STYRESAK. DATO: SAKSHANDSAMAR: Kristin Osland Lexow SAKA GJELD: Status for felleseigde helseføretak per juni 2018

Transkript

1 STYRESAK GÅR TIL: Styremedlemmer FØRETAK: Helse Vest RHF DATO: SAKSHANDSAMAR: Kristin Osland Lexow SAKA GJELD: Status for felleseigde helseføretak per juni 2018 ARKIVSAK: 2018/8 STYRESAK: 079/18 STYREMØTE: FORSLAG TIL VEDTAK Styret i Helse Vest RHF tek statusrapport om dei felleseigde helseføretaka per juni 2018 til orientering.

2 Statusrapport felleseigde helseføretak per juni 2018 Nasjonale fellestenester Hovudføremålet med dei felleseigde helseføretaka er å bidra til styrka og forbetra tilbod til pasientane, sikre samordning, likskap og likeverd, samt å bidra til at oppgåvene blir løyst på ein rasjonell måte og med god ressursutnytting. Vidareutviklinga av nasjonalt samarbeid, og ein betre samordning på tvers av regionane, står fram som ein viktig del av den nasjonale helsepolitikken. Styresakene De regionale helseforetakenes felleseide selskaper og Styring av de regionale helseforetakenes felles eide selskaper, gir ei grundig utgreiing om dei felleseigde helseføretaka. Basert på desse to styresakene blei det utarbeidd eit årshjul for styring og oppfølging av dei regionale helseføretaka sine felleseigde helseføretak, der det mellom anna blir venta at det blir gjennomført to årlege oppfølgingsmøte. Dei regionale helseføretaka eig i fellesskap følgjande helseføretak: Pasientreiser HF etablert i 2009 med hovudkontor i Skien Helsetjenestens driftsorganisasjon for nødnett HF (HDO) etablert i 2013 med hovudkontor på Gjøvik Luftambulansetjenesten HF etablert i 2004 med hovudkontor i Bodø 1 Nasjonal IKT HF (NIKT) etablert som eiget helseføretak i 2014 med hovudkontor i Bergen 2. Sykehusbygg HF etablert i 2014 med hovudkontor i Trondheim Sykehusinnkjøp HF etablert i 2015 med hovudkontor i Vadsø 3 (tidlegare HINAS, etablert 2003) Styring og oppfølging av dei felleseigde helseføretaka Det er administrerande direktørar i RHF-a som har overordna ansvar for eigarstyring og oppfølging av dei felleseigde helseføretaka. Dette skjer primært i føretaksmøte der oppdrag og rammer for året blir fastsett, og der resultat, årsresultat og årleg melding blir gjennomgått og godkjent. Andre aktivitetar understøtter dette, medrekna ein formalisert oppfølging og rapportering mellom anna overfor RHF-styra. Målet er større gjensidig innsikt i og kunnskap om helseføretaka si verksemd og RHF-a sine samla aktivitetar. Praktisk tilrettelegging blir ivareteke av dei regionale helseføretaka sine eigardirektørar og økonomidirektørar. I 2017 blei det etablert ei interregional controllargruppe med controllarar frå kvart RHF. Gruppa bidreg aktivt i saksførebuing av langtidsbudsjett, årsbudsjett og tertialvis økonomirapportering i tillegg til at gruppa, på oppdrag frå økonomidirektørane, blir nytta til å greie ut ulike problemstillingar knytt til økonomistyring av felleseigde helseføretak. Dei felleseigde helseføretaka blir styrt gjennom årlege oppdragsdokument, som angir særskilte krav/oppgåver, og fastset aktivitetskrav og eigarane si finansiering. Medverking frå KTV/KVO i RHF-a i utforminga av oppdragsdokument til dei felleseigde helseføretaka skjer samordna for alle RHF-a frå 2018, jf. omtale i notat til styret under sak 082/17 - Administrerande direktør si orientering. Styra i dei felleseigde helseføretaka er