Innkalling til årsmøte i Hå Senterparti 2014

Transkript

1 Innkalling til årsmøte i Hå Senterparti 2014 Stad: Tine meieri i Kviamarka, onsdag 29. oktober 2014 klokka 19 (omvisning frå 18). Det vert omvisning på meieriet for dei som vil frå klokka 18. Møt ved hovudinngangen. I år vert den nye rådmannen i Hå, Anne Berit Berge Ims med oss og fortel litt om oppstarten i stillinga si i Hå. Me har lagt årsmøtet til Tine meieri i Kviamarka, og tenkte på den måten me kan slå saman eit interessant bedriftsbesøk med årsmøte. Me håper dette er noko medlemmene set pris på. Me har sjølve årsmøtet i auditoriet, der me først gjev Anne Berit ordet, før me tek årsmøtet. Mat får me i kantina på meieriet. Me håper mange tek turen til Kviamarka denne onsdagen, så vel møtt! Som me skreiv i sommarskrivet vert det i år òg medlemstur til matmessa Grüne Woche i Berlin januar. Me dreg tidleg fredag, og er heime ettermiddag søndag. Pris vert om lag 3600,- men det er bare garantert til slutten av oktober. Derfor er det fint om du gjev ei melding dersom du har lyst å vera med. Det enklaste er å slå på tråden til Svein, Sakliste til årsmøtet: 1. Godkjenning av innkalling og saksliste 2. Val av møteleiar 3. Val av årsmøtesekretær 4. Val av to personar til å skriva under møteboka 5. Årsmelding 6. Kontingent Budsjett og rekneskap 8. Utsendingar til årsmøte i Rogaland Sp 9. Utsendingar til nominasjonsmøte i fylket 10. Matpause 11. Melding frå kommunestyregruppa 12. Val 13. Innkomne saker 14. Orientering frå nominasjonskomiteen 15. Orientering om medlemstur til Grüne Woche

2 Årsmelding 2013/2014 Styret har hatt ni styremøte og handsama tretti saker. Styret har vore: Leiar: Svein Høyland Nestleiar: Siri K. Fuglestad Sekretær: Anne Vold Jensen Kasserar: Ingve Berntsen Studieleiar: Sigmund Rangen Styremedlem: Per E. Hårr og Tone Marie Nærland Fjellheim 1. vara: Gry Kjersti Høyland Sirevåg 2. vara: Sveinung Haaland 3. vara: Lars Madland Gruppeleiar: Sveinung Lode Styret i Hå Sp har fast styremøtetid før gruppemøta til kommunestyremøta. - Det var samling for Rogaland SP, Sand november. Sveinung reiste. - I januar starta me med eit nyttårstreff av det gamla og det nya styret heime hjå Svein. Der blei det servert Eplemad og alle kosa seg. - Medlemsturen gjekk til Grüne Woche, Berlin januar. Det var 18 personar som reiste. Alle som var med på turen meinte at det var eit flott tiltak, og vil gjerna reisa igjen. - Studieringen gikk dette året på styrekultur. - I mars var det klart kven som skulle sitja i nominasjonskomiteen, og arbeidet med nominasjon vart sett i gang. Roy Engelsvoll vart vald til leiar, med seg har han Elling Herredsvela, Torfinn Nærland og Ingunn Helen Reiestad. - I slutten av mars hadde me også studiering der temaet var kommunesamanslåing. - Det har også blitt oppretta ei lukka gruppa på Facebook for alle medlemmene i Hå. Der kjem det inn ny informasjon, og medlemmene kan spør andre om det er noko ein lurer på. Denne gruppa kan også være god å ha til raske beskjeder. - Svein var utsending til det ekstraordinære landsmøtet 7. april, der Trygve Slagsvold Vedum vart vald til leiar.

