Detaljregulering for Kambe - Endring

Transkript

1 Detaljregulering for Kambe - Endring Etne kommune 10. juli 2015

2 Versjon Dato Skildring Utarbeidd av Kontrollert av Innsending av planforslag til Etne kommune EPS ES - 2 -

3 Innhald Innhald Samandrag Bakgrunn Føremålet med planen Forslagstillar, plankonsulent, eigartilhøve Krav om konsekvensutgreiing? Planprosessen Medverkande prosessar, varsel om oppstart, evt. planprogram Planstatus og rammevilkår Statlege planretningsliner/ rammer/ føringar Overordna planar Gjeldande reguleringsplanar Skildring av planområdet, eksisterande tilhøve Plassering av område og arealbruk Stadkarakter Landskap og naturverdiar Kulturminne og kulturmiljø Rekreasjonsverdi/ rekreasjonsbruk, uteområde Landbruk Trafikk- og støytilhøve Born sine interesser og sosial infrastruktur Universell tilgjenge Teknisk infrastruktur Grunntilhøve Ureining Næring Temakart Skildring av planforslaget Gjennomgang av aktuelle reguleringsføremål Plassering av busetnad og utforming Bustadmiljø/ bukvalitet Trafikkløysing og tilknyting til infrastruktur Tilgjenge for mjuke trafikantar Miljøoppfølging Landbruksfaglege vurderingar

4 6.8 Kollektivtilbod Born og unge sine interesser og sosial infrastruktur Plan for vass- og avlaup samt tilknyting til offentleg nett, el- anlegg Plan for avfallshenting/ søppelsug Konsekvensutgreiing Føremål Utnytting Leikeplass og tilgjenge Parkering ROS analyse Verknadar av planforslaget Avsluttande kommentar Innkomne merknadar Hordaland Fylkeskommune, Fylkesmannen og Noregs vassdrags- og energidirektorat, NVE, Mattilsynet, Haugaland Interkommunale Miljøverk IKS, HIM, Nabo gnr. 34, bnr. 17, Vedlegg

5 1 Samandrag Det er planlagt ei endring av eksisterande reguleringsplan, der det vert opna for ei tettare utbygging med einebustader, rekkjehus og fleirmannsbustader, med tilhøyrande anlegg. Planforslaget fører til ei utviding av eksisterande busetnad mot sør, samtidig som eksisterande bustadeigedomar får høgare utnytting. Alle areal forutan omlag 650 m 2 er i gjeldande reguleringsplan sett av til bustadutbygging. PLANOMRÅDE Oversiktskart. Kjelde:

6 2 Bakgrunn 2.1 Føremålet med planen Føremålet med planarbeidet er å leggje til rette for meir konsentrerte bustader med tilhøyrande anlegg gjennom ei reguleringsendring av planen for bustadfeltet på Kambe i Etne kommune. 2.2 Forslagstillar, plankonsulent, eigartilhøve Omega Areal AS er engasjert av Tomteselskapet Etne AS til å utarbeide ei endring av gjeldande reguleringsplan for Kambe. Varsla planområde omfattar delar av følgjande eigedomar: Gnr./ bnr. 34/1 Ingolv Vevatne Heimelshavar jf. motteke naboliste i samband med varslinga Arne Martin Vevatne 34/2 Etne kommune 34/5 Etne kommune 34/16 Ingolv Vevatne Unni Vevatne 34/17 Ingrid H Pedersen 34/18 Etne kommune 34/19 Etne kommune 34/31 Jørgen Hopland 2.3 Krav om konsekvensutgreiing? Området er av Etne kommune vurdert til å ikkje utløyse krav om konsekvensutgreiing (KU), då bustadføremål er i samsvar med kommuneplanen, og hovudføremålet i eksisterande reguleringsplan. Nærare grunngjeving til kvifor planen ikkje skal konsekvensutgreiast under pkt. 7. Ortofoto. Kjelde:

7 3 Planprosessen 3.1 Medverkande prosessar, varsel om oppstart, evt. planprogram Planarbeidet er varsla i tråd med PBL Oppstartmøte med kommunen var og dette vart fylgt opp med brev til naboar, grunneigarar, offentlege organ, organisasjonar og andre interesserte Oppstart av planarbeidet vart også annonsert i avisa Grannar, samt lagt ut på kommunen og Omega Areal AS sine heimesider. Frist for tilbakemelding vart sett til Innspel er kommentert under punkt 10, og ligg som vedlegg. Kopi av kunngjeringa i Grannar - 7 -

8 Etter utsending av første varsling vart Omega Areal AS kontakta av eigar av 34/17 med ynskje om å vere med på reguleringsplanen. Etter avtale med kommunen og tomteselskapet vart området utvida i sørvest. Varslingsbrev om utvida område vart sendt naboar og offentlege instansar Det vart satt same frist som for det opprinnelege varselet, Utsnitt av varslingskart med utvida område i skravur

