Renovasjonsforskrift Vedteken av Time kommunestyre 12. desember 2006

Transkript

1 TIME KOMMUNE Renovasjonsforskrift Vedteken av Time kommunestyre 12. desember

2 TIME KOMMUNE Innhald 1 Definisjonar i renovasjonsforskrifta Verkeområde Generelle retningsliner Retningsliner til renovasjonsforskrifta Fritak frå forskrifta Plikter Abonnenten sine plikter Kommunen sine plikter Kommunal innsamling av hushaldsavfall Tvungen renovasjonsordning Forboden avfallsdisponering Krav til sortering og bruk av avfallsutstyr Nedgravne avfallscontainerar Avfall som ikkje kjem inn under kommunal innsamling Alternativ handsaming av organisk avfall Bestilling, byting og oppseiing av avfallsbehaldarar Plassering og tøming av avfallsbehaldarane Krav til køyrerute Hygieniske krav til renovasjon Tekniske føresegner Renovasjonsgebyr Generelle føresegner Innkrevjing av renovasjonsgebyr, renter m. v Unntak, dispensasjonar og klager Sanksjonar Slam og slamskiljarar Retningsliner for gebyrberekning forinnsamling av avfall frå hushald Verkeområde Definisjonar Kommunale henteordningar Gebyrutrekning Endring av abonnement, oppseiing m.m Innkrevjing av renovasjonsgebyr Økonomi

3 Renovasjonsforskrift Retningsliner for innsamling av avfall i henteordning Verkeområde Definisjonar Kommunen sine oppgåver Abonnenten sine oppgåver Oppsamlingseiningar Økonomi Retningsliner for nedgravne avfallscontainerar Verkeområde Kva retningslinene handlar om Spesifikke tilvisingar Gebyrutrekning Overtaking Organisering Investeringskostnader Driftskostnader Retningsliner for heimekompostering Verkeområde Definisjonar Kven kan driva med heimekompostering og korleis skal dette gjerast Kven kan kompostera organisk avfall i eigen gjødselkjellar? Økonomi Kontroll Retningsliner for mottak av kjeldesortert avfall ved ubetente kommunale miljøstasjonar Verkeområde Definisjonar Kommunen sine oppgåver Abonnenten sine oppgåver Utplassering av oppsamlingseiningar for glas-/metallemballasje og tøy/tekstilar Økonomi Retningsliner om slam frå slamskiljarar m.v Generelle reglar Gebyr

4 TIME KOMMUNE Renovasjonsforskrift for Time kommune er vedteken av Time kommunestyre den 12. desember 2006 med heimel i lov 13. mars 1981 nr. 6 om vern mot forureiningar og om avfall (forureiningslova) 26, 30, 33, 34, 37, 79, 83 og 85 og i lov av 11. april 2003 nr. 23 om endringar i lov 13. mars 1981 nr. 6 om vern mot forureiningar. Forskrifta erstattar Renovasjonsforskrift vedteken 20. juni 2000, Forskrift om innsamling av risikoavfall vedteken 20. juni 2000, Forskrift for innsamling av matavfall frå storkjøkken/storhushald vedteken 20. juni Definisjonar i renovasjonsforskrifta 4 Renovasjonsforskrifta er generelt i samsvar med Forureiningslova og tilhøyrande forskrifter sine gjeldande avfallsdefinisjonar. AVFALL: Med avfall er i denne forskrifta meint kasserte lausøyregjenstandar eller stoff, jf. forureiningslova 27. HUSHALDSAVFALL: Som hushaldsavfall vert rekna vanleg avfall, også større gjenstandar som inventar o.l. NÆRINGSAVFALL: Som næringsavfall vert rekna avfall frå offentlege og private verksemder og institusjonar. HENTEORDNING: Med henteordning er meint eit system der avfallet blir henta hos abonnenten. BRINGEORDNING: Med bringeordning meiner ein eit system der abonnenten sjølv må bringa avfallet til miljøstasjonar eller gjenvinningsstasjonar. FARLEG avfall: Som farleg avfall vert rekna avfall som kan føra til alvorleg forureining eller fare for menneske eller dyr. Eksempel på farleg avfall kan vera maling, spillolje, løysemiddel, plantevernmiddel. RISIKOAVFALL: Risikoavfall er smittefarleg, potensielt smittefarleg eller stikkande/ skjerande avfall. Eks. frå sjukehus, sjukeheim, legekontor, tannlegekontor, veterinærar og liknande. Ordninga gjeld ikkje patologisk avfall. GROVAVFALL: Som grovavfall vert rekna avfall som ikkje kan behandlast saman med anna hushaldsavfall eller næringsavfall på grunn av storleik. MATAVFALL: Med matavfall meiner ein matrestar frå vanlege hushald og storhushald, dvs. avfall frå produksjon, servering og sal av mat og matvareprodukt, samt restar etter måltid. ORGANISK avfall: Som organisk avfall (bioavfall) vert rekna matavfall, hageavfall og anna biologisk nedbryteleg avfall som eignar seg for heimekompostering og/eller sentralkompostering. RESTAVFALL: Med restavfall meiner ein blanda avfall som blir igjen etter kjeldesortering eller sentralsortering av hushalds- og næringsavfall, og som vert levert til avfallsdeponi eller forbrenningsanlegg.

5 Renovasjonsforskrift EE-AVFALL: Med EE-avfall meiner ein kasserte elektriske og elektroniske produkt, det vil seia alt som brukar straum eller batteri. Med slam meiner ein oppsamla volum frå slamskiljarar, minireinseanlegg og liknande. KJELDESORTERING: Med kjeldesortering meiner ein at abonnenten eller andre sorterer ut visse avfallstypar og leverer desse i eigna behaldar eller til godkjent mottak. MILJØSTASJON: Med miljøstasjon meiner ein særskilde avfallsmottak der avfall kan leverast kjeldesortert av abonnenten. Miljøstasjonane er ubetente. GJENVINNINGSSTASJON: Med gjenvinningsstasjon meiner ein eit spesielt tilrettelagt område med organisert oppsamling av separert avfall. Gjenvinningsstasjonar er betente. BEHALDAR: Med behaldar meiner ein stativ, sekk, kasse, spann, dunk, sjakt, boks, avfallsinnkast, container, nedgraven container eller anna som kommunen til ei kvar tid finn formålstenleg og hygienisk å bruka. ABONNENT: Med abonnent meiner ein eigar av eigedom (sjølvstendig juridisk eining) som er omfatta av den kommunale renovasjonsordninga. Leigar av nærings-/forretningseigedom kan unntaksvis stå som abonnent, dersom dette er skriftleg avtala mellom kommunen og eigaren. Eigaren kan likevel haldast økonomisk ansvarleg for leigaren sine plikter overfor kommunen. Dersom eigedomen er festa bort for minst 30 år skal festar reknast som abonnent. FELLESABONNEMENT: Med fellesabonnement meiner ein at fleire abonnentar går saman om felles avfallsbehaldarar for ein eller fleire fraksjonar. Ein av abonnentane i fellesabonnementet må stå ansvarleg overfor kommunen, og kvar enkelt eigedom som inngår i fellesabonnementet står økonomisk ansvarleg for sin del av fellesabonnementet. BRUKAR: Med brukar meiner ein den som til dagleg brukar behaldarane. STORHUSHALD: Med storhushald meiner ein hotell, restaurant/kafé, sjukehus, mindre produsent av heil- eller halvfabrikata, matvareforretning, kantine og liknande. TILLEGGSGEBYR: Med tilleggsgebyr meiner ein gebyr for tenestetilbod ut over standardtilbod. KOMMUNEN sin renovatør: Med kommunen sin renovatør meiner ein det eller dei renovasjonsselskapa som utfører innsamling av avfall på kommunen sine vegne. 2 Verkeområde 2-1 Generelle retningsliner Forskrifta omfattar kjeldesortering, oppbevaring, innsamling og handsaming av avfall, samt fastsetjing av avfallsgebyr i Time kommune. Forskrifta gjeld: a. Alle typar avfall og slam som kommunen etter forureiningslova eller ved delegering frå overordna styremakt har ansvar for. 5

