Informasjon frå Den norske kyrkja Konfirmant. konfirmant.no

Transkript

1 Informasjon frå Den norske kyrkja 2 12 Konfirmant konfirmant.no

2 2 12 Konfirmant TIL DEG SOM FYLLER 14 I ÅR KYRKJA INVITERER DEG TIL Å VERE KONFIRMANT. NO ER VALET DITT. Enten du trur, tvilar eller berre er nyfiken, er du velkomen til konfirmasjon i kyrkja. I konfirmasjonstida får du lære meir om deg sjølv og Gud. Du får høve til å utforske nokre av dei mange spørsmåla i livet saman med andre. Vi snakkar om livet på godt og vondt, om kjærleik og om Gud. Samstundes får du oppleve mykje nytt. Bli med på ei spennande reise fram til den høgtidelege konfirmasjonsdagen. 3

3 Kan kjærleik overvinne alt? Finst Gud? Og gjekk Jesus på vatnet? Det er mange spørsmål, men ikkje alltid lett å finne svara. Konfirmasjonstida i kyrkja gir deg høve til å finne ut kva du trur lære meir om Bibelen samtale om kristen tru bli kjend med kyrkja få nye tankar om livet engasjere deg i kyrkja sitt arbeid for miljø og solidaritet 2

4 Kva skjer i konfirmasjonstida? Sjølve konfirmasjonsdagen er ein festdag for deg, familien og kyrkjelyden. Den markerer avslutninga på ei spennande tid der du har vore saman med andre for å snakke, lytte og lære, skape og erfare. Opplegget for konfirmasjonstida varierer frå stad til stad. Men denne tida vil alltid innehalde ulike opplevingar, undervisning og samtalar om kristen tru og utfordringane i livet. Du vil også bli kjend med kyrkjeromet og vere med på gudstenester. 4

5 2 12 Konfirmant Alle har rett til ei god konfirmasjonstid. Dersom du har behov for tilrettelegging, tek du og familien kontakt med kyrkja di. Ein viktig del av konfirmasjonstida er å dele erfaringar med andre. Difor reiser dei fleste konfirmantgrupper på turar eller arrangerer andre aktivitetar. For mange er konfirmantleiren høgdepunktet dette året. Alle kyrkjelydar inviterer til registrering til konfirmasjon. Informasjon om tidspunkt for dette kjem direkte frå kyrkja der du bur. Dersom du lurer på kva for ei kyrkje du høyrer til, kan du sjekke det på konfirmant.no eller kyrkja.no. 5

6 Mine kjære, lat oss elska kvarandre, for kjærleiken er frå Gud og kvar den som elskar, er fødd av Gud og kjenner Gud. Johannes fyrste brev 4,7 Kva er konfirmasjon? Bibelen fortel at dåpen er Guds gåve til oss. Dåpen er eit synleg teikn på Guds kjærleik, og på at den døypte er ein del av kyrkja. I Den norske kyrkja er konfirmasjonen ei forbønshandling. Ordet konfirmere tyder å stadfeste eller styrke. Det er ikkje ein føresetnad for konfirmasjonen at konfirmanten skal stadfeste noko, det er Gud som stadfestar lovnadene sine slik dei første gongen vart gitt i dåpen. Konfirmasjonstida gir deg eit høve til å bli kjend med trua. Konfirmasjonsgudstenesta er høgtideleg, og alle konfirmantane kjem fram og kneler ved alterringen. Presten eller konfirmantleiaren din ber for deg. 6

7 2 12 Konfirmant Er du ikkje døypt? Om lag ungdomar blir konfirmerte i Den norske kyrkja kvart år av desse blir døypte under konfirmasjonstida. Alle kan delta i konfirmasjonstida. Dåpen er ein føresetnad for å ta del i den avsluttande forbønsgudstenesta. Dersom du ikkje er døypt, kan du vere med i konfirmasjonstida, bli kjend med trua og velje om du vil bli døypt undervegs. 7

8 Vi vil konfirmere oss i kyrkja fordi vi er døypte. Det kjennest naturleg og er ein fin tradisjon. Konfirmasjonsleiren, det å vere saman med vener og å bli kjent med nye menneske er det beste i konfirmasjonstida. Og så gler vi oss til selskapet! Mari (14) og Thea (14), konfirmantar 2011 Eg vil konfirmere meg fordi eg er nysgjerrig på Gud og på livet. Og så synest eg det litt trygt å tru på Gud. Det er spennande å lære meir om Gud og Jesus. Siri-Kirsti (14), konfirmant 2011 Eg vel å konfirmere meg fordi det er tradisjon i familien min. I mange år har eg gledd meg. Det beste med konfirmasjonstida var leiren. Det var fint å møte konfirmantar frå same område og å vere saman i grupper. Dei aktivitetane vi hadde på leiren var veldig artige. Vegard (14), konfirmant