9 4 Planstatus og rammevilkår 4.1 Statlege planretningsliner/ rammer/ føringar Det er lagt til grunn at kommunedelplanen for Etne er utarbeidd i samsvar med retningsliner og rammer frå statlege og fylkeskommunale styresmakter. 4.2 Overordna planar Planområdet ligg i arealdelen til kommunedelplanen for Etnesjøen som bustadområde med skravur der reguleringsplan framleis skal gjelde. Utsnitt av kommunedelplanen for Etnesjøen Gjeldande reguleringsplanar Reguleringsplanen for Kambe vart vedteken Planen har vore revidert fleire gonger, seinast i Både plankart og føresegner er mangelfulle i høve til dagens krav. Hovudføremålet med bustadutbygging i eksisterande reguleringsplan vert vidareført i reguleringsendringa. Innafor planavgrensinga er det tidlegare utarbeidd ein mindre vesentleg reguleringsendring for 34/35. Her er offentleg gang- og sykkelveg i opprinneleg plan lagt om. Denne går langs planavgrensinga i aust

10 Utsnitt frå gjeldande reguleringsplan for Silde/ Kambe, R-4, vedteken Kjelde: Planen er vorte revidert etter denne tid, der bl.a. delar av gangsambandet er teken ut. Mindre vesentleg reguleringsendring for 34/35. Kjelde:

11 Utsnitt over gjeldande reguleringsplan etter digitalisering av det analoge kartet. Utsnittet syner planen etter at revisjonane er gjort. Kjelde:

12 5 Skildring av planområdet, eksisterande tilhøve 5.1 Plassering av område og arealbruk Planområdet omfattar delar av etablert bustadfelt på Kambe, omlag 2 km nord for Etne sentrum. Tilkomstvegen til bustadfeltet går gjennom planområdet. Arealet på sørsida av vegen er ikkje utbygd i dag og ligg mellom ein leikeplass i vest og bustader i aust. Nord for vegen er det eit areal på omlag 8.5 daa som heller ikkje er utbygd, forutan ein einebustad på 34/16. Det er i samband med planprosessen gjort avtalar om grensejusteringar mellom 34/1 og 34/16 for å gi betre rom for utbygging innafor 34/ Stadkarakter Bustadfeltet er bygd ut etter gjeldande reguleringsplan, med ein stram struktur på veganlegg, eigedomsgrenser og plassering av bustader. Bustadane i området er bygd med saltak eller valma tak i ulike fargar. Bustadane er for det meste kledd med tre, i både lyse og mørke fargar. Området er bygd ut over ein lengre periode frå 70- talet og til i dag, noko som gjer at bustadane varierer etter kva tid dei er bygd i. 5.3 Landskap og naturverdiar Landskap og naturverdiar er sjekka ut med naturbasen til Miljødirektoratet og Skog og Landskap. Det er ikkje registrert utvalde naturtypar, artar av nasjonal forvaltingsinteresse, verneområde, inngrepsfri naturområde eller heilheitleg kulturlandskap som råkar planområdet. Sør for planområdet ved eit vassdrag er det registrert viktig naturtype av rik sump- og kjeldeskog og hagemark. Det er også registrert forvaltingsareal omlag 500m sør for planområdet med eldre tre og rik bakkevegetasjon. Ingen av desse vil verte råka av planlagt tiltak på planområdet. Artskartet til Artsdatabanken syner observasjonar av fleire artar i området. Innafor planområdet er det registrert ulike moser og karplantar, men ingen av desse trua. Næraste observasjon gjort for trua artar er ved forvaltingsarealet søraust for planområdet. Her er det observert tresorten ask (NT). 5.4 Kulturminne og kulturmiljø Det er ikkje registrert kulturminne, kulturmiljø eller SEFRAK- registrerte bygningar innafor planområdet eller i nærområdet. Det er føretatt utgravingar i området, men det er ikkje gjort funn av kulturminne. 5.5 Rekreasjonsverdi/ rekreasjonsbruk, uteområde Det er stor rekreasjonsverdi- og bruk i kommunen med tanke på friluftsliv i fjell og på sjø, og i dei ulike turistattraksjonane. Frå Kambe går den gamle postvegen til Skånevik, samt fleire andre turstiar til fjells. I Etne sentrum er det anlegg for småbåtar, og kommunen har fleire badestrender. Driftavegen gjennom planområdet er mykje nytta som turveg for bebuarane i byggjefeltet

