Innhald. 1. Visjon og verdiar 2. Forord ved dagleg leiar 3. Etiske retningslinjer: slik vil vi ha det hjå oss 4. Openheit og varsling

Transkript

1 ETIKK i Simas IKS

2 Innhald 1. Visjon og verdiar 2. Forord ved dagleg leiar 3. Etiske retningslinjer: slik vil vi ha det hjå oss 4. Openheit og varsling

3 1. Visjon og verdigrunnlag Mandat SIMAS skal løyse eigarkommunane sine oppgåver innan avfallshandtering på best mogeleg måte, både økonomisk, ressurs- og miljømessig. Vårt verdigrunnlag Visjon: vi skal jobbe for eit reint og miljøvenleg Sogn Våre kjerneverdiar: Samfunnsansvar Miljømedveten Godt arbeidsmiljø Påliteleg og solid Høg kompetanse Handlekraftig Vårt samfunnsansvar: Miljøarbeid Verdiskaping i lokalsamfunn Gode arbeidstilhøve Aktiv interessentdialog Oppfølging av leverandørar

4 2. Forord ved dagleg leiar Me skal kvar dag gjere vårt! For oss i SIMAS so er følgjande spesielt viktig; «SIMAS skal løysa eigarkommunane sine utfordringar innan avfallshandtering på ein best mogeleg økonomisk, ressurs- og miljømessig måte. Her skal innbyggjarane sine ønskjer og interesser takast omsyn til». Dette betyr at me har krav til tenestene me skal utføre, og forventningar til utøving av myndigheitsoppgåva som verksemda har i frå eigarar og kundar. Etisk kvalitet på tenesteytinga og myndigheitsoppgåva er ein føresetnad for at innbyggarane skal ha tillit til oss. I tillegg er etisk kvalitet på samarbeidet oss internt i verksemda også ein føresetnad for at SIMAS skal vera ein god arbeidsplass for alle tilsette. I ei verd der ting stadig endrar seg, og det som var ein sannheit i går ikkje er det lengre, er det viktig å vera klar over at mange rundt oss er opptatt av kva me til ei kvar tid gjer! Og me skal vera genuint opptekne av å sikra at me til ei kvar tid vel beste løysing. Dette er ei viktig rettesnor for oss alle. Med våre eigne og andre sine krav til auka tydelegheit innan etikk og moral ønskjer me

5 å utdjupa og tydeleggjera dette. Me har alle eit ansvar for verksemda sitt omdøme. Og me har eit kollektiv ansvar for å sikre at me opptrer i tråd med gjeldande lover og reglar og følgjer SIMAS sitt verdigrunnlag og etiske retningslinjer. Dei etiske retningslinjene skal fremma bevisstheita omkring temaet, klargjera kva me tykkjer er akseptabel praksis og styrka omdømmet vårt. Etikk er refleksjon over moral! Moral er i grove trekk når me i kvardagen utfører handlingar i samsvar med rett, galt, vondt og godt. Å reflektera er å tenkja seg om kvifor gjere me kva! Mitt håp er at me saman set standarden og bidreg til at SIMAS vert ein god arbeidsplass, utviklande plass å arbeide i og med eit godt omdøme! Kunne det blitt offentleg kjend? Er det lovleg? Set det nokon sitt liv eller helse i fare? Kjennes det rett? Er det i samsvar med våre verdiar?

6 3. Etiske retningslinjer: slik vil vi ha det hjå oss På arbeidsplassen Alle samarbeidar og bidreg til eit positivt og godt arbeidsmiljø Vi har alle eit personleg ansvar for å bidra til eit triveleg arbeidsmiljø der vi samarbeider om felles mål. Vi skal vere løysingsorienterte og støtte kvarandre. Vi respekterer kvarandre og lyttar til andre sine meiningar Vi skal møte menneska rundt oss med respekt og integritet skjellsord vert ikkje akseptert. Vi skal vere opne for andre sine meiningar og godta at vi er ulike. Det er greitt å seie ifrå og gje tilbakemeldingar Vi er konstruktive når vi gjev og tek i mot tilbakemeldingar. Dersom vi er ueinige i noko skal vi ta dette opp direkte med vedkomande. Dersom vi får tilbakemeldingar på noko vi sjølve gjer skal vi ta det i beste meining. Gje skryt når det er fortent!

