Saksnr. Utval Møtedato 043/12 Plan og utvikling /12 Kommunestyret

Transkript

1 Aurland kommune Sakspapir Saksnr. Utval Møtedato 043/12 Plan og utvikling /12 Kommunestyret Saksansvarleg: Jan Olav Møller Arkivsaknr.: Arkiv Sakshandsamar Dato 11/999-8 K1-143, K2-L12, K3- Jan Olav Møller, &17 Reguleringsplan(områderegulering) for cruisekai på Tjøresva - oppstart av planarbeid og høyring av planprogram Kort samandrag Aurland Hamnevesen KF ynskjer at Aurland kommune set i gang ein reguleringsplanprosess(områderegulering), som legg til rette for å etablera ein cruisekai på Tjøresva. I og med at tiltaket er i strid med kommuneplan for Aurland, samt vil ha vesentlege konsekvensar for miljø og samfunn, utløyser planarbeidet kravet om konsekvensutgreiing(ku). Aurland Naturverkstad AS har difor på vegne av Aurland Hamnevesen KF utarbeidd framlegg til planprogram. Syner elles til tilrådingar i vurderinga. Rådmannen si tilråding: Kommunestyret vedtek å starte ein planprosess for Reguleringsplan(områderegulering) for cruisekai på Tjøresva, i medhald av Plan- og bygningslova Planområdet er synt på situasjonskart datert Planprogrammet vert å leggjast ut til offentleg ettersyn og sendast på høyring i samsvar med Plan- og bygningslova Det vert gjeve mellombels forbod mot oppretting og endring av eigedom eller tiltak på det aktuelle arealet, inntil planspørsmålet er endeleg avgjort, jf Plan- og bygningslova PLAN OG UTVIKLING Handsaming i møte: Hamnesjef John Johnsen orienterte om planane. Framlegg frå Monica Finden: Side 1 av 8

2 Før plan og utvikling tek stilling til reguleringsplan/planprosess for Tjøresva skal alternativet ved E-CO kaien utgreieast nærare med kostnadsoverslag og konsekvensar. Framlegget vart trekt Framlegg frå Monica Gjesdal Larsen: Kommunestyret vedtek ein planprosess for reguleringsplan for heile Aurlandsvangen, med tanke på cruicekai eller anna næring, inkl. ein stadsanalyse der planavgrensing er frå og med Aurlandsvangen. Konklusjon av planprosess og stadsanalyse vert lagt fram for kommunestyret og vert vedtatt i strategisk handlingsplan. Tilleggsframlegg frå Sturle Ryum: 1. Parallelt med planprosessen for Tjøresva skal det utgreiast kailøysingar på Heggviksvåi og Salthella. 2. Planområdet skal utvidast til å gjelda heile strandlina til utløpet av Aurlandselvi. Pkt 2 vart trekt. Felles tilleggsframlegg frå Monica Finden, Sturle Ryum og Kristine G. Ohnstad: Parallelt med planprosessen for Tjøresva skal det utgreiast kailøysingar på Heggviksvåi og Salthella. RØYSTING: Framlegg frå rådmannen: 4 røyster Framlegg frå Monica Gjesdal Larsen: 1 røyst Tilleggsframlegg frå Finden, Ryum og Ohnstad: 4 røyster PUT-043/12 VEDTAK: Kommunestyret vedtek å starte ein planprosess for Reguleringsplan(områderegulering) for cruisekai på Tjøresva, i medhald av Plan- og bygningslova Planområdet er synt på situasjonskart datert Planprogrammet vert å leggjast ut til offentleg ettersyn og sendast på høyring i samsvar med Plan- og bygningslova Det vert gjeve mellombels forbod mot oppretting og endring av eigedom eller tiltak på det aktuelle arealet, inntil planspørsmålet er endeleg avgjort, jf Plan- og bygningslova Parallelt med planprosessen for Tjøresva skal det utgreiast kailøysingar på Heggviksvåi og Salthella KOMMUNESTYRET Handsaming i møte: Atle Winjum bad om å få gå fram som ugild, Leif Inge Underdal møtte som vara. Brev frå advokatfirmet Judicium DA v/ Ivar Winjum, datert vart delt ut til medlemane. Hamnesjef John Johnsen orienterte om saka. Side 2 av 8