13 5.6 Landbruk Pr. dags dato vert det drive noko jordbruk på areala som ikkje er bygd ut i dag, men er i gjeldande plan avsett til bustadføremål, forutan ein liten del lengst aust som er avsett til LNF- område. Dette området er avgrensa mellom skog, veg og bustadføremål, og utgjer ikkje ein del av det samanhengande landbruksområdet. Planområdet inngår ikkje i kjerneområde landbruk. 5.7 Trafikk- og støytilhøve Det er i hovudsak personbiltrafikk som køyrer på den kommunale vegen gjennom planområdet. Slik personbiltrafikk genererer lite støy og ureining i høve til tunge bilar. Det er gjennomgåande fortau frå sentrum og til Kambe. Dette stansar omlag 300 meter sørvest for planområdet. Omlag 100 meter av avstanden kan ein gå gjennom leikeplassen istadenfor på vegen. Det er lagt fartshumpar i vegen som eit trafikksikringstiltak, då desse set farten på bilane ned. Det er ikkje registrert ulukker i området. Det er ikkje registrert ÅDT på vegen forbi planområdet. Skilta fartsgrense er 30 km/t. Nærare skildring av trafikktilhøva er gjort i ROS- analysen. 5.8 Born sine interesser og sosial infrastruktur Born har sine interesser i leikeplassen like vest for planområdet, i sentrum med funksjonane der, og i friluftslivet i nærområdet. Det er gåavstand til barnehage, skule og fritidsaktivitetar på vegar med eige felt for mjuke trafikantar, forutan i området skildra i pkt Kollektivtilbodet i kommunen er godt, med fortau/ gang- og sykkelveg mot busstopp, haldeplassar og bussterminal. Stadanalysen til Etne kommune syner populære område for born og unge i 2010, gjennom eit samarbeid med grunnskulen. I dag oppheld ein stor andel av borna seg ved Skakkesenteret, kulturhuset i Etne. Kulturhuset har i dag ulike tilbod, med idrettshall, klatrevegg og nytt bibliotek. Nordaust for kulturhuset er det anlagt ein ny kunstgrasbane. Tilgjenge, veg og trafikk i Etne sentrum. Kjelde kart: Stadanalyse Etne, 2010 Ny kunstgrasbane Stadion Omr. for utbygging av Skakkesenter Småbåthamn Enge skule Etne senter

14 5.9 Universell tilgjenge Det er relativt bratt opp Kambebakken til vegen flatar ut ved leikeplassen. Herfrå har vegen ei stigning på omlag 1:20 fram til planområdet. Deretter stig vegen igjen. Det må sikrast universell tilgjenge mellom parkeringsplass og inngangsparti jf. TEK10. Eksisterande gangvegar er ikkje universelt utforma Teknisk infrastruktur Det er kommunalt V/A- anlegg og elektriske installasjonar i området Grunntilhøve Kambefeltet består i hovudsak av breelvavsetningar, moreneavsetningar og marine avsetningar i større og mindre djupner. Lausmassane på planområdet ligg i kort avstand til marine avsetningar, noko som gjer at ein ikkje kan utelukke førekomst av kvikkleire. Det er aktsemdsoner for jord- og flaumskred innafor planområdet. Grunntilhøva og skredfaren er nærare vurdert i ROS- analysen til planen Ureining Det er ikkje kjend med ureining innafor planområdet eller i nærområdet. Det er heller ingenting som skulle tilseie ureining til luft eller grunn Næring I nærområdet vert det drive næring i form av jordbruk. Det er ikkje lang avstand til Etne sentrum med fleire verksemder innan sal og tenesteyting, eller til industriområdet på Tongane Temakart I samband med utarbeiding av kommunedelplanen for Etnesjøen vart det utarbeidd følgjande temakart: Kjerneområde- landbruk Naturtypar Skredkart Støysonekart Tilgjengelighetskart Barnetråkk E134 Viltområder Det er ikkje gjort treff innafor planområdet i høve til temakarta, forutan skred. Skredfaren er nærare omtalt i ROS- analysen til planen

15 6 Skildring av planforslaget 6.1 Gjennomgang av aktuelle reguleringsføremål Planforslaget legg opp til ei tettare utbygging i Kambefeltet. Utbyggingsområda er lokalisert i område avsett til dette føremålet i gjeldande plan, forutan ei tomt på omlag 650 m2 som ligg med føremål jordbruk. Det er lagt opp til ei utbygging på omlag 20 bustader, avhengig av type bustad ein veljer innafor kvart område. Bygningar og anlegg (Pbl 12-5 nr. 1) Bustader konsentrert småhus, BKS Bustader frittliggjande småhus, BFS Leikeplass, BLK Øvrige kommunaltekniske anlegg, BKT Område der det kan førast opp: Einebustader Rekkje- eller kjedehus Fleirmannsbustader Område der det kan førast opp: Einebustader Med ev. sekundærbustad Tomannsbustad Felles leikeplass for Kambefeltet. Oppstillingsplass for bossdunkar på tømmedag. Denne er felles for bustadane innafor BKS1, BKS2, BFS1 og BFS2. Samferdsle og teknisk infrastruktur (Pbl 12-5 nr. 2) Veg, SV Offentlege og privat felles vegar. Grøntstruktur (Pbl 12-5 nr. 3) Turveg, GT Offentlege turvegar som kan opparbeidast med grus el.l.. GT1 skal vere tilkomstveg for BKS2 og BFS1, og skal kunne nyttast som driftaveg. GT2 sikrar tilgjenge for mjuke trafikantar mot den eksisterande leikeplassen i vest. Omsynssoner (PBL 12-6) Frisikt, H140 Ras- og skredfare, H310 Areal for frisikt. NGI aktsemdområde for jord- og flaumskred