9 2 12 Konfirmant Døme på tema i konfirmanttida Gud, Jesus og Den heilage ande Gudstenesta Menneskeverd og menneskesyn Nattverd Bibel og bøn Kjensler og grenser Sorg og glede, godt og vondt Vennskap og relasjonar Song og musikk Tilgjeving og forsoning Kropp, sjølvbilde og identitet Sjølvstende og tilhøyring Rett og gale Kjærleik, seksualitet og samliv 9

10 Vi og verda Jesus lærte oss mykje om korleis vi menneske skal leve saman, og korleis vi skal ta vare på kvarandre og den verda vi lever i. Dette tek vi på alvor i konfirmasjonstida. Solidaritet og nestekjærleik, engasjement og omsorg er viktige tema. Omsorg for andre, fredsarbeid og vern av klima og miljø er mellom oppgåvene våre. Desse utfordringane treng engasjerte unge som kan jobbe for å skape ei meir rettferdig verd lokalt og globalt. 10

11 Når du fyller femten år, er du religiøst myndig. Då kan du mellom anna bruke den kyrkjelege stemmeretten din ved kyrkjeval. Dette er ein av måtane du kan nytte for å påverke det som skjer i kyrkja Konfirmant Ung i kyrkja Du vel korleis du skal engasjere deg i kyrkjelyden etter konfirmasjonen. Du høyrer alltid til i kyrkja enten du vel å bli med i ungdomsarbeidet, eller du vel å kome til kyrkja ved dei store høgtidene. Dei fleste stader finst tilbod til unge i kyrkja og i organisasjonar som driv kristent ungdomsarbeid. Dette blir du kjend med i konfirmasjonstida. Vi håper det du får oppleve i konfirmasjonstida kan hjelpe deg når du gjer viktige val i livet. Velkomen som konfirmant i Den norske kyrkja! 11

12 Engasjer deg Menneske i Tanzania og Noreg bur i ulike land, men eigentleg er vi ganske like, seier dei to konfirmantane, Maria frå Moelv og Jostein frå Toten. Dei har vore i Tanzania. Der møtte dei Yohana og Leah. Gjennom Kirkens Nødhjelp sitt arbeid får dei nye sjansar. Konfirmantar over heile landet samla i fastetida inn pengar til dette arbeidet, og mange var med på underskriftsaksjonar. I konfirmanttida får du høve til å vere med på fasteaksjonen til Kirkens Nødhjelp. Det er jo genialt! Jostein frå Toten Om spare- og lånegruppene han og Maria vitja. Kirkens Nødhjelp kjemper saman med menneske over heile verda for å avskaffe fattigdom og urett. Kirkens Nødhjelp er ein felleskyrkjeleg organisasjon for global rettferd. Organisasjonen gir naudhjelp i katastrofar og jobbar på lang sikt for utvikling i lokalsamfunn. Kirkens Nødhjelp påverkar styresmakter, næringsliv og religiøse leiarar for å fjerne grunnar til fattigdom. 12

13 2 12 Konfirmant Klart vi kan endre verda! Vi vil utfordre deg til å bli med og gjere noko med all uretten i verda. Synest du verda er urettferdig? I konfirmanttida kan du gjere noko med det! Changemaker er Kirkens Nødhjelps ungdomsorganisasjon, og mottoet vårt er «Klart vi kan endre verda». Vi jobbar med å påverke dei som bestemmer, både i Noreg og internasjonalt, til å fatte vedtak som skaper ei meir rettferdig verd. Vi håper å møte deg gjennom året. Klart vi kan endre verda! Alt anna er naivt å tru. Uretten er skapt av menneske, og difor kan menneske endre den. Changemaker har rundt 2000 medlemar mellom 13 og 30 år. Vi jobbar med tema som u-landsgjeld, handel, global helse, klima og fred. Har du lyst til å vere med og endre verda? Sjekk for å bli medlem eller for å delta i kampanjar. 13

14 VELKOMEN SOM KONFIRMANT! Eg hugsar ein gong eg hadde mi første samling med dei nye konfirmantane. Dei ramla inn og fylte rommet med mykje lyd og mykje rørsle. Eg strevde med å komme til orde. Endeleg vart det så pass roleg at eg slapp til med spørsmålet mitt: «Kvifor vil de vere konfirmantar i kyrkja?» Ei av jentene rekte da straks opp handa og svara: «Fordi eg trur på Gud og er nysgjerrig!» Eg seier det same til dykk no som eg svara henne den gongen: Velkommen til konfirmasjonstid i kyrkja! Kanskje trur du på Gud, kanskje veit du ikkje kva du skal tru. Ein treng ikkje ha mange svar for å la seg konfirmere. Men det er lurt å vere nysgjerrig. Vi vil gjerne møte deg der du er nett no. Vi vil gjere deg kjent med den kristne trua og tradisjonen du er fødd inn i. Mest av alt vil vi gjere deg kjent med Jesus Kristus Mange har opplevd at konfirmanttida har vore ei fin tid der dei er blitt betre kjende med seg sjølv, med dei andre konfirmantane og med Jesus. Eg håper du og vil kjenne det slik. Venleg helsing Halvor Nordhaug biskop i Bjørgvin bispedøme 14