6 TIME KOMMUNE b. c. Alle hushald og verksemder i kommunen der det oppstår slikt avfall, jf. pkt. a. Forskrifta gjeld ikkje fritidseigedomar, men om det vert naudsynt, kan det lagast eigne retningsliner for dette. 2-2 Retningsliner til renovasjonsforskrifta Kommunen sitt regelverk består i tillegg til denne renovasjonsforskrifta av retningsliner til renovasjonsforskrifta. Retningsliner vert laga der tilleggsføringar til renovasjonsforskrifta er naudsynte eller formålstenlege. Nye retningsliner vert vedtekne av kommunestyret, oppdateringar og mindre endringar i retningslinene vert vedtekne av driftskomitéen. 2-3 Fritak frå forskrifta Kommunen kan, i spesielle tilfeller og etter skriftleg søknad, frita enkelte eigedomar frå forskrifta. Sjå og 7. 3 Plikter Abonnenten pliktar å fylgja med i kunngjeringar om endringar i avfallshentinga for flytande friog heilagdagar 3-1 Abonnenten sine plikter Abonnenten kan ved uvørden og uaktsam handsaming haldast økonomisk ansvarleg for behaldarane, og skal fylgja dei reglane som er gjevne om plassering, kjeldesortering, reinhald m.m. Abonnenten pliktar å informera brukarane av eigedommen om gjeldande reglar for avfallshandsaming. Han skal straks melda frå til Time kommune om endringar som kan bety noko for abonnementet på eigedommen, så som eigarskifte og eventuelle bruksendringar. Om abonnenten har avfall som ikkje passar for kommunen sitt innsamlingssystem, på grunn av storleik, vekt, konsistens m.m., må han sjølv søgja for transport av avfallet til godkjent mottaksstad. Abonnenten pliktar å fylgja med i kunngjeringar om endringar i avfallshentinga for flytande fri- og heilagdagar. Kommunen kan med generelle reglar eller i det enkelte tilfellet stilla krav til den enkelte abonnenten/avfallsprodusenten om kjeldesortering og leveringsmåte for ulike deler av avfallet som er omfatta av denne forskrifta. Dette er for å sikra ei økonomisk og miljømessig best muleg handsaming og disponering av hushaldsavfallet, og kjeldesortert avfall til miljø og gjenvinningsstasjonane. 3-2 Kommunen sine plikter Kommunen skal sørgja for at abonnenten har eit hygienisk og effektivt tilbod for å bli av med avfallet sitt og høve til kjeldesortering av avfallet. Kommunen kan sjølv stå for innsamling av avfallet som er omfatta av denne forskrifta, eller setja det ut til andre. Ingen må samla inn hushaldsavfall utan kommunen sitt samtykke. 6

7 Renovasjonsforskrift 4 Kommunal innsamling av hushaldsavfall 4-1 Tvungen renovasjonsordning Etter forureiningslova 30 er det tvungen renovasjon for den typen hushaldsavfall kommunen har ansvaret for, jf. 2, pkt. a. Alle eigedomar i kommunen med bygningar der det er verksemd som fører til at det vert slikt hushaldsavfall, er omfatta av tvungen kommunal renovasjonsordning. Etter forureiningslova 30 er det tvungen renovasjon for den typen hushaldsavfall kommunen har ansvaret for 4-2 Forboden avfallsdisponering Det er jf. Forureiningslova og Lov om helsetenesta i kommunen ikkje lov å brenna avfall utan løyve frå forureiningsstyremakta (SFT, Fylkesmannen, kommunen). Dette gjeld utandørs brenning i opne tønner / småomnar og bål på open mark. Forbodet gjeld i heile kommunen. Det er heller ikkje lov å grava ned eller leggja att avfall slik at det kan verka skjemmande eller vera til skade / ulempe for miljøet., jf. forureiningslova Krav til sortering og bruk av avfallsutstyr Henteordningar Avfall som er omfatta av den kommunale renovasjonsordninga skal kjeldesorterast i fylgjande fraksjonar: Organisk avfall (bioavfall) til kompostering, skal i behaldaren for organisk avfall eller i kompostbingen. Det er forbode å leggja avfall som ikkje kan komposterast i behaldar for organisk avfall eller kompostbinge. Papp, papir og veskekartong som skal til gjenvinning skal leggjast i den blå behaldaren. Det er forbode å leggja andre avfallstypar i denne behaldaren. Plastemballasje som skal til gjenvinning skal leggjast i eigen sekk. Det er ikkje tillate å leggja andre avfallstypar i sekken for plastemballasje. Restavfall skal i den svarte behaldaren. Organisk avfall, papiravfall, plastemballasje og anna avfall som er omfatta av kommunen sine gjenvinningsordningar skal ikkje kastast i den svarte behaldaren. Det er ikkje lov å leggja varm oske, farleg avfall, eksplosivar eller sjølvtennande stoff i avfallsbehaldarane. Kommunen tilbyr eigne ordningar for bleieavfall. Sjå elles retningsliner om innsamling av avfall i henteordning. 7

