Planskildring Detaljregulering for fortau Solbrekk kapell - Brekke

Transkript

1 Planskildring Detaljregulering for fortau Solbrekk kapell - Brekke Sauda kommune 8. januar 2016

2 Versjon Dato Skildring Utarbeidd av Kontrollert av Innsending av planforslag til Sauda ES EPS kommune - 2 -

3 Innhald 1 Samandrag Bakgrunn Føremålet med planen Forslagstiller, plankonsulent, eigartilhøve Krav om konsekvensutgreiing? Planprosessen Medvirkende prosesser, varsel om oppstart, evt. planprogram Planstatus og rammevilkår Overordna planar Gjeldende reguleringsplanar og tilgrensande planar Skildring av planområdet, eksisterande tilhøve Plassering av område Arealbruk i dag og tilgrensande arealbruk Kulturminne og kulturmiljø Trafikktilhøve Born sine interesser Universell tilgjenge Grunntilhøve Støytilhøve Skildring av planforslaget Planlagt arealbruk Gjennomgang av aktuelle reguleringsføremål Planlagde offentlege anlegg Universell utforming Trafikkløysing Landbruksfaglege vurderingar Kollektivtilbod Sosial infrastruktur Plan for vass- og avlaup samt tilknyting til offentleg nett Konsekvensutgreiing Grunngjeving til kvifor planen ikkje skal konsekvensutgreiast ROS analyse Verknadar/ konsekvensar av planforslaget Innkomne merknader Samandrag frå innkomne merknader

4 Fylkesrådmannen v/regionalplanavdelingen Fylkesrådmannen v/kulturavdelingen Statens vegvesen, Region Vest Knut Ingar Karlsen, 33/ Arnljot Fløgstad, 33/ Gunnhild Marie Åbø Hallingstad, 32/ Anja Huse og Inge Seim, 33/ Vidar Øvrebø, 32/ Avsluttande kommentar

5 1 Samandrag Omega Areal AS har på oppdrag for Sauda kommune utarbeidd eit forslag til detaljregulering for fortau langs Fv Delar av fylkesvegen er også regulert i nordaust for å tilpasse vegen best mogeleg eksisterande eigedomar og busetnad langs vegen. Det er frå tidligare regulert og bygd einsidig fortau langs fylkesvegen før og etter planområdet. Reguleringsplanarbeidet og tiltaket vil vere eit trafikksikringstiltak i området i samarbeid med Rogaland fylkeskommune. Hovudføremålet med planarbeidet er difor det regulerte fortauet. 2 Bakgrunn 2.1 Føremålet med planen Føremålet med planarbeidet er å betre høva for mjuke trafikkantar. Det skal regulerast fortau langs vegen for å blant anna å få ein tryggare skuleveg. 2.2 Forslagstillar, plankonsulent, eigartilhøve Sauda kommune er forslagstillar for dette planarbeidet. Omega Areal AS har på oppdrag fra Sauda kommune vore plankonsulent for utarbeidinga av planforslaget. I tabell under er det gjengitt ei liste over eigedomar som inngår i planområdet. Gnr. Bnr. Heimelshavar Vidar Øvrebø Gunnhild M Å Hallingstad Inghild Serina Espeland Rogaland Fylkeskommune / Statens vegvesen Region Vest Siv og Steinar Jørgensen Saudefaldene AS Anja Huse og Inge Seim Anders Ingvald Solbrekk 33 72, 77,117 Torunn Øverland 33 5 Arnljot Fløgstad Knut Ingar Karlsen Sauda kommune Rogaland Fylkeskommune / Statens vegvesen Region Vest - 5 -

6 2.3 Krav om konsekvensutgreiing? Området er av Sauda kommune vurdert til å ikkje utløyse krav om konsekvensutgreiing (KU), då fortau er vurdert til å vere i samsvar med føremålet i kommuneplanen. 3 Planprosessen 3.1 Medvirkende prosesser, varsel om oppstart, evt. planprogram Det er heldt innleiande møter med kommunen, og det har vore eit møte med Statens vegvesen for blant anna å avklare høvet til fylkesvegen, og kva som må leggast til grunn i det vidare planarbeidet. Grunneigarar, naboar og offentlege instansar vart varsla om oppstart av planarbeidet per brev med frist for å kome med innspel Oppstarten vart også annonsert på heimesida til Sauda kommune og Omega Areal AS, og kunngjort i avisa Ryfylke den Kunngjeringsannonse i avisa Ryfylke

