EVALUERING AV ARBEIDET I UH-NETT VEST

Transkript

1 Saksframlegg Dato Referanse / /2012 Sakshandsamar Georg Arnestad, tlf Saksgang: Saksnr. Utval Møtedato VS12/11 Høgskulestyret EVALUERING AV ARBEIDET I UH-NETT VEST Framlegg til vedtak: Saksframstillinga saman med dei merknader som kjem fram i styremøtet, vert sendt UH-nett Vest som HiSF sitt bidrag til evalueringa av UH-nett Vest Saksframstilling Avtalen om nettverkssamarbeid mellom Universitetet i Bergen (UiB), Høgskolen i Bergen (HiB), Høgskolen Stord/Haugesund (HSH) og Høgskulen i Sogn og Fjordane (HiSF) vart underskriven Høgskulen i Volda vart medlem i nettverket frå september Avtalen går ut Formålet med samarbeidet er skildra slik i avtalen: Nettverket skal bidra til å styrke høgare utdanning og forsking ved dei fire institusjonane gjennom eit forpliktande nettverkssamarbeid. Det skal vere eit samarbeid mellom sjølvstendige institusjonar der kvar institusjon får høve til å vidareutvikle sine særtrekk og fortrinn. Nettverket fekk namnet UH-nett Vest. I avtalen vart det sagt at nettverkssamarbeidet skulle evaluerast i løpet av 2011, og det skulle takast standpunkt til vidareføring og eventuell vidareutvikling av samarbeidet i første halvår Kvar av partane i samarbeidet kunne elles seie opp avtalen med verknad frå det første årsskiftet med seks månaders frist. Saka om evaluering av UH-nett Vest vart lagt fram på nettverkets styremøte Styret skal ha saka til ny behandling på styremøtet 19. mars, og til endeleg behandling på styremøtet i juni. Medlemsinstitusjonane er bedne om å drøfte evalueringa og utarbeide sine eigne fråsegner, med særleg vekt på sitt eige forhold til nettverket. Desse fråsegnene skal så sendast over til UH-nett Vest før styremøtet i mars. Formål med saksframlegget Hovudformålet med dette saksframlegget er å gi styret ei orientering om samarbeidet innanfor UH-nett Vest, med særleg vekt på korleis HiSF og involverte fagavdelingar og fagmiljø har opplevd samarbeidet. Saksframlegget med styret sine merknader vil verte oversendt UH-nett Vest som HiSF si fråsegn inn mot den prosessen styret i nettverket legg opp til når det gjeld evaluering og vidareføring. Hovudkonklusjonen i vår eigenevaluering er at samarbeidet i UH-nett Vest har vore positivt for HiSF. Rektor ønskjer at dette samarbeidet skal halde fram. Det finst per i dag ingen alternative samarbeidsformer som HiSF vil vere tent med i same grad som samarbeidet innanfor UH-nett Vest. 1

2 Samarbeidet som har utvikla seg mellom dei fem UH-institusjonane på Vestlandet, skil seg mykje frå samarbeidsmønster andre stader i landet. Fleire andre samarbeid har som mål å skipe eit universitet. Dei tre høgskulane ved Mjøsa arbeider for å skipe Innlandsuniversitet, medan dei tre høgskulane i Østfold, Vestfold og Buskerud vil skipe Oslofjorduniversitet. I Tromsø har høgskulen og universitetet fusjonert. Høgskulane i Oslo og Akershus har òg fusjonert, med siktemål å skipe eit profesjonsuniversitet. Høgskulane i Stavanger, Kristiansand og Bodø har alle vorte universitet. Hausten 2009 inviterte HiB dei tre institusjonane HSH, HiVolda og HiSF til å vere med i eit forpliktande samarbeid om i fellesskap å oppnå universitetsstatus. Dei tre inviterte høgskulane sa seg interesserte i å vere med i eit felles utval som skulle utgreie vidare samarbeid for å styrkje det profesjonsfaglege og andre typar samarbeid institusjonane i mellom. Eit utval med representantar for dei fire institusjonane kom i gang, men utvalet kom etter kort tid fram til at det ikkje var grunnlag for å utarbeide eit felles mandat/oppdragsdokument for ei meir omfattande utgreiing som alle institusjonane kunne