8 TIME KOMMUNE Bringeordningar Miljøstasjonar Kjeldesorterte fraksjonar med godkjend innsamlingsordning (f.eks. glas-/ metallemballasje), skal bringast til miljøstasjonar eller andre kommunale mottak. Kommunen kan gjera endringar i utval og tal på fraksjonar. Ved miljøstasjonane er det forbode å blanda avfallet eller å setja frå seg avfall, som miljøstasjonen ikkje har mottaksordning for. Gjenvinningsstasjonar Avfall som ikkje inngår i kommunen si henteordning, og som ikkje kan leverast til kommunal miljøstasjon, skal leverast til betente gjenvinningsstasjonar / mottak, tilviste av kommunen. Dette kan for eksempel vera større gjenstandar / grovavfall, farleg avfall og EE-avfall. Sjå elles eigne retningsliner om mottak av kjeldesortert avfall ved ubetente kommunale miljøstasjonar. Avfallsbehaldarane må ikkje overfyllast, og dei må ikkje pakkast fastare med avfall enn at dei lett kan tømast. Lokket skal vera lukka Bruk av avfallsbehaldarane Kommunen sine avfallsbehaldarar må berre brukast til oppsamling av avfall som er omfatta av denne forskrifta. Avfallsbehaldarane må ikkje overfyllast, og dei må ikkje pakkast fastare med avfall enn at dei lett kan tømast. Lokket skal vera lukka. Matavfall og anna vått avfall skal avrennast og pakkast inn. Oske, sot, pussestøv o.l. skal også pakkast slik at det ikkje vert frigjort under tøming. Sanitetsbind, bleier, bandasjar, sprøytespissar (påsett original hette), ekskrement posar (colostomiposar) og lignende skal pakkast i tett emballasje før det vert kasta i avfallsbehaldaren. Risikoavfall / smittefarleg avfall av denne typen skal leverast til godkjent mottak. Avfall som er for stort eller for tungt til å kunna leverast i avfallsbehaldarane skal leverast til gjenvinningsstasjon eller andre godkjende mottak. Bruk av komprimeringsutstyr for avfall i behaldarane skal avtalast på førehand og kunna kontrollerast av kommunen. Kommunen kan setja opp oppsamlingseiningar til felles bruk for fleire abonnentar i eit område. Kommunen kan påleggja abonnentar å bruka andre renovasjonsordningar, som f.eks. nedgravne containerar, når dette er formålstenleg i høve til mål for avfallssektoren. Krava om kjeldesortering gjeld tilsvarande. 8 Farleg avfall Farleg avfall jf. Forskrift om gjenvinning og behandling av avfall kapittel 11, av 1. juni 2004, skal leverast til godkjent mottak / innsamlingsordning for farleg avfall. Denne forskrifta

9 Renovasjonsforskrift omfattar farleg avfall som fell innanfor den kommunale renovasjons ordninga, dvs farleg avfall frå husstandar og frå næringsverksemder med mindre enn 400 kg farleg avfall pr. år. Einkvar som har farleg avfall har ansvar for at dette vert lagra og elles teke forsvarleg hand om, gjennom at det vert gjort tiltak for å førebyggja at farleg avfall vert årsak til forureining eller skade på menneske eller dyr, eller fare for dette. Farleg avfall skal ikkje blandast med anna avfall. Ulike typar farleg avfall skal ikkje blandast dersom dette kan føra til fare for forureining, eller skapa problem for vidare handsaming av avfallet. Det er forbode å leggja farleg avfall i behaldarar for anna avfall. Kommunen kan fastsette eigne retningsliner for kjeldesortering og innsamling av farleg avfall frå hushald. Einkvar som har farleg avfall har ansvar for at dette vert lagra og elles teke forsvarleg hand om EE-avfall Forhandlar av EE-produkt har plikt til å ta imot kasserte produkt vederlagsfritt frå forbrukar. EE-avfall kan også leverast til betent gjenvinningsstasjon. Døde kjæledyr Eigaren av dyret har ansvar for at det blir handtert på ein miljømessig forsvarleg måte, og må også betala kostnadane for ei slik handtering. Døde kjæledyr kan leverast anten direkte til godkjent dyrekrematorium eller til veterinær. Det er forbode å leggja døde kjæledyr, døde husdyr, dyreskrottar, skinn, pels o.l. i avfallsbehaldarane. Forhandlar av EE-produkt har plikt til å ta imot kasserte produkt vederlagsfritt frå forbrukar Anna Sekker merka Time kommune (oblat / klistremerke) kan brukast i tillegg til avfallsbehaldarar. Det må ikkje leggjast stikkande og/eller skjerande gjenstandar i desse som kan skada renovatørane. Sekker må ikkje fyllast meir enn at dei kan knytast igjen (mules) eller gje skikkeleg bæregrep (jf. Retningsliner for innsamling av avfall i henteordning). Risikoavfall frå hushald kan leverast til kommunalt mottak. Medisin og sprøyter kan leverast til apotek. Bruk av kjøkkenavfallskverner for oppmaling og utslepp av organisk avfall til kommunalt avlaup er forbode. Kommunen kan vedta endå fleire innsamlings-/mottaksordningar for spesielle avfallstypar. 4-4 Nedgravne avfallscontainerar Kommunen tilbyr og eit renovasjonssystem med nedgravne avfallscontainerar. Dette er eit system med yttercontainerar og innercontainerar med botntøming. Avfallet vert henta med renovasjonsbil m/kran. Nedgravne avfallscontainerar er ei løysing som gjev 9