7 4 Planstatus og rammevilkår 4.1 Overordna planar I kommuneplanen sin arealdel er området vist gjennomgåande med gang- og sykkelveg på sørsida av eksisterande fylkesveg, vist med stipla linje i kommuneplankartet. Utsnitt fra kommuneplanen for Sauda Kjelde: Gjeldende reguleringsplanar og tilgrensande planar Det er fleire eksisterande reguleringsplanar som grensar inn mot det nye planområdet. Varsla plangrense vil i begge retningar (aust og vest) gå noko inn i tilgrensane planområde. Gjeldende reguleringsplangrenser. Kjelde:

8 5 Skildring av planområdet, eksisterande tilhøve 5.1 Plassering av område Området strekker seg frå Solbrekk kapell i vest og til eksisterende boligområde, Brekke i aust. Området ligg i ein gåavstand på ca. 1.5 km fra sentrum i Sauda, og det ligg skular i nærområdet. Varsla planområde er på ca. 2.8 daa. 5.2 Arealbruk i dag og tilgrensande arealbruk Arealet består i dag av areal tilknytt fylkesvegen, hageareal til bustadeigedomar og terrengskråningar. Området er relativt tett utbygd med bustadar og murar på begge sider av fylkesvegen. Det er bygd fortau langs fylkesvegen både aust og vest for planområdet. Foto som syner tilhøva i dag. Kjelde: Omega Areal AS - 8 -

9 - 9 -

10 - 10 -

11 5.3 Kulturminne og kulturmiljø Det er ikkje kjende kulturminne eller -miljø innafor varsla planområde. 5.4 Trafikktilhøve Fylkesveg 714 ligg langs med planområdet, og er stadvis teken med i planområdet. ÅDT på vegen er oppgitt til 1600 i 2014, og andelen tungtrafikk er oppgitt til å vere 7%. Fartsgrensa på strekninga er 40 km/t. Det er tidligare registrert ei ulukke med utforkøyring like vest for Brekkekrysset, som medførte lettare skadar. Det er også registrert ei ulukke i krysset heilt nordaust for planområdet, der det har vore eit samanstøyt mellom to bilar, og ein person vart registrert alvorleg skada. Det ser ut for at fartsgrensa i området er sett ned sidan ulukkene fann stad. På delstrekninga omfatta av herverande plan er det ikkje eige tilbod for mjuke trafikkantar, og desse deler køyrebana med dei køyrande. Dagens tilhøve gjer det vanskeleg for mjuke trafikantar å bevege seg utanfor sjølve vegbanen, då det er murar og skråningar tett opp mot vegen. Det er i dag bygd fortau med breidde 2.5 meter både aust og vest for planområdet, og det er bussehaldeplassar i nærområda. 5.5 Born sine interesser Born nyttar vegen og arealet langs vegen til skuleveg, og som veg til sentrum og fritidsaktivitetar. Kommunen har difor sett eit behov for utviding av tilbodet for mjuke trafikantar langs fylkesvegen

12 5.6 Universell tilgjenge Fortauet vil følgje same stigning som fylkesvegen, der terrenget heller frå aust mot vest. Fylkesvegen har over delstrekninga ei stigning på inntil 10% (1:10) og tilfredsstiller ikkje krav til universell tilkomst på 5% (1:20). Likevel vil eit fortau føre til ei stor betring av trafikktryggleiken på denne strekninga som er omlag 280 m. 5.7 Grunntilhøve Området ligg delvis på eit platå og stig bratt opp ei fjellside i nordre kant, med følgjande aktsemdområde for snøskred. På nedsida av vegen heller terrenget sørover. Planlagt utbygging ligg i område like under marin grense og med registrerte lausmassar av tynn morene i grensa mot elveavsetning og breelvavsetning mot sør. Tidlegare arbeid med veg i området har ikkje avdekka stabilitetstilhøve som krev vidare utgreiing. 5.8 Støytilhøve Det er trafikkstøy fra vegen langs området, dette er også pårekneleg ved bygging av eit fortau

