Fusa sokneråd Forslag til årsmelding 2011 (vedteken av Fusa sokneråd, 29.mai 2012)

Transkript

1 Fusa sokneråd Forslag til årsmelding 2011 (vedteken av Fusa sokneråd, 29.mai 2012) KVA HAR GUD PÅ GONG I FUSA? Kva har Gud på gong i Fusa? Slik har vi spurd ved årsmøta dei siste åra, og slik må vi spørje igjen. Ikkje fordi vi trur at kyrkjelyden er einaste staden Gud gjer si gjerning i Fusa. Men fordi vi er ein kristen kyrkjelyd, som har forventingar til Gud, og som gjerne vil stå i hans plan for soknet. I tråd med dette har vi ikkje berre lagt fram statistikk, men også prøvd å vurdere utviklinga i soknet, med tanke på kva vi særleg må arbeide med frametter. Slik har årsmeldinga også vore eit strategidokument. I år vert dette litt annleis, sidan det skal leggast fram ei visitasmelding i samband med bispevisitasen Her skal det leggast særleg vekt på dei strategiske vurderingane. Desse vil ein såleis i år finne fyrst og fremst i visitasmeldinga. Medan vi i årsmeldinga vil vere litt meir nærsynte, og legge vekt på det som karakteriserte siste året. Årsmeldinga er like vel prega av den strategien som soknerådet vedtok sist vår for Her er kyrkjelydsbygging sett som overskrift for Fusa sokn i tida som kjem. Vidare peikar ein på fire særleg viktige aspekt ved kyrkjelydsbygginga: Gudstenesteliv, medarbeidarskap, barn og unge, soknefellesskap. Sjå til dette plakaten som ligg ved årsmeldinga. I KRISTUS VIL VI SAMAN BYGGJE FUSA KYRKJELYD I TRU, TILBEDING OG TENESTE, GUD TIL ÆRE OG VÅRE MEDMENNESKE TIL GAGN. A. GUDSTENESTEFEIRINGA NAVET I KYRKJELYDEN! Gudstenesta er kyrkjelyden si hovudsamling. Samlinga om Ordet og ved Bordet er det som gjer oss til ein kristen kyrkjelyd, og ikkje berre ein flokk einskildkristne. Her kjem vi med kvart vårt frå liv og teneste. Alt vert tatt inn i Guds nærver, og stelt med av han. Slik kan vi gå derifrå fornya i livet og tenesta. Gudstenestefeiringa er følgjeleg sjølve navet i kyrkjelyden sitt liv. Vi ynskjer difor å normalisere ei regelbunden gudstenestefeiring, slik at det er ein del av sundagsrytmen å samlast til gudsteneste for alle kristne i Fusa. 1. Deltaking og involvering. Det var 113 gudstenester i Fusa i 2011 med 8132 deltakarar. Dette er om lag som dei siste åra. Det kan sjå ut som dei typisk folkekyrkje-gudstenestene, som julaftan, konfirmasjon og gudstenester som er særleg knytte til trusopplæringa, samlar minst like mange som før. Medan dei regulære gudstenestene, som gjerne har vore prega av dei som går meir jamleg i kyrkja, samlar færre enn før. Ein indikasjon på dette er at medan talet på gudstenestedeltakarar gjekk noko opp det siste året, gjekk talet på nattverddeltakarar noko ned. Utfordringa frametter er såleis særleg å samle fleire til regelbunden gudstenestefeiring. Då vil dei som ber kyrkjelyd i tru og teneste, jamleg få både kvile og kveik i fellesskapet for Guds andlet. Slik vil også dei som er kyrkje-sjeldne få eit møte med ein truande og tilbedande kyrkjelyd når dei kjem til kyrkja. 1

2 2. Sams kjerne, men stort mangfald i gudstenestefeiringa. Dei aller fleste gudstenestene i soknet er kyrkjelyden si hovudsamling denne helgedagen. Supplerande gudstenester i tillegg til hovudgudstenesta har vi lite kapasitet til. Det inneber at mest alle gudstenester må ha karakter å vere for alle. Dette set krav til både ei fast, gjenkjenneleg kjerne og variasjon tilpassa situasjonen. Høgmessa. Tyngda av gudstenestene i 2011 var høgmesser med nattverd. Det var høve til dåp ved dei fleste av desse. Vi har prøvd å samle dåpane noko. Men dette har synt seg utfordrande, grunna dåpsfamiliane sine tydelege preferansar av dåpsdagar og sterke tilknyting til lokalkyrkja. Dette inneber at vi jamleg har dåp og nattverd i same gudstenesta. Men med ein litt stram regi på gudstenesta, har vi ikkje opplevd dette som noko problem. Det syner seg at nett gjennom dåps-gudstenesta får fleire ei særleg tilskunding til å ta del i nattverden. Kyrkjekoret tek jamleg del i høgmessa. Dei har ved fleire høve leia kyrkjelyden i alternative variantar av dei liturgiske ledda. Familiegudstenester Det vart i 2011 feira 23 familiegudstenester. I tillegg kjem 9 gudstenester for barnehagebarn- og skuleelevar. Dei fleste av familiegudstenestene er knytte til dei krinsvise fasane i trusopplæringa. Vi heldt fram med sams familiegudstenester (familie-mix) i Eikelandsosen for heile soknet, etter alternativ liturgi. Vi har også feira nokre få familiemesser med nattverd, der særleg dei litt eldre borna vart aktiviserte. Andre gudstenester Vi merkar oss med glede at det var svært god oppslutnad om julaftansgudstenestene også i år. Lysmesse etter engelsk tradisjon 4. sundag i advent i Fusa og påskenattsgudsteneste i Hålandsdalen er nye gudstenesteformer hos oss, som alt er i ferd med å bli tradisjon. Den tradisjonsrike olsokgudstenesta i Holdhus gamle kyrkje samla mange også denne gongen. Like eins dei tradisjonelle friluftsgudstenestene på Bygdastølen 2. påskedag, Fusafjellet helgetorsdag og Vinnesholmen 2. pinsedag. Også i år var det pilegrimsvandring på postvegen frå Fusa til Strandvik. Nytt i år var felles tur frå Ospeneset til Tegland, med gudsteneste der. Gudstenesta som kyrkjelyden si hovudsamling handlar sjølvsagt om gode gudstenestetilbod. Dette må vi heile tida arbeide med. Men samstundes må vi hjelpe kvarandre til betre gudstenestevanar. Som Jesus gjekk i synagoga som han var van med, treng vi å feire gudsteneste som god, åndeleg vane. 3. Eitt sokn ein kyrkjelyd ei gudsteneste? Etter at vi vart samla til eitt sokn, har det vorte stadig tydelegare at vi også må tenkje om oss sjølve som ein kyrkjelyd. Dette inneber også at vi jamleg samlast til sams gudstenestefeiring. Samstundes ser vi at det er viktig med lokal gudstenestefeiring, både grunna geografisk nærleik til lokalkyrkja og tilknyting gjennom tradisjon og lokalkultur. I alle høve treng vi framleis å trene oss på å krysse dei gamle krinsgrensene, og feire gudsteneste hos og med kvarandre. 2

