REGULERINGSENDRING FOR

Transkript

1 REGULERINGSENDRING FOR ENES CAMPING KVINNHERAD KOMMUNE Mars 2009

2 Målsetjing for planarbeidet Gjeldande reguleringsplan for området vart vedteken Etter ei tids erfaring med planen finn ein det upraktisk å ha området for midlertidige plassar lengst bort frå ekspedisjonen. Ein har funne det meir høvande at langtidsoppstilling av campingvogner bør vere lengst sørvest i området. For å ha auka moglegheiter for ein fleksibel bruk av området finn ein det fornuftig at planen ikkje definere eit område i den sør-vestlege delen av området som område for korttidsplassar. Området er ettertrakta som område for faste kundar, og det vil også vere ein meir styrt og ryddig situasjon estetisk med faste installasjonar i dette området. Det er også eit mindre område av heile campingplassen dette gjeld (2,2 da). For å halde betre kontroll på dei som er inne på kort tid er det erfaringsmessig fornuftig å ha desse nærare ekspedisjonen, i eit område der det er meir fast tilsyn. Det nye framlegg til plan opnar for ei meir fleksibel bruk av planområdet campingplass. Areal som i gjeldande plan er sett av til korttidsparkering er føreslege slått saman med området som i førre plan var sett av til langtidsparkering. Ein opnar då for ei meir fleksibel ordning, der korttidsparkering kan plasserast der det høver seg, til dømes nærare administrasjonsbygget. Bilde 1: Tidlegare godkjend før denne endringa, med 2,2 da med arealkategori for korttidsparkering Plankartet er lite justert, men underføremåla er slått saman slik plankartet syner, for å oppnå dei måla ein har sett seg med planarbeidet. Side 2 av 10

3 Føresegnene som var vedtekne fann me det naudsynt å ha ein total gjennomgang av. Dette skuldast at det vart teke inn ein del moment med privatrettsleg preg, bakgrunnsinformasjon og ein del henvisningar som kan vere uheldige over tid. For eksempel syner ikkje føresegnene lenger til eit særskild vedtak i kommunen for regulering av campingplassar, men til kommunen sitt til ei kvar tid gjeldande regelverk. Målet med gjennomgangen av føresegnene har ikkje vore å innføre nye moment i planen, og ein har freista ta vare på dei tema som var viktige i dei opphavlege føresegnene. Det er mest forma og ein strengare struktur i formuleringane som gjer at desse endringane er gjort. Planprosess Oppstarten av arbeidet vart varsla i samsvar med reglane i plan- og bygningslova sin 27-1 nr.1 andre ledd. Offentlege styresmakter og grunneigarar i området vart varsla direkte med brev. I tillegg vart oppstart kunngjort i Kvinnheringen og Grenda. Frist for å koma med innspel var sett til Det kom innspel til oppstart frå fleire offentlege instansar og naboar til planområdet. Innspela vart kommenterte i planomtalen, og reguleringsplanen vart forsøkt justert for å ta omsyn til innspela. Planforslaget vart lagt ut til offentleg høyring, og kunngjort i lokalpressa, jfr. PBL Frist for å koma med innspel vart sett til Innspel til 1. høyringsrunde Det har kome innspel frå fleire offentlege instansar og naboar til planområdet. Innspela er kommenterte under. Statens Vegvesen, Region vest (SV): - SV ynskjer ikkje at areal tett opp til riksvegen vert regulert til friluftsområde. Plangrensa må flyttast minimum 3 meter frå vegkant, eventuelt at ei stripe på 3 meter frå vegkanten vert regulert til føremålet Anna trafikkareal. Plankonsulenten si vurdering: I justert framlegg til plankart er ein sone på 3 meter frå vegkant foreslått regulert til anna vegareal. - SV viser til at rv 551 har vorte ein mykje meir trafikkert veg etter at Folgefonntunnelen vart teken i bruk, og høyrer difor no til kategori 2 i SV sin Rammeplan for avkøyrslar. Dette fører med seg strengare haldning til nye avkøyrslar. SV påpeiker at køyrebanebreidda på sekundærvegen er udefinert i planforslaget. Avkøyrsla må stetta kravet til vegkryss, noko som betyr at sikttrekanten må vera på 6m x 70m. I tillegg skal krysset ha rimeleg flat uforming med tanke på stigning fram mot vegen. Svingradien må dimensjonerast for lastebil, i samsvar med handbok 263 (Geometrisk utforming av veg- og gatekryss). I siktsonane skal det ikkje vera noko sikthindrande element 0,5 m over tilstøytande vegars plan. I siktsonen mot aust er underføremålet Privat veg/parkering. Det kan ikkje parkerast i siktsonane, og dette må endrast på plankartet. Plankonsulenten si vurdering: I justert framlegg til plankart er sikttrekanten endra etter SV sin merknad. Arealet aust for avkøyrsla er endra til Anna vegareal. Avkøyrsla er justert noko mot vest for å gi betre siktforhold i krysset. Side 3 av 10