16 6.2 Plassering av busetnad og utforming Bustadane er plassert slik at dei vert på best mogeleg måte tilpassa landskapet, og slik at tilstrekkeleg utsikt og soltilhøve vert sikra for eksisterande og nye bustader. Gjennom vurderingar og prosjektering av veganlegg og bustader er det lagt føringar for ei generell byggjehøgd, maks. 9.0 m målt i høve til gjennomsnittleg terreng for alle felta forutan BKS3. Innafor BKS3 er maksimalhøgda kote +84 med omsyn til utsiktstilhøve innafor BKS4. Både avstander og terrengskilnader gjer at omliggjande bustader i liten grad vert råka av utbygginga. BKS1 Konsentrerte småhus Ligg delvis i eit dalsøkk og omlag 45m frå eksisterande bustader i bakkant. Det er i dag skog i området som skyggar for bustadane bak som vil betre seg etter utbygginga. Omliggjande bustader vert mindre råka av utbygginga grunna avstand, høgd og terrengskilnader BKS2 Konsentrerte småhus Ligg mellom bustadutbygging på 3 sider, veg i framkant. Det er ingenting som tilseier at omliggjande bustader vert råka av utbygginga, grunna plasseringa i bratt terreng. BKS3 Konsentrerte småhus Ingen bustadutbygging nord for området Det er ingenting som tilseier at omliggjande bustader vert råka av utbygginga, grunna plasseringa i bratt terreng. BFS1 Frittliggjande småhus Her er det ein einebustad i dag. Denne ligg på eit høgdedrag, og har god utsikt. Nye bygningar vert plassert slik at utsikt og soltilhøve vert sikra for alle bustadane. BFS2 Frittliggjande småhus Ingen bustadutbygging sør og vest for området Då det er relativt stor avstand til utbygging, samt jordbruk på to sider, er det lite som tilseier at omliggjande bustader vert råka av utbygginga. Eigedomen ligg i krysset mellom SV1 og SV2. Dette fører til at byggjegrensene innskrenkar byggbart areal ned til omtrent 500m2. Grunna dei stadlege tilhøva er det lite som tyder på at nærliggjande bustader i stor grad vert råka av planlagt utbygging. Dette vere seg sol- og utsiktstilhøve eller nær- og fjernverknadane jf. punkta over. Det er dei stadlege tilhøva som viser at området kan tole ei slik konsentrert utbygging. I prosjekteringsfasen vil type bustader og omsyn til sol- og utsiktstilhøva bli nærare vurderte. Slike vurderingar er vanskeleg å seie noko meir konkret om på dette tidspunktet, då bygningstype og utforming ikkje er fastsett på dette stadiet

17 Enkel illustrasjon med døme på ny utbygging. I framkant ligg byggjeområde BKS1. Bustadområde Maksimal byggjehøgd (m) Maksimal utnytting innafor føremålet (%) Storleik føremål (m 2 ) Maksimal utnytting innafor føremålet (m 2 ) BKS inkl. interne veganlegg som sikrar gangsamband BKS BKS BKS BFS BFS Bustadmiljø/ bukvalitet Bustadane vil vere ein del av eit større byggjefelt med utsikt mot Etne sentrum og omegn. Det er korte avstandar til leikeplass, og sentrum har fleire tilbod som skildra i pkt Det er lagt vekt på at utsikt- og soltilhøva for alle bustadane og leikeplass vert ivaretatt. Ei konsentrert utbygging har ofte bustader med leiligheiter. Erfaringstal syner at slike bustadformer vert for små for familiar med fleire born. Det er difor reelt å tru at bl.a. mennesker i etableringsfasen vel slike bustadtypar. Dette kan vere med på å auke tilflyttinga i kommunen