13 6 Skildring av planforslaget 6.1 Planlagt arealbruk Eksisterande Fv. 714 er justert for å tilpasse utvidinga av vegen med fortau best mogleg mot eksisterande busetnad og eigedomar langs vegen. Nytt fortau vil liggje på sørsida av fylkesvegen, men fylkesvegen er flytta noko nordover. Areala i plankartet er i hovudsak avsett til fortau med tilhøyrande areal for skjerings- og fyllingsutslag. For ein mindre del av strekninga i aust er det regulert vegføremål for å sikre kurvaturen i området mot Brekke. I tillegg er det sett av areal til midlertidig anlegg- og riggområde, med det permanente bustadføremålet under. Det er sett av areal til grøntareal knytt til veganlegga, og eksisterande avkøyrslar er regulert inn. 6.2 Gjennomgang av aktuelle reguleringsføremål Følgjande føremål er sett av i plankartet: Bygningar og anlegg (PBL 12-5, nr. 1) Sum (m 2 ) Bustader frittliggjande småhus, BFS Områda ligg som del av midlertidig anlegg- og riggområde og skal tilbakeførast etter endt drift. Det er ikkje tillate å føre opp bygningar i områda Samferdsle og teknisk infrastruktur (PBL 12-5 nr. 2) Sum (m 2 ) Fortau, SF Einsidig fortau langs sørsida av fylkesvegen. 715 Veg, SV Omfattar delar av eksisterande fylkesveg med utviding/ justering i vegtrasé, samt avkøyrsle til eksisterande bustadfelt sør for planområdet Køyreveg, SKV Eksisterande avkøyrslar i området. 195 Annan veggrunn grøntareal, SVG Avsett areal for grøft, skjerings- og fyllingsutslag Total sum Omsynssoner (PBL 12-6) Sum (m 2 ) Frisikt, H140 Området omfattar frisikt i kryss. 335 Bestemmelsesområde (PBL 12-7) Sum (m 2 ) Midlertidig anlegg- og riggområde, # Midlertidig areal for opparbeiding av veganlegga i planen

14 6.3 Planlagde offentlege anlegg Fylkesveg med tilhøyrande fortau og avkøyrsle til eksisterande bustadfelt i sør er regulert offentleg. 6.4 Universell utforming Då fortauet skal følgje den bygde fylkesvegen, har det ikkje vore mogeleg å leggje opp til universell stigning på maksimalt 5% (1:20). Dette har heller ikkje tilliggjande fortau. Til tross for dette er tiltaket eit svært positivt trafikksikringstiltak på strekninga. 6.5 Trafikkløysing Delar av fylkesvegen er regulert med dimensjonsklasse Sa2 med einsidig fortau og breiddeutviding. Det er nytta ei vegbreidd på 5.5 m i tillegg til 0.25m skulder mot fortau og 0.5 m skulder mot grøft. Fortauet ligg som del av fylkesvegen med dimensjonsklasse Sa2. Fortauet er regulert 2.5 m, der tilliggjande fortau i aust og vest også er bygd med slik breidd. Stigningstilhøva vil følgje eksisterande trasé for fylkesvegen, med mellom 2% og 10% stigning. Det har vore ein dialog med Statens vegvesen som etter nærare vurdering ikkje finn at det er behov for fråvikshandsaming av vegen med tanke på vertikal- og horisontalkurvatur på fylkesvegen. Normalprofil for Sa2 i vegvesenet si handbok N100. I samsvar med handboka kan ein ved arealknappheit anlegge einsidig fortau og avgrense med kantstein mot tomtegrensa på den andre sida av vegen. Dagens veg er ikkje bygd med kantstein, og det er heller ikkje naturleg å leggje opp til kantstein for denne delstrekninga. Det er dermed planlagt 0.5 m skulder mot grøft i staden. Normalprofil Sa2. Kjelde: Fylkesveg og avkøyrslar er planlagt i samsvar med håndbok N100. Som følgje av dette har eksisterande bustadeigedomar fått regulert si avkøyrsle med 3.5m breidd og med fast sirkelkurvatur mot fylkesvegen på 4.0m. Tilhøyrande frisikt er 3 x 45m. Avkøyrsla mot eksisterande bustadfelt i sør er regulert med vegføremål, og fører fram mot 11 einebustader (jf. matrikkelen til temakart-rogaland.no). Avkøyrsla er regulert med fast sirkelkurve på 9.0 meter mot fylkesvegen (som i 2014 hadde berekna ÅDT på 1600 jf. vegvesen.no/vegkart), og frisikt 4 x 45m. Tilkomstvegen til feltet ligg med dim. klasse A1 og totalt 5.0 meter vegbreidd. Dette stemmer også med dagens situasjon. Avkøyrsla er flytta noko nordover som følgje av justeringa i fylkesvegen, og er lagt med vertikalkurvatur som eit kryss. Det er i dag opparbeidd kryss lenger aust for planområdet som tener størstedelen av bustadfeltet på Brekke