3 4. Gudstenestereforma: Saman for Guds andlet. Kyrkjemøtet vedtok i 2011 ei stor gudstenesteform. Tyngda av denne skal gjennomførast i heile kyrkja i perioden i kyrkjeåret For Fusa inneber dette: Ny tekstbok. 1. sundag i advent 2011 tok vi i bruk ny tekstbok. Vi har no fått 3 tekstrekkjer, med tekstar som er tydelegare knytte til tema for sundagen. Tekstane er henta får den nye Bibel-omsetjinga, som kom sist haust. Nokre sundagar har fått nytt namn. Førebuing av ny liturgi. Reforma inneber at kyrkjelydane, innan gjevne rammer, skal forme si eiga gudsteneste. Innan 1. sundag i advent 2012 skal såleis soknet ha på plass godkjende, nye liturgiar for hovudgudstenestene i soknet. I november 2011 vart det halde eit informasjons- og inspirasjonsmøte om dette i Eikelandsosen. I forlenginga av dette oppnemnde soknerådet eit gudstenesteutval som skal utarbeide framlegg til nye liturgiar for hovudgudstenestene i soknet. Utvalet har vorte kursa og arbeidd heller intens for å kunne legge fram eit fyrste utkast til årsmøtet. Ein tek sikte på å få vedteke dei nye liturgiane i soknerådet før haustsemesteret tek til. Førebuing av ny gudstenestefordeling. Det ligg i mandatet til utvalet og også kome med framlegg til fordeling av gudstenestene i soknet. Bakgrunnen for dette er endringar i både ressurstilgangen, kommunikasjonane og demografien i soknet. Det overordna spørsmål er kva som fungerer best sams/sentralt og separat/lokalt i dei ulike kyrkjene. Gudstenestereforma gjev oss eit kjærkome høve til å setje gudstenestefeiringa på dagsorden, og har alt skapt større medvit om kvifor og korleis vi feirar gudsteneste. B. MEDARBEIDARAR VÅR VIKTIGASTE RESSURS! Medarbeidarane er vår viktigaste ressurs! Alle døypte i soknet er kyrkjelydsmedarbeidarar som gjer ei teneste i heim, arbeid og samfunn. Men vi har eit særleg ansvar for dei som skal fylle særskilde oppgåver i kyrkjelyden, både frivillige og løna tilsette. Nokre av desse har vi eller bispedømet arbeidsgjevaransvar for, med alt som det inneber. Men vi legg vinn på å sjå alle medarbeidarane som eit fellesskap, med ulike tenester, men sams oppdrag. 1. Soknerådet Det vart gjennomført soknerådsval i Det vart avgitt 987 røyster, dvs. om lag 36% oppslutning ved soknerådsvalet Soknerådet fekk følgjande samsetting: 1. Hans Magne Kvåle, Strandvik 2. Bodil Samnøy, Bogøy 3. Ottar Midtrød, Hålandsdal 4. Heidi Chatrine Bergesen, Sævareid 5. Randi Hauge, Fusa 6. Siriann N Vestbø, Hålandsdal 7. Roald Samnøy, Fusa 8. Pia Ø Valvatne, Strandvik 3