10 TIME KOMMUNE estetiske fordeler og er brukarvenleg i høve til, hygiene, servicenivå, arealbruk og tryggleik. For nærare detaljar vert det vist til retningsliner for nedgravne avfallscontainerar. 4-5 Avfall som ikkje kjem inn under kommunal innsamling Farleg avfall frå verksemder med meir enn 400 kg farleg avfall pr. år er ikkje omfatta av kommunal innsamlingsordning. Næringsavfall er ikkje omfatta av kommunal innsamlingsordning. Slikt avfall skal førast til godkjent avfallsmottak. For sjølvdøde dyr/ animalsk avfall gjeld forskrift om transport av animalsk avfall og anlegg som behandlar animalsk avfall. Abonnentar kan som alternativ til eigen behaldar for innsamling av organisk avfall kompostera organisk avfall i eigen behaldar Abonnentar som driv med husdyrhald, kan som alternativ til kompostbehaldar, kompostera våtorganisk avfall i gjødselkjellar 4-6 Alternativ handsaming av organisk avfall Abonnentar kan som alternativ til eigen behaldar for innsamling av organisk avfall kompostera organisk avfall i eigen behaldar, etter skriftleg avtale med kommunen. Kompostering må gjerast på ein hygienisk tilfredstillande måte (varmkompostering) og i samsvar med gjeldande retningsliner, fastsette av kommunen. Det er ein føresetnad at abonnentar som er med på ordninga komposterer i isolert og skadedyrsikra behaldar, og at dei ikkje deponerer mat- og hageavfall i behaldaren for restavfall. Abonnenten har sjølv ansvaret for behaldaren. Abonnentar som driv med husdyrhald, kan som alternativ til kompostbehaldar, kompostera våtorganisk avfall i gjødselkjellar. Det er berre høve til å kompostera avfall som oppstår på eigedomen. Det er ikkje tillate å ta imot avfall frå andre. Abonnentar som ønskjer å driva med heimekompostering eller kompostering i gjødselkjellar må ha skriftleg avtale med kommunen. Kommunen har rett til å kontrollera at retningslinene for heimekompostering vert fylgde. Ved brot på desse føresetnadene kan kommunen påleggja abonnenten deltaking i ordninga med bruk av eigen behaldar for innsamling av organisk avfall. Det vert vist til retningsliner for heimekompostering. 10 Behaldarar for valfrie renovasjonsordningar for abonnentar utan fellesabonnement, som til dømes kompostbingar, behaldarar for plastemballasje og behaldarar for barnebleier, vert kjøpte, åtte og vedlikehaldne av abonnenten 4-7 Bestilling, byting og oppseiing av avfallsbehaldarar Kommunen står for utlevering og vedlikehald av avfallsbehaldarane. Utgiftene til dette vert dekka av renovasjonsgebyret. Behaldarar for valfrie renovasjonsordningar for abonnentar utan fellesabonnement, som til dømes kompostbingar, behaldarar for plastemballasje og behaldarar for barnebleier, vert kjøpte, åtte og vedlikehaldne av abonnenten. Abonnement kan ikkje seiast opp anna enn ved flytting, sal av eigedom e.l. (tvungen renovasjon, jf. 3). Det vert rekna renovasjonsgebyr fram til abonnementet er lovleg oppsagt og dette er stadfesta av kommunen. Ved flytting skal behaldarane ikkje flyttast med utan etter nærare avtale med kommunen. Behaldarane er kommunen sin eigedom, dette gjeld også brun kjøkkenbehaldar for organisk avfall. Kommunen bestemmer talet på avfallsbehaldarar som er nødvendig for den enkelte eigedommen, vurdert etter avfallsmengde, -type og behov. Ingen bustad-

11 Renovasjonsforskrift eigedom skal vera utan avfallsbehaldarar. Kommunen gjev skriftleg melding til abonnenten, dersom det er behov for fleire eller større behaldarar. Fleire abonnentar kan søka om fellesabonnement der to eller fleire naboar har felles avfallsbehaldarar. Partane i eit fellesabonnement må vera saman om alle avfallsbehaldarane. Ein av abonnentane i fellesabonnementet må stå ansvarleg for kommunen. Abonnenten er sjølv ansvarleg for reinhaldet av behaldarane, slik at det ikkje oppstår hygieniske problem. Han er også ansvarleg for skade som skuldast feil bruk, hærverk eller liknande. Kommunen avgjer når ein behaldar må reparerast eller bytast. Dersom behaldaren må bytast ut kan abonnenten bli pålagt eit nærare bestemt gebyr. 4-8 Plassering og tøming av avfallsbehaldarane Behaldarane må plasserast slik at dei ikkje er til sjenanse for andre, verken til dagleg eller i samband med tøming. I periodar med snø og is kan det vera nødvendig å ha ei anna plassering av behaldarar som skal tømast, enn resten av året. Abonnentane skal retta seg etter kommunen si tilvising når det gjeld plassering av behaldarar som skal tømast. På tømedagen skal brukaren plassera behaldaren ved vegkanten i kjøreruta, der skal også renovatøren setja behaldaren når han er tømd. Abonnentar utan køyreleg veg kan avtala spesielle ordningar. Abonnentar som av helsemessige årsaker ikkje er i stand til å setja behaldaren ut til kjøreruta på tømedagen, kan søkja kommunen om dispensasjon frå dette kravet. Der det er felt mellom gang/sykkelveg og gate, skal behaldaren plasserast ved kanten av gata. Behaldarane må ikkje plasserast slik at fri sikt ved vegkryss og fotgjengarfelt vert forstyrra. Behaldarane skal helst stå slik at handtaka vender mot gata (renovatøren) når dei blir sette fram for tøming. Etter tøming skal abonnenten snarast råd ta behaldaren tilbake på eigedommen. Renovatøren har berre plikt til å ta med avfall som er plassert oppi behaldaren. Loket på behaldaren skal kunna lukkast igjen. Ekstra avfall kan leverast i tillegg dersom det er betalt gebyr og sekken er merka med kvittering. Avfallet skal hentast jamleg i samsvar med tømekalenderen. I spesielle tilfelle kan kommunen bestemma ein annan hentefrekvens, eller at innsamling bare skal gjerast visse deler av året. Innsamlinga skal utførast på ein slik måte at bebuarane ikkje blir unødig sjenerte av støv, lukt og støy. Behaldarane skal forlatast lukka og vera plasserte på ein slik måte at dei ikkje er til sjenanse for trafikken. Under transport må avfallet sikrast slik at det ikkje fell av kjøretøyet. 4-9 Krav til køyrerute Dersom ein veg skal godkjennast som køyrerute må han tilfredstilla kravet til køyreleg veg: ha tilfredsstillande snuplass eller gjennomkøyring og dessutan kurvatur, stigingsforhold, breidde og styrke til å tåla eit køyrety av typen LL med aksellast på 11,5 tonn, På tømedagen skal brukaren plassera behaldaren ved vegkanten i kjøreruta, der skal også renovatøren setja behaldaren når han er tømd Abonnentar som av helsemessige årsaker ikkje er i stand til å setja behaldaren ut til kjøreruta på tømedagen, kan søkja kommunen om dispensasjon frå dette kravet Dersom ein veg skal godkjennast som køyrerute må han ha tilfredsstillande snuplass eller gjennomkøyring, kurvatur, stigingsforhold, breidde og styrke til å tåla eit køyrety av typen LL med aksellast på 11,5 tonn 11