7 Vi tek avstand frå mobbing, baksnakking og diskriminering Vi tek avstand frå alle former for mobbing og trakassering. Vi skal ikkje snakke nedlatande om nokon bak deira rygg. Ingen skal diskriminerast på bakgrunn av kjønn, etniske forhold, religion, hudfarge, politisk overtyding eller liknande Vi skal ha ein trygg, ryddig og rein arbeidsplass Alle tilsette har ansvar for å setje seg inn i og etterleve gjeldande HMS- og kvalitetsrutinar. Vi skal utføre arbeidsoppgåvene våre på ein forsvarleg måte. Vi set utstyr tilbake på rett plass etter bruk og ryddar opp etter oss. Alle skal bidra til å redusere vår miljøpåverknad Alle tilsette skal bidra til at vi reduserer vår miljøbelasting mest mogleg. Det er difor viktig at vi rapporterer om eventuelle avvik i HMS-, kvalitets- og miljøarbeidet. Vi skal kome med forbetringsforslag, slik at vi heile tida kan utvikle oss. Vi ynskjer òg å oppmuntre våre tilsette til å ha gode miljøvanar heime og på fritida! Vi har teieplikt om konfidensiell informasjon Alle tilsette har teieplikt om konfidensiell informasjon, både opplysingar om verksemda og sensitive personopplysingar om tilsette. Døme på konfidensiell informasjon om SIMAS IKS kan vere strategiar og planar, leverandørlister, programvare, uoffisiell finansiell informasjon eller andre interne dokument. Døme på sensitive personopplysingar kan vere informasjon om helse og privatliv. Nettbruk og omtale av SIMAS i sosiale media Teieplikta gjeld òg ved bruk av internett. Vi skal ikkje omtale SIMAS IKS eller andre tilsette på ein negativ måte i sosiale media. Rusmiddel Vi har nulltoleranse for bruk av rusmiddel i forkant av eller i arbeidstida. Røyking er tillete på tilviste område. Vi brukar SIMAS sitt utstyr med varsemd Alt utstyr som tilhøyrer SIMAS IKS skal reingjerast og setjast på plass etter bruk. Skadar skal rapporterast så snart som mogleg. Utstyr omfattar mellom anna verktøy, køyretøy, datamaskiner, mobiltelefonar, arbeidstøy, verneutstyr, inventar og lager.

8 SIMAS og omverda Vi unngår interessekonflikter Ei interessekonflikt oppstår når personlege interesser gjer det vanskeleg å utføre arbeidet som tilsett i SIMAS IKS på ein profesjonell måte. Døme på ei interessekonflikt er når den tilsette sjølv, familie eller andre nære relasjonar oppnår urettmessige fordelar som ein følgje av arbeidstilhøvet. Dette gjeld òg situasjonar som kan sjå ut som ei interessekonflikt for utanforståande. Gåver og andre godtgjeringar Vi skal ikkje gje eller ta imot gåver eller andre godtgjeringar med urimeleg høg verdi, eller som for utanforståande kan sjå ut for å vere ei bestikking. Døme på bestikkingar er smøring, pengar under bordet, godtgjeringar som tydeleg er meint å skulle påverke ei forretningsmessig avgjerd eller ytingar som gjev personleg vinning til offentlege tenestepersonar eller forretningsrelasjonar. Symbolske gåver, til dømes middagar, billettar til ulike arrangement og nips er akseptert, så lenge dei held seg innanfor etiske standardar og gjeldande lovverk. Dei må i tillegg ha eit klart forretningsmessig føremål, til dømes relasjonsbygging eller marknadsføring. Vi skal aldri gje eller ta imot gåver, provisjon, rabattar, kreditt eller liknande i form av kontantar, aksjar eller verdipapir. Alle gåver eller godtgjeringar skal dokumenterast med korrekte og forklarande rekneskapsbilag.

