2. Skildring av planen

Transkript

1 2. Skildring av planen 2.1 Vegstandard Strekninga Stavland Bjødledalen er om lag 1,5 km lang og har ÅDT (gjennomsnittleg køyretøy pr. døgn) på ca kjt/døgn. Fartsgrensa er 50 km/t på heile strekninga. I fylgje ny vegnormal 017 kan både dimensjoneringsklasse Sa2 og S1 leggjast til grunn for utforminga av vegen. Dimensjoneringsklasse Sa2 er samleveg med fartsgrense 50 km/t som vert nytta for interne vegsamband i byar, eller vegforbindelsar mellom bygder der vegen går gjennom område med busetting. Dimensjoneringsklasse S1 skal nyttast for stamvegar og andre hovudvegar der arealdisponering og aktivitet inntil vegen gjer at fartsgrensa vert sett til 60 km/t. Det kan vera innfartsveg til by eller tettstad, som dannar ei overgangsstrekning mellom busetting og område med gatestruktur. Ut i frå ei vurdering av framtidig funksjon, trafikkvekst og Statens vegvesens sitt ynskje for vegstandard, er dimensjoneringsklasse S1 lagt til grunn for reguleringsplanen. Med ÅDT < 4000 kjt/døgn gjev dimensjoneringsklassen krav om eit tverrprofil med vegbredde på 6,5 meter. Normalprofil for strekninga er vist i figur 6 og vedlagt teikning F-01. Figur 9. Prinsippsnitt normalprofil for Fv 14 11

2 I tillegg til krav for tverrprofil er det for dimensjoneringsklasse S1 krav til linjeføringsparametre. For fri vegstrekning er krav gitt i vegnormal 017 mellom anna: Minste horisontalradius = 150 m Minste høgbrekksradius = 1100 m Minste lågbrekksradius = 1100 m Maksimal stigning: 6%. Stoppsikt = 70 m For T- og X-kryss er det noko strengare krav til ein del geometriske parametre enn for fri vegstrekning. I ei lengd av 100 meter til kvar side av krysset sitt midtpunkt gjeld fylgjande krav for primærvegen: Horisontalkurveradius bør vera 225 m Vertikalkurveradius i høgbrekk bør vera 2300 m Overhøgda bør ikkje overstige 6 % Stigning bør ikkje overstige 5 % Andre relevante krav til dimensjoneringsklassa er at vegen bør belysast, at haldeplass for buss vert utforma som busslomme utan refuge og at det skal vera få avkøyrslar. Krav til overbygning er gitt i vegnormal 018. Forslag til overbygning i tråd med desse krava er vist i vedlagt teikning F Val av trase Fylkesveg 14 på strekninga mellom Stavland og Bjødledalen er smal og har strekningsvis krapp kurvatur. Fleire av eigedomane på strekninga ligg tett på vegen. Utbetring med vegutviding og gang/sykkelveg langs eksisterande veg, gjer at ein må gå langt inn på fleire av eigedomane som ligg langs vegen. Krav til linjeføring gjer i tillegg at ein på fleire parti ikkje kan fylgja kurvaturen til eksisterande veg, og vegen må leggjast om. Omlegging på grunn av krav om stivare kurvatur gjer at ein til dømes ved Stavland i aust må gå på fylling over dalføre, og at ein ved Olatjørna må gå med bru over innsjø. I tillegg må fleire kurvar kuttast. For å redusere reisetida, for å kunne fylgja krav til linjeføring og for å unngå konflikt med eigedommar langs vegen, er det difor bestemt i arbeidsgruppa at ein regulerar ein trase som berre delvis fylgjer eksisterande 12

