VINDAFJORD KOMMUNE SAKSPAPIR

Transkript

1 VINDAFJORD KOMMUNE SAKSPAPIR SAKSGANG Styre, utval, komite m.m. Møtedato Saksnr Sakshands. Formannskapet /12 INJ Avgjerd av: Saksansv.: Ingrid Johannessen Arkiv: K2-L12, Gnr.Bnr-276/2,4 Objekt: Arkivsaknr 11/2528 FØRSTE GONGS HANDSAMING DETALJREGULERING FOR MASSEUTTAK - FIKSE AUST Dokumentliste: Nr T Dok.dato Avsendar/Mottakar Tittel 1 I Omega IAT AS SØKNAD OM Å STARTE REGULERINGSARBEID FOR MASSEUTTAK - GNR. 276/2 3 U Omega IAT OPPSTART AV REGULERINGSPLANARBEID FOR MASSETAK PÅ FIKSE 4 I Omega IAT HØRING - VARSEL OM PLANARBEID OG UTLEGGING AV PLANPROGRAM 5 I Direktoratet for mineralforvaltning VARSEL OM DETALJREGULERING AV MASSETAK PÅ FIKSE AUST I VINDAFJORD KOMMUNE OG HØYRING AV PLANPROGRAM 6 I Fylkesmannen i Rogaland - Miljøvernavd. UTTALE TIL VARSEL OM PLANPROGRAM OG REGULERINGSPLAN FOR MASSETAK 276/2, 4, 16 OG 20/10 FIKSE 7 U Omega IAT UTTALE TIL VARSEL OM PLANPROGRAM FOR REGULERINGSPLAN- MASSETAK PÅ FIKSE 8 I Omega IAT AS UTVIDELSE AV PLANOMRÅDET. MASSETAK FIKSE 10 I Direktoratet for mineralforvaltning VARSEL OM UTVIDING AV PLANOMRÅDE PÅ FIKSE AUST 11 I Etne kommune TILBAKEMELDING VEDK OPPSTART AV PLANARBEID FOR MASSETAK FIKSE OG UTVIDING AV PLANOMRÅDET 12 I Statens vegvesen Region Vest E134. REGULERINGSPLAN - GNR.275/4 OG 16 GNR. 20/10 - MASSETAK FIKSE AUST 14 I Mesta Eiendom AS TILSVAR TIL REGULERINGSPLANER G.NR.276,B.NR.2 I VINDAFJORD KOMMUNE OG MASSEUTTAK FIKSE VEST.

2 13 I Statens vegvesen REGULERINGSPLANARBEID MASSEUTTAK - FIKSE AUST - GNR 276, BNR 2 OG 4 - AVKLARING AV ADKOMST TIL E I Direktoratet for mineralforvaltning FORSLAG TIL PLANPROGRAM FOR KONSEKVENSUTREDNING OG DETALJREGULERING 16 I Omega areal AS INNKOMNE PLANFORSLAG 19 I Omega Areal ROS-FIKSE 20 I Omega Areal PLANSKILDRING- OPPDATERT I Omega Areal KONSEKVENSUTREDNING Aktuelle lovar, forskrifter, avtalar, reglement m.m.: Plan- og bygningslova Saka gjeld: Første gongs handsaming av utkast til detaljreguleringsplan for masseuttak på Fikse aust. Formålet med planarbeidet er å legge til rette for å starte med masseuttak for knusing av stein til ulike fraksjonar. Saksopplysningar: Planområdet ligg på austsida av E 134, er om lag 77 da og ligg på gnr 276 bnr 2,4, 12 og 16. Tiltakshavarar for planen er Åsbø Sanddrift AS og Tveit Maskin AS. Oppstart av planarbeid, saman med forslag til planprogram, blei sendt offentlege mynde, naboar og grunneigarar til uttale i brev datert Det vart også annonsert i Grannar og Haugesunds avis, lagt ut på kommunen sine nettsider og til offentleg ettersyn på rådhuset i Ølen og på Teknisk bygg i Sandeid. Uttalefrist var sett til Uttalar til planprogrammet og til varsel om oppstart av planarbeidet er oppsummert og kommentert av Omega Areal i planskildringa som ligg ved saka. Viktige problemstillingar som blir trekt fram er m.a. tilhøve til ny trase for E 134, kryssløysing med E 134 samt støy og støv tiltaket vil generere. I det følgjande er dette tatt opp til vurdering. Vurdering: PLANSTATUS I føresegnene til kommuneplanen har ein stilt følgjande krav: - I område for nye og for utviding av eksisterande masseuttaksområde er det krav om godkjent reguleringsplan før utbygging. - kommunen kan krevje ei eiga konsekvensutgreiing før godkjenning av nye uttak. I tillegg til dette er følgjande retningsliner utarbeida: - ved all råstoffutvinning skal det frå starten av setjast av midler til tilbakeføring og tilsåing av utnytta område, som seinast skal skje eit år etter at drifta er avslutta. - masseuttak skal planleggjast slik at det blir minst mogleg innsyn i brotet. Området som reguleringsplanen er utarbeida for, ligg innanfor LNF-område i gjeldande kommuneplan. Då tiltaket derfor er i strid med overordna plan, er det stilt krav om planprogram ( vedteke i formannskapet, sak 50/12) og konsekvensutredning. Føresegner i kommuneplanen må vere gjeldande i tillegg til desse krava. Då eit masseuttak vil vere eit

3 stort naturinngrep, er det særskilt viktig å få fram miljøverknader av verksemda, både i driftsperioden og etter at drifta er avslutta. Planprogram vart vedteke i Vindafjord formannskap , sak 50/12. Innlevert planforslag følgjer i hovudsak vedteke planprogram, men administrasjonen har bedt om utfyllande ROS-analyse og ytterlegare vurdering av konsekvensar masseuttaket har for skogbruk, trafikk, bustadmiljø, friluftsliv og skytebanen. Vedlagt følgjer innsendt oppdatert planskildring, KU, plankart, føresegner og ROS-analyse. KONSEKVENSAR FOR MILJØ Natur/miljø Det går fram av konsekvensutgreiinga at ein har nytta temakart Rogaland (Rogaland fylkeskommune) og Naturbasen (Direktoratet for naturforvaltning) ved vurdering av biologisk mangfald. Det er ikkje gjort funn som tilseier at tiltaket kjem i konflikt med biologisk mangfald. Det er gjort ei eiga vurdering av naturmiljøet. Det er konkludert med at lokaliteten ikkje fell inn under kriteria for verdifulle naturtypar. Området synes rett nok å inngå i leveområde for hjortevilt, hare og rev, men viktige trekkvegar for hjorten vil ikkje bli rørt. Strekninga E134 mellom Olalivegen og over Fikse mot Etne har stor risiko for påkjørsler av hjortevilt som kryssar vegen. På Vindafjordsida følgjer hjorten særleg skogsvegen som kjem ned frå aust nedanfor vegstasjonen og kryssar E134 her, men der er og ferdsel av hjortedyr i og gjennom planområdet. Ein må forvente at trekkrutene for hjort og rådyr, og dermed kryssingspunkta over E134, vil bli påverka av masseuttaket. Konsekvensanalysen viser til observerte spor etter hare og rev i planområdet. Erling Lien opplyser om tidlegare observasjon av tiur i ytterkanten av planområdet mot aust, samt førekomst av mår. Sikring av bruddkant blir viktig av omsyn til dyr i området. Vindafjord kommune er elles ikkje kjent med andre førekomstar av sårbare naturtypar eller artar i området. Ut frå den kunnskap som er kjent finn ein ikkje at tiltaket kjem i konflikt med biologisk mangfald Eit masseuttak vil alltid vere eit stort landskapsinngrep. Det er planlagt ein 5 m høg vegetasjonsskjerm mot E 134. Denne vil hindre innsyn frå veg. Tiltaket er ikkje reversibelt. Skade på landskap og naturmangfald kan ikkje rettast opp, men terrenginngrep kan gjerast mest mogleg skånsamt. Store landskapsendringar vil føre til endringar i avrenning. Ved ekstreme nedbørsmengder må eksisterande vassdrag ha tilstrekkeleg kapasitet. Dette er vurdert å ikkje vere eit problem. Støy Tiltaket vil generere meir støy i tillegg til eksisterande støykjelder som skytebanen og E 134. Støyen frå masseuttaket vil variere over tid etter kvart som terrenget endrar seg i takt med uttaket. Uttaket ligg ca 200 m frå næraste bustadhus på andre sida av E 134. Vegetasjonsskjermen mot vegen skal vere 5 meter høg og vil skjerme noko for støy. Etter kvart som uttak av stein aukar, vil bustadane bli meir eksponert for støy frå eksisterande skytebane. Som avbøtande tiltak overfor skytebanestøy, har ein sett av delar av terrenget innanfor planområdet som støyskjerm. Dette gjer at skytebanestøyen er berekna å ikkje overskride grenseneverdiane for støy. Støyrapporten viser at støyen frå drifta av masseuttaket ikkje vil overstige tillatne grenseverdiar i høve til bustadar/fritidsbustadar. Det følgjer av forureiningsforskrifta 30-7 og føresegnene at tiltaket sitt bidrag til utandørs støy ved tilstøytende bustadar/fritidsbustadar ikkje skal overskride tillatne støygrenser. I driftsplan vil dette bli følgt opp med krav om målingar og føring av journal, jf KU. Føresegnene skal også ivareta tider for drift av masseuttaket.