4 Vararepresentantar 1. Anders Holmefjord, Holmefjord 2. Magnar N Berge, Nordtveitgrend 3. Ole Malvin Øvreås, Eikelandsosen 4. Endre A Samnøy, Bogøy 5. Yngve H Bjørndal, Strandvik 6. Ellinor Boge Eriksen, Bogøy 7. Toralv Huse, Baldersheim 8. Margareth L Samnøen, Eikelandsosen Hans Magne Kvåle var leiar i 2011 og Bjarte Samnøy nestleiar fram t.o.m.31.oktober. Bodil Samnøy vart vald som leiar og Ottar Midtrød som nestleiar f.o.m.1.november 2011 t.o.m Pia Ø Valvatne og Ole Malvin Øvreås vart innvilga permisjon for to år då dei er studentar og busette i andre kommunar. 2. Tilsette Det har vore små endringar på personalsida i Ved inngangen til 2011 arbeidde Norunn Rød Markhus i 80% stilling. Frå ca gjekk Norunn ut i fødselspermisjon. Hege K Varhaug-Lekven frå Os vikarierte i stillinga frå , og er ved utgangen av 2011 framleis i stillinga. Ungdomsarbeidarstillingen har i heile 2011 vore på 80%. Hans Einar Markhus har vore tilsett i stillinga. Medarbeidarkoordinatorstillingen er 50%. Hartvig Haugen går i stillinga, men i 25%. Stillinga kombinerer oppfølging av frivillige medarbeidarar og ein del merkantile funksjonar. Dei som no blir løna av kyrkjelyden er Norunn Rød Markhus og Hege K Varhaug-Lekven (kyrkjelydspedagog i 80%), Hans Einar Markhus (ungdomsarbeidar i 80%) og Hartvig Haugen (medarbeidarkoordinator i 25%). Soknerådet mottar statstilskot til 80%, og resterande finansierer soknerådet med eigne midlar som vert skaffa. Kyrkjetenarstillingane held fram som før med Rianne de Zwarte, Terje Rød og Øyvind Nordbø. Det har vore reduksjon i presteressursane då talet på presteressursar er redusert frå 2,0 stilling til ca 1,6 stilling. Det er kapellanstillingen som er redusert frå 100% til 60%. 3. Utvala Det lokale og faglege arbeidet i soknet er i høg grad avhengig av utvala, som legg ned eit stort arbeid, sjølv om aktivitetsnivået varierer frå utval til utval. Det har vore ei viss utskifting av medlemer i fleire av utvala i 2011, og rekruttering med å få nye medarbeidarar i ein del av desse har vore ei utfordring. Dette kan tyde på at vi bør gje utvalsarbeidet meir merksemd i tida som kjem. Leiarane i utvala har vore med på eit fellesmøte med soknerådet, for å drøfte arbeidet. 4

5 4. Andre medarbeidarar Soknet har om lag 160 uløna medarbeidarar, med ulik grad av engasjement og formalisert tilknyting til soknet. Medvitne om kor viktige desse er for kyrkjelyden, har soknerådet prøvd å gje dei auka merksemd gjennom ulike medarbeidartiltak. Dei seinare åra har det difor vore arbeidd meir systematisk med oppfølging av dei frivillige medarbeidarane gjennom at vi har fått oppretta ein medarbeidarkoordinatorstilling. 5. Fusa satsar på medarbeidarane! Vi ser på alle kyrkjelydsmedlemar som medarbeidarar, som er kalla til teneste i heim og yrke, lokalsamfunn og kyrkje. Vår oppgåve er særleg å hjelpe den einskilde til å finne si teneste i kyrkjelyden, og å gje utrusting og støtte i denne tenesta. I Fusa har talet på uløna medarbeidarar auka dei siste åra, og det er ei stor utfording korleis vi skal greie å ta vare på den viktigaste ressursen vi har medarbeidarane våre. Fusa sokneråd har ein gjeldande medarbeidarplan for perioden Fusa sokneråd hadde eit prosjekt som gjekk på rekruttering og oppfølging av leiarar i ulike funksjonar. Dette vart avvikla då ein måtte setje fokus på andre område ein ikkje var førebudd på, særleg bispedømerådet si framferd ved endring av presteressursane i Fusa. 6. Leiartrening for ungdom Fusa sokneråd har eige tilbod for ungdom som er uløna medarbeidarar. Desse er særleg relatert til ungdomsklubben og KRIK gjennom styrearbeid. Ungdomsstyret har vore på blåtur, og nokre ungdomar har delteke på ymse kristne leirar. 7. Bøn Det aller meste av bønearbeidet går føre seg i det stille. Men vi har og eit meir organisert bønenettverk, knytt til bønekontakt Margunn Sæther, som og gjev tilbod om forbøn. Vi har prøvd å gjere dette noko betre kjend siste året. Ved BBL-samlingane kan ein få både personleg forbøn og levere inn eigne bøneemne. Dette er vi opne for også ved dei vanlege gudstenestene, men det kunne vi signalisert tydelegare. I forbøna i gudstenesta bed vi i tilegg for dei faste bønene regelbunde for misjonsprosjekta våre og aktuelle emne som kjem på. Lysgloben i kyrkja er også ei hjelp til bøn, som vert meir og meir nytta. Frå 2012 har vi eit misjonsporsjekt i Fusa sokn. 8. Bibel- og samtalegrupper Her har vi ikkje full oversikt. Men vi veit at desse gruppene er viktige for dei som søkjer ein trygg og triveleg stad for fellesskap og samtale om tru og liv. Er du interessert i å vere med i eller starte ei gruppe, og treng litt starthjelp, ta kontakt med kyrkjekontoret! 9. BBL Bibel, bøn og lovsongskveldane er organiserte av ei eiga gruppe. Desse kveldane, som vert skipa til i Eikelandsosen bedehus, er viktige for den åndelege fordjupinga i kyrkjelyden. Her finn ein både grundig Bibel-undervisning, vitnemål, rik lovsong og høve til bøn og forbøn. Gruppa som har hatt ansvar for desse kveldane arbeider trufast og godt. Men fleire medlemer har no signalisert at dei vil gje seg etter mange års teneste. Vi er såleis på veg inn ein situasjon der vi må sjå på korleis og i kva form vi skal møte behovet som desse kveldane er uttrykk for. Vi treng slike livsnære og Gudsnære fellesskap, der det er plass for heile oss. 5