3 veg. Forutan nemnte fordelar gjer regulert trase at ein slepp å gå med bru over Olatjtørna og ulempa knytt til gjennomganstrafikken vert fjerna på store delar av strekninga. Regulert trase er omtala i det etterfylgjande. Regulert vegtrase fylgjer eksisterande veg på strekninga frå kryss med avkøyring til Bjørkåsen/Økland fram til Olatjørna ved profil 500. Ved Olatjørna tar vegen av frå eksisterande veg, og går ut i ope terreng over Olahaugen. Eksisterande veg vert her kopla til ny veg via eit nytt kryss. Ny veg når eksisterande veg att vest for Stavland ved profil Ny veg fylgjer så eksisterande veg i om lag 50 meter før ny veg igjen tek av frå eksisterande, og går på fylling over dalføre fram til enden på veglinja ved Stavland. Eksisterande veg vert kopla til ny veg via eit nytt kryss ved enden av planområdet. Gang- og sykkelvegen ligg langs kjørevegen på heile strekninga, og er skilt frå vegen med rekkverk. Gangog sykkelvegen koplar seg til eksisterande gangvegsystem i aust og til eksisterande fortau i vest, og har i tillegg koplingar til eksisterande vegsystem på strekninga. Gang- og sykkelveg er lagt på nordsida av vegen på heile strekninga. Traseen har høge skjeringar og inngrep i mark som i dag er nytta til beite, men det vert likevel vurdert som tenleg på grunn av dei mange ulempene med å fylgja eksisterande veg. Ved profil 700 går vegen gjennom eit lite berg, som gjev høge skjeringar. Det er også mogeleg å senke linja her, og gå med ein liten tunnel gjennom berget. Grunnen til at ein ikkje har valt denne løysinga i reguleringsplanen er pga knapp overdekning samt kostnader der tunnelløysinga er vesentleg dyrare. Det er også vurdert andre traseløysingar, men desse er lengre og dyrare og er ikkje betre med omsyn til terreng og landskap. 2.3 Trong for fråvikshandtering Dersom det av omsyn til terreng og omgjevnadane er vanskeleg eller umogeleg å fylgja krava til utforming av vegen etter Statens vegvesen sine standardar, må det søkjast om fråvik frå standardkrava etter fastsette prosedyrar internt hjå Statens vegvesen. Krav til vertikal og horisontalkurveradius er oppfylt for heile strekninga, bortsett frå den siste kurva ved Stavland i profil 1200 der ein vel å nytta ein radius på 120 meter. For å gi betre plass på innsida av vegen og samtidig sørgja for mindre terrenginngrep er det nytta ein horisontalradius mindre enn minimumsradien (R h,min =150). Horisontalradius ned til 100 meter vert fråvikshandtert som bør-krav. Bruk av horisontalradius på 120 meter må fråvikshandterast som bør krav. 13

4 I teorien er det mogeleg å fylgja krava gitt i handboka, men då ville ein få større terrenginngrep og med det høgare anleggskostnadar og mindre god tilpassing til landskapet. Alternativt kjem linja tettare på eigedomane. Ein bør såleis søkja fråvik her. For fråvik frå bør-krav gjeld fylgjande: Vegdirektoratet gjev regionvegsjefen fullmakt til å fråvike tekniske krav. Fråvik skal grunngjevast, og Vegdirektoratet skal ha melding med muligheit til å gå mot dispensasjon innan 3 veker. Bortsett frå horisontalradius for kurve i profil 1200, er alle krav i vegnormalane oppfylt. 2.4 Byggegrenser Generelle byggegrenser frå riksvegen vert lagt til grunn i samsvar med plan og bygningslova. Langs denne parsellen vert byggjegrensa sett til 50 meter målt frå senterlinja. 2.5 Endra avkøyrslar og køyremønster I vegnormalen er det krav om å avgrense talet på avkøyrslar langs hovudvegen. Ved å leggja vegen i ny trase vert talet på avkøyrslar som koplar seg direkte på riksvegen redusert. I det vidare er det gjort ei vurdering av avkøyrslar og kryss langs regulert hovudveg. Kryss med avkøyring til Bjørkåsen/Økland (Fv 17), profil 0. Krysset vert oppretthaldt som i dag. Stignings- og sikttilhøve er tilfredsstillande i eksisterande situasjon. Ny vegkant vert liggande som i dag, og tilhøva i krysset vert med det ikkje endra med ny veg. Eksisterande gangkryssing av fylkesvegen vert oppretthaldt. Om det i tillegg skal etablerast oppmerka gangfelt over Søvollvegen er mellom anna avhengig av trafikkmengde og volum på gang- og sykkeltrafikken. Det må i vidare planarbeid gjerast ei analyse iht gangfeltkriteria i Statens vegvesen sine handbøker for å avgjera om det skal etablerast oppmerka gangfelt. Krysset har tilfredsstillande sikttilhøve. Avkøyrsle til eigedom 102/36/0, profil 80. Eksisterande avkøyrsle vert oppretthaldt som i dag. Tilkomst har i dag fall ned mot hovudvegen. Ny vegkant vert liggjande der ytterkant veg ligg i dag. Høgda på ny veg er omtrent som høgda på eksisterande veg. Tilhøva i avkøyrsla vert med det ikkje verre, men omtrent som i dag. Det vert regulert breiare grøft ved avkøyrsla for å sikra tilfredsstillande sikttilhøve. 14