einast om. Utgreiingsarbeidet vart derfor ikkje ført vidare. HiB har i sin nye strategiske plan vedteke å arbeide mot at høgskulen skal bli eit profesjonsuniversitet. Etter dette vart det på styremøte i UH-nett Vest i eit samrøystes vedtak presisert at det i samarbeidsavtalen mellom medlemmene er ein føresetnad at de enkelte institusjonene fremdeles skal være egne, selvstendige institusjoner og videreutvikle egne særtrekk og fortrinn. Styret presiserer at avtalen innebærer et forpliktende samarbeid mellom medlemsinstitusjonene, men ikke sammenslåing av institusjonene. Styret la òg til grunn at alle medlemsinstitusjonene fullt ut aksepterer at det ikke er aktuelt for Universitetet i Bergen å fusjonere med noen av høgskolene i UH-nett Vest, og at dette er en klar forutsetning for det videre samarbeidet. Etter denne presiseringa har det ikkje vore meir snakk om eit vestlandsuniversitet. Men institusjonane i ytterkanten av samarbeidsregionen har måtte ta stilling til nye invitasjonar. Mørealliansen Dei tre høgskulane i Møre og Romsdal har skipa prosjektet (og samarbeidsorganet) Mørealliansen. I ei utgreiing som vart lagt fram i januar 2011, vart det foreslått ulike former for vidareutvikling av denne alliansen. Fusjon mellom dei tre høgskulane var eitt av alternativa. Dette alternativet er per i dag ikkje aktuelt. Men høgskulane har, saman med Møreforsking, initiert eit nærmare samarbeid på nokre prioriterte felt, og leiinga ved dei fire institusjonane møtest eit par gonger for året. HiSF vart invitert til å vere med i det vidare arbeidet i Mørealliansen. Vi gjorde klart at vi ser med interesse på arbeidet, men at vi prioriterer arbeidet i UH-nett Vest. Vi stilte oss likevel positive til eit samarbeid med Mørealliansen på enkeltsaker. Vi har etter dette svart ja til å vere med i prosjektet Fjordkonferansen. Det dreier seg om å etablere ein felles årleg arena for fagfolk frå høgskulane i Møre og Romsdal og i Sogn og Fjordane og frå forskingsinstitutta i dei to fylka. Formålet med denne arenaen er å stimulere til auka vitskapleg publisering for fagfolka ved høgskulane og forskingsinstitutta i dei to fylka ved årleg skiping av Fjordkonferansen, der fagfolka får høve til å leggje fram papers og artikkelutkast, som er meinte for seinare publisering. Det vert søkt om støtte til Fjordkonferansen frå Møre og Romsdal og Sogn og Fjordane fylkeskommunar og sparebankane i dei to fylket. Også Høgskulen i Volda har gitt uttrykk for at en den vil prioritere arbeidet i UH-nett Vest framfor arbeidet i Mørealliansen. Samarbeidet om Fjordkonferansen kjem ikkje i strid med UH-nett Vestsamarbeidet. Invitasjon frå Stavanger Høgskolen Stord/Haugesund har vorte invitert til eit nærmare samarbeid med Universitetet i Stavanger. Dei to institusjonane fekk i 2011 også ein mill. kroner i SAK-midlar frå departementet til å greie ut nærmare samarbeid (SAK = samarbeid, arbeidsdeling og fagleg konsentrasjon). HSH har gitt uttrykk for 2

3 at dei vil inngå fagleg samarbeid med UiS på nokre utvalde område og utveksle professor II-stillingar. Men HSH vil prioritere samarbeidet nordover, og ser UH-nett Vest som den naturlege konstellasjonen. Arbeidet i UH-nett Vest erfaringar og evaluering Uavhengig av ulike samarbeidskonstellasjonar og -invitasjonar har UH-nett Vest utvikla seg og teke form. Arbeidsområda har vorte utvida, og stadig fleire fagmiljø og enkeltpersonar ved institusjonane har vorte involverte i ulike former for samarbeid med representantar for dei andre medlemsinstitusjonane. UH-nett Vest har siste fire åra jobba både med utdannings-, forskings-, biblioteks- og internasjonaliseringssamarbeid. Ei rekkje arbeidsgrupper har kome i sving. Det er òg etablert eit eige studentråd. Som grunnlag for utarbeiding av dette saksførelegget har det vore skipa til eit oppsummeringsmøte for tilsette ved HiSF som på ulike måtar har vore involvert i arbeid i UH-nett Vest. Det har òg vorte henta inn fleire skriftlege tilbakemeldingar om erfaringar frå arbeidet. Dei fleste tilbakemeldingane frå arbeidet i UH-nett Vest har vore positive. Nedanfor vert det gitt eit kortfatta oversyn over samarbeidsområda i UH-nett Vest og våre erfaringar frå samarbeidet. 