12 TIME KOMMUNE jf. vegnormalen sin definisjon av køyrety. I tillegg skal forhold som avstand til offentleg veg og trafikktryggleik vurderast, når køyreruta skal bestemmast. Vinterstid kan glatt vegbane føra til at veg eller gate ikkje kan reknast som køyrerute. Veg må ha ei fri høgd på minst 4,7 meter, og hekkar og tre som veks inn over vegen skal klyppast ved eigedomsgrensa. Rådmannen bestemmer køyreruta for renovasjonsbilen Hygieniske krav til renovasjon Renovasjon og tilhøyrande vedtekter skal i alle deler og til ei kvar tid vera slik at sentrale krav til hygienisk avfallshandtering vert fylgde. Det vert her vist til sentrale forskrifter og regelverk. Helsestyremaktene i kommunen har eit sjølvstendig ansvar for å sjå til at gjeldande helseforskrifter om oppbevaring av avfall vert fylgde, og kan på eige grunnlag setja vilkår som sikrar hygienisk lagring og disponering av avfallet. Einkvar som får kjennskap til fare for smittefarleg avfall i restavfallet, organisk avfall eller matavfall frå storhushald, skal melda dette til kommunen, slik at særlege tiltak kan vurderast og eventuelt setjast i verk. 5 Tekniske føresegner Renovasjonsforskrifta stiller krav om utarbeiding av renovasjonstekniske planer (RTP) både i reguleringsplanar, busetnadsplanar og byggesaker Renovasjonsforskrifta stiller krav om utarbeiding av renovasjonstekniske planer (RTP) både i reguleringsplanar, busetnadsplanar og byggesaker, der desse omfattar avfallseigarar og offentleg eller privat renovasjon. Med Renovasjonsteknisk plan er her meint ei heilskapleg vurdering av korleis praktisk renovasjon skal leggjast tilrette i byggefasen, og gjennomførast i driftsfasen. Renovasjonstekniske planar skal overfor både Plan og forvalting og Kommunalteknikk, gje nødvendig dokumentasjonsgrunnlag for at avfallsog renovasjonsmessige krav og løysingar er tilfredsstillande tekne vare på. Før reguleringsplan, busetnadsplan og byggesak vert godkjende, skal godkjent RTP liggja føre. Renovasjonstekniske planar skal saksbehandlast av kommunen v/ Kommunalteknikk. 6 Renovasjonsgebyr Generelle føresegner Kostnader som kommunen har på avfallssektoren skal etter Forureiningslova 34, 1. ledd fullt ut dekkast inn gjennom gebyr. Avfallsgebyra kan differensierast for å stimulera til ei kostnads- og miljømessig riktig avfallsbehandling. Kommunen kan innføra system der abonnenten får høve til å velja ulike tenester og

13 Renovasjonsforskrift betale etter yting. Abonnenten skal betale renovasjonsgebyr til kommunen for både pålagde og frivillig valde tenester, i samsvar med den kommunale renovasjonsordninga. For husstandar med fellesabonnement skal gebyret betalast av kvar abonnent i forhold til talet på deltakarar og andeler i fellesabonnementet. Kommunen har plikt til å utarbeida eigne reglar for utrekning av gebyr, baserte på gebyrgrunnlaget. Renovasjonsgebyret skal fastsetjast i to deler, ein fast og avfallsuavhengig del, og ein variabel avfallsavhengig del, slik: Fast (avfallsuavhengig) del: Denne delen skal utgjera ein fast del av gebyrgrunnlaget og vert fastsett lik for alle abonnentar, uavhengig av behaldarstorleik, tenesteomfang mm. Variabel (avfallsavhengig) del: Denne delen skal utgjera resten av gebyrgrunnlaget, og kan reknast som ein differensiert gebyrdel, avhengig av storleik på behaldar, tenesteomfang, avfallsvolum eller -vekt. Kommunen fastset til ei kvar tid kva for abonnentgrupper og tenester som skal inngå i ei differensiert gebyrordning, også forholdet mellom fast og variabel gebyrdel, samt på kva måte gebyrdifferensiering skal gjennomførast. Kommunen fastset også gebyr til dekking av utgifter for tilleggstenester, som f.eks. utkjøring av nye eller henting av brukte avfallsbehaldarar, mottak av avfall som vert levert til mottaksplass og gjenvinningsstasjonar, ekstra innsamling frå enkeltabonnentar osv. Gebyrsatsane vert fastsette av kommunestyret. For nærare detaljar, sjå retningsliner om gebyrberekning for innsamling av avfall frå hushald. 6-2 Innkrevjing av renovasjonsgebyr, renter m. v. Avfallsgebyr med renter og kostnader er sikra med lovbestemt pant etter pantelovas 6-1. Om renteplikt ved for sein betaling, tilbakebetaling og innkrevjing av avfallsgebyr gjeld reglane i lov av 6. juni 1975 nr. 29 om eigedomskatt til kommunane 26 og 27 tilsvarande. 13

14 TIME KOMMUNE 7 Unntak, dispensasjonar og klager Rådmannen kan i enkeltsaker, etter skriftleg søknad, gjera unntak frå eller gi dispensasjon frå føresegnene i forskrifta dersom det er rimelege grunnar til det. Søknader om unntak eller dispensasjonar skal innehalda korrekt opplysningar om eigar, brukar og adresse, samt kva det vert søkt om, og grunngjeving. Utrekning av gebyr og andre avgjerder som er utførde av rådmannen, kan etter forvaltingslova 28, 2. ledd, påklagast. Klageinstans for enkeltvedtak fatta med heimel i denne forskrifta er kommunen si særskilde klagenemnd. 8 Sanksjonar Kommunen kan påleggja abonnenten å auka volumet på behaldarane dersom det er nødvendig for å sikra tilstrekkeleg sortering av avfallet, eller for å hindra at avfallet ikkje vert teke vare på ein forsvarleg måte. Ved manglande eller feil sortering av avfallet etter reglane i denne forskrifta, vil abonnenten få melding frå kommunen om at dette må rettast. Meldinga kan bli gitt munnleg av kommunen, skriftleg med melding som vert festa til avfallsbehaldaren og/eller med brev til abonnenten. For å unngå eventuelle hygieniske problem, kan kommunen i slike tilfelle, for abonnenten si rekning, sørgja for separat innkøyring og sortering av avfall som er feilsortert. Ved dokumentert samanblanding av avfall, eller plassering av restavfall ved miljøstasjonar, vil vedkomande abonnent bli pålagd gebyr til dekking av kommunen sine kostnader for opprydding. Renovatøren kan nekta å tøma avfallsbehaldarar som er overfylte, for tunge (jf. Retningsliner for innsamling av avfall i henteordning) eller på annan måte fylte opp i strid med retningslinene, eller som ikkje til rett tid eller stad er plasserte for tøming. Å la vera å etterkoma pålegg etter renovasjonsforskrifta kan medføra pålagd tvangsmulkt etter Forureiningslova, 73. Brot på renovasjonsforskrifta kan utover dette straffast etter Forureiningslova, Slam og slamskiljarar Time kommune har tvungen tøming av slamskiljarar og tette oppsamlingstankar, jf. Forureiningslova sin 26, og til renovasjonsforskrifta sine retningsliner om slam og slsamskiljarar. 14