5 Avkøyrsle til eigedom 102/37/0, 102/52/0 m.fl., profil 180 Eksisterande avkøyrsle vert oppretthaldt som i dag. Tilkomst er i dag relativt flat. Ytterkant gs-veg vert liggjande lenger ut enn ytterkant på hovudvegen ligg i dag. Høgda på ny veg er omtrent som høgda på eksisterande veg. Stigningstilhøva vert difor i utgangspunktet noko brattare enn i dag, men det vert gjort ei justering av avkøyrsla som strekk seg om lag ti meter tilbake på tilfarten for å sikre jamn stigning som i dag. Tilhøva i avkøyrsla vert omtrent som i dag. Stigning i avkøyrsla er brattare enn krav gitt i vegnormalane. Avkøyrsla har tilfredsstillande sikttilhøve. Avkøyrsle til eigedom 102/22/0., profil 335 Eksisterande avkøyrsle vert oppretthaldt som i dag. Tilkomst har i dag fall ned mot hovudvegen. Ytterkant av gs-veg vert liggjande lenger frå eigedommen enn ytterkant på eksisterande fortau. I tillegg ligg ny veg høgare enn eksisterande veg. Stigningstilhøva vert med det betre. Avkøyrsla har tilfredsstillande sikttilhøve. Kryss med avkøyring til eksisterande fylkesvegg, profil 510. Nytt kryss der ny veg tar av frå eksisterande veg og går i ope terreng over Olahaugen. Eksisterande veg vert her kopla til ny veg via eit nytt T-kryss. Ny veg er lagt i ei høgde som sikrar tilfredsstillande stigningstilhøve på tilfart frå eksisterande veg. Krysset har tilfredsstillande sikttilhøve. Avkjørsel med avkøyring til eksisterande fylkesvegg, profil Nytt kryss ved Stavland der ny veg tar av frå eksisterande veg og går på fylling over dalføre. Eksisterande veg vert her kopla til ny veg via eit nytt T-kryss. Ny veg er lagt i ei høgde som sikrar tilfredsstillande stigning på tilfart frå eksisterande veg. Krysset har tilfredsstillande sikttilhøve. Avkøyrsle til eigedom 108/12/0, 108/98/0 m.fl., profil 1205 Eksisterande avkøyrsle vert oppretthaldt som i dag. Tilkomst har i dag stigning opp mot hovudvegen. Høgda på ny veg vert omtrent som i dag, men ny vegkant ligg lenger ut enn eksisterande vegkant. Stigningstilhøva i avkøyrsla vert med det verre enn i dag om det ikkje vert gjort tiltak. For å sikre tilfredsstillande stigning er det difor gjort ei høgdejustering av avkøyrsla som strekk seg om lag femten meter tilbake på tilfarten. Kryss med Søregårdsvegen, profil 1250 Eksisterande kryss vert oppretthaldt som i dag. Det er gjort ei tilpassing av den vestre vegkanten slik at tilfarten er tilpassa regulert veg. 15