sett saman av representantar frå dei regionale helseføretaka, og tilsett-representantar frå føretaka. I tre av dei seks styra er det med observatørar frå til dømes brukarutvalg (Helsetjenestens driftsorganisasjon for nødnett HF, Nasjonal IKT HF og Pasientreiser HF, og i eitt styre er det valt inn to KTV-representantar (Nasjonal IKT HF). Inntektene til felleseigde helseføretak skal i hovudsak vere basert på prisar for tenester levert til dei enkelte regionale helseføretaka eller helseføretak. Det blir og gitt tilskot til enkelte føremål som representerer fellesaktivitetar, som det ikkje er føremålstenleg å tenesteprise. 1 Tidlegare Helseforetakenes nasjonale luftambulansetjeneste ANS, omgjort til helseføretak frå 1. mai 2017 med navnet Luftambulansetjenesten HF. 2 Nasjonal IKT med nettverksbasert organisering, blei opprinneleg etablert etter initiativ frå Helsedepartementet i Tidlegare Helseforetakenes innkjøpsservice AS (HINAS), etablert mai

3 Dei felleseigde helseføretaka leverer årleg melding på linje med helseføretaka. I tillegg til rapportering på gitte oppdrag omfattar årleg melding også økonomisk langtidsplan og utgreiing om helseføretaket sine planar og strategiar. Helseføretaka leverer også årsberetning og årsrekneskap, som blir fastsett i føretaksmøte. Vidare rapporterer HF-a tertialvis til eigarane på utvalde KPI-ar knytt til økonomi, status på verksemdspesifikke krav frå årets oppdragsdokument, kvalitet/kunde-/brukartilfredsheit og bemanning, bemanningsutvikling og sjukefråvær, og den tertialvise rapporteringa vil kunne inngå som eit grunnlag i RHF-a sin (tertial)-rapportering til sine styre. I protokoll frå føretaksmøte i Helse Vest RHF den 16. januar 2018, pkt Felleseigde selskap, står det at Helse- og omsorgsdepartementet ønskjer eigne rapporteringsmøte med leiinga i dei regionale helseføretaka om Sykehusinnkjøp HF og Sykehusbygg HF, der status for fastlagde mål og strategiar vil bli gjennomgått. Styreleiar og administrerande direktør for verksemdene vil også delta. Datoen for desse møta er sett til den 20. august. Kort status per helseføretak: I det følgjande blir det presentert ein kort status per helseføretak. Status er basert på dei felleseigde HF-a si tertialvise rapportering til eigarane, og på oppfølgingsmøte 1 som eigarane gjennomførte med HF-a den 14. mai Pasientreiser HF Pasientreiser HF er ei felles eining for dei fire regionale helseføretaka, der Helse Vest RHF, Helse Nord RHF og Helse Midt-Norge RHF eig 20% kvar, medan Helse Sør-Øst RHF eig 40%. Hovudføremålet til Pasientreiser er å oppfylle dei regionale helseføretaka sitt sørgje-for-ansvar på området pasientreiser. Helseføretaket har ansvar for teknologiutvikling og systemforvaltning av reiser med og utan rekvisisjon, er ein service- og støttefunksjon, tar hand om administrative og merkantile fellesoppgåver, samordningsoppgåver og transaksjonstunge saksbehandlingsoppgåver for helseføretaka. Føretaket overtok frå den 1. januar 2018 det juridiske ansvaret for tenesteområdet «reiser uten rekvisisjon», og dei fire regionale einingane for reiser utan rekvisisjon blei verksemdoverdratt til Pasientreiser HF. Føretaket hadde ved årslutt tilsette. I 2018 arbeider helseføretaket mellom anna vidare med operasjonalisering av «Oppgjørskontroll- og samkjøringsprosjektet», og oppdatering av gevinstrealiseringsplanar i samarbeid med