18 6.4 Trafikkløysing og tilknyting til infrastruktur I planforslaget er eksisterande vegtraséar vidareført og utvida i breidd. Avkøyrslane er lagt med radius på 7m inn til SV1. Senterlina på SV1 er lagt med horisontalradius lik gjeldande plan, og tilpassa dagens veg. Parkering vil skje på eiga tomt. Tilkomst til BKS1 skal skje frå vidareføring av o_sv3, eller frå avkøyrsle ved f_sv4. Som alternativ til o_sv1 skal det sikrast gangsamband gjennom området på interne vegar eller på eigne anlegg for gåande som fører mot o_gt2. Det er vidare sett krav til at tilkomst mot BKS2 og BFS1 skal skje frå GT1. Med dette vil ein kunne setje ned talet på avkøyringar frå SV1. Byggjegrense frå senterline hovudtilkomst er 10m jf. gjeldande plan, og 4m frå vegkant på øvrige vegar. Veg Dimensjonering Dim. klasse Andre høve o_sv1 5.5 m breidd i dag 7.0 m regulert breidd jf. gjeldande plan Stigning frå 3% til 8% Radius på 500 jf. gjeldande plan Fartsgrense 30 km/t o_sv2 5.0 m regulert breidd, inkl. 0.5m skulder Maks. stigning 1:20 Ingen radius o_sv3 5.0 m regulert breidd, inkl. 0.5m skulder Maks. stigning 1:20 f_sv4 5.0 m regulert breidd, inkl. 0.5m skulder Radius på 30 m ~ Sa1 Hovudtilkomstveg til Kambefeltet Det er ikkje lagt fortau f.o.m. sør for fotballbanen A1 Radius mot SV1 er 7 m 4x45m frisikt mot SV1 Er i dag del av privat felles traktorveg A1 Radius mot SV2 er 7 m 3x20m frisikt mot SV1 A1 Del av privat felles traktorveg Vegen må tilpassast i høve til ny vertikalkurvatur på SV2 og SV3. Andre veganlegg Dimensjonering Dim. klasse Andre høve o_gt1 4.0 m regulert breidd jf. gjeldande plan Svært bratt, stigning >1:7 Radius på 60 og 150 o_gt2 3.0 m regulert breidd Maks. stigning 1:20 - Radius mot SV1 er 7m 4x45m frisikt mot SV1 Ligg i gjeldande plan som gangveg Tilkomstveg for BKS2 og BFS1 Sikrar tilgjenge innafor plangrensene mot eksisterande leikeplass

19 6.5 Tilgjenge for mjuke trafikantar Gang- og sykkelvegen lengst aust i BKS1 er teken ut då det her er svært bratt, og det er ikkje realistisk at denne vert bygd eller tilfredsstiller krav til stigning. Gang- og sykkelvegen førte opprinneleg ned til intern veg innafor BKS1 og mot traktorvegen i vest. Den interne vegen er i planforslaget flytta lenger nord. I staden for gang- og sykkelvegen er det i føresegnene sett krav til at det skal sikrast gangsamband gjennom området på interne vegar eller på eigne anlegg for gåande som fører mot o_gt2. Gangsambandet vil fungere som eit alternativ i høve til å gå på hovudvegen/ SV1, som har høgare ÅDT. Elles må det sikrast universell tilgjenge mellom parkeringsplass og inngangspart, jf. TEK Miljøoppfølging ROS- analysen avdekka ingen høve som tilseier at miljøoppfølging er aktuelt for planområdet. Utbygginga har ikkje innverknad på vassførekomst eller kvaliteten i området, og fører heller ikkje til noko form for ureining av betydning. 6.7 Landbruksfaglege vurderingar 34/17 er skilt ut frå 34/4 der det vert drive landbruk. Den utskilte eigedomen er på omlag 650m2. Å regulere til bustadføremål på denne eigedomen fører truleg ikkje til tap av jordbruksareal av betydning, då arealet er minimalt heldt i hevd pr. i dag. Dette er grunna terrenget og vegetasjonen i området. Området ligg atskilt frå jordbruksarealet i vest og sør, slik at kontinuerleg drift er vanskeleg. Det er ikkje vurdert at jorda er av ein slik kvalitet at det er naudsynt med erstatning av dette. Innafor BKS1 og BKS4 vert det også dreve jordbruk i dag, sjølv om desse er avsett til bustadutbygging i gjeldande plan. Matjord i områda kan takast ut og førast til landbruketseigedomar i nærleiken. 6.8 Kollektivtilbod Det er ikkje kollektivtilbod på Kambe. Skuleborn og andre må gå ned til haldeplassar eller bussterminalen i sentrum. Frå planområdet er det ein strekning på omlag 200 meter der ein må gå i vegen. Det er lagt fartshumpar i vegen som eit trafikksikringstiltak som delvis kompanserer for fråværet av fortau. 6.9 Born og unge sine interesser og sosial infrastruktur Planforslaget opnar opp for omkring 20 nye bustader, og det er er sett av omtrent 540 m 2 til leik. Like vest for planområdet er det ein kvartalsleikeplass med fotballbane og leikeapparater. Det er ut i frå dette vurdert å vere tilstrekkeleg areal for leik i området, alle i sentral tilknyting til bustadane. Sjå elles pkt. 7.1 om tilgjenge. Leikeplass, BLK ligg lengst nordvest i planområdet, med fleire omliggjande bustader som har bruksverdi i denne. Området ligg på eit relativt flatt område med utsikt mot sør. Området har gode soltilhøve då nedanforliggjande bygningar ligg i eit lågare terreng. Det er fleire bustader i området som skjermer for vinden. Det er pr. i dag sett opp gjerde mellom leikeplassen og område BFS