3 Framlegget frå PUT vart nummert frå 1-4. Framlegg frå Per Are Flåm: Identisk med rådmannen sitt framlegg. Utsetjingsframlegg frå Monica Gjesdal Larsen: Saka vert utsett til det er gjort ei konsekvensutgreiing med stadanalyse som avklarar om det skal byggjast ein cruisekai i nærleiken av Aurlandsvangen. Det vart røysta over utsetjingsframlegget: 6 røyster og fall Tillegg til framlegg frå PUT- pkt 1 - frå Leif Inge Underdal:.bygningslova 12-8 med utgangspunkt i ein stadanalyse. Tilleggsframlegg frå Sturle Ryum ( alternativ mot pkt 4 frå PUT): Parallelt med planprosessen fortjøresva skal det utgreiast teknisk og med tanke på konsekvensar, alternative kailøysingar mellom Aurland og Flåm. Endringsframlegg frå Monica Finden ( pkt 3): Nest siste setning i vedtaket frå PUT vert endra slik:. det aktuelle arealet som kan vanskeleggjere planarbeidet, inntil planspørsmålet.. Framlegget vert trekt RØYSTING: Det vart røysta punktvis. Pkt. 1 frå PUT: Mot 1 røyst Pkt 1 tilleggsframlegg: Mot 9 røyster og fall Pkt 2 frå PUT: Samrøystes Pkt 3 frå PUT: Samrøystes For at det skal vere med eit pkt 4: 10 røyster for, 7 røyster mot. Alternativ røysting mellom : PUT: 13 røyster Sturle Ryum: 4 røyster KS-086/12 VEDTAK: Kommunestyret vedtek å starte ein planprosess for Reguleringsplan (områderegulering) for cruisekai på Tjøresva, i medhald av Plan- og bygningslova Planområdet er synt på situasjonskart datert Planprogrammet vert å leggjast ut til offentleg ettersyn og sendast på høyring i samsvar med Plan- og bygningslova Det vert gjeve mellombels forbod mot oppretting og endring av eigedom eller tiltak på det aktuelle arealet, inntil planspørsmålet er endeleg avgjort, jf Plan- og bygningslova Parallelt med planprosessen for Tjøresva skal det utgreiast kailøysingar på Heggviksvåi og Salthella.. Vedlegg: Vedlegg: J.dato Tittel Aurland Hamnevesen KF - framlegg til planavgrensing Side 3 av 8

4 Fylgjeskriv - framlegg til planprogram for reguleringsplan for cruisekai på Tjøresva Framlegg til planprogram for reguleringsplan for cruisekai på Tjøresva Hamnestyresak 12/12 - planarbeidet for cruisekai Fylgjeskriv - Reguleringsplan områderegulering for cruisekai på Tjøresva Reguleringsplan områderegulering for cruisekai på Tjøresva - Brev til hamnestyret sendt Reguleringsplan(områderegulering) for cruisekai på Tjøresva - referat frå oppstartsmøte Planarbeid for Aurlandsvangen - referat frå møte Norconsult AS - skisserapport Alt5-kostnader-eks-mva.pdf _105_B01_Planløsning alternativ 5.pdf Djupvasskai ved Vangen kraftstasjon Aktuelle lover, forskrifter, avtalar m.m. - Plan- og bygningslova 4-2, 12-8 og Naturmangfaldlova. - Kommuneplan for Aurland, av Reguleringsplan for Skinnarvika Tjøresva. - Reiselivsplan for Sogn og Fjordane, Saksutgreiing Aurland Hamnevesen KF ynskjer at Aurland kommune set i gang ein reguleringsplanprosess(områderegulering), som legg til rette for å etablera ein cruisekai på Tjøresva. Plassering av cruisekai byggjer på eit forprosjekt som Norconsult AS avdeling Bergen, utarbeidde i Det vart halde oppstartsmøte mellom Aurland hamnevesen KF v/ John Erik Johnsen med konsulent for planprogram Aurland Naturverkstad AS v/ Hanne Lykkja og administrasjonen, 24 april Tiltaket er i strid med kommuneplan for Aurland, samt vil ha vesentlege konsekvensar for miljø og samfunn. Planarbeidet utløyser difor kravet om konsekvensutgreiing(ku). Aurland Naturverkstad AS har på vegne av Aurland Hamnevesen KF utarbeidd framlegg til planprogram. Økonomiske konsekvensar Kostnadsoverslaget for kaien er på 49,2 millionar kroner. I tillegg kjem eventuelle kostnadar for samferdselsanlegg og teknisk infrastruktur. Vurdering Planprosessen skal gjennomførast i samsvar med 12-8 til i Plan- og bygningslova. Planprogrammet skal gjera greie for føremålet med planarbeidet, planprosessen, deltakarar, opplegg for medverknad, særskild i høve til grupper som vert særleg råka og behovet for utgreiingar. Planprogrammet skal utarbeidast som grunnlag for planarbeidet ved varsling av planoppstart. Ved varsling av planoppstart vil framlegg Side 4 av 8

