FORSKRIFTER OM POLITIVEDTEKTER STORD KOMMUNE, HORDALAND

Transkript

1 1 FORSKRIFTER OM POLITIVEDTEKTER STORD KOMMUNE, HORDALAND Kap. 1. Allmenne føresegner 1. Offentleg stad. Med offentleg stad er i denne vedtekta meint gate/veg, her medrekna fortau, sti, park, torg o.l. stad, bru, brygge, kai, strand, anlegg eller anna stad der det er allmenn ferdsel, eller som er bestemt for allmenn ferdsel. 2. Festar, brukar eigar eller styrar av hus eller grunn. Dei plikter som er lagt på eigar av hus eller grunn, kviler også på den som fester, bruker, leiger eller styrer hus eller grunn. Kap. 2. Orden på offentleg stad 3. Ro og orden på offentleg stad. På eller like attmed offentleg stad må ingen vera med i oppstyr, samanstimlingar, larm eller bråk som forstyrrar den allmenne orden eller ferdsel. Når mange menneske samlar seg nær inngang til forsamlingslokale, sportsarenaer, haldeplassar, terminalar (drosje, busshaldeplassar, båtterminal o.l.) skal dei stå i kø og elles retta seg etter dei pålegg som politi eller yrkesutøvar på staden gir for å halda oppe den allmenne orden eller for å regulera ferdsla. 4. Song og musikk, reklame m.m. Den som på eller ut mot offentleg stad vil framføra song eller musikk, skipa til oppvisning eller framvisingar, og/eller gjera bruk av høgtalarar, må på førehand gje melding til politiet. Det same gjeld den som på eller nær offentleg stad ønskjer å dela ut eller spreia opplysningar/reklame e.l., eller bruka gåande, køyrande eller flygande reklame.

2 2 5. Farleg/ skremmande verksemd. På, utover eller like attmed offentleg stad er det forbode: 1) Å skyta med gevær eller anna skytevåpen eller med boge, sprettert, e.l. 2) Brenna av krut, fyrverkeri eller sprengstoff utan at politiet har gjeve løyve. 3) Kasta eller sleppa stein, snøball eller anna som kan vera til skade eller ulempe for den som ferdast der. Det er forbode å bera ladd skytevåpen på offentleg stad, sjå elles straffelova 352 a og våpenlova Kap. 3. Sikring av ferdsla 6. Hindringar På eller utover offentleg stad er det forbode å setja eller hengja opp noko som kan vera til hinder eller ulempe for ferdsla. Markiser eller liknande skal vera festa så høgt at underkanten minst er 2,5 meter over bakken. 7. Sport/leik Politiet kan setja forbod mot aking og annan form for sport, leik eller spel på offentleg stad der dette er naudsynt av omsyn til ferdsel eller allmenn orden. 8. Sperring av fortau m.v. Krev byggearbeid e.l. at gate, veg eller annan offentleg stad vert heilt eller delvis sperra for avgrensa tid, lyt ein på førehand søkja løyve frå politiet. Politiet kan setja nærare vilkår for løyve. 9. Sprengingsarbeid Sprenging på eller like attmed offentleg stad skal vera meldt til politiet på førehand. Politiet kan krevja særleg tryggingstiltak. 10. Diverse arbeid Reising, riving eller reparasjon av bygning, graving eller anna arbeid på eller ut mot offentleg stad der det kan bli fare for ferdsla, skal på førehand meldast til politiet. Politiet kan fastsetja korleis arbeidsstaden skal sperrast og krevja andre tryggingstiltak til vern for publikum.

3 3 11. Vedlikehald av bygningar m.v. Ved vedlikehald av bygningar m.v. på eller ut mot offentleg stad, pliktar den ansvarlege for arbeidet å setja opp avvisingar som gjer det tydeleg at det er farleg eller til ulempe å ferdast der. 12. Avvisarar Når det er fare for at snø eller is kan falla ned frå hustak mot offentleg stad, skal eigaren straks setja opp avvisarar som gjer det tydeleg at det er farleg å ferdast der, og snarast syta for at taket blir rydda. 13. Fjerning av sperrer Sperrer, avvisingar, stigar o.l. må takast bort når arbeidet som nemnt under 9, 10 og 11 er gjort, eller når fare eller ulempe som nemnt i 12 ikkje lenger er tilstades. 14. Ferdsel på frose vatn eller sjø Politiet kan av tryggingsgrunnar setja forbod mot eller gje reguleringsføresegner for ferdsel på vatn eller sjø som er frosen. Kap. 4. Reinhald på offentleg stad 15. Fortau m.v. Eigar av hus eller grunn mot offentleg stad pliktar å sørgja for reinhald av fortau og rennestein i samsvar med lokal sedvane, og reingjering av lys og luftegraver som er knytt til eigedommen. Reinhaldet skal gjerast slik at det vert til minst mogeleg ulempe for ålmenta. Oppsop o.l. må ikkje leggjast i kloakksluk. 16. Snøfall og takras Eigar av hus eller grunn mot offentleg stad pliktar å rydda fortauet utanfor eigedommen for snø og is eller takras. Ryddeplikta inntrer straks etter snøfall, påfrysing og takras. 17. Strøplikt Eigar av hus eller grunn mot offentleg stad pliktar å strø fortauet utanfor eigedommen når dette er glatt. 18. Avlaup for vatn