15 Det er lagt til grunn eit sideareal på 1m utover teoretisk skjerings- og fyllingsutslag inkl. grøft, og minimum 2.0 meter frå vegkant. Dette arealet vil på nedsida av fortauet fylgje ei fyllingsskråning på 1:1.5. For opparbeiding av sideareala til vegen er det regulert eit midlertidig anleggsbelte som skal tilbakeførast etter endt anleggsdrift. Arealet er lagt til 4.0 meter og skal sikre tilstrekkeleg areal for anlegging av skråningen. Planområdet er følgjeleg utvida for å sikre areala lagt til grunn. Under areal for midlertidig anlegg- og riggområde er det regulert til bustadføremål i tråd med kommuneplanen. Det er dette føremålet som er permanent. Byggegrensa er lagt i føremålsgrensa, med føresegner som sikrar at det ikkje kan førast opp bygningar innafor arealet, også etter at anleggsdrifta er avslutta. 6.6 Landbruksfaglege vurderingar Område for bygging av fortau og justering av fylkesvegen ligg ikkje i område for, eller vil ha tyding for bruksareal knytt til skogsbonitet eller jordbruk. 6.7 Kollektivtilbod Planframlegget legg ikkje opp til eigne kollektivtiltak, men vil vere med på å betre tilgjenga og trafikktryggleiken fram til eksisterande kollektivtilbod i området. 6.8 Sosial infrastruktur Bygging av fortau vil vere med på å sikre trygg skuleveg for born som bur i omkringliggjande bustadområde. 6.9 Plan for vass- og avlaup samt tilknyting til offentleg nett Det vil ikkje vere naudsynt å legge opp til eigne tiltak for vass- og avlaupsanlegg som følgje av planframlegget. Anleggsarbeida må ta omsyn til eventuelle eksisterande kablar i fylkesvegen ved anlegging av fortau og justering av vegen. 7 Konsekvensutgreiing 7.1 Grunngjeving til kvifor planen ikkje skal konsekvensutgreiast I kommuneplanen sin arealdel er området vist gjennomgåande med gang- og sykkelveg på sørsida av eksisterande fylkesveg, vist med stipla linje i kommuneplankartet. Planframlegget er dermed i tråd med overordna plan, og vert ikkje fanga opp av oppfangskriteria for konsekvensutgreiing i KU- forskrifta

16 8 ROS analyse ROS- analysen er utført i samsvar med «Veileder for kommunal risiko- og sårbarhetsanalyser» utgitt av Direktoratet for sivilt beredskap (2010), Norsk Standard 5814:2008, «Veiledning om tekniske krav til byggverk» utgitt av Direktoratet for byggkvalitet (2010) og Fylkesmannen i Rogaland sin mal for ROS- analysar i arealplansamanheng. Sauda kommune har ikkje utarbeidd overordna ROS- analyse eller vedteke eigne akseptkriteriar. Omega Areal AS vil difor nytte eigne akseptkriterium og metode for rangering av sannsyn og konsekvensar i samsvar med dei nemnte rapportane. Det er laga ei sjekkliste ut i frå liste med farekategoriar der det er vurdert om kategoriane er aktuelle å kartleggje for det aktuelle planområdet eller ikkje. ROS- analysen konkluderer med at tiltaket vil sikre tryggleiken for mjuke trafikantar i området, og syner til tiltak med kommentarar som må innarbeidast i plankart med føresegner. 9 Verknadar/ konsekvensar av planforslaget I kommuneplanen ligg område for bygging av fortau i område for slikt føremål. Tiltaket vil dermed ikkje ha noko konsekvensar for arealbruken avsett i overordna plan. Framføringa av fortau langs denne delstrekninga på omkring 280 meter vil føre til inngrep i tilgrensande eigedomar som er naudsynt for å tileigne seg tilstrekkeleg areal for bygging av dette. Tiltaket er av slik trafikksikrande tiltak at areal er naudsynt å erverve for å hindre eventuelle ulukker i framtida. Det er gjennom ROS- analysen ikkje avdekka høve som etter ei vurdering representerer ei fare eller risiko for planlagt utbygging eller omliggjande nærområde