1) Lærarutdanning Lærarutdanningsfeltet har vore gitt prioritet av UH-nett Vest. Det vart tidleg etablert ei eiga gruppe for samarbeid om lærarutdanning. Dekan Rasmus Stokke, HiSF har leia denne gruppa. Pedagogikk, fagdidaktikk og leiing i skulen vart frå starten av peikt ut som eitt av forskingsområda i nettverket. Professor Kari Smith ved UiB har siste åra leia arbeidet i denne gruppa. Utdanningsgruppa har prioritert fagleg samarbeid om grunnskulelærarutdanning (GLU). På dette området har ein òg fått SAK-midlar frå depratementet. Ein har fått til eit samarbeid om deltidsutdanningar på Vestlandet med tilbod lagde til Sandane og Voss. HiSF har stått i spissen for dette arbeidet. Saman med HSH, HiB og Norsk lærarakademi er det laga interessante planar for e-læring, som skal prøvast ut i Norsk 2 for grunnskulelærarutdanning 1-7. Ein har òg gjennom ei arbeidsdeling mellom institusjonane, sikra at alle GLU-fag vert tilbydde på Vestlandet, og at studentane konkurrerer likt om plassane uavhengig av kva for institusjon ein kjem frå. Det har òg vore arbeidd med å få til ei felles mastergradsutdanning, men dette arbeidet strandar delvis mot det ønsket dei enkelte institusjonane, HiSF inklusive, har om å byggje opp eigne masterutdanningar. Arbeidsgruppa har klart å realisere punkta frå handlingsplanen frå Kanskje burde ambisjonane om arbeidsdeling og konsentrasjon vore endå større. Siste åra har det vorte oppretta samarbeid mellom faglege storgrupper innanfor lærarutdanningane, i norsk, matematikk, kunstfag, religion/livssyn/etikk og engelsk. Gruppene arbeider både med felles utdanningstiltak og tek initiativ til fou-prosjekt. Erfaringane frå gruppene varierer. Det kan sjå ut som dei største fagseksjonane har hatt størst utfordringar når det gjeld å finne ein god struktur for møte og for samarbeidet meir generelt. Inneverande år går ein i gang med å drøfte korleis ein kan få til og leggje opp eit samarbeid om førskulelærarutdanning på Vestlandet. Eit fellesmøte for dekanar og institutt-/studieleiarar for førskulelærarutdanningar ved institusjonane vert skipa til 27. februar. Forskingsgruppa er bygt opp kring ein kontaktperson ved kvar institusjon som saman med leiaren i gruppa utgjer ei arbeidsgruppe, som møtest fire gonger for året, i hovudsak i Bergen. Gruppa har arbeidd med fleire søknader til dei relevante forskingsprogramma i Norges forskingsråd (Prakut og Utdanning 2020), skipa til ein internasjonal konferansen om forsking i lærarutdanning og laga til jamlege seminardagar for rettleiarar på master- og phd-nivå. Kari Smith si forskargruppe om undervisningsprofesjonalitet har medlemmer frå alle institusjonane i nettverket. Frå nettverkets side vert 3