helseføretaka. Vidare blir det arbeidd med å sluttføre utgreiinga om moglege effektiviserings- og kvalitetsfremjande tiltak innanfor området reiser med rekvisisjon. I 2018 skal Pasientreiser HF oppnå ein digital innsendingsgrad på 70% og automatiseringsgrad på 65% på området reiser utan rekvisisjon. Aktivitetskrav for 2018 er fastsett i føretaket sitt budsjett og i SLA-avtale mellom Pasientreiser HF og dei regionale helseføretaka. Inntektstilskotet til helseføretaket for transaksjonstunge oppgåver og samordnings- og koordineringsoppgåver blir fordelt mellom regionane i samsvar med fastset kostnadsfordeling, medan eventuelle tilleggstenester blir fakturert det einskilde regionale helseføretak eller helseføretak. Pasientreiser HF si utvikling i 2018 er i samsvar med planlagt aktivitet og budsjett. Sykehusinnkjøp HF Sykehusinnkjøp HF er helseføretaka sitt nasjonale innkjøpsføretak, og er eigd av dei fire regionale helseføretaka med 25% kvar. Føretaket skal på vegne av dei fire RHF-a med underliggjande helseføretak gjennomføre anskaffingar, og forvalte avtalane rundt desse. Sykehusinnkjøp HF skal understøtte spesialisthelsetenesta sitt behov for innkjøpstenester, og saman med helseføretaka realisere kvalitative, økonomiske og samfunnsmessige verdiar innanfor alle innkjøpskategoriar. Helseføretaket sitt hovudkontor ligg i Vadsø, med kontor i alle dei fire helseregionane. Føretaket hadde ved årsslutt tilsette. I 2018 har Sykehusinnkjøp HF fått som overordna krav å: 3

4 organisere og dimensjonere kvar divisjon til å levere i samsvar med avtalar og avtaleforvaltning til sin region utarbeide innkjøpsplanar for kvar region, som også er samordna med nasjonale innkjøpsplanar synleggjere avtaledekning for kvar region, både innanfor kategoriane og som lovlege avtalar av totalt inngåtte avtalar. I tillegg skal det utarbeidast handlingsplan med mål om høg avtaledekning for kvar region Det blir arbeidd med utviklinga av helseføretaket mellom anna ved etablering av gode samarbeidsformer med dei ulike fagmiljøa i helseføretaka, og identifisering av gevinstar på overordna nivå for dei innkjøpskategoriane som høyrer inn under helseføretaket. Helseføretaket er i ferd med å etablere den første fullstendige nasjonale, kategoribaserte anskaffingsplanen basert på behova i alle regionane, og denne planen skal rullerast årleg. Sykehusinnkjøp skal ha ei aktiv rolle i prosessane i Nye Metoder, og skal ihht mandat frå Beslutningsforum gjennomføre forhandlingar og utarbeide forslag til innkjøpsavtalar. Når det gjeld forsyningstryggleik og beredskap er Sykehusinnkjøp ansvarleg for inngåing og koordinering av innkjøpsavtalar for alle helseføretak, i tillegg til å utarbeide malar og rutinar som sikrar at forhold knytta til forsyningstryggleik og beredskap blir ivareteke anskaffingsprosessen. Innan legemiddelområdet har Sykehusinnkjøp, i samarbeid med helseføretaka og dei regionale helseføretaka si felles overvakingsfunksjon for legemiddelmangel, ansvar for leveringstryggleik og beredskap av legemiddel og legemiddelforsyninga til helseføretaka. Aktivitetskrav for 2018 er fastsett i nasjonalt og regionalt vedtekne anskaffingsplanar. Sykehusinnkjøp HF si utvikling i 2018 er i samsvar med planlagt aktivitet og budsjett. Luftambulansetjenesten HF Luftambulansetenesten HF er eigd av dei regionale helseføretaka med ein del på 20% for Helse Midt-Norge