4 Støv Drift av masseuttaket vil skape støv og støvflukt. Særskilt vil dette vere eit problem i tørre periodar og vind vil forsterke problemet. Støv vil bli ført ut av masseuttaket og legge seg på vegetasjon og bygningar i området. Dess nærare støvkjelda dess meir støv. Støvet vil i ei viss grad sette farge på vegetasjonen, og frukt og bær kan få eit belegg som elles ikkje ville vore der. Det vil vere ei utfordring å få kontroll over så mykje støv som mogleg før det kjem på avvegar. Dette kan gjerast med innebygging av støvkjelda slik at ho blir mindre utsett for vind og ved å føre til vatn som bind støvpartiklane og hindrar støvflukt. Størst mengd støvflukt vil ein truleg få på vinteren med tørre periodar med frost som hindrar bruk av vatn til støvdemping. Slike periodar er vanlegvis få og korte i vår del av landet. Som del av driftsplanen og igangsettingsløyve skal det leggast fram dokumentasjon på korleis støvflukt skal hindrast ( behov for støvavsug med reinsing, innebygging av utstyr og vatning av anlegg skal vurderast). Nedbøren vil vaske overflata i masseuttaket og ta med seg finstoff. Masseuttaket må derfor ha kontroll med avrenning for at ikkje store mengder støv skal førast ut i bekker i området. For å førebygge utslepp av suspendert stoff til vassdraga er det føreslått at verksemda etablerar sedimenteringsbasseng for alt overflatevatn, jf KU. Driftsplanen skal følgje dette opp. KONSEKVENSAR FOR SAMFUNN Infrastruktur (veg og trafikk) E 134 har i dag ein ÅDT på ca Fartsgrensa på strekninga forbi planområdet er 80 km/t. Masseuttaket vil skape ein YDT mellom 12 og 18 køyretøy via felles kryss som også skal tene Fikse skytebane og næringsareal i Etne kommune. Vegkryss generelt aukar risikoen for trafikkulukker. Her er i tillegg snakk om tunge køyretøy som kjem seint opp i fart. Det vil auke risikoen ytterlegare. Det er ikkje ønskjeleg med mange avkøyringar i området. Eit planlagt masseuttak på vestsida av E 134 treng avkøyring, Mesta har godkjent avkøyring til sin eigedom og eit næringsareal i Etne kommune har godkjent avkøyring. Sistnemnde kryss er ikkje opparbeida. Statens vegvesen har vurdert planane for masseuttak ( Fikse vest og aust) samla. Dei har konkludert med at omsøkte masseuttak kan få ei midlertidig avkøyring i regulert kryss til næringsområde i Etne kommune. Det er sett ei avgrensing på 30 YDT i krysset inntil det føreligg ei permanent løysing gjennom planen for ny trase for E 134. Omega Areal har lagt til grunn val av kryssløysing i samsvar med Statens vegvesen si vurdering. Føresegner stiller rekkefølgjekrav til opparbeiding av kryss. Eit masseuttak vil også skape trafikkauke på fellesvegen (som ikkje inngår i denne planen) inn til planområde og Fikse skytebane. Denne vegen har låg standard. Regulert veg frå fellesveg og inn til og i planområdet er regulert til 6 m. Trase for ny E 134 er ikkje fastlagt. Vegvesenet krev at plan for masseuttaket må ha føresegner som avgrensar driftsperioden og dermed ikkje kjem i konflikt med ev ny trase for E 134. Det skal i plankartet vere ei omsynssone på 50 m frå midten av dagens trase og austover, og tilsvarande føresegner som følg dette opp. Busetnad Næraste bustad ligg om lag 200m frå planlagt bruddkant i sørvest. Masseuttaket vil skape støy for bustadane i området i form av anleggstrafikk, boring, sprenging og steinknusing. Desse bustadane er eksponert for trafikkstøy frå E 134. Også skytebanen, samt eit eksisterande mindre masseuttak i nærleiken av skytebanen, er støykjelder i området i dag. I tillegg er det under planlegging ytterlegare eitt masseuttak på vestsida av E 134. Næring (skogbruk) Planområdet er i gjeldande kommuneplan avsett til LNF-formål. Området er i hovudsak skogkledd. Av skogbruksplanen for kommunen kjem det fram at skogen i planområdet består