4 4 Eigar av hus eller grunn mot offentleg stad skal sørgja for at avlaupet for vatn i fortau og rennestein/grøft o.l. vert halde ope. Kap. 5. Hindra tilgrising 19. På veg ut over eller like ved offentleg stad er det forbode: 20. Avfall 1) Å kasta flasker, spiker, papir, fruktskal, sigarettstumpar, snus, tyggegummi eller anna avfall. 2) Å grisa til med maling, tusj, sprayboksar o.l. på noko overflate mot offentleg stad, under dette på eller ved bygning, gate, veg, undergang, bruer, parkanlegg, innretningar og framkomstmiddel. 3) Hengja opp kunngjeringar/plakatar på andre stader enn den som er godkjend for kommunen til slik bruk. Dette gjeld ikkje oppslag på eigedom om forhold som berre vedkjem eigedommen eller dei som driv næringsverksemd eller bur der. Det er forbod å riva, skada eller skjemma oppslag som er lovleg sett opp. Oppslaga skal fjernast når dei er forelda. 4) Å urinera 5) Eigar av hest, hund eller andre dyre pliktar å rydda opp/fjerna avføring frå dyr når dei ferdast på offentleg stad. Den som driv gatesal, uteservering, kiosk, serveringsverksemd, eller arrangerer idrettsstemne, friluftsmøte på eller ut mot offentleg stad, skal sørgja for at området ikkje vert skjemt eller tilgrisas av verksemda/arrangementet. Den som er ansvarleg for slike arrangement skal sørgja for å ha nok avfallsdunkar, at heile området vert halde ryddig, og at opprydding av området skal skje straks etter stengetid eller etter at arrangementet er slutt. Kap. 6. Offentlege anlegg 21. Kyrkjegard 1) På kyrkjegardar er det forbode å sykla, aka eller driva sport, leik eller anna som ikkje sømer seg der. 2) Det er forbode å trengja seg inn på kyrkjegarden når det er stengt for besøk.

5 5 Kap. 7. Dyr 22. Hysdyr m.m. Det er forbode å la husdyr gå laus på eller ved offentleg stad utan forsvarleg tilsyn. Sirkusdyr eller villdyr må ikkje førast på offentleg stad utan løyve frå politiet. Det er pålagt bandtvang på hund på offentleg stad. Kap. 8. Arrangement på offentleg stad 23. Søknadsplikt for arrangement på offentleg stad Den som på offentleg stad vil laga til arrangement som i hovudsak er av underhaldningskarakter, kunstnarisk, selskapeleg eller kommersiell art, og som har ein storleik som opplagt vil føra behov for omfattande regulering av ferdsel eller vakthald, må søkja politiet om dette seinast 3 - tre - veker før arrangementet skal avhaldast. Her gjeld politilova 11 tilsvarande. 24. Meldeplikt for allment tilgjengeleg arrangement utanfor offentleg stad m.m. Den som vil laga til eit arrangement som er allment tilgjengeleg, må senda melding i god tid til politiet. Dette skal gjerast sjølv om arrangementet ikkje går føre seg på offentleg stad når det er truleg at det vert naudsynt med polititilsyn for å sikra ro og orden eller avvikling av trafikk på grunn av storleiken på eller karakteren av arrangementet. Plikt til å melda frå gjeld og samkome med dans eller annan tilstelling som overvegande er av selskapeleg eller underhaldande art for medlemmene av ei foreining eller liknande samanslutning. Politilova 11 gjeld tilsvarande. Kap. 9. Barn 25. Offentleg dans o.l. Barn under 15 år har ikkje tilgjenge til offentleg dans eller liknande arrangement/tilgjengeleg tilstelling utan at dei er saman med foreldra eller andre føresette. Sjå også 13 i politilova.

6 6 Kap. 10. Ymse føresegner 26. Forsøming av plikt 27. Straff Forsømer nokon å utføra det vedkomande har plikt til etter vedtektene eller etter pålegg gjeve med heimel i vedtektene, kan politiet på vegne av vedkomande setja dette i verk. Den som har forsømt pliktene sine må dekka utgiftene. Brot på vedtektene eller påbod gjeve i medhald av vedtektene vert straffa etter politilova 30 nr. 4 om ikkje tilhøvet kjem inn under strengare straffepåbod. 28. Iverksetjing Denne vedtekta tek til å gjelda ein månad etter at ho er stadfesta av justis- og politidepartementet. Då vil gjeldande forskrift av 20. juli 1992 nr. 565 om politivedtekter Stord kommune, Hordaland falla bort frå same tid.