RHF, Helse Nord RHF, Helse Vest RHF, og 40% for Helse Sør-Øst RHF. Føremålet med Luftambulansetjenesten HF er å bidra til å realisere helsetenesta sine samla målsetjingar, medrekna sørgje-for-ansvaret. Selskapets primære og prioriterte oppgåve er å tilby befolkninga luftambulansetenester og medisinske tenester heile døgnet. Føretaket har teke over alle forpliktingar og retter frå Helseforetakenes nasjonale luftambulansetjeneste ANS, som blei avvikla per 30. april Ved årsslutt 2017 hadde føretaket 29 tilsette fordelt på 23,75 årsverk. Luftambulansetjenesten HF deltek i planleggjinga av og øvingsaktiviteter i NATO-øvinga Trident Juncture, som vil gå føre seg i oktober/november Helseføretaket er i gang med å utarbeide ein rapport i samband med «Forbedrings- og effektiviseringsprosjektet», som skal kartleggje og føreslå konkrete tiltak til forbetring og effektivisering av heile verdikjeda i ambulanseflytenesta. Denne rapporten er noko forsinka grunna mellom anna den særs krevjande situasjonen rundt ambulanseflytenesten gjennom dei siste månadene. Kostnadane knytt til helseføretaket blir fordelt mellom dei regionale helseføretaka i samsvar med vedteke finansieringsmodell. Det er venta at verksemda gir eit resultat i balanse. Ved positivt resultat vil eigarane kunne vurdere storleiken på driftstilskotet. Luftambulansetjenesten HF si utvikling i 2018 er så langt i samsvar med planlagt aktivitet og budsjett. 4

5 Helsetjenestens driftsorganisasjon for nødnett HF Helsetjenestens driftsorganisasjon for nødnett HF (HDO) er eigd av dei regionale helseføretaka med ein del på 20% for Helse Midt-Norge RHF, Helse Nord RHF, Helse Vest RHF, og 40% for Helse Sør-Øst RHF. Helsetjenestens driftsorganisasjon for nødnett HF skal bidra til å realisere helsetenesta sine samla målsetjingar for den nasjonale medisinske naudmeldetenesta, medrekna naudsynt og lovpålagt samarbeid mellom regionale helseføretak og kommunar innan naudmeldetenesta slik det går fram av Lov om spesialisthelsetjenesten, Lov om kommunale helse- og omsorgstjenester og Forskrift om krav til akuttmedisinske tjenester utenfor sykehus. HDO skal gjennomføre vedteke strategi , og operasjonalisere denne for å utvikle helseføretaket innan følgjande område: innføring av naudnett; effektiv og stabil drift; sterkt kundefokus; endringsdyktig organisasjon; pådrivar for vidareutvikling av naudmelde- og prehospitale tenester. Ved årsslutt 2017 hadde HDO til saman 57 tilsette. I 2018 skal HDO HF mellom anna delta i planlegginga og øvingsaktiviteter i samband med NATO-øvinga Trident Juncture Vidare skal HDO følgje med på arbeidet som Direktoratet for samfunnssikkerhet og beredskap (DSB) har sett i gang med å planleggje neste generasjon nødnett. HDO har ansvar for vidare drift og forvaltning av hjartestartarregisteret i HDO skal også halde seg orientert om arbeidet med det nasjonale AMKprosjektet, som blir leia av Helse Vest RHF. HDO HF blir i 2018 finansiert av dei regionale helseføretaka ut frå ein fastsett modell, der driftskostnadar blir fordelt etter eigardel, medan innføringskostnadar for naudnett blir fordelt ut frå geografisk innføringsområde. I tillegg kjem eventuelle lån til investeringar. Det blir venta at verksemda gir eit resultat i balanse. Ved positivt resultat vil eigarane kunne vurdere storleiken på driftstilskotet. Aktivitetskrav for 2018 er fastsett i