4 - SV viser til at intensjonen i planendringa er å tillata meir langtidscamping ved å byta til Generell camping nærast riksvegen. SV meiner at dette er svært uhelding, då dei samanliknar langtidscamping med fritidsbustadar, og byggegrensa i planforslaget på 10m vil føre med seg ulemper frå riksvegen med tanke på støy. SV meiner at det bør føreliggja ei støyfagleg utgreiing som bør leggjast til grunn for fastsetjing av byggegrensa og eventuelle avbøtande tiltak for å redusere støy (viser til Miljøverndepartementet si Retningslinje for behandling av støy i arealplanlegging (T Støy i arealplanlegging)). Støyskjerming kan og vera gunstig ved at ein skjermar campingplassen mot vegen, slik at ein ikkje får mogelegheit til uforvarande å koma ut i riksvegen ved til dømes leik. Plankonsulenten si vurdering: I planforslaget er det opna for ei meir fleksibel ordning, der langtidsparkering kan plasserast der det høver best, men planen gjev ikkje ny arealbruk som er støykjenslevare i høve til opphavleg plan. Såleis meiner me ikkje T-1442 kjem til bruk i denne saka jfr vegleiar til T-1442: I eksisterande plan er det område for langtidsparkering på området rundt servicebygget. Dette er like nære rv 551 som området nærast riksvegen i vest. Området i vest ligg på eit lågare nivå enn riksvegen, noko som er med på å dempe støyplagen frå riksvegen, og fysisk skiljer parkeringsplassen frå vegen. I planføresegnene er det presisert at vegetasjonen i friluftsområdet langs riksvegen skal behaldast, for å oppnå ein støydempande effekt, og å fysisk skilje campingplassen frå riksvegen. Slik området er utforma er det ikkje lett å uforvarande kome opp i vegen ved leik og aktivitet. Denne planendringa fører ikkje til at fleire vert påverka av støy, men gjev nye byggegrenser og aukar avstanden frå campingområdet til vegen. I tillegg er det no avstand mellom vegen og byggeføremål i planen, som gjer det mogleg å etablere jordvollar for å ytterlegare betre tilhøva. Vegvesenet har varsla motsegn mot planen, utan at det klart går fram kva punkt i merknaden dei har varsla motsegn mot. Planen er justert for å imøtekome vegvesenet og ein forventar at dette er tilfredstillande for at vegvesenet trekkjer sitt motsegn. Kvinnherad kommune, Tekniske tenester (TT): - TT viser til at det må leggjast til rette med tilstrekkeleg/tilgjengeleg sjøkkjevatn, jfr. PBL 7-28 i TEK. Vidare gjer TT merksam på faren for brannspreiing mellom byggverk (tretelt) og kravet til avstand eller tilsvarande, jfr PBL 7-26 i TEK. TT meiner at det bør vurderast og takast med punkt om dette i reguleringsføresegnene. Plankonsulenten si vurdering: Det er teke med i føresegnene at det skal vere tilfrestillande sløkkjevatn i området i samsvar med gjeldande regelverk. Side 4 av 10