6 2.6 Plassering av busstopp Vegnormalane definerar krav om type og utforming av busstopp på denne type veg (S1). Busstopp skal i fylgje vegnormalane utformast som busslomme utan refuge. Busshaldeplass ved kryss med Fv 17 til Bjørkåsen/Økland og busshaldeplass ved kryss med Sørgårdsvegen vert oppretthaldt. 2.7 Grunntilhøve På strekninga må eksisterande vegfundament delvis skiftast ut med ny overbygging. Utanfor dagens veg må eksisterande massar gravast ut, og erstattast med sprengstein. På strekninga der ny vegen går i ope terreng må vegoverbygning byggjast opp etter krav gitt i vegnormalane, og vist i F-teikning. Det må gjerast grunnundersøkingar i prosjekteringsfasen for å klargjere behovet for tiltak der vegen går i ope terreng. 2.8 Bru, kulvert og murar Regulert vegtrase krev nye murar. Det er trong for ein støttemur på nedsida av vegen, og det kan avhengig av grunntilhøva vera aktuelt med mur på oppsida av vegen for å halde på jordmassar. Det kan vera trong for ei kulvertløysing i samband med kryssing av myrområde ved Olatjørna. Grunnundersøkingar i prosjekteringsfasen vil gje svar på om kryssinga kan løysast med fylling og stikkrenne, eller om det er trong for ei meir omfattande løysing med kulvert og murar. Eksisterande stikkrenner må forlengast som fylgja av vegutvidinga. Det vert lagt inn rekkverk mellom køyreveg og gang-/sykkelveg på heile strekninga. I tillegg er det lagt inn rekkverk langs vegen der sideterreng krev rekkverk i tråd med Statens vegvesen si handbok 231 Rekkverk. På den regulerte strekninga er det berre trong for rekkverk på utsida av vegen på strekninga pr Breide grøfteprofil og utslakking av skråning gjer at det ikkje vert naudsynt med rekkverk. 2.9 Høgspentlinjer Ny veg i ope terreng går delvis i same trase som høgspentlinja. På Olahaugen i ca. profil 750 kryssar høgspentlinja regulert veg. Vegen ligg her i høg skjering så krav til fri høgde vil vera oppfylt. I profil 880 kryssar igjen høgspentlinja over regulert veg. Krav til fri høgde mellom veg og høgspentlinje synast å vera tilfredsstillande då vegen her ligg i skjering, men høgspentlinja må målast inn og kontrollerast. Det kan vera 16

7 trong for ei flytting av høgspentmast i profil 880 nokre meter mot sør. I profil 990 kryssar høgspentlinja vegen for siste gong. Krav til fri høgde synast også her å vera oppfylt, men det må i neste fase kontrollerast at det er i tråd med krava. Vegen synast ikkje å koma i konflikt med høgspentmastene på strekninga. Nøyaktig måledata for høgspentmastene vil gje endeleg svar på nokre av mastene må flyttast litt Veg som vert liggjande att Regulert vegtrase gjer at eksisterande veg vert liggjande att som lokalveg på delar av strekninga. Eksisterande veg som ligg att vil i bli nytta som tilkomstveg til busetnaden og vegkopling mot Søvollvegen. Dei delane av eksisterande fylkesveg som vert nytta til tilkomstveg,vil bli omklassifisert når anlegget vert opna. Det vil vera naturleg å nedklassifisere riksvegen i desse områda til kommunal veg. Detaljer om dette vil bli avklart seinare Arealbruk Reguleringsplanen er vist på reguleringsplankart dagsett 6. november 2009 med tilhøyrande føresegner av same dato. Planområde som utgjer totalt 55 daa er disponert på fylgjande måte: Samferdselsanlegg og teknisk infrastruktur ( PBL Nr. 2 ): Køyreveg: offentleg veg, felles veg, privat veg, busshaldeplass Gang-/sykkelveg Anna veggrunn teknisk anlegg Omsynssonar (PBL 12-6): Faresone, høgspenningsanlegg (inkl. kablar) Sikringssone, frisikt 17