20 Leikeplassen ligg mellom to vegar, GT1, og kommuneveg i nord. Turvegen er tilkomstveg for to bustader. Det er i hovudsak kommunevegen i nord som har trafikk som kan gå ut over tryggleiken til brukarane av leikeplassen. Eit sikringstiltak kan t.d. vere å gjerda inn leikeplassen slik at ein hindrer at born spring ut i vegen. Ein auke i tilflytterar vil normalt også auke behovet for barnehage- og skuleplassar. Dette er ei positiv ringverknad i kommunen for å hindre fråflytting. Det er lagt til grunn at barnehagane og skulane har kapasitet til ei slik auke som planen fører med seg Plan for vass- og avlaup samt tilknyting til offentleg nett, el- anlegg Byggjeområda skal knyte seg på det kommunale vass- og avlaupsystemet i området. Denne påkoplinga og kapasitetsvurderinga vil vere ein del av den tekniske planen som skal godkjennast av kommunen. Planområdet skal kople seg på det eksisterande elektriske anlegg. Før utbygging tek til må det vurderast om dette anlegget har kapasitet for auken, og det må etablerast kontakt med Etne ellag. Det er ikkje lagt til rette for alternative energiløysingar i Kambefeltet Plan for avfallshenting/ søppelsug Innafor BKT er det oppstillingsplass for bossdunkar på tømmedag. Denne er felles for bustadane innafor BKS1, BKS2, BFS1 og BFS2. Innafor BFS1 skal bossdunkane stillast opp ved den kommunale vegen for tømming.innafor BKS3 og BKS4 må det setjast av areal til oppstilling av bossdunkar

21 7 Konsekvensutgreiing Føremål Området er av Etne kommune vurdert til å ikkje utløyse krav om konsekvensutgreiing (KU), då bustadføremål er i samsvar med kommunedelplanen, og med hovudføremålet i eksisterande reguleringsplan. Etter oppstartmøtet med kommunen kom det ynskje frå 34/17 om å vere med i planforslaget. Kommunen såg ikkje grunn til å følgje opp med krav om konsekvensutgreiing. Tomta er omlag 650 m2 og ligg i eit område som er vanskeleg å helde i hevd som jordbruksareal. Eigedomen ligg på eit høgdedrag som bryt opp landbruksområdet, og ligg inntil veganlegg på to sider. Ortofoto med utsnitt av eigedom 34/17 som ligg med føremål for jordbruk i gjeldande plan. Utnytting Gjeldande plan legg opp til ein open villamessig busetnad i inntil 2 høgder. Planforslaget legg opp til ei konsentrert utbygging innafor BKS. Tomtene er delvis bratte, og ved å byggje tett vil ein kunne utnytte områda som elles hadde vore vanskeleg å byggje ut med einebustader grunna stigningstilhøva og opparbeidingskostnader