5 av produksjonsskog av furu på låg bonitet, i blanding med lauv, samt 14 dekar gran på middels bonitet (ca. 25 år). Det er innslag av små myrområde i planområdet. Med utgangspunkt i boniteten i området i dag (låg) vil det ved ev. krav om tilbakeføring til LNFområde vere mest aktuelt med reetablering med dei naturleg førekommande treslag, som furu og lauvtreartar. Korleis massane vert fordelt på feltet og fuktighetstilhøva etter avslutta drift vil ha betyding her. Friluftsliv Planområdet grenser til og omfattar ein liten del av eit regionalt friluftsområde i aust (Olalia området). I realiteten er det den austre haugen i masseuttaket som inngår i friluftsområdet. Kraftlina som går på austsida av haugen fungerar kanskje som ei meir naturleg avslutning på friluftsområdet. Kulturminne Tiltaket rører ikkje ved viktige kulturlandskap. Det er heller ingen kjente fornminne eller kulturminne i området. Risiko- og sårbarheitsvurdering Til planforslaget er det utarbeida ein ROS-analyse ( som er vedlagt saka). Den har avdekka risiko for nokre uønska hendingar. I dei tilfelle der ein har funne ei viss sannsynlegheit for uønska hending samanfallande med at konsekvensane av denne hendinga er meir enn ubetydeleg ( dvs gult område), har planforslaget lagt opp til følgjande førebyggjande og/eller skadeavgrensande tiltak: - Trafikksikring: utforming av vegkryss i tråd med Statens vegvesen sine krav ( jf føresegnene 2, pkt 2.1) - Fare for fallulukker: masseuttaket skal vere sikra med to meter høgt gjerde ( jf føresegnene 1, pkt 1.2) - Forureining: o tilsyn med dreneringssystem for å hindre avrenning til drikkevasskjelder, levering til godkjent mottak eller reinsing ved hjelp av sedimenteringsbasseng dersom vasskvaliteten i vassdraga blir påverka. o La all eksisterande vegetasjon innanfor vegetasjonsskjerm stå som o støydempande tiltak tiltak som reduserar støvutslepp, ( behov for støvavsug med reinsing, innebygging av utstyr, vatning av anlegg og sedimenteringsbasseng skal vurderast i samband med utarbeiding av driftsplan). - Sprengingsulukker: Utarbeide retningsliner for sprenging i samarbeid med kraftselskap Oppsummering Ei konsekvensutredninga skal vurdere konsekvensar for miljø og samfunn. Ein har ikkje funne vesentlege konsekvensar for natur, miljø, friluftsliv og næring. Bustadar/fritidsbustadar vil merke støy frå masseuttaket. E 134 har ein ÅDT på Masseuttaket vil skape meir tungtrafikk og dermed større fare for ulukker i samband med dette. Ei lokalisering av masseuttak på Fikse gir korte transportavstandar til forbrukarane i regionen. Dette gjer økonomien i prosjektet betre og utslepp av klimagassar mindre. At det er svært få bustadar i området er av betyding for tiltakets plassering. Planen med føresegner legg opp til ei drift av masseuttaket som skal få minst mogleg konsekvensar. Hovudkonklusjonen i konsekvensutgreiinga er at lokaliteten ikkje fell inn under kriteria for verdifulle naturtypar. Landskapsinngrepet er ikkje reversibelt, men val av driftsopplegg, teknikk og lokalisering vil samla sett gi dei beste samfunnsmessige resultat, jf 12 Naturmangfaldslova. Rådmannen kan ikkje sjå at noko i planforslaget vil skape stor risiko, heller ikkje er konsekvensane av tiltaket så store at planforslaget er uforsvarleg.

6 Rådmannen tilrår at det vert gjort følgjande endringar i planforslaget: Plankartet: 1. Det skal regulerast omsynssone framtidig veg i eit belte på 50 meter frå midtlina på dagens E 134. Føresegnene: 2. I omsynssone for E 134 skal bygging av ny veg gå føre andre tiltak/interesser. Utvikling og drift av masseuttaket må elles tilpassast dei omsyn som nærleik til E 134 til ei kvar tid krev. RÅDMANNEN SITT FRAMLEGG TIL VEDTAK: Utkast til reguleringsplan for masseuttak Fikse vest vert lagt ut til offentleg ettersyn i samsvar med rådmannen si tilråding, pkt 1og 2. Planen vert lagt ut til offentleg ettersyn på vilkår av at tiltakshavar tek på seg ev kostnader med arkeologiske undersøkingar FORMANNSKAPET Rådmannen sitt framlegg til vedtak vart samrøystes vedtatt. FS-069/12 VEDTAK SAMRØYSTES: Utkast til reguleringsplan for masseuttak Fikse vest vert lagt ut til offentleg ettersyn i samsvar med rådmannen si tilråding, pkt 1og 2. Planen vert lagt ut til offentleg ettersyn på vilkår av at tiltakshavar tek på seg ev kostnader med arkeologiske undersøkingar.