4 det peikt på det i større grad må arbeidast inn mot institusjonane for at desse skal stimulere dei tilsette til å delta i forskingsprosjekt og leggje forholda til rette for dette. 2) Helse- og sosialfag Arbeidsgruppa for helse- og sosialfag starta som ei gruppe for helsefaga, men vart i juni 2008 utvida til òg å omfatte sosialfaga. Gruppa har siste to åra vore leia av dekan Gunnar Yttri, HiSF. Gruppa har arbeidd med forskarutdanning (inklusive førstelektorkvalifisering), lærarutveksling, mastergradssamarbeid, utdannings- og forskingssamarbeid. Arbeidet har fungert rimeleg godt, men var noko topptungt den første tida. Etter kvart som ein har fått samla utvalde dyktige fagfolk frå dei ulike institusjonane, har det jamt kome tiltak og prosjekt ut at samarbeidet, og den allmenne kunnskapen om fagmiljøa i nettverket har auka. Såkornmidlane til initiering av fou-prosjekt har fungert stimulerande, og det har kome i gang forskingsgrupper på fleire felt. Dette gjeld også innanfor sosialarbeidarutdanningane, der ein har etablert ein forskingssamarbeid under paraplyen NAV og er i ferd med å starte forsking kring rus og rusrelaterte problemstillingar. Alle institusjonane i UH-nett Vest har vidareutdanningar på dette feltet, men det er avgrensa omfang av forsking på området i dag. Hausten 2010 samla gruppa framståande fagfolk for helse- og sosialfaga i UH-nett Vest til eit møte i Volda. Samlinga var nyttig, målretta og miljøskapande. Det var bra med ei slik samling utanfor Bergen. Forskingsgruppa på dette området har vore leia av professor Monica Nordtvedt, HiB, og har hatt mest fokus på helsefagleg forsking. Hovudmålet har vore å få opp kompetansen på helsefagleg forsking i regionen. Dei fleste prosjekta er i dag knytte til eit prosjekt i Helse Vest der målet er å byggje opp den helsefaglege kompetansen i helseføretaket. Men det er òg sett i gang prosjekt retta mot kommunehelsetenesta og eit prosjekt om barnevern. Forskingsmidlane frå UH-nett Vest har verka svært effektivt som overrislingsmidlar. Ved Avdeling for helsefag har midlane frå nettverket pluss SAK-midlar vorte brukte til søknadsskriving, stipend til utvikling av gode prosjektsøknader om eksterne midlar, forskarsamlingar og analysar. Institusjonane sjølve har bidrege med ressursinnsats, hovudsakleg til prosjektutvikling og skriving av søknader. Nettverksmidlane har vore initierande. Dei har vore forankra i leiinga og samstundes har ein etablerte gode arenaer der fagfolk kan treffe kvarandre. Det vart i 2011 sett ned ei arbeidsgruppe som skulle sjå på mulegheitene for å etablere ein forskarskule i helse- og sosialfag. Denne gruppa la ned arbeidet sitt, då det viste seg ikkje å vere mogleg å få til ein slik forskarskule i nettverket. UiB står overfor kapasitetsproblem når det gjeld rettleiing. Samstundes er Høgskulen i Bergen opptatt av eige arbeid mot sjølvstendig universitetsstatus. Mange tilsette, særleg innanfor helse- og sosialfaga, ønskjer at det kan utviklast studiepoenggivande kurs, eller høve til opptak på ph.d-kurs, for å kvalifisere seg til førstelektor. Sett bort frå dette siste, er erfaringane frå nettverkssamarbeid på helse- og sosialområdet i hovudsak gode. Det er etablert mange gode faglege nettverk på tvers av institusjonane. Dette gjeld både innanfor sjukepleie-, vernepleie- og sosialarbeidarutdanningane. Også nokre av dei mindre fagmiljøa våre ved Avdeling for samfunnsfag har drege gode vekslar på nettverk innanfor UH-nett Vest. På helsefag har ein særleg hatt god nytte av samarbeidet med HiB. 3) Teknologifag UH-nett Vest sitt arbeid med teknologifaga er basert på eit samarbeid (TeknoVest) som alt i 2004 vart etablert av UiB, HiB, HSH, HiÅlesund og HiSF. Teknovest har seinare blitt ein del av UH-Nett Vest samarbeidet. Hovudmålet til TeknoVest var frå starten å auke rekrutteringa til teknologiutdanningane på Vestlandet og vise studentar overgangsmuligheiter til masterutdanning i teknologi på Vestlandet etter avslutta bachelorgrad. Etter at TeknoVest vart ein del av UH-nett Vest har samarbeidet blitt utvida til 4