5 til planprogram bli lagt ut til offentleg ettersyn i seks veker. Når høyringsperioden er over, vil planprogram bli lagt fram for vedtak i kommunestyret. Det er naturleg at eit slik stort planarbeid/prosjekt, då spesielt konsekvensutgreiinga(ku) vert utlyst, medan kommunen, er plan- og prosjekteigar. Administrasjonen vil i samarbeid med Aurland Hamnevesen KF lyse ut arbeidet medan planprogrammet er på høyring. Plantype og forankring Tiltaket er i strid med kommuneplan for Aurland og Strategisk handlingsdel med økonomiplan Det pågår for tida arbeid med Kommunal Planstrategi. Som nemnt i oppstartsmøte , må denne satsinga sjølvsagt nemnast og prioriterast i Kommunal Planstrategi over viktige planar/satsingsområde kommunen skal jobbe med vidare. Ei cruisehamnsatsing vil binde opp både administrative og økonomiske ressursar, i tillegg til den fysiske endringa av sentrum eit slikt anlegg vil føre med seg. Dette er den viktigaste grunnen til at eit slikt tiltak bør venta til planstrategien er vedteken, i september/oktober I møte mellom politisk leiing og administrasjonen , tilrådde administrasjonen at det i utgangspunktet burde bli utarbeidd ein kommunedelplan for Aurlandsvangen. På grunn av at dette planarbeidet hastar, har ein valt å tilrå områderegulering i staden. Administrasjonen vurderar at det er høve til å utarbeida planprogram og KU no i vår/sommar, utan vesentleg bruk av midlar, og so ta eit endeleg standpunkt til planarbeidet, ved vedtak av Kommunal Planstrategi. Det må takast atterhald om at det formelle vedtaket til saka, er utgreidd betre og vurdert opp mot andre viktige planar for samfunnsutvikling i kommunen. Planarbeidet må også sjåast i samanheng med Strategisk handlingsdel med økonomiplan for ny periode, kommunedelplan for veg og trafikktgygging, hovudplan for vatn- og avlaup, samt kommunedelplan for næring. I <<Reiselivsplan for Sogn og Fjordane, >> står det: Cruisetrafikk: Vidare satsing på crusieturisme bør vurderast opp mot auka satsing på landbasert turisme, og bør i utgangspunktet konsentrerast rundt eksisterande hamner(t.d Flåm, Skjolden og Olden) og der hamneanlegg og infrastruktur allereie er på plass. Planarbeidet bør gjere ein del vurderingar i høve dette. Planavgrensing Aurland Hamnevesen KF har kome med framlegg med planavgrensing, som kun omhandlar arealet rundt ny cruisekai. Frå politisk hald er det gjeve signal om at planavgrensinga skal vera som skissert frå hamnevesenet. I møter og har administrasjonen tilrådd at heile Aurlandsvangen vert teke med i planavgrensinga. Eit minimum er at vegsystem ligg inne. Som nemt i oppstartsmøte og referert til i planprogrammet vil tiltaket føre til vesentlege konsekvensar for miljø, samfunn og det er naudsynt å avklare rammene rundt stadutvikling for Aurlandsvangen, knytt til funksjonar og utforming, vegsystem, kollektivtransport, grønnstruktur, samt avgrensing mot LNF område. Grunnar for at planavgrensinga bør ha med større delar av Aurlandsvangen: Side 5 av 8