22 Etter at gjeldande plan vart vedteken er det kome opp to firemannsbustader på Kambe. Desse ligg nordvest for planområdet, like over den kommunale vegen. Elles har bustadfeltet fleire store einebustader slik at fleirmannsbustader ikkje oppleves voluminøse til samanlikning. Hellinga på terrenget understreker dette. Gjeldande plan er «gamal», og endring av planen gjer at ein kan byggje ut meir i samsvar med dagens utbyggingsmønster. Sjølv med høg utnytting kan ein byggje på ein slik måte at det ikkje verkar sjenerande i eit område med mange frittliggjande bustader. Ei tett utbygging er med på å unngå nedbygging av areala i kommunen, samtidig som det huser fleire mennesker, noko som er i tråd med retningslinjer for utbygging som gjeld no. Leikeplass og tilgjenge Føresegnen i kommunedelplanen: Tilkomstvegar mellom bustader og leikeplassar skal vere trafikksikre og universelt utforma (Pbl 11-9 nr. 5). Kambefeltet er stadvis bratt og veganlegga er utan eige felt for mjuke trafikantar. Å få til universell tilgjenge for alle i eit bustadfelt som allereie er bygd ut er vanskeleg. Føresegna er ikkje teke med i reguleringsplanen då det ikkje er realiserbart å få til ei universell utforming for alle bustadane innafor planområdet og mot regulert leikeplass. I første revisjon av gjeldande plan vart det lagt inn gjennomgåande bruk av gangvegar. Fleire av desse er gått ut i seinare revisjonar. Pr. dags dato er det ikkje lagt opp til fortau, men det er sett av vegareal på 7.0 meter på hovudtilkomstvegen, 5.0m på sidevegar, og 4.0 meter på gangvegen som har fått føremål turveg, GT1 i planforslaget. Gangvegane er i gjeldande plan lagt der stigninga er svært bratt. Viser til følgjande gangvegar i gjeldande plan: 1. I planforslaget er gang- og sykkelvegen innafor planområdet i søraust teken ut. Her er det svært bratt, og er ikkje del av eit større nettverk for gåande. Gang- og sykkelvegen er erstatta med krav om gangsamband gjennom BKS1 som vil funger som stikkvei/ snarveg ned mot GT2, i staden for å gå på SV1. 2. I planforslaget er vegen mot nord lagt til køyrbar turveg. Denne vert i dag nytta som tilkomstveg for 34/16, og som driftaveg. Det er i planforslaget lagt til grunn at denne også vert tilkomstveg for ny tomt innafor 34/1. Føresegn i kommuneplanen: Det skal setjast av minimum 50 m2 til leikeareal per bustadeining i område for frittliggjande bustader. I områder for konsentrert busetnad skal det setjast av minimum 25 m2. Krav til leikeareal gjeld framfor tillaten utnyttingsgrad og framfor krav til tal parkeringsplassar (jf. Pbl 11-9 nr.5). Planforslaget opnar opp for omkring 20 nye bustader. Det endelege talet er avhengig av val av bustadtype. Det er sett av omtrent 540 m 2 til leik innafor planområdet. Llike vest for planområdet er det ein kvartalsleikeplass med fotballbane og leikeapparater. Det er ut i frå dette vurdert å vere tilstrekkeleg areal for leik i området med alle i sentral tilknyting til bustadane. Områdene er i gjeldande plan er også avsett til dette føremålet

23 Parkering Det skal vere minimum 1,5 biloppstellingsplassar per bueining, og bilar må kunne snu på eiga grunn, dersom ikkje anna vert fastsett i reguleringsplan (jf. Pbl 11-9 nr. 5). Antal parkeringsplassar i planen er knytt opp til type bustad. Einebustader minimum 2 Konsentrerte bustader minimum 1.5 Sekundærbustad minimum 1 Ofte er det to vaksne som bur saman i ein einebustad, gjerne saman med born. Erfaring tilseier at bebuarar av einebustader har behov for 2 bilar. Bustader i kompleks er ofte mindre, og med bebuarar av annan livssituasjon enn i einebustader. Det er ofte eldre, einslege og andre i etableringsfasen som vel slike buformer. Å bu i ein sekundæbustad er ofte midlertidig, der bebuarane flytter til større bustader etter kvart som livssituasjonen endrar seg. Det er ofte studentar/ yngre i etableringsfasen som vel slike butilhøve der plassen er avgrensa

24 8 ROS analyse I plankartet vil område med potensiale for risiko synast med omsynssone. ROS-analysen er utført i samsvar med «Veileder for kommunal risiko- og sårbarhetsanalyser» utgitt av Direktoratet for sivilt beredskap (2010), Norsk Standard 5814:2008, «Veiledning om tekniske krav til byggverk» utgitt av Direktoratet for byggkvalitet (2010), og vedtekne akseptkriterium for Etne kommune. Det er laga ei sjekkliste ut i frå liste med farekategoriar i «ROS- analysemal for arealplansamanheng i Etne kommune», ut i frå om dei er aktuelle å kartleggja eller ikkje. ROS- analysen konkluderer med ulike tiltak/ kommentarar som det må takast omsyn til og som bør innarbeidast i reguleringsplanen, eventuelt med tilhøyrande føresegner. Det er gjennom ROS- analysen avdekka uønska hendingar med uakseptabel risiko som må undersøkast gjennom meir detaljerte analyser (for eventuelt å avkrefte risiko eller avklare moglege risikoreduserande tiltak). Det er sett rekkjefølgjekrav i føresegnene til planen med krav til geotekniske vurderingar i høve til flaum- og skredfaren før utbygginga tek til. 9 Verknadar av planforslaget I kommunedelplanen ligg Kambe i område der reguleringsplan framleis skal gjelde. Det er i hovudsak grad av utnytting som skil planforslaget frå gjeldande plan. Kort fortalt om hovudverknadene av planforslaget: Meir støy Større ÅDT Større utnytting nær eksisterande frittliggjande bustader Punkta over er alle vurdert i planomtalen, og det er innført tiltak i plan og føresegner som skal hindre/ forminske dei mogelege verknadene. Plassering og nærare vurdering av dei ulike delområda fører til konklusjonen om at planforslaget kan gjennomførast som føreslått utan unødig ulempe for bustadfeltet, naturog kulturlandskapet eller nærmiljøet elles. 10 Avsluttande kommentar Det er lagt til grunn at planområdet og verknadane av forslaget er tilstrekkeleg vurdert, og på ein slik måte at tiltaka planen omfattar ikkje vil vere til umiskjennelig bry eller fare for nærliggjande busetnad, landbruks- og friluftsinteresser eller naturmangfald

