrafikk og sterk auke i bruken av sjukehuset. Snart får vi også Kvivsvegsambandet. Nye kommunikasjonar og nye reisemønster gjer oss til ein enno sterkare region. Når ein investerer så mykje i kommunikasjonar og samferdsle slik at Volda Sjukehus vil kunne bli førstevalg for mange fleire mennesker, virkar det underleg om andre sektorar skulle tenkje seg å ta bort akuttfunksjonar frå dette. Eit velfungerande akuttsjukehus er eit av dei aller viktigaste element i ein velfungerande region. Regionen vil kjempe for dette som eit av dei mest sentrale mål for regionalpolitikk og utvikling, jamf. også uttale frå samtlege fastlegar i det 7 kommunane på Søre Sunnmøre. Den unike breiddekompetansen Volda Sjukehus har, gjer at primærlegane meiner at dei trygt har kunna leggje inn uavklarte problemstillingar på sjukehuset fordi all erfaring tilseier at sjukehuset har kompetanse til på ein fullt betryggande måte å diagnostiserer og avklarar tilstanden. Mange av desse pasientane blir på ein fullverdig måte behandla der. Men når det trengst, vert dei sende vidare til Ålesund eller Trondheim

26 Det er ei kritisk grense for kor mange funksjonar ein kan fjerne frå eit sjukehus. Vi står ovanfor ei viktig Samhandlingsreform. Reforma skal m.a sikre betre samhandling mellom førstelinje (kommunar) og andrelinje (sjukehus) Noko av målsetjinga er at utvalde pasientkategoriar skal kunne behandlast fullt betryggande på lavast effektive omsorgsnivå i god samhandling mellom kommune og sjukehus. Ålesund sjukehus er eit svært godt sjukehus. Men samhandling vil bli mykje vanskelegare når avstanden blir større. T.d legg Samhandlingsreforma opp til at fleire pasientar skal kunne sleppe sjukehusinnleggingar om dei enkelt poliklinisk kan få gjort spesialiserte undersøkingar Ein heilt sentral tanke i Samhandlingsreforma er at utvalde pasientkategoriar skal behandlast på lågaste effektive omsorgsnivå. Dette må då ikkje berre gjelde mellom kommune og sjukehus men også innanfor dei ulike sjukehusnivåa? Ein snakkar om at det er heilt naudsynt å spare utgifter i Helse-Norge.Difor vil ein i Samhandlingsreforma flytte over ein del behandling frå sjukehus til kommunalt nivå. Men kvifor går utviklinga den diametralt motsette vegen innanfor sjukehusa? Heile utviklinga går her på å løfte fleire og fleire pasientar frå det lavast effektive og rimelegaste behandlingsnivået til høgast spesialiserte og dyraste nivået. Samstundes løfter ein pasientane lenger og lenger bort frå nærmiljøet med framandgjering og sterkt aukande reise og ambulanseutgifter. Vi må snarast begynne å vurdere om ikkje God nok kvalitet nær der folk bur, for dei fleste tilstandar er viktigare enn å streve etter maksimal medisinsk kvalitet på dei store sjukehusa? Jamf. den nasjonale britiske satsinga Keep Health Service Local Dette bør utgreiast som ein obligatorisk del av Strategiarbeidet og Samhandlingsreforma vidare. Vi undrar oss over og er urolege for at prosessen tilsynelatande går så raskt i Helse Sunnmøre. Helse Midt-Norge har også påbegynt eit strategiarbeide. Så viktige samfunns- og helsepolitiske spørsmål kan ikkje overlatast til ekspertar, administratorar og heller ikkje til Styra for Helseføretaka aleine. Dette handlar i høgste grad også om å involvere politikk, demokrati og kommunal helseteneste Som ein ser har kommunene og regionane sterke og vektige synspunkter som vi finn å bringe inn i prosessen alt no og som vi ber Styret for Helse Sunnmøre og Helse Midt-Norge å ta omsyn til i det vidare arbeidet Jarle B Krumsvik adm. sjef Arne Gotteberg kommuneoverlege/fagsjef Utskrift av endeleg vedtak: Helse Sunnmøre HF ved styret Helse Midt-Norge Strategi 2020