3 M e d l e m s - v e r v i n g - I april var det samling ein kveld i lag med Sandnes og Klepp, der temaet var sosiale media. - Fylkesårsmøtet var dette året i Haugesund. Svein, Sveinung, Siri, Tobias og Ingve reiste. - I mai starta kampanjen Spør 2014, der en skulle være aktive og prøve å verve fleire nye medlemmer. Hå SP gjorde ein god innsats, og har opplevd medlemsauke. - Det vart også sendt ut medlemsnytt (sommarhelsing) til alle medlemmene i Hå Senterparti. I skrivet stod det litt om kva som hadde skjedd i Senterpartiet i den inneverande kommunestyreperioden, litt om investeringar, økonomi, utbygging og folkeauke m.m. - Svein Høyland og Ingve Berntsen har elles hatt ulike lesarinnlegg i Jærbladet. I 2014 har me hatt 161 medlemmer, det er ei auke på tjue frå i fjor. Det er gledeleg å sjå at det kjem nye folk til. Senterungdommen har vore svært aktiv, og det fører til at òg yngre medlemmer kjem til. Når me har verva har me vorte møtt med veldig positiv respons, noko som gjer det både gildt og meiningsfullt å få fleire med i Hå Senterparti. Vigrestad, 22. september 2014 Sekretær Anne Vold Jensen, Forslag til arbeidsplan for 2014 / 2015 November Desember Januar Nominasjonsmøte til fylkestingslista 1. november Sosial samling for gammalt og nytt styre, inkludert nominasjonskomite Studiering om valkamp og program; programarbeid vil gå kontinuerleg utover vinteren Organisasjonssamling Programarbeid

4 Februar Mars April Mai Juni Juli August September Oktober/november Medlemstur til Grüne Woche Årsmøte i Rogaland Senterparti Nominasjonsmøte for lokalval Medlemsmøte program Sommaravslutning Valkamparbeid Valkamparbeid Årsmøte ÅRSMELDING FRÅ GRUPPA Me er alt komne til siste årsmelding før nytt lokalval. Hå Senterparti er godt nøgde med innsatsen. Me har framstått samla, og fått gjennnomslag for svært mykje i perioden. Dèt håper me at veljarane har lagt merke til, og vil visa att på valet om eit år. Me kan jo starta med siste møtet før dette vart skrive. Frå me starta etter sist val har me sagt Ogna skule. Dèt har virka, og oppstart av nybygg har kome opp som ei sak. Me var likevel utrygge på kva som låg i vedtaket, og fremja derfor ein interpellasjon (spørsmål til ordføraren som kan drøfast av kommunestyret, i motsetnad til spørsmål som bare får eit svar) om dette. Det gjorde me truleg i grevens tid, og det fører truleg til at den nye skulen på Ogna vert bygd for framtida, i staden for å vera for liten alt når han vert opna. Dette fekk me fine oppslag på i Jærbladet, inkludert ein leiar som støtta opp om å bygga ein framtidsretta skule. Når det gjeld interpellasjonar og spørsmål er nok Senterpartiet det partiet som har vore mest aktive. Me har hatt fleire rundar med spørsmål om smått og stort. Dette er viktig, både for å få fram saker, men òg for å passa på at det som er vedteke vert utført. Me har mellom anna fremja saker rundt arbeidstakarar i Hå. Sist om å etablera såkalla rekrutteringspatruljar i kommunen for å bruka unge og engasjerte nytilsette for å motivera andre unge på skulane til å