5 også å omfatte forskingssamarbeid. Også UiS og Sjøkringsskolen er med i arbeidet. Det er etablert fleire større forskingsprosjekt, som har fått ekstern finansiering. Nettverket har òg, gjennom bruk at SAKmidlar, tilsett eigen prosjektleiar for området Kompetanse og interessekartlegging. Nettverket vert leia av professor Geir Anton Johansen, UiB. Det vert skipa til forskingseminar under paraplyen Naturvitskap og teknologi. Ein ny mastergrad i energi, i samarbeid mellom UiB og HiB er under utvikling, og skal ta opp studentar frå Det er laga eigne nettsider for TeknoVest ( HiSF har gjennom Avdeling for ingeniør- og naturfag sidan 2004 delteke i TeknoVest sitt rekrutteringsarbeid, utan at ein har erfart auka søkjartal til utdanningane som eit resultat av dette. Problemstillingane i forskingsprosjekta under Teknovest ligg noko på sida av det HiSF (AIN) har kompetanse på. Det har difor vore vanskeleg for tilsette å ta del i prosjekta. Innanfor teknologi har avdelinga i dag ikkje tilstrekkeleg kompetanse eller kapasitet til å delta. Innanfor geologi ligg problemstillingane på sida av dei problemstillingane geologane ved avdelinga ønskjer å prioritere. Innafor fornybar energi er prosjektet Dyp geotermisk energi av interesse, men vi er usikre på om det her er grunnlag for noko framtidig forskingssamarbeid. Avdeling for ingeniør- og naturfag deltek i arbeidet med å etablere ein erfaringsbasert master i planlegging på Vestlandet. Avdelinga sitt bidrag vil truleg vere på studiepoeng med hovudvekt på planlegging knytt til klimaendringar og klimasårbarheit. 4) Musikknett Vest Musikk vart alt frå starten i 2008 peikt ut som eit av dei fire prioriterte satsingsområde i UH-nett Vest. Nettverket har teke namnet Musikknett Vest, og er eit samarbeidsforum for musikkinstitusjonar på Vestlandet som arbeider med utøvande og pedagogisk utdanning, forsking og kunstnarleg utviklingsarbeid. Arbeidet vert leia av professor Magne Espeland, HSH. HiSF har ikkje delteke i dette samarbeidet. 5) IKT og medier I 2010 peikte styret i UH-nett Vest ut området IKT og medier som eit femte prioritert område. Nettverket vart etablert i juni 2010 som eit forskingsnettverk innanfor IKT- og medieforsking. Arbeidsgruppa for nettverket er sett saman av to representantar frå UiB, HiB og HiVolda og ein representant frå HiSF og HSH. Gruppa vert leia av førsteamanuensis Lars Nyre, UiB (medievitar). Nettverket har disponert såkornmidlane til tre fellessamlingar for å utvikle nye prosjekt og prosjektsøknader. Den eine av samlingane var lagt til Sogndal (vellykka). Gruppa har så langt arbeidd med prosjekt kring utvikling av mobile teknologiar med vekt på forsking på eksisterande tenester på Vestlandet, forsking på særtrekka ved vestlandsk terreng, historie og kultur og utvikling av nye, originale digitale tenester på Vestlandet. Det vart sendt ein søknad i fjor til Verdikt-programmet i Norges forskingsråd. Her er nålauget søknaden trong, og søknaden nådde ikkje opp. HiSF er så langt godt nøgd med samarbeidet med HiB/UiB/Volda på dette fagområdet. Det er likevel ei utfordring for HiSF sidan vi ikkje har eit fagstudium korkje i IKT eller media. 6) Organisasjon og leiing Arbeidsgruppa i organisasjon og leiing blei vedteken oppretta av styret i UH-nett Vest i september Det har teke tid å få etablert ei eiga gruppe. Det har m.a. samanheng med at innanfor dette området ikkje har eit fagleg fellesskap basert på lik utdanning. Utdanningane er heller ikkje knytte til eit felles omkringliggjande praksisfelt. Gruppa som er etablert, arbeider no med ei klargjering av ambisjonar basert på ei kartlegging av kompetanse og interesser. Gruppa vert leia førsteamanuensis Helle A. Oltedal, HSH. Eit mogleg område for forsking kan vere fleirnivåstyring og ansvar i offentleg forvaltning, med vekt på velferdssektorane. 5