5 Fiskarlaget Vest (FV): - FV har vore i kontakt med Kvinnherad og Hardanger Fiskarlag og Sør-Norges Fiskarlag om saka. FV har ikkje fått merknadar til planarbeidet, utover kommentar frå Sør-Norges Fiskarlag om det var eit svært dårleg kartmateriale for områda vedlagt. Kvinnherad kommune, Helse og rehabilitering (HR): - HR har ingen merknadar til reguleringsplanen. Fiskeridirektoratet Region Vest (RV): - RV viser til at det i 1 Fellesføresegner i planforslaget er tatt inn eit punkt 1.7 om at ein skal varsle og ha ein dialog med eigarar av eventuelle oppdrettslokalitetar i nærområdet ved sprengingsarbeid. RV er nøgde med dette, men ber om at det også vert tatt omsyn til steng som er satt ut i området ved eventuelle sprengingsarbeid. Plankonsulenten si vurdering: Ordlyden i punkt 1.7 i 1 i planføresegnene er endra slik at ein ved tiltak i sjø som medfører sprengingsarbeid òg skal varsle eigarar av fiskesteng i området. Fylkesmannen i Hordaland, Miljøvernavdelinga (MA): MA legg til grunn at planen ikkje opnar opp for inngrep eller bygging med vesentlege negative konsekvensar for landskapet. For å sikre dette peikar dei på nokre punkt som dei meiner bør bli tydeliggjort i planen. MA ber om at merknadane vert innarbeidd i planen. - MA ber om at punkt 1 i planføresegnene om krav til fargebruk blir konkretisert, ved at det går fram at faste konstruksjonar skal ha diskrete naturfargar då dette vil bidra til å dempe det visuelle inntrykket. Plankonsulenten si vurdering: punkt 1 er endra, slik at det vert konkretisert at faste konstruksjonar skal ha diskrete naturfargar. - MA ber om at punkt 7 blir konkretisert når det gjeld kva som er ein kortare periode. Plankonsulenten si vurdering: punkt 7 vert endra slik at ein definerer 2 månader som ein kortare periode. - MA meiner at planføresegnene er gjennomgåande betre enn i eksisterande reguleringsplan for området, men etterlyser ei tydeleggjering av kva omfang av terrengbearbeiding og planering som er tillate innanfor Campingområde A og B, med krav om revegetering av skråningar/skjeringar med stadeigen vegetasjon. MA ynskjer og rekkefølgjekrav til revegetering av skråninar/skjeringar. MA meiner og at det bør gå fram av planen kva for terrengbearbeidingstiltak som er søknadspliktig. Plankonsulenten si vurdering: Føresegnene er justert slik at tiltak med justering av eksisterande terreng meir enn 0,5 meter må søkjast om til kommunen. Det er også lagt inn rekkefølgekrav for revegetering av skråningar/skjeringar. Kystverket Vest (KV): - KV har ingen merknadar til reguleringsendringa. Side 5 av 10