5 utdanna seg, og søka arbeid, innanfor alle bransjane der Hå kommune har tilsette. Det må jo vera god logikk i å bruka skulane som arena når me først er eigar av dei. Eit anna emne er korleis me best kan utnytta hamna i Sirevåg. Me har vore inne på gjeste- og småbåthamn, men fått lite respons frå andre politikarar, slik at det så langt ikkje er grunnlag for noko å gå vidare med. Av saker i år, var me sist innom ei høyring om bompengefinansiering. Senterpartiet er skeptiske til at me vil få så mykje igjen for dette, og la fleire forutsetningar til grunn for å kunna gå for forslaget, i lag med dei andre senterpartilaga på Jæren. Me fekk liten respons, og innstillinga gjekk gjennom med knapt fleirtal. Men la oss gå tilbake eit år. Hausten 2013 var vegen nord for Brusand ei heit sak. Det er ikkje å leggja skjul på at dette har vore ei sak det innad i Senterpartiet har vore delte meiningar om. Gruppa landa på alternativet med å leggja vegen nord for Brusand. Sjølv om det òg førte til meir vanskar pga. arkeologiske utgravingar, har me tru på at når alt kjem til stykket, og åra går, at dette er det beste alternativet. På kort sikt er det òg svært viktig for ikkje å stoppa den flotte utviklinga me ser i Stokkalandsmarka, der det dei siste åra er bygd femti bustader i året. Ei anna sak sør i Hå me var aktive rundt, var å få i gang grøfta som nå er under graving oppover frå Brusand. Denne skal svinga innom alle bustader som vil knyta seg til, og inneheld kloakk, vatn, breiband - i det heile viktige tiltak for Øvra Bygdå. Totalt skal grøfta verta 35 kilometer. Innsatsen til innbyggjarane på vegen oppover har bidrege til at ein ligg godt an i høve framdriftsplanen. Ei av dei viktigaste sakene i år har vore å få på plass ein kommuneplan. Dette har det vore arbeidd mykje med, og truleg vil han verta vedteken før nyttår. Senterpartiet har spelt ei aktiv rolle for å sikra at me har ei restriktiv jordvernsline i heile arbeidet. Me meiner at me har klart å få gjennomslag for mange av våre synspunkt, og likevel klart å ivareta viktige interesser, særleg for næringslivet i heile kommunen. For Hå kommune er det viktig å gå føre som eit godt eksempel, og så langt ser det ut som også Fylkesmannen er samd i at me har gjort eit godt arbeid. Forslaget til kommuneplanen har skapt engasjement i kommunen, og meir enn 500 personar møtte på dei opne møta. I desse kommunesamanslåingstider kan me jo stilla spørsmål om det i det heile hadde vorte vurdert å halda fem slike møter i om ein kommuneplan i ein storkommune... Barnehage i Motlandsmarka er ei anna sak Hå Senterparti fekk fram i lyset. I første omgang ville ingen høyra på det øyra, men etter kvart som me fekk fram kva fordelar som låg i å byggja på denne alt ferdig regulerte tomta, kom dei etter. Det må jo vera praktisk å byggja barnehage i nærleiken av der folk bur. Ny barnehage i Motlandsmarka er nå under planlegging. Grunnarbeidet på Bø skule er òg i gang. Dette har teke tid, og når først vedtaket var fatta om å byggja på ny tomt har det vore viktig å få fortgang i planane. På skulane har me fått gjennom at dei skal ha høve til å søkja om midler til skulemat. Dette har nok i praksis mest vorte brukt til skulefrukt, men intensjonen var at her skal det vera rom for å få dekka ein del av utgiftene skulane har for å driva/starta kantine. På den måten tek me

6 eit viktig steg på veg mot gratis mat i skulane. Dette er ei viktig sak for Senterpartiet både lokalt og nasjonalt - skikkeleg mat er eit viktig grunnlag for god læring. Lensmannsløa har kome i skikkeleg drift, og me kan nå sjå at me gjorde rett i å støtta dèt tiltaket. Særleg ungdomsklubben har vore ein suksess, med eit breitt tilbod til ungdommar frå heile Hå. Dèt er eit tiltak som har store verdiar, i langt meir enn pengar. Dei er aktive på Facebook, der ein kan følgja med i alle dei flotte aktivitetane dei held på med. I skrivande stund er me i gang med nominasjon til neste val. Programarbeid vert sett i gang i løpet av hausten, og om du har interesse av å vera med på studiering som tek føre seg både program og valkamp må du bare ta kontakt. Hå Senterparti satsar på eit godt sisteår i denne valperioden, og vil halda fram med å vera aktive i kommunepolitikken og framstå som samla, konsekvent og til ei kvar tid tydelege senterpartistar. Sveinung Lode, gruppeleiar og varaordførar. Representanten i formannskapet, kommuneplanutvalet og med i forhandlingsutvalet. Svein Høyland er medlem i utval for helse og sosialsaker. Tobias Aanestad er medlem i utval for opplæring og kultur. Arna Høyland er medlem i utval for tekniske saker og næring. Siri Fuglestad er medlem i kontrollutvalet. I tillegg har Siv Undem, Anne Vold Jensen og Ingunn Helen Reiestad møtt som vararepresentantar.