6 Her har vi (HiSF saman med UiB) alt fått SAK-midlar til eit felles prosjekt der ein m.a. skal utvikle nye prosjektidear og skisser, gi HiSF-forskarar høve til å delta på forskingsseminar ved UiB og rekruttere masterstudentar til å skrive oppgåve innanfor området. 7) Forskingssamarbeid elles UH-nett Vest har sidan starten hatt eit eiga arbeidsgruppe for forskingssamarbeid. Denne gruppa har hatt handa om utlysing og vurdering av søknader og forslag til tildeling av forskingsmidlar. Det gjeld både såkalla såkorn- og overrislingsmidlar og SAK-midlar. Styret står for den endelege tildelinga av midlar. Arbeidsgruppa har òg hatt ansvaret for opplegg og gjennomføring av det årlege forskingsseminaret på Solstrand. Seminaret har hatt god deltaking frå alle institusjonane, og vert skipa til for fjerde gang i mars Samarbeidet i denne gruppa har vore godt. 8) Biblioteksamarbeid Bibliotekgruppa under UH-nett Vest vart oppretta i 2009, og har tre prioriterte arbeidsområde. 1 Regionale lisensar for e-ressursar (vitskapelege databasar, e-tidsskriftspakkar) Formålet har var å få til regionale lisensar som både var prisgunstige og som braut med den meir tradisjonelle lisensen der kvar institusjon har sin avtale. Her har ein fått på plass eit par avtalar om lisensar og ein avtale om tilgang til Springer Verlag sine e-bøker. Ein har òg gått til felles innkjøp av lesebrett, og vore med og skipa til ein større nasjonal workshop på området. Samarbeidet om regionale lisensar held fram i Det er søkt om SAK-midlar til arbeidet. 2 Utgreiing og tilgang til e-bøker På dette området har det blitt laga rapporten E-bøker i norske universiteter og høgskoler: status og utfordringer. Det har vorte skipa til eit seminar om dei nye e-boksamlingane til Springer Verlag, og eit stort, ope seminar ved UiB med tema Frå p-bøker via e-bøker til i-bøker? E-bøker i akademia. Eit seminar om søkjeverktøy for meir effektiv tilgang til elektroniske informasjonsressursar er planlagt i løpet av våren Undervisning og rettleiing for å utvikle studentar og fagtilsette sin informasjonskompetanse Seminaret/ workshopen Information Literacy Strategy Development vart arrangert i Bergen 5. og 6. november 2009 med 28 deltakarar frå biblioteka i UH-nett Vest. Eit anna seminar handla om Bachelorog masteroppgåver og rettigheiter til vidare bruk av bilete og illustrasjonsmateriale (HiB, ) samla òg deltakarar frå alle institusjonane. HiSF-Biblioteket ser på dette samarbeidet som konkret, målretta og vellykka. Samarbeidstiltaka har bidrege til å styrkje biblioteka si støtte til utdanning og forsking, særleg på to område som i dag er spesielt utfordrande, sett i samanheng med dei andre tiltaka i nettverket: lisensavtalar for tilgang til e-ressursar og biblioteket si pedagogiske rolle. Biblioteka meiner at samarbeidet innanfor UH-nett Vest bør bli vidareført. 9) Samarbeid om internasjonalisering Samarbeidet kring internasjonalisering var med i UH-nett Vest frå starten, men det tok ei tid før arbeidet kom i gang. Institusjonane samarbeidde kring deltaking på utdanningsmessa/konferansen EAIE (European Association for International Education) i København i september Til denne messa var det med god profesjonell hjelp utarbeidd ein felles stand for UiB, HSF, HiSF og HiVolda. Samarbeidet var svært godt, standen vart veldig bra besøkt, og alle ønskjer å arbeide vidare med dette på seinare EAIE-messer. HiB deltok ikkje, men har gitt uttrykk for at dei vil vere med på ein felles profesjonell stand. Innanfor dette området vert det no arbeidd med det ein kallar internasjonalisering heime. Det inneber at skal sjå nærmare utviklinga av eit fleirkulturelt og internasjonalt studiemiljø ved institusjonane i UH-nett 6