6 - Heilskapleg planlegging og avklaring av rammene rundt stadutvikling av Aurlandsvangen. - Det er vanleg at dei ulike alternativa for plassering av cruisekai, ligg innanfor planavgrensinga. - Ved oppstart av planarbeid er det vanleg å vera romsleg i avgrensinga, og heller innskrenke planområdet ved utforming av planen. Døme: Avslutningsvis til tema for planavgrensing, vil administrasjonen spesielt peike på at administrasjonen og Fylkemannen i samband med planarbeid for Gudvangen, tilrådde kommunedelplan for Nærøydalen. Det vart her valt å gå for reguleringsplan for Gudvangen sentrum, der berre ein liten del av råstoffutvinninga er teken med. Ved å gjere det slik har det vore svært vanskeleg for ulike interesser å vurdere dei samla konsekvensane for ei slik råstoffutvinning, opp mot andre interesser i området. Når ein reguleringsplan i Gudvangen er vedteken, ventar det framleis ein ny reguleringsplan for resten av Nærøydalen, for å regulere inn areal for industri(råstoffutvinning). I og med at arealet ligg i verneområde, samt berører fleire ulike interesser, krev Plan- og bygningslova at planarbeidet vert ei kommunal områderegulering. Administrasjonen meinar at planarbeidet i Gudvangen ber preg av at det ikkje først vart utarbeidd ein kommunedelplan for Nærøydalen. Administrasjonen ber difor om at planavgrensinga vert grundig vurdert. Stadanalyse Som tilrådd i oppstartsmøte bør ein få utarbeidd ein stadanalyse for heile Aurlandsvangen, Tjøresva inkludert. I 2002 utarbeidd Feste Lillehammer AS ein stadanalyse for Aurlandsvangen i samband med reguleringsplanarbeidet. Intensjonane den gongen var at <<stadanalyse skal gje grunnlaget for å laga ein god plan for vidare utvikling av Aurlandsvangen. Med Lærdalstunnelen opna og mindre frakt med båt, vert situasjonen ny. Kva skjer med det gamle miljøet mot fjorden? Aurlandsvangen er ein stad med restar av 1800-talet sin tette strandstad, samstundes som han også skal vera moderne handels- og kommunesentrum. Her er det derfor mange omsyn å ta på eit etter måten liten sentrumsareal. Ein ynskjer samstundes å ta vare på særpreget som staden har, samtundes som det skal vera liv laga for arbeidsplassar, handel og service her. Turisme er og ei viktig næring for Aurlandsvangen>> På same måte som at Lærdalstunnelen vart opna den gongen, vil ei ny cruisekai på Aurlandsvangen føre til mange utfordringar og problemstillingar. Administrasjonen vurderar det difor som viktig at det vert utført ein ny stadanalyse for Aurlandsvangen. Analysen bør ha eit overordna fokus på å registrera, kartleggja og analysera Aurlandsvangen sentrum for å identifisera viktige kvalitetar som både kan gje moglegheiter og avgrensingar for framtidig utvikling. Vilkår for barn og unge, bustadar i sentrum og vekstmoglegheiter for det lokale næringslivet bør vera retningsgjevande for arbeidet. Gjennom ein medverknadsprosess bør det undersøkast kva ynskjer og oppfatningar som eksisterar lokalt om både kvalitetar og negative tilhøve ved sentrum. Brukarmedverknadsprosess kan gjennomførast gjennom etablering av eit ope kontor i sentrum, der innbyggjarane blir invitert inn for å gje sine innspel. Side 6 av 8