25 11 Innkomne merknadar Hordaland Fylkeskommune, og Hordaland Fylkeskommune fann det naudsynt med synfaring av området grunna potensiale for funn av forhistoriske kulturminne. Med bakgrunn i synfaringa fann dei det naudsynt med ei arkeologisk registrering for å avgjere om tiltaket kjem i konflikt med hittil ikkje registrerte kulturminne. Arkeologisk undersøking vart utført , og det vart ikkje gjort funn av automatisk freda kulturminne. På bakgrunn av undersøkinga har fylkeskommunen ingen vidare merknader på noverande stadium i planprosessen. Vår kommentar Hordaland Fylkeskommune har høve til å kome med vidare merknader ved offentleg ettersyn. Fylkesmannen og Fylkesmannen minner om at dei konsekvensane reguleringsplanen har for endra arealbruk skal vurderast i høve til naturmangdaldet, og at dette skal kome tydeleg fram. Fylkesmannen gjer merksam på at ROSanalysen må nytte akseptkriteria som er i tråd med TEK10, og sjå på risiko både innafor og utanfor planområdet. Fylkesmannen har ingen vidare kommentarar til utvidinga av planområdet. Vår kommentar Konsekvensane for endra arealbruk for gnr. 34, bnr. 17 er vurdert i planomtalen. I ROS- analysen er det nytta akseptkriterium vedteke av kommunen, som er i samsvar med TEK10. Noregs vassdrags- og energidirektorat, NVE, NVE opplyser at delar av planområdet ligg innafor aktsemdområde for jord- og flaumskred som i første omgang betyr at det må gjerast ei nærare vurdering av skredfaren i samband med planarbeidet. Til dette arbeidet må det nyttast tilstrekkeleg fagleg kompetanse, og skredfarevurderinga må underleggjast sidemannskontroll. Det må definerast faresonegrenser i samsvar med TEK10, og ev. fareområde må innarbeidast i plankartet med tilhøyrande føresegner som sikrar akseptabel tryggleik før utbygging finn stad. Vidare skriv NVE at ROS- analysen bør ha fokus på grunntilhøva og faren for kvikkleireskred, og opplyser at det like nedanfor planområdet er lausmassar av tjukk havavsetning som gjer at ein ikkje kan utelukke førekomst av kvikkleire. Vår kommentar Det er i ROS- analysen vurdert grunntilhøva og faren for dei ulike skredtypane. Det er i plankartet lagt inn faresone for ras- og skredfare, H310, med NGI aktsemdområde for jord- og flaumskred, der området må greiast ut nærare dersom det skal byggjast ut innafor sona

26 Det er vidare sett rekkjefølgjekrav til at det skal føreliggja ei geoteknisk vurdering som sikrar akseptabel tryggleik i høve til jord- og flaumskredfaren i området. Ei eventuell flaumfare jf. TEK10 må vurderast i samband med denne utgreiinga. Det er også sett rekkjefølgjekrav til at stabiliteten i byggjegrunn må dokumenterast av fagkyndig til å vere sikker i høve til ynskja utbygging. Eventuelle stabilitetsforbetrande tiltak må vere gjennomført før igongsetjing av tiltaka. Det må sørgjast for tilstrekkeleg tryggleik under utføring. Mattilsynet, Mattilsynet ber kommunen og tiltakshavar om å ta omsyn til krav om tilfredsstillande drikkevatn for bygningar til opphald for menneske, og at desse krava vert ført inn i reguleringsplanen. Vår kommentar Det er i føresegnene sett krav til at bygningane i samband med godkjenning av byggjesøknad må kunne dokumentera hygienisk trygt og nok drikkevatn. Haugaland Interkommunale Miljøverk IKS, HIM, HIM forutset at «Lokal Renovasjonsnorm for HIM- kommuenne» vert lagt til grunn for det vidare reguleringsarbeidet. Renovasjonsnorma ligg vedlagt. Vår kommentar Føresetnadane i renovasjonsnorma er lagt til grunn ved utarbeiding av plankartet. Nabo gnr. 34, bnr. 17, Heimelshavar av gnr. 34, bnr. 17 ber om å få vere med på reguleringsplanen. Vår kommentar Etter samtale med Etne kommune og Tomteselskapet Etne vert eigedomen innlemma i planområdet. Det utvida planområdet vart varsla i brev til naboar og offentlege instansar

27 12 Vedlegg Vedlagte dokument følgjer planskildringa. Dokument Dato Revisjonsdato Plankart Føresegner ROS- analyse Utsjekk av naturmangfaldet Andre vedlegg Innkomne merknader SOSI- eksport og loggfil Sjekkliste for reguleringsplanar