7 Vest. Det vert skipa til eit større seminar om dette i Bergen 15 og 16 mars i år. Målgruppa er studieleiarar, sakshandsamarar og tillitsvalde studentar som har kontakt med fleirkulturelle og internasjonale studentar som arbeidsområde. Seminaret skal òg kome med forslag til korleis ein arbeider vidare med dette. 10) Studentråd Studentrådet ved UH-nett Vest vart oppretta i 2010 og består av éin studentrepresentant for kvar av dei fem institusjonane i nettverket. I tillegg sit det éin studentrepresentant i styret for UH-nett Vest. Rådet har ytra ønske om ei klar synleggjering av mulegheitene til å ta fag/kurs på andre institusjonar enn sin eigen. Dei ventar òg at samarbeidet i UH-nett Vest vil føre til meir forskingsbasert undervisning og mulegheiter for studentar til å ta del i forskingsprosjekt. Rådsrepresentanten for HiSF-studentane gir uttrykk for at ordninga med studentråd ikkje har vore spesielt vellykka. Ifølgje studentrepresentanten lever studentrådet i si eiga boble, og har lite kontakt med det som skjer i UH-nett Vest. Det er òg liten kommunikasjon mellom studentrepresentanten i styret og alle undergruppene. Studentrådet er nyttig som ein arena for informasjonsutveksling, men er altfor langt vekke frå det som skjer i UH-nett Vest. Dette må gripast fatt i. Nokre andre sider ved arbeidet i UH-nett Vest Styret UH-nett Vest vert leia av eit styre sett saman av rektorane ved dei fem institusjonane. Direktørane møter som observatørar. I det daglege arbeidet er det ein tilsett koordinator som leiar arbeidet, kallar saman dei mange arbeidsgruppene, skriv møtereferat, ordnar det praktiske osv. Det viktigaste arbeidet vert i nettverket vert likevel utført i arbeidsgruppene. Kontaktutvalet Kontaktutvalet består av éin representant for kvar av dei fem institusjonane. Utvalet er eit mellomledd mellom styret og arbeidsgruppene/den enkelte institusjon, og har mykje samarbeid med den tilsette koordinatoren. Det er koordinatoren som leiar møta i kontaktutvalet, som har sine møte 14 dagar før styremøta. Utvalet drøftar då styresakene. Kontaktutvalet får regelmessig kopi av innkallingar, sakslister og referat frå alle arbeidsgruppene. Det er naturleg å drøfte behov, funksjon og oppgåver for kontaktutvalet ved ei vidareføring av UH-nett Vest. Finansiering UH-nett Vest vert finansiert av dei deltakande institusjonane. Fordelingsnøkkelen er basert på tildelinga til kvar institusjon over statsbudsjettet. Denne modellen var etablert i 2008 og har ikkje vore endra. Budsjettramma vart auke med fem prosent i 2009, og har sidan vore uendra. UH-nett Vest fekk i 2008 kr gjennom Sparebanken Vest sitt allmenngyldige fond. I 2010 og 2011 har fekk UH-nett Vest i alt fire mill. kroner i SAK-midlar frå departementet UiB HiB HSF HSH HVO Sum

8 UiB har gitt uttrykk for at det ikkje er aktuelt for dei å auke løyvinga til UH-nett Vest. Om det vert SAKmidlar dei neste åra, veit vi ikkje. Vurdering Som nemnt innleiingsvis er UH-sektoren i Noreg i sterk utvikling og endring. Det går føre seg ei rekkje samarbeidsprosessar og -tiltak over heile landet. UH-institusjonane på det sentrale Vestlandet har funne saman i eit nettverk der ein valt ut nokre fagområde for nærmare samarbeid. For HiSF har samarbeidet hatt mest positive effektar for profesjonsfaga våre; lærarutdanning, helsefag og sosialfag. Ikkje minst på forskingssida har arbeidet vore inspirerande og utviklande, aller mest kanskje for helsefaga ved