6 Nøkkeltal: - Vi har om lag 160 uløna medarbeidarar i Fusa sokn - Medarbeidartiltaka nådde om lag 150 deltakarar i Om lag 40 av desse var ungdom - Medarbeidargudsteneste i januar - ca. 100 frammøtte - Bibelleseplan og adventshelsing til alle medarbeidarane i november om lag Sosiale aktivitetar for frivillige - ca 50 var med C. BORN OG UNGE: TRUSOPPLÆRING FOR ALLE! Trusopplæring gjeld for alle fasar i livet. I alt arbeid vi driv i Fusa har vi som mål å nå breidda i folket, samstundes som vi vil gje eit djupnetilbod for dei som er motiverte for det. Mottoet vårt: Rom for alle rom for deg. Trusopplæring steg for steg! 1. Trusopplæring Fusa kyrkjelyd har prioritert trusopplæring i fleire år. Vi var i perioden 2005 til 2009 forsøkskyrkjelyd for aldersgruppa 0-6 år. Frå 2010 har trusopplæringa vore eit permanent satsingsområde for aldersgruppa 0-18 år. Trusopplæringsutvalet er ein viktig ressurs i dette arbeidet, både som kompetansegruppa og ved å ta eit tak der det trengs. Trusopplæringa er bygd opp kring : Dåpsførebuing og dåp. Musikk ved livets begynnelse med avsluttande foreldrefest. 3-årsfasen. Adventfest/familiemix med utdeling av adventskalender. 4-årsfasen. Fellessamling og utdeling av barnebibel i lokalkyrkja 6-årsfasen. Dåpsskule med avsluttande gudsteneste. 8-årsfasen. Tårnagenthelg med avsluttande gudsteneste/familiemix. 11-årsfasen. Utdeling av spesial-bibel i lokalkyrkja. Konfirmantåret med avsluttande konfirmasjonsgudsteneste. Oppslutninga om dei ulike fasane var jamt høg også dette året. Nytt i 2011 var Tårnagenthelga, med deltaking frå over halve årskullet i kommunen. Slik fekk vi gjort litt for aldersgruppa 6-12 år, der utfordringane er størst. Dåpspermen for Fusa er pensum for trusopplæringa i førskulealderen. Det er viktig at vi held oppe medvitet om denne, og brukar han både i heimen og ved tilskipingane våre. 2. Anna barnearbeid Fusa sokneråd har nært samarbeid med barnekor, søndagsskular og andre barnelag i mange grender, særskilt knytt til 4- årsfasen. Det er ikkje registrert kor stor del av borna som er med i det varierte kristne barnearbeidet. 3. Konfirmantarbeidet Konfirmantarbeidet femnar om dei fleste på årskullet. I konfirmantåret 2011/2012 er det 39 konfirmantar, dvs. om lag 85 % oppslutning. Konfirmantåret er bygd opp om konfirmantleir, undervisningstimar i skulen, bedehuset og kyrkjene, tenesteoppgåver, gudstenester og tema/miljø-dag (Roadservice). Undervisninga vert utført av prestane og ungdomsarbeidaren, som koordinerar dette med ungdomsarbeidet elles. Dei kristne ungdomsklubbane og ungdomsmøte i Eikelandsosen bedehus er viktige linkar inn mot eit varig, kristent ungdomsmiljø. Ungdomsutvalet er ein viktig ressurs i konfirmantarbeidet, ikkje minst i 6

7 samband med konfirmantleiren, konfirmantfesten og Roadservice. Vi meiner konfirmantarbeidet er inne i eit godt spor, men arbeider stadig med forbetringar. 4. Anna ungdomsarbeid Den positive utviklinga i ungdomsarbeidet held fram. Også i 2011 var det til vanleg mellom 30 og 60 ungdomar på klubbkveldane i Eikelandsosen. I 2011 har ein hatt ulike tilbod for ungdom, m.a.: Klubbkveldar i Eikelandsosen bedehus U-treff Deltaking på leir/stemne BASIC KRIK Confusing ungdomsklubb Ungdomsklubben i Eikelandsosen blir drive av eit ungdomsstyre der ungdomsarbeidaren er ansvarleg. Vidare er der ei gruppe vaksne som er med på klubbkveldane. Confusing ungdomsklubb på Fusa, vert driven av frivillige og ungdomsarbeidaren og når ca. 50% av målgruppa ( klasse) på Fusa. KRIK Fusa, som vart skipa i 2010, er retta mot dei eldste ungdommane (frå 10.klasse), og skal vera med å skapa idrettsglede og trusglede. Det samlar ikkje mange, men er eit kristent tilbod til ei aldersgruppe der vi ikkje har så mange andre tilbod. KRIK Fusa er organisert under Fusa ungdomsklubb, men har sitt eige styre. BASIC starta hausten 2011, og er eit djubde-tilbod til ungdom som ynskjer å læra meir om kristen tru og veksa som kristen ungdom. Nokre få ungdommar har samlast annankvar torsdagskveld på E.osen bedehus og hatt fellesskap med bibellesing, bøn, samtale, film, m.m. 5. Samarbeid mellom kyrkja og skulen. Dette samarbeidet bygg på ein eigen plan, og inngår ikkje i trusopplæringa. Men det gjev born og unge viktig kunnskap og kjennskap til kyrkja og kristentrua. Viktige element er: Adventssamlingar i nokre barnehagar og skular Julevandring med barnehagane. Påskevandring for barnehagane Sjekk kyrkja for 3. og 4.steg på skulane Vandring gjennom Bibelen for nokre skular Ymse klassebesøk ved kyrkjelydspedagogen Skulegudstenester i adventstida Samarbeidet var ryddig og godt også dette året. D. DIAKONI BÅDE LOKALT OG INTERNASJONALT Diakoni er kyrkjelyden si omsorgteneste. Den er evangeliet i handling, og vert uttrykt gjennom nestekjærleik, inkluderande fellesskap, vern og skaparverket og kampen for rettferd. Mykje av diakonien hos oss går føre seg i det løynde, gjennom menneske som syner omsorg for andre i heim og familie, nabolag og bygda, og gjennom støtte og hjelp til menneske i naud. I tillegg kjem organiserte, diakonale tiltak gjennom soknet, frivilligsentralen og organisasjonar i bygda, som tufta på det kristne menneskesynet fremjar fellesskap og ansvar for kvarandre heime og ute. 7

8 1. Naudhjelp I tillegg til takkoffera til naudhjelpsføremål, ikkje minst til Kirkens Nødhjelp i jula, er fasteaksjonen ein viktig del av naudhjelpa vår. Ikkje minst takka vere god innsats frå konfirmantane kom det i 2011 inn kr ,- på denne aksjonen. Soknerådet gjennomførte også spontanaksjon til inntekt for KN sitt nødhjelpsarbeid på Afrikas Horn. Her kom det inn kr.6.641,-. I tillegg løyvde soknerådet ein del av renteinntektene, kr ,-, til Kirkens Nødhjelp sitt arbeid på Afrikas Horn. Det kom inn totalt kr ,- i kollekter til Kirkens Nødhjelp sitt arbeid i Omsorg I tillegg til den uorganiserte omsorga, som alltid er den viktigaste, vil vi særleg peike på alt det gode arbeidet som skjer gjennom Fusa frivillig-sentral. Frivillig-sentralen vår er i det heile ein stor og viktig del av diakonien hos oss. Her opplever mange glede av både å få omsorg og syne omsorg. Frivilligsentralen legg fram eiga årsmelding om arbeidet sitt. 3. Samliv Det var berre 4 kyrkjelege vigslar i soknet i Vigselstider og dagar måtte regulerast meir enn tidlegare, grunna mangel på vikarmidlar ved ferieavviklinga til prestane. Dette vil halde fram i Det låge talet på vigslar avspeglar at ekteskap er blitt ei samlivsform mellom mange, og at sambuarskap og meir uforpliktande samlivsformer er utbreidde. Oppgåva må vere å lyfte fram ekteskapet som det gode samlivet, samstundes som vi talar realistisk om dei utfordringane som møter oss som ektefolk, og arbeider med desse. 4. Sorg Hovuddelen av det organiserte sorgarbeidet i soknet er knytt til gravferder, og den kontakten prestane og andre kyrkjelege tilsette der har med dei pårørande. Gravferdene og prosessane rundt dei er i det heile ein viktig del av diakonien, der vi opplever at kyrkja sine tenester i stor grad er etterspurde og vert sette pris på. Det var 37 kyrkjelege gravferder i Fusa i Helgemesse vart alle som har mist nokon av sine inviterte til minnegudsteneste i Fusa kyrkje. Denne minnegudstenesta samlar mange. 6. Rus Hos oss, som elles i samfunnet, er det alt for lite merksemd om rusproblema. Men vi trur at det meste av kyrkjelydsarbeidet, ikkje minst det som vert drive for ungdom, er rusførebyggjande. Vi prøver også å tematisere dette i konfirmantarbeidet. 7. Grøn kyrkjelyd - Fairtrade Vi treng stadig halde oppe medvitet om at vi er grøn kyrkjelyd. Diakoniutvalet har særleg satsa på å fremje Fairtrade etisk handel, og har medverka til at kommunestyret har vedteke at Fusa skal vere Fairtrade-kommune. Etter lite aktivitet i dette stykket, har det no kome eit kommunalt initiativ for å kome vidare. Saka har og fått meir merksemd i media. Nytt siste året var at konfirmantane kunne velje Fairtrade som interessegruppe. Denne gruppa gjennomførte ein butikk-test i kommunen. Resultatet vart publisert i kyrkjebladet, og er blitt attgjeve i lokalbladet. Soknet har presentert Fairtrade-varer ved stands og liknande, og brukar slike varer i si eiga verksemd. 8. Kjentfolk i kyrkja Diakoniutvalet, i samarbeid med Fusa kommune og foreldre-organisasjonane for psykisk utviklingshemma, skipa i 2010 til kurset Bli kjend i kyrka. Dette fekk stor oppslutnad. Vi har prøvd å følgje opp deltakarane ved å innby dei spesielt til nokre gudstenester. Gruppa var også med på eit nasjonalt forkynningsprosjekt, der vi utarbeidde og prøvde forkynning knytt til ein av forteljingstekstane i den nye tekstboka for gudstenesta. Resultatet av dette kjem i bokform til hausten. 8

9 9. Institusjonstenester Prestane vitjar jamleg FBBS, Fjordblikk og dagsenteret ved Baldersheim helsetun. Det vert halde andakt og nokre gongar ei enkel nattverdgudsteneste. Nokre av konfirmantane har besøk på sjukeheimen som interessegruppe. Prestane har også vore involvert i noko kursing for helse- og omsorgsarbeidarar i kommunen. 10. Diakoniplan Det er utarbeidd og vedteke ein diakoniplan for soknet. Denne er lite i direkte bruk, og har fyrst og fremst fungert som ei hjelp til å tenkje diakonalt i alt som vi driv med. Nøkkeltal: Diakoni i 2011 i Fusa har vore omsorg for den enkelte, sorgarbeid, rettferdig handel og naudhjepsarbeid! E. MISJON JESUS TIL ALLE! Ein kyrkjelyd utan misjon er som eit hus utan vindauge. Misjonen opnar for eit globalt perspektiv på trua, som gjer henne mindre nærsynt, meir utåtvend og ikkje minst rikare. Samstundes handlar det om alle menneske sin rett til å bli kjende med Jesus, og få høve til å tru på og tene han. Sjølv om misjon handlar om engasjement og motivasjon, så er dette ikkje noko berre for spesielt interesserte. Misjon er såleis heile kyrkjelyden sit ansvar. 1. Nytt misjonsprosjekt: Tabor utdanningssenter i Etiopia. Misjonsprosjekta i kyrkjelyden i 2011 har vore: Fusa: Helga (frå Holmefjord) og Rod Lobaugh sitt arbeid for UiO, med base i Australia. Offer 2011: kr ,- (kr ,- i 2010) Det vart i 2011 skipa til ein misjonskonsert med kafé i Fusa kyrkje til inntekt for dette prosjektet. Denne samla full kyrkje og gav eit solid takkoffer. Hålandsdal: NMS sitt arbeid med bibelomsetjing for fulanifolket i Mali. Offer 2011: kr ,- (kr.7.048,- i 2010) Sundvor: Israelsmisjonen sitt arbeid i Beit Elijahu i Haifa, Israel. Offer 2011:kr (kr.4.289,- i 2010) Strandvik: NLM sitt arbeid mellom gateborn i Mongolia. Offer 2011: kr.667,- (kr.5.275,- i 2010). 9 Samla sett hadde ein ei stor auke i kyrkjeoffer og kollekt til misjonsporsjekta frå 2010 til Det kom inn kr ,- i 2011 (kr ,-i 2010) Grunna det har vore krevjande å halde oppe engasjementet for så mange prosjekt, har det over tid vore arbeidd med å samlast om eitt prosjekt for heile soknet. I 2011 vedtok soknerådet at nytt, sams misjonsprosjekt for soknet vert elevstipend ved Tabor utdanningssenter (TEC) i Hawassa, Etiopia. Senteret gjev kyrkjeleg utdanning som utrustar studentane til teneste i de lokale kyrkjelydane. Det er eigd av Den evangeliske etiopiske kyrkja Mekane Yesus, og vert drive med støtte frå Norsk Misjonssamband (NLM). At vi har TEC og elevstipenda der som misjonsprosjekt, inneber at: Vi ber jamleg ved gudstenester og andre samkomer for utdanningssenteret, elevane der og den kyrkja dei tilhøyrer. Vi gjev jamleg takkoffer ved gudstenestene våre til elevstipenda. Vi prøver å halde soknet godt orientert om prosjektet gjennom kyrkjebladet, nettsidene våre, ved gudstenester og andre samkomer i kyrkjelyden. Ved forbøna i gudstenesta ber vi ikkje berre for dette prosjektet, men for misjonen i det heile og særleg for dei misjonærane som har tilknyting til Fusa.

10 Dei gamle misjonsprosjekta er såleis blitt avvikla. Men kyrkjeutvala (KU) kan framleis prioritere offer til desse og andre misjonsføremål, i tillegg til dei faste takkoffera til det sams prosjektet. Vi er takksame for det vi har fått vere med på gjennom dei gamle prosjekta, og vonar og ber om at vi gjennom det nye prosjektet vil vekse i misjonsengasjementet vårt. Det nye misjonsprosjektet tek til å gjelde frå 1.januar Misjonsforeiningane Her sit vi ikkje med full oversikt. Men vi veit at misjonsforeiningane i bygda gjer eit trufast og verdfullt arbeid i det stille, som det står stor respekt av. Tal vi får frå misjonsorganisasjonane syner at foreiningane i soknet yter mykje også økonomisk. Også einskildpersonar gjev mykje til misjonen. F. FELLESKYRKJELEG ARBEID TIL INSPIRASJON Som kyrkjelyd står vi ikkje åleine, men står i eit trus- og teneste-fellesskap med andre kristne lokalt og regionalt, både i og utanfor Den Norske Kyrkja. Difor rettkjenner vi andre kristne arbeidslag sin plass i sams tru og teneste, og samarbeider gjerne, der dette er tenleg. Gjennom samarbeid og styreoppgåver får vi og gjev vi impulsar som kjem kyrkja som storfellesskap til gode. 1. Bedehusa Arbeidet på bedehusa er viktig ikkje minst for den åndelege fordjupinga i kyrkjelyden, og vi er takksame for det som vert gjort i regi av organisasjonane der. Særleg i Eikelandsosen er det og ei stor hjelp at vi får nytte bedehuset til mange samlingar, ikkje minst Familiemix og innan ungdoms- og konfirmantarbeidet. Gjennom trusopplæringsprosjektet og familiegudstenestene har vi også eit nært samarbeid med sundagsskulen. Svært gledeleg er det at ein der gjennom torsdagsmøta synest å ha funne ei møteform som gjev mykje til mange. 2. Prostiet og bispedømet Samarbeidet på prosti- og bispedømeplan er mest knytt til prestane. Men bispedømet gjev også kurstilbod for andre av dei tilsette. Vi har fått melding om at biskopen i Bjørgvin planlegg visitas i Fusa i samband med 50-års-jubileet for Fusa kyrkja i september Kontakten med prosten og bispedømet vart i 2011 prega av prosessen kring kapellanstillinga, der bispedømet i utgangspunktet ville overføre denne til prostiet, med halve tenesta i Fusa. Dette vart det mykje uro om i soknet. Men etter ein noko turbulent prosess, som sokneråd og kyrkjeverje la ned mykje arbeid i, vedtok bispedømerådet at Fusa får behalde kapellanstillinga, men må avstå 40% av henne til prostiet. Dette fekk verknad frå Sokneprest Roar Strømme avslutta ved utgangen av året 10 års teneste som prestane i Bjørgvin sin representant i bispedømerådet og kyrkjemøtet. G. KUNST OG KULTUR FOR HEILE MENNESKET Gud har skapt og frelser oss som heile menneske, med kropp og sjel. Difor vil vi at kyrkjene i Fusa skal vere rom for tru og tilbeding, sorg og glede, ro og ettertanke, kvile og kveik. I dette speler ulike kulturelle og kunstnarlege uttrykkformer ei viktig rolle. Vi ynskjer såleis at kyrkjene og det som skjer der skal tale til alle sansar. 1. Kyrkjemusikk I løpet av 2011 vart det halde 7 konsertar i kyrkjene våre, dei fleste i Fusa kyrkje. Kantor hadde ansvar for 1 av desse. I 13 gudstenester var det innslag av lokale kor eller 10