6 Kluge Advokatfirma DA, på vegne av Sigmund Alvsåker (gnr 64 bnr 137), Åse og Sverre Gunnar Nielsen (gnr 64 bnr 136), Anita og Jan Ivar Hystad (gnr 64 bnr 135), og Elin og Erik Espedal (gnr 64, bnr 143) (KA): - KA påpeiker at hyttenaboane til Enes Camping er direkte berørt av aktiviteten på campingplassen, og at ein eventuell auka utnytting/bruk i sørvest vil berøre deira klientar på ein merkbar negativ måte. KA meiner at ulempen for deira klientar ved å ha campingplassen som nabo kan avgrensas, i fyrste rekke ved å oppretthalde føremålet korttidsparkering i sørvest i staden for å innføre ein adgang til langtidsparkering her. Plankonsulenten si vurdering: For eigaren av campingplassen er det av stor interesse å gjere endringane i arealbruk som kjem fram av planforslaget. Ved å opne for korttidsparkering nære resepsjonen, vil trafikkløysing inne på campingplassen bli forbetra. Sjølv om naboane representert av KA opplever dei planlagde endringane som negativt, er det etter plankonsulenten si vurdering ikkje meir enn det ein må forvente ved å ha ein campingplass som nabo. Det må vere eigar av campingplassen sin rett til å nytte arealet slik han ynskjer, når det ligg ei fornuftig planløysing til grunn. - KA viser til at deira klientar ikkje kan sjå at det er noko behov for å gjere endringar i gjeldande reguleringsplan. Dette med tanke på at det er kort tid sidan gjeldande reguleringplan vart vedteken (sist endra av Kvinnherad kommunestyre 21. Juni 2007), samt at inndelinga i campingområde med tilhøyrande reguleringsbestemmelsar vart vedteken etter ei overveid vurdering frå reguleringsmyndigheitene si side mht dei ulike berørte interessar, herunder både Leif Sverre Enes sine interesser og hytteeigarane sine interesser, forutan meir generelle samfunnsinteresser som strandsonevern mv. Plankonsulenten si vurdering: Etter ei tid har det vist seg at det var naudsynt med endringar i reguleringsplanen for å oppnå ei fornuftig bruk av areala sett av til camping. At det er kort tid sidan førre reguleringsplan vart vedteken er ikkje ein tilfredstillande grunn til at ein skal la vere å endre på ein reguleringsplan. Når det gjeld hytteeigarane sine interesser, er det omtalt i førre punkt. Dei generelle samfunnsinteressene, som strandsonevern, vert ikkje påverka i dette planforslaget. - Klientane til KA meiner at ei ny inndeling med Generell camping over store deler av campingområdet fører med seg mindre forutsigbarheit. Plankonsulenten si vurdering: Inndelinga med Generell camping kan potensielt føre med seg mindre forutsigbarheit, då dette arealet kan nyttast både til langtidsplassar og for tilfeldig besøkande for korte tidsrom. Intensjonen med planen er å opne for at besøkande i korte tidsrom skal kunne nytte arealet nærast resepsjonen i aust. Det er difor lite truleg at arealet i sørvest, nærast eigedomane til hyttenaboane KA representerer, vil bli nytta til korttidsbesøk. Situasjonen vil difor for hytteeigarane vere svært forutsigbar. - Klientane til KA ynskjer å behalde eksisterande soneinndeling, og meiner det er særskild viktig å behalde restriksjonane knytta til felt lengst sørvest (sone A korttidsparkering). Dette på grunnlag av at KA sine klientar har erfart at korttidsparkering er til betrakteleg mindre sjenanse enn langtidsparkering. Plankonsulenten si vurdering: Det er beklageleg at klientane til KA føler at planløysinga i planforslaget vil medføre meir sjenanse for dei enn dagens løysing. Intensjonen med reguleringsendringa er å flytte korttidsparkeringa nærare servicebygget. Samtidig er det stort behov for å oppretthalde storleiken på arealet til langtidsparkering. Ein ser det difor som naudsynt å nytte seg av arealet i sørvest til Generell camping, som gir høve til langtidsparkering ved behov. Side 6 av 10