15 Renovasjonsforskrift Retningsliner for gebyrberekning for innsamling av avfall frå hushald Verkeområde Retningslinene er heimla i og i samsvar med Time kommune si renovasjonsforskrift. Retningslinene er vedteken av Time kommunestyre. Retningslinene omfattar alle abonnentar som er knytta til kommunal renovasjon med henteordning. For abonnentar knytta til renovasjonssystem med nedgravne avfallscontainerar vert det vist til eigne retningsliner for nedgravne avfallscontainerar Definisjonar Grunngebyr (avfallsuavhengig del) skal dekke kommunen sine utgifter til administrasjon og driftsutgifter som skal fordelast på alle abonnentane. Med mengdegebyr (avfallsavhengig del) er meint gebyr utrekna i forhold til volum, tenesteomfang og tømefrekvens. Største samla reduksjon i mengdegebyret for heimekompostering og/eller fellesabonnement er 50 % Kommunale henteordningar Kommunen skal sørgja for regelmessig tøming av oppsamlingseiningar baserte på følgjande hentefrekvens: Kvar 2. veke for organisk avfall. Kvar 4. veke for papir- / pappavfall. Kvar 4. veke for plast. Kvar 4. veke for restavfall Jf. Retningsliner for innsamling av avfall i henteordning Gebyrutrekning Standard abonnement. Renovasjonsgebyret for eit standard abonnement skal fastsetjast i to deler, eit fast grunngebyr (avfallsuavhengig del) og eit mengdegebyr (avfallsavhengig del). For eit standard abonnement utgjer grunngebyret og mengdegebyret 50 % kvar. Fellesabonnement. Hushald som ønskjer det, kan dela eit abonnement. Alle abonnement må ha minst ein behaldar for kvar avfallsfraksjon. Partane i eit fellesabonnement må vera saman om alle avfallsbehaldarane. Grunngebyret vert ikkje redusert der fleire deler eit abonnement. Mengdegebyret vert delt likt mellom abonnentane i eit 15

16 TIME KOMMUNE fellesabonnement. Alle abonnentane må disponera minimum 60 liter til restavfall per månad. Ein av abonnentane i fellesabonnementet må stå ansvarleg overfor kommunen. Kvar enkelt eigedom som deltek i fellesabonnementet er likevel ansvarleg for betaling av sin del av fellesabonnementet. Ekstra/større behaldar. For større svart behaldar (240 l) eller ekstra behaldar (120 l) vert mengdegebyret auka med 100 %. For større brun behaldar (240 l) eller ekstra blå behaldar vert mengdegebyret auka med 50 %. Behaldar for plastemballasje og barnebleier kan kjøpast av Time kommune. Bruk av slike behaldarar medfører ikkje endring av renovasjonsgebyret. Alternativ handsaming av organisk avfall. Ved alternativ handsaming av organisk avfall (heimekompostering) i godkjend kompostbinge, eller gjødselkjellar for gardsbruk, vert mengdegebyret for eit standard abonnement redusert med 50 %. Tilleggstenester. På tømedagen skal brukaren plassera behaldaren ved vegkanten av køyreruta. Der skal også renovatøren setja behaldaren når den er tømd, jf. 4.8 i renovasjonsforskrifta. Henting og tilbakesetjing av avfallsbehaldaren kan mot særskilt gebyr avtalast med Time kommune. Byting av behaldarar. Dersom abonnenten ønskjer fleire behaldarar eller større/mindre behaldarar blir det lagt til eit endringsgebyr. Abonnenten kan sjølv byta behaldarane gebyrfritt. Fritak frå kommunalt renovasjonsgebyr. Dersom abonnenten er på ferie e.l. lenger enn 6 månader, kan det gjevast reduksjon i renovasjonsgebyret. Det kan leggjast til eit endringsgebyr. Skriftleg melding om at behaldarar er mellombels ute av bruk skal gjevast til kommunen i forkant. Kommunen avgjer sjølv om utleverte behaldarar skal hentast inn i fritaksperioden, og kan krevja tilleggsgebyr for både innhenting og ny utlevering av behaldarar. Abonnement kan ikkje seiast opp anna enn ved flytting, sal av eigedom eller liknande 5.0 Endring av abonnement, oppseiing m.m. Abonnement kan ikkje seiast opp anna enn ved flytting, sal av eigedom eller liknande. Det vert rekna renovasjonsgebyr fram til abonnementet er lovleg oppsagt, og denne er stadfesta av Time kommune. Tilleggstenester etter 4.5 kan seiast opp av begge partar med 1 månads varsel. 16

17 Renovasjonsforskrift Innkrevjing av renovasjonsgebyr Abonnenten betaler renovasjonsgebyr til kommunen for pålagde og frivilleg valde tenester etter den kommunale renovasjonsordninga Økonomi Time kommunestyre fastset årleg storleik på: Renovasjonsgebyr (grunngebyr og mengdegebyr) for avfall i henteordning Renovasjonsgebyr (grunngebyr og mengdegebyr) for nedgravne containerar Gebyr for tøming av slam Reduksjon i mengdegebyr ved heimekompostering Gebyr for mottak av avfall på Ree gjenvinningsstasjon etter volum og i tråd med tilsvarande gebyr på IVAR sine mottak. Gebyr for henting og tilbakesetting av avfallsbehaldarar i tråd med anbodspris frå renovatør. Andre tenester som inngår i kommunen si renovasjonsordning 17

18 TIME KOMMUNE Retningsliner for innsamling av avfall i henteordning Verkeområde Retningslinene er heimla i og i samsvar med Time kommune si renovasjonsforskrift. Retningslinene er vedteken av Time kommunestyre. For å fremja avfallsminimering og miljø- / ressursvennleg avfallshandtering, er innsamling av organisk avfall, papiravfall, plastemballasje og restavfall gjorde til del av tvungen renovasjon. Ordninga gjeld kjeldesortering, oppbevaring og innsamling av organisk avfall, papiravfall, plastemballasje og restavfall frå alle eigedommar som er med i tvungen renovasjon Definisjonar 2.1 Med organisk avfall meiner ein vegetabilsk og animalsk avfall som vert motteke ved sentralt behandlingsanlegg for kompostering. Dette inkluderer alle typar matrestar også frå kjøt og fisk, grønsaksrestar, kaffigrut, kaffifilter, teposar, eggeskal, bein, fruktskal og bær, kjøkenpapir, papirlommetørkle, tørkepapir og serviettar. Dessutan blomar, gras, lauv, kvistar m.m. Vått avfall bør avrennast eller pakkast inn før det vert lagt i behaldaren. Også fjører, hår, avfall frå bur, sagflis og kapp frå anna reint trevirke kan kastes i behaldaren. 2.2 Med papir meiner ein aviser, vekeblad, brosjyrar, kartongar og anna papiravfall som kan takast imot og gjenvinnast. Papiret må leverast til sorterings anlegg. I behaldaren for papir kan ein leggja reklame, aviser, vekeblad, tidsskrift, kontorpapir, brevark, papp, kartong, papirposar o.l. Også papp- og kartongemballasje for matvarer (eksempelvis pizzaesker, frysevareesker, egge kartongar m.m.), med eit tynt plastlag kan aksepterast. Stifter, binders o.l. treng ikkje fjernast. Drikke-, dessert- og væskekartongar inngår i papiravfallet. Desse må skylast, brettast og leggjast i ein eigen plastpose som vert knytt igjen, og lagd saman med papiret. 2.3 Med plastemballasje meiner ein plastposar, plastfolie, plastflasker, plastkanner, plastbeger, isopor og plast esker o.l. Papiretikettar kan vera på. Korkar må takast av og leggjast saman med plasten. Det er viktig at plasten er rein (utan mat og andre rester). Restar skyler du bort med kaldt vatn. Det gjer ingenting om det er eit tynt feittlag igjen på plasten. 2.4 Med restavfall meiner ein den avfallsresten som ikkje kan nyttast til noko formål, og som dermed blir verande avfall. Restavfall vert sluttbehandla gjennom energigjenvinning i forbrenningsanlegg. Her er nokre eksempel på kva som vert kasta: Urein plastemballasje, plast som ikkje er emballasje (legoklossar, hagemøblar, kulepennar etc.), plaster, gasbind og bandasjar, bleier og bind, vattpinnar (Q-tips),