11 solistar, av desse 6 ved kyrkjekoret. Kyrkjekoret har øving kvar torsdag. Kantor deltok ved 66 gudstenester, 35 gravferder, 2 brudevigsler, 2 institusjonsandakter og ved 17 ulike skule- og barnehagebesøk. Dessutan har ein hatt eit eige prosjektkor med 10 øvingar, og samlingar med Bli kjend i kyrkja. Ved øvrige tenester nytta ein andre organistar eller anna type musikk enn orgel, her kan nemnast soknebandet og Bjørnefjorden jazzensemble. 2. Anna musikkarbeid I Fusa, Strandvik/Vinnes og Sundvor vert det drive eit trufast og godt arbeid med barnekora. I Eikelandsosen vert Fjord n barnekor drive med leiarar frå Fusa kyrkjelyd, Nordisk katolsk kyrkje og Holdhus kristne forsamling. Koret Fasett har hatt pause også dette året. Fleire kor/grupper, som Credo, Soknebandet, Bjørnefjorden jazz og NilSingers, har gjort ei viktig musikalsk teneneste i kyrkjelyden. 3. Kyrkjekunst I 2011 fekk vi på plass også den raude kyrkjetekstilserien til Fusa kyrkje. Dermed nådde vi målet om å ha komplett sett med kyrkjetekstilar til kyrkja fyller 50 år i Det store prosjektet med ny fargesetjing om maling av Fusa kyrkje til jubileet skaut fart siste året, ikkje minst takka initiativ frå Fusa KU. Dei organiserte også dugnad som førebudde malingsarbeidet som tok til ved årsskiftet 2011/2012. Sjå meir om dette i kapittelet om eigedomsforvalting. H. INFORMASJON Kyrkjebladet i Fusa kom ut med seks nummer i Det er eiga redaksjonsnemnd som følgjer opp arbeidet. Ein opplever å nå mange med kyrkjebladet. Ole Bjørn Eikeland har ansvar for intervju, og kyrkjeverja arbeider fram saman med andre på kyrkjekontoret stoff elles til bladet. Kyrkja har eigne sider på Fusa kommune si heimeside på internett. Dette har ein ikkje hatt ressursar til å følgje opp godt nok. Fusa sokneråd har fått sin eigen ressursbank. Vi oppmodar alle om å lese Ungdomsklubben har si eiga heimeside. Sjå Fusa sokneråd har mange annonsar og omtalar i Os- og Fusaposten for å marknadsføre sine arrangement. SMS-teneste vert også jamleg nytta. I. FELLESRÅDSFORVALTNING/EIGEDOMSFORVALTING 2011 har vore eit år som for kyrkjeverja har vore prega av to store saker å arbeide med som ikkje gjeld bygg og anlegg men likevel ansvarsområde for Fusa sokneråd. Endring i presteressursane til Fusa Kyrkjevalet Bjørgvin bispedømeråd tok initiativ til å omgjere kapellanstillingen til prostiprest. Viser til kapittel på side 10 om Prostiet og bispedømet. Dette utvikla seg til ei sak som tok mykje unødvendig tid og krefter. Soknerådet vil gje honnør til den nye stiftsdirektøren på korleis han gjekk inn i saka og tok tak i den m.a. ut frå også lokale tilhøve i Fusa. Med bakgrunn i m.a. denne saka har Bjørgvin bispedømeråd utarbeidd rutinar for slike saker. Gjennomføring av kyrkjevalet gjekk fint. Mange frivillige medarbeidarar og eit stort apparat som vart sett i sving for å førebu og gjennomføre valet. Med ein oppslutning på om lag 36% 11