8 2.12 Eigedomstilhøve Reguleringsplanen går inn på eller har fylgjande eigedomar som nære naboar: Tabell 1: Tabell over berørte grunneigarar Gnr/Bnr i 1219 Navn/Firma Adresse Postnr./sted 97/3 SØVOLD GEIR OLAV STAVLANDSVEGEN BREMNES 97/4, 15 SJØVOLL BJARNE OLAV 5427 URANGSVÅG 97/12 HABBESTAD JENS HELGE 5427 URANGSVÅG 97/19, 21, 34 ÅNDERÅ JAN STAVLANDSVEGEN BREMNES 97/23, 26 SÆVERUD ASTRID MARIE STAVLANDSVEGEN BREMNES 97/24 BØ GRETE STAVLAND 5427 URANGSVÅG 97/24 BØ OLA 5427 URANGSVÅG 97/27, 29 ESPERØ ASBJØRN EGIL STAVLANDSVEGEN BREMNES 97/27, 29 ESPERØ BIRGIT SØNSTABØ STAVLANDSVEGEN BREMNES 97/33 JANSEN HJØRDIS STAVLANDSVEGEN BREMNES 97/45, 102/88, 108/127 HORDALAND FYLKESKOMMUNE 5020 BERGEN 97/45, 102/88, 108/127 STATENS VEGVESEN REGION VEST 6863 LEIKANGER 97/46 BØMLO KOMMUNE 5430 BREMNES 97/67 SJØVOLL LEIF BJARNE STAVLANDSVEGEN BREMNES 97/71 SJØVOLL ELISABETH 5427 URANGSVÅG 102/6 NESSE JAN HARALD 5430 BREMNES 102/22 AGA TURID BIRGITTE 5430 BREMNES 102/36 SELE SIGURD EMIL 5430 BREMNES 102/37 ØKLAND MARY 5430 BREMNES 102/41 VIKRE INGER OLINE BEININGEN SKUDENESHAVN 102/42 HALLERAKER LEIF MAGNAR 5420 RUBBESTADNESET 102/43 SOLBERG KAREN DOVAFJELLSVEGEN KARMSUND 102/43 SOLBERG TORKEL DOVAFJELLSVEGEN KARMSUND 102/55 NESSE KRISTIAN SEVERIN 5430 BREMNES 108/1 STAVLAND PER MAGNAR UNDELSTADLIA 12 D 1387 ASKER 108/2, 11, 59, 149 STAVLAND SALAMON ANDREAS STAVLANDSVEGEN BREMNES 108/9 STAVLAND BJARNE STAVLANDSVEGEN BREMNES 108/13 STAVLAND PER HEINE 5427 URANGSVÅG 108/20, 91 RØSVIK MARIE STAVLANDSVEGEN BREMNES 108/41, 132, 158 STAVLAND ANDERS POSTBOKS BREMNES 108/72 NORDTUN RANVEIG STAVLANDSVEGEN BREMNES 108/85 STAVLAND JENS P ANS 5445 BREMNES 108/122 STAVLAND BERNT STAVLANDSVEGEN BREMNES 18

9 3. Konsekvensar Den nye vegen erstattar ein veg som i dag på store delar av strekninga er smal og med dårleg kurvatur. Føremålet med tiltaket er å gje betre vegstandard, og ein meir trafikksikker veg. I tillegg skal nytt veganlegg gje eit tilbod til gang- og sykkeltrafikken på strekninga. Vegen utløysar ikkje i seg sjølv ny aktivitet og auka trafikk. I dette avsnittet vert konsekvensane av vegen gjennomgått i høve til inngrep og miljøkonsekvensar. 3.1 Metode Metoden i Statens vegvesen si handbok 140 er nytta ved vurdering av konsekvensar. Det inneber at konsekvensane er vurdert gjennom ei vurdering av verdien knytt til kvart tema og omfanget av inngrepet. 3.2 Landskap Innleiing Landskapet på Bømlo har store kontrastar, ofte over små avstandar. Havet, øyriket og større område med nakne bergknausar dominerar saman med kulturlandskapet, men område med lauvskog, større område med kystfuruskog og bustads- og tettstadområde er óg viktige delar av landskapsbiletet i kommunen. Bømlo i norske landskapsregionar NIJOS Norsk Institutt for Jord- og Skogkartlegging, no Skog og Land, har gjennomført ei inndeling av Norge i landskapsregionar 1. Landskapsregionane er sidan omtala noko meir utfyllande i Nasjonalt referansesystem for landskap 2. Bømlo er delt mellom landskapsregion 20 Kystbygdene på Vestlandet (vestre og nordre del av Bømlo) og region 21 Ytre fjordbygder på Vestlandet (austre del). 1 NIJOS-rapport 2/ NIJOS-rapport 10/