19 Renovasjonsforskrift eingangshøvlar, gips, gummi, keramikk og porselen, eingongsservice og plastbestikk, drikkebeger, sikringar, penslar, tusjar og pennar, oske (avkjølt), støvsugarposar, pleksiglas, isolasjon, golvteppe, golvbelegg i plast, samansette produkt (for eksempel papir / plast) Kommunen sine oppgåver Kommunen skal eiga, utplassera, vedlikehalda og sørgja for regelmessig tøming av behaldarar for papir, organisk avfall og restavfall. Plastemballasjen skal sorterast og leverast i eigen sekk frå kommunen. Tømefrekvensar: Organisk, kvar 2. veke. Papir, kvar 4. veke. Plastemballasje, kvar 4. veke Rest, kvar 4. veke. Abonnentar som ønskjer eigen behaldar til å oppbevara plastsekken i, kan kjøpe denne av kommunen. Time kommune sel også eigne behaldarar for bleieavfall. Kjøp av behaldarar for plastemballasje, bleieavfall og heimekompostering er valfrie ordningar. Kommunen har ikkje ansvar for vedlikehald av desse behaldarane. Kommunen kan fastsetja andre tømefrekvensar. Avfallet skal transporterast til godkjende mottak. Abonnenten sine oppgåver Abonnenten pliktar å sortera og oppbevare avfallet i samsvar med reglane i renovasjonsforskrifta, samt gjeldande reglar og tilvisingar frå helsestyremaktene. Abonnenten pliktar å ta omsyn til krav og råd i Kommunalteknisk avfallsnorm for Time kommune (sjå Dette gjeld blant anna brannførebygging, hygiene, tilkomst m.m. På tømedagen skal brukaren plassera behaldaren/sekken ved vegkanten av køyreruta, der skal også renovatøren setja behaldaren når han er tømd. Tøminga vil tidlegast skje kl Kommunen fastset tømefrekvens og tømedag for dei einskilde avfallsbehaldarane. Brukaren pliktar å fylgja med i kunngjeringar som gjeld avfallshenting for høgtidsdagar og skiftande heilagdagar. Vegen må ha fri høgd på minst 4,7 meter og breidde på minimum 3,5 meter. Dersom breidde på 3,5 meter ikkje er muleg, pliktar veghaldaren eller eigaren å sørgja for at det er ein korridor med bredde på minst 3,0 meter, samt med tilrettelagde kurveutvidingar for køyretøy type LL, der byggverk, gjerde og andre innretningar samt vegetasjon, ikkje er til hinder for at renovasjonsbilen kan koma seg fram. Hekkar og tre som veks inn over vegen skal skjerast ved eigedomsgrensa til ei høgd av 4,7 meter, og i full breidde (minimum 3,0 meter pluss naudsynte kurve- Kommunen skal eiga, utplassera, vedlikehalda og sørgja for regelmessig tøming av behaldarane Hekkar og tre som veks inn over vegen skal skjerast ved eigedomsgrensa til ei høgd av 4,7 meter, og i full breidde 19

20 TIME KOMMUNE utvidingar) for å kunna imøtekoma kravet til køyreleg veg. Dersom oppmoding frå kommunen om skjering innan ein bestemt tidsfrist ikkje vert etterkomen, kan kommunen gjera arbeidet og lasta huseigaren for kostnadene, jf. grannelova, 12. Dersom krav til køyreleg veg ikkje kan imøtekomast, kan kommunen krevja at abonnentane set behaldarar og eventuelle godkjende sekker fram til annan køyreleg veg, eventuelt til tilrettelagt samleplass Oppsamlingseiningar Abonnenten skal ha eigen behaldar for organisk avfall (brun dunk), papiravfall (blå dunk) og restavfall (grå/svart dunk), dersom kommunen ikkje bestemmer noko anna. Tal og storleik på behaldarar vert avtala med kvar abonnent. I område med etasjebustader eller med andre felles løysingar kan behaldarvalet tilpassast for kvar einskild eigedom/område. Avfallssekker er tillatne i tillegg til avfallsbehaldarane for alle avfallsfraksjonar. Sekker med restavfall, papir/papp og organisk avfall skal ha kvitteringsmerke for betalt gebyr (ekstra sekker med plastemballasje kan leverast gebyrfritt utan kvitteringsmerke). Kvitteringsmerkene vert selde på servicetorget i Rådhuset. Plastemballasje vert samla i eigne, perforerte, gjennomsiktige plastsekker, som vert delte ut av kommunen. 5.2 Det er ikkje tillate å kasta organisk avfall, papiravfall og plastemballasje i behaldaren for restavfall. Kommunen kan bestemma at behaldaren for restavfall ikkje skal nyttast til avfall som det finns andre kommunale eller private mottaksmuligheiter for. 5.3 Abonnenten skal, basert på råd frå kommunen og etter beste evne, prøva å forhindra at avfallet frys fast i behaldarane i kuldeperiodar. Jord, stein, sand og grus er ikkje hageavfall. Reine massar kan leverast til betent gjenvinningsstasjon. Bruk av kjøkkenavfallskverner for oppmaling og utslepp av organisk avfall er forbode Abonnenten skal sjå til at behaldaren ikkje vert overfylt, og at han ikkje vert pakka fastare og tyngre med avfall enn at han lett kan tømast på normal måte. Loket skal haldast lukka. Bruk av kjøkkenavfallskverner for oppmaling og utslepp av organisk avfall til kommunalt avlaup er forbode. 20

