Nasjonalt fagråd for nordisk språk og litteratur Referat frå årsmøtet 2010

Transkript

1 Nasjonalt fagråd for nordisk språk og litteratur Referat frå årsmøtet 2010 Tid: Fredag 7. mai 2010, kl Stad: Universitetet i Oslo, Georg Sverdrups hus, Undervisningsrom 2 Deltakarar: Svein Lie, UiO (fagrådsleiar, møteleiar) Anders M. Andersen, UiS Eivind Landmark, HiT (AU medlem) Bernt Øyvind Thorvaldsen, HVO (AU medlem) Torodd Kinn, UiB Anne Kari Skarðhamar, HiO Alf Kjetil Igland, UiA Aud Kirsti Pedersen, UiT Per Thomas Andersen, UiO Jan Svennevig, UiO Ann Sylvi Larsen, HiST Unni Langås, UiA Sarah Paulson, NTNU (AU medlem) Jørund Olav Bø, HiBu NF 1/10 Godkjenning av innkalling og referat, oppnemning av referent. Innkalling, sakliste og referat frå årsmøtet i 2009 blei godkjende. Jan Svennevig, UiO, fekk talerett på møtet. Aud Kirsti Pedersen blei valt til referent. NF 2/10 A Orienteringssaker Om fagrådet Svein Lie orienterte: 1) Fagrådet har fått ny studentrepresentant, Nordis Tennes, UiO, men ho kunne ikkje møte. 2) Representasjon: Ole Karlsen, UiT, går ut som representant, Aud Kirsti Pedersen, UiT, kjem inn i staden. 3) Høgskolane HiAk, HBO, HiBu, HiNT og HSH 1 har fått tilbod om å vere representerte i fagrådet, men berre HiBu Høgskolen i Buskerud har ønskt representasjon. Representasjonsperioden er fire år. 1 Om forkortingane, sjå

2 B Kulturrådet Norsk kulturråd inviterer Nasjonalt fagråd til å foreslå representantar for utval under Kulturrådet, og sidan årsmøtet i 2009 har fagrådet foreslått representantar til desse utvala: 2 Vurderingsutvalet for lyrikk Vi foreslo i 2009 Lisbeth Pettersen Wærp, UiT, med Ole Karlsen, UiT, som vara. Kulturrådet utnemnde Lisbeth Pettersen Wærp i eit anna utval, Fagleg utval for litteratur, og foreslo derfor Ole Karlsen som fast medlem. Vi samtykte i dette og foreslo Thorstein Norheim, UiO, som varamedlem til lyrikkutvalet. Ankenemnd for skjønnlitteratur Foreslått Jørgen Sejersted, UiB (etter Heming Gujord, UiS). Ankenemnd for skjønnlitteratur for barn og ungdom Foreslått gjenoppnemning av Nina Goga, HiB. C Arbeidsplikt Leiaren har samla inn opplysningar om korleis undervisning og eksamensarbeid blir vekta ved universitet og høgskolar rundt om i landet, og han la fram eit oversyn over opplysningane som var komne inn. Skilnadene var ikkje svært store; dei største skilnadene fann ein ved kor mykje tid som sett av til rettleiing av masteroppgåver. Høgskolen i Bergen ligg generelt under dei andre institusjonane som har rapportert om korleis arbeidstida blir godskriven. D Andre orienteringssaker Fagrådet har merkt seg innhaldet i to skriv frå Universitets og høgskolerådet. Det eine gjeld godkjenning av utanlandsk utdanning for personar utan dokumentasjon, og det andre gjeld oppfølging av det såkalla kvalifikasjonsrammeverket som går ut på å utforme læringsutbytebeskrivingar i fag og studieplanar innan utgangen av Læringsutbytebeskrivingar er under utarbeiding ved dei ulike lærestadene, og alle har ikkje komme like langt med dette arbeidet. NF 3/10 Karakterpanelfunksjonen til Fagrådet A Karakterpanel 2009 Svein Lie orienterte om arbeidet som er blitt gjort når det gjeld overvaking av karakterar. I 2009 blei fagrådet bede om å utarbeide/revidere fagspesifikke beskrivingar for masteroppgåver i nordisk. Fagrådet vedtok i 2009 at dei tidlegare beskrivingane var gode nok og ikkje trong revisjon. Karakterbeskrivingane finn ein på masteroppg.pdf 2 Om utvala:

3 B Karakterpanel 2010 Frå Universitets og høgskolerådet heiter det: Skillet mellom A, B og C blir undersøkt med utgangspunkt i inntil 10 besvarelser (i karakterintervallet A C) fra 5 tilfeldig valgte institusjoner. Karakterpanelene avgjør om besvarelsene skal være fra bachelor eller masternivået (masteroppgaver, bacheloroppgaver eller andre innleveringsoppgaver). Frist for rapportering til UHR 1. desember Fagrådet drøfta saka og meinte at eksamensforma på oppgåvene som skal gjennomgåast, bør vere nokså lik, og innhaldet bør også vere nokså likt slik at det kan jamførast fagleg sett. Fagrådet går inn for at dei eksamenssvara som skal gjennomgåast i 2010, blir 10 oppgåver i litteratur på bachelornivå. Kommisjonen bør vere 3 4 personar frå ulike institusjonar. NF 4/10 Publikasjonskanalar på nivå 1 og 2 A Publikasjonar på nivå 2 Det har ikkje komme inn forslag til publikasjonar på nivå 2 eller forslag om endringar etter årsmøtet i B Meir utteljing Fagrådet diskuterte problem knytt til det å få publikasjonskanalar godkjende på nivå 1 og gjorde slikt vedtak: Fagrådet for nordisk språk og litteratur meiner at reglane for kva som gjev utteljing etter det såkalla teljekantsystemet, i dag er for snevert. Vi meiner at det også bør gjevast utteljing for: a) redaktørskap for vitskaplege tidsskrift b) bokmeldingar i vitskaplege tidsskrift NF 5/10 Retninglinjer for nordiskfaget To sakspapir blei lagt fram: Det eine er ei fråsegn frå litteraturlærarane ved UiO som meiner at den faglege balansen i det nye bachelorprogrammet for nordisk (nordisk litteratur, språk og norsk som andrespråk) skiplar balansen mellom språk og litteratur, som til no har rådd i nordiskfaget her. Det andre sakspapiret er eit notat frå Torill Steinfeld, UiO, som legg opp til ein brei diskusjon om kva for kompetansekrav vi bør krevje av dei som skal bli norsklærarar. Det blir også reist spørsmål om korleis eit nordiskfag bør vere for at kommande norsklærarar skal få den rette kompetansen. Fagrådet drøfta saka og gjorde vedtak.

4 Fagrådet ber den nye leiinga om å setje ned ein komité som skal ta sikte på å formulere faglege minstekrav for å bli norsklærar. Vedlegg til vedtaket: Notat frå Anders M. Andersen, UiS. (Dette er ikkje vedteke av årsmøtet, men AMA bad om at det skulle følgje med protokollen.) NF 6/10 Val av ny leiar og nytt AU Etter tidlegare vedteken rulleringsordning for leiarvervet (UiO UiA NTNU UiT UiB, og frå 2008 UiS) er det no UiA som skal ha leiarvervet (for to år). Unni Langås, UiA blei samrøystes valt som leiar. Nytt arbeidsutval (inklusiv leiar) er: Ann Sylvi Larsen, HiST Bernt Øyvind Thorvaldsen, HVO Aud Kirsti Pedersen, UiT NF 7/10 Gjennomgang av innsende rapportar frå lærestadene Rapportar frå lærestadene blei lagde fram. Desse hadde levert skriftleg rapport: UiA, UiB, UiO, UiS, UiT, NTNU, HiB, HiBu, HH, HiO, HiST, HiT, HVO, HiØ. Fagrådet har merkt seg innhaldet i dei innsende rapportane. NF 8/10 Ymse Det kom fram spørsmål om praksisen på dei ulike lærestadene om hjelpemiddel til eksamen. Frå tid til annan blir det reist ønske om lov til å bruke hjelpemiddel, t.d. ordbøker under eksamen. Ein rask runde med utveksling av informasjon klargjorde at dei fleste stader er ingen hjelpemiddel lovlege, men nokre stader er det lov å bruke Norrøn ordbok og såkalla bøyingsskjema for norrønt til eksamen i eldre språk. Svein Lie fagrådsleiar Aud Kirsti Pedersen referent

5 Tillegg til referatet notat frå Anders M. Andersen, UiS. Kompetansekrav ved norsklæraropptak på PPU. Framlegg til vedtak: For at 60 stp skal kunna gje undervisningskompetanse i norsk, skal det vera 30 stp nordisk språk, 20 stp nordisk litteratur og 10 stp retorikk, litteraturvitskap eller anna litterært studium. Av skriftlege eksamenssvar skal halvparten vera på bokmål, halvparten på nynorsk. Grunngjeving: Grunnleggande og avgjerande er at norsklæraren har god nok språkkunnskap, så 30 stp språk må vera minimum for norsklærarar. Skal faget vera norsk, må læraren ha kunnskap om nordisk litteratur, dertil noko kunnskap om annan litteratur. Dette skal kanskje ikkje seiast med skal. Anna formulering kan vera : Av 30 stp litteratur skal minst 20 stp vera nordisk litteratur, 10 stp kan vera retorikk, litteraturvitskap eller anna litterært studium. * Sidan 60 stp er inngangskravet, må krava her vera klare og ufråvikelege til kunnskap i norsk/nordisk. Dei fleste universitet held oppe krav om språk og litteratur, bokmål og nynorsk ved alle nordiskeksamenar på bachelor og masternivå. Sidan alle kan henda ikkje gjer det, og det somme stader er opna for andre fageksamenar, må krava til 60 gruppa vera absolutte. Krava bør vera like strenge til bachelorfaget (80 gruppa), sidan mastergradane kan variera ein god del. Skal mastergrad (300 stp) gje undervisningskompetanse med dei rettar denne graden gir, bør 45 stp nordisk språk og 15 prosent skriftleg eksamen på nynorsk/bokmål vera minstekrav. ** Dei andre spørsmåla Torill Steinfeld tek opp er viktige nok, men skal kanskje ikkje fagrådet uttala seg om. Kva plass Norsk som andrespråk skal ha, vil gjerne variera, universiteta sjølv avgjera.