7 Planforum Planarbeidet bør so tidleg som råd bli teke opp til drøfting med statlege og regionale etatar i <<Planforum>>. I arbeidet med Kommunal Planstrategi er det inført planforummøte, der kommuen skal drøfte og presentere ulike planar som skal jobbast med. I samband med dette bør også dette planarbeidet drøftast. Ein vil då få signal om kva interesser som gjer seg gjeldande i området. Tilrådingar frå oppstartsmøte og planprogram I oppstartsmøte kom administrasjonen med ein del tilrådingar. Konsekvensane i høve miljø og samfunn skal utgreiiast. Viktige tema som må belysast er: - Etablering av cruisehamn må vurderast i eit regionalt perspektiv. Kva konsekvensar får ei slik hamn med i høve lokal og regional utvikling? - Likeeins miljøkonsekvensane i høve tettstaden der tilhøvet til lokal infrastruktur: trafikkbelastningen i høve bustadar og grøntareal osv. Kva mengde er berekraftig/tolegrensa? Ureining som klimautslepp og utslepp av organisk materiale i fjorden. Dersom dette er aktuelt må det vurderast avbøtande tiltak her.(straumforsyning medan båten ligg til kai, forbod mot utslepp osv.) - Fysisk utforming/estetikk: (døme: Balestrand eit av motargumenta var at eit slikt anlegg ville domminera sentrumsområde for mykje). Her er viktig å vurdera avbøtande tiltak eller alternative løysingar. Døme på dette er det nye cruisekaikonseptet: <<Teleskopanlegg som vert styrt hyrdraulisk ved anløp>> eller berre legge opp til anløp med tenderbåtar, slik som i Geiranger. - Grunnundersøkingar/skred må undersøkast nærare. Syner til rapport av Multiconsult(Noteby) for arealet like ved. Lokale tilhøve som føreset særleg utgreiing / vektlegging i planarbeidet: - Born og unge - Funksjonshemma og eldre - Universell utforming - Strandsona, sjø og vassdrag - Miljøvernfaglege vurderingar - Samfunnstryggleik og beredskap - Kommunikasjon, veg og vekteknisk - Trafikktyggleik - Kommunaltekniske anlegg - Stadutvikling - Folkehelse Statlege planretningsliner og særlover som vedkjem planarbeidet: Barn og unge sine interesser Verna vassdrag Samordna areal- og transportplanlegging Naturmangfaldloven Statlege planretningsliner for differensiert forvaltning av strandsona langs sjøen Side 7 av 8

8 Ureiningslova Utgreiingstema i planprogrammet: 1. Natur og miljø Naturmangfald (dyre- og planteliv), på land, i strandsona, i fjorden. 2. Landskap, kulturminne og kulturmiljø Skildring av tiltaket i landskapet - arkitektonisk og estetisk utforming, uttrykk og kvalitet. Vurdering av verknadar for landskap, identitet og særpreg for innbyggjarar og lokalsamfunn, nærmiljø, kulturmiljø (sosialt og kulturelt) 3. Ureining og energiforbruk Klimagassutslipp, andre utslepp til luft, ureining av jordbotn og vatn/fjord, energibehov og energibruk 4. Samfunnsmessige verknader for lokalsamfunn, for barn og unge sine oppvekstvilkår, beredskap og ulykkesrisiko (på kaia, langs vegen, på fjorden) 5. Friluftsliv tilgjenge til uteområde og gang- og sykkelvegnett, tilgjenge til strandsona og bruk av fjorden 6. Transport Transportbehov på land og på fjorden Syner til vedlagt planprogram som greiar meir ut om dei ulike tema som må utgreiiast, samt framdriftsplan og prosess for medverknad. Mellombels forbod mot oppretting og endring av eigedom eller tiltak Det vert tilrådd at område bør bli gjeve mellombels forbod mot oppretting og endring av eigedom eller tiltak etter 1-6 og andre tiltak som kan vanskeleggjera planarbeidet. Dette kan ikkje gjerast før planspørsmålet er eneleg avgjort. Er planspørsmålet ikkje endeleg avgjort seinast fire år etter at forbod er nedlagt, fell forbodet vekk, jf 13-2 i Pbl. Forhandling om småbåtkai med grunneigar Kommunen har ein 14 år gammal sak om småbåtkai på det aktuelle arealet, som det no etter fleire forhandlingar, er gjeve rammeløyve til. Dispensasjon vart gjeve i Formannskapet bør kome i nye forhandlingar med grunneigar for å avklare saka. Side 8 av 8