21 Renovasjonsforskrift 5.6 Avfallsvekt pr. behaldar skal ikkje overstiga følgjande vektgrenser (netto): Oppsamlingseining: Netto maksimumsvekt (kg): 120 liters behaldar liters behaldar liters behaldar liters behaldar liters sekk Avfallsbehaldarane kan etter særskild vurdering utstyrast med lås (må betalast av abonnenten) for å unngå misbruk og branntillaup, sjå t. d. følgjande skisse: 6.0 Økonomi Utrekning og betaling av gebyr viser i den kommunale renovasjonsforskrifta og i retningslinene for gebyrutrekning. 21

22 TIME KOMMUNE Retningsliner for nedgravne avfallscontainerar 1.0 Verkeområde Retningslinene er heimla i og utfyllande til Time kommune si renovasjonsforskrift. Retningslinene er vedteken av Time kommunestyre. 2.0 Kva retningslinene handlar om Retningslinene gjeld nedgravne containerar for oppsamling av avfall frå hushald. Særskilde avtalar må vera inngåtte ved bruk av nedgravne containerar til næringsavfall. Dagens hovudsystem for hushaldsavfall i kommunen er eit hentesystem med plastbehaldarar på mellom 120 og 660 liter: Blå behaldar, eller svart behaldar med blått lokk for papiravfall Brun behaldar, eller svart behaldar med brunt lokk for organisk avfall (matavfall og hageavfall) Svart behaldar for restavfall Svart behaldar med gult lok / eller plastsekker (valfritt) for plastemballasje Kommunen bygger parallelt med dette ut eit renovasjons system med nedgravne avfallscontainerar. Med dette er meint eit system med ytter containerar, innercontainerar med botntøming, og tøming av avfallet med renovasjons bil m/ kran. Containerane vil som hovudregel vera utrusta med tilgangskontroll (identifikasjonssystem) og automatisk måling av fyllingsgrad. Systemet gjeld først og fremst hushaldsavfall, men er også eit tilbod til deler av næringslivet. Containerane kan gravast ned både i område med lausmassar og område med fast fjell der systemet er eigna. Containerane kan også gravast ned i nærleiken av sjø / vatn, slik at den nedre delen ligg seg under havnivå / grunnvasstand. Formålet med innføringa av nedgravne avfallscontainerar er å tilby ei løysing som gjev estetiske fordeler og minimerer forsøpling, tilby funksjonelle løysingar for brukarane i forhold til betening, hygiene, servicenivå, arealbruk og tryggleik, tilby kostnadseffektive løysingar i forhold til investering og drift av systema, samt tilby rasjonelle og miljørette løysingar med omsyn til registrering, innsamling og vidare disponering av avfallet. I utbyggings- og transformasjonsområde er det utbyggaren, i eksisterande burettslag og sameige er det desse organisasjonane som må finansiera førstegongsinvesteringa. For nærare detaljar om utforming, funksjonar, tilgangskontroll, prisar m.m. viser ein til kommunen si kommunaltekniske avfallsnorm og kommunal brosjyre om nedgravne avfallscontainerar. 22

23 Renovasjonsforskrift 3.0 Spesifikke tilvisingar Plassering av nedgravne containerar Dei nedgravne containerane skal, såframt det er muleg, plasserast på privat grunn. Eventuell plassering i det offentlige romet skal tilvisast av kommunen. Dei nedgravne containerane skal plasserast og vedlikehaldast slik at renovasjon kan utførast i samsvar med kommunen si renovasjonsforskrift. Tiltakshavaren må innhenta dei naudsynte løyva frå kommunen med omsyn til arealdisponering og graving. Sikring Staden og utstyret må sikrast mot parkering og påkøyring av bilar. Omgjevnadane må vera utforma slik at ikkje overflatevatn vert leia inn mot staden. Avstandar Containerane skal frå bakkenivå ha ei fri løftehøgd på 9,0 meter. Ytterkanten av containeren skal plasserast minimum 1,0 meter frå vegg eller andre konstruksjonar som kan skadast under tøming. Containeren sitt krokfeste bør vera maks. 3,0 meter frå køyreleg veg, absolutt grense er 5,0 meter. Tilrådd gangavstand frå hovudinngang - bueining til nedgraven container er maks. 75 meter, absolutt grense er 125 meter. Dimensjonering av volum Nedgravne containerar skal dimensjonerast slik at tøming ikkje vert utført oftare enn ei gong pr. veke. Som normal avfallsgenerering vert tala frå kommunen si kommunaltekniske avfallsnorm lagde til grunn. Nedgravne behaldarar for restavfall, papir/papp og bioavfall har eit bruttovolum på 5000 liter (netto: 4500 liter). Container for bioavfall skal på grunn av dette avfallet si eigenvekt ikkje fyllast til meir enn 2500 liter. Tøming Tøming av containerar for organisk avfall skal gjennomførast minimum kvar 3. veke. Kommunen kan i periodar påleggja hyppigare tøming, av hygieniske årsaker. Tøming av containerar for restavfall skal gjennomførast minimum kvar 4. veke. For tøming av papircontainerar er det inga frekvensavgrensing. 23

24 TIME KOMMUNE Elektronikk Alle nedgravne containerar skal utstyrast med elektronikk for måling av fyllingsgraden i innercontaineren, eining for trådlaus dataoverføring, samt tilgangskontroll på innkasteininga, i samsvar med kommunen sine spesifikasjonar. Spaltetekst 4.0 Gebyrutrekning Abonnentar med nedgravne avfallscontainerar betaler same grunngebyr (fast avfallsuavhengig del av renovasjonsgebyret) som andre abonnentar. Grunngebyret er det same for alle abonnentar i Time kommune. Den variable avfallsavhengige delen av renovasjonsgebyret vert redusert med 25%, for abonnentar med nedgravne avfallscontainerar og eit årleg volum for restavfall tilsvarande eit standard renovasjonsabonnement (restavfallsbehaldar på 120 liter per eining). Ved fleire tømingar må brukaren/sameiget betala for tøming og sluttbehandling (per tøming og per kg levert avfall) på same måte som enkeltabonnentar. Dersom det vert nødvendig med ekstra tømingar, vert kostnadane fordelt likt på alle abonnentane i fellesabonnementet. 5.0 Overtaking Tiltakshavaren står for finansiering, gjennomføring og innbygging av nedgravne behaldarar. Kommunen overtar ansvaret for all vidare drift, vedlikehald og fornying av dei nedgravne avfallscontainerane. Brukaren er ansvarleg for omgjevnadene rundt dei nedgravne containerane. Dersom betongkassen sig, får lekkasje, eller andre skader/feil som skuldast forhold i grunnen, er dette ei sak mellom tiltakshaver/utbygger og grave entreprenør. Time kommune har ikkje noko ansvar i slike saker. 24