17 10 Innkomne merknader 10.1 Samandrag frå innkomne merknader Det er kome inn 3 merknader fra offentlege etatar og 5 frå grunneigarar i området. Kvar uttale er gjengitt og oppsummert nedanfor og gitt kommentar til. Merknadane ligg i sin heilskap som vedlegg Fylkesrådmannen v/regionalplanavdelingen Skriv at tiltaket er eit trafikksikringstiltak i samarbeid med Rogaland fylkeskommune. Ser positivt på planarbeidet, og skriv at Statens vegvesen ivaretek tekniske høve ved planarbeidet på vegne av fylkesrådmannen. Vår kommentar Vi har hatt kontakt med Statens vegvesen vedrørande dei tekniske høva Fylkesrådmannen v/kulturavdelingen Fylkesrådmannen ser ut i frå deira arkiv at tiltaket ikkje vil vere i konflikt med automatisk freda kulturminne, og har på det grunnlaget ingen merknader til planarbeidet. Gjer merksemd på at sjølv om det per i dag ikkje er kjende kulturminne innafor området, så kan det vere hertil ikkje kende kulturminne som kan koma frem ved gjennomføring av planen. Dersom dette vert avdekka, må Rogaland fylkeskommune straks varslast og arbeida stoggast. Vår kommentar Vi har lagt inn i føresegnene eit krav om varsling dersom det vert avdekka automatisk freda kulturminne innafor området Statens vegvesen, Region Vest Statens vegvesen sine interesser er knytt til fv Det må sikrast nok areal til anleggsbelte og skråningsutslag på sørsida av fylkesvegen. Forutsetjer at dei vert invitert når sjølve planforslaget skal utarbeidast. Vår kommentar Vi har hatt innleiande møte med vegvesenet der blant anna dimensjoneringsklasse med meir vart avklart. Vegvesenet har også fått planar til uttale undervegs i prosessen Knut Ingar Karlsen, 33/23 Grunneigar meiner at murane på vedkomande sin eigedom er skadd i samband med tungtransport for bygging av bruer i nærområdet, og at utbetring av muren bør gå som del av prosjektet. Grunneigar vil vederlagsfritt avstå grunn i 1m breidd langs sin eigedom i bytte mot bygging av ny mur, tilsvarande den som vart bygd langs 33/14. Vår kommentar Planlagt veg vil liggje langs dagens vegkant fram til etter avkøyringa til m.a. eigedom 33/23. Det er dermed ikkje behov for inngrep i muren knytt til utbygginga av fortau som denne planen omfattar