10 Landskapet i planområdet Området Stavland - Bjødledalen høyrer til dei vestlege delar av Bømlo som inngår i landskapsregion 20 Kystbygdene på Vestlandet, underregion 20.8 Øygarden/Karmøy. Denne regionen har eit ruglete terreng og er oppdelt i mange øyar og sund ut mot havet. Planområdet er i lokal samanheng innland og har med nokre mogelege unnatak lite visuell kontakt mot havet. Austre del av strekninga går over ei landtunge eller halvøy som skil Storavatnet i nord frå Ulvsvatnet - Straumfjorden (sjø) i sør, vestre del er mindre dominert av vatn. Figur 10. Oversiktskart Planområdet langs vegen er i hovudsak eit kulturlandskap med mest beite og nokre mindre engareal, sjå ortofoto neste side. Rundt vatna og i kløfter/smådalar i landskapet er det lauvtrevegetasjon, i vest er det eit større plantefelt av gran. Nokre bustadhus. Frå austre del av området har ein stadig utsyn mot vatn, medan vestre del har liten kontakt med dette elementet. Ei kraftlinje går langs austre del av strekninga og kryssar denne om lag midt på. Under er synt ortofoto med ei inndeling av strekninga etter landskapsbilete. 20

11 F E 250 D 500 C 750 B A 1250 Figur 11. Ortofoto med inndeling av landskapet i delstrekningar. mest med om lag 2-5 m fylling. Figur 12. Karakteristisk oversiktsbilete mot Storavatnet (om lag pel 900) som syner eit innland ved havet, med fleire viktige landskapselement; ope beitelandskap, vatn med lauvtrevegetasjon rundt, innslag av plantefelt av gran, kløfter/smådalar og einskilde bustadhus. Veg vil gå langs kraftlinjetraséen i biletet, 21

12 Området er her dokumentert med bilete og bilettekst delstrekning for delstrekning, frå aust mot vest: Figur 13. Frå aust, delstrekning A: Eng/myr omkransa av vegetasjon - sving ved Stavland (ca. pel ). Her er det framlegg om å la vegen gå på tvers av biletet, og at ein fyller dalen opp til dagens vegnivå. mot venstre i skjering ca. 2m høg. Figur 14. Frå delstrekning B: Lågareliggjande del av kulturlandskapet, med stort mangfald; eng/beitehagar, steingardar og enkeltståande (rogne-)tre (om lag pel 920), sml. høgareliggande beite- /vatn landskap i fig. 9. Vegen vil gå tett langs kraftlinja på biletet. Til høgre i biletet vil vegen gå på fylling 2-3m høg, 22

13 Figur 15: Delstreknig B: Olahaugen m.m. (ca. pel ) Beitelandskap/einerbakkar. Vegen vil gå på tvers, i øvre del av biletet, i skjering om lag i silhuetten av beitelandskapet (føre skogen i bakgrunnen). Vegen vil gå i opptil 10m skjering her, og sjølve vegen vil truleg ikkje vera synleg frå dette standpunktet. Figur 16. Delstrekning C: Olatjørna med omgjevnader. (ca. pel ). Vegen vil koma på andre sida av tjernet, i høg skjæring bak Olahaugen som ligg til venstre i biletet - og ut på fylling midt i biletet, med høgd opp til ca. 8m. Utfylling av dalen bakover i biletet (sørover)med massedeponi. 23

14 Figur 17. Sett mot Delstrekning D: Mellomområde mellom Olatjørna og plantefelt. (ca. pel ). Her kjem vegen frå Olatjørna frå venstre i biletet, inn på eksisterande trasé. Den mørke bergveggen til venstre i bildet, framme i svingen, vil få nye vegskjeringar opp til ca. 8m høge. Figur 18. Delstrekning E: Trongt landskaps parti med større plantefelt for gran,, mellom Olatjørna og Bjølledalen (ca. pel ). Skogen til venstre i biletet vil bli fjerna i 4-5m breidd og det vert ny skjering opp til ca. 3m høg. 24