7 REGULERINGSFØRESEGNER ENES CAMPING DEL AV Gnr 64 Bnr 1, 142 m.fl. KVINNHERAD KOMMUNE Generelt Desse føresegnene utgjer saman med plankart av reguleringsplan for Enes Camping. Etter at desse føresegnene er vedteke er det ikkje høve til å inngå privatrettslege avtalar som strir mot føresegnene. Målereglar i planen: Når ikkje anna er presisert i føresegnene gjeld teknisk forskrift (TEK), rettleiar T1205 (grad av utnytting) og NS3940 for utnyttingsgrad og måling av høgder, areal og volum. Utbygd areal er det same som bebygd areal i NS3940. Terrasse lågare enn 0,5 meter over terreng vert ikkje rekna med i utbygd areal. Areala innanføre plangrensa er regulert til: Areal (da) BYGGJEOMRÅDE (PBL 25 1.ledd 1) - Campinghytte 0,2 - Administrasjonsbygg 0,1 OFFENTLEGE TRAFIKKOMRÅDE (PBL 25 1.ledd 3) - Anna vegareal 1,4 SPESIALOMRÅDE (PBL 25 1.ledd 6) - Privat veg / parkering 2,9 - Privat gangveg 0,1 -A Generell camping 10,5 - B Campingvogner Fast plass 1,6 - Friluftsområde (land) 16,1 - Friluftsområde (sjø) 1,0 - Småbåtanlegg (land) 0,6 - Småbåthamn 1,4 - Servicestasjon 0,0 - Frisiktsone ved veg 0,4 Arealet av heile planområdet: 35,9 Side 7 av 10

8 1 Fellesføresegner 1.1. I samband med søknad om løyve til tiltak skal søkjaren kunne dokumentere at bygg og anlegg har ei god estetisk utforming som er tilpassa terrenget og som i volum, form og fasade harmonerer med omgjevnaden. Særskild med tanke på at planområdet ligg i strandsona skal all utbygging planleggjast på ein skånsam måte, utan unødig skjemmande inngrep. Eksisterande vegetasjon skal i størst mogeleg grad takast vare på. Campingplassen skal ha ei harmonisk utforming i høve til arkitektur og fargeval Alle tiltak skal formast etter retningslinjer for universell utforming Før området kan takast i bruk skal vegtilkomst, vatn og avløp vere tilfredsstillande Nettstasjonar, pumpestasjonar og andre mindre byggetiltak som krevst for å gjennomføre den tekniske infrastrukturen i området kan førast opp innanføre areala for friluftsområda eller på anna trafikkareal, så lenge dette ikkje strir med det primære føremålet Kjem det fram automatisk freda kulturminne under gravearbeid, pliktar den som grev å stansa arbeidet og melda frå til fylkeskonservatoren, jf kulturminnelova Tiltak i sjø skal søkjast om til rette styresmakt etter Havne- og farvasslova 18, 2. ledd I tillegg til søknad etter PBL, skal ein ved tiltak i sjø som medfører sprengingsarbeid, varsle og ha ein dialog med eigarar av eventuelle oppdrettslokalitetar og fiskesteng i nærområdet Ved byggetiltak i planområdet skal desse byggast etter kommunen sine gjeldande retningsliner for campingplassar, reglar etter PBL og gjeldande lovverk for brannførebygging samt dei til ei kvar tid gjeldande kommunale brannføresegner Det skal skiltast/sikrast mot bratte skrentar som kan utgjere fare for born og andre som oppheld seg i området I området ved strand og småbåthamn skal det til ei kvar tid vere min 2 fungerande redningsbøyer Alle tiltak i området som justerer terrenget meir enn 0,5 meter i høve til eksisterande situasjon må søkast om til Kvinnherad kommune. Ved inngrep i terreng skal skjeringar/fyllingar plantast til med vegestasjon. Dette skal gjerast i samband med utføringa av tiltaket, utan opphør etter tilbakelegging av jordmassane. 2 Byggjeområde (PBL 25 1.ledd 1) 2.1. I alle byggeområda er maksimal mønehøgd ved møna takform 4,5 m over grunnmur. Med takform som pulltak er høgste tillete gesimshøgd 4,5 m over grunnmur. Maksimal utnytting av byggeområda er 100 % (%-BYA) I område for campinghytter er det tillete å føre opp hytter på ein etasje med hems I område for administrasjonsbygg er det tillete å føre opp hus på ein etasje med hems. 3 Offentlege trafikkområde (PBL 25 1.ledd 3) 3.1 Anna vegareal skal i størst mogleg grad vere tilplanta, men mellom anna gang- /sykkelvegar kan opprettast i desse områda om det er trong for dette utover det plankartet syner. Side 8 av 10