18 Det er regulert eit areal til anna vegføremål ved avkøyrsla som omfattar frisiktsona til avkøyrsla Arnljot Fløgstad, 33/5 Grunneigar meiner med bakgrunn i oppstartsvarslinga at det er planlagt eit overdrevent stort inngrep på vedkomande sin eigedom, også sett i høve til bustad nabobustad som har fått godkjent tilbygg nært opptil veg. Vår kommentar Gjennom planarbeidet er det gjort vurderingar knytt til omliggjande terreng, eigedomar og inngrep som følgje av tiltaket. Då kommunen har sett eit behov for å leggje fortau over strekninga for å sikre tryggleiken til born og unge, er det følgjeleg behov for sideareal til vegen. I dette tilfellet omfattar også dette naboeigedomar, då desse fleire stader går i eksisterande vegkant. Planområdet er justert i høve til den varsla grensa inn mot eigedomen. Grunneigar har høve til å kome med merknad til løysingane lagt i plan ved offentleg ettersyn Gunnhild Marie Åbø Hallingstad, 32/58 Grunneigar ber om at det vert teken omsyn til at det framleis er drift på vedkomande sin gård på eigedomen og at tiltaket har minst mogeleg påverknad på eigedomen. Grunneigar føreslår ei løysing der terrenget på nedsida av fylkesvegen vert heva med natursteinsmur som forstøytning. Grunneigar vil vidare minne om at det lekk kloakk ut i skråningen mellom fylkesvegen og eigedomen, og ber om at dette vert utbetra samtidig som at ein unngår overflatevatn ned på denne. Vår kommentar Fylkesvegen med fortau vil naudsyntvis gå lenger inn på naboeigedomar enn dagens veg, i og med at eigedomsgrensa går i dagens vegkant i dette området. Fyllinga til fortauet er lagt med skråningar på 1:1.5 og vil råke dagens skråning i området, og er ikkje planlagt inn over opparbeidd landbruksareal. Samtidig er det regulert eit belte på 4.0m til midlertidig anlegg- og riggområde som skal sikre tilstrekkeleg areal for opparbeiding av skråningane. I anleggsfasen kan dermed delar av landbruksarealet på eigedomen verta berørt av tiltaket, men dette skal tilbakeførast etter endt drift. Tiltak med tanke på kloakk som er lekk vert ikkje fanga opp i samband med reguleringsplanarbeidet, og må visast vidare til eininga «Vann- og avløp» hjå kommunen. Situasjonen med tanke på overflatevatn ned på eigedomen vil betrast etter utbygginga, då det på sørsida av fylkesvegen vert bygd fortau avgrensa med kantstein, som hindrar overvatnet frå vegbanen og ned på eigedomen. Overflatevatn frå nytt fortau vert vurdert som del av teknisk plan Anja Huse og Inge Seim, 33/78 Grunneigar viser til oversendt varslingskart at fortauet kan berøre deira eigedom, og ynskjer ikkje å godkjenne dette. Viser til varslingsgrensa som ligg i hushjørnet på eigedomen, og viser til tidlegare ulukker på fylkesvegen. Føreslår at utvidinga bør skje i innersving. Vil også nemne at teikningane i kartgrunnlaget ikkje omfattar deira nyoppførte hagestove

19 Vår kommentar Gjennom planarbeidet er det gjort vurderingar knytt til omliggjande terreng, eigedomar og inngrep som følgje av tiltaket. Då kommunen har sett eit behov for å leggje fortau over strekninga for å sikre tryggleiken til born og unge, er det følgjeleg behov for sideareal til vegen. I dette tilfellet omfattar også dette naboeigedomar, då desse fleire stader går i eksisterande vegkant. Planområdet er justert i høve til den varsla grensa inn mot eigedomen. Grunneigar har høve til å kome med merknad til løysingane lagt i plan ved offentleg ettersyn Vidar Øvrebø, 32/359 Grunneigar viser til dagens avkøyrsle og oppstillingsplass på sin eigedom til lastebil og personbilar, og vil ikkje kunne nytte vegen ved opphøya fortau. Viser også til at eksisterande kumme ved avkøyrsla vert tett vinterstid, og fører til problem i tunet og som vil inn i kjellar. Grunneigar viser også til ein gangsti rundt eigedomen, og kor vidt denne vert røyrd av forslaget. Vår kommentar Eigedomen ligg med veg på begge sider, og med ei brei avkøyrsle mot fylkesvegen. Som følgje av planforslaget vil avkøyrsla måtte sanerast av trafikkmessige omsyn, for kortast mogeleg kryssing av avkøyrsler mellom fortaua for mjuke trafikantar. Situasjonen med tanke på overflatevatn ned på eigedomen vil betrast etter utbygginga. Både med tanke på sanering av den breie avkøyrsla, og at fortauet vert avgrensa med kantstein som hindrar overvatnet frå vegbanen og ned på eigedomen. Overflatevatn frå nytt fortau vert vurdert som del av teknisk plan. Elles er planområdet justert i høve til den varsla grensa inn mot eigedomen. Grunneigar har høve til å kome med merknad til løysingane lagt i plan ved offentleg ettersyn. 11 Avsluttande kommentar Det er lagt til grunn at planområdet og verknadane ved anlegging av fortau og medfølgjande justering i fylkesvegen er tilstrekkeleg vurdert, og på ein slik måte at tiltaka planen omfattar ikkje vil vere til umiskjennelig bry eller fare for nærliggjande busetnad, landbruks- og friluftsinteresser eller naturmangfald

20 12 Vedlegg Vedlagte dokument følgjer planskildringa. Dokument Dato Revisjonsdato Plankart Føresegner ROS- analyse Utsjekk av naturmangfaldet Andre vedlegg Innkomne merknader SOSI- eksport og loggfil