helseføretaket sitt budsjett, og i SLA-avtale mellom HDO HF og dei regionale helseføretaka. HDO si utvikling i 2018 er i samsvar med planlagt aktivitet og budsjett. Nasjonal IKT HF Nasjonal IKT HF (NIKT) blei etablert som eit helseføretak 1. januar 2014, og er eigd i fellesskap av dei fire regionale helseføretaka med 25% kvar. Nasjonal IKT HF er spesialisthelsetenesta sin arena for samhandling og koordinering innan IKT-området. Ved årsslutt 2017 var det til saman 17 tilsette. I 2018 arbeider føretaket mellom anna med utvikling av porteføljestyring i spesialisthelsetenesta, der prosjektportefølje og prioritering er avstemt med dei regionale helseføretaka og med arbeidet i Direktoratet for e-helse. Vidare skal Nasjonal IKT HF følgje opp felles IKT-strategi for spesialisthelsetjenesten (gjeld perioden ), som er vedteke av styra i dei regionale helseføretaka. Nasjonal IKT HF skal, i samarbeid med Direktoratet for e-helse, utvikle tekniske fellesløysingar for nasjonale medisinske kvalitetsregister. Når det gjeld e-helse, deltek NIKT i Direktoratet for e-helse sitt arbeid med å ferdigstille og ta i bruk nødvendige standardar for elektronisk samhandling. Nasjonal IKT HF blir finansiert av dei regionale helseføretaka i samsvar med vedteke finansieringsmodell. Det blir venta at verksemda gir eit resultat i balanse. Nasjonal IKT HF si utvikling i 2018 er i samsvar med planlagt aktivitet og budsjett. Sykehusbygg HF Sykehusbygg HF blei stifta 23. oktober 2014, og er eigd av dei regionale helseføretaka med 25% kvar. Sykehusbygg HF skal vere ein internleverandør for dei regionale helseføretaka og for helseføretaka i landet. Føretaket skal leggje til rette for og bidra til standardisering, erfaringsoverføring, god ressursutnytting og ressurstilgang innan prosjektering og bygging av sjukehus. Sykehusbygg HF skal sørgje for at erfaring frå forvaltning og drift av sjukehuseigedommar blir tatt omsyn til i nye prosjekt, og slik sett kjem føretaka si eigedomsforvaltning til nytte. Sykehusbygg HF skal bli brukt i alle byggeprosjekt over 500 millionar kroner. Dette gjeld også for prosjekt som allereie er under gjennomføring. 5

6 I 2018 vil helseføretaket i samarbeid med controllargruppa i RHF-a, gjennomgå finansieringsmodellen til Sykehusbygg HF. Vidare blir det arbeidd godt med krava i oppdragsdokumentet for 2018, og dei fleste er gitt grøn status. Når det gjeld kravet om at det skal leggjast til rette for innovasjon, og at ny teknologi skal bli tatt i bruk i utbyggingsprosjekt, så vil Sykehusbygg starte arbeidet med å lage ein heilskapleg plan for innovasjon. Aktivitetskrav for 2018 er fastsett i helseføretaket sitt budsjett, og i tenesteavtalar mellom Sykehusbygg HF og dei regionale helseføretaka og underliggjande helseføretak. Verksemda omfattar to hovudkategoriar av oppgåver; fellesoppgåver og prosjektoppgåver. Fellesoppgåver er oppgåver som helseføretaket løpande tar hand om for dei fire helseregionane, medan prosjektoppgåver blir levert etter bestilling frå eitt eller fleire regionale helseføretak eller helseføretak. Kostnadar for fellesoppgåver og administrasjon blir dekka etter vedteke finansieringsmodell. Det blir venta at verksemda gir eit resultat i balanse. Ved positivt resultat vil eigarane kunne vurdere storleiken på driftstilskotet. Sykehusbygg HF si utvikling i 2018 er i samsvar med planlagt aktivitet og budsjett. 6