12 er godt i landsmålestokk der landsgjennomsnittet ligg på kring 10%. Det er flott å sjå korleis folk i bygdene stiller opp også når det gjeld kyrkjevalet! I Fusa har vi ti kyrkjegardar, fem kyrkjer og ni andre bygg. Dette ansvaret ligg til Fusa sokneråd å handtere. Det ligg svært store utfordringar å greie dette på ein tilfredsstillande måte med dei administrative og økonomiske ressursane ein har til rådvelde. Under tar vi ein kort gjennomgang av noko av det som har skjedd i Det som har særprega 2011 er stor dugnadsinnsats fleire stadar i Fusa, men ein skal heller ikkje gløyme alle enkeltpersonar og mindre grupper som har stått på dette året for å gjere kyrkjer og kyrkjegardar både finare og meir verdig. 1. Kyrkjene Eigedomsutvalet har frå soknerådet delegert ansvar for oppfølging av kyrkjebygga innan dei rammene soknerådet har fastsett. Av større oppgåver i 2011 kan nemnast: - Førebuing, innhenting av anbod, inngåing av avtale m.v. om innvendig maling av Strandvik kyrkje. Oppstart skal skje 5.mars Førebuing og utarbeiding av endeleg fargeplan for Fusa kyrkje. Innhenting av anbod, inngåing av avtale for arbeid innvendig maling av Fusa kyrkje. Oppstart 2.januar Andre oppgåver som er utført: Fusa sokneråd fekk som gåve til Strandvik kyrkje ny hovuddør og sidedør mot sør. Dessutan har vi hatt ein relativt stor reparasjon pga lekkasje i taket i Strandvik kyrkje. Vi har også hatt fleire reparasjonar på elektriske anlegg. Ny trådlaus mikrofon er kome på plass i Sævareid kapell, og vindauge er reparert i Hålandsdal kyrkje. 2. Kyrkjegardane Det har vore dugnad på fleire av dei ti kyrkjegardane i Fusa sokn. Her kan nemnast kyrkjegardane i Strandvik, på Fusa, Holdhus, i Sævareid og på Nordtveit. På Hjartnes kyrkjegard har ein prøvd å ferdigstille kyrkjegarden då Nordtveit kyrkjegard på det nærmaste er fylt opp. På Hjartnes kyrkjegard skal det vere plass for mange år framover når det gjeld graver i den delen av kommunen. Soknerådet hadde ein lengre prosess på gjennomgang av nye kyrkjegardsvedtekter i 2010, og desse tok til å gjelde frå 1.januar Det er naturleg kome nokre reaksjonar på dei nye vedtektene. Her kan nemnast: - at det ikkje er høve til kistegrav på t.d. Holdhus, Nordtveit og på felt B og C i Hålandsdal kyrkjegard. Dei to siste kyrkjegardane gjeld for oppattgraving. Men det er høve til urner på alle desse kyrkjegardane - at det ikkje er høve for utanbygds som aldri har budd i Fusa å få ny grav i Fusa - I tillegg har soknerådet gjort vedtak om at det ikkje vil bli gitt høve til å bruke nye graver eller oppattgraving på ikkje festa graver på kyrkjegarden ved Strandvik og gamle Fusa kyrkjegard. Alt er ikkje like populært, men samstundes er det viktig at ein har tydelege reglar som ivaretek både tryggleik og legg til rette for ein best mogleg framtidig bruk av kyrkjegardane våre. 12

13 Felles Diverse nøkkeltal Gravferdsverksemd: Vi hadde følgjande gravleggingar i 2011 (2010 i parentes) Totalt tal gravleggingar: 39 (28) Av desse utanbygds: 3 (3) Totalt tal urner: 3 (6) Av desse, urner frå Fusa: 2 (4) K. ØKONOMI OFFENSIV SATSING OG GOD ØKONOMISTYRING! 1. Soknerådet sin økonomiske situasjon i 2011 Når årsmeldinga går i trykken har ein diverre svært liten oversikt over rekneskapen for Fusa sokneråd. Det har samanheng med at det er omlegging av rekneskapsføringa. Kyrkjeverja har pr.21.mars ikkje oversikt over endeleg status, men ut frå dei vurderingane ein har gjort fram til no kan ein ikkje sjå at det vert særleg store avvik på driftsbudsjettet samla sett, korkje for fellesrådsområdet eller kyrkjelydsarbeidet. Kyrkjeverja vonar at ein har meir oversikt til årsmøtet. Når det gjeld investeringsbudsjettet, har ein nytta lite av dei kr ,- i Det vart løyvd kr ,- til Fusa kyrkje i Det er nytta om lag kr ,-. Resten vert overført til I tillegg er det løyvd kr ,- med tanke på opprusting av Strandvik kyrkje. Det er nytta om lag kr ,-. Restbeløpet vert nytta i 2012 i samband med opprustinga. Hovudtyngda av inntektene til drift av bygg og anlegg vert overføringar frå Fusa kommune.- Men også festeavgifter er ein del av inntektene soknerådet har. Når det gjeld kyrkjelydsarbeidet, skaffar soknerådet til veie store inntekter sjølve gjennom ulike aksjonar og innsamlingar, sponsorar og offentlege tilskot. Når det gjeld nokre nøkkeltal for 2011 (2010-tal i parantes), så kan ein nemne: Kyrkjeoffer: kr ,- (kr ,- i 2010). Kr ,-(kr ,-) til eksterne føremål og kr ,- (kr ,-) til interne føremål Misjonsprosjekta: kr ,- (kr ,-) Fasteaksjon: kr ,- (60.400,-) Kalenderaksjonen: kr ,- (kr ,-) Gjevarteneste: Truleg cirka kr ,- (kr ,-) Kyrkjeblad: kr ,- (kr ,-) Avslutning Det er viktig å få seie ein takk til alle som i 2011 har vore med og tatt ansvar for kyrkjelydsarbeid og bygg og anlegg, og vi må trekke fram alle trufaste frivillige medarbeidarar som står på over lenger tid og dugnadsfolk som stiller opp frå gong til gong. Utan desse ville stoda vore heilt annleis i Fusa kyrkjelyd! 13

14 Vi må også trekke fram det gode samarbeidet med Fusa kommune det må utviklast vidare, både politisk og administrativt. Den gode og tette dialogen mellom sokneråd og kommunal representant i soknerådet er svært viktig for å kunne utvikle eit nært samarbeid som kan bidra til ei positiv utvikling både i Fusa kommune generelt og det ansvarsområdet som Fusa sokneråd har når det gjeld kyrkjelydsbygging, og også det å forvalte bygg og anlegg med tilhøyrande oppgåver. 14