15 Lurer du på kven du skal ta kontakt med? Her finn du telefonnummeret til kyrkjekontoret der du bur. Der vil dei også kunne svare deg på når og kvar du kan melde deg inn. Dersom du ikkje veit kva for kyrkjelyd du høyrer til i, kan du gå inn på konfirmant.no eller kyrkja.no og søkje under «Finn menighet». Alversund Arna Arnafjord Ask Askvoll Askøy Aurland Austrheim Austevoll Balestrand Bergen domkirke Bergsdalen Berle Birkeland Biskopshavn Bjordal og Ortnevik Blomvåg Breim Brekke Bremanger Bremnes Bru Bruvik Bygstad Bømlo Bønes Dale/Luster Dale/Vaksdal Davik Eid Eid/Fjelberg Eidfjord Eidsvåg Eikefjord Eksingedalen Erdal Ervik (Selje) Etne Evanger Fana Fedje Feios Fet og Joranger Fitjar Fjaler Fjelberg og Eid Fjell Fjærland Fortun Fresvik Fridalen Frøya Frøyset Fusa Fyllingsdalen Førde Førde/Sveio Gaupne Gimmestad Gjerstad Granvin Gulen Hafslo Haltestrand Hamre Haus Helgheim Herdla Hjelme Holmedal/Husnes Holsen og Haukedalen Hosanger Hornindal Hundvin Husnes Hyen Hyllestad Høyanger Innvik Jondal Jostedal Kaupanger Kinn Kinsarvik Kjølsdalen Kvinnherad Kyrkjebø Laksevåg Landås Lavik Leikanger i Sogn Leikanger (Selje) Lindås Loddefjord Loen Lygra Lykling Lærdal Løvstakksiden Meland Midtgulen Mjømna Mo Moster Myking Naustdal Nedre Årdal Nedstryn Nes Nesheim Nordal Nordsida Norum Nygård Nysæter Odda Olden Olsvik Onarheim Oppheim Oppstryn Os Ostereidet Radøy Randabygd Raundalen Reksteren Rugsund Røldal Salhus Samnanger Sande Sandnes Sandviken Seim Selje Skare Skjold Skånevik Slettebakken Solheim Solund Solvorn Stamnes Stedje Stord Storetveit Strandebarm Strusshamn Stårheim Sund Sveio Sælen Særdal Søreide Tveit Tyssedal Tysnes Uggdal Ullensvang Ulvik Uskedalen Utne Utvik Vaksdal Valestrand Vangsnes Varaldsøy Vereide Vevring Vik Vike Viksdalen Vikøy Vinje Voss Vågsøy Ytre Arna Ænes Ølve Øvre Årdal Øystese Åkra Ålfoten Ålhus Ålvik Årstad Åsane

16 Retur: Bjørgvin bispedøme Postboks 1960 Nordnes 5817 Bergen Tlf E-post: Løyve til at dette heftet kan sendast til alle som er fødde i 1997 og adresseopplysningar er gitt av Staten ved Skattedirektoratet. Døvekyrkjelydane har eige konfirmanttilbod. Kontaktinfo. Døves menighet i Bergen: Telefon: SMS: E-post: doves.menighet.bergen@dovekirken.no 9BbdNN Utanlands neste år? Du kan vere knytta opp til ei av sjømannskyrkjene rundt om i verda og ha konfirmasjon der eller i eigen kyrkjelyd i Noreg. Det er også mogleg å vere «nettkonfirmant». Kontakt eller Anna kyrkjesamfunn? Tilhøyrer du eit anna kyrkjesamfunn enn Den norske kyrkja? Dei fleste kyrkjesamfunn tilbyr opplæring for deg som er i konfirmantalderen. Ta kontakt med den kyrkja/kyrkjelyden du tilhøyrer, og spør om informasjon. Konfirmant 2012 er utgitt av Kyrkjerådet og bispedøma i Den norske kyrkja, i samarbeid med og med støtte frå Kirkens Nødhjelp. MILJØMERKET Design: Tank Trykk: Nr1 Trykk Grefslie AS Foto: Sveinung Bråthen/Øyvind Haug/Torstein Ihle 241 Trykkeri 715