9 4 Spesialområde (PBL 25 1.ledd 6) 4.1 Innanføre området skal det byggast veg/parkering med standard som sikrar tilkomst for ambulanse/utrykkingskøyretøy. 4.2 Det kan etablerast gangveg i samsvar med plankartet. 4.3 I område for camping kan det etablerast uttak for straum til campingvogner/bubilar og liknande. Kvar campingplass kan vere på inntil 80 m 2. Reglar for campingdrift og fysiske tiltak skal følgje kommunen sine til ei kvar tid gjeldande retningslinjer for camping. Område for camping er delt inn i to område med ulike underføremål: A. Generell camping B. Campingvogner Fast plass A Generell Camping I område for generell camping er det opna for både langtidsplassar og for tilfeldig besøkande for korte tidsrom. Der det vert etablert langtidsplassar kan ein føre opp faste konstruksjonar, som terrasse med gjerde/gelender, tilbygg (spikertelt, tretelt, fortelt) og liknande. Tilbygg skal maksimalt vere 15 m 2 (BYA) og terrasse maksimalt 15 m 2 (BYA). Byggjetiltaka skal fylgje desse kriteria: 1. Det skal vere einsarta utforming og fargebruk på campingplassen. Faste konstruksjonar skal ha diskrete naturfargar. 2. Fortelt skal byggjast av seksjonar som kan setjast opp og takast ned på ein eller to arbeidsdagar. 3. Størrelsen på forteltet skal ikkje vere større enn campingvogna, største breidde skal ikkje vere over 3,0 m (ut frå campingvogna). Lengda på treteltet skal ikkje overskride lengda på campingvogna. Treteltet skal ikkje vere større enn 15 m Høgda på fortelt kan vere opp til 0,2 m høgare enn vogna for å få tett overgang mellom campingvogntak og fortelt. 5. Det skal vere skråtak på fortelta, ikkje flatt tak. Takutstikk kan maksimalt vere 0,3 m. 6. Det skal vere vindauge i forteltet, min 2 stk. og maks 4 stk. Det kan vere inntil 2 døropningar. 7. Når campingvogna vert fjerna frå plassen skal forteltet også fjernast, men når vogna berre vert fjerna for ein kortare periode, inntil 2 månader, kan forteltet stå. 8. Fortelt som ikkje kjem inn under reglane ovanfor, kan ikkje settast opp utan etter søknad/melding og særskild løyve til kommunens utval for byggesaker. 9. Eigar av plassen må leggja fram typeteikning av treteltet ein ynskjer å byggja til godkjenning av det kommunale utval for byggesaker B Campingvogner Fast plass I område for campingvogner med fast plass er det ikkje opna for å sette opp tilbygg. Det kan settast opp terrasse på maks 10 m I område for friluftsliv (land) skal det ikkje vere nokon spesiell tilrettelegging som hindrar ålmenn ferdsle, anna enn planting av låge buskar og tre for skjerming mot innsyn. Mot sjø, særskild sørvest i planområdet, og langs rv. 551, skal det ikkje utførast hogst av store felt. Tynning og spreidd vedhogst er tillate. Vegetasjonen skal takast vare på for å skjerme området og hindre innsyn. Side 9 av 10

10 4.5 I friluftsområde (sjø) skal det ikkje gjerast nokon form for tilrettelegging. 4.6 I område for småbåtanlegg (land) kan det byggjast molo og kai i tråd med plankartet. 4.7 I område for småbåthamn kan det byggjast flytebryggje og fortøyningsanlegg for småbåtar. 4.8 Servicestasjonar kan opprettast i samsvar med plankartet. Her kan det vere fellesfunksjonar for brukarane, som tømestasjon for kloakk, bosinnsamling og liknande. 4.9 I frisiktsone ved veg kan det ikkje førast opp tekniske innretningar med høgd større enn 0,5 m over tilstøytande vegars plan. Side 10 av 10