høgskulen. Innanfor lærarutdanninga har ein fått til eit godt samarbeid og arbeidsdeling mellom institusjonane når det gjeld grunnskulelærarutdanning. Men også her har forskingssamarbeidet vore viktig. Det her teke litt lenger tid før dette har kome i stand ved sosialarbeidarutdanningane våre, men etter kvart tek fagfolka ved dei ulike institusjonane til å finne kvarandre også her. HiSF har hatt relativt liten nytte av samarbeidet i TeknoVest når det gjeld rekruttering av studentar. Ei mogleg sterkare satsing på ingeniørutdanninga vår, vil kunne endre på dette. Musikksamarbeidet har vi berre i svært liten grad vore med på. Forskingssamarbeidet på IKT og medier har vore spennande også for oss, og her har UiB med sine gode fagmiljø både i informasjonsvitskap og medievitskap vore svært aktiv. Kva som kjem ut av samarbeidet innanfor organisasjon og leiing, er det for tidleg å seie noko klart om enno. Biblioteksamarbeidet har, frå vår synsstad, fungert svært godt. Samarbeidsgruppa for internasjonalisering har slite litt med å kome skikkeleg i gang, men fekk til eit svært godt samarbeid kring EAIE-messa. HiSF får i aukande grad studentar frå andre land og kulturar. Arbeidet med internasjonalisering heime kan derfor verte nyttig også for oss. Våre studentar melder om at Studentrådet i UH-nett Vest ikkje har funne sin plass enno. Dette er ei sak for styret i UH-nett Vest. For tilsette ved HiSF er det stor interesse for å halde fram i UH-nett Vest. Mykje tyder på at dei andre fire institusjonane i nettverket også vil halde fram samarbeidet. Mørealliansen er ikkje eit alternativ, men eit supplement til UH-nett Vest. Også HiVolda prioriterer UH-nett Vest. Neste moglege periode vil verte prega av konsolidering. UiB har sagt frå om at det ikkje vert aktuelt for dei å auke si løyving til nettverket. Det er usikkert om, eller kor lenge, ordninga med SAK-midlar vil halde fram og behovet for auka økonomisk bidrag frå høgskulane kan bli aktuelt. Ut frå dette ser vi det som naturleg at arbeidet i UH-nett Vest vert konsentrert kring dei seks faglege samarbeidsområda ein så langt har vorte samde om. Det vil vere meir aktuelt å redusere talet på faglege område enn å auke det. Vi vil rå frå ei svekking av innsatsen mot profesjonsutdanningane. Samarbeidet kring bibliotek og internasjonalisering bør halde fram. Studentrådet må få reell innverknad på UH-nett Vest arbeidet. Vi vil kort peike nokre andre sider ved samarbeidet som bør vurderast, eventuelt endrast: - Nesten alle møta i UH-nett Vest vert lagde til Bergen, fordi Bergen er midtpunktet og lettast tilgjengeleg for alle. For møtedeltakarar frå HiSF går det med ein arbeidsdag eller to til møte som normalt varer 2-5 timar. Det same gjeld Volda, medan deltakarar frå Bergen ikkje har noka reisetid i det heile. Av fleire omsyn bør ein i neste periode leggje nokre fleire UH-nett Vest-møte og seminar utanfor Bergen. 8

9 - Fleire møte kan og bør avviklast som videomøte. - Det har vore vanskeleg å få til eit godt samarbeid om felles masterutdanningar. Institusjonane har prioritert eigne mastergrader og samordning har vore vanskeleg. - Det er ønskjeleg med eit sterkare engasjement med å få til (forskar)opplæring for dei mange som arbeider med kvalifisering til stilling som førstelektor. - Ordninga med såkorn- og overrislingsmidlar til initiering og utvikling av forskingsprosjekt har vore vellykka - Det er forventningar om auka midlar gjennom UH-nett Vest. Det kan bli aktuelt å diskutera nivået på bidraget frå HiSF. - UH-nett Vest har eigne websider Det er sett av ein 20 pst. stillingsressurs til arbeidet. Tilsette etterlyser fullstendige og oppdaterte nettsider. 9