9 Samfunnsansvar i verdikjeda Alle tilsette skal bidra i arbeidet med å følgje opp våre leverandørar og kommunisere våre forventingar om samfunnsansvar, etikk og miljø. Vi skal gjere vårt beste for å auke kundane sitt miljømedvit gjennom informasjon og opplæring om kjeldesortering, gjenbruk, redusert forbruk og gode miljøvanar. Vi skal vere gode SIMAS-ambassadørar Vi skal vere serviceinnstilte overfor kundane våre og samarbeide om å få jobben gjort på ein effektiv måte som gjer at kunden vert nøgd. Vi er medvitne om at vi representerer SIMAS IKS både når vi er på jobb og på fritida, og handlar ikkje på måtar som set arbeidsgjevar eller kollegaer i eit dårleg lys. Alt arbeidstøy skal vere reint og presentabelt i møtet med kundar. Vi er flinke til å informere kunden om SIMAS IKS sitt tenestetilbod. Open og aktiv interessentdialog SIMAS IKS har ansvaret for ei viktig samfunnsoppgåve, og samspelet med omverda er viktig for å kunne utføre denne oppgåva på ein god måte. Vi skal difor skape ein arena for dialog med våre interessentar, som fremjar samarbeid om berekraftig utvikling. 4. Openheit og varsling Kva er varsling om kritikkverdige forhold? Arbeidsmiljølova 2-4 har reglar som lovfestar retten til å varsle om kritikkverdige forhold i verksemda. Kritikkverdige forhold kan vere brot på lover og føresegner, internt regelverk eller hendingar som strir imot det som er etisk akseptabelt. I enkelte situasjonar kan det vere vanskeleg å seie sikkert om noko er kritikkverdig. Før ei eventuell varsling bør ein difor ta stilling til følgjande: Har eg alle fakta i saka? Kven er involvert? Kva rolle og ansvar har dei? Kva seier lovverket om dette? Er den konkrete handlinga uetisk eller upassande? Søk rettleiing i navigasjonshjulet og dei etiske retningslinjene. Bruk elles sunn fornuft og eiga dømmekraft Diskuter saka med ein leiar eller nokon du har tillit til Presse og media Det er leiinga, eller den leiinga peikar ut, som uttalar seg på vegne av verksemda.

10 Tilretteleggjing for trygg varsling leiinga sine plikter Arbeidsmiljølova 2-5 seier at den som varslar skal ha vern mot gjengjelding, og 3-6 pålegg arbeidsgjevar å tilretteleggje for varsling. I SIMAS IKS skal det vere greit å seie frå om uønska situasjonar. Alle tilsette kan vere trygge på at varsling vert handtert etter lovverket og interne rutinar. Varsling skal ikkje gjengjeldast med oppseiing, avskil, suspensjon, trakassering, fråtaking av arbeidsoppgåver eller andre negative reaksjonar som framstår som straff. Dersom det er grunnlag for det vil varslinga likevel verte møtt med saklege argument eller motbevis knytt til kritikkverdige forhold. Varslinga må vere forsvarleg varslaren si plikt Arbeidsmiljølova 2-4 seier at varslinga må vere forsvarleg, noko som inneber at ein må tenkje over konsekvensane før ein varslar om kritikkverdige forhold. Påstandar om kritikkverdige forhold på arbeidsplassen kan vere ei påkjenning både for enkeltmenneske og arbeidsmiljøet. Ein skal difor velje ein forsvarleg framgangsmåte ved varslinga. Det er viktig å følgje interne retningslinjer og rutinar, slik at ein unngår snakk og ryktespreiing. Nokre gongar har tilsette plikt til å varsle, til dømes ved lovbrot som diskriminering, trakassering, miljøkriminalitet eller økonomiske mislegheiter.

11 gasta.no SIMAS IKS Besøksadresse: Festingdalen, 6854 Kaupanger Postadresse: Amla, 6854 Kaupanger Telefon sentralbord: Fax: E-post: Vakttelefon SIMAS: